نفوس قاسية 6 بقلم منى أحمد حافظ
احتضنها آدم وقال:
– أكيد طبعا يا جنتي.
السادس والثلاثون.
.جنتــي.
—————–
وبدأ الحفل.
وقفت الفتيات أعلى السلم گأميرات من الخيال، حولهم ضباب ينتشر ووقفت جنة وزهرة خلف مريام وفاطمة تحمل كل منهما باقة من الورد، وقد أضاءت الوجوه ابتسامة رقيقة وعلا الصمت حينما تهادت الفتيات ببطء نحو الأسفل.
وقف عمران ورشدي في الأسفل وانظارهما معلقه بأعلى كل منهما يحمل قلبه بين يديه بانتظار عروسه، وما أن وصلت الفتاتان إليهما حتى أخذ عمران بيد مريام وقبلها فوضعت مريام يدها على يد عمران لتستند إليه فمال عليها وهمس بحب:
– أنا مش مصدق عيني مش مصدق أني كنت غبي لدرجة أني أخسرك وأسيبك لغيري سامحيني يا ماري.
ابتسمت له مريام بحب وقالت وهي تحدق بوجهه:
– مريم يا عمران أنا بحب اسمعها منك دايمًا متغيرهاش أبدًا يا حبيبي.
————-
احتضن رشدي فاطمة ودار بها فصاحت وهي تتعلق برقبته:
– حبيبي خلي بالك على نفسك أنا تقيلة عليك.
قبل رشدي جبهتها وقال وعيناه تغرق في عيناها:
– عجباني بكل حالاتك يا قلب رشدي أنا مش مصدق أن أخيرًا هيضمنا بيت لوحدنا، ياه يا فاطمة أخيرًا حلمي اتحقق معاكِ أنا بحبك يا مطلعة عيني بحبك.
علت الضحكات أثر ارتفاع صوت رشدي فاخفت فاطمة وجهها في صدره بخجل، فاقتربت منها والدتها وقالت:
– مبروك يا حبيبتي ألف مبروك يا رشدي ربنا يسعدكم يارب.
و نظرت إلى رشدي وقالت:
– خلي بالك من فاطمة يا رشدي وحطها جوا عينيك دي بنتي الوحيدة.
احتضن رشدي فاطمة وقال:
– فاطمة جوا قلبي وروحي ومش هتوصيني على نفسي أبدًا، دي النعمة اللي ربنا من عليا بيها.
ربت هاني على كتفه وقال:
– ابن أصول يا رشدي طول عمرك.
و احتضن منال وهمس لها:
– حبيبة قلبي اللي عمالة تصغر وتشعلل غيرتي عليها أكتر وأكتر.
نظرت منال له بحب وقالت بصوت منخفض:
– فهمت يا هاني غيران أني اتكلمت مع جوز بنتك يلا يا أخر صبري نقف بعيد عن عيون الناس اللي هتسرقني منك أنا حفظاك يا حبيبي.
ضحك هاني وقال بغيرة:
– بحبك أعمل أيه ومقدرش أشوف عيون بتبص ناحيتك مهما عدا عليكِ السن يا منال.
احتضنت منال كف هاني وقالت بحب:
– وأنا بحبك يا هاني وبحمد ربنا على وجودك فحياتي كل لحظة.
—————
تنهد مازن براحة وهو يرى السعادة تنضح على وجه ابنته، والتفت ونظر إلى زوجته وهي تكفكف دموعها وقال:
– بتعيطي ليه يا هايدي دي سنة الحياة، بس بذمتك الفرحة اللي فيها ماري دلوقتي ولا عيونها المطفية مع الأستاذ جورج.
