ملحمة الحب القسم ال2 بقلم حليمة عدادي

ميرا بخوف : لا بعد الشر عليك أنا ماليش غيركم وإنت قلت إنك هتعرف أنا مين ومين اللي بعتني وبعدها هتسيبني ..

أسد : ههههه أنا من أول يوم ليكي هنا عرفت عنك كل حاجة من لما جيتي على الدنيا ..

ميرا بصدمه : ومقولتليش ليه واتجوزتني ..

أسد : اتجوزتك علشان أحميكي منهم لأنهم فاكرين إنك أختي علشان كدا حاولوا يأذوكي .
ميرا : يعني لما تتخلص منهم هتطلقني ..

أسد : مستحيل يا ميرا ..

ميرا : ليه مستحيل ياأسد
بصت للأرض بحزن

أسد حط إيده أسفل ذقنها رفع وشها علشان تبصله
أسد : علشان بحبك ياميرا إنتي أول واحده قلبي يدق ليها إنتي خليتي قلبي يدق من جديد بتحبني ولا لا ياميرا ..

ميرا بصتله وخدودها أحمروا من الإحراج وقلبها كان بيدق بسرعة من قربه منها بالشكل دا

ميرا : وأنا كمان بحبك برغم كل اللي عملته معايا بس كنت بحسك أماني وسندي ..

أسد : وأنا هكون سند ليكي أنا عارف إن فرق السن اللي بينا كبير
و قبل مايكمل كلامه حطت ميرا إيدها على شفايفه

ميرا : ششش أنا حبيت أسد محبتش لا شكلك ولا سنك مع إنك تبان قاسي قدام الكل بس قلبك لا ..

أسد بحب : مش عارف عملت إيه حلو في حياتي علشان ربنا يرزقني بيكي ..
أسد مسك إيدها بلمسة اذابت قلبها باس صوابعها واحد واحد لحد ماوصل لكف إيدها طبع عليها بوسه طويلة

ميرا بصتله بخجل ورمشت يعينها
ميرا : أنا مليش حد غيرك يا أسد بلاش تكسرني في يوم ..

شدها لحضنه ضمها بكل حنان أول مرة تحس بالأمان
أسد : يلا ننزل ياحبيبتي علشان زين عايزنا في موضوع مهم ..

ميرا : موضوع إيه ..

أسد : عايز يطلب ايد ليلى مني علشان يكتب كتابه على طول ..

ميرا : واحد واطي مقلش حتى لأخته أنا هوريه ..

نزلت جري وأسد وراها بيضحك
ميرا : كدا يازين متقوليش ماعندناش بنات للجواز ..

زين : في إيه يابت مالك اهدي ياميرو ..

ميرا : ميرو في عينيك مقولتليش ليه إنك عاوز تتجوز ..

زين : فضحتني يا أسد كنت هقولك إنتي أختي ..

أسد : ليلى إنتي أختي وإنتي هنا في بيت أخوكي زين عاوز يتجوزك هو طلبك مني وأنا عايز أسمع رأيك ..

ليلى : دا شرف ليا يا أسد بيه أنا بشكركم كلكم على وقفتكم جنبي
بس عندي شرط علشان أوافق ..

زين : شرط إيه ..

ليلى :::

الفصل 20

ليلى : بعد الجواز أنا هشتغل ..