نفوس قاسية 5 بقلم منى أحمد حافظ
شدد هاني من احتضانها وقال بحب:
– بس البوسة دي يا منال تضحكي بيها على ابن اختك، إنما هاني حبيب القلب لازم يبقى له حاجة مخصوص وأنا بقى هعلمك المخصوص دا يبقى أزاي.
———————-
تسللت سهر ببطء لتقف خلف آدم ومدت يدها فجأة وخطفت من بين يديه هاتفه فالتفت إليها آدم بحدة وقبض على يدها ووقف رافعًا حاجبه فقالت بضيق:
– بتبص لي كده ليه ما أنت بصراحة طول اليوم ماسك الموبايل ومطنشني مش عارفة فيه أيه شاغلك عني أنت بتكلم مين يا آدم.
سحب آدم هاتفه من يدها وقال:
– بخلص شغلي فمصر يا سهر أنا مش قاعد بلعب ولا قاعد بكلم حد أنا بخلص الشغل بتابعه بالموبايل لحد ما نرجع مصر، وأظن أنك عارفة الموضوع دا من زمان كنت بقعد أخلص شغلي على اللاب.
عبست سهر وهي تغير اتجاهها للمطبخ وقالت:
– مقولتش حاجة بس أنت بقيت بتقضي كل الوقت وأنت متنح للموبايل وكل ما أقرب منك تقفل وتبعد موبايلك عني وأنا بصراحة بدأت أشك أنك تكون بتعرف حد عليا.
وقف آدم في مكانه يحدق بها بدهشة فقال:
– شاكة فأيه يا سهر.
لم يسمع أي رد من سهر فاقترب من المطبخ فوجدها تجلس أرضًا تفترش الأرض بالطعام فوقف على باب المطبخ وقال:
– سهر هو مش احنا لسه مخلصين غدا.
رفعت سهر عيناها إليه وقالت:
– جعانة يا آدم بلاش أكل ولا أيه.
أجابها آدم مبتسما وقال:
– لا يا جنتي كلى براحتك، بس أنا خايف عليكِ تتخني أنتِ مش ملاحظة أن وزنك بيزيد.
توقفت سهر عن تناول الطعام وقالت:
– أنت بتتكلم جد يا آدم أنا فعلًا تخنت يعني أنا هيبقى شكلي وحش وأنت هتروح تعرف واحدة غيري وهيبقى معاك العذر علشان بقيت تخينة هتسبني يا آدم.
اقترب منها آدم ورفعها لتقف أمامه وأحاط وجهها بكفيه وقال:
– تاني مرة تقولي واحدة تانية غيرك بذمتك دا كلام يتقال لآدم حبيبك وبعدين يا جنتي خد الموابايل أهو لو شاكة فيا فتشي فيه واطمني.
خفضت سهر عيناها أرضًا وقالت:
– متزعلش يا آدم بس أنا مش عارفة مالي بجد ساعات بحس بخوف وساعات أعصابي بتبقى مشدودة، ولما بتمسك الموبايل بحس بغيرة بحسك ماسك واحدة بين أيديك.
شدها آدم إلى صدره وقال:
– سهر اللي أنتِ فيه تغير هورمونات بسبب الحمل دي حاجة طبيعية بين الحوامل.
دفعته سهر عنها بغضب وقالت:
– وأنت عرفت منين الكلام دا شوفت أنا قلبي حاسس أنت بتعرف واحدة تانية و.
