نفوس قاسية 5 بقلم منى أحمد حافظ

تنهد آدم باستسلام فملامح سهر تعذبه رغم طلبها المستحيل، فحول نظره إلى وجه إسماعيل الذي جلس براحة على أحد المقاعد ينظر لهم كأنه يتابع أحد الأفلام المثيرة، ورفع حاجبه وهو يبادل آدم النظرات وهز رأسه رافضا وقال:
– لا أنسى أنا مش هخالف القانون علشان خاطر طيبة قلب مراتك أنسى يا أستاذ آدم.

بكت سهر حينما أنهى إسماعيل حديثه فعبس آدم في وجه إسماعيل وقال:
– إسماعيل وبعدين.

وقف إسماعيل وقال بتهكم:
– يا دي إسماعيل ويا دي المعرفة الهباب اللي خلتني اتعامل معاكم من الأساس، أنا من ساعة ما عرفتك وأنا بخالف القانون وشكلي فالأخر هعتزل وأقعد فالبلد أزرع حته الأرض واربي العيال علشان اخلص منك.

ابتسم آدم وقال:
– هعوضهالك بالراس الكبيرة غسان باشا.

لكزت سهر كتف آدم فجأة وهي تشير لمازن فلاحظها مازن وقال:
– يلا بينا يا إسماعيل دي سهر هتطلع البلد كلها براءة.

وتوجه إلى داليا وجذبها خلفه وتسلمها منه إسماعيل الذي نظر لها باحتقار وقال:
– خسارة فيكِ دمعة واحدة من الناس دي، أنا لو عليا اسجنك لحد ما تقولي حقي برقبتي اتفضلي أدامي هاتي الملفات والتسجيل اللي عندك، وربنا يسهل وأعرف اخرجك من الليلة دي.

وبالفعل تم لسهر ما أردات فقد وضع إسماعيل داليا في قائمة الشهود لتقديمها كافة الأدلة التي ادانت غسان، وخرجت داليا من سرايا النيابة بعدما صفعتها سهر بمساعدتها والعفو عنها، وها هي اليوم حاولت أن تنال منها أخر معروف وهو السماح لتختفي عنهم للابد.
عاد آدم إلى الداخل بعدما اطمئن لاختفاء داليا عن ناظريه واطمئن لإنشغال سهر بأطفاله، فجلس بجانبها يحمل عنها جنة ويقبلها فحدقت به سهر وقالت:
– حبيبي يا دومي لما تيجي تبوس جنة يبقى لازم تبوس رشدي وعمران كمان، ولما تشيل جنة يبقى تشيل رشدي وعمران كمان، علشان لو أنت اهتميت بجنة بس أنا هزعل منك وزعلي وحش أوي يا دومي.

ضحك آدم وهو يقبل جنة من وجنتها ويقول:
– ماما بتغير يا جنتي شوفتي جنان ماما يا حياتي.

لكزته سهر وقالت:
– ظريف أوي يا آدم ما أنت كمان بتغير من رشدي ولما بحضنه وبنيمه معايا و.

وضع آدم إصبعه يمنعها من إكمال حديثها وحدق بها وقال:
– اهتمامك بالأولاد حاجة إنما أنك تاخدي وقتي واهتمامك بيا ليهم خلي بالك أنا ممكن اولع الدنيا بحالها لو حد خدك مني حتى لو سي رشدي اللي متعلق فرقبتك وهو شبه البرص كده.