زواج غير تقليدي سارة الراوي١

#زواج_غير_تقليدي_1

زواج غير تقليدي ،، نعم بسمة و عمر قصتهم ابتدت غير تقليديه كان يربطهم عقد زواج ولكن ماهو فعلا بينهم عقد كره والم ولكن الالم هو الذي يولد الحب احيانا فهل مابينهم هو كره ام هو حب ؟
محمود و سمير اخين ابتدو من الصفر و اسسو محل صغير و فضلو يكبروه عشرين سنه لحد ما النهارده بقه سلسله من محلات الاثاث فالقاهره
لكن القدر شاء ان يلعب لعبته لما حصلت حادثة عربيه لسمير و زوجته سميحة و توفو ليتركو ورائهم ابنتهم بسمة 24 سنه وحيده في هذه الدنيا لتواجه مصاعب الحياة بمفردها
عائله محمود النجار
محمود ،، الاب ، رجل قاسي لا يحب ان يضهر حنانه امام اولاده رغم حبه لهم و خوفو عليهم
فاطمة،، الام ، حنونه جدا و متدينه و محترمة
سماح ،، الابنه الصغرى 23 سنه لطيفه و لمضة جدا متزوجه و حامل
مراد ،، زوج سماح يسكن في بيت اهلها و يعمل معهم و هو محترم و خدوم جدا
عمر، 30سنة الابن الاكبر هو شاب وسيم هادي و مؤدب و شخصيته غامضه مبيحبش يكسر كلمة والده مهما حصل …..

بعد مرور سته اشهر على الحادث
محمود،الاب، انا مش حسيب بنت اخويه عايشه عند خالتهه و هي عندهه عم دي بنت سمير اخويه اللي عمره مطلب مني حاجه ووصاني على بنته
فاطمة، الام، الله يرحمه هو و مراته كانو طيبين و بسمه كانت دلوعتهم
محمود، بتوتر ، عمر لازم يتجوز بسمه بنت عمه
فاطمة ، ايه؟ ياريت بس انت عارف رايه فالجواز رافض الموضوع تماما
محمود ، بعصبيه، انا مليش دعوه بالكلام ده بلغي ابنك انه الخميس الجاي دخلته على بنت عمه
فاطمة، انت بتقول ايه طب خد رأي البنت الاول و ابنك يامحمود حرام تضلمه مش كفايه رميت كل المسؤوليه عليه بعد موت اخوك حرام عليك دا مبينمش حيلاقي وقت جواز و جهاز ازاي
محمود ، انا عايزه يطلع راجل و مش هدلعه خالص و بعدين جهاز ايه اللي انت بتتكلميه فيه انا هجيبلوهم اوضة و يسكنو معانا هنا الفيلا واسعه و نعملهم فرح صغير فالجنينه و خلاص
فاطمه،، حاضر حقول لعمر
محمود ،،و فهميه اني مش هارجع في كلامي خالص

عمر ،، واقف شارد الذهن فالبلكونه بعد ان بلغته والدته بطلب والده
سماح، دخلت الغرفه وهي بتغني يا دبله الخطوبه
انتبه عمر لصوت اخته و فاق من شروده
سماح ،، ايه يا عمر مالك انا كنت فاكره انك فرحان دي بسمة يا عموره انت تطول ههههههه
عمر و قفزت دمعه من عينه غصب عنه ،،، حضلمهه معايا يا سماح
سماح بفزع ، ايه الدموع دي يا عمر انا عمري مشفتك ضعيف كده فيه ايه ليه بتقول كده
عمر، وقد انتبه لنفسه مسح دموعه بسرعه
عمر،، بهزر معاكي يا سوسو انا بس مش عايز اتجوز
سماح، انت مخبي عليه حاجه
عمر ، ليه بتقولي كده
سماح ، عشان انت عمرك مكنت زعلان كده ايه الحزن اللي فعنيك دي !!! وبعدين بسمه يتيمه و جميله اوي و مثقفه يعني مفيهاش عيب
عمر ،، انا عارف بس …
سماح ،، بس ايه انت بتتلكك عشان مقولكش هات حلاوتي
عمر ،، حلاوه ايه هو انت جبتيلي وضيفه
ضحكت سماح من قلبهه فهي تحب اخيها و متعلقه بيه فوق الوصف
اما عمر فعاد لشروده و هو يتذكر ذالك اليوم المشؤوم عندما اغمه عليه فالنادي و اخدو على المستشفى و هناك طلبو منه يعمل فحوصات و عملهه فعلا و راح لدكتور صاحب والده و اخدله نتيجه التحاليل
عمر ،، طمني يا دكتور
الدكتور منير ،، بص يا عمر انت ابن اعز صحابي و مش حخبي عليك مرضك بس انت لازم تعرف انك حتواجه مرحله صعبه
عمر بتوتر و قلق،، ارجوك يا دكتور قلي الصراحه فيه ايه ؟؟؟
الدكتور ،، بحزن، ورم في المخ
ايييييه يا عمر روحت فين انا بكلمك
عمر،، سماح انا اسف عندي شغل و لازم اروح

وصل عمر لعربيته و رن تلفونه و بص في الشاشه اللي كان مكتوب عليهه ،دكتور منير ، فتردد فالاجابه و لكنه اجاب
عمر ، ايوا يا دكتور ازيك
الدكتور، يابني انت اللي ازيك
عمر ، الحمد الله انا باخد المسكنات اللي وصفتهالي
الدكتور، مينفعش كده يا عمر اهلك لازم يعرفو عشان يساعدوك و بعدين على الاقل يمكن هم يقدرو يقنعوك تتعالج
عمر، بصرامه ، لا !!! ارجوك انت وعدتني ان ده سر و محدش لازم يعرفه
الدكتور ، انت مش هتستحمل الالم لوحدك يا عمر لازم تتعالج و اهلك لازم يكونو معاك
عمر ،، ارجوك يا دكتور انا مش ضعيف و اقدر استحمل و بعدين انا قلتلك اني هعمل العلاج الكميائي لكن العمليه لاء !!!!
الدكتور ،، عمر انا بباك قلي انك هتتجوز و انا قلتلك ان العمليه فرصه نجحها اكتر بكتير من العلاج الكيميائي لوحده ، فكر فالموضوع علشان خطيبتك على الاقل ارجوك
عمر،، حضرتك عارف ان ابويه لو عرف حيفتكر اني ضعيف و يبصلي بنضره شفقه
الدكتور ، لا يا عمر المرض مش ضعف و بباك لازم يعرف مفيش حد بيحبك و بيخاف عليك اده
عمر ، خلاص يا دكتور ارجوك اقفل الموضوع ده
الدكتور ، ماشي براحتك
عمر ، شكرا مع السلامه
كان عمر سايق العربيه و هو بيفكر في كلام الدكتور و هو بيقوله انه والده بيحبه و يخاف عليه
عمر، و هو بيكلم نفسه ، ياريت كان بينلي اي حب او حنان ده انا طول عمري بعمل اللي هو عايزه و هو عمره مقلي كلمه شكر او حتى اهتم بيه ده لو عرف بمرضي اكيد حيقول اني مافيش مني فايده ، لاء مش لازم حد يعرف حتى بسمه لازم اخليها تكرهني عشان متتعذبش لو حصلي حاجه ،، يارب ساعدني اني اخليهه تكرهنني و تطلب الطلاق بنفسها!!!!!
يوم الزفاف ………..
طلت بسمه بفستان الزفاف

#زواج_غير_تقليدي_2

ماأصعب أن تبكي بلا… دموع…..وما أصعب..أن تذهب بلا رجوع
وماصعب أن تشعر بالضيق….وكأن المكان من حولك … يضيق
مااصعب ان تتكلم بلا صوت
ان تحيى كى تنتظر الموت
مااصعب ان تشعر بالسأم
فترى كل من حولك عدم
ويسودك احساس الندم
على إثم لا تعرفه …. وذنب لم تقترفه
ما اصعب ان تشعربالحزن العميق
وكأنه كامن فى داخلك ألم عريق
تستكمل وحدك الطريق
بلا هدف… بلا شريك… بلا رفيق
وتصير انت و الحزن و الندم فريق
و تجد وجهك بين الدموع غريق
و يتحول الأمل الباقى الى…. بريق
مااصعب ان تعيش داخل نفسك وحيد
بلا صديق… بلا رفيق… بلا حبيب
تشعر ان الفرح بعيد
وفي داخلك جرح لا يطيب

ليلة زفاف بسمة و عمر
كل شئ كان جاهز الفيلا تزينت باحلى انواع الورد و اجمل اللوحات المضيئة و الاشجار تزينت بالانوار
جنينه الفيلا كانت كانها من افخم صالات الافراح و تخللتها الموسيقى الهادئه و الشموع لتضفي جو رومانسي على الحفله
و تقديرا لضروف وفاه اهل بسمه كانو المعزيم من المقربين فقط بعض الاقارب و اصدقاء العروسين المقربين

في الطابق العلوي من الفيلا
فاطمة، بسم الله ماشاء الله ايه الجمال ده يابني انا فرحانه اوي النهارده اخيرا شفتك عريس يا عمر
عمر، ربنا يخليكي ليه يا ماما
فاطمة ، مالك يا بني انت حتفضل طول عمرك تشيل في قلبك كده ، قلي يا حبيبي ايه اللي مزعلك طب والله دي بسمه ست البنات
عمر ، انا كويس يا ماما انا بس كان نفسي ان بابا يديني اختيار مش يقلي الاسبوع الجاي حتتجوز وخلاص
فاطمة ، بحزن ، مانت عارف ابوك طول عمره عصبي و بعدين ده بيحبك اوي والله و انت لازم تديلو الحق دي بسمه بنت اخو برضو و خايف عليهه
عمر ، طب وانا معنديش احساس خالص ده انا لو خدت اجازه يوم بيعاملني و كاني مجرم و مقصر فشغلي حجيب منين وقت لبسمة
فاطمة ، خلاص يا عمر الكلام ده ممنوش فايده دلوقتي يلا بقى عروستك مستنية

في الغرفة المجاورة
سماح ، انت قمر والله يا بسمة يابخت اخوية بيكي
رجاء،خالة بسمه، حلوه اوي طرحتك يا حبيبتي لو مامتك كانت هنا كانت هتلبسهالك باديهه
بسمة ، ببكاء، الله يرحمهم كان نفسي اوي يكونو معايه انا مش عارفه حكمل حياتي ازاي من غيرهم
سماح ، خلاص بقه متعيطيش لحسن المكياج يبوض و اخويه يتخض هههههههههههههههههههههههههههههه
و كالعاده سماح خلت الجو يبقى كوميدي و الكل نسيو للحضه اللي كانو فيه

و على اصوات موسيقى الزفة طلت بسمه على الحضور بفستانها الابيض و كان الجميع ينضرون لها بانبهار فهي تمتلك قوام ساحر و عيون عسليه بريئه ووجه ابيض جميل يشع طيبه و حنان ، اقترب عمر ليرفع الطرحه عن وجههاكل خطوه بيقترب فيهه من بسمة كان قلبه يدق بشده و التوتر يزداد لحد ما رفع الطرحه و بص في عنيهه اللي لاول كان بينتبه للدفا و الحنان اللي فيهم و حمره الخجل في وجهها زينتها اكثر من المكياج
الحفلة كانت بسيطة و كل الناس رقصت و غنت و الفرح كان قد عم اجواء الفيلا الكل كان منشغل بشى الا العروسين فكل منهما كان يفكر بطريقه تختلف عن الاخر و الشئ الوحيد اللذي كان يجمعهم في ذالك الوقت هو الخوف من المستقبل
انتهت الحفله بعد نص الليل و عمر و بسمه كان لازم يطلعو اوضتهم

في داخل غرفه النوم
عمر وهو جالس على السرير بانتضار بسمه التي دخلت الحمام لتغير ملابسها
عمر، يارب انا مش عايز اضلمها و لا حاقدر اعاملها كزوجه و مش عارف اعمل ايه و لا عارف رد فعلها حيكون ايه

في هذه الاثناء خرجت بسمة من الحمام و كانت لابسه بجامه حرير لونها ابيض و شعرها الاشقر منسدل على ضهرها كانت تبدو كالاميرات لدرجه ا عمر نسي نفسه و هو بيبصلها و انبهر بجمالها لان دي كانت اول مره يشوف فيها شعرها من غير الحجاب
عمر و قد انتبه على نفسه ، تت تحبي نتعشا دلوقتي
بسمة بخجل ، لا انا مش جعانه
عمر ، انا كنت عايز اكلمك في موضوع بس مش عايز انك تزعلي مني علشان انا بعمل ده لمصلحتك
بسمة ،بقلق ، في حاجه حصلت ياعمر
عمر، بسمه انتي عارفه ان ابويه طول عمره عصبي و انا مش بقوله على حاجه لاء علشان هو قلبه تعبان وانا بخاف عليه ليحصله حاجه
بسمة،، انا فاكره ان بابا كان دايما يقولي الكلام ده بس انا بصراحه بشوفو مش عصبي خالص
عمر،، هو بصراحه عصبي معايا انا بس حتى سماح مش عصبي معاها خالص ، المهم ان انا عايز اقولك انه بصراحه بابا اجبرني على الجواز ،،،،،،،،،،،،،،،،،،،،،،،،

و كان كلامه كان صفعه لبسمة كانت حاسه انها فكابوس و حست ان كرامتها اتجرحت و كبريائها اتكسر
عمر و قد لاحظ التوتر على وجه سماحوشعر بالذنب،،،،،،،،

انا اسف يا بسمة انا مش قصدي اجرحك بس انا مفيش فحياتي غير الشغل و عمري مفكرت فالجواز
بسمه و قد تمالكت نفسها،، بالعكس يا عمر انت وفرت عليه الكلام انا اصلا مكنتش عايزه اتجوز دلووقت بس علشان عمي ميزعلش مني وافقت

رد بسمة كان مفاجأة من العيار الثقيل بالنسبه لعمر ،، لم يكن يعرف لمذا احس بالضيق من كلامها مع انه هو ده الكلام اللي المفروض يفرحو

عمر و هو مش عارف يرد عليهه ،، انا مكنتش متوقع انك بتفكري زيي و مش عايزه تتجوزي

بسمة ،، بعصبيه طب احنا هنعمل ايه دلوقتي
عمر ،، احنا لازم نبين للكل ان احنا متجوزين عادي و ممكن بعد فتره ننفصل لاي سبب
بسمة،، فتره اد ايه ؟؟
عمر ،، ايه انت عايزه تخلصي بسرعه هههه
بسمة ،، و انت كمان حتخلص مني
عمر و قد فهم ما يدور في رأس بسمة ،،

انا مش بكرهك يا بسمه انتي بنت عمي و احنا ممكن نبقى صحاب مش لازم نكره بعض فالفتره دي

بسمه ،، صحاب،، اه و ماله بس برضو مقولتليش لحد امته
عمر ،، سنه كويس
بسمة ، ماشي بس مش عايزه حد فالبيت يعرف اي حاجه عمر ، حاضر اوعدك ان محدش يعرف اتفقنا ده
بسمه ،، شكرا

عمر ،، انت نامي على السرير و انا حنام على الكنبه
بسمة ،، تصبح على خير
عمر ،، و انت من اهله

اصرت بسمه على النوم بسرعه لانها كانت تحاول ان تخفي دموعها
بسمه في الفراش،، معقوله اللي بيحصلي ده ، انا كنت فاكره انه بيحبني كنت فاكره اني خلاص مش حعيش لوحدي بعد كده و اني حكون عيله جديده تعوضني عن فراق اهلي، بس خلاص هو مش عايزني اصلا و انا كمان مش عايزاه خلاص و لا حفكر فيه غير كصديق لحد مالسنه دي تنتهي ويختفي من حياتي

اختلصت النضر اليه فوجدته يغط في نوم عميق
بسمه،بعصبيه ، قلي الكلمتين و نام بسرعه كمان عادي و لا كاني هنا ، انا خلاص بجد بكرهه

ياليتها كانت تعرف ان كلمه بكره تعني احبه الف مره
و انه لم يكن يتجاهلها بالنوم و لكن مرضه كان يجرده من قواه في اخر الليل لينام بسرعه كالطفل

#زواج_غير_تقليدي_3

في الصباح
فاقت بسمة على صوت خبط الباب
بسمة ،، قفزت من السرير بسرعه و ذهبت الى عمر
بسمة،، عمررررر اصحى يا عمر بسرعه مامتك على الباب
عمر،، وقد افاق بصعوبه،، فيه حاجه يا بسمه
بسمه ،، انت بجد مكنتش سامعني لما كنت بصحيك
عمر،، بتوتر واضح ،، لا انا بس مكنتش مركز
بسمه ،، طنط على الباب و انت نايم على الكنبه
عمر ،، اه طب انا حفتحلهه

عمر فتح الباب
اطلقت فاطمه زغروطه عاليه
فاطمه ،، الف مبروك يا عرايس ،
بسمة و عمر،، الله يبارك فيكي
فاطمه ،، ايه يا بسمة متتكسفيش يا حبيبتي ده بيتك و احنا اهلك
بسمه ،، ربنا يخليكو ليه يا طنط
فاطمة ،، لا انتي تقوليلي يا ماما خلاص انت بقيتي بنتي
و انا حروح اجبلكو الفطار
عمر ،، مفيش داعي يا ماما احنا حننزل نفطر معاكو
فاطمه ، بتردد، بس يابني …
قاطعها عمر ، عادي يا ماما مفيش بس
فاطمه ، تنورو يا حبيبي

التفت عمر الى بسمة ، لو مش عايزه تنزلي عادي على فكره
بسمة،، بعصبيه،، لا انا عايزه انزل تحت
غيرو ملابسهم و دخل عمر الحمام بينما كانت بسمة تنضر اليه بعصبيه و تقول في نفسها،،

مش عايز يستنى معايا فنفس الاوضه حتى،، بكرهو !!! الانسان ده معندوش اي ذوق خالص

داخل الحمام
نوبه الصداع اللي كانت بتجيلو كل يوم بقت اقوى فاليوم ده
كان تعبان اوي لدرجه انه كان قاعد على الارض و ماسك راسه بين ايديه الاتنين و مش عارف يعمل ايه حتى المسكن كان بره و مكانش ينفع انه ياخد الدوه لان بسمه كانت موجوده
مكنش قادر انه يقف و هو عارف ان نوبه الصداع مش بتروح غير بالمسكن و فجأه سمع خبط على الباب
بسمه ،، عمر ماما بتنادي علينا
عمر، و حاول انه يبان طبيعي ،، طب انزلي انتي و انا حنزل بعدك
بسمة،ازدادت عصبيتهه ،، انا مش فاهمه ازاي يقولي انزل لوحدي حيقولو عليه ايه ، ياربي ساعدني انا مش عارفه حعمل ايه ، ازاي حعيش معاه سنه كامله و هو بيعاملني بالبرود ده

اضطرت بسمة للنزول لوحدها و لما عمر سمع صوت الباب عرف انها خرجت،، استند على مقبض الباب و استعاد توازنه و ذهب مسرعا و فتح شنطه الملفات اللي بياخدهامعاه الشغل و كان حاطط علبه الدوه فيها
ولكن المفاجأه ان العلبه كانت فاضيه و افتكر عمر ان الدوه خلص و كان مشغول بالفرح امبارح و نسي يشتري علبه جديده
عمر،بتوتر و تعب ، حعمل ايه دلوقتي بس انا لازم انزل افطر معاهم و بسمه نزلت لوحدها ، ازاي خليتها تنزل لوحدها و ده اول يوم ليها فالبيت
عمر كان في ورطه حقيقيه ، الصداع ازداد سوء و مكنش قدامه حل غير انه ينزل تحت ، دعا ربه كثيرا ان لا يفضح سره امام اهله و ان يكون عنده الطاقه اللي تخليه يستحمل

على سفره الطعام اجتمعت العائله محمود و فاطمة و سماح و جوزها مراد و لما شافو بسمة كلهم رحبو بيهه و باركولها و لكن محمود هو الوحيد اللي سالها

محمود ،، هو عمر فين ازاي مينزلش لحد دلوقتي هو فاكر نفسه ايه ، احنا حنستناه لحد ميشرف يعني و له ايه
فاطمه ،،، اهدى يا محمود زمانه جاي ، معلش ده عريس جديد
محمود ،، بطلي تدلعي فيه و هو يتعدل
بسمه لاحضت توتر الجو و لقت نفسهاا بتبرر غياب عمر

بسمة،، اصله بياخد شاور و انا نزلت بسرعه عشان كنت عايزه اقعد معاكم و مستنتوش
فاطمه ،، خلاص يا جماعه اهو العريس وصل
مراد ،، مبروك يا عريس كل ده نوم يا دلعك
سماح،، انت حتحسد اخويه عيني عينك كده ، ههههه مبروك يا عموره عقبال ما شوفك اب
اكتفى عمر بالابتسامه لانه لم يكن قادر على الكلام ،قوه الصداع ضيعت تركيزه و كل اللي قدر يقوله ، الله يبارك فيكو

عمر كان بيحاول انه ميفقدش توازنه و ان ميبانش عليه حاجه لحد مقعد على الكرسي جنب بسمة
نضر اليه محمود بنضره يتخللها التوتر و العصبيه و قال

محمود ،، اتاخرت ليه يا استاذ ؟؟ انت فاكر نفسك ايه عايزنا نستناك لحد محضرتك تنزل عشان ناكل ، والله عال انت عايز تمشي البيت بمزاجك

عمر كان في عالم اخر ، محرج من بسمة لانها شافت والده بيهزئه كانه طفل و من ناحيه تانيه مش قادر اصلا يشوف كويس وشايف كل حاجه كانهه مش واضحه ادامه

عمر،، اسف
محمود ، اهو ده اللي باخده منك ، من هنا ورايح الكل يبقى موجود على السفره ساعه ما الاكل يتحط

فاطمه،، عمر مالك انت وشك اصفر كده ليه
سماح ،، عمر ايه ده ماما عندهه حق انت كويس
عمر ، انا كويس بس تعبان شويه من حفله امبارح و منمتش كويس
فاطمه ،، خلاص يا حبيبي افطر و اطلع كمل نومك
هنا فاقت بسمه من شرودها فهي كانت تفكر بحالها
مع عمر و ازاي متجوزه و مش متجوزه فنفس الوقت و قطع شرودها صوت عمها محمود العالي و هو بيقول

ايه اللي انت بتقولي ده يطلع ينام ازاي و الشغل المتاخر ده مين اللي حيعمله
مراد ،، انا حخلص كل حاجه يا عمي متقلقش و بعدين عمر فعلا شكله تعبان
محمود ،، الشغل كتير و انت مش حتقدر تكمله لوحدك و بعدين ماله مهو كويس اهو
عمر ،، انا رايح الشغل يا بابا خلاص انا كويس
بسمه ،، عمر فيه ايه انت كويس بجد
عمر،، قلت كويس خلاص

بسمة،،، هو بيعاملني كده ليه انا ذنبي ايه انه مبيحبنيش
كتمت دموعها امامهم و سكتت
محمود ،، بسمه انا بقيت زي بباكي الله يرحمه اي حاجه تحتاجيهه اطلبيهه ولا يهمك و ورثك من المحلات و المعمل انا حطيتهولك فالبنك باسمك
بسمه،، ربنا يخليك ليه يا عمي متشكره

بسمه ، بتكلم نفسها،، عمي قلبه طيب بس مش فاهمه بيعامل عمر بالشكل ده ليه و انتبهت لعمر اللي مكلش و لا لقمه من طبقه و حست انه فعلا محرج من كلام والده ادامها

وقف عمر فجأه
عمر ،، بعد اذنكو
بسمه ،بتردد ، مش حتاكل ؟
فاطمه انتبهت ان عمر مكلش ولا اي حاجه
فاطمه ،، عمر انت مكلتش و لا حاجه و حتفضل طول النهار كالعاده من غير اكل، حرام عليك نفسك
عمر ،، انا مش جعان عن اذنكو

عمر كان عاوز يخرج يجيب الدوه باي شكل لانه مش قادر يستحمل خلاص
وقف عند الصيدليه و اشترى الدوه و خده بسرعه و قعد فالعربيه مستني ان الدوا يجيب مفعوله علشان يعرف يسوق و افتكر انه خد اخر حبايه امبارح و نام بسرعه بعدهه و افتكر بسمه اللي ملامحهه مكنتش قادره تفارق خياله و ازاي كان بارد معاها
و حس ان الصداع هدي شويه و قرر انه يروح المعمل
و كان نهاره مليان بلقائات بالعملاء و الموردين و مع كل جهوده انه يكمل الشغل كان برضو الدوا مخلي حاسس انه عايز ينام باي شكل

اما نهار بسمة فعدى بطئ جدا
قعدت على النت شويه و رتبت حجتهه في الدولاب و انتبهت و هي بترتب هدومها ان عمر شخص منضم جدا هدومو كلهه كانت مترتبه بشكل معين
و هي بتحط الحجات لاقت صور عمر و هو فالجامعه و شدها الفضول انها تتفرج على الصور
اول مره تنتبه لوسامته و شكله الهادي و شخصيته الغامضه اللي باينه حتى فالصور
سماح طرقت الباب
سماح،، ايه بسمة منزلتيش قعدتي معانا ليه؟
بسمة، ، انا كنت برتب حجاتي بس
سماح،، انا عارفه انك متدايقه علشان عمر مش معاكي و انتو لسه اول يوم
بسمة،، انا ، لا ابدا ، بس هو انا ممكن اسالك سؤال
سماح ،، اكيد طبعا
بسمة،، هو عمي ليه بيعامل عمر بطريقه مختلفه اوي عننا كلنا
سماح،، بصي انا من و انا صغيره و بابا كده مع عمر بس هو دايما بيقول انه كان عاوز ان عمر يطلع راجل انا ساعات بجد عمر بيصعب عليه ده مبياخدش اجازه ولا يوم و ساعات بابا بيخلي يسافر لاسكندريه علشان يسلم بظاعه
بسمة،،حست بعطف و شفقه تجاه عمر
بسمه ،، بس عمر راجل بجد
سماح ،، ايه ده انت وقعتي فاخويه ولا ايه
بسمه ،باحراج، ها انا اصل يعني
سماح ،، خلاص خلاص هههههههه بجد يا بسمة عمر دايما شايل الحمل عن بابا و كل المسوؤليه ارجوكي حاولي تخففي عنه
بسمة،، انشالله
سماح ،، الساعه تسعه الضاهر رجع من الشغل يلا ننزل نشوفهم
حست بسمة ان قلبها بيدق جامد قوي لمجرد ذكر اسمه بس نفضت الافكار دي من دماغها و نزلت

سماح،، ايه ده يا مراد امال عمر فين
مراد ،، عمي طلب منه يستنى هناك علشان في بضاعه جاية
سماح ،،، بجد ازاي يعني ده بره البيت من الصبح و اكيد تعب اوي من الشغل
مراد ،،انا حسيت كده فعلا و كنت عايز استنه معاه بس عمي مرضيش
سماح بحزن،، ده حتى متهناش مع مراته

بسمه خابت امالها لما ملقتش عمر معاهم و حست انها بجد نفسهه تخفف عنه اللي بيعمله فيه والده حتى لو كان دورهه فحياته مجرد صديقه و قررت ان هي حتحاول تعرف سر شخصيته الغامضه
و استنت لحد مرجع الساعه وحده بالليل

عمر ،،انتي لسه صاحيه يا بسمه

#زواج_غير_تقليدي_4

عمر و هو يفتح الباب
انت لسه صاحيه يا بسمة؟؟؟

بسمه ،، ايوا يا عمر حمد الله على السلامه
عمر، باستغراب ، الله يسلمك ، هو فيه حاجه
بسمه،، ايوا ، انا كنت عايزه اتكلم معاك فموضوع
عمر ،، مش وقته يا بسمة انا عايز انام دلوقتي
نسمة،، براحتك و سابته و مشيت و هي متعصبه منه جااامد

عمر كان تعبان و عاوز ينام و طلع الاوضه و دخل الحمام ياخذ شاور

بسمه شافته لما دخل ياخد الشاور و افتكرت انه مفطرش من الصبح و اكيد جعان
بسمه، بتكلم نفسهه ، و انا مالي ده حتى متكلمش معايا كويس بس برضو هو اكيد جعان انا حعمل باصلي و اجيبله اكل مفيهاش حاجه

نزلت بسمه المطبخ و لقت اكل من العشا فحضرت سلطه و عصير و طلعتهم الاوضه و لما دخلت الاوضه
لقت عمر و هو مش لابس حاجه غير الشورت

بسمه ،، غمضت عنيهه بسرعه ،، ممكن تلبس حاجه
عمر، انتبه لوجودها،، اه انا اسف لحضه وحده ،،،، خلاص فتحي
بسمه فتحت عين واحده علشان تتاكد ووشها كان احمررر من الكسوف

عمر كان بيتفرج عليهه و هي مكسوفه و مفتحه عين وحده و شايله صنيه الاكل و مش عارفه تمشي منضرها جعله ينفجر بنوبه ضحك طووووويله
بسمه ازداد خجلهاو حطت صنيه الاكل على الارض و طلعت تجررري من الاوضه
عمررر لحقها و مسكها من ايديها علشان يوقفها

دي اول مره يلمسها كانت حاسه بعاطفه غريبه و قويه بتشدها ليه و فنفس الوقت عمر حس ان هو مش قادر يسيب ايديها
التفتت بسمه اليه و قالت باحراج، ايدي يا عمر
عمر ،،، و هو ينضر اليها نضره طويله ،، ممكن ترجعي الاوضه
بسمه،، ابعدت يد عمر عنها و راحت للاوضه بسرعه

عمر حس انها كانت محرجه و حب يغير الموضوع
هو انت جبتي الاكل ده ليه ؟؟
بسمه،، اصل انت مجيتش على العشا و قلت ممكن تبقى جعان
عمر ، و هو حاسس بحنانها،، انا فعلا جعان بس بصراحه كنت مكسل انزل المطبخ
بسمة،، طب يلا علشان تاكل
عمر ،، قعد ياكل وهو مبسوط اوي باهتمامها بيه , و مع انه كان نعسان جدا بس كان فيه فرحه فقلبه علشان كان حاسس باهتمامها ، كانت بسمه تبدو جميله بالفستان الاحمر و شعرها الاشقر منسدل على وجهها و عطرها الذي كان يميزها عن كل النساء
عمر كان ينسى نفسه و هو ينضر اليها و كانها تحرك جزء من قلبه لم يكن يعرفه من قبل

عمر،، بسمه انت كنتي عايزه تكلميني فايه؟
بسمة ،، هو انا كنت عايزه اتكلم فوضعنا ده
عمر ،، بتوتر ، احنا مش اتفقنا امبارح
بسمة ، انت قلت اننا حنعيش سوه لمده سنه بس مقلتش ازاي؟ يعني انت بتعاملني بطريقه مش فهماها ازاي حنبقى صحاب و انت بتعاملني بالشكل ده
عمر،، توقف عن الاكل، انا اسف انت ملكيش ذنب فاي حاجه و احنا ممكن نبقى صحاب وكويسين اوي كمان
بسمه ، طب انا معرفش عنك اي حاجه ممكن تحكيلي
عمر،، انا معرفش اتكلم عن نفسي يا بسمه انت عايزه تعرفي ايه
بسمة،، عايزه اعرف شخصيتك
عمر،، و هو مبتسم طب كلميني انت عن نفسك الاول
بسمه ،، اوكي، انا اتخرجت من كليه العلوم قسم كيميا
و كنت عايزه اشتغل بس حصلت ضروف وفاه بابا و ماما

لاحظ عمر حزنها و الدموع اللي فعنيها فحب يخليها تبتسم
عمر،، اااه يعني انت كنت حتشتغلي مدرسه و تضربي العيال اللي مبتذاكرش و كده

بسمه،، ابتسمت بسرعه ،، يا سلام انا بضرب عيال بالعكس ده انا كنت حبقى مدرسه محصلتش
عمر،، ايه الثقه دي دا انتي شكلك مغروره بقه
بسمه ،، طبعااا من حقي يا استاذ انا جايبه امتياز فكل سنوات الجامعه
عمر،، انا كنت فتجاره انكلش وكنت برضو بجيب امتياز مش انت الوحيده الذكيه يعني ههههههه
بسمة ،، انا مش عارفه انت ازاي مستحمل نفسك
عمر،، انت زعلتي ولا ايه انا بهزر معاكي
بسمة،، انا مزعلتش خالص بس انا زعلانه من معاملتك ليه الصبح
عمر ،، بسمة انا اعتذرتلك و انا على فكره مش كده بس كنت متدايق شويه الصبح
بسمة ،، انا عارفه ، كلام عمي الصبح هو اللي زعلك مش كده
عمر ، و هو بيحاول يغير الموضوع
احنا مش حنام بقه؟
بسمة،، اوكي بس انا اصلي حطيت البطانيه في الاوضه التانيه حروح اجيبهالك
راحت بسمة بسرعه علشان تجيبها و لما رجعت لقت عمر نايم على الكنبه و كان احساسهه مختلف جداً عن اليوم اللي قبله ، حست انه تعبان من الشغل بجد و مش قاصد يتجاهلها و تاملت ملامحه الهاديه اللي كانت بتحرك قلبهه و غطته و دخلت في سريرها و كانت مبسوطه جدا انها اتعرفت عليه و اتكلمت معاه اكتر و حست بالامان معاه و ان السنه اللي حتعيشها معاه مش حتبقى صعبه اوي
:
:
:
:
و مرت الايام ،،،،و كانت المسافه اللي بين بسمة و عمر بتقل كل يوم ،،، بسمه كانت تستنى كل يوم على العشه و يتعشو ويتكلمو سوه بالساعات ، اتكلمو فكل حاجه الشغل و الاهل و الصحاب و السياسه و الدين و كل حاجه ممكن الصحاب يتكلمو فيهة الا الحب !
الحب اللي كان بيقربهم من بعض كل لحضه و هم الاتنين مش عايزين يعترفو بيه و لا حتى لنفسهم
…………………………….

بسمة ،، عمر ممكن تاخدني اجيب شويه حجات من المول النهارده
عمر،، مانتي عارفه يا بسمه انا مقدرش مروحش الشغل بابا بيدايق
بسمة ،، علشان خاطري انا حقنعه و هو مبيرفضليش طلب
عمر ،، ماشي يا ستي يلا غيري هدومك و انا حقوله اني مش رايح الشغل انهارده

بسمة،، لا انا اللي حقوله علشان مش حيرفض
عمر ،، بسمة اسمعي الكلام بقه انا نازل اقوله دلوقتي

في الصاله

عمر ،، بابا انا مش حقدر اروح الشغل النهارده
محمود ،، ابتدينا بقه يعني ايه متروحش و الشغل ده مين اللي حيعمله و لا هو مال سايب
عمر ،، يا بابا متخافش مراد هناك و انا مش حتاخر
محمود ،، مراد راح النادي هو و سماح من الصبح
عمر،، بابا انا بس حاخد بسمة علشان عايزه تشتري كم حاجه و حارجع الشغل بعد كده
محمود،، خلاص علشان بسمه بس و اوعى تتاخر

نزلت بسمة و كانت لابسه فستان ابيض طويل و عليه جاكت جينز و الحجاب كان بسيط و شيك ، كان شكلها شيك اوي و جميله جدا
عمر ابتسم اول ما شفها و عجبته شياكتهه جدا
عمر ،، جاهزه ؟
بسمة ،، ايوا

دخلو المول و بسمة كانت فرحانه جدا لانها اول مره تخرج مع عمر و كمان علشان يقالها كتير اوي مخرجتش من البيت
بسمه اشترت حجات كتيرررر اوي و كانت مصره تدخل كل المحلات
عمر كان بيحاول انه يفرحها و يتمشى معاها و يديهه رايه في الحجات اللي جابتهه لكن حس بدوخه فجأه

عمر ،، ايه رايك نقعد شويه انا تعبت
بسمة،، انا مش عارفه ازاي شاب زيك يتعب بسرعه كده ، انت الضاهر محتاج تلعب رياضه شويه
عمر اتضايق جدا من استهزائهه ،، انا جسمي رياضي جدا على فكره بس انت اللي من الصبح بتلفي على كل المحلات
بسمه،، عمر انا اسفه مش قصدي والله ، خلاص لو تعبت ممكن نقعد
عمر ،، مش تعبان يلا خلصي
بسمة ، انزعجت منه ، انا خلصت خلاص مش عايزه حاجه
عمر راح علشان يحاسب و حس ان الدوخه بقت اقوى جدا
الكاشير ،، حضرتك حتدفع كاش و لا فيزا
عمر ،، انا انا… وفجأه فقد عمر فقد توازنه و مسك في الكومودينو اللي قدامه علشان يقدر يقف على رجله
الكاشير ،بقلق، انت كويس يا فندم ، تحب انادي على المدام اللي معاك ؟؟
عمر ،،، لاء ارجوك متناديش عليهه انا كويس ،
اكمل عمر الحساب و رجعو هو و بسمة العربيه ، كانت خطوات عمر ثقيله و حاسس انه حيغمى عليه فاي لحضه

دخلو العربيه و اسند عمر راسه على كرسي العربيه
بسمه ،، عمر ، عمر
عمر، ايوا
بسمة ،، انت كويس
عمر ،، انا اه مفيش حاجه
بسمة، امال ليه شكلك تعبان

و قبل ما يجاوب رن تلفون بسمه ، فردت على التلفون و كانت سماح اخت عمر على الخط

بسمه،، سموحه ازيك
ليه هو انتو فين ؟
طيب حقول لعمر
خلاص حاضر والله حقولو
باي يا حبيبتي

بسمة،، عمر دي سماح بتقول ان هم فالنادي و عاوزين ان احنا نروح نتغدى معاهم
عمر ،، انت رايك ايه
بسمة ،، مش عارفه براحتك
عمر حس ان هي عايزه تروح فقرر انه حيضغط على نفسه و يروح النادي علشانها

فلنادي قعدو سماح و مراد و بسمه و عمر في الكافتريا و طلبو الاكل و الكل كان مبسوط و بيهزرو و يضحكو الا عمر اللي كان حاسس بدوخه فضيعه ومقدرش ياكل غير لقمتين علشان يجاملهم بس

مراد ،، ايه يا عمر انت ساكت ليه شكلك خايف يا عموره
عمر ،، ليه يعني مش فاهم
مراد ،، انت ناسي انك قلت حتغلبني في ماتش الكوره الجاي اهو انا بقى مستعد و حوريك قدراتي يا كابتن

عمر ،، ايوا و انا لسه عند وعدي بس مش النهارده
سماح،، بشقاوه،، شكلك خايف تتغلب
بسمه بضحك ،،، بالعكس ياعمر مش انت لسه كنت بتقولي جسمك رياضي وريني شطارتك بقه هههههههههههه

عمر اتدايق اوي ان الكل فهمو انه خايف يتغلب و مكانش عاوز بسمه تاخد عنه الصوره دي

عمر ،، طب ايه رايك اني حغلبه بالعند فيكي
بسمه ،،، هههههه مفتكرش تقدر
عمر ،، يلا يا مراد

سماح و بسمه قعدو على المدرجات يتفرجو

سماح ،، انا النهارده كسبانه في الحالتين اخويه و جوزي بيلعبو مع بعض حكسب يعني حكسب

بسمة،، هههه انا حاسه اني ضغطت على عمر فموضوع الماتش و هو مكانش عايز يلعب انهارده
سماح ،، عادي يعني احنا بنتسلى فيهه ايه

ابتدو اللعب و مراد كان بيهزر مع عمر و يشاور لسماح كل شويه اما عمر فحس انه ضغط على نفسه جدا لدرجه انه كان شكله وهو بيجري كانه سكران

بسمة ،، هو عمر ليه بيجري كده
سماح ،، مش عارفه انا حاسه انه فيه حاجه

مراد،، ايه يا عمر انت كويس ، انا شكلي حغلبك من غير ماتعب نفسي هههههههههههههه

عمر استنفذ كل قوته و الارهاق و التعب باين على وشه و فجأه حس ان الدنيا بتلف بيه و مبقاش شايف غير سواد و اخر حاجه سمعها ،
عمرررررررر رد عليه

عمر فقد وعيه ووقع على الارض فالنادي ، مراد مكانش فاهم حاجه و جري عليه بسرعه اما بسمه و سماح كانو بيجرو بكل سرعه علشان يشوفو فيه ايه

بسمة ،، و هي تبكي ،، عمر رد عليه يا حبيبي ارجوك
سماح ،، الحقني يا مراد يلا ناخده المستشفى ده وشو اصفر اوي
مراد ،، و هو بيرش الميه على وجه عمر ،، عمر انت سامعني عمرررر

بسمة و الدموع تنهمر من عينيها ،، ده مبيردش يا مراد يلا ناخده المستشفى
سماح،، استنو اهو فتح عنيه
عمر، و هو يتكلم بصعوبه ،، هو اي اللحصل ؟
سماح ،، و هي تبكي خضيتني يا عمرر انت كويس
مراد ،، انت اغمى عليك فجأه

بسمة،، لازم نروح المستشفى
عمر،، بتوتر ،، لاء انا عايز اروح البيت
بسمة ،، بيت ايه انت تعبان و لازم تروح المستفى
سماح و مراد،، ايوا لازم نروح المستشفى

عمر ،، بابا زمانه متدايق علشان مرحتش الشغل و اتاخرت عليه
مراد،، صحتك اهم و عمي حيعذرك

عمر حاول انه يقوم لوحده بس مراد قومه و ساعده علشان يوصل للعربيه

كلهم فالعربيه كانو قلقانين على عمر بس هو صمم يرجع البيت
…………………………………..

في البيت كان محمود قاعد فالصاله و هو متعصب جدا و متدايق لانه اتصل بالمعمل و عرف ان عمر مرحش خالص
و لما سمع صوت العربيه و عرف ان هم وصلو اتعصب خالص وكان جاهز علشان يهزء عمر كالعاده

اتفتح الباب و دخلت سماح و بعدهه بسمة
محمود ،، هو فين البيه انا مش كنت موصيه يروح الشغل و فجأه سكت محمود لما شاف مراد و هو مسند عمر و باين على عمر ان شكله تعبان اوي و مش قادر يمشي حتى
محمود ،، ايه ده هو فيه ايه
فاطمه ،، يا حبيبي يا بني ايه اللي حصل

مراد ساعد عمر انه يقعد على الكنبه

محمود ،، حد يرد علينا عمر ماله؟

عمر ،، انا كويس يا جماعه محصلش حاجه

سماح ،،لاء هو مش كويس خالص ده اغمى عليه فالنادي و مرضاش اننا ناخده المستشفى
محمود و قد رق قلبه ،، انا حتصل بالدكتور منير لازم يشوفك

عمر ،، مفيش داعي يا بابا
فاطمه ،، يا نهار اسود ده انت سخن مولع يا بني ،
بسمة،، عمر تعالى ارتاح فالاوضه شويه لحد مييجي الدكتور

استند عمر على مراد و طلع الاوضه و كلهم طلعو معاه الا محمود كان قاعد تحت مستني الدكتور

وصل دكتور منير و اول ما خبط على الباب محمود فتحله بسرعه

محمود ،، الحق يا منير عمر شكله تعبان اوي
الدكتور منير،، لو بس توريه شويه من خوفك عليه ده مش كل حاجه بالخناق و الاوامر
محمود،، و ده وقته يا منير

طلع محمود مع الدكتور منير لاوضه عمر و اول ما دخل طلب ان الكل يخرجو

بعد ما كشف الدكتور على عمر

منير،، ايه اللي انت بتعمله فنفسك ده ، انت كده بتموت نفسك
عمر ،، دكتور الحقني انا مش قادر استحمل الصداع خلاص ارجوك اديني اي حاجه
منير ،، انا مش موصيك مترهقش نفسك فالشغل و لا تعمل اي مجهود
عمر،، بابا محتاجني فالشغل
منير ،، انا حقوله على كل حاجه
عمر ،،، ارجوك يا دكتور متقولش لحد على حاجه
منير،، انت لازم تبتدي العلاج الكيميائي الاسبوع الجاي و الا مش حتقدر تخبي اكتر من كده علشان لازم تفضل فالمستشفى
عمر،،، حاضر حبنتدي الاسبوع الجاي بس ارجوك دلوقتي اديني اي حاجه للصداع انا حاسس ان دماغي حتنقجر خلاص مش قادرررر ااااااه ااااااه

كان الجميع يقفون خارج الغرفه

كلهم كانو قلقانين و بالذات محمود و فجأه سمعو صوت عمر وهو بيتالم و كلهم كانو بيبصو لبعض مش عارفين يعملو ايه
بسمه كانت حاسه ان قلبهه بيتعصر مع كل مره تسمع عمر و هو بيتالم اما فاطمه فانفجرت بالبكاء
و سماح و مراد كانو بيحاولو يهدوهه

اما محمود فاللحضه دي نسي كل قسوته و افتكر ان هو اب و مقدرش يمسك نفسه و جري بسرعه على اوضه عمر و فتح الباب و كلهم راحو معاه

في الغرفة
…………………..
دخلو الغرفه و لاقو عمر نايم على السرير و الدكتور كان بيديله حقنه و علامات التعب ضاهره على وجهه، كان عرقان جدا و مش قادر يتكلم

فاطمة وهي تبكي،، ياحبيبي يا عمر مالك حاسس بايه

عمر لم يستطيع الرد عليهم لان الحقنه المهدئه اللي خدهه خلتو ينام عالطول
محمود كان بيبص لعمر و مش فاهم اي حاجه غير انه شايف ابنه مرمي على السرير بلا حركه
دكتور منير ،، ارجوكم ياريت نتكلم بره

محمود ،، طمني يا منير فيه ايه انت اديتو ايه و هو مالو
فاطمة ،، طمني يا دكتور اعمل معروف ابني ماله
الدكتور بحزم،، اطمنو هو الارهاق اللي سببله الاغماء و الضاهر انه مبياكلش كويس

بمحمود،، انت متاكد يا منير
منير،، ارجوكم حاولو انكو متضغطوش عليه بس الضاهر انه تعب بزياده النهارده
محمود ،، بس ده لسه شاب يعني ايه لما يتعب
فاطمة،، محمود حرام عليك ده انت مبتدهوش اجازه حيرتاح امته ؟
بسمه كانت سامعه كل حاجه و دموعها لم تتوقف
انا السبب ، انا اللي مخلتوش يرتاح فالمول ولا فالنادي ،، سامحني يا عمر

الدكتور ،، انا اديته حقنه مهدئه و حينام للصبح انشالله
محمود ،، متشكر يا منير تعبتك معايا
منير ،، عمر ده ابني،، و ارجوك اسمع كلامي و متخلهوش يعمل شغل كتير
محمود ،، حاضر متقلقش ………

بعد ما مشي الدكتور كلهم كانو فاوضه عمر

بسمه كانت قاعده على السرير جانبه و دموعها لم تتوقف و فاطمه قاعده جنبه برضو بتقرا قران
محمود دخل الاوضه
محمود ،، مراد خد مراتك و ادخلو نامو دي حامل و تعبانه و انت يا فاطمه يلا خلي يرتاح
فاطمة،، انا مش حسيب ابني تعبان و ادخل انام
محمود ،، مراته جانبه و الدكتور قال انه هو حيفضل نايم كده للصبح
فاطمة،، ماشي ،، بسمه و النبي خلي بالك منه و لو حصل اي حاجه اندهي علينا
بسمة ،، حاضر يا ماما

الكل دخلو نامو و فضلت بسمه مع عمر

#زواج_غير_تقليدي_5

بعد خروج العائله ضلت بسمه وحيده مع عمر
كانت جالسه بجواره على السرير وهي تنضر الى وجهه الوسيم المتعب و دموعها لم تتوقف

بسمة،، للدرجه دي انت كنت تعبان و محبتش تدايقني و ازدادت في البكاء وهي تقول ،،،، انا السبب ، انا السبب

بكت بسمة طويلا و لم يوقفها شئ الا عندما لمست جبين عمر ، حرارته مرتفعه و يرتجف من البرد

و كان هذا المنضر جعلها تنسى كل شئ و بدأت بعمل كمادات بارده لعمر حتى تاكدت ان حرارته قد انخفضت ثم غلبها النعاس فنامت بجوار عمر و كانها فتاة صغيره

في الصباح الباكر افاق عمر من النوم بصعوبه و اراد ان يتحرك و لكنه انتبه الى بسمه التي كانت نائمه على كتفه ،،،، كم كان احساس رائع لعمر فقد اطال النضر اليها و هو يلمس شعرها الاشقر المموج الذي كان منسدل على صدره
عمر و هو بيكلم نفسه ،، ياريت كانت ضروفنا مختلفه يا بسمة ياريتني كنت اقدر اعيش معاكي عمري كله و اسعدك و انسيكي العذاب اللي شفتيه بعد موت اهلك

عمر كان تعبان اوي و حاسس انه مش قادر يتحرك من السرير ولكنه افتكر ان والده طلب منه يخلص ورق البضاعه الجديده و هو مقدرش يخلصه امبارح ،،، حاول عمر التحرك بدون ان يوقض بسمه لكنها احست به فورا و قفزت من نومها

بسمة،،، عمر انت كويس ،، اتصل بالدكتور
عمر،،، اهدي اهدي انا كويس اهو
بسمة ،،، و عندما تاكدت انه بخير انفجرت بالبكاء بصوت عالي
عمر، بخوف، بسمة ، اهدي بس في ايه فهميني، اهدي ارجوكي
بسمة ،و هي تبكي بقوة ،، انا اسفه اوي يا عمر والله انا مكنتش اعرف انك تعبان اوي انا اسفه
عمر ،، خلاص يا بسمة انا كويس و ده مش ذنبك
بسمة ،، لا انت طلبت مني انك ترتاح و احنا فالمول و انا رفضت و كمان خليتك تلعب مع مراد ، انا مكنتش اقصد والله
قاطعها عمر بسرعه و احتضنها بقوه واستسلمت لحضنه بسرعه و بكت طويلا في حضنه ، وكان هو الاخر حزين لرؤيتها بهذا الشكل
ثم بعد ان هدأت بسمة انتبهت انها فحضن عمر لاول مره تراجعت و كانت في منتهى الاحراج

عمر،، انا كويس يا بسمة انت مش السبب
بسمة،، الدكتور قال انك كنت مرهق جدا و مبتكلش كويس
عمر، ، اه صحيح انا اصلي مش باخد بالي من الاكل و انا بشتغل
بسمة وضعت يديها على فم عمر
بسمة ،، ارجوك يا عمر اسمعني ،، في حاجه مهمه لازم تعرفها و ارجوك متقاطعنيش
عمر،، اتفضلي يا بسمة

بسمة ،، انا لما اهلي اتوفو حسيت ان الدنيا وقفت و كان نفسي اموت وراهم و كل يوم كان بيعدي عليه كانه سنه و لما عمي طلب ايدي عشانك انا كنت فرحانه اوي اوي عشان كان نفسي اوي اغير حياتي ، و حسيت ان ربنا بيعوضني بيك، من و انا صغيره و بابا بيحكيلي عنك ، كان دايما يقول انه نفسه يكون عنده ابن زيك ، و حسيت انه حيبقى مرتاح و انا معاك ، انت لما قلتلي انك مغصوب عليه حسيت ان كرامتي اتجرحت اوي وقلتلك اني مش عايزاك كمان ، ايوا يا عمر انا كنت بكدب عليك عشان انت جرحتني اوي، بس امبارح و انت ،،، و غلبتها الدموع و هي تتكلم ،، وانت بتتالم حسيت ان قلبي كان حيوقف يا عمر ،، انا حسيت ان الدنيا قصيره قوي على اننا نخبي مشاعرنا يا عمر ، انا،، انا،، انا بحبك

كان عمر يستمع لها و هو مستلقي على السرير ،، و هو يحاول ان يصارع دموعه التي سالت بالرغم من جميع محاولاته

بسمة،، عمر انا مش عارفه انك مش بتحبني و لو كلامي دايقك خلاص انا اسفه و على فكره اتفاقنا زي ماهو ، عن اذنك

استدارت بسمة لتذهب ولكن عمر جذبها اليه بسرعه

عمر ،،، بسمة انا بحبك ،بحبك، بحبك اكتر من نفسي

و اتحول الجواز الصوري لجواز رسمي

#زواج_غير_تقليدي_6

عمر واقف على البحر بعد ذالك اليوم الذي غير مجرى حياته
انا ايه اللي عملته ده ازاي سمحت النفسي اربطهه بيه و اخليها مراتي ،، انا مكنتش عايزهه تحبني مش عايز اسيبها لوحدها في الدنيا زي ما اهلهه سابوهه الله يرحمهم ،، ياريت عمي كان هنا ،، انا مش عارف اعمل ايه
كان شارد امام البحر يكلم نفسه ووجد نفسه يتصل بالدكتور منير

دكتور منير،،، اخيرا كلمتني يا عمر انا اتصلت بيك كتير و انت مردتش
عمر ،، انا اسف كنت مشغول جدا، دكتور منير انا عايز اشوفك
دكتور منير ،، انا في العيادة وياريت تيجي انا كمان عايز اشوفك
عمر اوكي انا جاي مسافه السكه

دخل عمر العياده و تذكر ذالك اليوم الذي عرف به عن مرضه من الدكتور منير و كان شارد الذهن و قاطع شروده صوت السكرتيره و هي يتسمح له بالدخول
الدكتور ،، اهلا يا عمر اتفضل
عمر ،،شكرا يا دكتور منير انا عارف ان حضرتك مشغول بس انا بجد محتاج اتكلم معاك
الدكتور،، عمر انت زي ابني وانا و ابوك صحاب من ايام الجامعه و لازم تعرف اني حسمعك امته متحب مش بس بصفتي الدكتور بتاعك اعتبرني زي والدك

عمر سرد له كل ما حصل عن اتفاقه مع بسمة و حبه لها و كل ماحصل منذ زواجهم

عمر ،، انا فعلا بعتبر ان حضرتك زي والدي و انا مش قادر اقول الكلام ده لاي حد عشان انت الوحيد اللي عارف بمرضي و الوحيد اللي يقدر ينصحني

كان منير منصت لكلام عمر و لم يحاول مقاطعته لانه شعر بمدى الحزن و الحيره التي يشعر بها

منير،، عمر انت لازم تعرف ان المرض هو امتحان من ربنا ليك و انا عارف ان يمكن انت بتعيش اصعب ايام حياتك دلوقتي بس انت لازم تعرف ان ربنا لما بياخد منك حاجه بيديك حاجه تانيه احلى، و انت فعلا دلوقتي عندك الاحلى انت عندك بسمة ، الحب ده نعمه من ربنا و مش كل الناس بتحب و تتحب في ناس بتموت من غير ما تجرب الحب و لا يعرفو معناه خالص

عمر ،، انا لما شفت بسمة حسيت ان حياتي بقه ليها معنى بقيت متمسك بالحياه مع انها مش متمسكه بيه خالص و ،،،ضحك عمر ضحكه ساخره

منير ،، انت اللي بتعمل في نفسك كده انا قلتلك يا عمر ان العمليه نسبه نجحها كبيره و انت اللي مش عايز

عمر،، لو عملت العمليه كلهم حيعرفو و ده اللي انا مش عايزه يا دكتور

منير ،، بس دول اهلك و واجبهم انهم يساعدوك

عمرر بعصبيه ،،، يساعدوني ازاي ، ماما متعلقه بيه جدا و لو قلتلهه ممكن يحصلها حاجه و سماح كمان على وش ولاده و بسمة ،،، دي لسه مفاقتش من صدمت اهلهه،، حتى بابا قلبه تعبان و مش حمل صدمات

منير،، اهدى يا عمر ،،، انت لازم تبطل تفكر فكل الناس و متفكرش فنفسك
عمر ،، انا اقدر استحمل بس هم مش حيقدرو

منير، لا يا عمر انت غلطان انت مش حتستحمل حاجه ، انت مبتديش نفسك وقت ترتاح فيه حتى ازاي حتبدأ بالعلاج الكيميائي ، انت لازم اقل حاجه ترتاح اسبوع فالسرير بعد كل جلسه حتقولهم ايه ؟؟؟

عمر ،، مش حقول اي حاجه انا حكمل حياتي عادي و مش محتاج راحه بعد الجلسه انا عارف نفسي

منير ،، عمر انت اتجننت ، اللي بقولهولك ده مش لعبه و لازم تعرف ان العلاج الكيميائي مش حيشفيك تماما هو بس مش حيخلي الورم يكبر اكتر من كده بس العمليه لازم تتعمل

عمر ،، ارجوك يا دكتور انا حجرب و احنا اتفقنا اني مش حقدر اعمل العمليه

منير ،، خلاص خلينا نشوف نتيجه و بعدهانتكلم ، المهم الجلسه بتاعتك بكره متنساش ،، الساعه عشره الصبح

عمر،، هي الجلسه كم ساعه
منير ، خمس ساعات تقريبا و بعدها لازم ترتاح عشان ممكن تحس ان نفسك غامة عليك او احتمال ترجع
و ساعات بتحس بتعب شديد و صداع ،، لازم ترتاح يا عمر ارجوك
عمر ،، ربنا يستر انشالله ، انا مش حروح الشغل بكرا
منير ،، لا بكرا و لا بعده ، لازم ترتاح كم يوم على الاقل
عمر ،، ربنا يسهل

في منزل محمود

محمود ، هو ابنك فين ده انا مجاش البيت بعد الشغل

فاطمة،، انا خايفه عليه اوي يا محمود حاسه انه فيه حاجه مش مضبوطه ، ده حتى خاسس و اكله قليل اوي

محمود،، اكل ايه و شرب ايه ،،ده راجل يعني ايه لما يتعب شويه محنا كلنه تعبنا و احنا فسنه و بعدين هو مرجعش ليه لحد دلوقتي
و بعد ان اكمل محمود حديثه بدقيقه دخل عمر الى المنزل

محمود ،، كنت فين ؟
عمر ،، كنت بشتري شوية حجات يا بابا
محمود،، اهو ده اللي انت فالح فيه تضيع الفلوس فحجات تافهه تلاقيك جبت لبس مش كده

عمر اتدايق جدا من كلام والده و خصوصا انه مش مبذر خالص و فتح الاكياس اللي كان جايبهه و كانت كلهه لبس اطفال

محمود ،، ايه دول؟
عمر ،، لبس اطفال علشان سماح
فاطمة ،، يا حبيبي ازاي افتكرت دي كانت عايزه تروح تجيب اللبس للبيبي بس مراد مقدرش ياخدهه عشان الشغل
محمود التزم الصمت مع انه حس بالذنب علشان كان بيهزء عمر

عمر ،، عن اذنكو انا طالع لسماح

ذهب عمر لغرفه سماح ووجدها مع بسمة كانو يتحدثون عن شئ ما و يضحكون و تفاجأو عندما دخل عمر

سماح،، عموره انت فينك ، انا قربت انسى شكلك خلاص
و ناسي انك عندك اخت مش كده
عمر،، انت دايما ضالماني انا عمري نسيتك يا سموحه
سماح ،، و هي تشير باصبعها على بسمة ،، من لقى احبابه نسي صحابه
بسمة كانت محرجة من كلام سماح
عمر ،، انا عمري منسيتك يا سوسو حتى بصي جبتلك ايه
سماح بصرخه قويه ،، مش معقوووول يجننو يا عمر ايه ده انت ذوقك حلو اوي
عمر،، طول عمري يا بنتي
سماح،، انت حتتغر بقه و لا ايه
عمر ،، لالا انا بس بعطف عليكي

سماح وعمر كانت تجمع بينهم علاقه صداقه جميله و بدأو يرمو على بعض المخدات و يضحكو بصوت عالي و كانت بسمة معجبه جدا بعلاقتهم و مزاحهم المستمر ،، فهي دائما كانت تتمنى لو كان عندها اخ او اخت لتمرح معهم و لكنها الان تحس بالراحه لانها جزء من عائلتهم و فجأة سمعت صوت ااااه
عمر ،،بقلق،، سماح مالك انت كويسه
سماح،، ايوا ايوا متخفوش اصل البيبي بيرفس في بطني طالع لخالو هههههه
عمر ،، ياشيخه وقعتي قلبي
سماح ،، ربنا يخليك ليه

عمر استاذن بالخروج ليترك سماح ترتاح اما بسمة فذهبت ورائه الى الغرفه

بسمة،، عمر انا مكنتش اعرف انك بتحب الاطفال كده
عمر،، انا بموت فالاطفال اصلي بعرف اتعامل معاهم كويس
بسمة،، انت حنين اوي يا عمر
عمر،، وانت اجمل بنت فالدنيا يا بسمة حياتي

انها كلمة جديده على مسامع بسمة ،، ده بيدلعني ،، يا ترى يا عمر انت حبتني بجد

عمر كان بيصلي و كان يدعي الله ان يساعده على اسعاد بسمة فهو يحبها جدا و قرر اسعادها حتى لو كان يفصله عن الموت ايام قليلة، قرر ان يعاملها كزوجة له و يعطيها كل حقوقها فهو الان المسؤول الوحيد عن سعادتها،، عمر دعا الله كثيرا و طويلا
و في هذه الاثناء كانت بسمة جالسه تشاهده و هو يصلي
و تقول في نفسها ،، كيف لشاب مثل عمر وسيم و جذاب و غني ان يكون ملتزم و متدين و ابن بار بعائلته الى هذه الدرجه ، ازداد اعجابها به و حبها له في هذه اللحضة كانت تتمنى ان تذهب اليه و تحتضنه ولكنها تراجعت لان كبريائها لم يسمح لها

بعد ان انتهى عمر من الصلاه استدار على بسمة و هو يكلمها
عمر ،، بسمة ايه رايك نخرج نتعشى بره

بسمة، بفرحه عارمة، انت بتتكلم بجد يا عمر

عمر،، اكيد يا حبيبتي

بسمة ،، انا كنت فاكره انك تعبان من الشغل و عايز تنام

عمر،، مفيش مشكله غيري هدومك بسرعة عاملك مفاجأه

ذهبت بسمة لتغير ملابسها و عمر ايضا غير ملابسه ، و كان يبدو وسيما جدا ووضع عطر راقي زاد من وسامته
اما بسمة ارتدت فستان سهرة اوف وايت ووضعت حجابها بطريقه مميزه مع بعض المكياج الخفيف ، بدت و كأنها نجمه من نجوم السينما ، كانت تبدو جميله جدا و رقيقة

عمر،، ايه ده انا حخرج مع بنت احلى بنت فمصر عادي كده
بسمة بخجل ، مرسي
عمر،، يلا بقه يا جميل انا عازمك على مكان جميل جدا
بسمة،، هو انت قلتلي البس فستان سهره ليه
عمر ،، حتعرفي بعدين يلا بقى
بسمة،، استنى ،، وانت كمان شكلك حلو اوي الليله

ابتسم عمر لها و اخذها الى السيارة

#زواج_غير_تقليدي_7

في داخل سياره عمر و هم في طريقهم الى العشاء كانت بسمة تنضر لعمر ، لكل تفصيل صغير فيه، طريقته في سياقه السياره و عطره اللذي يفوح في المكان و شعره المصفف بطريقه جذابه ، و شخصيته القويه الممزوجه بحنان ، انها الشخصيه التي جذبتها منذ اللحضه الاولى
اما عمر فقد حاول ان لا يتذكر شئ في هذه الليله الا انه مع زوجته التي يعشقها

كان الصمت هو سيد الموقف و كل منهما اخذ يفكر في الاخر و هل ما يحصل لهما هو حلم ام حقيقه ،
عمر احب ان يكسر الصمت فشغل الراديو و كان القدر احب ان يهديهم اغنيه ،
بعيونك كلام وبقلبك غرام حسيت بدفا
خليني بايديك غفيني بعينيك حبيت الغفا
وديني لمكان عدنية أمان ما فيها حدا
علمني هواك من لحظة لقاك عمري ابتدا

يا حبيبي خدني معك انا عمري كلو إلك
انا قلبي عم يقشعك عم يسمعك ويقول
ولا غيرك بدو إلو يا حبيبي لو تسألو
بقلك انك إلو و باقي إلو على طول

كان عمر يدندن مع الاغنيه بكل حماس و مسك ايد بسمة و هو بيغني و كانه بيهديها الاغنيه ،ثم بدأ بالغناء بصوت عالي جدا و بدأت بسمة الغناء معه و الضحك بصوت عالي

لاول مره عيونهم مكانش فيهه اي حزن ، الفرح و الحب و الحماس هو اللي كان مسيطر عليهم لحد ما وصلو للمكان اللي عمر اختاره

بسمة ،، اي ده يا عمر مش احنا فين
عمر،، الليله دي انت الاميره بتاعتي و حعملك احلى ليله فالدنيا
بسمة،، بس انا مش فاهمه حاجه
عمر ،، انا اجرت اليخت ده و حنتعشى هنا و احنا بناخد لفه في البحر عشان نبقى لوحدنا و محدش يزعجنا
بسمة،، انا مش عارفه اقولك ايه ربنا يخليك ليا يا حبيبي
عمر ،، كلمة حبيبي دي هي الدنيا كلهه بالنسبالي

دخلو اليخت اللي كان متزين بالشموع و الموسيقى الهاديه و قعدو يتعشو و هم فوسط البحر

بسمة،، عارف يا عمر انا كانت فكره الجواز بتخوفني اوي ، مكنتش اتخيل اني حتجوز بالطرريقه دي ،

عمر،، ليه بتخافي من الجواز ده حتى ربنا قال ان الجواز نصف الدين

بسمة،، مكنتش متخيله فكره ان حد يدخل حياتي و يصيطر على تصرفاتي و يبقى هو المسؤول عني ، بس بعد ما شفتك حسيت انك مش كده و اني مش عايزه ابقى انا المسؤله عن نفسي ، عايزاك تبقى انت كل حاجه فحياتي

عمر ،،، في بنات كتير بتفتكر ان الراجل عايز البنت اللي شخصيتهه قويه جدا و تتخانق مع اي حد ، بس احلى حاجه في البنت ضعفها ، ربنا خلقنا بنكمل بعض مش بناخد ادوار بعض

بسمة،، انت على طول كده

عمر ، كده ازاي

بسمة ،، يعني احنا من ساعة متجوزنا و انا شايفاك بتهتم بالبيت كله و انا مش عايزاك تشيل المسؤليه دي لوحدك ، نفسي اساعدك

عمر ،، يا حبيبتي انا طول عمري بعمل كده و مش بعتبرها مسؤوليه ، انا بحب اهتم بعيلتي دي حاجه بتسعدني

بسمة،، و انا كمان بحب اتفرج عليك و انت بتهزر مع سماح و كمان لما بتساعد ماما فكل حاجه و ساعات عمي بيخليك تشتغل كتير و برضو مبتزعلوش ، انا يا عمر بحب فيك كل حاجه ، انا مكنتش فاكره اني في ناس بتحس بغيرهه زيك كده

عمر ،، انت عارفه يا بسمة انا حبيتك ليه ؟

بسمة،، ليه ياعمر

عمر ،، عشان انت كمان احن وحده فالدنيا ، انا كنت بشوفك لما كنتي بتيجي المعمل علشان تتاكدي ان بباكي اخد الدوا و حبيتك لما شفتك و انت فالجامعه بترفضي انك تقعدي مع الشباب و كنتي بتقعدي مع صحباتك البنات بس

بسمة ،، انت عرفت ازاي ؟؟
عمر ،، ههههه بلاش فضايح
بسمة،، لا بجد قولي
عمر ،، انا ساعات كنت باجي الجامعه عشان اطمن عليكي
بسمة ،،،، هههههههههههههههههه ده انت واقع فغرامي من زمان و انا معرفش
عمر،، انا حبيت رقتك و اخلاقك و هدوئك و خجلك ، حبيتك علشان انت اجمل واحده فنضري

بسمة،، بخجل، انت كل حاجه فحياتي يا عمر

عمر ،، و انت بسمة حياتي يا بسمة

انهو طعامهم و هم يتبادلون اطراف الحديث بكل حب و رومانسيه ثم طلب عمر من بسمة ان يرقصو سلو على انغام الموسيقى

و هم يرقصون قالت بسمة،، عمر انا عايزه اسالك سؤال بس رد عليه بصراحه

هو انت كان فيه فحياتك حد من قبلي ؟

عمر بخجل ،، لازم يعني السؤال ده
بسمة بعصبيه، اه لازم

عمر ، كان فيه واحده ايام الجامعه اسمهه ندى ، و كنا بنحب بعض بس خلاص ده موضوع و انتهى

بسمة اتغاضت لمجرد ذكر عمر اسم بنت غيرها و حاولت انها متبينش غيرتها

بسمة،، و ليه سبتها

عمر، عشان انا مكنتش بحبها ، كان مجرد اعجاب و هي اتغيرت بعد فتره و حسيت انها تافهه جدا و سطحيه

بسمة، يعني مبتفكرش فيهه خالص

عمر،، انا معرفتش الحب الا معاكي يا بسمة انت كل حاجه حلوه بالنسبالي

حست بسمة بالراحه بعد كلام عمر و استغربت من نفسهه جدا،، ازاي الحب بيخلينا نغير اوي كده من شخص احنا عمرنا مشفناه ، ازاي بيخلينا نعمل الف حساب لكل كلمة بنقولها علشان بنخاف نجرح اللي
بنحبهم ، فعلا الحب شعور خفي يتسلل الى قلوبنا ليهز كل معاني العاطفة في العقل و القلب

بعد ما تعشو ورقصو و اتكلمو كانو واقفين قدام البحر مستنين اليخت يوصل الى الشاطئ

عمر ،، انا بحب البحر اوي يا بسمة
بسمة،، و انا كمان بحس انه عالم تاني غير العالم اللي احنا عايشين فيه
عمر،وهو شارد،،وساعات البحر هو الوحيد اللي بيخبي اسرارنا
بسمة ،، اسرار ،، ايه ده لالالا انا حشريه و بحب اعرف كل حاجه

عمر ،، انا ،، مش ،، مكنتش اقصد اسراري انا

بسمة،، يهون عليك تخبي عليه

عمر ،، و حاول ان يحول الموضوع الى مزحة،،انا لو اتكلمت معاكي خمس دقايق كمان حدخل سراية المجانين
ممكن تخليني اعترف بحجات معملتهاش اصلا

بسمة ، اخص عليك قصدك ان انا بحقق معاك

عمر ،، لا يا سوسو بهزر معاكي انت تحققي معايا زي ما انتي عايزه

بسمة ، ايوا كده ههههههههه

رجعو البيت متاخر جدا و هم في غايه السعاده

في الغرفه اقترحت بسمة انهم يتفرجو على فلم رومانسي
ولكن عمر رفض
بسمة،، ليه يا عمر انا نفسي اتفرج معاك على الفلم ده

عمر،، مينفعش الوقت اتاخر و انا لازم اصحى بدري و انت كمان

بسمة ،، انا معنديش حاجه اصحى بدري ليه؟
عمر،، عشان انا عاملك مفاجأه،، اتفضلي يا ستي
بسمه ،، ايه الورق ده
عمر ،، دي يا حبيبتي اوراق تعيينك الجديد في مدرسه خاصه
بسمة ، بفرحه عارمة،، انا حشتغل
عمر ،، ايوا انت كنتي عايزه تشتغلي فانا كلمت ناضر المدرسه اصله صاحب بابا من زمان و هو عايز يعمل معاكي مقابله بكرا
بسمة،، و الدموع في عينيها ،انت احلى حاجه حصلتلي يا عمر ، انا بحبك اوي اوي و ارتمت في احضانه و،،،،،،،،،،،،

في الصباح استيقضو الجميع ، كان هذا اليوم مهما جدا لبسمة لانها ستتعرف على عملها الجديد الذي لطالما حلمت به، و لكن هذا اليوم هو مختلف بالنسبه لعمر لانه سيجرب العلاج الكيميائي لاول مره في حياته

جلسو الجميع حول مائده الافطار

عمر ،، بابا انا مش حروح الشغل انهارده
محمود،، خلاص بقه مش كل يوم عايز اجازه ، ايه لعب العيال ده
عمر ،، معلش يا بابا اصل صاحبي عنده عزه و لازم اكون معاه
فاطمة،، روح يا حبيبي ده واجب برضو
مراد ،، عمي متقلقش انا مضبط كل حاجه و حقابل الناس النهارده
محمود ،، ده انتو متفقين على كل حاجه
سماح،، علشان خطري يا بابا متزعلش نفسك
محمود،، خلاص مش زعلان بس انت خلي بالك من نفسك مش عايز ابنك يطلع دلوع كده زيك
سماح ،، و هو يطول يبقى زيي ده انا سكره
ضحك الكل الا عمر اللي كان متوتر من اللي حيحصل

الساعه عشره دخل عمر اول جلسه علاج الدكتور حطله المحلول في ايدو و طلب منه الاسترخاء

مرت الدقائق و كانها ساعات على عمر كان حاسس بتعب شديد، الدكتور قله قبل الجلسه ان التعب ده شئ عادي و عرض جانبي للعلاج الكيميائي ولكن عمر كان حاسس فعلا بتعب و ارهاق شديد

بعد ان انتهى عمر من جلسه العلاج قرر انه يرجع البيت لانه كان حاسس بدوخه و تعب و نفسه ينام جدااا

وصل الى المنزل و هو في غايه الارهاق
دخل الفيلا و هو شايل جاكت البدله في ايده و بيمشي بخطوات بطيئه و اول ما دخل شاف والدته و سماح
فاطمة،، اهلا يا حبيبي
سماح ،، انت كنت فعزه و لا كنت فالجم شكلك تعبان و بتنهج ، هو فيه ايه
عمر ،، اصلي تعبت من الحر و الشمس، هي بسمه رجعت

فاطمه،،لا دي لسه فشغلها الجديد زمانها جايه اطلع انت غيرهدومك و انا ححضرلكو الغدا

استدار عمر ليذهب لغرفته وفجأه سمع صوت والده

محمود، استنى يا عمر عايزك

عمر،، ايوا يا بابا

محمود ،، مراد كلمني و قال ان البضاعه جاهزه و لازم نوصلهه اسكندرية الليله ، جهز نفسك بسرعه عشان تطلع مع العمال

عمر اتصدم من كلام والده ، هو كان حاسس انه تعبان جدا و مش حيستحمل السفر و العلاج الكيميائي فنفس اليوم

محمود ،، ايييه رحت فين يا عمر انا بكلمك

عمر ،، بابا ممكن تخلي مشوار اسكندرية ده لبكرا

محمود،، بكرا ليه ، الناس مستعجله ، و بعدين انت وراك ايه النهارده ، تقدر تلحق تروح وترجع قبل نص الليل

عمر ،، انا تعبان اوي يا بابا ارجوك خلي مراد يروح بدالي

محمود،، مش انت اللي تقرر مين اللي حيسافر ، و لما اقول كلمة متناقشنيش فيهه

عمر عرف ان مفيش فايده من المناقشه بس لاول مره يحس انه تعبان اوي كده و افتكر كلام دكتور منير انه لازم يرتاح و انه مش حيستحمل بس مكانش قدامه حل غير انه يسافر

فاطمة،، حرام عليك يا محمود عمر شكله تعبان انت ناسي كلام الدكتور انه لازم يرتاح

محمود،،ابنك مش تعبان ده بيتدلع و مش عاوز يشتغل وبعدين كلام الدكتور عن الراحه ده كان من فتره

فاطمة ،، انت بتعامله كده ليه ،، ده حتى بييجي على نفسه عشانك

محمود،، خلاص مش عايز كلام في الموضوع ده ، حضريلنا الغده

طلع عمر اوضته عشان يغير هدومو و يستعد للسفر ، لكنه احس بالضيق و الوحده فعلا ، لاول مره في حياته انهار عمر بالبكاء ، لاول مره يحس انه ضعيف و مش قادر يعمل اللي والده بيطلبه منه ، لاول مره يسيطر التعب على جسد عمر و حس انه بيتمنى الموت فالحضه دي ، و بعد انهياره بلحضات افتكر بسمة و افتكر الليله الماضيه لترتسم ابتسامه على وجهه المتعب و قرر انه لازم يكمل مهما حصل …….

و لكن هل حيقدر عمر انه يكمل فعلا و ايه اللي حيحصل فالسفر و هل حتقدر بسمة تفهم اللي بيمر بيه عمر …..

#زواج_غير_تقليدي_8

وهل تعلم اننا كلنا نحزن ولا يوجد شخص سعيد طوال الوقت؟
حتى وان أظهر لك هذا فاعلم انه أكثر شخص يحتاج لأن يتكلم ويعبر عن مكنونات نفسه ولكنه يفتقر الى الثقة بالغير ويخاف شفقتهم؟

وصلت بسمة بعد خروج عمر بعشر دقايق ، كانت كلها شوق لتسرد له تفاصيل يومها و عملها الجديد ، منذ وفاة اهلها اصبح عمر ليس فقط زوج لبسمة بل انه الصديق الوفي اللذي يستمع لها دون ملل، و لكن عندما علمت بانه سافر خابت كل امالها

بعد مده من الزعل و خيبه الامل قررت الاتصال به

بسمة ،، عمرررر الوووو ، انت فين

عمر ،، انا في طريقي لاسكندرية مع العمال،،

بسمة،، ازاي تسافر من غير ما تديني خبر ، هو انا مش مراتك و من حقي اعرف انك مسافر

عمر ،، انا مكنتش ناوي اسافر بابا هو اللي فاجئني بالموضوع

بسمة،، ولو يا عمر ، كان لازم تتصل بيه ، مش تسافر و انا معرفش ، ايه مفيش احساس بالمسؤوليه؟

عمر،، بسمة، اعرفي حدودك كويس ، عيب لما تكلمي جوزك بالشكل ده

بسمة،، و انت عيب لما تنسى ان فيه واحده مستنياك في البيت و انت ولا عاملي اي اعتبار

عمر،، بعصبيه وصوت عالي ،،قلتلك اني مكنتش عايز اتزفت و ابويه اجبرني على السفر

بسمة،، انت بتزعقلي كده ليه ده بدل ما تطمني عليك

عمر ،، بسمة انا مبحبش مراتي تحاسبني ، انا بشتغل مش بتفسح

بسمة،، ماشي ياعمر انا اللي غلطانه علشان كنت عايزه اتطمن عليك ، سلام

اغلقت الخط بسرعه و انجرفت في نوبه بكاء طويله حتى نامت ، بسمة لم تكن معتاده على اسلوب عمر الجاف معها و حست بانه جرحها بكلامه
، غفت لدقائق و لكن صوت هاتفها ايقظها من النوم ، ردت على التلفون بتثاقل و لكن عندما رأت اسم ريم (ابنة خالتها )على الشاشه تغيرت ملامح الحزن اللتي كانت تكسو وجهها الجميل الى ملامح فرح و حماس

بسمة ، الوووو يا ريري

ريم ،، ايوا يا وحشه ، انا مكنتش ناويه اكلمك بس ماما غصبتني

بسمة،، وحشتوني اوووي اوووي

ريم ،، مهو باين الجواز خدك مني خلاص مبقيتش اجي على بالك

بسمة،، انا اسفه والله عارفه اني مقصره معاكو بس الايام اللي فاتت كانت غريبه اوي حاسه اني فشهرين بقيت واحده تانيه

ريم ،، اهم حاجه تكوني مبسوطه

بسمة ، بشرود ، مش عارفه

ريم،، اااه انت عايزالك قعده عشان افهم اللي بيحصل،، ماما طلبت مني اكلمك عشان احنا كنا عايزين نزورك

بسمة ، بفرح ،، ياريييت ، تعالو النهارده عشان خاطري ده حتى عمر مسافر و انا نفسي اتكلم معاكي كتييير

ريم ،، وانا اقول مال صوتك اتاريكي بعيده عن حبيب القلب

بسمة،، بت ، بطلي كلام و تعالو بسرعه يلا

ريم،، انت مش حتخلصي من لساني ، جيالك

اغلقت سماعه التلفون بسرعه و ذهبت لتاخذ شاور بعد جلسة البكاء الطويل، ثم ارتدت ثوب بنفسجي جميل و فردت شعرها الطويل المموج على ضهرها و وضعت بعض المكياج ، كانت تبدو جميله جدا و بريئه ، و اخبرت فاطمة و سماح عن قدوم خالتها و ابنه خالتها

رن جرس الباب و فتحت بسمه بسرعه و احتضنت خالتها بشده و كانها تذكرها بوالدتها ، ثم اطلقت ريم صرخه عاليه ، راحت عليه انا بقه

قفزت بسمه بسرعه واحتضنتها ، وحشتيني ، وحشتيني جداااااا

ريم ،، و انت كمان ، البيت وحش اوي من غيرك،، بس ايه ده هو الجواز بيحلي اوي كده

ضحكو الجميع من كلام ريم اللتي تتمتع بروح الفكاهه و هي صديقه بسمة المقربه بل هي اختها

فاطمة،، نورتو البيت والله ، وحشتيني اوي يا ام وليد

رجاء ،، انتو اللي وحشتونة اوي والله ، طمنيني بسمة عامله معاكو ايه

فاطمة ،، بسمة دي زي النسمه انا بعتبرهه زي سماح بنتي والله ، ده انا مطمنتش على عمر غير لما اتجوز بسمة

رجاء ،، ربنا يخليكي انا مطمنه عليهه طول مانا عارفه ان انت معاها

سماح ، ، يا عيني عليه مفيش كلمتين حلوين ليه اناوالا ايه

فاطمه ،، هو انت محتاجه حد يتغزل فيكي مش كفايه شايفه نفسك علينه

سماح ،، ربنا يسامحك ده انا طيبه و اللي فقلبي على لساني

رجاء ،، هههههههه سموحه دي سكره والله بتفكرني بريم لمضه زيهه

فاطمة ،، ربنا يقومهه بالسلامه و يفرحك بريم
رجاء، ااه صحيح هو انت في الشهر الكام يا سماح

سماح ،، في السابع و حاسه اني خلاص حفرقع

رجاء و فاطمة،،، ههههههههههههههههههه

كانت جلسه نسائيه جميله ولم يكن احد من رجال المنزل موجود

في مكان اخر كان يوم عمر يمر بصعوبه!!!!

عمر كان في الشاحنه المحمله بالاثاث مع السائق و عامل اخر ،، كان الارهاق و التعب واضح جدا على عمر و حاول ان لا يضهر تعبه امام العمال

السائق ،، عمر بيه شكلك تعبان ، الضاهر منمتش كويس
عمر ،، ايوا ، اصل السفر جه فجأه

حاول عمر عدم التحدث مع احد لانه كان يشعر بالغثيان و الدوخه ولكنهم اصرو على الكلام عن مختلف المواضيع ، ولكن عمر لم يكن يشعربهم
و استسلم للنوم

في الطابق العلوي ، في غرفه بسمة

ريم ،، اوضتك تجنن يا بسمة ذوقك حلو اوي

بسمة،، انا مخترتش حاجه ، ده ذوق عمر

ريم ،، يا عيني باين عليه هادي كده و راكز من شكل الاوضه

بسمة،، هههه انت لسه بتحللي الشخصيات

ريم ،، طبعا ده انا عبقرينو في الشخصيات ، و عشان كده من غير لف ودوران قوليلي مالك

بسمة،، انا كويسه اوي اهو انت حتحللي شخصيتي و لا ايه

ريم ،، انا وانت متربيين سوه و عارفه انك فيكي حاجه ، هو عمر مزعلك

بسمة،، ردت بسرعه ،، لالا مش عمر

ريم،، قفشتك ،، يبقى هو ، هااا فيه ايه احكي بقه

بسمة امتلئت عينيها بالدموع ،، احنا اتخنقنا
وسردت كل ما حصل لريم

ريم،، اولا بطلي الدموع دي و اسمعيني من غير ما تزعلي ،، بصراحه انت غلطانه

بسمة بتهكم،، انااا

ريم ،، ايوا انت ،، مينفعش تكلمي كده و تتوقعي انه ميتعصبش عليكي

بسمة،، انا كنت عايزه اتطمن عليه بس

ريم ،، برضو لما حسيتي من صوته انه بقه عصبي كان لازم تهدي شويه ، الست هي اللي بتهدي الراجل مش العكس و بعدين هو قال انه مكنش عايز يسافر ، يبقى لازم تقدري وضعه

بسمة،، انا مش عارفه افكر ، من ساعه مجيت هنا و فيه حجات كتير اوي بتحصلي ،عمر ساعات يبقى رومانسي ولطيف و ساعات ينام و يسبني تخيلي !

ريم،، جايز تعبان من الشغل او بيفكر في حاجه ، خدي الامور ببساطه

بسمة ،، بس احنا لسه في بدايه جوازنا و هو بيشتغل كتير اوي و انا بقعد لوحدي و نفسي يبقى جنبي

ريم ،، يا حبيبتي ، طيب حاولي تخلي يسهر معاكي النهارده و صالحيه ، اتدلعي كده ههههههه

بسمه، بخجل، خلاص بقه بطلي الكلام ده ، انت قوليلي اخبار خطيبك سامي ايه؟

ريم ،، بصراحه مش طايقاه،، و ماما و بابا مصرين عليه جدا ، دمه تقيل و بيبصبص على البنات و انا معاه بجد بني ادم بااارد

بسمة،، حاولي تاني مع خالتو جايز توافق انك تسيبيه ، بس برضو فكري مش جايز يكون هو الشخص اللي بتحلميه بيه،،،

ريم ،، انا نفسي اتجوز و افرح زي كل البنات ، بس نفسي فحد يخطف قلبي لما اشوفه ، عايزه افضل اكلمه طول الليل و هو مينمش غير لما يطمن عليه ، نفسي يغير عليه و اغير عليه و احس انه عايز يحميني من عيون الناس ، عارفه يا بسمة انا بحلم بواحد احس انه بيوحشني بجد و انا بوحشه نفسي اخطط معاه لمستقبلنا و حياتنا واسامي اولادنا و اخرج معاه و احس اني الاميره بتاعته و سامي مش الانسان ده انا زهقت و هم مش حاسين بيه خالص

كانت بسمه تستمع لكلام ريم و صوره عمر لم تفارق خيالها ، نعم فهو الشخص اللذي توجد به كل هذه المواصفات ، شعرت انها محضوضه جدا لان الله وهبها زوج يحبها و هي تعشقه فعلا و احست بالندم لكلامها معه بهذا الشكل……

في الشاحنه

بعد نوم عمر كانو السائق و العامل يتحدثون بصوت منخفض،،،،

السائق ،، ده عمر بيه اول مره يعملهه و ينام في العربيه

العامل،، اه ده شكله تعبان ، دي مش عادته

السائق ،، ده في العاده بيهزر و يتكلم معانا طول الطريق

العامل،، انا بستغرب ازاي ده ابن محمود بيه ، اصله مش عصبي و لا بيزعق طول الوقت زي والده

السائق،، شكله مش نايم من اسبوع ، شوفت ازاي كان مش قادر يتكلم من كتر معايز ينام

العامل،، ربنا يعينه ده شغل المعمل و المحلات كله على دماغه من ساعه سمير بيه ما توفى

كان عمر مستغرق في نوم عميق و متكأ براسه على زجاج النافذه حتى افاقه السائق ليخبره بانهم وصلو الى الميناء

عمر ،، ايه ده هو نايم بقالي كتير

السائق ،، حضرتك بقالك ييجي ساعه و نص

عمر ،،، ياااه انا محستش بنفسي خالص

………………..

لاحضت بسمة الحزن على وجه ريم بعد ذكر اسم سامي فحاولت تغيير الموضوع

” اااه نسيت اقولك مش انا اشتغلت”

ريم ، مش معقووول ازاي ؟؟؟

بسمة ،، عمر اتوسطلي عندهم و رحت النهارده عشان اشوف المدرسه

ريم ،، ياسلام على الحب و كمان ليكي عين تزعلي ،، المهم ايه رايك في المدرسه؟

بسمة ،، تجننننن حلوه اوي و الناس هناك كلهم طيبين الا وحده بس كانت بتبصلي من فوق لتحت ولما سلمت عليهه قالتلي هاي و مشيت بسرعه

ريم،، مين دي

بسمه ،، قالولي انها بتشتغل في الحسابات

ريم ،، اااه اللي بتقفش الفلوس من العيال

بسمة، ههههههه اه شكلهه كده مش حباني خالص

ريم ،، و انت مالك بيهه دي شكلها واخده مقلب في نفسهه ، بقولك ايه متيجي ننزل تحت اصل ماما حالفه تديكي نصائح الجواز هههههه

بسمة،، خلاص خلينا ننزل عشان اتلقى مصيري المر ههههههههههههههه

،،،،،،،،،،،،،،،،،،،،،،،،،،،،،،،،،،،،،،،،،،،،،
في الاسكندريه
نزل عمر من العربيه بصعوبه ، كان فعلا محتاج انه يرتاح و حاسس ان الدنيا بتلف بيه
بدأ العمال بنقل البضاعه من الشاحنه الى الميناء و كان عمر يراقبهم و هو يوقع بعض الوراق اللتي تخص الشحنه ، كان واقف طوال الوقت تحت اشعه الشمس و رغم شعوره بالتعب الشديد الا انه انهى كل مهام العمل اللذي طلبه والده ،
بعد ساعات من الوقوف مع العمال و انهاء كل اوراق العمل لم يكن يقوى عمر على الوقوف لمده اطول، مشى بخطوات بطيئه الى اقرب استراحه و لكنها كانت مغلقه و لم يكن بامكانه ان الوقوف اكثر ، فجلس على الارض بسرعه و هو يتنفس بصعوبه و يمسح قطرات العرق التي سالت من وجهه المتعب ، كان المكان منعزل قليلا عن الميناء اما عمر فكان متوتر جدا من ما يحصل في جسده و اتكأ براسه الى الحائط بتعب و هو متمسك براسه بين يديه لعله يخفف الالم،،،،،،
بعد ربع ساعه رن هاتفه ،و اضطر ان يرد بصعوبه ووجد ان والده هو المتصل

محمود،، ايوا يا عمر ، سلمت البضاعه

عمر ، وهو يلتقط انفاسه بصعوبه ، ايوا سلمتهه

محمود،، انت صوتك ماله

عمر،بخوف،، لا ابدا بس اصلي تعبت شويه

محمود،، من ايه ، ما ده شغلك من زمان وله انت عايزني اسيب البضاعه تتسرق عشان حضرتك تقعد في البيت، انا المفروض مخلف راجل مش كل شويه تقولي تعبت و عايز اجازه

عمر كان في حاله يرثى لها ،فهو جالس على الارض و يتنفس بصعوبه بعد جلسة العلاج الاولى له و رغم ذالك نفذ كل طلبات والده ، و لكن لا حياة لمن تنادي

عمر قال بتعب ،،، بابا انا مقصدش كده

محمود ،، طب يلا ارجع بسرعه مش عايز تاخير

عمر بنفاذ صبر و حزن ،، حاضر

&&&&&&&&&&&&&&&&&&&&&&&&&&&

اجتمعو الجميع في غرفه المعيشه ثم طلبت رجاء من بسمة ان يخرجو الى الحديقه ليتحدثو

بسمة،، ادينا بقينا لوحدنا يا خالتو قولي اللي نفسك فيه

رجاء،، بصي يا حبيبتي الكلام اللي عايزه اقولهولك كل ام بتقوله لبنتها وانا مامتك مش بس خالتك

بصي يا بسمه الجواز يا حبيبتي مش سهل خالص ده مسؤليه و صعب جدا ان البنت تقدر ترضي جوزها و نفسها فنفس الوقت ، و هنا بيبقى دور الزوجه العاقله انها تضحي عشان جوازها يستمر خصوصا لو جوزها يستاهل التضحيه دي ، يعني لو جوزك زعلك في يوم متقكريش في الحجات الوحشه اللي بيعملها فكري بس في الحاجات الحلوه و حتحسي انك مرتاحه و راضيه ، عارفه دلع الانثى ده نعمه من ربنا تقدري تاخدي بيهه اللي انت عايزه من غير متتخانقي و لا تتعصبي ،كل راجل وليه طبع لازم تعرفي طبع جوزك و تتعاملي معاه على الاساس ده ، و اوعي فيوم تهملي عشان فيه غيرك اللي حتدلعه و تخليه يحس برجولته و انت ساعتها حبك حيطلع من قلبه ، كل جواز بدايته بتبقى صعبه بس بعد كده حتتعودو على بعض و مش حتقدري تستغني عنه

احتضنت بسمة خالتها بشده بعد هذا الكلام فقد كانت بحاجه ماسه الى ان تسمع نصائح من ام لتعرف كيف تتعامل مع حياتها الجديده .

&&&&&&&&&&&&&&&&

اما عمر فقد اغلق الهاتف و هو متعصب من معامله والده ليه و افتكر كمان خناقته مع بسمة ، انا ايه اللي بيخليني افكر فيهه و هي بتكلمني بشكل ده ، قطع تركيزه الصداع و الدوخه
و انتبه انه لسه قاعد على الارض ، فقام بصعوبه و رجع للعمال اللي كانو بيتغدو و طلبو منو يتغذى معاهم

عمر،، بالهنا و الشفا انا اصلي مش جعان
العامل،، ازاي يا بيه محضرتك واقف معانا من صباحيه ربنا ، اتقضل معانا
عمر،، معلش والله مليش نفس انا حستانكو في العربيه

جلس عمر في المقعد الخلفي بانتضار العمال و فتح هاتفه و في قلبه كان يتمنى لو ان بسمة اتصلت بيه لكن ملقاش ولا اتصال و غير
عمر ،، انا كان مالي بالجواز ، هي بسمة اتغيرت ليه و مبقتش فهماني، و فتح صوتها في تلفونو وفضل يتاملها بسمه كانت بتلمس قلبه و بيحس انه مهما زعل منها بيزيد حبها فقلبه اكتر و اكتر
دخول العمال الى السياره قطع سلسله افكاره ، و بعد ما تحركو من اسكندريه عمر حس ان حالته بتسوء اكتر واكتر ، اكتر حاجه خوفتو انه كان حاسس انه ممكن يرجع فاي لحضه ، رغم انه لم يتناول شئ منذ الصباح الى ان الغثيان كان اقوى حاجه بيحس بيهه و فجأه صرخ عمر على السائق

عمر ،، وقف العربيه بسرعه

تفاجأ السائق من طلب عمر و حاول ان يركن بسرعه
و اول ما وقفت العربيه فتح عمر الباب بسرعه فائقه و ركض خارج السياره و تقيئ بشده لمده طويله ، كان محرج جدا من منضره قدام العمال

العامل و السائق قلقو جدا على عمر و ذهبو اليه بسرعه

العامل ،، عمر بيه الف سلامه عليك

السائق ،، انا رأيي حضرتك تروح المستشفى ، شكلك تعبان اووي

عمر ،، لالا مستشفى ايه، انا الضاهر لخبطت في الاكل
العامل ،، ده حضرتك مكلتش اصلا

عمر،، متكبروش الموضوع انا كويس ، خلونا نرجع العربيه عايزين نوصل بسرعه

في داخل السياره عمر كان مخضوض جدا من اللي حصل و حاسس ان اعراض العلاج الكيميائي صعبه عليه جدا ، حتى رجله كانت مش شايلاه و لكن كبريائهه صور له انه باستطاعته تحمل اي شئ

وصل عمر الى الفيلا بعد رحله عذاب ، كانت هذه السفره هي الاصعب على عمر ، طوال حياته لم يحتمل كميه الالم و الغضب و الضلم التي يحتملها الان ،،،،
افكار كثيره كانت تدور في راس عمر

ازاي حيخبيه كل ده قدام اهله ، و ايه رد فعل بسمة لما تشوفو ، و حيصالحها ازاي ؟؟؟

ولكن ما اللذي بانتضار عمر داخل الفيلا و هل هذه الليله

#زواج_غير_تقليدي_9

امام باب الفيلا كان يقف عمر و هو متردد ، جسده متعب و يتمنى النوم والراحه بعد يوم شاق و طوييييييييل ولكن بعد ان يفتح باب المنزل سيضطر للتمثيل بانه شخص عادي ، ابن و اخ و زوج، و يجب ان يمارس حياته بشكل طبيعي و يأدي كل واجباته تجاه عائلته ، يجب ان يتناسى المرض و الالم و العلاج و يتصرف بشكل روتيني رغم كل ما يعانيه

اخرج مفتاح المنزل و توكل على الله و دخل الى المنزل
لكن فور دخول عمر الى المنزل سمع صوت كلام و ضحكات باصوات عاليه ، استغرب جدا فهو متعود على ان كل من في المنزل ينامون مبكرا، و انفتح الباب ليرى عمر بسمه و هي تناديه

بسمة،، عمررر انت جيت ، عمر وصل يا بابا، تعال يا عمر سلم على طنط رجاء خاله بسمة

سيطر الاحراج على عمر ، فهو متعب جدا و لكنه مضطر الى ان يدخل ليسلم على الضيوف

عمر ،، السلام عليكم ، عامله ايه ياطنط

رجاء،، و عليكم السلام يا حبيبي ، الحمد الله انا كويسه

فاطمة،، حمد الله على السلامه يا حبيبي ، احضرلك العشا اكيد جعان

عمر ،، لا متشكر يا ماما مليش نفس

محمود،، عشا ايه ، ده اتلاقي كان بياكل طول السكه

فاطمه،، حرام عليك هو عمر بياكل ده بينسى نفسه طول اليوم من غير اكل

محمود ،، عمر ، انت خلصت الورق بتاع البضاعه
عمر،، كل حاجه جاهزه يا بابا

في جانب اخر من الغرفه كانت بسمه جالسه و هي تنضر الى عمر بنضره عتاب و لكن عمر كان يتحاشى النضر اليها بكل الطرق

ولكن بعد كل هذه المعاناة ليتحاشاها ، اضطر ان ينضر اليها عندما سالته رجاء

رجاء،، ها يا عمر يا بني طمني ، بسمة عامله معاك ايه

عمر بحرج واضح،، انا وبسمة متفهمين و كويسين جدا مع بعض

رجاء،، الحمد الله دي بسمه دي بنتي خلي بالك منها

محمود ،، و بنت اخويه انا كمان و بحبها زي سماح

نضرت له بسمة باعجاب و تقدير لانه رغم ما حصل بينهم لم يحاول ان يضهره امام خالتها كبعض الازواج ، احست بندم اكثر على كلامها و قررت انها هي التي ستبادر بالاعتذار منه

كانت جلسه عائليه لطيفه يسودها الضحك و بدأو الجميع بالتحدث في حوارات جانبيه ،،، الا عمر كان متعب جدا فبعد كل ما تعرض له من تعب طوال اليوم كان مضطر ان يجلس و يجامل كل من حوله ،،،

الحديث كان طويلا و الكل مستمتع بالجلسه اما عمر فحاول جاهدا ان يصارع رغبته في النوم ولكن بعد محاولات طويله استسلم عمر للنوم و اتكأ برأسه على الكنبه و استغرق في النوم

بعد دقائق انتبهت رجاء ان عمر نام و شعرت بالحرج الشديد

رجاء ،، يلا يا ريم ، احنا حنمشي بقه يا ام عمر

فاطمة،، ليه بس ده احنا مبسوطين معاكو

رجاء ،، معلش الوقت اتاخر

بسمه،، بس انا لسه مشبعتش منكو

رجاء ،، معلش يا حبيبتي ، انت بقه تعالي زورينا كمان

محمود،، استني بس يا ام وليد عشان عمر يوصلكو
استدار محمود على عمر ليجده نائم ، لا يشعر بما حوله
كان الشر يتطاير من عينيه لانه احس بالاحراج

محمود بصوت عالي ،، عمرررر
لكن عمر لم يصحو من غفوته و انتبه الجميع على ان عمر نائم،، استغربت بسمه من تصرف عمر فكيف له ان يحرج خالتها بهذا الشكل

حاول مراد ان يصلح الموقف ، فتبرع هو بتوصيل رجاء و ريم

و فور خروجهم من باب المنزل ركض محمود نحو عمر بسرعه فائقه و بصوت عالي جدا ، عمرررررر عمررررر

افاق عمر بفزع ،، ايوا ،،، ايوااا يا بابا

محمود،، بعصبيه شديده ، ايه قلة الادب دي ، بتنام و الناس قاعده ، عايز تحرجني ، احرجتني و احرجت مراتك و اهلها ، انت فاكر نفسك فاوضه نومك

انتبه عمر ان خالة بسمة مشيت فعلا

عمر،، انا اسف انا مكنتش قاصد احرجهم و لا احرجك، انا معرفش نمت هنا ازاي

محمود بصوت عالي ،، يعني ايه متعرفش هو انا بكلم عيل صغير ،، انا زهقت بقه منك و من تصرفاتك ، انت متعرفش يعني ايه مسؤوليه و لاحتى عارف تحترم حد ،،،،قلة ادب

عمر اتجرح من كلام والده جدا و لكن هذه المره مقدرش يسكت

عمر ،، بعصبيه و حزن و صوت عالي،،

حراااام عليك يا بابا كفايه انا مش قادر استحمل خلاص ارجوك انا بحاول اني مقصرش فاي حاجه تطلبهه مني ، والله العضيم انا محسيتش بنفسي و مش عارف نمت ازاي ،، خلاص سيبوني فحالي بقه ارجوكم حرام عليكو

كان كلام عمر بمثابه صدمه لمحمود جعلته لا يستطيع الرد ، و اكتفى فقط بنضره الغضب و الصدمة

فاطمه ،، هدي نفسك يا بني ، ابوك ميقصدش

ثم تدخلت بسمة ، عمي هم اكيد مزعلوش من عمر

عمر لم يكن يقوى على المجادلة و الحديث فأسرع بخطواته الثقيله الى الغرفه تاركهم في صدمه من كلامه و حزن على حاله

بسمة كانت مصدومة من ما يحدث ، في البدايه كانت محرجه من موقف عمر امام اهلها و لكنها الان احست بالشفقه عليه و قررت ان تذهب ورائه الى الغرفة

في غرفة عمر و بسمة

كان عمر جالس في توتر و يديه ترتجف بقوه من شده التعب ، دخلت بسمة الغرفه بهدوء

بسمة، جلست بالقرب منه و لمست يداه التي كانت ترتجف

بسمة ،، عمر متزعلش من كلام عمي ارجوك ، ثم احتضنت كف يده ،، اهدى ، اهدى يا عمر

كانت الدموع في عيون عمر و هو ينضر اليها تحتضن كفه ، انها المره الاولى التي احس فيها بالامان و الحنان و كأنها كانت تسحب منه كل الالم الذي تعرض اليه

بسمة،، قوم معايه يا عمر ، تعالى غير هدومك و نام شويه

عمر ،، لا ، انا حصلي الاول

بسمة،، طيب يا حبيبي

توضأ عمر و صلى ، كان يقف بين يدين الله ، و كأنه يشكو له كل ما يحصل له
عمر، و هو بيدعي ، يارب متحملنيش فوق طاقتي و ساعدني و كون معايا

بعد انهاء صلاته

بسمة،، انت لازم تاكل حاجه يا عمر

عمر ،، مش قادر يا بسمة ارجوكي انا عايز انام

بسمة،، طيب انا ممكن اقلك حاجه

عمر ،، بسمة اررررجوكي انا عندي صداع فضيع و مش قادر اتكلم ، انا اسف

نضرت بسمة اليه بحزن و هو نائم على السرير و ملامحه يبدو عليها التعب الشديد ، و لقته بيمسك راسه كل شويه عشان يخفف الصداع

فقررت انها حتعمل بنصيحه خالتها و تنسى اللي حصل الصبح و تنسى اي حاجه ضايقتها من عمر و مدت ايديها بحنيه و بدأت بتدليك رأسه و هي تلامس شعره الى ان تأكدت انه غط في نوم عميق ، و اطالت النضر الى وجهه و خصلات شعره المنسدله على جبينه و هي تفكر ،
انا كنت عايزه اتكلم معاك اوي يا عمر، ليه كل ما اقرب بتبعدني عنك و تصدني ، انا نفسي اوي اخفف عنك المسؤوليه اللي انت شايلها و نفسي نعيش حياة طبيعيه زي كل المتجوزين ،

$$$$$$$$$$$$$$$$$$

في الصباح

بسمه ،،، عمر، عمر قوم بقه يا حبيبي بسرررعه يلا

عمر ،، سيبيني نايم كمان شويه يا بسمه

بسمة، بضحك، لا مش حسيبك خالص لحد ما تقوم ،
وسحبت منه الغطاء و فتحت الستائر

عمر،، سيبي الغطا متبقيش غلسه

بسمة،، ههههههههه مستحييييل

عمر،، طب خلاص انا قمت يا ستي عايزه ايه

بسمة،، ادخل اغسل وشك بسرعه كفايه كسل ، انت عارف الساعه كام دلوقتي

عمر، و هو يتثائب ،، كام يعني

بسمة ،، 12 الضهر

عمر ،بفزع ، ايه ، ليه مصحتنيش يا بسمه انا لازم اروح الشغل

بسمة،، متقلقش انا طلبت من عمي انه يديك اجازه النهارده ، لحد يعني ما اعصابك تروق

و فجأه بدأ عمر بتذكر كل ما حصل ليله الامس و تغيرت ملامحه

بسمة،، مالك يا حبيبي

عمر ،، لا ابدا ،،، بسمة انت قلتي ايه

بسمة،، قلتلك مالك

عمر بابتسامه خبيثه،، لا قلتي حبيبي

بسمة بخجل ،، انا اسفه

عمر ،، اسفه على ايه انت مراتي

بسمة،، انا اسفه على طريقه كلامي معاك امبارح و الله انا مكنش قصدي احاسبك و لا الكلام ده ، انت وحشتني اوي و كان نفسي ارجع و الاقيك قدامي…..

عمر مبتسم،، انا مش زعلان منك خالص يا حبيبتي ، و انا كمان اسف عشان احرجتك امبارح ، انا كنت تعبان جدا من السفر و معرفش ازاي نمت وانا قدامهم انا عمري محصلي كده

بسمة،، لا متقلقش خالتو عقلها كبير و مش حتزعل انشالله

عمر ،، و انت مش زعلانه مني

بسمة،،، بدلع ،، مممم شويه ههههههه، اوعى تسافر من غير ما تقولي بعد كده عشان بقلق عليك يا عمورتي

عمر،، هههههه الله و اكبر ايه الهنا اللي انا فيه عمورتي مره واحده

بسمة،، ااه بس متاخدش على كده

عمر ،، بحبك يا بسمة حياتي

بسمة و هي تنضر الى عينيه ،، و انا كمان بحبك اوووي

عمر اخد شاور و صلى و غير ملابسه

عمر ،، ااه صحيح عملتي ايه فالشغل

بسمة،، انت لسه فاكرر ،،، انا حبتدي شغل بعد بكرا

عمر ،، يعني عجبك المكان

بسمة ،، جداا المدرسه تجنن و مستواها عالي و الناس هناك طيبين اوي

عمر،، الحمد الله ربنا يوفقك يا سوسو ، يلا بقه مش حننزل تحت

بسمة،، لالا استنى متنزلش ، انا عاملالك حاجه بتحبها

عمر، حاجه ايه؟

بسمة،، ماما قالت امبارح انك بتحب الكريم كراميل ، فانا صحيت الصبح و عملتهولك مخصوص عشان انت مكلتش حاجه امبارح و اكيد زمانك ميت من الجوع

عمر كان جعان جدا ولكنه مش قادر ياكل حاجه بسبب الغثيان المستمر بس هو محبش انه يكسفها لما حس بفرحتهه

بسمه ،، استنى انا اللي حأكلك بأيدي

عمر،، يا سيدي على الدلع

بسمة،، يلا هممم يا جمل

عمر و بسمة كانو مستمتعين جدا بالحضات البسيطه دي
الرومانسيه بين الازواج بتيجي بحجات بسيطه ساعات بس بتكون الحب و الفرحه في قلبهم

و بعد ما اكل عمر حس انه بغثيان و مكانش عايز ان بسمة تفتكر ان اكلها معجبوهوش ،

عمر،، ممكن تجيبيلي كبايه ميه يا بسمة

بسمة،، حاضر ، حشيل الطباق و اجيبهالك

عمر،، ارجوكي يا بسمه هاتيها دلوقتي

بسمة، باستغراب ، حاضر

فور خروج بسمة من الغرفه ذهب عمر الى الحمام و تقيئ ،كان متعب جدا ،

بسمة،، عمر انت روحت فين

عمر ،بتعب ، انا كنت في الحمام

بسمة ،، انت مالك فيه ايه وشك اصفر اووي

عمر ، شفتي بيحصلي ايه لما بتبعدي عني

بسمة، انا مش بهزر يا عمر شكلك تعبان

عمر،، لا يا ستي انا كويس متخافيش

بسمه ،، عمر ، صحيح ماما عاوزاك دلوقتي حالا

عمر ، طب تعالي ننزل نشوف فيه ايه

في غرفه المعيشه

عمر ،، صباح الخير يا ماما

فاطمة،، صباح النور و الهنا

عمر،، هو بابا فين

فاطمة، راح الشغل مع مراد

عمر ،، ايه يا ماما شكلك مبسوطه

فاطمة، طبعا مبسوطه ، عندي خبر ليك بمليون جنيه

عمر ،، خير يا ماما

فاطمة،، ماهر جاي يوم الخميس

عمر وقف بسرعه من الفرحه،، انت عرفتي ازاي يا ماما ، هو جاي فعلا انا مش مصدق اخييييرا ، الحمد الله !!!!!

#زواج_غير_تقليدي_10

بسمة،، ايه يا جماعه متفرحوني معاكم ،، مين ماهر و جاي منين

عمر،، ماهر ده صاحب عمري ، انا اعرفه من و انا عندي خمس سنين و افضلنا صحاب لحد ما اتخرجنا من الجامعه و جاتله فرصه شغل في لندن و كان لازم يروح ومجاش من ساعتها ، بقاله حوالي خمس سنين

بسمة،، باين عليكو صحاب اوي

عمر،، انا بعتبره زي اخويه ، مش مصدق انه جاي فعلا

بسمة،، هو بيشتغل ايه في لندن ؟

عمر ،، ماهر دكتور

فاطمة،، فاكره يا بسمة الدكتور اللي جالنه البيت لما عمر تعب المره الفاتت

بسمة،، دكتور منير ؟ ، صاحب عمي ؟

فاطمة ،، ايوااا بالضبط،، ماهر يبقى ابنه

بسمة،، ماشالله العيله كلها دكاتره

قاطع حديثهم صوت تلفون عمر، المتصل كان الدكتور منير

عمر ،، ابن حلال والله ، لسه كنا بنتكلم عن حضرتك

منير ، بجديه،، انت كويس يا عمر

عمر ،، الحمد الله ، انا كويس جدا خصوصا بعد ما عرفت ان ماهر راجع

منير ،، عمر ياريت نتقابل دلوقتي انا عايز اتكلم معاك

عمر ،، خير يا دكتور فيه حاجه

منير ،، لما تيجي نتكلم ، تعالى بسرعه

عمر بقلق ،، حاضر، سلام

عمر استأذن بالخروج ليذهب الى الدكتور منير

$$$$$$$$$$$$$!$$$

في بيت خالة بسمة

ريم،، مش عايزاه يا ماما ارجوكي افهميني

رجاء ،، انت اللي لازم تفهمي ده من عيله محترمه و كويس جدا ايه اللي مش عاجبك فيه بس

ريم،، فعلا هو عيلته محترمه بس هو اللي مش محترم ، انا مش طايقه اشوفو اصلا

رجاء،، بت اتلمي عيب تقولي كده على خطيبك

اثناء كلامهم دخل وليد اخو ريم

وليد ،، ايه ملكو صوتكو عالي ليه

رجاء، اختك حتجنني انا خلاص مش عارفه اتصرف معاهه

وليد ،، موضوع سامي مش كده

ريم ،، و هو في حد منكد عليه غيره

وليد ،، والله انت تنكدي على بلد هههههه

ريم،، اه طبعا مهو مفيش حد معايا كلكم ضدي

وليد ،، هو انتو بتتخانقو ليه اصلا

ريم،، البيه عايزني اروح معاه السينيما

رجاء،، و فيهه ايه بس مش كتوب كتابكو يا بنتي

وليد،، انا مبحبش حكايه الخروج دي

رجاء ،، انت مالك ، هو احنا خدنا رأيك ، اختك لازم تخرج معا عشان تتعرف عليه و تبطل تقول مش عايزاه

ثم خرجت رجاء من غرفه ريم

وليد،، انا مش مطمن لخروجك معاه لوحدك ، و فنفس الوقت مقدرش اروح معاكو ، انت عارفه ماما وبابا مش حيوفقو

ريم،، طب انا حعمل ايه ده عايز نخرج الليله

وليد ،،ايه رايك نكلم بسمة و جوزها و نخليهم يروحو معاكو على اساس انك عايزه تعرفيهم عليه

ريم،،، فكره تجنن انت انقذتني انا مش عارفه حتجوزو ازاي ده

وليد ،، انا كمان مش متطمنلو خالص و حاسس انه نصاب ، متخافيش من اي حاجه انا معاكي و مش حخلي الجوازه دي تتم

ريم ، اختضنت اخيها ،، ربنا يخليك ليه يا وليد انا مش عارفه من غيرك كنت حعمل ايه

وليد ،، انا مليش حد غيرك يا ريري ، بس يلا كلمي بسمة

$$$$$$$$$$$$$$$

في منزل عمر

ريم ،الوو ، وحشاني يا بسبس

بسمة،، وانت كمان يا حبيبتي عامله ايه

ريم ،، انا كويسه بس بصراحه عايزه منك خدمه

بسمة ،، اااه قولي كده ، اطلبي يا ستي

ريم ،، سامي عايز نروح السينيما النهارده وانا مش عايزه اكون معاه لوحدي

بسمة،، يا حبيبتي مهو خطيبك و كاتب كتابك يعني عادي لما تخرجو سوه

ريم ،، المشكله ان انا خايفه اخرج معاه لوحدي،، فانا عايزاكي تيجي معايا انت و عمر بحجه اني حعرفكو عليه

بسمة،، بصراحه انا نفسي اوي اخرج و زهقت من البيت بس مش عارفه عمر حيبقى رأيه ايه

ريم ،، حاولي تقنعي عشان خاطري

بسمة،، انا مش حوعدك باي حاجه بس انشالله حيوافق

ريم ،، يارب يوافق ، مرسي يا بسبوسه

بسمة،، ياا انت لسه فاكره بسبوسه

ريم ،، طبعا يا حبيبتي مش ممكن انسى ، خلاص قولي انت لعمر و كلميني

بسمة،، انشالله سلام يا حبيبتي

$$$$$$$$$$$$$$$$$$$$$$$$

في عياده الدكتور منير دخل عمر بقلق ليعرف لمذا طلب منه الدكتور منير الحضور

عمر ،، خير يا دكتور قلقتني

منير ،، عمر اضن ان انا كلامي كان واضح لما قلتلك انك لازم ترتاح بعد العلاج الكيميائي ،، ازاي تسافر فنفس اليوم انت عاوز تموت نفسك ، افرض كان حصلك حاجه و انت هناك

عمر ،، حضرتك عرفت ازاي اني سافرت

منير ،، ابوك اتصل بيه من شويه

عمر،بضحكة ساخره ،، عشان يشتكيلك مني

منير ،، ابوك مش فاهم يا عمر، ازاي عايزه يعذرك و هو مش فاهم اللي انت بتمر بيه

عمر ،، هو طول عمرو مش فاهمني و لا حاسس بيه

منير،، ممكن تقولي ايه الحصلك في السفر ، ازاي استحملت التعب يا عمر

عمر،، انا كويس متخافش عليه

منير ،، مخافش عليك ازاي انت زي ابني و انا دكتور و عارف اللي بيحصلك ، ده في ناس بتقعد بعد العلاج الكيميائي اسبوعين او اكتر ميتحركوش من السرير و انت سافرت فنفس اليوم

عمر،،بعصبيه و حزن،، هو بمزاجي ، انا سافرت غصباً عني ، بابا اصر اني لازم اروح مع العمال ،ده انا كان حيغمى عليه و انا هناك بس ربنا ستر

منير،، ايه الاعراض اللي جاتلك
عمر ،، ولا حاجه شويه تعب

منير ،، ارجوك متنساش ان انا الدكتور بتاعك اتكلم بصراحه

عمر بحزن،، دوخه و صداع و كمان مش قادر اكل حاجه

منير ، عشان كده نمت في الصاله امبارح

عمر،، ايوا انا حسيت باني مش قادر افتح عنيه خالص

منير ،، طب ممكن اكشف عليك

عمر ،، انا كويس مش محتاج كشف

ولكن الدكتور منير اصر على فحص عمر

منير،، ضغطك واطي جدا يا عمر ، انت ازاي كنت سايق العربيه ؟

عمر ،، انا ،، انا ، و بدأ بالتقاط انفاسه بصعوبه

منير انتبه الى ان عمر يتنفس بصعوبه

منير،بقلق، انت مش عارف تتنفس مش كده

عمر، بصعوبه ، ممكن تفتح الشبابيك

منير عرف ان عمر يمر بأزمه و بحاجه للاوكسجين على الفور، عياده منير كانت موجوده داخل المستشفى ، فنقله بسرعه الى قسم الطوارئ ووضعو له ماسك الاوكسجين و لكن مازال يتنفس بصعوبه

منير ،، انت سامعني يا عمر

عمر كان في عالم اخر ، انه شعور مرعب فعلا ان تحاول ان تتنفس و لكن لا تستطيع تأخذ كفايتك من الاوكسجين
كان عمر يتحرك كثيرا في السرير يحاول ان يلتقط انفاسه بصعوبه و لم يهدأ الى ان سمع ذالك الصوت المألوف لديه ليطمئنه

” عمر خد نفسك ، متخفش انا معاك حتبقى كويس بس لازم تركز و تهدى و تحاول تنضم النفس”

هدأ عمر بعد ذالك الصوت و حاول ان يعرف مصدر الصوت لكن الابره المهدئه جعلته ينام قبل ان يرى صاحب الصوت

بعد ساعتين تقريباً فاق عمر و مكنش في اي حد في الاوضه ، لقه نفسه مربوط باسلاك كثيره و حاول انه يفتكر اللي حصل بس كان لسه مش مركز اوي

دخل عليه بعد دقائق الدكتور منير

منير،، ازيك دلوقتي يا عمر

عمر ، بعدم تركيز ، هو ايه اللحصل انا مش فاكر حاجه و ايه ماسك الاوكسجين و كل المحاليل دي

منير،، للاسف الورم ضاغط على القصبات الهوائيه وده اللي سببلك ضيق فالتنفس ، اما المحاليل دي عشان جسمك تعبان جدا و الضاهر انك مبتاكلش كويس

عمر ، انا دايخ اوي

منير ،، ده من اثرالعلاج الكيميائي،، كويس ان احنا قدرنا نلحقك ، خلاص اهلك لازم يعرفو عشان اللي حصل ده مككن يتكرر

عمر ،، محدش حيعرف حاجه خلاص ارجوك انا كويس

منير ،، متضحكش على نفسك يا عمر انت حالتك بتسوء و لازم تعمل العمليه

عمر،، ارجوك يا دكتور انا مش قادر اتكلم دلوقتي

منير ،، ماشي ،، على فكره والدك اتصل لما كنت نايم و انا رديت عليه و قلتله انك عندي عشان تخلصلي كم حاجه في الحسابات عشان العياده الجديده

عمر،، انا مش عارف اشكرك ازاي، انا حكلم بابا عشان يطمن

لاحظ عمر ان بسمه اتصلت اكتر من مره و لكنه قرر الاتصال بوالده عشان عارف اد ايه هو عصبي

محمود ،، انت لسه فاكر تتصل بيه

عمر ،، معلش يا بابا اصلي كنت بخلص ورق مع دكتور منير

محمود ،، و حضرتك مردتش عليه ليه و سبت منير هو اللي يرد ،وايه مش عاوز تتكلم معايا

عمر ،، لا ابدا يا بابا بس هو
قاطعه محمود ، مفيش بس ، انت راجع امته

عمر ،، انا حرجع حالا

محمود ، بسرعه في ناس مستنياك

عمر، ناس مين ؟

محمود ،، بلاش ترغي كتير تعالى و بس

قرر عمر ترك المستشفى رغم ان منير لم يكن راضي على هذا القرار

في بيت عمر

دخل عمر المنزل و قال بذهول ،، انا مش مصدق عنيه !!!!!
مش معقووول!!!!!

يتبع…