ملحمة الحب القسم ال2 بقلم حليمة عدادي

أسد : انطق مين اللي ضرب ميرا بالسكين ..

مراد : مش أنا أنا معرفش مين اللي عملها سيبني أرجوك ..

أسد نزل فيه ضرب لحد ماوقع على الأرض
أسد : تؤ تؤ تؤ لسه ماخلصناش تعالى وضربه بوكس ..

مراد : كفاية خلاص أنا هقول على كل حاجة ..

أسد : اتكلم بسرعه ومن غير كذب ..

مراد ………..

الفصل 32
مراد : اليوم اللي اخذت منا كل حاجة الفيلا وأملاك عمي قررت إني هنتقم منك ومروة كمان دا كان رأيها قالتلي نقطة ضعف أسد هي مراته وأنا اللي دخلت وضربتها بالسكين ..

أسد بغضب : ياولاد الكاااالب دا إنت والزفته الثانية مش هتشوفوا الشمس بعد كدا ..

مراد : أرجوك سيبني أنا قولتلك كل حاجة أنا كمان عايز انتقم من مروة ..

أسد : ههههه فاكرني هصدقك مش مروة دي هي حبيبة القلب وأم إبنك ..

مراد : مروة رمت إبني في الشارع والولد مات من البرد أنا هقت..لها زي ماقت..لت إبني لكن مش بسهوله ..

أسد : اللي بينكم دا حاجة متخصنيش اقت..لها أو موت معاها زين كلمت البوليس ..

زين : البوليس وصل وهو تحت مستنينه علشان يأخذوه ومروة احذوها ..

أسد : تمام أخيراً اتخلصنا من الأشكال الوسخه دي ..

زين : يلا يا أسد سيب البوليس يشوف شغله ..
خرج أسد وساب مراد وراه بيصرخ

داخل القصر
أول مادخل أسد عمه جري ناحيته
حميد : أسد يابني البوليس اخذ مروة اعمل حاجه علشان خاطري ..

أسد : آسف ياعمي مش هقدر أعمل حاجة ..

منة : أنا عارفه يابني إنك بتكرهها لكن أعمل كدا علشان عمك ..

أسد بغضب : دي خانتني وقلت هسامحها علشان عمي لكن توصل إنها تحاول تقت..ل مراتي أنا مش هسكت ميرا خط أحمر ..

ملاك حطت إيدها على بوءها بصدمه
ملاك : مش معقول وصلت وساختها إنها تقت..ل ..

أسد : مروة لازم تتحاسب ياعمي أنا مش هسامحها أنا طالع لميرا ..

منة : حميد أعمل حاجة بنتي هتروح فيها هي مش هتستحمل السجن ..

حميد زقها بقوة كانت هتقع بصلها بغضب
حميد : إنتي معرفتيش تربي بنت واحده كل همك الفلوس والخروجات والحقد اللي مالي قلبك ..

منة : إنت قلبك حجر دي بنتك ولا نسيت واللي لاممهم حواليك دول ولاد شوارع ..

حميد ضربها قلم من شدته وشها لف للجهة الثانية
حميد بغضب : إمشي من قدامي أحسن ما أعمل حاجة اندم عليها..
************************************************
بعد مرور أسبوع ميرا حالتها اتحسنت قررت ملاك إنهم يعملوا فرح زين ومالك في نفس اليوم ٠٠