نفوس قاسية 5 بقلم منى أحمد حافظ

حدقت به منال بدهشة وقالت بفرحة:
– بتتكلم جد يا هاني هتخليني اشتغل.

أحس هاني بسعادة لتغير مودها فعيناها اضائتها الفرحة فقال:
– ايوة بس هتشتغلي معايا فالعيادة هننزل سوا ونرجع سوا وهديلك المرتب اللي كانت بتاخده السكرتيرة اللي مشيت أيه رأيك.

قبلته منال وهي تحمد الله وقالت:
– أي حاجة مش مهم المهم أني اشتغل و.

صمتت منال فجأة وحدقت بهاني وعقدت حاجبيها وقالت:
– بس أنت أيه اللي خلاك تغير رأيك فجأة كده.

ارتبك هاني وتدارك الأمر سريعًا ولكن منال أحست به فأبتعدت عنه وهي تشعر بالألم وغادرت فراشها وقالت:
– هاني أنت سمعتني وأنا بتكلم مع هناء امبارح صح، سمعتني وأنا بتكلم وطبعًا حبيت تعمل معروف فقلت تحسن ليا وتنزلي الشغل معاك، منها مبعدش عنك ومنها تديني حسنة لاهلي مش كده، ما تجاوبني يا دكتور وقفت تسمع كلامي مع اختي ليه؟ أزاي تسمح لنفسك؟

تحرك هاني نحوها ووقف أمامها وقال بضيق:
– أنتِ مراتي يا منال يعنى لازم أكون أنا أول واحد تلجئي له، أزاي تخبي حاجة زي دي أزاي مقولتيش أن عمك مانع حقكم وسايق فيها، أنتِ ليه عاملة فرق بينا.

حدقت به منال بانكسار وقالت:
– علشان فعلًا في فرق يا هايى في فرق بين حياتي وحياتك بين ظروفي وظروفك وأنا استحالة أقبل منك حسنة لأهلي.

صاح هاني بحدة لاحساسه بابتعاد منال عنه:
– منال أخر مرة اسمعك تقولي كده أنا مش بقدم لك حسنة الكلام دا هتتحاسبي عليه على فكرة، وبعدين اهلك دول هما أهلي بالظبط وأنا اللي رافض أنك تعملي فرق ما بينا بالشكل دا.

لم تتمالك منال نفسها وبكت بشدة فضمها هاني إلى صدره وقال:
– حقك عليا يا منال أنا ساعات دماغي بتقفل معرفش أزاي وكان لازم أحس بيكِ من الأول من أول ما قولتي أن عمك غصبك وهددكم بصي أنا هشيل مصاريف أخواتك و.

دفعته منال بحدة وقالت:
– لا يا هاني لا بجد حرام عليك أنت ليه مصر تكسرني وتخليني أحس أني أقل منك بالشكل دا.

جذبها هاني بقوة اليه مرة أخرى وقال بغضب:
– الظاهر أني دلعتك يا منال علشان تزقيني بالشكل دا لا أنا مقبلش تقللي مني بأي شكل من الأشكا، وبالنسبة لموضوع أخواتك والمصاريف اعتبريه دين لحد ما اخواتك ياخدوا ورثهم من عمك، ولحد ما أشوف لك أنتِ وأختك محامي يرجع لكم حقكم، ووقتها أبقي أدفعي علشان متقوليش أني بقلل منك، رغم أن كرامتك من كرامتي واستحالة أقلل منك أبدًا، وشكرًا أوي يا منال على ثقتك فيا وعلى رأيك دا، بس أنا عايز اسألك سؤال يا منال وفكري كويس قبل ما تجاوبي عليه، أنتِ وافقتي تتجوزيني ليه يا منال طالما كل المشاعر دي جواكِ ليا؟ ليه قبلتي تشاركيني حياتي وأنتِ رافضة تدخليني حياتك ليه يا منال؟