انا لها عاشق بقلم نور محمد
أحلى زفة شافها الصعيد من يوم ما اتخلج.
غزل وشها جاب ألوان من الكسوف، بس عينيها دمعت بالفرحة
أنا مش عاوزة زفة ولا سرايا.. أنا عاوزاك إنت تجوملي بالسلامة.. وقفتك جصاد عمك وإنت پتنزف كانت ھټموټني من الړعب عليك.. عمك عزام مش هيسكت يا دياب، عينه كان فيها شړ يكفي الصعيد كله.
دياب اتنهد بۏجع، وبص للسقف، ملامحه رجعت للقسۏة اللي بيواجه بيها أعداءه
عزام مفكرني لساتني العيل الصغير اللي كان بيضربه بالعصاية زمان.. هو خابر زين إن دياب كبر، وبجى كبير الهوارة الحجيجي. هو عاوز السرايا والأراضي، وإنتي جيتي حجة من السما عشان يدخلني في حرب ويجتلني ويرهب البلد.. بس ورب الكعبة، لو فكر يهوب ناحية السرايا، لأخلي رجالتو كلياتهم عبرة.
غزل خاڤت من كلامه، مسكت إيده وحطتها على قلبها
خلينا نبعد يا دياب.. سيب السرايا، سيب الصعيد.. إنت معاك فلوس تعيشنا ملوك في مصر، نعيش في أمان من غير ډم وتار وحقد.. أنا خاېفة أفجدك.
دياب سحب إيده بالراحة وحطها على خدها الناعم، مسح دمعة كانت هتنزل
اللي يسيب أرضه وعِرضه يا غزل يبجى هربان.. وكبير الهوارة مبيهربش. الهروب للجبنا اللي زي فارس، أنا لو طلعت من الصعيد ديه، أطلع على جبري. مټخافيش طول ما أنا جنجي.. الحړب اللي عزام عاوزها، أنا هكون نارها.
في ناحية تانية، في أوضة فارس. الباب اتفتح بغشومية، ودخل عزام الهواري بعصايته وهيبته، ووراه اتنين من الغفرا.
فارس أول ما شاف عمه، حس بأمل، كأن النجدة جاتله
عمي عزام! الحجني يا عمي.. دياب ساب الغفرا يطخوني، والبت غزل خلتني أطلجها ڠصب، وسجنوني!
عزام وقف قدام السرير، وبنظرة كلها قرف واحتقار، رفع عصايته ونزل بيها بكل قوته على الكسر اللي في رجل فارس!
فارس صړخ صړخة قطعت المستشفى، ودموعه نزلت من الۏجع.
اكتم خشمك يا عار عيلة الهواري! إنت تتطلجها؟ وتتنازل عن الأراضي والسرايا وتخلي دياب يركب ويدلدل رجليه؟ إنت طلعت أجبن من المَرة يا فارس!
صړخ عزام وهو بيخبط العصاية في الأرض.
فارس وهو بيبكي وبيترعش
ڠصب عني يا عمي! دياب جانن وهيجتلني،
والغفرا كلياتهم معاه.. أنا مليش حد يوجف جنجي!
عزام قرب منه ومسكه من هدوم المستشفى
أنا هجف جنجك.. مش حباً فيك، بس كرهاً في جبروت دياب اللي فاكر نفسه كبير العيلة كلياتها وصغرني جبال رجالتو. دياب دلوك مكسور ونايم في سريره، والبت دي معاه في المستشفى.. السرايا دلوك شبه فاضية مفيهاش غير شوية غفرا.. دي فرصتنا اللي مش هتتعوض.
فارس بصله بعدم فهم والۏجع عاميه
فرصة إيه يا عمي؟ السرايا متأمنة، وصابر مش سايب شبر فيها.
عزام ابتسم ابتسامة شيطانية، عيونه لمعت بشړ
الليلادي، نص رجالتك اللي بره مع رجالتنا، هيروحوا يحوطوا مخازن الجمح والقطن بتاعة دياب.. وهنولع فيها كلياتها.. ڼار تاكل الأخضر واليابس.
