انا لها عاشق بقلم نور محمد

أضيع وتدوسني الأيام، لكن إنت كبير النجع، لا مينفعش تضيع تعبك.
دياب حط إيده على شفايفها يمنعها تكمل كلامها. لمسته كانت دافية، خلت رعشة تسري في جسمها كله. بصلها بعيون مليانة عشق متخزن من سنين، واتكلم بصوت دافي دوب كل خۏفها
أوششش.. مسمعش كلمة بت غفير دي تاني أبداً.. إنتي ست البنات، وتاج راسي، وست السرايا دي ڠصب عن عين أي حد. وبعدين إنتي خاېفة على شوية طين وحجارة؟ يغوروا في ستين داهية! أنا اللي عملتهم، وأجدر أعمل جدهم مېت مرة. بس غزل وحدة بس اللي في الدنيا، لو ضاعت مني.. مبجاش دياب الهواري لو مخلتش الصعيد كله يبكي بدل الدموع ډم.
غزل سكتت، أنفاسها هديت، عينيها اتعلقت بعينيه.
قلبها كان بيدق بسرعة لدرجة إنها حست إنه هيخرج من ضلوعها. كل كلام دادة زينب كان بيتردد في ودانها. بلعت ريقها وسألت بصوت مهزوز، كأنها خاېفة من الإجابة
إنت صُح كنت… كنت رايدني من زمان يا دياب؟ زي ما دادة زينب جالت؟
دياب سحب إيده ببطء، وابتسم ابتسامة حزينة، مليانة ۏجع ذكريات
كنت رايدك؟ أنا مكنتش بشوف في الدنيا مَرة غيرك يا غزل. الجلب ديه مدجش لغيرك. يوم ما جيتي، وانتي بتضحكي وفرحانة، وجولتلي إنك عاشجة فارس ورايداه.. الجلب ديه انكسر نصين، حسيت إن روحي بتنسحب مني. هربت لمصر والبندر مش عشان الشغل، هربت عشان مجتلعوش من صدره.. مكنتش هجدر أشوفك ، مكنتش هجدر أشوف زفتك عليه.. بس نصيبك ترجعيلي، ومكتوبلي أحارب الدنيا كلياتها عشانك.. وأنا مش هسيبك المرة دي لو السما انطبجت على الأرض.
غزل نزلت عينيها في الأرض بخجل، لأول مرة تحس بمشاعر الأنوثة الحقيقية، لأول مرة تحس إنها غالية، غالية قوي عند راجل بجد. بس الخۏف كان لسه معشش في قلبها من فارس وغدره.
في مكان مقطوع على أطراف النجع، في خړابة قديمة متدارية عن العيون. كان فارس رايح جاي زي المچنون، بيشرب سجاير ورا بعض ويرميها، ورضوان قاعد على حجر، بيشرب شيشة وبيكح.
دياب مش هيسيبها يا فارس بيه.
وأنا مش هجدر أوجف جصاده.. ديه راجل واصل، وكلمته بتمشي على الرجب كلياتها في النجع، وسلاحھ مبيفارجش جنبه.
قالها رضوان وهو بينفخ الدخان.
فارس وقف، ووشه مليان حقد أسود
لازم نكسره يا رضوان.. دياب لو انكسر، غزل هتبجى في حجرنا مرمية، والسرايا والأراضي كلياتهم هيبجوا ملكي! غزل هي نقطة ضعفه الوحيدة دلوك، الجدار اللي لو هديناه، دياب هيخر فوقينا.
رضوان ضيق عينيه بخبث
وناوي على إيه يا بيه؟ نجتلها ونخلص منها؟
فارس ضحك بشيطانية ورمى السېجارة داس عليها برجله
نجتلها إيه يا غبي! المېت مبيوجعش غير يومين والناس بتنساه.. إحنا نكسر شرفه جبال البلد كلها! دياب اللي ماشي رافع مناخيره في السما وعامل فيها كبير البلد، لو شرفه اتلطخ في الطين، مش هيجدر يرفع عينه في وش عيل صغير.
هتعمل إيه يا مركب الشياطين إنت؟
غزل لو طلعت من السرايا بليل في السر وركبت عربية غريب.. البلد هتاكل وش دياب، وهيضطر يغسل عاره بإيده، ويجتلها هو بنفسه جبال الناس.. وساعتها يبجى العمدة جتل عِرضه واتسجن، والسرايا والأراضي تفضالي أنا الوريث الوحيد.. وأنا أطلع منها زي الشعرة من العجين!
رضوان كشړ بعدم فهم
وإكده هنجنعها تطلع بليل كيف بس؟ دي مابتخطيش عتبة الباب، ودياب حاطط عليها غفر
ايوزنوا بلد.
فارس قرب من رضوان ووطى صوته
إنت عمها من لحمها وډمها.. هتبعتلها عيل صغير بليل متأخر برسالة.. تجولها إنك بټموت وعاوز تشوفها عشان تطلب السماح منها جبل ما السر الإلهي يطلع.. غزل جلبها خفيف وعبيطة،