نفوس قاسية 6 بقلم منى أحمد حافظ

ابتسم آدم بحرج وقال:
– والله يا عمي أنا خلصت كل حاجة وسلمتها، وبصراحة كده نازل لجنة أنت عارف لما بتطلب تتكلم معايا مقدرش أرفض طالبها.

بادله آدم الابتسام وقال:
– ماشي وهو في حد يقدر يقول لجنة لأ اتفضل بس هو عمران فين.

ازدرد آدم لعابه وقال:
– عمران سافر إسكندرية يتابع المشروع هناك واحتمال يقعد هناك كام يوم.

زفر آدم بضيق وقال:
– بس في ورق عايز امضته منه ضروري عليه ما تخليك جدع وتطير تمضيه وترجع.

حدق آدم به وقال بضيق خفيف:
– طيب وجنة يا عمي.

صمت آدم قليلا وحك ذقنه بعدما فكر قليلًا وقال:
– خلاص خدها معاك وسافروا لعمران أهي تغير جو معاك ومتتأخروش وطمني عليكم باستمرار.

أخذ آدم الأوراق وهرع إلى جنة التي وقفت تنتظره بتأفف، وما أن رأته حتى قالت بضيق وهي تجلس بجانب مقعده بعدما فتح لها الباب:
– كل دا يا سي آدم مكنتش نص ساعة هتكلم معاك وأروح.

ابتسم آدم لها وجلس هو الآخر وقال:
– تروحي أيه أنا عندي أمر مباشر افسحك فاسكندرية احنا رايحين لعمران.

حدقت به جنة وشعرت بسعادة تغمرها وقالت:
– بجد إسكندرية طيب وبابا و.

قاطعها آدم وقال:
– بقولك أوامر عليا يعني من عمي آدم نفسه.

مدت جنة يدها وقبضت على يد آدم بشدة وقالت:
– أنا فرحانة أوي يا آدم أنت متعرفش بحب إسكندرية قد أيه، بس شرط توديني البحر مش تقولي اتأخرنا والكلام دا.

جذب آدم يده من يد جنة وهو يشعر بالارتباك فابتسم لها وقاد سيارته وقال:
– هعملك كل اللي أنتِ عوزاه يا جنة.

عبست جنة ولكزته على كتفه وقالت بمرح:
– أول مرة تقولي جنة بس فين جنة آدم يا أستاذ دومة.

لزم آدم الصمت وقاد سيارته فحدقت به جنة بتعجب وعدلت من وضع مقعدها وهمست:
– طيب أنا هغمض عيني شوية لأني معرفتش أنام، أصلًا أنا مش بنام يا آدم ومش عارفة هعمل أيه فحياتي بقيت عاملة زي جزع الشجرة واقف زي الهيكل بس فاضي من جوا، أنت عارف إن ياسين سافر الأستاذ هرب ومحاولش حتى أنه يغير رأي بابا ولا يبين لي أنه شاريني، إنما أستسهل وسافر والعجيب أن بابا غير رأيه ووافق أني اتجوز ياسين.

أوقف آدم سيارته فجأة وحدق بوجه جنة وقال:
– عمي آدم وافق يجوزك ياسين مستحيل أصدق أنه غير رأيه.

بادلته جنة التحديق وقالت:
– صدقني بقولك بابا وافق فعلا.

ازدرد آدم لعابه وقال بصوت خافت:
– وأنتِ بلغتي ياسين خلاص أن عمي وافق.