نفوس قاسية 6 بقلم منى أحمد حافظ
نظرت له جنة بتوتر وقالت:
– على فكرة مكنش في حد من الحرس واقف بابا أصلًا مكنش هيسمح أننا ننزل ونلعب وفي جمهور زي ما أنت بتقول.
مال عليها آدم بوجهه ورفع أصابعه يداعب وجهها وقال بهمس:
– وحشتيني أوي يا جنة آدم.
أحست جنة بضربات قلبها تشتد وحاولت أن تتحدث ولكن صوتها تلاشى منها وأغمضت عيناها وهي ترتجف وأحست بقدميها لا يقويان على حملها حينما، لفحتها أنفاس آدم لتتفاجىء بقبلته لها ففتحت عيناها تحدق به بصدمة ودفعته عنها بقوة ورفعت إصبعها أمام وجهه، وما أن همت تنهره حتى هاجمها مرة أخرى بسحبها داخل صدره وتقبليها من جديد، صرخت جنة بشدة وهي تتخلص منه وأسرعت تجري من أمامه، ولكنها تفاجئت بباب غرفتها موصد فنظرت بخوف إلى آدم وهو يقف مكانه يعقد يداه وينظر الى حيرتها وصدمتها، فاقترب منها وجذبها لتجلس بجانبه وقال بهدوء وهو يخرج ورقه من جيبه:
– أقري دي كده يا جنة آدم.
أخذت جنة الورقة منه وقرأتها لتقف وهي تتنفس بحدة وتقول:
– دي دي ليها سنين وبعدين احنا كنا بنلعب، أنا فاكرة أن وقتها مريام جابت الورق وكتبتها هي وعمران وقالوا الورقة دي علشان محدش يبعدهم عن بعض وبعدها خرجوا وسابونا، وجيت أنت بعدها وقلت تعالي نعمل زيهم وأهي تبقى ورقة تربطنا ببعض، وقلت لي أنك هتشيلها للذكرى وأنا مضيت، بس بعد كده فهمت أنه حرام وأن حاجة زي كده باطلة ومتنفعش، وأنت مجبتش سيرتها نهائي فأي حوار وأفتكرت أنك قطعتها و.
وضع آدم ساق فوق الأخرى وهو يستمع إليها واتسعت ابتسامته الماكرة وأردف:
– بس أنا عمري ما قولت لك أني قطعتها يا جنتي وبعدين أنا مكنتش صغير وقتها وكنت كبير وفاهم وما صدقت أن أنها تبقي معايا، ولو فاكرة أني كنت هعمل زي ما أخوكي ما عمل وأنه طلق مريام وقطع الورقة علشان عرف أنه مريض تبقي غلطانة، لأني غير عمران أنا آدم يا جنتي ومستحيل أفرط فاللي ليا ولا حتى أتنازل عنه وعلى فكرة أنا بلزمك باللي فالورقة دي.
ضحكت جنة بسخرية وقالت:
– بتلزمني بأيه أنت مجنون مافيش مسلمة بتتجوز مسيحي أبدًا، وبعدين أنا مش عارفة أزاي عمران يوافقك على الكلام الفارغ دا.
أجابها آدم بهدوء زاد من هياجها بقوله:
– عمران ميعرفش أني كتبتك الورقة دي من الأساس محدش أساسًا يعرف بيها غيري أنا وأنتِ وبس.
رمقته بحقد وكادت تصفعه ولكنه كبلها بنظراته المحذرة فهتفت مُردفة:
– تمام وأنا هنكر أني مضيت الورقة دي من الأصل وهقول أنك مزورها وهتبقى كلمتي قصاد كلمتك، دا غير أني هستشهد بأنك أتصلت بياسين وطلبت منه يجي يتجوزني فأزاي هتبقى زي ما بتقول متجوزاك عرفي وأنت جايب لي واحد غيرك أتجوزه رسمي!
