كبرياء بنت عمي زهررة الربيع

البنت الي معاه بان عليها الضـ,ـيق ويونس مسك ايدها وابتسم لها وقال بابا لو سـ,ـمحت بلاش للكلام ده انا الي هتجوز وانا عارف جوليا كويس

ابوه قال بغـ,ـضب شديد اه يعني بتقولي اطلع منها

رضوى سمعت كل كلامهم وكانت دموعها متعلقه في عيونها بس خافت الموضوع يكبر لما لقت عمها متعصب اتقدمت عليهم وقالت بسرعه …. يا اهلا يا اهلا يا ابن عمي قالولي انك جاي انت وخطيبتك يا الف الف بركه

ابوه اتفاجئ بكلامها ويونس وقف وهو بيبص لها من فوق لتحت بابتسامه واعجاب واضح وقال انتي رضوى يخرب عقلك كبرتي واحلويت و ربنا لولا انك قولتي يا ابن عمي ما كنتش عرفتك

رضوى ابتسمت ومدت ايدها بكبرياء وقالت…و انت كمان اتغيرت قوي …يا اهلا بيك

يونس سلم عليها وهو مثبت نظره عليها وهي سلمت على جوليا وقالت اهلا يا اختي وبصت لعمها وقالت ايه يا عمي زي ما اكون سمعت صوتك عالي هو في حاجه ولا ايه

عمها اتنهد بحزن وقال.. ابدا يا بنتي

رضوى ابتسمت وقالت.. طب كويس انا بقى عامله غدا حلوه قوي علشان ابن عمي..عملالك الرقاق اللي بتحبه رضوى كانت بتتحاول تتكلم عادي عكس الالم اللي جوه قلبها اللي حرفيا بين،زف و يونس حس بكده واضح من عيونها ونظراتها وطريقه كلامها الي بتوهم الكل بيها انها كويسه ابتسم بخفه وقال… اكيد احب اكل من تحت ايديك

رضوى ابتسمت ومشيت وهيه منهاره من اللي سمعته ومن اللي حصل كله مش ده الي كان في خيالها عن يوم رجعت ابن عمها وجوزها

ابو يونس اتنهد ومشي وسابوا ويونس اتنهد وحاول يبتسم وبص لجوليا وقال ها يا روحي تعالي افرجك على البيت

جوليا ابتسمت وكانت طريقه كلامها مش سليمه علشان اتربت بره وبتتكلم بالعافيه قالت.. واضح انهم مش حابينني خالص يا يونس

يونس ابتسم وقال…اكيد لا بس هما اتفاجأو مش اكثر تعالي معايا واخدها وبقى يفرجها على البيت

يونس فرجها على البيت ووراها أوضتها ونزل على المطبخ عند رضوى

في المطبخ كانت رضوى دموعها على خدها وهي بتحضر الاكل سمعت صوته بيحمحم وقال..احم شوفتي الشنطه اللي جبتها علشانك

رضوى مسحت دموعها بسرعه وقالت من غير ما تبص له لا ما شفتهاش..بس شكرا مقدما ولو اني متأكده مش هيبقى فيها ولا حاجه تناسبني

يونس ابتسم وقال ليه بتقولي كده بالعكس دي في حاجات هتعجبك جدا

رضوى ابتسمت وبصتله وقالت من وقت ما كنا صغيرين لحد دلوقتي كل حاجه اتغيرت كل حاجه اهتماماتنا واحتياجاتنا وحتى زوقنا.. فاكيد اللي هيكون فيها مش هيناسبني و مع ذلك شكرا انك تعبت نفسك وافتكرتني

يونس ابتسم وقال..انا اكيد فاكرك..بس مكنتش فاكر انهم رابطينك بالموضوع ده ومعتبرينو جواز يعني هيه حتت ورقه ومش متسجله لو اعرف انهم اعتبروه جواز مكنتش اسيبك كل الوقت ده يعني كنت اكيد هرجع قبل عن كده شويه بس مع ذلك برضه انا اسف

رضوى بصتلو وقالت بضيق..مش الورقه الي ربطتني بيك..انت كتبت كتابي بسنة رسول الله وبشهادة نص البلد..توثيقها في المحكمه ماهو الا اجراء قانوني انما قدام ربنا ملهاش لزوم…ومع ذلك ولا يهمك…انا مخسرتش هكون خسرت ايه يعني مخسرتش كثير وبقت تكمل تحضير في الاكل وقالت بهمس كل الي خسرتو شوية دقات ملهمش لازمه

يونس ما سمعهاش قال…نعم قولتي ايه

رضوى ابتسمت بالعافبه وقالت…لا ولا حاجه متشغلش بالك ربنا يهنيك ولسه هتطلع مسك ايدها وقال رضوى انا حاسك مش مبسوطه خالص صدقيني مش راضيني ابدا لو انتي حابه ..احم حابه تكملي معايا تقدري تقولي عادي انا ممكن اخليكي على ذمتي لو انتي حابه كده وبالنسبه لجوليا هتفاهم معاها يعني هنتجوزها عادي و ابقى اجي على فترات علشانك

رضوى ضحكت بالم وبصتله وقالت… لا شكرا انا مستغنيه عن خدماتك مبارك حضرتك على ست جوليا لو كنت حابه افضل معاك كنت قلت لك يا ابن عمي بس انت ما طلعتش زي ما انا كنت متخيله وانا اللي مش حابه اكمل معاك

لسه هتمشي مسك ايدها تاني بزهول وقال..نعم ..انتي قولتي ايه…مطلعتش زي ما انتي متخيله يعني ايه بقى لكون معجبتش حضرتك ولا ايه

رضوى ابتسمت وبصتلو من فوق لتحت تقييم وقالت لا انت حلو وتمام بس يا دوب على الست جوـ,ـلي انما انا استاهل احسن من كده بكتير

رضوى قالت كده ومشيت بثقه مصتنعه

يونس بص لطيفها وضحك وقال فعلا تستاهلي احسن بكتير يا بنت عمي

بالليل كانو على العشا وابو يونس كان متضايق جدا خصوصا لما يونس قال حضرتك تقدر تكلم الماذون او شيخ البلد او ايا كان علشان نخلص الموضوع اللي احنا اتفقنا عليه ونشوف هطلق ازاي ..علشان انا كلها يومين وهمشي اهل جوليا هيجو على ايطاليا وعايزين نعمل الفرح واول ما نجهز تيجي بقى علشان تحضر معايا

ابوه ابتسم بس.خريه وقال..وعلى ايه التعب اعمل فرحك هناك وانا مش جاي اصلا بلاش ابوك يشوفك عريس مش شرط

يونس ضحك بخفه وقال …وبعدين يا حاج هو انا مش عارف ارضيك خالص

ابوه قال ..انت عارف ايه اللي يرضيني

يونس اتنهد قال…بابا انا اتكلمت مع رضوى هي كمان حابه تطلق كانت

رضوى كانت بتجيب العشا وسمعتهم وكانت زعلانه جدا بس حاولت تقوى وحطت الأكل قدامهم عادي وعمها وقفها وقال.. انتي بجد موافقه على الكلام ده

رضوى كانت حاسه بنار في قلبها بس قالت اكيد انا اتمنى اني اتطلق واشوف حياتي كفايه كده بقى كمان يونس لازم يستقر موضوعنا ده اصلا مبقالوش لزوم

ابو يونس بصلهم بغضـ,ـب وقال… يعني انتو متفقين.. تمام طيب بس ما تطلقش دلوقتي يوم ما تيجي تمشي ترمي عليها اليمين

بصولو باستغراب ويونس قال ليه يعني يا بابا هتفرق ايه
ابوه قال انت كده كده هتطلقها هتفرق ايه دلوقتي من بعدين.. الحمد لله انا شبعت

قال كده ومشي ورضوى لسه هتروح اوضتها بس يونس قال وانتي مش هتتعشي يا رضوى

رضوى قالت بحزن انا تعشيت اكلت كتير يا ابن عمي وراحت على اوضتها بحزن

بعد شويه يونس خلص اكل وطلع جوليا على اوضتها هو كمان طلع على اوضتو بس استغرب لما لقا باب الاوضه مفتوح مع انه سايب الاوضه من زمان دخل لقاها مترتبه ومتنضفه ومتعطره ..بقى يبدل هدومه بس اتفاجئ بباب الحمام بيتفتح وطلعت رضوى وهي بتنشف شعرها وبلبس النوم كانت منزله راسها وبتنشف في شعرها مش واخده بالها ليه

بصتلو جامد وعيونها مفتوحين على اخرهم يونس كان قريب منها جدا وحاطط ايده على بقها وبيبصلها باعجاب شديد ونزل ايده من على بقها وقال… هو انتي ازاي مخبيه كل الجمال ده بالعبايات والطرحه

رضوى ارتبكت وقالت .. الجمال اتخلق علشان يتصان يا ابن عمي
بص لعيونها جامد وقال..ايوه بس انتي حلوه قوي ..قوي

كان قلبها بيدق بسعاده
ويونس قرب منها اكتر وقال وهو بيتأملها ..كمان عيونك حلوين قوي..ولا ضحكتك وغمزات خدودك وتوقف لحظات وقال كل ما فيكي يقـ,ــ,ـتل

رضوى ارتبكت وحاولت ترجع لورا بس قربها عليه اكتر وقال..بصي هعمل حاجه بس اوعي تزعلي

رضوى بصتله باستغراب بس قبل ما تنطق هجم هلى شفايفها ووووووقرب منها في لحظه جميله اتمناها من وقت ما شافها

رضوى كانت هتقع من طولها ومقدرتش تبعده من شدة صدمتها
يونس بعد شويه وقال.. غرااام . غرام

رضوى دفعته بقوه وبعدت وقالت بغضـ,ـب شديد.. انت عملت ايه …يلا اطلع.. اطلع من هنا

يونس ضحك وقال…ليه يا قلبي انا عملت ايه لكل ده وبعدين هو مين اللي يطلع هي مش المفروض دي أوضتي ولا لاني سافرت مبقاليش مكان هنا

رضوى اتسعت عنيها بحرج شديد لما افتكرت ان فعلا دي اوضته وهي من ساعه ما مشي وهي قاعده فيها ونسيت خالص ان المفروض تفضي له الاوضه قالت بارتباك.. انا.. انا قاعده هنا يعني من ساعه ما انت مشيت عمي قالي خلي الاوضه مفتوحه ما تقفليهاش اقعدي فيها انا..انا اسفه هطلع حالا

بس قاطعها لما قرب وقال.. خير ماعمل وبعدين تطلعي ليه ..هو احنا مش المفروض متجوزين

رضوى رفعت حاجبها بس.خريه وقالت..دلوقتي بقينا متجوزين

يونس ضحك وقال… يعني بما اننا يعني عادي نقعد مع بعض وكده نقدر نقعد في الاوضه سوا لحد ما تجهزي لك اوضه عشان الاوض مقفوله وكده

رضوى دفعته وبعدت وقالت ..ملكش دعوه بيا انا هتصرف
طلعت العبايه بتاعتها بسرعه ولبستها وبقت تقفلها

بس يونس وقف قدامها وحاول يمنعها وقال بقول لك ايه احنا ممكن نستغل الوقت ده يعني ان المفروض اننا متجوزين وكده..ممكن نقضي يومين حلوين قبل ما نتطلق عادي ..وما حدش هيعرف حاجه

رضوى بصتلو بزهول شديد من الطريقه اللي بتكلم معاها بيها كانها واحده جايبها من الشارع وفي ثواني ضـ,ـربته قلم ضعيف وقالت بارتباك..ايه السفا،،له اللي انت فيها دي …وقح بجد

يونس اتسعت عنيه بدهشه وحط ايده على خده وابتسم وقال …كده برضو الخد ده …يتضـ,ـرب..على العموم انتي الخسرانه انا كان قصدي ارضيكي مش اكتر ملكيش في الطيب نصيب

رضوى دفعته وبعدت وقالت خلي الطيب بتاعك للست جوليا..صحيح انت مش نايم عندها ليه اوعى تقولي ان كل واحد بينام في اوضه مصدهاش

يونس ضحك بشده وقال.. لا مش هكذب عليكي بنام سوا بس طبعا مش هينفع نعمل كده هنا عند بابا وبعدين حفاظا على مشاعرك كمان

رضوى قالت بغيظ..لا وانت بتفهم في المشاعر قوي انا ايه الي هيضايقني في كده بقى ان شاء الله

يونس قرب منها قوي وقال..يعني عادي عندك ابات عندها كده قدامك هنا

رضوى قالت بارتباك …مش هتفرق معايا هنا او هناك انت اصلا ما تفرقليش اوعى من سكتي بقى خليني امشي

بس يونس وقف قدامها وقال بسرعه…طب ممكن قبل ما تمشي نكرر الي عملناه مره كمان..مره واحده …..انتي جننتيني قوي بشكلك ده

رضوى زقتو وقالت انت وسخ قوي ..وسخ وراحت ناحية الباب بسرعه وغضـ,ـب وارتباك شديد

يونس ضحك جامد وقال ..طيب براحتك كده كده بابا قال خليكم متجوزين لحد ما اجي امشي ..لو محتاجه حاجه كده ولا كده انا جاهز جاهز قوي وفي اي وقت

رضوى ما ردتش عليه وخرجت وهي هتم.وت من الكسوف وقلبها بيضـ,ـرب جامد…اول ما طلعت قالت.. يالهوي كان هيغمى عليا

يونس بص لطيفها وقال ..يخرب بيت كده هو فيه جمدان بالشكل ده
واستغرب نفسه وقال…فيه ايه يلا اجمد كده هيه دي اول مره تشوف بنت
واتنهد وقال..بس اول مره اشوف حاجه حلوه اوي كده يا خراااااابي هتقتـ,ــ,ـلني

في صباح يوم جديد كانت رضوى فوق السطح بتأكل الحمام زي العاده سمعت صوته من وراها بيقول …اه يا بخت الحمام

رضوى شهقت بخضه وبصتله وقالت ..يونس انت بتعمل ايه هنا ايه اللي طلعك فوق السطوح

يونس اتنهد وقال قولت اجي وراكي بقالي ساعه براقبك علشان تروحي في حته لوحدك عايز اتكلم معاكي مش عارف

رضوى بصتلو باستغراب وقالت.. ليه في حاجه عايز تقولها

يونس ابتسم وقرب اكتر وقال عايزه اقولك اني مش عارفه انام من امبارح من ساعه ما شوفتك في الاوضه كل ما افكر فيكي قلبي بيدق جامد حاولت انام بالعافيه بس حتى لما نمت حلمت بيكي

رضوى بصتله وقالت ..حلمت بيا انا

يونس بص لعنيها وقال…اه تحبي احكيلك الحلم ..كان يجنن اوي

رضوى ارتبكت قوي ورجعت لورا خطوه وقالت.. لا خلاص مش مهم

بس يونس قرب عليها وقال ..بس انا نفسي احكيلك

رضوى قالت… طيب ماشي قول

قرب منها وقال بهمس حلمت انك ما طلعتيش من الاوضه بعد ما تكلمنا فضلتي معايا ونمتي جمبي وبعد كده …..

بس قاطعتو وقالت بسرعه وتوتر..خلاص ..خلاص انا مالي ومال كده مش عايزه اعرف و لسه هتمشي شدها عليه وقال.. قلتلك حابب احكيلك بقى

رضوى بصتله بارتباك شديد وقالت …ايوه وانا فهمت خلاص

يونس ضحك جامد وقال… فهمتي ايه

رضور قالت بارتباك ..فهمت اننا نمنا يعني

يونس ضحك وقال بس احنا ما نمناش انا حبيت الي حصل حتى لو كان حلم

فصلت بتبص لعنيه بس اتنهدت بحزن وقالت… انت عايز ايه يا يونس

يونس ضحك جامد وقال..هتشتكيني لبابا طب ايه رايك لو قلتيله هيطلع رايه من رايي .. على الاقل يمكن اسيب له حفيد قبل ما امشي

رضوى اتنهدت بغضـ,ـب وقالت.. والله حابه اشتمك بس خساره فيك ودفعتو وجريت على تحت

يونس فضل باصص لطيفها بابتسامه وقال..ايه اللي انا بعمله ده ايه اللي انا بعكه ده.. في ايه بس ليه مش عارف امسك نفسي قدامها

بعد شويه رضوى كانت لابسه عبايتها وطرحتها و جاهزه وطالعه هي وعمها و يونس قال باستغراب على فين

ابوه قال.. رايحين المزرعه العمال النهارده اجازه وفيه كام حاجه لازم تتعمل هناك.. المواشي لازم تاكل بروح انا ورضوى يوم اجازتهم