مني 1
الحلقة1
في صباح يوم جديد صحيت بطلتنا ليلي حضرت الفطار و راحت تصحي ابنها
ليلي … مالك .. حبيبي يلا اصحي
مالك بنعاس … شوية بس
ليلي … يلا يا لوكا هتتاخر ع باص المدرسه
مالك ببتسامة …. صباح الخير يا مامي
ليلي …. صباح الخير يا قلب مامي يلا حبيبي
بعد وقت قليل كان مالك فطر وجهز و نزل ع مدرستة وليلي بدأت الروتين اليومي بتاعها
نتعرف عليهم
( ليلي 29سنة طيبة مرحة تقدس بيتها أهلها كلهم متوفـ .ـييين ملهاش غير اخ من رضاعه ومسافر هنعرفه قدام … ليلي خريجه حاسب الي بتحب البرمجة بس فضلت بيتها ع شغلها)
( مالك في أولي ابتدائي طفل شقي وجرئ بس واخد طيبة ماماته الحياة بالنسباله أمه وبس )
_________أحببت أناني_______#بقلم_مني
ليلي بعد ما مالك بينزل المدرسة بتنزل هي كمان شقه حماها وحماتها عشان تفطرهم و تبدء توضب البيت و تحضر الغدا
ليلي ساكنة ف بيت عيله بالدور الاول حماها بالدور التاني و اخو جوزها بالدور الثالث عايش لوحدة عازب متجوزش
ليلي نزلت وفتحت بالمفتاح ال معاها و دخلت ف هدوء المطبخ تحضر الفطار
ناهد حماتها … صباح الخير يا حبيبتي
ليلي ببتسامة… صباح النور ياست الكل
ناهد … يابنتي انا والله بقيت كويسة ملوش لزوم كل يوم تتعبي نفسك كدة
ليلي كشرت …. اية يا ماما انتي زهقتي مني ولا ايه ؟
ناهد … مش هرد عليكي انتي عارفة اني عامله ع تعبك بس
ليلي … تعبك راحة ياست الكل يلا روحي خدي الدوا ال قبل الاكل وصحي عمي ع ما احط الاكل ع السفرة
ناهد … حاضر يا حبيبتي
بعد وقت قليل يجلس حماها وحماتها وهي ع السفرة ل تناول الإفطار
نعمان حماها … ياريت يا ليلي تنجزي ف الغدا وشغل البيت انهاردة عشان يحيي راجع من السفر ع العصر كدة
ليلي … يرجع بالسلامة أن شاء الله حاضر ياعمي
ناهد بحب …. وانا هساعدك يا لولا
نعمان بغضب …. ليه وهي صغيرة ولا ناقصة ايد ولا رجل
ناهد بحرج … وفيها ايه لما اساعدها بدل قعدتي كدة من غير حاجة
ليلي وهي بتحاول تبتسم … حبيبتي ارتاحي انتي وكل حاجة هتبقي تمام
نعمان وهو يغادر… انا نازل المعرض سلام
_ بعد ما نعمان مشي ناهد حاولت تلطف الجو ولسه هتتكلم قاطعتها ليلي
ليلي … ماما متقوليش حاجة أنا عارفة عمي وحفظة طبعه مش زعلانة صدقيني
ناهد … ربنا يكملك بعقلك يا حبيبتي ويهدية هو ويحيي هما ال تعبين قلبي معاهم لكن انتي ويونس روحي وقلبي من جوة
ليلي … ايه كلام الحلو دا يا نونا
ناهد … انتي تستاهلي كل خير يا ليلي ربنا يكرمك و يحفظك و يباركلك في ابنك يارب ويرجعلك جوزك بألف سلامة يا بنتي
ليلي … الله احلي دعوة والله ربنا ما يحرمني منك ابدا يا ماما
نتعرف عليهم
(ناهد 56سنة حماة ليلي ست طيبة وبتحب ليلي كأنها بنتها مسامحة لاقصي درجة)
(نعمان 60 سنة حما ليلي راجل متسلط و عنيف وعصبي ديما عايش دور سي السيد عندة معرض أجهزة كهربائية بيديرة مع ابنه يحيي)
بعد حبة كلام قامت ليلي وأصرت أن ناهد ترتاح ومتعملش حاجة و بدأت هي تنضف البيت و تحضر الغدا قبل ما حماها يطلع ويسمعها كلمتين كالعادة بس في عز ماهي مندمجه تلفونها رن ب مكالمه من جوزها سابت كل حاجة وردت بسرعه
ليلي بلهفه … الو حبيبي
يونس … وحشتني اوي اوي اوي
ليلي … وانت كمان وحشتني اوي اوي اوي
يونس … معلش يا حبيبتي انشغلت شوية امبارح ومعرفتش اكلمكم بالليل
ليلي … ولا يهمك يا حبيبي بس شفت الصور اللي بعتهالك
يونس … اه شوفتها جميلة جدا بس الفيلا دي شكلها غالي اوي يا حبيبتي
ليلي … دا سعرها تحفة و مش هتلاقي زيها ف المكان اللي بنحلم من زمان نسكن فيه عجباني اوي يا يونس
يونس … حبيبتي انا نفسي اجبلك الدنيا كلها بس ع يدك الفلوس كلها ف حسابك وانتي عارفة ال معانا الفيلا تحفة بس مش ع قد امكانيتنا
ليلي … ما هو يا حبيبي انا عندي حل و ارجوك وافق عليه
يونس بشك … حل ايه دا ؟
ليلي بخوف … بقولك ايه مترفعليش صوتك كدة خليني اعرف اتكلم
يونس … اتكلمي يا ليلي
ليلي … ليلي ماكنت حبيبتي من شوية
يونس … اتكلمي يا حبيبتي حلو كدة
ليلي … اه حلو بص يا حبيبي انا فكرت يعني بما أن دا بيتنا سوا وانا وانت واحد انا هفك الوديعة ال بابا الله يرحمو كان عملهالي وعليه الدهب ال ماما اللي يرحمها سبتهولي و لمدة يكون معانا ثمن الفيلا و جزء كبير من العفش كمان ها ايه رايك؟
يونس بحزم … الموضوع دا تنسية خالص مش هتحطي قرش من ميراثك ف اي حاجة بينا فاهمه ولا لا
ليلي … ف ايه يا يونس اسمعني بس
يونس بغضب صوت مرتفع … ليلي هي كلمة الموضوع خلص خلاص مش هتحطي قرش من فلوسك ف الفيلا نشوف غيرها ع قد فلوسي ميراثك دا ليكي انتي وبس انتي حرة فيه لكن موضوع الفيلا دا تنسييييييية تماما مفهوم ولا هتهبب اعيد تاني
ليلي بصوت مخنوق من عياط … انت بتزعقلي يا يونس دي اول مرة من يوم ماعرفتك تتكلم معايا كدة عموما شكرا اوي عرفتني أن ف حدود كتير بيني وبينك عن ازنك انا عايزة اقفل
يونس … حبيبتي انا اس
قاطعتة ليلي ببكاء … يونس لو سمحت اقفل سلام
وقفلت الفون قبل ما تسمع ردة دخلت بسرعه الحمام وقفلت ع نفسها صعب عليها منه أن لأول مرة يكلمها كدة مسحت دموعها وغسلت وشها وطلعت بسرعه تخلص اللي وراها
ستوووب
( يونس 32سنة بيشتغل مهندس في الكويت بقالة تلت سنين هناك مش هوضح عنه حاجة هنكتشفة سوا مع الاحداث)
وبعد وقت قليل كان مالك رجع من المدرسة و نعمان طلع من المعرض ومعاه يحيي
ناهد وهي بتحـ .ـضن يحيي … حبيبي وحشتني اوي حمد لله على سلامتك
يحيي … الله يسلمك يا امي دا هو اسبوع واحد لحقت اوحشك
ناهد … ولو يوم ومش قدام عينيا توحشني يا ضنايا
نعمان بصوت عالي … ليلي يا ليلي
ليلي وهي بتجري وتقف قدامة … أيوة أيوة يا عمي
نعمان … فين الغدا ؟
ليلي بتوتر … ح حاضر خمس دقائق بس وهيكون جاهز
نعمان … اية الدلع دا انا مش منبه عليكي كل حاجة تكون جاهزة قبل العصر حصل ولا لا
ليلي … حصل أصل والله يونس اتصل و رديت عليه معلش خمس دقائق بس (وبثت ل يحيي بتوتر) حمد لله على السلامه يا يحيي
يحيي … ياريت ننجز عشان جعان وعايز انام
ليلي بحرج … حاضر حالا
مالك قاعد بيتفرج عليهم و علامات الغضب باينة ع وشو
يحيي ببتسامة … اية يا بطل مش هتيجي تسلم عليا ولا ايه ؟
مالك … لاء مبسلمش ع حد بيضايق ماما
نعمان … ولد عيب تكلم عمك كدة هي دي التربية اللي امك ربتهالك
ناهد … ماكفاية بقا انت وهو هو في ايه سيبة ف حالو يانعمان مش هتستلم الواد وأمة كمان
نعمان … وهو حد مارع أمة علينا غيرك انتي يختي
ناهد لسه هترد قاطعتها ليلي
ليلي … اتفضلو الغدا جاهز
قعدو كلهم ع السفرة ومالك رافض ياكل
ليلي … حبيبي يلا اتغدي
مالك كشر … مليش نفس ممكن نطلع بقا عندي هوم ورك كتير ومحتاجك معايا فيه
ليلي لسه هترد قاطعها نعمان … وانت كل شوية تتقمص علي الاكل مفيش راجل قماص
مالك … جدو لو سمحت
ليلي بحزم … مالك اتكلم كويس ومتعليش صوتك ومفيش قوم الا لما تخلص طبقك كلة يلا اتفضل
ناهد … براحة يا ليلي عليه (وبصت ل مالك ) حبيب تيتة اول ما يخلص طبقة هيطلع ع طول يلا يا بطل
واتغدو ف جو مشحون و كله نظرات غضب من نعمان ل ليلي و نظرات غل من يحيي و نظرات حب وتعاطف من ناهد
نعرف أستاذ يحيي
(يحيي اخو يونس الصغير 30سنة مش بس بيشتغل مع ابوة لا دا وارث كل صفاتة اللي مفيش واحدة قدرت تتحملها عشان كدة عايش لوحدة)
________احببت خائنة_______#بقلم_مني
في تحدي شقق لندن الراقيه يدخل سليم شقتة و هو مرهق بشدة من ضغط الشغل عليه رمي هدومة علي الارض و حدف نفسة علي السرير ويدوب هيغمض عيونه تلفونه رن جاهد النوم اللي كان بيسيطر عليه ورد
سليم بتعب … الو
سلمي … هاي يا بيبي شكلي لحقتك قبل ما تنام صح؟
سليم … خير يا سلمي
سلمي … بغض النظر عن طريقتك دي بس ياريت متتاخرش ف تحويل الفلوس الشهر دا محتاجة حاجات كتير اوي
سليم بسخرية … وانتي من أمتي مش بتحتاجي حاجات كتير اوي ماعلينا حاضر ياسلمي ممكن انام شوية بقا ولا ف طلبات تانيه
سلمي بضيق … لا يا سيدي شكرا باي
سليم قفل من غير ما يرد عليها وفي ثواني كان رايح ف النوم كانو بيهرب من واقع بيطاردة ديما
نتعرف عليهم
(سليم 33سنة دكتور أعصاب بيشتغل ف مستشفي كبير في لندن وله ابحاث و دراسات كتير هناك مسافر بقالو سبع سنين ولبنزل اجازة كل سنة عشر ايام بيعشق كريم ابنة الوحيد )
(سلمي 30سنةمغرورة رفضت السفر مع سليم بحجة أنها متقدرش تبعد عن أهلها )
___________________________#بقلم_مني
نرجع ل ليلي بعد ما طلعت شقتها عشان تعمل الهوم ورك مع ابنها تلفونها رن
ليلي … حبيبتي ازيك
أمنة … وحشتني يا جزمة
ليلي … احترميني شوية مالك قصادي
أمنة … ماشي عشان خاطر لوكا بس
ليلي … خير صوتك شكلة مبسوط هو أبو الهول نطق ولا ايه
أمنة … هييييييي بقا اقولك ايه ولا ايه
ليلي … تقولي كل حاجة بالتفصيل الممل
أمنة … مش هينفع في التلفون
ليلي … طب ماتعدي عليا ونرغي براحتنا
أمنة … تمام بعد المغرب كدة هكون عندك سلام ياقطتي
ليلي … سلام يا حبيبتي
(أمنة 29سنة صديقة ليلي الوحيدة كانو جيران و صداقتهم مستمرة لحد دلوقتي بتشتغل ف الشئون الإدارية ف شركة كبيرة )
.
.
البارت التاني ….
بعد ما ليلي قفلت مع أمنة وخلصت النوم ورك مع مالك سابته ف البريك بتاعه و نزلت شقة حماتها تاني تخلص شغل البيت و تطلع وكانت بتدعي من قلبها أنها متشفوش لا حماها ولا يحيي
نزلت لاقت حماتها نايمة و حماها بيخلص شغل في الصالة ع التلفون دخلت المطبخ علي طول شوية و حماها ندة عليها
نعمان … ليلي .. لييييلي
ليلي بسرعه … أيوة أيوة ياعمي خير
نعمان … اعمليلي فنجان قهوه بسرعه مصدع
ليلي … حاضر ياعمي ثواني
بعد مدة قليلة كانت خلصت ال وراها وهي خارجة من المطبخ اتقابلت مع يحيي اتخضت
يحيي بسخرية … ايه شفتي عفريت يا مرات اخويا
ليلي … لا ابدا عن ازنك
يحيي … اتفضلي ياختي
طلعت ليلي شقتها و شوية و تلفونها رن كان يونس كانت مضايقة منه مقدرتش ترد لكن يونس فضل يتصل ورا بعض ف ردت ف الآخر
يونس بلهفه … الو ليلي
ليلي بضيق … نعم
يونس … كل دا مبترديش عليا انتي عارفة انا كلمتك كام مرة في اية يا ليلي من أمتي واحنا بنتعامل كدة
ليلي … من وقت ما بقي ف حدود ليا معاك ولازم متخطهاش من وقت ما بقيت تعلي صوتك عليا و تزعقلي كمان وكل دا ليه عشان. فكرت مجرد تفكير أن أنا وانت واحد مش كدة
يونس بهدوء … حبيبتي انا اسف علي انفعالي متزعليش مني واكيد معنديش شك أن انا وانتي واحد بس دي فلوسك و ورثك من أهلك
ليلي … مبسش بقا عشان خاطري الفيلا عجباني اوي اوي اوي
يونس … اوكي يا حبيبتي بس ليا طلب صغنن
ليلي …. مممم شرط يعني
يونس … لا ياحبي مش شرط هو طلب ف فرق
ليلي … اوكي يا حبيبي قول
يونس … هتكملي تمن الفيلا بس لكن فلوس الفرش انا هتصرف فيها لما ارجع ونبقي وقتها نفرشها سوا ايه رايك كدة ؟؟
ليلي … اوكي يا حبيبي موافقة خلاص أن شاء الله هكلم السمسار بكرة واخلص معاه كل حاجة تمام
يونس … تمام يا حبيبتي مالك عامل ايه لو صاحي ياريت أكلمه وحشني اوي
ليلي … صاحي ثواني انهدهولك وابقي اقفل معاه لأن شكل أمنة صحبتي وصلت اوك ؟
يونس بحب … بحبك اوي اوي اوي
ليلي بخجل … احم أيوة مالك اهو معاك
ناولت مالك التلفون وقامت فتحت الباب لصحبتها
ليلي وهي تحتضن أمنة … حبيبتي وحشتني اوي
أمنة … انتي اكتر يا روحي اومال فين حبيب خالتو اوعي تقولي نام
ليلي … لا يختي بيكلم يونس وهيجي يسلم عليكي لما عرف انك جايه قالي اسمعي يا مامي مش هنام الا لما اشوف انطي أمنة
أمنة … هو بس لو يبطل انطي دي ويقولي خالتو عادي يبقي اشطة اوي
ليلي … مالها انطي بقا مش عحباكي ليه
أمنة … خالتو احلي و
قاطعها مالك … انطي أمنة وحشتني اوي
أمنة … وانت وحشتني اوي اوي عامل ايه يا بطل
مالك … الحمد لله كويس
ليلي … يلا يا لوكا ع اوضتك ننام بقا
مالك … مامي لسة بدري خليني شوية
ليلي… لوكا متتعبنيش بليز يلا اقري جزء من كتاب ال اتفقنا علية لحد ما تنام
مالك … اوكي يا مامي تصبحو علي خير
أمنة وليلي … وانت من أهله
بعد دخول مالك
ليلي … تعالي نعمل نسكافية و نرغي
أمنة … اوكي يلا
ليلي … احكي بقا يا جزم’ة فضولي هيمو’تني
أمنة ببتسامة … كان معزوم عندنا امبارح ع الغدا جبلي الشوكلاته اللي بحبها وبعدين ابتسملي ابتسامة يا لولا يالهوي كنت هقولو اتجوزني بقا ونخلص
ليلي … هو الهيمان دا كلو عشان جبلك شوكولاتة
أمنة … لا طبعا بس بحكيلك بالتفصيل يا اقفيلة انتي
ليلي … لا انجزي الضغط بيعلي عندي
أمنة … بعد الغدا وهو بيغسل أيدية قرب مني كدة
ليلي… ايييييوة وبعدين
أمنة … و قالي ببتسامة تسلم ايديك يا ميمو
ليلي … كملي يا أمنة
أمنة … احم اكمل ايه
ليلي بغيظ… اقسم بالله لو كدة بس لديكي كف يحولك
أمنة … براحة طيب بهزر معاكي بعد تسلم ايديك يا ميمو قالي أنه طالع مأمورية ولما يرجع في كلام كتير بنا لازم يتقال
ليلي وهي بتسقف … أيوة بقا هو دا الكلام وقوليتلو ايه بقا
أمنة … قلتلو ترجع بالسلامه
ليلي … ياحنينه
أمنة … بطلي تريقة
ليلي … بطلت انا مبسوطة اوي أنه خيرا هينطق بقا
أمنة … بس في حاجة تانيه قلقاني شوية
ليلي …حاجة اية
أمنة … تقي بنت خالتي نظراتها بقالها فترة غريبة اوي لينا و ديما احسها مضايقة مني وبتبصلي بضيق اوي لولا أنها بنت خالتي كنت قلت نظراتها كره ليا
ليلي … تفتكري معجبة ب مراد مثلا
أمنة بحيرة … مش عارفة يا ليلي بس نظراتها وحشة اوي ليا ف الفترة الأخيرة
ليلي … بقولك ايه كبري من تقي خلينا في ابو الهول ال نطق اخيرا متبوظيش فرحتك
أمنة … معاكي حق المهم قوليلي لسة حماكي ويحيي بيضايقوكي
ليلي … اتعودت علي كدة يا ميمو ومبقاش مهم عندي غير ماما ناهد ويونس وبس
أمنة بضيق … نفسي افهم انتي مبتقوليش لجوزك لية يشوفلك حل
ليلي … لا طبعا مش كفاية غربتة و بعدة عننا وعن أهله كمان هشيلو هم حاجات زي دي لا واديها هانت كلها اربع شهور وينزل و نستقر بعيد عنهم
أمنة … ربنا يرجعه ليكم بالسلامة يا حبيبتي ويجمعكم علي خير
ليلي … اللهم امين يارب
(أمنة 29سنة صديقة ليلي الوحيدة كانو جيران و صداقتهم مستمرة لحد دلوقتي بتشتغل ف الشئون الإدارية ف شركة كبيرة )
____________#بقلم_مني_______________
صباح يوم جديد ليلي بعد ما خلصت الروتين اليومي كلمت السمسار و خدت منة معاد عشان تخلص في موضوع الفيلا
نرجع ل لندن سليم كان لسة مخلص عملية صعبة جدا قعد فيها فوق ال اربع ساعات كان حاسس بتعب شديد في كل جسمة ريح في اوضتة و فرد جسمة علي كنبة و غمض عينيه راح في نوم عمييييق لكنة مكملش عشر دقائق وقام مفزووع علي صوت موبايلة
مسك الفون ولاقاها سلمي
سليم بسخرية … وهو حد قالق نومي غيرك حرام عليكي بقا
(سليم 33سنة دكتور أعصاب بيشتغل ف مستشفي كبير في لندن وله ابحاث و دراسات كتير هناك مسافر بقالو سبع سنين ولبنزل اجازة كل سنة عشر ايام بيعشق كريم ابنة الوحيد )
(سلمي 30سنةمغرورة رفضت السفر مع سليم بحجة أنها متقدرش تبعد عن أهلها)
قفل الفون ورجع كمل نوم بس التعب زاد عليه هو دكتور شاطر وعارف كويس اوي الفرق بين الإرهاق والتعب بدء يقوم بصعوبة ويدوب وقف الدنيا لفت بية و وقع علي الارض ومحسش باي حاجة تاني
بعد مدة هو ميعرفهاش فتح عينيه بصعوبة اوي لاقي نفسي في العناية المركزة و جسمة موصل بأسلاك و اجهزة كتير حاول يتكلم مقدرش دخلت الممرضة لاقته فاق جريت عليه
(الحوار بالانجليزي بس انا هكتبو باللغة العربية الفصحى قال تغيير يعني )
الممرضة … دكتور سليم كيف حالك ؟
سليم بتعب وصوت ضعيف … ماذا حدث لي؟؟
الممرضة … أزمة قلبية شديدة يا دكتور ثواني سوف استدعي دكتور مارك و اعود
سليم غمض عينيه تاني كان حاسس انى لسة عايز ينام وكانو مستوعبش ولا كلمة من كلام الممرضة
___________________________________
عدي اسبوع علي ابطالنا كالاتي
* ليلي اشترت الفيلا بعد ما فكت الوديعة بتاعت باباها لكن مبعتش الدهب و كتبت الفيلا بالتوكيل الي معاها باسم يونس و لسة نعمان و يحيي معاملتهم ليها سيئة ولسه هي صابرة وبتعد الدقائق علي رجوع حبيبها
* أمنة مستنية مراد يرجع من المهمه بتاعتة وبتحلم كل يوم بالحوار اللي هيدور بينهم مراد هيبصلها ازاي هيقولها اية هي رد فعلها هيكون ازاي وكل ليلة تتخيل سينـ .ـاريو جديد و كانت بتحاول تتجاهل نظرات تقي ليها
*سليم بدء يتحسن بس كانت تجربة قاسية عليه احساسة أنه لوحدة و هو كان بين وبين المو’ت خطو’ة بي’رعبة كان مجرد التفكير أن الأزمة دي كانت جتلة ف شقتة وهو لوحدة يعني كان زمانة مات ومحدش حس بيه استغ’فر’ ربة و قرر قرار مهم اوي في حياتة
__________________#بقلم_مني___________
صباح يوم جديد مش’ئوم انا بقولكم اهو عشان متتصد’موش
ليلي صحيت و نزلت عشان تعمل الروتين اليومي بتاعها ولسه هتفتح الباب سمعت ناهد بتزعق
ناهد بغضب … يانهار اسود اية ال بتقولو ايه يونس استحاله يعمل كدة انت بتكدب
يحيي ببرود … وهكدب ليه ع فكرة بابا كمان عارف مفيش غيرك انتي والسنيورة بتاعتك بس اللي متعرفوش وادية هيعجل بسفرة وكل شيء هيبقي ع عينيك ياتاجر
ناهد ببكاء … لية كدة حرام عليكم دي البت يتيمة وملهاش غيرنا بدل ما يبقي سندها يعمل فيها كدة دا جزاتها بعد ما اتحملت سنين غربتة وقرفك انت وابوك و وقفت جمبة في الاخر يعمل فيها كدة لية لية ياعيني عليكي يا بنتي
يحيي … اية يا ماما انتي هتعددي ماخلصنا وبعدين الموضوع ابسط من كدة انتي اللي مكبرة الحكاية بس
ناهد بغضب … يحيي بقولك ايه امشي من وشي دلوقتي أنا مش طايقة روحي امشي
يحيي … خلاص خلاص انا خارج اصلا سلام
ليلي بعدت عن الباب بسرعه وطلعت جري ع شقتها ويحيي فعلا مشفهاش طلعت مش عارفه تعمل اية تسأل ناهد طب لو نكرت هي مش مستوعبة يونس عمل ايه تماسكت و اتصلت ع ناهد اعتذرتلها أنها مش هقدر تنزل انهاردة لأنها تعبانة شوية وهتنام
ناهد حمدت ربنا أن ليلي منزلتش لأنها مكنتش هتقدر تحط عينها ف عينين ليلي وفصلت تفكر تتصرف ازاي ف المصيبة اللي عرفتها
عند أمنة صحيت من النوم و كانت بتستعد عشان تروح شغلها لاقت تلفونها بيرن برقم تقي استغربت و بعدين ردت
أمنة … الو
تقي … صباح الخير يا ميمو
أمنة … صباح النور يا تقي خير يا حبيبتي
تقي … أمنة انا محتاجة اشوفك ضروري دلوقتي
أمنة باستغراب … لية في حاجة ؟
تقي … مش هينفع في التلفون ممكن نتقابل ف اي مكان ؟
أمنة … طب نتكلم بعد شغلي
تقي … لا مش هينفع لازم دلوقتي بليز يا أمنة الموضوع ضروري والله
أمنة … حاضر حاضر بس هاقبلك فين دلوقتي ؟ احنا بدري اوي
تقي … هبعتلك لوكيشن بالكافية اللي انا موجودة فيه
أمنة … اوكي يا حبيبتى سلام
أمنة قفلت بس قلبها كان مقبوض اوي استغفرت ربنا وقامت تجهز و بعتت رسالة ل مديرها تعتذر عن الحضور اليوم لظرف طارئ
ونروح ل سليم اول ما اتحسن شوية اتصل علي سلمي
سليم بتعب … الو
سلمي … لسة فاكر تتصل بيا دا انا قلت نسيتي
سليم … سلمي انا كنت بم’وت
سلمي بخضة … بعد الشر عنك في اية ياسليم اتكلم
سليم … جتلي أزمة قلب’ية شديدة لولا أني كنت ف المس’تشفي مكنوش لحق’وني اصلا
سلمي … الف سلامة عليك يا حبيبي طب اانت عامل ايه دلوقتي طمني بليز
سليم … الحمد لله اتحسنت كتير عن الاول سلمي اوعي تقولي ل بابا وماما ولا ل كريم مش عايزهم يقلقو عليا
سلمي … حاضر يا حبيبي مش هقول حاجة المهم تاخد بالك انت من نفسك وان شاء الله تخف بسرعه وتبقي تطمنهم بنفسك
سليم … إن شاءالله انا اول ما استرد صحتي هرجع مصر
سلمي … اكيد طبعا من حقك اجازة ترتاح فيها بعد الأزمة دي واكيد هما مش هيمانعو
سليم … لا انتي فهمتي غلط انا مش راجع اجازة انا راجع ع طول
سلمي بحدة … سليم مش وقت قرارات متهورة اهدي كدة ولماتخف وأصر الصآآدمة يروح ابقي فكر بعقلك يا حبيبي
سليم … دا قرار نهائي ومش هرجع فيه
سلمي بغضب … علي أساس أنه قرارك لوحدك ؟؟
سليم … طبعا قراري لوحدي ومالك منفعلة اوي كدة ليه اي مش طايقة تشوفني
سلمي … سليييم انا هقفل بدل ما نتخانق وانت تعبان ولماتخف لينا كلام تاني مع بعض باي
سليم لسة هيرد اتفاجا بيها قفلت ف وشو
الحلقة 3
.
.
.
وقفنا عند ليلي وأمنة و سليم ابطالنا التلاتة وكل واحد فيهم عندة حوار شكل
ملحوظة اسمها أمنة يا بنات مش أمنية نكمل
ليلي بعد طلعت حاولت تفكر اية اللي ممكن يكون جوزها عمله ؟ عقلها رافض حتي يستنتج اي حاجة فاقت ع صوت موبايل كان رقم سمسار ردت
ليلي … السلام عليكم
فتحي السمسار … وعليكم السلام يا استاذة معلش بستاذن حضرتك ممكن نخلي المعاد انهاردة بدل بكرة عشان صاحب الفيلا لازم يسافر ضروري وحضرتك عارفه لسه العقد هيتسجل بعد ما يتمضي
ليلي … مفيش مشكلة أمتي بالظبط؟
فتحي … ياريت انهاردة علي ساعه 6مساء يناسبك ؟
ليلي … مفيش مشكلة في مكتب حضرتك مش كدة؟
فتحي … أيوة يافندم هننتظر حضرتك
ليلي … إن شاءالله سلام
فتحي … سلام
ليلي قفلت بعد شوية تفكير فتحت واتس بتاعها وبعتت لاخوها ليث
(ليث اخو ليلي ف رضاعه وابن خالتها مهندس برمجة بردو ومهاجر كندا من كزا سنة بس هو وليلي علي تواصل دائم ببعض)
ليلي … صباح الخير
ليث بعد مدة … ليلو حبيبتي صباح الفل وحشتني
ليلي … وانت كمان وحشتني فاضي ولا معطلاك
ليث … ولو مش فاضي افضالك ياجميل
ليلي انا كنت محتاجة برنامج الهاكر ال انا وانت صممناه سوا قبل ما تسافر فاكرة؟
ليث اه فاكرة عايزاة ليه ؟
ليلي عايزاة وخلاص ممكن ؟
ليث قفل الواتس وهي استغربت بس ملحقتش تستغرب كتير لاقيتة بيكلمها فون ردت
ليث بهدوء … في ايه يا ليلي ؟
ليلي … ممكن منتكلمش ف اي تفاصيل دلوقتي
ليث … ليلي انا بتكلم لحد دلوقتي بهدوووء متعصبنيش عليكي في اية
ليلي … حبيبي انا عندي مشكلة بسيطة و البرنامج هيساعدني احلها من غير مشاكل كتير حواليا و اوعدك بس افهم اكتر هتصل بيك واحكيلك كل حااااجة
ليث … وعد يا ليلي هتحكيلي ؟
ليلي … وعد يا حبيبي انا عمري ما خبيت عليك اي حاجة
ليث اتنهد … اوكي يا حبيبتي اول ما نقفل هبعتهولك علي طول وهستني تلفونك اي وقت تمام ؟
ليلي … اوكي سلام
ليث … سلام
ليث اول ما قفل بعتهولها وهي كانت محتارة تعمل الي ف دماغها ولا كدة غلط بس افتكرت كلام ناهد حسمت قرارها وبعتت اللينك ل يونس وكتبت تحتيه دا لينك صفحة بتبيع حاجات حلوة اوي ل لوكا عشان التمرين ممكن تدخل وتختار معايا؟ وقفلت الواتس وقامت حاولت تلهي نفسها في اي حاجة
بعد عشر دقايق جالها اشعار أن يونس فتح اللينك واللينك ما هو إلا برنامج الهاكر ال صممتة مع ليث ويخليها بكل سهولة تعرف كل حاجة ع تليفون ليث مكالمات رسائل صور كل حاجة
فتحت الاب توب بتاعها و ظبطت كل حاجة و فضلت جمبة مستنية و بعد مدة قليلة تلفون يونس رن وهي سمعت المكالمة
يونس … صباح الفل يا حبيبي
نـ .ـاريمان … صباح النور يا حبيبي علي فكرة ملك و مريم زعلانين اوي ويقولو مش هنكلم بابي ابدا
يونس … لية كدة بس هو انا أقدر ع زعل الاميرات بتوعي
نـ .ـاريمان … عشان انهاردة عيد ميلادهم وحضرتك نزلت الشغل
يونس … اعمل ايه بس يا نـ .ـاري ما انتي عارفة لازم اسلم كل حاجة في اسرع وقت عشان نرجع بقا
نـ .ـاريمان … متفكرنيش بقا أننا هنرجع مصر اوف كل ما افتكر بتعصب
يونس … حبيبتي لية بس مش اتفقنا هنعيش سوا و وريتك صور المكان اللي هنقعد فيه وعجبك فعلا ؟ وكدة كدة مسيرنا نرجع
نـ .ـاريمان بضيق … قصدك هترجع لمراتك وابنك يا استاذ واتركن انا ع الرف مش كدا
يونس بحب … ولا اقدر يا حبيبتي نـ .ـاري انتي عارفة انا بحبك اد ايه ومقدرش ابعد عنك ولا عن البنات انتم حياتي كلها
نـ .ـاريمان … اوكي يا روحي هصدقك المهم هما ساعتين تلاتة بالكتير وتكون هنا انا مش عايزة البنات تزعل يوم عيد ميلادهم متنساش شمعتين كل واحدة رقم 4 اوكي عشان نسيت اجيب
يونس … اوكي يا حبيبتي سلام عشان الحق اخلص
نـ .ـاريمان … سلام حبيبي
ليلي طول ماهي بتسمع المكالمة كان عندها حالة زهول وبس حتي دموعها رفضت تنزل وبدأت تكلم نفسها
ليلي … يعني هو متجوز من حوالي خمس سنين و مخلف و هما كل حياته ! طب وانا وابني اية ؟ وبيت ايه ال هيعيشو فيه هو معهوش فلوس غير هو هيعيشها ف فيلا اللي اخترتها انا ! وانا وابني نفضل هنا نخدم أهله دي اخرتها بس هو ازاي كدة ازاي طلع كدة وانا اتخدعت فيه كل هو عمل فيا كدة ليه انا عملت ايه غلط انا كنت زوجة مطيعه له ولأهله اعتبرتة جوزي وابني واهلي وصحابي استحملت العيشة لوحدي ودفعت معاه تمن الغربة من عمري وشبابي استحملت اها’نة أهله عشانة انا عملت ايه غلط ؟ هي كل ح’ياتة وانا ايه خ’دامة مثلا مش قادرة استو’عب مش قادرة
حست أن دموعها هتخ,ونها وقفت مرة واحدة
ليلي … انا مش هضع’ف ابني محتا’جني لازم ح’قي وحقه مي’ضعش انا اقوي من كدة انتي قوية يا ليلي مش ض’عيفة انتي هتقدري تاخدي حق’ك منهم كل’هم كلهم
___________________________________
نروح ل أمنة وصلت الكافية ولاقت تقي قاعدة مستنيها رحتلها
أمنة … صباح الخير ازيك ياتقي
تقي … صباح النور انا تمام. وانتي
أمنة … تمام خير يا بنتي في ايه قلقتيني
تقي … بصي يا أمنة انا هدخل في الموضوع علي طول
أمنة … ياريت
تقي … انا عارفه أن انتي ومراد بتحبو بعض وغالبا بعد ما يرجع من مهمه دي هيفاتحك
أمنة بثبات … وبعدين ؟
تقي بضعف … بس انا بحب مراد و فضلي ايام في الدنيا دي وبعد كدة هيبقي ليكي العمر كلة
أمنة بصدمة … انتي بتقولي ايه ! انا اانا مش فاهمة حاجة
تقي طلعت اشعه و تقارير كتير و حطتها ادام أمنة
تقي … زي ما بقولك انا عندي مشكلة في القلب عيب خلقي ملوش علاج و تشخيص دا من اكتر من دكتور و كلهم أجمعوا أن ايامي معدودة وان مفيش امل ل لأي علاج و وانا (بدأت تعيط) بحب مراد اوي مش عايزة حاجة من الدنيا دي غير اكون معاه قبل ما امو’ت ارجوكي
أمنة بدموع … تقي مته’زريش معايا بليز اكيد اكيد ف علاج احنا ممكن نشوف دكتور برة وتسافري كمان
تقي مسك’ت ايديها … أمنة احنا هن’روح ع مست’شفى سوا عشان تصدقي بنفسك انا كل امنيتي ف دنيا اكون ل مراد قبل ما امو’ت ممكن ممكن توافقي تحق’قيلي امنيتي ؟
أمنة … انا مش مكد’باكي يا تقي أنا بس مص’دومة ومش م’ستوعبة اللي بتقوليه
تقي … طيب انتي ايه ردك
أمنة بتعب … حاضر يا تقي هبعد عن مراد المهم انتي تكوني كويسه
تقي بتسرع… مش كفاية تبعدي لازم يك’ةرهك
أمنة … يكر’هني !
تقي بتوتر … ا انا مش قصدي بس هو مش هيقب’لني ف حياتة الا لو انتي صدي’تية جامد و جيتي ع كرامته وقتها بس هينساكي ويقب’لني
أمنة مش بترد
تقي بسرعه … ارجوكي وافقي انا كدة كدة هيبقي فترة مؤقتة ف حياتة و هيرجعلك اكيد نفسي امو’ت وانا مبسوطة ساعديني يا أمنة
أمنة بهدوء… حاضر حاضر يا تقي
________________________#بقة’لم_مني
نرجع ل سلمي بعد ما قفلت مع س’ليم كانت مضايقة منة جدا دخلت عليها ماماتها
ثريا … مالك يا سلمي قاعدة كدة لية و مكشرة
سلمي … الاستاذ سليم قال ايه عشان تعب شوية وهو هناك لوحدة عايز ينزل مصر نهائي وبيلغني بكدة كاني مليش أي رأي نهائي اوف بقا
ثريا … اتجنن دا ينزل ازاي و شغلة والمستوي اللي اتعودتو عليه انتي و كوكي مفكرش فيكو نهائي اية الأنانية دي اسمعي انتي لازم يبقالك موقف وتتكلمي معاه
سلمي بضيق … اكيد طبعا أنا بس قلت مش وقتة وهو في المستشفي اول ما يطلع هكلمو واخليه يغير رأية لازم يفضل هناك لازززم
__________________________________
نرجع ل ليلي بعد ما فاقت شوية من الصدمة كان مالك رجع من المدرسة قعدت معاه شوية بس دماغها كانت شغالة تفكير في كل اتجاة تلفونها رن كان يونس مقدرتش ترد اتصل تاني
ليلي … لوكا لو سمحت رد انت ع بابا عشان انا تعبانة شوية وهنام
مالك بخضة. … تعبانة مالك يا مامي
ليلي … متقلقش يا حبيبي شوية صداع بس يلا رد علي بابا
مالك … حاضر (مسك الفون وفتح) أيوة يا بابي
يونس … ازيك يا حبيبي عامل ايه
مالك … الحمدلله حضرتك وحشتني اوي
يونس … وانت وحشتني اوي اوي يا لوكا خلاص قربت اجي
مالك بفرحة … بجد يا بابي
يونس … بجد يا روح بابي اومال فين ماما؟
مالك … تعبانة شوية بتقولي عندها صداع حتي منزلتش عند تيتا انهاردة خالص
يونس بحيرة … شوية صداع اية بس ادهاني يا مالك
مالك … نامت يا بابي
يونس … طيب يا حبيبي لما تصحي خليها تكلمني اي وقت عشان اطمن عليها
مالك … حاضر هقولها
يونس … ماشي يا بطل انا هقفل دلوقتي عشان في الشغل وهبقي اكلمكم تاني
مالك … اوكي سلام يا بابي
يونس … سلام يا حبيبي
_________________________________
النهار عدي بدون تفاصيل سليم ف المستشفي و مراتة مكلمتوش تاني حتي تطمن عليه وهو مصمم علي قرارة
ليلي بتفكر في اللي حصل وأزاي تضمن حقها هي وابنها وهي لوحدها في الدنيا حتي اخوها مهاجر مش جنبها
أمنة رجعت ع البيت وحبست نفسها في اوضتها زعلانة عشان تقي و قلبها مكسور عشان حبيبها
واخيرا جة معاد السمسار ليلي سابت مالك مع ناهد ونزلت وراحت قابلت السمسار وصاحب الفيلا و مضت العقد و اتفقوا أن تاني يوم يروحو يسجلوة في الشهر العقاري رجعت و خدت ابنها وطلعت مفيش دقائق ولاقت جرس الباب بيضـ .ـرب فتحت ولاقت
البارت الرابع ……..
واخيرا جة معاد السمسار ليلي سابت مالك مع ناهد ونزلت وراحت قابلت السمسار وصاحب الفيلا و مضت العقد و اتفقوا أن تاني يوم يروحو يسجلوة في الشهر العقاري رجعت و خدت ابنها وطلعت مفيش دقائق ولاقت جرس الباب بيضـ .ـرب فتحت ولاقت ناهد قدامها وشكلها كان متوتر جدا
ليلي … اهلا يا ماما اتفضلي
ناهد بتوتر… يزيد فضلك يا حبيبتي احم انا كنت عايزاكي ف موضوع كدة
ليلي … موضوع ايه خير
ناهد … اه موضوع بخصوص ااا اصل يعني هو
ليلي … في اية يا ماما
ناهد … بصراحة يابنتي انا عرفت حاجة كدة الصبح و قلبي مش مطاوعني اخبي عليكي انا بعتبرك بنتي بجد ربنا يعلم معزتك وغلاوتك في قلبي اد اية
ليلي حست أن ناهد هتقول ع جواز يونس بس حبت تتأكد
ليلي … خير يا حبيبتي ف ايه
ناهد … انا عرفت من يحيي الصبح قبل ما ينزل أن المحروس ابني يونس متجوز من خمس سنين و مخلف بنتين تؤام و إن كان ناوي يعرفك لما ينزل و يفهمك هو عمل كدة لية بس انا مقدرتش ابص ف عينيكي وانا مخبية عنك حاجة زي كدة أنا عارفة أن ال بقولو صعب وقاسي بس مقدرتش يا حبيبتي اكتم ف قلبي مقدرتش
ليلي عينيها دمعت من طيبة ناهد وحبها ليها قامت وحـ .ـضنتها وناهد عيطت كتير ف حـ .ـضنها صعبانة عليها ليلي ومضايقة من ابنها وال عمله فيها بعد مدة
ليلي … حبيبتي ممكن تبطلي عياط عشان السكر ماصدقنا ظبطناه
ناهد … انا مش حساكي متفاجئة لية
ليلي … عشان انا سمعتكم الصبح و اتاكدت بطريقتي لما طلعت
ناهد … طب هتعملي اية ؟
ليلي ببتسامة … انتي رايك اية ؟
ناهد بحيرة … والله يا بنتي ما عارفة اقولك اية
ليلي … طب اسهلهالك عايزة رأيك ك ام ليا مش ك حماتي
ناهد … انا عمري ما عملتك ك حماة ابدا يا ليلي بس يابنتي فكري ف ابنك مالك وف بيتك بلاش يتخرب بسهولة كدة اه ازعلي و يرضايكي بس بلاش خراب البيوت
ليلي … وهو مفكرش فينا ليه ؟ طب انتي عارفة أن هو مواعد الهانم أنه يقعدها في البيت اللي انا اخترته ؟
ناهد بحزن … اه يحيي قالي
ليلي. .. طب تعرفي اني دفعت ف البيت دا النص بالظبط ؟ من مراثي من بابا الله يرحمه؟
ناهد بدهشه … ايه لا والله ما اعرف اخس عليه معقول يعني هو واخد منك ميراثك ف البيت وعايز يقعد ال ماتتسمي فيه ؟
ليلي … اه ما انا الهبله
ناهد بحيرة … طب هتعملي اية؟
ليلي … ماتشغليش بالك انتي انا هتصرف وهتفضلي لآخر يوم في عمري امي حبيبتي وجدة مالك اللي مفيش احن منها
ناهد بقلق … يعني ايه ما انا كدة مفهمتش حاجة طيب
ليلي … لما اقرر هقولك اتفقنا ؟
ناهد … ماشي يا حبيبتي اتفقنا
ناهد نزلت وهي حسة أن ليلي مقررة حاجة بس مش عايزة تعرفها دلوقتي وبعد ما ل
ناهد نزلت تلفون ليلي رن تاني برقم يونس قفلت الفون و دخلت تقعد مع ابنها
_____________________________#بقلم_مني
أمنة فضلت حبسة نفسها في اوضتها وكان في صراع جواها بين حب عمرها و الأمنية الأخيرة ال طلبتها منها تقي والاصعب أنها ازاي تجرحة ازاي تجرح الإنسان اللي بتعشقه بجنون هي واثقة أنها لو جرحت كرامته زي ما تقي قالت عمره ما هيسامحها حتي لو عرف الحقيقة مراد مش بيسامح ابدا
فكرت تقولو علي كل حاجة و تسيبلو هو التصرف بس خافت من رد فعلة وخافت اكتر ع تقي
تعبت من التفكير لحد ما غلبها النوم أو هربت بية من الصراع اللي حولها
____________________________________
صباح يوم جديد ليلي قامت نزلت مالك المدرسة بسرعه و راحت الشهر العقاري عشان تسجل الفيلا زي مااتفقت مع السمسار بعد مدة خلصت و واشترت شوية متطلبات ليها و للبيت وروحت وهي طالعة قابلت يحيي وهو نازل
يحيي بسماجة … صباح الخير يا مرات اخويا كنتي فين كدة ع الصبح ؟
ليلي بضيق … كنت ف مشوار عن ازنك بقا
يحيي استغرب طريقة ردها عليه لأول مرة ترد بالطريقة دي علية
يحيي … مشوار ايه دا ؟
ليلي … مشوار يخص يونس هو ال بعتني ف حاجة تاني ولا ممكن اطلع شقتي؟
يحيي … لا مفيش اتفضلي ياختي علي شقتك ما انتي مرجوعك ليها ف الآخر
ليلي طلعت و اتجاهلت التلميح بتاع يحيي أول دخلت تلفونها رن برقم يونس للمرة العاشرة اضطرت ترد عشان محدش يشك في حاجة وتقدر تخلص اللي في دماغها ف اسرع وقت
ليلي …الو
يونس بقلق شديد … حبيبتي فينيك انتي كويسة فيكي حاجة ؟؟
ليلي … لا اطمن انا كويسة شوية صداع مش اكتر
يونس … اومال من امبارح مش بتردي عليا لية ؟
ليلي … كنت نايمة طول اليوم مأريفة من الصداع ال مش راضي يروح
يونس … طيب يا حبيبي حصل خير انا بس قلقت اوي عليكي المهم انك كويسة دلوقتي
ليلي … الحمد لله متقلقش
يونس… عندي ليكي خبر حلو اوي
ليلي … خير ؟
يونس … انا هوصل مصر أن شاء الله كمان شهرين بالكتير الشغل ال كنت فاكرة هياخد وقت كبير الحمد لله قدرت اخلص اكتر من نصة ف وقت قليل (اخد نفس طويل) ااااه اخيرا هرجع لك وحشتني اوي اوي يا ليلتي
ليلي مش عارفة ترد تقول ايه ؟ قرفانة منه و مش طايقة تسمع صوتة ومفروض دلوقتي تبينلة أنها فرحانة بقرب رجوعه ليها
يونس … ليلي انتي معايا؟
ليلي حاولت تبان طبيعية … معاك يا حبيبي انا بس اتفاجات انك قربت تيجي ومن فرحتي مش عارفة اقول ايه
يونس … حبيبه قلبي انا كمان مش مصدق أن خلاص هانت وهرجع ونتلم مع بعض من تاني
ليلي … ان شاء الله يا حبيبي ربنا يرجعك لينا بالسلامة يارب
يونس … اللهم امين ماشي يا حبيبتي هسيبك دلوقتي عشان ف الشغل و هحاول اكلمكم بالليل تمام
ليلي … اوك يا حبيبي سلام
يونس … سلام
اول ما ليلي قفلت رمت الفون كانت قرفانة ومضايقة أنها كلمته مكنتش قادرة تسمع صوتة بس كان لازم ترد عشان ميشكش ف حاجة لازم تكمل خطتها للآخر لازم تاخد حقها منه بكل هدوء قامت و دخلت تاخد شاور يمكن يهدي النـ .ـار اللي جواها
__________________________________
أمنة صحيت من النوم علي صوت تليفونها برقم مراد استغربت و بعد مدة ردت
أمنة … الو
مراد … صباح الخير
أمنة … صباح النور ازيك يا مراد
مراد … تمام بقولك ايه انتي ف الشغل البريك بتاعك أمتي
أمنة … انا مرحتش الشغل انهاردة
مراد … لية في حاجة ولا ايه ؟
أمنة … لا مفيش داخله بس ع دور برد كدة فخدت اجازة امبارح وانهاردة
مراد بقلق … أمنة مالك ف ايه اقولك انا جاي ف الطريق وهجيب دكتوره معايا مش هتاخر
أمنة بسرعه … لا لا دكتورة ايه دا دور برد عادي قلت اريح شوية ملوش لزوم والله كل دا
مراد … بجد بجد يا أمنة انتي كويسة؟؟
أمنة بحزن … كويسة والله مفيش حاجة
مراد … طب ممكن تنزلي نتقابل ف موضوع عايز اكلمك فيه
أمنة مكنتش عارفة تقوله ايه بس كانت متأكدة انها مش هتقدر تجرحة و هي قدامة وجها ف وجه قررت الهروب
أمنة … موضوع ايه يا مراد خير
مراد … مش هينفع في التلفون لازم اشوفك لو مش قادرة تنزلي هيجيلك البيت و نتكلم سوا
أمنة بتسرع … لا لا متجيش
مراد بشك … مجيش لية ؟
أمنة … ا ااقصد اني يعني نتكلم ف الفون احسن ف اية يا مراد ؟؟
مراد … هو في ايه يا أمنة مالك مش ع بعضك من اول المكالمة انطقي ف ايه
قال جملتة الاخير بصوت عالي خلاها اتوترت فوق توترها
أمنة بتوتر … م ممفيش ا انا انا قلتلك اني اه اني تعبانة ف ايه ؟
مراد … تمام يا ٱمنة سلام
مستناش أنها ترد وقفل السكة واول ما قفل هي انهارت تاني وفضلت تعيط ومش عارفة تفكر ولا تاخد قرار حمدت ربنا أن أمها خرجت تجيب طلبات للبيت وتزور بعد الاقارب
بعد ربع ساعه جرس الباب رن أمنة قامت مسحت دموعها و راحت تفتح اتفاجات ب مراد قدامها
أمنة بدهشه … مراد
مراد بقلق من شكلها … في ايه انتي تعبانة ف حاجة ضايقتك طمنيني عشان خاطري
أمنة حست بقلقة و نظرة عينيه كلها حب وقلق و خوف عليها مقدرتش تسيطر علي دموعها عيطت تاني مراد دخل وقفل الباب
مراد … طب اهدي ممكن أمنة بالله عليكي اهدي و فهميني في اية ؟
أمنة … امشي يا مراد
مراد … نعم؟
أمنة … بقولك امشي انا مش عايزة اشوفك ولا اكلمك
مراد … انتي مجـ .ـنونة يابت انتي
أمنة … مراد انا وانت اخوات ومش اكتر من كدة
مراد بصدمة … نعم اخوات ازاي يعني مش فاهم
أمنة … اخوات وبس وارجوك امشي بقا مش قادرة اتكلم
مراد بهدوء … تمام يا أمنة انا هسيبك تهدي ولينا كلام تاني سلام
مراد خرج من عند أمنة و هو واثق أنها مخبية عليه حاجة بس مقدرش يستنتج ايه هي و مفيش ثواني لاقي تلفونه بيرن برقم تقي
مراد … الو
تقي بحب … حمد لله على السلامه يا مراد
مراد … الله يسلمك ياتقي عامله ايه
تقي … تمام الحمد لله احم هو ينفع اشوفك بكرة ؟
مراد … اشمعني في حاجة ولا ايه
تقي … لا ابدا عايزاك ف موضوع مهم مش هينفع فون
مراد حس أن تقي يمكن تكون عارفة أمنة مخبيه عليه ايه و تساعدة أنه يفهم
تقي … مراد انت معايا
مراد … اه اه معاكي تمام نتقابل بكرة يناسبك علي بعد الظهر كدة عشان بعد كدة مش ضامن ظروف شغلي
تقي بحماس … اه طبعا يناسبني جدا
مراد … تمام هبعتلك لوكيشن المكان ع الواتس
تقي … اوكي اشوفك بكرة بقا
مراد … إن شاءالله سلام
تقي … سلام
___________________________________
نروح ل سليم اتنقل غرفة عادية و بلغ مدير المستشفى بقرارة أنه هيستقيل و يرجع نصر بسبب ظروفة الصحيه ولأن سليم محبوب جدا هناك المدير وافق علي رغبتة
سلمي محاولتش تكلم مراد خالص أو حتي تطمن عليه برسالة علي قد ما قهره علي قد ما كان مش متفاجا كان متوقع رد الفعل دا بس كريم وحشه اوي طلع موبايلة وفتح صور كريم وفضل وقت طويل يتفرج عليها
___________________________________
ليلي بعد تفكير كتير و تردد حسمت أمرها و اتصلت علي اخوها
ليث … كنت لسه هكلمك والله
ليلي … القلوب عند بعضها بقا
ليث … عامله ايه طمنيني عليكي
ليلي … تمام الحمد لله إنت عامل ايه
ليث … تمام ها بقا احكيلي ف ايه
ليلي … قبل ما احكيلك اي حاجة عايزاك توعدني انك هتقف جمبي ف كل اللي هعملة
ليث … وانا من أمتي مش جمبك ولا عشان مسافر ابقي خلاص مش جمبك انتي عارفة كويس اوي اني معدنيش اغلي منك انتي ومالك في الدنيا دي في ايه قلقتيني بجد
ليلي … هحكيلك كل حاجة
ليلي حكت ل ليث كل الموضوع بما فيه خطتها ف أنها تنتقم ل كرامتها و تحفظ حقها وحق ابنها و حكتلة علي معاملة يحيي و نعمان ليها حست انها كانت شيلة حمل تقيل فوق قلبها وتخلصت منه لما حكت لاخوها
ليث كان ساكت تماما طول المكالمة بيسمعها بتركيز من غير ما يقاطعها
ليلي … بس يا سيدي انا كدة حكتلك كل حاجة ومستنية رايك
ليث بهدوء عكس اللي جواه … ممكن افهم ابوة وأخوة بيعاملوكي كدة لية؟
ليلي … سالت نفسي كتير السؤال دا بس والله ما اعرف ملقتش إجابة و قلت مش مشكلة عشان خاطر ماما ناهد و يونس اعدي و افوت
ليث … تمام ممكن اقفل دلوقتي و ساعه بالظبط وهكلمك ونكمل كلامنا اوكي ؟
ليلي بحيرة … اوكي هستناك
البارت الخامس ……….
ليلي فضلت محتارة ليث كان هادي زيادة عن اللزوم و قفل مرة واحدة مكنتش عارفة تحدد رد فعله دا معناه اية وقطع تفكيرها تلفونها اللي رن برقم ليث
ليلي … الو
ليث … ليلي اسمعني كويس وياريت اللي هقولو يتنفذ بدون مناقشة مفهوم ؟
ليلي بحيرة … مفهوم ف ايه قلقتيني بجد
ليث … هقولك
___________________________#بقلم_مني
اليوم عدي بدون احداث جديدة و مع بداية يوم جديد ليلي صحيت و قررت تنزل تمارس الروتين اليومي اللي كانت ماشية عليه عشان تعرف تتحرك براحتها من غير ما تلفت النظر ليها وبعد ما خلصت انتهزت فرصة أن نعمان و يحيي مشغولين بالبضاعه الجديدة اللي وصلت المعرض واستاذنت من ناهد أنها هتنزل تشتري شوية طلبات ل مدرسة مالك
خدت الدهب ال ورثته من ماماتها والدهب بتاعها و راحت باعت كله و خرجت من المحل ع البنك و حطت تلت اربع المبلغ وديعة و الربع آل فضل فتحت حساب و حطت المبلغ فيه حساب جاري واشترت شوية حاجات وروحت ع البيت
___________________________________
تقي حبت تتأكد أن أمنة نفذت اللي طلبتة منها قبل ما تقابل مراد كلمتها قبل ما تنزل بس ٱمنة مكنتش قادرة ترد عليها كنسلت و بعتت ليها مسج
أمنة … متقلقيش يا تقي خلاص انا نهيت كل حاجة مع مراد من قبل ما تبدء اتمني انك تكوني بخير و سعيدة بس انا مشغولة دلوقتي مش هقدر ارد ع الفون
تقي ابتسمت أن كل حاجة ماشية زي ما هي عاوزة مش فاضل غير تدخل حياة مراد وتقنعه يتجوزو في اقرب وقت لازم تحقق امنيتها لازم تسابق ال’م’وت
لبست طقم شيك و ميكب بسيط و نزلت تقابل مراد وصلت كان هو مستنياها
مراد … اهلا يا تقي ازيك
تقي ببتسامة … كويسة اوي إنت عامل ايه؟
مراد … تمام الحمد لله ها تشربي ايه
تقي … انت هتشرب ايه ؟
مراد … أنا هطلب قهوة
تقي … خسارة مش بحبها خلاص انا هاخد عصير برتقال فريش
مراد … اوك
ندهه للجرسون و طلب المشروبات و بصلها بتركيز اوي
مراد … ها ياستي موضوع ايه دا بقا
تقي بتوتر … اصل بصراحة أنا احم انا يعني
مراد … انتي اية ؟؟
تقي بحب … أنا بحبك من زمان اوي يا مراد ومش قادرة اخبي عنك اكتر من كدة
مراد بدهشه … نعم بتحبيني ازاي يعني
تقي … بحبك زي ما اي واحدة بتحب راجل وبتتمني تقضي عمرها كلة معاه
مراد باصصلها وساكت جه الجرسون حط الحاجة ومشي
تقي … طبعا انت عرفت أن أمنة مش بتفكر فيك نهائي و أن أنت بالنسبالها اخ وبس وبصراحة كدة هي مرتبطة بواحد زميلها في الشغل و متفقين ع جواز
مراد بهدوء … وأية جاب سيرة أمنه دلوقتي؟ و واحد مين دا وانتي عرفتي منين؟
تقي بغيرة … انا عارفة انك بتحبها أو معجب بيها و هي اللي حكتلي ع زميلها دا وقالتلي قريب اوي هنفرح بيها
مراد … وطالما انتي عارفه اني بحبها بتعترفيلي بمشاعرك ليه؟
تقي … عشان انا بعشقك لكن هي قلبها مع غيرك وعشان انا امنيتي الأخيرة ف الدنيا دي اني اكون مراتك قبل ما امو’ت والمو’ت مش بعيد عني يا مراد الم’وت بينه وبيني خطوة
مراد … مش فاهم يا تقي ارجوكي خليكي واضحة وقولي كل اللي عندك مرة واحدة
تقي … هحكيلك كل حاجة
مراد كان بيسمع تقي من غير اي رد فعل لحد ما خلصت
تقي … دا كل الموضوع و لما اتاكدت أن أمنة بتحب حد تاني واني كدة مش هفرق بين اتنين بيحبو بعض دا اللي شجعني و خلاني اعترف لك دلوقتي ب مشاعري ناحيتك
مراد … طيب حضري نفسك بكرة هعندي ع مستشفى تخص واحد صحبي بثق فيه نطمن عليكي الاول وبعدين نتكلم في اي حاجة تانيه اوك ؟
تقي بحزن … انت مش مصدقني يا مراد ؟
مراد … انا قلت كدة أنا بقول اطمن عليكي مش اني مش مصدقك في فرق كبير ولا انتي مش عايزاني اطمن يعني؟
تقي … لا يا حبيبي اطمن براحتك ربنا يخليك ليا
تلفون مراد رن كان مديره ف الشغل بيستعجلة
مراد … طب انا هضطر أقوم دلوقتي و هكلمك بالليل نتفق ع بكرة اوك
تقي ببتسامة … اوك
مراد وصلها للتاكسي ومبجرد ما ركبت واتحركت هو طلع تلفونة واتصل ع أمنة
أمنة مردتش مكانتش قادرة تواجة اي حد ولا ترد علي اي حد لاقت صوت مسج منه فتحتها
مراد … الساعه 4بالظبط الاقيكي ف المكان اللي هقولك عليه والا قسما بالله العظيم يا أمنة ما هيحصل كويس سلام
وبعتلها عنوان الكافية اللي هيستناها فيه
أمنة كانت محتارة تروح ولا لا طب هتقولو ايه؟ هتقدر تتماسك المرة دي هتقدر تجرحة؟ هتقدر تبص ف عينيه و تقول مش بحبك
_____________________________________
سليم كان اتحسن شوية ف اصر أنه يخرج من المستشفي و يروح بيته عشان يبدء يظبط أمورة ل رجوعه الدائم تلفونة رن برقم سلمي قفل التلفون و كمل اللي كان بيعمل
عند سلمي
سلمي بضيق … شايفة يا مامي كنسل عليا وقفل الفون
ثريا … قلتلك غلط انك متكلمهوش مسمعتيش الكلام اهو خلينا كدة مش فاهمين حاجة دلوقتي بسبب عندك و غباءك
سلمي … اوووف بقا مش كنت مخنوقة منة ومن تصرفاته عايزاني اكلمو ازاي يعني المهم دلوقتي أنا اعمل ايه
ثريا … بلاش شد مع جوزك سليم عندي و مش بيجي بالشد اتكلمي براحة وبهدوء حتي لو نزل اقنعيه بعد ما ينزل أنه يرجع تاني
سلمي … اقنعه ازاي بعد ما يرجع؟
ثريا … سهله اوي وريه العيشه بقت غاليه ازاي الحاجة أم جنيه تبقا ب مئة جنية هو يعني عايش هنا ولا عارف أسعار مدرسة كريم غليت وهكذا لحد ما يهج ويرجع هناك تاني
سلمي … تمام حلوة اوي الفكرة دي يا مامي بس في مشكلة صغيرة
ثريا … مشكلة ايه
سلمي كشرت … باباه و ماماتة لما هيصدقو يشوفوه وطبعا هيرحبو اوي برجوعه
ثريا … سليم مش بتاع رغي و مشاعر سليم شخص عملي هو بس تجربة تعبة أصرت علية يعني شوية وهيفوق خصوصا لو عملتي ال قولتلك علية صح هو اهم حد عندة كريم وبس
سلمي … اوكي يا مامي هنشوف انا هخرج شوية بقا خلي بالك من كوكي
ثريا … رايحة فين ؟
سلمي … هقابل صحابي في النادي هنتغدي سوا وبعدين نلف بالعربيات شوية وهرجع يلا باي
ثريا… باي يا روحي
____________________________________
الساعه جت 4 وأمنة قافله الفون و بتخلص شغلها عشان معاد نزولها قرب لاقت اللي واقف قدامها بترفع رأسها لاقت مراد
ٱمنة بصدمة … مراد !
مراد بغضب … انا مش حذرتك وقلتلك لازم تيجي حصل ولا لا
أمنة بتوتر … ا ااصل انا مشغولة شوية
مراد … وتلفونك
أمنة … فصل فصل شحن
مراد قعد ع كرسي ال قدامها … قدامك كتير ؟
أمنة … مراد لو سمحت دا مكان شغلي امشي بقا
مراد … انا سالت سؤال قدامك كتير وتخلصي؟
أمنة … لا ليه
مراد … طب يلا وانا قاعد أهو مستني عشان هننزل سوا و عفكرة انا مكلم خالتي و مستاذن منها يلا انجزي
ٱمنة فضلت متنحالو
مراد بصوت عالي شوية … أمنة انجزي انا ع اخري
أمنة خافت منة و بدأت تقفل شغلها و هي مندمجة دخل عاصم زميلها ف الإدارة ومعجب من زمان بيها بس هي بتصدة
عاصم … أمنة ملف الاجتماع الأخير عندك؟ ( خد باله من مراد ) سوري مكنتش اعرف ان عندك حد
أمنة بتوتر من نظرات مراد… احم اه عندي يا عاصم اهو
عاصم … طب مش تعرفينا ؟
مراد قام وقف ومد أيدية وشد اوي ع ايد عاصم … المقدم مراد الجندي ابن خالتها و خاطبها
عاصم … اهلا وسهلا تشرفنا بس مفيش يعني دبلة ف ايد ٱمنة و
مراد قاطعة … قارين فاتحة و خطوبة قريب أي أسئلة تاني؟
عاصم بحرج … احم لا ابدا اسف مقصدش عند ازنكم
ٱمنة بغضب … اية الاسلوب ال كلمتة بيه دا انت احرجتني جدا ومين دي اللي خطيبتك يا استاذ انت
مراد … يلا نمشي من هنا وبعدين نتكلم لحسن والله ما يهمني شغلك ولا زفت وصوتي يعلي واحرجك بجد يلاااااا(قالها بشخط)
أمنة خدت شنطتها و خرجت قدامه قعدو في كافية جمب الشغل
مراد بهدوء … تشربي ايه؟
أمنة بغيظ … يا برودك يا اخي مش عايزة اشرب حاجة
مراد ببتسامة … خلاص اطلب انا ع زوقي لو سمحت
الجرسون .. تحت امرك يا افندم
مراد … واحد قهوة مظبوط و واحد كابتشينو موكا
الجرسون .. اوك عن ازن حضرتك
أمنة … مش بحبه ع فكرة
مراد بحب … انا عارف كل حاجة انتي بتحبيها وعارف انك مش بتشربي غير يا كابتشينو موكا يا عصير فريش مانجو يا أحيانا لو مكتئبة نسكافية بلاك
أمنة بخجل … احم ماشي
مراد … أمنة انا مش عيل صغير عشان التمثيلية الخيبة اللي عملتيها مع تقي تدخل عليا .. انا واثق ومتأكد انك بتحبيني زي ما بحبك بالظبط معنديش اي شك في كدة مهما اتقال من اي حد حتي لو الحد دا انتي
أمنة ببكاء … يعني انا اعمل ايه دلوقتي
مراد بحب … هششش حبيبتي اهدي ممكن كل مشكلة وليها حل
أمنة … لا مشكلتنا ملهاش حل يا مراد
مراد … كانت هتكون فعلا ملهاش حل يا ٱمنة لو كنت صدقتها انك مرتبطة بزميل ليكي ف الشغل خصوصا لما جتلك و شفت البية ال دخلك كانت هتكون ملهاش حل لو مكنتش حافظك و عارفك كويس و كنت متاكد انك مخبية عني حاجة
أمنة بدهشه … هي قالتلك اني مرتبطة كمان
مراد … اه ممكن تحكيلي ال حصل بالتفصيل بقا
أمنة …. حاضر هقولك
أمنة حكت ل مراد كل حاجة بالتفصيل
مراد … طيب انا هاخدها بكرة مستشفى بتاعت واحد صحبي اطمن عليها و نشوف حالتها وصلت ل فين و بعدين نقعد ونشوف هنقنعها بهدوء ازاي أن اللي في دماغها دا مش هينفع
أمنة … بس انا مش هقدر ارتبط بيك اه مقدرتش اجرحك أو اقولك اني مش بحبك بس مش هقدر ارتبط بيك مش هقدر اقهرها كدة وهي كل امنيتها ف دنيا أنها تكون معاك يومين قبل ما (مقدرتش تكمل و عيطت تاني)
مراد … حبيبتي اهدي طيب خلينا بس تشوف الدكتور هيقول اية وبعدين نتكلم ممكن ؟
أمنة ببكاء … اوكي أنا عايزة اروح بقا
مراد … ايه دا لحقتي زهقتي مني؟
أمنة … لا ابدا بس مصدعة شوية
مراد … اوك يلا يا ستي اوصلك و اسلم ع خالتو بالمرة
____________________________#بقلم_مني
عدي اسبوعين مفهمش احداث جديدة
سليم اتحسن و بدء ينهي عقدة و يجمع متعلقاتة وحجز للسفر و مازال مش بيرد علي سلمي
مراد اتاكد من كلام تقي والدكتور قالو أن حالتها صعبة جدا وأمنة مصرة أنها تبعد عن مراد وأنه يحقق ل تقي امنيتها ويكون جمبها حتي لو مش هيتجوزها ومراد رافض يكون مع حد غير ٱمنة بيحاول ميجرحش تقي بس مش قادر يقرب منها
ليلي نفذت طلبات ليث بهدوء ومن غير ما حد يشك فيها ويونس بلغها أن معاد رجوعه قرب اوي
____________________________________
صباح يوم جديد ليلي صحيت و حضرت الفطار و قعدو كلهم سوا ع السفرة
نعمان … عامل ايه يا مالك بقالي كتير مشفتكش انشغلت شوية بالمعرض
مالك … الحمد لله يا جدو انا كويس
نعمان … مفيش مدرسة انهاردة ولا ايه
ليلي … لا يا عمي عندهم رحلة ف المدرسة انهاردة اليوم فري
يحيي … إن شاءالله يابطل بكرة هخدك من الصبح و هخرجك خروج انما ايه محدش خرجها قبلك
مالك بسعادة … بجد يا عمو
يحيي بحب … بجد يا روح عمو
نعمان … يونس مقالش معاد محدد ل رجوعه يا ليلي ؟
ليلي … لا ياعمي قالي من تلات اسابيع ل شهر كدة بالكتير أن شاء الله
نعمان … والبيت الجديد جاهز ؟
ليلي … يونس مرضيش اني افرشه قال لما يجيي هو نبقا نفرشو سوا
يحيي ضحك بصوت عالي و ابوة بصله بغضب
نعمان … احم طيب انا نازل المعرض يلا يا يحيي معايا
يحيي بضحك … يلا يا بابا
بعد ما خرجوا
ليلي … مالك يا ماما ساكتة لية من اول ما قعدنا؟
ناهد … هقول ايه يا بنتي ربنا يصلح الحال يارب
ليلي بحب … يارب يلا طيب ادخلي ريحي شوية كدة كدة هنطلب سمك مشوي انهاردة يعني مفيش حاجة هتتعمل وانا هلم السفرة و هطلع اروق فوق ف شقتي شوية وانزل تاني
ناهد … ماشي يا حبيبتي عن ازنك
ليلي … اتفضلي
ليلي لمت السفرة و خدت مالك و طلعت و بدءت تقفل ف شنط اللي كانت بتحضر فيها بقالها يومين مالك دخل عليها
مالك … اي كل الشنط دي يا مامي ؟
ليلي … هقولك كل حاجة يا لوكي بس اخلص الاول
جرس الباب رن
ليلي … روح افتح ولو تيتا اوعي تجيب سيرة الشنط دي ابدا مفهوم؟
مالك … حاضر
مالك راح فتح
مالك بدهشه … خالوووووو (وحـ .ـضنة جامد)
ليث … حبيب خالو وحشتني اوي
مالك … انت كمان وحشتني اوي يا خالو
ليلي …مين يا م لييييث حبيبي
ليث وهو يحـ .ـضنها … وحشتني اوي يا قلبي
ليلي … وانت كمان ايه المفاجأة الحلوة دي انت مقلتليش انك جاي
ليث … خفت ظروف شغلي متسمحش وابقي عشمتك علي الفاضي فقلت أخليها مفاجأة و اكون معاكي وانتي بتنقلي والحمد لله اجازتي حوالي شهر يعني قاعد معاكم شوية لحد ما الدنيا تظبط
مالك بحيرة… تنقل فين انا مش فاهم حاجة ؟
ليلي بصت ل ليث بحزم طبطب عليها … ممكن فنجان قهوه من ايديك بسرعه ع ما اتكلم مع الاستاذ و بعدها نتـ .ـحرك ؟
ليلي … حاضر
ليث … بص يا مالك انت بقيت كبير دلوقتي و تعتبر انت راجل البيت واللي تقدر تحمي ماما من اي حاجة وحشه صح ؟
مالك … أيوة صح
ليث … طيب انا هحكيلك ال حصل و هشوف رايك
ليث حكالو بس حاول ما يطلعش يونس وحش اوي ف نظر ابنه لانة في الاول والاخر دا طفل
مالك… يعني بابا عندة اطفال غيري من ماما تانيه؟
ليث … تمام و هيقعدو هما ف الشقة دي وانت وماما هتروحو البيت الجديد اللي فيه جنينه كبيرة حلوة اوي
مالك … وبابا هيعيش فين هنا ولا ف البيت الجديد معانا؟
ليث … هيكون هنا شوية وهنا شوية
مالك كشر … بس هو هناك معاهم ع طول لكن أنا مشفتوش من كتير اوي مفروض يفضل معايا انا بس
ليث … بس دول بنات صغيرة وانت راجل كبير مينفعش يسبهم لوحدهم كدة
مالك … طيب ماشي أنا موافق يلا نروح بيتنا الجديد بقا
ليلي وهي بتحط القهوة … بس مش عايزين نعمل دوشة عشان تيتا تعبانة لما نوصل هناك هنكلمها اوكي
مالك … اوكي
ليث وليلي حملو الشنط بهدوء عشان محدش يحس بيهم و اتحركو ع البيت الجديد
في نفس الوقت اللي في محضر راح ل نعمان علي المعرض
محروس اللي شغال عند نعمان … يا حج الحق في محضر من محكمة برة
نعمان بخوف … يا ساتر يارب محضر ليه ؟
يحيي … روح يا زفت اندهلو لما نشوف ف اية
محروس جاب المحضر و جه
نعمان … خير يا ابني ؟
المحضر … حضرتك والد المدعو يونس نعمان عبد الله ؟
نعمان …أيوة انا
المحضر … طيب هو فين ف اعلان لية لازم يستملو و المكتوب أن العنوان الاستلام هنا
نعمان … اعلان ايه ؟ انا ابني مسافر و لسه قدامة شهر علي ما يوصل
المحضر بتلميح … لا مقدرش اقول لازم هو يستلم بنفسة اه دي مسؤلية وأمانة
يحيي وهو بيحط له مبلغ مالي في جيبة … طب قولنا احنا أهله بردو نلحق نتصرف كلك زوق
المحضر … دا اعلان من محكمة الأسرة زوجتة ليلي عبد الرحمن محمد رافعة عليه قضية خلع
نعمان و اتصدمو الصدمة حقيقي شلت لسانهم تماما بس يحيي فاق قبل نعمان وقال … البارت خلص
البارت السادس ……….
المحضر … دا اعلان من محكمة الأسرة زوجتة ليلي عبد الرحمن محمد رافعة عليه قضية خلع
نعمان و اتصدمو الصدمة حقيقي شلت لسانهم تماما بس يحيي فاق قبل نعمان
يحيي بصدمة … خلع لاخويا انا !
نعمان قعد علي الكرسي من الصدمة
المحضر … طيب انا همشي وهكتب لم يستدل يا باشا شكلكم ناس ولاد حلال
يحيي وهو بيدية مبلغ تاني … تسلم يا زوق شكرا
المحضر مشي ويحيي قعد ومش عارف ينطق بقا ليلي اللي بتترعب منهم و مبتعرفش تقول كلمتين ع بعض ترفع قضية خلع الص’دمة اتحولت ل غضب شديد وقام مرة واحدة رايح لها البيت ونعمان طلع تلفونة واتصل ع ابنة
يونس … السلام عليكم يا حج
نعمان بحزن… وعليكم السلام يابني انت في شغلك؟
يونس … لا يا حبيبي انا ف الطريق مروح البيت في حاجة ولا ايه ؟
نعمان … احم أيوة في مشكلة واحنا مش عارفين نتصرف ازاي
يونس … خير يا بابا قلقتني؟
نعمان … بصراحة يا بني كان ف محضر هنا من شوية ومعاه اعلان من محكمة بيقول ان ليلي مراتك رافعة عليك قضية خلع
يونس بسخرية … لا والله اية يا حج الهزار دا
نعمان … وانا ههزر في حاجة زي كدة يا يونس
يونس … بابا ليلي مين بس انا مش فاهم حاجة في اية ؟؟
نعمان بحده … في اية مش مفهوم ليلي مراتك ام ابنك مالك رافعة علييييك قضية خلع و كان في محضر هنا من المحكمة معاه ورق ب كدة
يونس بصدمة … لا لا اكيد في حاجة غلط يمكن يمكن تشابة أسماء مثلا اه بتحصل كتير
نعمان … يابني انا مش ناقص المحضر قال اسمك واسمها ثلاثي قولي نتصرف ازاي معاها دلوقتي؟
يونس … لو سمحت يا بابا اقفل دلوقتي وهكلمك تاني مش قادر اتكلم دلوقتي سيبني بس استوعب اللي أنت قولتة وهرجع اكلمك
نعمان … ماشي يا يونس مع السلامة
يونس … مع السلامة
في نفس الوقت يحيي كان وصل البيت وهو في قمة غضبة خبط علي باب ليلي كتير مفيش رد نزل ع شقتهم فتح ودخل
يحيي بغضب … ليلي انتي يا ست هاااااانم
ناهد بخضة …. في اية بتزعق كدة لية
يحيي …. هو انا لسة زعقت فين زفتة الطين
ناهد كشرت … واد انت اتكلم بادب علي مرات اخوك
يحيي … مامااااا طلعي نفسك من حوار دا هي فين طبعا مستخبية مش قادرة تطلع مش كدة
ناهد … ليلي مش هنا طلعت شقتها بعد الفطار ع طول وقالت هتنزل ع الغدا
يحيي … اللهم طولك ياروح امي انجزي فين ليلي انا طلعت فوق ومفيش حد
ناهد بقلق … والله دا اللي حصل في اية انت قلقتني
يحيي … الهانم رافعة علي يونس اخويا قضية خلع والمحضر جالنا علي المعرض وفضيحتنا هتبقي علي كل لسان
ناهد … بالهوي خلع لا حول ولا قوه الا بالله لية كدة بس اقول اية كلو من عمايل اخوك السودا
يحيي بشك … قصدك اية ؟ ماما انتي قولتلها أن يونس متجوز؟؟
ناهد بتوتر …. هه لا اه يوووو طلعت عشان اقولها لاقيتها عارفة ولما قولتلها هتعملي اية قالتلي هفكر واقولك ومن وقتها مفتحتش الموضوع معايا
يحيي بضيق … يالله منك يا امي انا لازم اكلم يونس افهمه
قاطعة صوت نعمان …. سيب اخوك شوية يفوق من صدمة قضية الخلع وبعدين كلمة
يحيي … انت قولتله يا حج
نعمان بحزن … أيوة وقالي مش قادر اتكلم دلوقتي سيبني شوية استوعب وهبقي اكلمك (وبص ل ناهد ) كلو منك انتي يا ولية يا حرباية روحتي قولتلها قبل ما جوزها ينزل ويقولها هو عجبك عمايلك السودا دي
ناهد … والله هي كانت عارفة بس مقالتش عرفت ازاي ولا هتعمل ايه وبعدين عمايلي انا اللي سودا وعمايل ابنك قليل الاصل اية
نعمان بغضب … اخرسي انا ابني راجل يتجوز واحدة واتنين وتلاتة حقة وربنا محلله هتحرمية انتي
ناهد … وحق ربنا يقول إنه ياخد من الغلبانة ميراثها من ابوها كلو للبيت الي هيقعد فية المحروسة التانية ؟؟
نعمان … هيرجعهملها ياختي لما يرجع هيشتغل في شركة حماة و هيرملها فلوسها ع الجزمة
ناهد بحزن … لله الأمر من قبل ومن بعد منكم لله قهرتوها منكم لله
نعمان بغيظ … يحيي خلي امك تخفي من وشي الساعة دي انا مش ضامن نفسي بعد كدة
يحيي لسة هيرد قاطعتة ناهد … انا اللي هدخل جوة من وشكم استغفر الله العظيم
______________#بقلم_مني____________
ليلي وصلت البيت كان مفروش فرش جديد و ديكوراتة روعه
ليلي بدهشه … انت لحقت عملت كل دا أمتي انت قولتلي هتصرف ف اي حاجة مؤقت لحد ما اظبط اموري
ليث … حبيبتي انا معملتش حاجة أنا كلمت مروان صحبي ال حكتيلك عنة وهو ال اتفق مع مهندس الديكور علي كل حاجة وكان متابع بنفسة كل حاجة اية رايك
ليلي بفرحة … تحفة حلو اوي بس مش غالي شوية كنت عايز يفضل مبلغ ف البنك لأي ظرف
ليث … الفرش كلو هدية مني ليكي
ليلي … لا طبعا أن
ليث … هششش ولا كلمة انا اخوكي يا هبله و بعدين دي حاجة بسيطة اقولك اعتبريها هديه الخلع أن شاء الله
ليلي … هدية الخلع جديدة دي
ليث … معانا تجدي كل جديد سيدتي
مالك بعد ما خد جولة ف البيت … الله يا خالو البيت حلو اوي اوي واوضتي حلوووووة اوي
ليث … حبيب خالو الحمد لله أنه عجبك يا حبيبي بقولكم ايه أنا جعان تأكلو اية
مالك بحماس … بيتزا كبيييييرة اوي
ليث … بس كدة احلي بيتزا كمان
طلع تلفونة وطلب الاكل و قعدو سوا ثواني و جرس الباب رن
ليلي … معقول الاكل لحق يوصل
ليث وهو بيفتح … هنشوف
فتح الباب لاقي اتنين ضخام جدا ولابسين بدل
ليث … افندم؟
رافت … احنا من شركة الحراسة و جاين حسب المعاد اللي حضرتك حددتة
ليث… اه اهلا وسهلا اتفضلو
ليلي … مين دول يا ليث ف أية
ليث … دول من شركة الحراسة ال طلبتها هما واتنين تانيين هيبدلو مع بعض ع الفيلا ولو خرجتي واحد هيكون معاكي و التاني هيفضل هنا
ليلي بدهشة … لية كل دا
ليث … عشان اكون مطمن عليكي لما اسافر (وبص للراجل) انا ليث ودي مدام ليلي اختي وال هناك دا مالك ابنها أظن استاذ معتز فهمكم طبيعيه شغلكم هنا ازاي
رافت … تشرفنا يا فندم انا رافت و زميلي حسن و أن شاء الله هنكون قد المسؤلية
ليث … تمام يا رافت تعالو معايا اوريكو المداخل والمخارج للمكان عشان تظبطو شغلكم
اتحركو وليلي كانت ليلي مستغربة شوية ليث عمل كل دا ازاي وهو مسافر وفكر ف كل حاجة فيها امانها وراحتها ابتسمت بحزن لما افتكرت أنها كانت مع راجل فكراه الامان والراحة فاقت من شرودها علي صوت مالك
مالك … مامي احنا مش هنكلم تيتا
ليلي … هنكلمها كمان شوية مش انت جعان اوي
مالك … اه اوي
ليلي … ناكل الاول وبعدين تكلمها اتفقنا
مالك … اتفقنا
_______________#بقلم_مني______________
أمنة كانت في شغلها بس كل تفكيرها في مراد و محتارة وتايهه مش عارفة تعمل ايه تلفونها رن برقم مراد
أمنة … الو
مراد … وحشتني
أمنة بتوتر … مراد انا ف الشغل
مراد … اعملك ايه طيب ما انتي اللي رافضة نتقابل
أمنة بحزن … يا مراد افهمني انا مش هقدر أوجعها كدة خصوصا وهي تعبانة اوي كدة التعب زاد عليها لدرجة أن خالتو وانكل مصطفي حسو وعرفة والعيلة كلها عرفت ب امنيتها و خالتك امبارح كانت عندنا وسمعتها بتعيط و بتقول ل ماما تتكلم معاك عشان توافق ع خطوبتكم انت و تقي
مراد … وانتي ايه؟
أمنة … مش فاهمه
مراد … سهل عندك اني أخطب غيرك؟؟ سهل عندك اني اكون مع غيرك؟ للدرجة دي مش متمسكة بيا
أمنة بحزن … دا نصيب وقدر ومحدش بياخد اكتر من نصيبة
مراد … لاخر مرة هسالك يا أمنة بس اعرفي اني إجابتك هتكون للعمر كلة حتي لو لا قدر الله تقي حصلها حاجة
أمنة اتوترت من نبرة صوتة و نفسها بدء يعلي
مراد … يا تكلمي معايا ونحل الموضوع دا براحة مع بعض ونفهم الكل أن الي بيطلبوة مش هيحصل و نحاول منجرحش تقي يا
أمنة بخوف … يا ايه !
مراد بهدوء … ياتنسيني نهائي العمر كلو تنسي واحد اسمو مراد هشيلك من قلبي ومش هيبقالك مكان في حياتي نهائي وهخطب تقي وممكن اخلية جواز ع طول
أمنة ساكتة مش بترد دموعها نازلة وهو حاسس بيها
مراد بضيق … هتصل بيكي بكرة أعرف ردك سلام
مراد قفل قبل ما يضعف من صوت عياطها هو بيعشقها بس كان لازم يقسي عليها لازم يحسسها أنه ممكن يضيع منها ولازم يحس بتمسكها بيه
أمنة بعد ما قفل فضلت تعيط كتير و بعدين اتصلت ع اكتر حد هي محتاجاه دلوقتي
ٱمنة بدموع … ينفع اجيلك ؟؟
ليلي … في اية يا أمنة مالك
أمنة … مش هينفع ف التليفون انتي في البيت
ليلي … لا انا في الفيلا الجديدة هبعتلك كوليكشن
أمنة بحماس … اية دا يونس رجع أمتي حمد لله على سلامتة
ليلي بسخرية … الله يسلمك يختي لا مرجعش لما تيجي هفهمك
أمنة … اوكي هستاذن من الشغل حالا واجيلك سلام
ليلي … سلام
في خلال ساعه كانت أمنة قدام باب الفيلا
رافت … حضرتك مين؟
أمنة باستغراب… أنا أمنة صديقة ليلي هو هو في ايه
رافت … اهلا يا هانم اتفضلي التعليمات اللي عندنا ندخل حضرتك علي طول
أمنة داخلت وليلي واقفة علي الباب بتضحك علي شكل صحبتها
ليلي … شكلك يمو’ت من الضحك
أمنة… مين دول وفي ايه انتي حد هيغتالك ولا ايه؟
ليلي …. ههههههههه هفهمك يا تحفة تعالي بس ندخل
أمنة … الله المكان حلو اوي زوقك يجنن يا لولا
ليث من خلفها… دا زوق اخو لولا يا متخلفة
أمنة بدهشه … اية دا ليث مش معقول حيت امتي يا حيـ .ـوان انت وأزاي متعرفنيش
ليث وهو بيض’ربها ع رأسها … بطلي غلط ل’سانك دا ايه مت’رين
أمنة … لم أنت ايديك و مقلتش ليه انك جاي ولا هي ليلي بس اللي اختك ؟
ليلي … لا طبعا بس هي الظروف اللي حصلت كانت ملغبطانا شوية
أمنة … ظروف ايه ما انا مش فاهمه منك اي حاجة
ليلي … ليث هو مالك فين
ليث … متقلقيش بيعلب في اوضتة
ليلي … تمام تعالو نقعد الاول وبعدين نتكلم
بعد مدة كانت ليلي حكت ل أمنة كل حاجة وأمنة مكنتش بتعلق خالص مندهشه بس
ليلي … بس ياستي وادينا جينا هنا و ليث اصر تكون معايا حراسة عشان يكون مطمن علينا
أمنة … الواطي اية ليفيل النداله دا مشفتوش خالص قبل كدة لا واطي واطي يعني
ليلي … انا بس مش خايفة غير ع مالك مش عارفة تأثير كل دا عليه هيكون ازاي
أمنة كشرت … وهو مخفش علي ابنة ليه الواطي دا وبعدين مالك ماشاء الله عقلة اكبر من سنة و مرتبط بيكي جدا حتي لو عدي بفترة صعبة بس اكيد هتعدوها سوا
ليث … اية يا بت العقل دا كلو
أمنة … وهو انا جيبني ورا غير العقل دا
ليلي … اه صحيح كان مالك بقا في اية ؟
أمنة حكتلهم كل الموضوع وصولا ب آخر مكالمة ل مراد
ليث … عايزة الحق
أمنة … اكيد انا بجد تايهه
ليث … هو معاة حق في كل كلمة قالها وبعدين تقي كانت واثقة انكم بتحبو بعض هي الطرف الاناني ف الموضوع والأهل ميعرفوش انكم بتحبو بعض ف طبيعي بالنسبالهم مراد مش مرتبط مفيش حد ف حياتة يبقي ايه المشكلة أنه يخطب بنت خالتة ولا يتجوزها حتي
ليلي … انتي جرحتيه اوي بعدم تمسكك بية كان فعلا سهل عندك يسيبك ويكون مع غيرك
أمنة بدموع … والله ابدا انتي اكتر واحدة عارفة انا بحبه قد اية وأزاي كنت كل يوم بتخيل اللحظة اللي هيقولي فيها بحبك انا بس صعبانة عليا تقي مش قادرة اكون سبب في وجع إنسانة هي اصلا بتتوجع
ليث … الإنسانة دا قصدة تفرق بينكم و وجعها دا انتي وهو ملكوش دخل فيه دا قضاء ربنا
أمنة بتعب … يعني اعمل ايه دلوقتي
ليلي بحدة … بت متعصبنيش مبحبش اسمع الكلمة دي تعملي اللي انتي حساة وعايزاة مش كل قرار مهم ف حياتك تسالي اي حد انا اعمل دلوقتي هي حياتنا ولا حياتك
ليث … عجبك كدة عصبتيها اهي ممكن تاكلنا دلوقتي
أمنة ببتسامة… خلاص هسكت اهو بس
ليلي … مبسش انتي هتفكري لمرة اخيرة وبعدين هتبلغينا كلنا بقرارك مفهوم؟
ٱمنة … مفهوم يا ستي انت
قاطعها تلفون ليلي اللي رن برقم يونس رغم كل الي هي عملته إلا أنها اتوترت جدا لما رن الرقم ليث اخد منها التلفون و رد هو
يونس بحدة … ممكن افهم مراتي فين و ايه اللي هببتيه دا
ليث بغضب … هباب علي دماغك يا بجح وليك عين تتصل وانت اللي بتزعق كمان
يونس … انت مين وأزاي ترد ع التلفون وفين ليلي
ليث … متنطقش اسمها ع لسانك تاني انا ليث اخوها يا روح امك اللي هخلي عيشتك انت واهلك كلها سواد باذن الله بس أنت متقاطعش وقول امين
يونس … انت ازاااي تكلمني كدة اديني مراتي اكلمها
ليث… مراتك عندك هناك ام بناتك ملك و مليكة واسمها نـ .ـاريمان لكن اختي متخصكش في اي حاجة واللي بينا وبينك قضية الخلع وبس انا كان ممكن بسهولة اوي تخليك تطلقها بس انا هخلي سيرتكم علي كل لسان وكل الناس يقولو المخلوع راح المخلوع جه واه الفيلا اللي نصبت علي اختي ف ميراث ابوها عشان تقعد فيها مراتك التانيه بقت باسم ليلي لأنها من حقها وحق ابنها يلا غور في داهيه
يونس لسه هيرد كان ليث قفل في وشه السكة اتصل علي اخوه
يونس بغضب … مين اللي عرف ليلي اني متجوز ومخلف انا مش ماكد عليك انت وبابا متقولوش لحد ما ارجع عرفت اااازاي
يحيي بتوتر… امك سمعتني وانا بتكلم مع ابوك وطلعت تقولها بس بتحلف أنها لما طلعت تقولها لاقت ليلي اصلا عارفه
يونس بحزن… ضيعتو كل حاجة ليلي ضاعت و ابني و شقي عمري حرام عليكم
يحيي … كل مشكلة وليها حل وبعدين شقي عمرك ضاع ازاي ؟
يونس … ليلي كتبت الفيلا باسمها وهي هناك هي وأخوها الي معرفش جة م دن السفر أمتي وأزاي
يحيي بغضب … نعم لية هي سايبة ولا ايه بقولك ايه ابعتلي عنوان الفيلا دي وانا هتصرف مبقاش يحيي نعمان أن ماكانت انهاردة مرزوعه في بيتها هي وابنك و الفيلا دي الصبح هتبقي باسمك و القضية هتتنازل عنها
يونس … وانت هتعمل كل دا ازاي انت مشفتش اخوها كلمني ازاي وقالي ايه
يحيي … بقولك ابعتلي العنوان وملكش دعوة بالباقي
يونس … يحيي انا مش عايز اخسرها انا بحب ليلي فعلا اهدي انت وانا هحجز وانزل ف خلال يومين تلاتة و نـ .ـاري والبنات ينزلو لما يجهز ورقهم
يحيي … ابعتلي العنوان يا يونس ومتخفش هترجع تلاقي مراتك وابنك في بيتك ثق فيا
يونس بخوف …حاضر بس توعدني متتهورش عشان مخسرش كل حاجة
يحيي بخـ .ـبث … اوعدك يا حبيبي
_____________#بقلم_مني____________
سلمي كانت في اوضتها بتتكلم في التليفون
سلمي بدلع … تؤ انا زعلانة منك
طرف الآخر …
سلمي … تؤ انت كل مرة بتقولي كدة ومبيحصلش
طرف الآخر …
سلمي … بجد يعني دا وعد يا بيبي ؟
الباب خبط
سلمي … طيب هكلمك بعدين بأي دلوقتي
وقامت فتحت واتفجأت ب سليم قدامها
سلمي بدهشه … سليم
سليم. … اه سليم
البارت السابع ……….
سلمي قامت فتحت واتفجأت ب سليم قدامها
سلمي بدهشه … سليم
سليم. … اه سليم هفضل واقف علي الباب ولا ايه ؟
سلمي … احم لا طبعا اتفضل
سليم دخل و نده علي كريم
سلمي بتوتر … كريم مش هنا بايت عند مامي
سليم … لية ؟
سلمي … اصل هي طلبت كدة وعادي يعني كريم متعود علي كدة
سليم … ماشي
سلمي … انت مقلتليش لية انك جاي
سليم بسخرية … وانتي مقلتليش حتي حمد لله على السلامه يا مراتي
سلمي بتوتر … حمد لله على السلامه احم انا بس المفاجأة خلتني متوترة شوية
سليم … اه ماهو باين عموما لو سمحتي اتصلي بماماتك خليها تجيب كريم انا عايز اشوفه
سلمي … حاضر بس هو انت جيت بسرعه كدة ازاي مش مفروض انك كنت تعبان؟
سليم … وانتي ايه يهمك تعبان ولا بمو’’ت حتي انتي من يوم ما كلمتك من عناية المركزة وانتي مرفعتيش سماعه التلفون حتي تطمني عليا جيت ازاي مش مشكلتك
سلمي … سليم انا كنت مضايقة منك ومحبتش نتكلم واحنا متعصبين قلت لما تخف وتكلمني تاني نتكلم بهدوء
سليم ببرود … وانا معنديش كلام معاكي ولو سمحتي انا عايز اشوف ابني دلوقتي
سلمي بضيق … اوك يا سليم هتصل اجيبو و هسيبك تهدي وبعدين نتكلم
_______________#بقلم_مني_____________
يحيي بعد ما قفل مع يونس طلع ع ابوة في المعرض
يحيي … السلام عليكم يا حج
نعمان … وعليكم السلام يا يحيي
يحيي … شفت اللي كانت عماله فيها البريئه عملت ايه تنصب علي اخويا و ترفع قضية خلع كمان بس والله ل هجبلة حقة انهاردة
نعمان … هتعمل ايه ؟؟
يحيي بخـ .ـبث … هقولك عشان تعرف انك مخلف رجاله بصحيح
يحيي قال ل نعمان اللي ناوي عليه و نعمان ابتسم بشر علي دماغ ابنة و حس بالانتصار وأنه اخيرا هيذل ليلي ويشفي غليله منها
ليث كان قاعد مع ليلي بعد ما مالك نام بيتكلمو في ازاي يقدرو يوصلو ل مالك الموضوع من غير ما يأثر اوي ف نفسيتة تلفونة رن استاذن ليلي وقام رد بعيد عنها
ليث … خير ؟
الطرف الاخر …..
ليث… الكلام دا اكيد ؟
الطرف الاخر …..
ليث… طيب اقفل أنت ولو في اي جديد كلمني علي طول
رجع ل ليلي
ليث … حبيبتي ممكن تقومي تلبسي علي ما اصحي مالك ؟
ليلي باستغراب … البس ليه وهتصحي مالك ليه ؟
ليث … ليلي مفيش وقت لازم نخرج دلوقتي. ف طريق هفهمك كل حاجة بس بليز بسرعه
ليلي بخوف … حاضر حاضر بس
ليث و هو بيشدها … من غير بس يلا بسرعه
ليلي قامت و لبست بسرعه و ليث صحي مالك وليس ونزلو و ليث وقف دقيقه اتكلم مع الامن اللي علي البوابة و خرج بسرعه
ليلي بتوتر … احنا رايحين فين ؟
ليث … عند أمنة اتصلي عرفيها انك هتباتي عندها انهاردة انتي و مالك
ليلي … ليه في ايه يا ليث انا بجد اعصابي مش متحملة
ليث … مشكلة بسيطة وانا هحلها
ليلي بعصبية … مشكلة ايه ليث اتكلم انا مش هفضل ماشية كدة وانا مش فاهمه حاجة في اييييييية
ليث بص ف مراية لاقي مالك نام اتكلم ب توتر
ليث … يحيي جاي دلوقتي ومعاه ابوة و كام واحد صحبة و ظابط من القسم و عساكر
ليلي بصدمة … ايه ليه كل دا
ليث … الظابط صحبة و جاي يجمالة أنه يرجعلو ابن اخوة ال مراتة حرماهم منه و كانو هياخدو مالك بالقوة منك عشان بعد كدة يجبروكي تتنازلي عن الفيلا وقضية الخلع
ليلي بعدم استيعاب … مش فاهمه مش منطقي انا مش حرماهم من مالك والظابط دا معهوش أمر من محكمة ازاي هيعمل كدة دا مش قانوني
ليث بسخريه … وهو كل الظباط ممشينيها قانوني دا ظابط مش تمام واخدلو قرشين تحت مسمي بيعمل خدمة لواحد صحبه
ليلي … مش قادرة استوعب طب انت هتعمل ايه ؟
ليث … متقلقيش كل حاجة هتخلص انهاردة بس كان لازم ابعدك انتي ومالك الاول عن البيت وبعدين هتصرف
ليلي كشرت … بردو هترجع ل غموضك تاني يا ابني فهمني هتتصرف ازاي
ليث بمرح … انتي مستقليه بيا ولا ايه لو هو يعرف حتى ظابط لا راح ولا جة انا أعرف مديريه بحالها
ليلي … مفيش فايدة مش هاخد منك لا حق ولا باطل
ليث … ممكن تثقي فيا؟
ليلي … حبيبي انا بثق فيك طبعا بس عايزة افهم مش اكتر
ليث… كل اللي اقدر اقولهولك ان طبيعه شغلي برة خلتني عندي علاقات كتير ب ناس في مناصب عليا و طبيعه شغلي دي مينفعش تعرفي عنها كتير عشان متساليش ف انا هتصرف اوعدك يحيي دا وابوة مش هيتعرضولك تاني ابدا
ليلي … يعني اية مفهمتش حاجة
ليث بغيظ … بت انتي مش لازم تفهمي اتصلي عرفي أمنة أننا داخلين خلاص عليها يلا خليني الحق وقتي ولما نرجع البيت نبقي نتكلم براحتنا
ليلي باستسلام … حاضر
ليلي اتصلت ب أمنة وقالتلها أنهم جايين في طريق و بعد مدة صغيرة وصلو ليث اطمن أنهم طلعوا وبعدين اتحرك بعربيتة وهو بيتكلم في التليفون
_______________#بقلم_مني_____________
ليلي بعد ما طلعت و سلمت ع والدة أمنة دخلو أوضة أمنة عشان ينيمو مالك وليلي حكت ل ٱمنة كل اللي ليث قالوهولها
أمنة … ايه فيلم الاكشن والمخابرات دا
ليلي بتعب … والله ما عارفة ولا حتي فاهمه اي حاجة
أمنة … طيب ليث عرف منين أن يحيي جاي اصلا
ليلي …. تصدقي نسيت اسألة خالص
أمنة… هو هيروح مننا فين هنخليه يقر و يعترف بكل حاجة
ليلي ببتسامة… معلش يا أمنة قلقتكم معايا
أمنة كشرت … تصدقي مش هرد عليكي اصلا عش
قطع كلامها تلفونها اللي رن برقم مراد
ٱمنة بتوتر … دا دا مراد
ليلي … طيب ردي عليه يلا بسرعه وانا هخرج البلكونة اكلم ليث يلا بقا ردي
ٱمنة ردت … الو
مراد … حبيبتي انا عارف اني قلتلك هسمع ردك بكرة بس انا طالع مهمة دلوقتي ومش هقدر اطلع الا وانا عارف ردك ايه ؟
أمنة قلبها دق بسرعه من كلمة حبيبتي اللي هو قالها ابتسمت غصب عنها وسرحت في الكلمة
مراد … الو ٱمنة رحتي فين؟
أمنة … احم معاك معاك
مراد … طيب ايه ؟؟
أمنة بهدوء … انت قلتلي لو وافقت وكملت معاك هنفكر سوا في حل او طريقة منوجعش بيها تقي ولا خالتو صح ؟
مراد … وانا لسه عند وعدي هنفكر ف طريقة بس واحنا سوا واحنا مع بعض
ٱمنة ببتسامة … وانا موافقة
مراد … موافقة علي ايه
أمنة بخجل … اكون معاك ونفكر سوا
مراد بلؤم … لية ؟
أمنة … لية ايه؟
