نفوس قاسية 5 بقلم منى أحمد حافظ
رفعت زهرة حاجبها وقالت بضيق:
– قلت لك قبل كده يا شادي أنا أكبر منك والتفت لدراستك أنت لسه فثانوي ومحتاج تركيز وعيب أوي اللي بتعمله دا، وبجد لو كررتها تاني وفضلت تتنح أنا هقول لعمي محمد يا أما هلغي كل شغلي مع المشتل بتاعكم وأشوف حد تاني فاهم.
اتاهم صوته يقول بتساؤل جعل قلب زهرة يخفق بشدة:
– الأستاذ مضيقيك يا أنسة زهرة ولا أيه.
التفتت زهرة واحمر وجهها خجلا فحدق بها شادي وبادل نظره بينها وبين ذلك المقتحم لحديثهما ولاحظ نظراتها له فشعر بالضيق وقال:
– لا مافيش حاجة مضايقة زهرة حضرتك تطلب أيه.
اهمل اسامة حديث شادي ووجه بصره لزهرة وقال:
– طلبي جاهز يا زهرة ولا لسه.
سقطت الأزهار من يد زهرة حينما سمعت اسامة يناديها دون لقب فازدردت لعابها وقالت بتردد:
– خمس دقايق بس هكمل إستلام وأعمل لحضرتك البوكية، معلش يا أستاذ اسامة آسفة على التأخير.
ازداد ضيق شادي من اسامة فقال بهجوم:
– ويا ترى بقى بوكية الورد هترسم بيه على مين يا أستاذ أنت.
أغمض أسامه عيناه بحزن وتنهد ببطء وقال بصوت ملىء بالألم:
– اللي زيك ميعرفش أن الورد مبيترسمش بيه على حد لأنه كلام الحب اللي بيتحس بيه بين القلوب.
تهكم شادي أكثر وقال بغيرة واضحة:
– كمان شاعر دا أنت بترسم على كبير أوي بس مش شايف أنك كبير شوية فالسن يا عمو على موضوع الورد والحب دا.
شعر اسامه بالغضب من هذا المراهق فحدق به بغضب وقال وهو يحاول التحكم في صوته:
– السن مالوش دخل بالحب ولو سمحت احترم خصوصيات غيرك أسلوبك فالكلام مش عاجبني ولولا أننا فكان محترم كنت علمتك أزاي تتكلم مع الأكبر منك.
اسرعت زهرة تنهر شادي وقالت بغضب:
– اتفضل روح يا شادي ومتجيش تاني وأنا فعلًا هلغي كل شغلي معاكم، أنت بجد اتخطيت حدودك مش معنى أني بكلمك زي اخويا تتمادى فيها وتتكلم مع أستاذ اسامة بالأسلوب دا، اتفضل امشي يا شادي بدل ما ازعلك بجد.
حدق بها شادى بغضب وقال دون وعي:
أنتِ بتطرديني عشانه أنتِ فاكرة أني مش عارف اللي بينكم أنا ملاحظه دا بيجيلك كل يوم الصبح ويفضل يبص عليكِ وأنتِ بتعملي له البوكية وأنتِ كمان مبتشيليش عينك من عليه لحد ما يمشي أنا عارف أنك بتحبيه هو يا خسارة أني فكرتي فيكِ يا زهرة.
أحست زهرة بالاحراج من حديث شادي وحدقت به بصدمه فسمعت صوت اسامه يقول بنفاذ صبر:
– أنت فعلًا محتاجة تتعاد تربيتك من أول وجديد ولعلمك أنا باخد بوكية الورد كل يوم لمراتي وعمري ما فكرت وهفكر فواحدة غيرها وعيب أوي كلامك دا.
