البوست 2الاخير

احمد حضرتك اكيد ادرى منى ببنتك و اكيد عارفه انها تستاهل و فيها حاجات كتير كويسه
احسان انا ما فيش في الدنيا زى بنتى بس
احمد و ليه بس ليه
احسان عشان هى مش بتحبك و مش هتحبك هى بتحب جوزها
تنهدت بحسره
احسان قصدى طليقها
انا عشان كدا بتجبروها ترجعله
احسان مين قالك كدا طبعا لا
نظرت لى ثم نظرت فى الارض
احسان احنا بس خايفين عليها و اخوها عصبى شويه لكن بيحبها كلنا بنحبها و بنحب بناتها و مش حارمنهم من حاجه
انا انا متاكد من ده
احسان طب ما مصطفى كان بيزعقلها و كان بيتخانق معاها هى بس اللى حساسه اوى الفتره دى اللى حصل ما كانش سهل عليها انت ما تعرفش حاجه
انا و يا ترى حضرتك هتقوليلى
احسان انت لما اتقابلنا فى المول كانت صدفه ؟
انا لا
احسان ليه عملت كدا
انا لنفس السبب اللى بيخليني اتقدم دلوقت تانى
احسان ايه هو ؟ ليه متمسك بيها ؟ اضمن منين انك مش هيجي يوم بعد ما تتعلق بيك و تسيبها اضمن منين انك مش هتكمل عليها
نظرت بعيدا تحاول ان تدارى تلك الدمعه التى تحارب من اجل التحرر و النزول ناولتها منديلا
انا انا مستعد اقدم لحضرتك الضمانات اللى تعجبك
احسان ملك اتخانقت امبارح جامد مع اخوها بسبب التليفزيون هو ما صدقش الكدبه اللى كدبتوها و خصوصا لما طلعت الفلاشه و الفلوس من جواه
انا دى فلوس ملك
احسان عارفه قالتلى
تنهدت ثم استرسلت
احسان انا هديك عنوان شغل اخوها علاء قابله و اتكلم معاه قوله انك متمسك بملك قوله الحقيقه
انا ياريت
اخرجت بطاقه و اعطتنى اياها و ابتسمت و انصرفت و تنفست انا الصعداء نجوت باقل الاضرار الان يجب ان اتحدث لملك و افهم منها ماذا اخبرت والدتها عنى حتى لا تتضارب الاقاويل بيننا اخرجت هاتفى و ارسلت لها رساله
انا ملك انتى فين لازم نتكلم ضرورى لازم اعرف حكيتي ايه لمامتك عنى انتظرت طويلا لا استطيع ان ابرح مكانى انهيت اربع فناجين من القهوه حتى انقذتنى ملك برسالتها
ملك انت قابلت ماما ؟
انا ايوه ملك انتى فين دلوقت
ملك لسه داخله البيت كنت فى الجيم زى ما قولتلك
انا ممكن نتكلم في التليفون لو سمحتى
ثوان و وجدت هاتفى يرن فتحت الخط لاجد ذلك الصوت الملائكى يرد على استحياء
ملك الو
انا ازيك عامله ايه
ملك الحمد لله انت قابلت ماما فين ؟
انا روحتلها الشغل قلقت

عليكي امبارح اوى ايه اللى حصل
ملك شديت مع اخويا شويه و قولتلهم انى على اول الشهر هشوف مكان تانى و شغل و طبعا سمعت كلمتين من اخويا ما لهمش لزمه و بعد كدا اتكلمت مع ماما و حكيتلها
انا و ما قولتليش ليه
ملك ماما دخلت الاوضه لما كنت بكلمك امبارح لما كنت بكلمك انا كنت بعيط
انا حسيت
ملك بس انت معاك حق الرياضه خرجت كل الطاقه السلبيه اللى جوايا هههههه الحقيقه خرجت كل الطاقه
انا ههههههههههههههههه اخوكى قالك ايه
ملك انا قولت لماما انك قابلتنى قدام مدرسه البنات و طلبت تتكلم معايا و انا رفضت فكررتها تانى في السوق فوافقت عشان اخلص منك
انا تمام كان المفروض تقوليلى بس كملى
ملك ما كنتش اعرف انك هتقابلها
انا كملى بس قولتيلها ايه
ملك قولتلها انى اتكلمت معاك و قولتلك ان حياتى ملخبطه و بناتى رقم واحد و مش هقدر ادخل حد فى حياتي فانت عرضت تساعدنى ارتب حياتى يمكن ساعتها الاقيلك مكان فاديتك الفلوس جبتلى التليفزيون قولتلها انى كنت عملاهولك امتحان يمكن تسرق الفلوس و ابقي خلصت منك
انا بصراحه برافو عليكي ما كنتش هلاقي حاجه احسن من كدا اقوله بصراحه
ملك انا اسفه اوى هى كلمتك و لا انت اللى روحتلها المستشفي تانى
انا انا اللى روحتلها
ملك انا مش عارفه اقول ايه الموضوع بيوسع كفايا كدا يا احمد ارجوك اسفه يا بشمهندس احمد
انا مش معترض ما انا بقولك ملك عادى يعني
ملك انا لازم اقفل عشان احاول اخلص اللى ورايا
انا لو حبيتي فى اى وقت تقوليلي اخوكى قالك ايه خلاكى تعيطي امبارح او تتكلمى بوجه عام اديكي عرفتى العنوان
ملك ممكن ما تسجلش رقمى
انا ممكن
ملك سلام
اغلقت الهاتف و استجمعت افكارى و انا انظر الى رقم اخيها اشعر بالكثير من الغضب تجاهه و لكنى اتفهم موقفه لو كانت تلك اختى بالتاكيد كنت ساخاف عليها انا شخصيا خفت عليها و دخلت تلك الدوامه طواعيه حتى لا اسمح لذئاب البشر من استغلالها و هى في تلك الحاله المهشمه لم يمض اكثر من بضع دقائق و اتصلت على اخيها
علاء الو مين معايا
انا انا باشمهندس احمد الخولى اخدت نمره حضرتك من دكتوره احسان عشان اكلمك بخصوص ملك
صمت لم يدم طويلا
علاء اهلا و سهلا خير
انا افضل نتكلم وش لوش احسن انا كنت اتكلمت مع دكتوره احسان اكتر من مره عن رغبتى انى ارتبط بملك انا عندى شقه و عربيه على فكره و بقبض كويس و اعذب و بصلى و محترم والله
علاء حضرتك عارف ان ملك اختى
انا مطلقه و معاها بنوتين عارف و راضي و اوعد حضرتك ان الموضوع ده مش هيعمل اى مشكله بعدين و تقدر تاخد الضمانات اللى تحبها
علاء هو انت شوفت ملك فين
انا هى توصيه من اخت صديق ليا هى شافتها و انا قابلتها هى و الدكتوره احسان في المول مره بس ملك رفضت بسبب انها خافت تدخل فى علاقه جديده بس انا اتكلمت تانى مع الدكتوره و هى ادتنى نمره حضرتك
علاء انا كمان رايي اننا نتقابل و نتكلم احسن حضرتك يناسبك امتى
انا دلوقت لو حضرتك تحب
علاء لا للاسف دلوقت ما ينفعش استاذنك الجمعه عندنا فى البيت الساعه ٨ لو يناسبك
انا هو يناسبنى بس ليه بعيد كدا
علاء مش هكدب عليك انا محتاج فرصه اسال عنك
انا حقك طبعا على العموم انا الكارت بتاعى مع الدكتوره و هبعت لحضرتك عنوانى و عنوان الشركه اللى بشتغل فيها على الواتس و لو تحب ممكن ابعت رقم العربيه تسال عليا في المرور
علاء هههههههههههههههههه لا مش للدرجادى
انا تمام باذن الله يوم الجمعه الساعه ٨ هكون عند حضرتك في البيت
علاء تمام هستاذنك عشان انا فى الشغل دلوقت
انا تمام اتفضل
انهيت المكالمه و بداخلى معركه طاحنه بين عقلى و ارادتى فلكل منهما راى فيما يحدث و لكن ما الفائده لقد حسم الامر و تخطينا نقطه الرجوع منذ زمن اتصلت بعمتى فى الاسكندريه و اخبرتها بامر خطبتى و انى اريدها ان تاتى بصحبتى لتساندنى امام اسره ملك و لكن سعادتها الشديده و حماسها تلاشا كالمتوقع عندما علمت بظروف ملك بل رفضت رفضا شديدا فهى امراءه تقليديه متمسكه بالعادات و التقاليد و عرضت ان تجد لى عروسا مناسبه فى اسرع وقت و ان تلك لا تناسب شابا مثلى كررت المحاوله عده مرات و توسط لى زوجها رجل متدين حسن الخلق و لكن لم نتمكن من تغير رايها و حانت اللحظه المنشوده فذهبت وحدى و استقبلنى اخوها شاب ثلاثيني حسن الهيئه وسيم الملامح و ها انا هنا فى بيت ملك لم نتحدث طوال الايام الماضيه كنت مشغولا بين عملى و بين عمتى و لكن بالتاكيد اخبروها بقدومى او هكذا تخيلت حتى رايتها و قد خرجت حامله في يدها صينيه من فناجين الشاى الفارهه التى لا تخرج الا فى المناسبات القوميه او قد لا تخرج ابدا اما عن ملك فقد كانت متجهمه فى اللحظات الاولى و لكن بمجرد ان تلاقت اعيننا حتى تحول هذا التجهم الى نظرات من السعاده و الارتياح تحدثت قليلا مع علاء عن نفسي و عملى و ظروفى و عن وفاه اسرتى و ان عمتى الوحيده تعيش فى الاسكندريه و انها لم تتمكن من المجئ بسبب بعض الظروف الصحيه و انها سوف تاتى فى اقرب وقت الحقيقه ان علاء امتص توترى بشكل غير متوقع لقد كان شابا بشوشا خفيف الظل مرح محب للدعابه عكس ما توقعت تماما لم اشعر بالوقت يمضى و طوال هذا الوقت لا اذكر ان فتحت ملك فاها سوى بابتسامه او ما دون ذاك و ها هى عقارب الساعه تدق العاشره و يدق معها جرس الباب بضيف لم اكن احسب له بالا اجل انه طليقها قد اعاد الفتايات الى حضن امهن و ما ان رانى حتى تبدلت ملامحه المتعجرفه الى نوع من الغضب او الغيره …..
الحلقه الرابعه
حانت اللحظه المنشوده فذهبت وحدى و استقبلنى اخوها شاب ثلاثيني حسن الهيئه وسيم الملامح و ها انا هنا فى بيت ملك لم نتحدث طوال الايام الماضيه كنت مشغولا بين عملى و بين عمتى و لكن بالتاكيد اخبروها بقدومى او هكذا تخيلت حتى رايتها و قد خرجت حامله في يدها صينيه من فناجين الشاى الفارهه التى لا تخرج الا فى المناسبات القوميه او قد لا تخرج ابدا اما عن ملك فقد كانت متجهمه فى اللحظات الاولى و لكن بمجرد ان تلاقت اعيننا حتى تحول هذا التجهم الى نظرات من السعاده و الارتياح تحدثت قليلا مع علاء عن نفسي و عملى و ظروفى و عن وفاه اسرتى و ان عمتى الوحيده تعيش فى الاسكندريه و انها لم تتمكن من المجئ بسبب بعض الظروف الصحيه و انها سوف تاتى فى اقرب وقت الحقيقه ان علاء امتص توترى بشكل غير متوقع لقد كان شابا بشوشا خفيف الظل مرح محب للدعابه عكس ما توقعت تماما لم اشعر بالوقت يمضى و طوال هذا الوقت لا اذكر ان فتحت ملك فاها سوى بابتسامه او ما دون ذاك و ها هى عقارب الساعه تدق العاشره و يدق معها جرس الباب بضيف لم اكن احسب له بالا اجل انه طليقها قد اعاد الفتايات الى حضن امهن و ما ان رانى حتى تبدلت ملامحه المتعجرفه الى نوع من الغضب او الغيره …..
احتضنت ملك الفتايات و دخلت معهن الى الداخل و جلس مصطفى و ظل يرمقنى بتلك النظرات القاسيه و ساد الصمت لثوان سادها التوتر حتى قطعه مصطفى بنبره متهكمه
مصطفى صحيح البنات قالولى ان ملك جايلها عريس بس انا قولت اكيد بيهزروا
ثم التفت الى قائلا
مصطفى و الباشا بقي يطلع مين
اخرجت احدى بطاقات التعريف و اعطيتها له بثقه مبالغ بها لم اعهد عليها نفسي تتناسب مع نبرته المتهكمه
انا الباشمهندس احمد الخولى مهندس برمجيات
مصطفى حلو جدا و يا ترى الباشا عنده كام سنه سامحنى اصل شكلك صغير اوى اخرك كدا حاجه و عشرين كتكوت يعنى
علاء بقولك ايه يا مصطفى
انا انا ٣٤

سنه و شكرا على مجاملتك دا تاثير الرياضه و الاكل الصحى بيخلوا الواحد شباب فتره اطول
تبادلنا النظرات لا انكر انى استمتعت كثيرا بنظرات الغيره فى عيني هذا المتعجرف
علاء بشمهندس احمد كان لسه بيقولى انه هو اللى بيصمم البرامج بتاعه المحلات يا مصطفى
مصطفى والله و يا ترى اتعرفت على مراتى فين بقي
علاء طليقتك يا مصطفى طلقتها و عدتها خلصت و الموضوع انتهى
ثم التفت الي مغيرا مجرى الحديث
علاء قولتلى بياخد منك وقت قد ايه يا بشمهندس البرنامج
انا والله على حسب البادجت و السيستم المطلوب في البرنامج ممكن من تلت اربع ساعات لاسبوع ماكسيمام
انتفض مصطفى غاضبا
مصطفى انا بناتى مش هيتربوا في حضن راجل غريب و لو المهزله دى ما انتهتش حالا انا هطلع على المحامى و اخد بناتى بالقانون
انتفض الجميع و خرجت ملك من الغرفه فى فزع
علاء و هو مرات ابوهم هتبقي احن عليهم من امهم و لا كان حد كلمك لما اتجوزت عليها و طلقتها
انا اهدى يا استاذ علاء اهدوا يا جماعه كدا كدا فى حاله جوازى من ملك حضانه البنات لجدتهم الدكتوره ربنا يديها الصحه و طوله العمر
التفت مصطفى الى بكامل ثورته
مصطفى بتتكلم بثقه اوى يعني
انا انا اتكلمت مع اكتر من محامى و كلهم اكدوا كلامى
مصطفى انت بتتحدانى يا بتاع انت
علاء مصطفي لو سمحت لاخر مره
توجه مصطفى نحو ملك كالبركان الثائر و لكنها لم تحرك ساكنا فنظر لها غاضبا
مصطفى انتى موافقه على المهزله دى يا ملك
ملك و فيها ايه لا عيب و لا حرام
مصطفى طب و بناتك
احسان كفايا بقي يا مصطفي انت عاوز منها ايه
مصطفى اعقلى يا ملك انتى كدا بتخسريني بتخسري ابو عيالك
تاكدت الان لماذا اصر علاء ان يكون اللقاء فى هذا الموعد بالتحديد لقد اراد ان يرانى مصطفى كما ارادت ملك ان تثبت فيما سبق انها مرغوبه لاهلها لا انكر انى فى هذه الحظه كنت متوترا و خائفا فانا اعلم انها ليست بتلك القوه لتقف فى وجه هذا الثور الهائج لقد رايتها امامه من قبل مستكينه منكسره خائفه و لكن سرعان ما فاجئتنى كعادتها و اجابته بكل ثقه و ثبات
ملك انت نهيت كل اللى بينا من زمان ما عدش باقي غير البنات و لو عاوز تقطع دا كمان انا كفيله بيهم
رد ساخرا
مصطفى انتى !!! هتصرفى عليهم منين هتقدرى تعيشيهم في ربع المستوى اللى انا معيشهم فيه
انا و ليه ما يكنش احسن
مصطفى اسكت انت دى امور عائليه ما تدخلش
علاء و هو البنات هنا ناقصهم ايه يا مصطفي و لا احنا مش عارفين نتكفل باختى و عيالها
مصطفى دا اخر كلام عندك يا ملك
علاء نورت يا مصطفى ان شاء الله يوم الخميس هبعتلك البنات لو لسه عاوز تشوفهم
مصطفى لا يا علاء بيه من بكره الكلام مع المحامى بتاعى و بناتى هاخدهم هاخدهم بالزوق بالعافيه هاخدهم و خلى بقي الست هانم اختك تشبع بالكتكوت بتاعها
غادر مصطفى كالثور الهائج رفعت ملك عينيها و نظرت لى فى حزن ثم دخلت غرفتها في صمت
علاء انا اسف جدا يا بشمهندس احمد انا حقيقي مش عارف اقول لحضرتك ايه
انا و لا اى حاجه كل ده طبيعي جدا على العموم انا هستاذن و ان شاء الله الزياره الجايه نتكلم فى التفاصيل دا لو حصل القبول و استاذه ملك وافقت عليا
تبادلنا الابتسامات و انصرفت فى هدوء و لكن تاتى الرياح بما لا تشتهى السفن ربما كان من الافضل ان ابقي فوق لعده دقائق اخرى فمجرد ان خرجت من البنايه حتى رايت مصطفى و قد جنت ثائرته و رمقنى فى غضب حاولت تجاهله و التوجه نحو سيارتى و لكنه لم يمنحنى تلك الفرصه
مصطفى انت عاوز منها ايه
نظرت اليه في شفقه لم استطع ان اخفيها و أكملت في طريقي فتوجه نحوى مسرعا ليجذبني من ذراعى بعنف
مصطفى انا بكلمك انت تعرفها منين و عاوز منها ايه
انا حضرتك عاوز ايه يا استاذ مصطفى
مصطفى عاوزك تبعد عن طريقي بدل ما اقسم بالله
انا انا مش فى طريق حضرتك اصلا اللى فوق دى خلاص عدتها خلصت و من حقها ترتبط بغيرك حضرتك بقي عاوز منها ايه
مصطفى انت متخيل انها بتحبك و لا بتحبك و لا هتحبك انت شاب صغير ما تروح تتجوز واحده تناسبك
انا عن اذنك انا مش فاضي
مصطفى انا مش هسكتلك على فكره هفضحك فى شغلك و فى بيتك و هخرب بيتك
لم اتمكن من ضبط نفسي اكثر من هذا فعدت اليه بخطوات واثقه و نظرات قاسيه
انا اعلى ما في خيلك اركبه انت فاكرها هتفضل من غير جواز لامتى لو مش انا اكيد كان هيبقي غيرى ملك حلوه و صغيره و مليون من يتمناها
مصطفى اولع بيها انا اللى يهمنى بناتى و هاخدهم
انا انت تروح و تكمل حياتك و هى تعيش تربيلك بناتك يا سلام
مصطفى مش عوزاهم انا متكفل بيهم انا بس سبتهملها كرمال العشره و عشان هى مالهاش غيرهم لكن بما انها هتتجوز بقي يبقي انا اولى ببناتى
انا ربنا يوفقك بقي مع القاضي فى المحكمه عن اذنك و اه لعلمك هتجيب محامى هجيبلها عشره و هتصرف جنيه هصرف قدامه الف و لتانى مره بقولهالك اعلى ما فى خيلك اركبه يا استاذ مصطفى عن اذنك
توجهت لسيارتى و انطلقت و تركته فى صدمته لا ادرى متى و كيف وصل الامر لهنا و لكن الامر الان اصبح شخصيا و اصبحت تلك معركتى انا و لو كانت اخر شئ افعله لن اسمح لهذا الكائن الانانى البغيض بان يحرم ملك من فتياتها
لحسن حظى اتصل بى اخيرا احد الوسطاء ليخبرنى عن محل مناسب للايجار فتوجهت فورا للمعاينه و هناك تلقيت رساله من ملك تسالنى ان كنت متفرغا لانها تريد ان تتحدث معى فى امر هام فاتصلت بها
انا مساء الخير
ملك انا اسفه جدا على اللى حصل
انا انا لقيتلك محل حلو جدا للايجار فى المنطقه متشطب و سعره في الحنين
ملك احمد انا مش هينفع اكمل في الموضوع ده
انا انهى موضوع بالظبط انك تلاقي شغل و تقفى على رجلك
ملك احمد انت فاهم قصدى
انا عشان مصطفى
ملك عشان بناتى انت مش فاهم البنات جم مدمرين من عند ابوهم هما مش هيفهموا اللعبه دى ابوهم شحنهم ضدى انت اصلك مش فاهم انا ما كنتش اعرف ان انت اللى جاى علاء قال فى عريس جاى ما قالش مين
انا ممكن تهدى بس عشان افهم ايه المشكله بالظبط
ملك الحوار كله مش حلو انا بدات لعبه انا مش قدها و بتوسع منى انا ممكن استحمل اى حاجه في الدنيا الا انى اخسر بناتى يا احمد انا ماليش غيرهم
انا بناتك صغيرين مش فاهمين حاجه و سهل تفهميهم
ملك افهمهم ازاى حاجه انا اصلا مش فهماها
انا تمام يبقي نتقابل بكره
ملك لا طبعا انت بتقول ايه
انا انا عايزك تقعدى مع واحد صاحبى محامى شاطر اوى و كمان نشوف المحل و نقعد نتكلم و نشوف هتفتحيه ايه و ازاى و نحط كل النقط على الحروف
ملك احمد انت ليه مش قادر تفهم انا قدراتى اقل
انا قدراتك انتى لسه مش عارفه حدودها ادى لنفسك فرصه تخرجى بره القوقعه اللى حبستى نفسك فيها طول الفتره اللى فاتت حاولى مش هتخسري حاجه هو انتى مش عاوزه تقفى على رجلك من غير ما تحتاجى لحد
ملك عاوزه بس انا مش هقدر
انا لما بنتك تيجي فى يوم تقولك انا خايفه اجرب حاجه هتقنعيها ازاى انها لازم تجرب و انها لازم تحاول مره و اتنين و تلاته لحد ما تنجح ازاى هتعلمى بناتك يلمسوا السحاب و انتى خايفه تخرجى راسك من الجحر يا ملك ازاى مش واثقه فى نفسك اذا كنت انا اللى ما اعرفكيش واثق فيكي
ملك مهو انت بتقول كدا عشان انت ما تعرفنيش لكن كل اللى يعرفونى قالو انى ما اقدرش
انا حاولى اثبتيلهم انهم غلط اثبتى لنفسك انك تقدرى حاولى
ملك مش عارفه
انا بصي يا ملك انا مش هقدر احارب معركتك بدالك اقعدى مع نفسك و فكرى و شوفى انتى عاوزه ايه و معاكى رقمى
ملك انا اسفه
انا انا اللى اسف مع السلامه
لا ادرى لماذا اشعر بكل هذا الغضب تجاهها لم اكن اتخيل انى ساقابل شخصا سلبيا لهذا الحد فى حياتي حاولت تهدئه نفسي حاولت استيعاب موقفها حاولت ان اجد لها العديد من الاعزار و لكنى لم اجد ما يشفع لها حاولت ان اتناسي تلك الافكار و لكنى لم استطع النوم و ها هى ليله جديده امضيها فى التفكير منذ دخول ملك لحياتى انهكت نفسي فى العمل محاولا التغلب على افكارى حتى بلوغ الصباح ارتديت ملابسي و توجهت لعملى لاجدها فى انتظارى اجل انها ملك و يا لها من مفاجاه عاصفه من العواطف المتضاربه تثور بداخلى امواج من الفرح و براكين من الغضب تلجم لسانى حتى عن اللقاء التحيه تبادلنا النظرات فى صمت قاطعته ملك بصوت هادئ حنون
ملك انا اسفه
حاولت جاهدا ان اجد ما اقوله وسط هذا الزحام من المشاعر و لكنى فضلت الصمت و توجهت نحوها و جلست فى الكرسي المقابل
ملك انا فكرت كتير فى كلامك امبارح انت معاك حق بس انت كمان لازم تعزرنى انا من يوم ما وعيت على الدنيا و انا بيتقالى اعمل ايه و ما اعملش ايه عمرى ما اخدت قرار مهم فى حياتى دخلت الكليه اللى مجموعى جبها و اتجوزت الراجل اللى اهلى شكروا فيه و دلوقت انت بتطلب منى
انا اخدتى قرار الطلاق
نظرت ملك فى الارض نظره يملؤها الحزن
ملك اللى الكل بيقولى انه كان قرار غلط
انا انتى جايه ليه يا ملك
ملك جايه اقولك انى فكرت انا مش عاوزه بناتى يبقوا زيي انا عوزاهم اقويا مش عوزاهم يشوفوا اللى انا شفته انا عاوزه اتغير عاوزه احاول عاوزه اواجه الخوف اللى جوايا عاوزه انجح
انا و ايه اللى مانعك
ملك انت لسه ناوى تساعدنى
انا هو الحقيقه انا كنت زعلان منك اوى امبارح بس برده مقدر الضغط اللى انتى بتتعرضيله و كمان الظروف اللى كبرتى فيها انا مقدر كل ده بس لازم تفهمى ان دى حياتك انتى
ملك وديني للمحامى خليني اشوف المحل زى ما قولت انا بجد ناويه احاول
انا تمام … انا للاسف مش هقدر اجى معاكى دلوقت بس ممكن اديكي كرت المحامى تروحى تقابليه و كمان عشان تاخدى راحتك فى الكلام معاه و ما تقلقيش هو راجل محترم جدا و امين انا مش هبعتك

لاى حد
لا اعتقد انى سانسي تلك الابتسامه الرقيقه و لمعه العين التى ارتسمت على وجه ملك و هى تاخذ منى البطاقه فهى كالغريق الذى وجد قشه انا اتفهم ذلك و لكنى ما زلت خائفا من عوده تلك السلبيه التى تربت عليها و لكنى عهدت الكثير من الامهات التى صنعن المستحيل من اجل صغارهن و تلك الام التى امامى لا تقل عنهن فى الامر شئ. انصرفت ملك و أكملت عملى و بعد عده ساعات مرهقه من العمل الشاق عدت الى المنزل و التقطت هاتفى لاجد رساله من ملك ….
الحلقه الاخيره
لا اعتقد انى سانسي تلك الابتسامه الرقيقه و لمعه العين التى ارتسمت على وجه ملك و هى تاخذ منى البطاقه فهى كالغريق الذى وجد قشه انا اتفهم ذلك و لكنى ما زلت خائفا من عوده تلك السلبيه التى تربت عليها و لكنى عهدت الكثير من الامهات التى صنعن المستحيل من اجل صغارهن و تلك الام التى امامى لا تقل عنهن فى الامر شئ. انصرفت ملك و أكملت عملى و بعد عده ساعات مرهقه من العمل الشاق عدت الى المنزل و التقطت هاتفى لاجد رساله من ملك ….
ملك انا فرحانه اوى بجد شكرا ما رضيتش اكلمك و اعطلك لما تخلص ابعتلى عنوان المحل اخد اخويا و اروح اشوفه انا كلمته و اقنعته مش متحمس بس انا هقدر باذن الله
ايعقل ان يكون لنص صغير مكون من عده كلمات مثل هذا السحر فمنذ لحظات كنت مرهقا للغايا اعد الخطوات لارتمى فى احضان السرير و ها انا الان عدت بكامل طاقتى و حماسي فاجريت عده اتصالات بين مالك المحل و علاء لارتب بنفسي موعد اللقاء كان من الاسهل لو اعطيت لملك الرقم و لكنى اريد ان اكون جزءا من الاتفاق اقسم انى لا اعلم السبب و لكن لنقل انها تلك المغامره التى بداتها او ذلك الغضب من ذلك المصطفى او ربما هى بذره لشعور جديد بدا فى النمو بداخلى لا استطيع تحديد هويته هو مجرد دافع لتصرفات قد تبدوا جنونيه لكنها مليئه بالمتعه و الحماسه شعور لا يوصف بالكلمات و لكن تدركه القلوب.
فى اليوم التالى و قبل المعاد المحدد كنت فى المحل بصحبه صاحبه احاول معه بكل طاقتى للوصول لسعر مثالى و اتفاق على كافه التفاصيل حتى حان موعد اللقاء فها هى ملك تدخل المحل بصحبه اخيها ليستمر الكلام لمده نصف ساعه كامله بينى و بين علاء و صاحب العقار لم تنطف فيها ملك بحرف بعد السلام و التعارف فهى تقف امام المحل تاره و تلمس الجدران تاره اخرى لا يصعب على الناظر ان يفهم انها فى تلك اللحظات غارقه بين الحلم و الخيال تحلم بمستقبل مختلف و تتخيل المكان بعد التوضيبات و الفرش هى فى عالم اخر لا تستطيع الانتظار للوصول اليه. توجهنا جميعا الى سيارتى بعد ان اغلقنا المكان و توجهنا الى المحامى لنمضى العقود التى كنت قد سبق و طلبت منه تجهيزها بعد ان اضفنا التعديلات التى اتفقنا عليها فى اللقاء و دفع علاء كامل النفقات و تمت المهمه بنجاح و لله الحمد.
عدنا الى المنزل و لا يفهم سبب تطفلى و عودتى معهم بعد ان انتهى دورى و لكن الحقيقه ان علاء كان فى منتهى اللطف ليدعونى للصعود معهم للشقه و مشاركتهم الاحتفال بهذا العقد و انا ايضا لم ارد دعوته التى كانت انتظرها و ادعوا الله طوال الطريق ان تخرج من فمه و ها انا الان اجلس مع الفتيات اتعرف عليهن للمره الاولى لم يكن اشقياء كما وصفتهن ملك لا انكر ان بدايه اللقاء كانت جافه و لكن الاطفال بطبيعه الحال لا يقاومن المزاح و المرح. دام اللقاء عده ساعات مملوءه بالضحك و اللعب يا اللهى كم اشتقت لهذا الجو الاسرى الجميل و ذلك الطعام و تلك الاصوات المتداخله المتزاحمه و تلك الضحكات التى قاطعها علاء بسؤال مازح اعاد الجديه للمجلس
علاء ها يا ست ملك ناويه تعملى المحل ايه بقي ان شاء الله
صمت الجميع منتظر سماع الاجابه فنحن لم نتفق للان على تحديد ماهيه المعروضات فى المحل لتعود ملك لذلك الفراغ بين الحلم و الخيال فترتسم تلك الابتسامه مجددا و هى تنطق بالمقترحات
ملك و الله مش مقرره اوى بفكر يكون انتيكات او هدوم او يمكن لعب اطفال
لتهتف الفتيات فرحا و حماسه على سيره الالعاب و تتفاعل ملك و والدتها مع تلك الفكره التى ستعد الفتيات ليعيدهم علاء مره اخرى لارض الواقع قائلا
علاء انا وافقت اجى معاكى لانك بقالك فتره طويله بتزنى على الموضوع بس خدى بالك احنا مضينا العقد و الوقت بدا يعد عليكى و لا انا و لا انتى و لا اى حد فينا بيفهم فى التجاره و لا يعرف حتى هنجيب البضاعه منين فلازم تقررى و تحددى عشان ما نلاقيش الفلوس اتصرفت و احنا لسه محلك سر
انا هو انا صممت برامج كتير لمحلات و علاقتى باصحابها لسه يعني شغاله ممكن احاول اتواصل معاهم و ربنا يقدم اللى فيه الخير
ملك و انا ممكن ادور على المصانع و المستورين على النت اكيد هلاقى و هكلمهم و اشوف العروض و اكيد ربنا هيكرمنى
نظر الجميع لملك التى لم تلق الكلمات على سبيل الاقتراح فقد امسكت بهاتفها و بدات بالفعل رحله البحث و التى شاركناها جميعا فيها و لم تمض عده ايام حتى بدا العمال فى توضيب المحل و اشرف علاء بنفسه على تلك التوضيبات و راعى ان تكون باقل التكاليف و فى تلك الفتره كنت مستمرا فى التردد على المكان لمتابعه الاخبار و تقديم كافه المساعدات و الاستشارات الممكنه خاصه بعد ان توطدت علاقتنا فلم تكن قائمه فحسب على زيارات الاسره او المحل بل استمرت للقهوه و الجيم أيضا لقد كان شابا طموحا مرحا خلاف لفكرتى السابقه عنه
و فى احدى المرات فى المحل فى المراحل الاخيره من التشطيبات فوجئنا بزائر لم يكن فى الحسبان اجل إنه الزوج السابق الذى لا يهدا او يمل من مضايقات تلك المسكينه دخل متململا يتفحص المكان بنظرات يملاؤها الاستحقار ثم ابتسم لملك قائلا
مصطفى هى دى بقي اخرتك يا ست ملك بياعه فى محل
علاء صاحبه مشروع
مصطفى طب خلى الكلام ده على حد تانى هو المؤخر هيغطى التشطيبات و لا البضاعه و لا الايجار و لا تكونش الهانم باعت دهب البنات عشان تفتح محل البقالة ده
انا قصدك شبكتها
مصطفى عليك نور الشبكه اللى جبتها بفلوسي
انا كمهر و اتجوزتها فعلا و طلقتها و الشبكه بقت بتاعتها و لسه ربنا يديها طوله العمر عايشه بصحتها عشان تدور على ورث بناتك في مالها
مصطفى الا سعادتك بتتكلم بصفتك ايه الا لحد دلوقت لا سمعنا انكوا قريتوا فاتحه و لا كتبتوا كتاب و لا فى دبل جرا ايه يا علاء بيه امال كنت بس عاملى بلو و ادخل امتى و اخرج امتى و لا خلاص شده الغربال راحت
علاء ما تفرجش على نفسك العمال و اتوكل على الله النهرده مش الخميس عشان تنورنا و تورينا طلعتك البهيه
مصطفى دا بدل ما تعقل اختك و ترجعها عن اللى هى بتعمله هو مين اكتر واحد اضر من طلاقنا مش انت مش جوازتك اتفشكلت بسبب قعادها فى شقتك
علاء بيتها و بيت ابوها و اللى عاجبه اهلا بيه و اللى مش عاجبه يغور و انا عرضت على خطيبتي سابقا اننا ناجر شقه رفضت و صممت على الملك المفروض اعمل ايه اسيب اختى تعيش لوحدها ليه فاكرنى انانى زيك
كنت اجهل تلك المعلومه عن طبيعه علاء لم يكن الاخ المتسلط الذى يرفض انتقال اخته خوفا من كلام الناس بل كان المحب الغيور الذى ضحى بحبه و زواجه من اجل ان يصون عرضه بعيدا عن اعين الناس
علاء و بعدين اعقلها ازاى يعني اخليها ترجعلك مثلا و لا ايه المطلوب و بالنسبه لعلاقتها بالباشمهندس احمد فزى ما انت قولت مفيش بينهم علاقه لحد ما ملك توفق اوضاعها و دا مش عشان ترجعلك بس عشان ما تتسرعش و تغلط تانى غلطتها لما اتسرعت و اتجوزتك و هى مش مستقره نفسيا و لا ماديا
مصطفى و البتاع ده اللى هيامنها ماديا انا كنت معيشها ملكه مش حارمها من حاجه
ملك ايوه يعني عاوز ايه انت مش طلقتنى و اتجوزت غيرى مش انا الزوجه المهمله اللى لا بعرف انضف و لا اطبخ مش انا النكديه الزنانه ايه عاوز ايه
مصطفى مش عاوزك تاذى نفسك و تاذى بناتى لمجرد انك تعندى معايا ماشي يا ستي عرفنا انك لسه حلوه و صغيره و عليكي الطلب ب خدى واحد بظروفك
انا على اساس انها عارجه يعنى و لا ايه ظروفها دى يعني و بعدين ما تقول انها احلوت فى عنيك لما حسيت ان غيرك هيقدرها عنك فاستخسرت انك تشوفها سعيده بعيد عنك ايه الانانيه دى يا اخى
مصطفى انا لو كنت انانى كنت رفعت قضيه حضانه و خدت منها العيال لانها زوجه مش مسؤله
انا لو كنت تقدر كنت عملت انت روحت للمحامى و اكدلك كلامى ان حضانه البنات مع جدتهم الدكتوره لو الام اتجوزت فجاى بقي ترمى اى كلام بص انا لو منك احافظ على الشعره اللى بينكوا اللى هى احترامكوا قدام بعض و قدام البنات
مصطفى فكرى تانى فى كلامى يا ملك القرشين اللى معاكى هيخلصوا و البتاع ده مش هتعرفى تشغليه و احلام اليقظه اللى الباشمهندس ضاحك عليكي بيها هتغرقك سلام
نظرت ملك لعلاء نظره طويله فهى تعلم ان كلام مصطفى صحيح فنقودها لن تكفى استكمال المشروع
ملك انا اصلا ما كنتش ناويه ابيع الدهب انا كنت بفكر اخد قرض من بتوع مشروعات الشباب
علاء و ليه قرض و فوايد و قرف ما تدخلى شريك ابن ناس يساعدك و تسندوا بعض
تحمست للفكره كثيرا فانها فرصتى ليكون لوجودى معنى
انا انا ممكن اشارك انا اصلا محوش قرشين
علاء ايه يا عم انت راشق نفسك فى كل حاجه كدا انا كنت بتكلم عن نفسي
ملك بس دى كانت فلوس جوازك
علاء و من هنا لحد ما ربنا يكرمنى بعروسه تانيه ربنا يفرجها و بعدين انا مش هدخل بتقلى يعني هحط قدك عشان نبقي فيفتى فيفتى ايه رايك
تبسمت ملك ثم نظرت لى
ملك شكرا
ربما لم تستطيع ضحكاتنا من ازاله التوتر و الطاقه السلبيه التى خلفها مصطفى اثر

زيارته لنا و لكن مع مرور الايام بدات حاله ملك النفسيه فى التحسن خاصه بعد الافتتاح فهى تعمل سواء فى المحل نهارا او بواسطه الهاتف ليلا لتسويق تلك الالعاب و نشر الإعلانات على كافه الصفحات و المجموعات بالاضافه لموظبتها على النظام الغذائي و التمرينات الرياضيه و كافه واجباتها المنزليه و الامومويه. لتمر الايام و ما زالت علاقتنا جيده و ما زلت دائم التردد على منزلهم و اللعب مع الفتيات و قضاء بعض الوقت السعيد دون ان ينتبه احد لنوع علاقتى بملك فالحقيقه انه لم يكن هناك اى علاقه على الاطلاق فلقد انشغل الجميع فى ذلك المشروع الصغير و مسانده ملك فى تلك الحياه الجديده لاكتشف ان دورى انتهى انتهى بالكامل فملك الان لم تعد تحتاجنى بل لم تعد تحتاج لاحد و من الزوق و الادب ان انسحب انا ايضا و اعود لحياتى السابقه فان استغلالى لصداقتى الناشئه مع علاء لابقي جزء من العائله لم يكن امرا مطروحا او زوقيا فبالرغم من كل تلك الايام ما زال مصطفى يكرر نفس التهامات و التساؤلات فى كل اسبوع ماذا افعل هنا و باى صفه اتواجد بالقرب من بناته اجل لقد حان موعد انتهاء تلك المغامره و لكن كيف ؟ لقد تعلقت بتلك الفتايات يوما بعد يوم و لقاء بعد لقاء لقد الفت هذه الاسره و تلك الاجواء التى نسيتها منذ سنوات . و لكن الحال لا يمكن ان يدوم بهذه الشاكله و على ان احدد موقفى.
الامر لم يحتاج للكثير من التفكير. اجل انا اريد استمرار هذه العلاقه فملك فتاه جميله على خلق سنها مناسب و احببت اسرتها و بناتها. اتصلت بعمتى مره اخرى و لكنها ما زالت مصره على رفضها و ما زلت انا ايضا مصر على تجاهلها فاعدت عدتى و استجمعت شجاعتى و اشتريت باقه من الزهور و توجهت لمنزل ملك بعد ان حددت موعدا مع اخيها ليكون فى المنزل لاجدد طلبى لاخته فقد اختلفت الظروف و ملك الان لن ترفضنى بالتاكيد فسبب الرفض قد تلاشي بعد ان استقرت احوالها الماديه و النفسيه. و لكن تاتى الرياح بما لا تشتهى السفن فعند دخولى المنزل وجدت ذلك المتطفل مجددا قد سبقنى دون موعد اجل لقد جاء ليستغل افضليته بكونه ابو البنات
مصطفى و بعدين انا الحمد لله امكانياتى تسمحلى انى افتح البيتين
ملك انا مش مصدقه انك فاكر انى ممكن ارجع بعد كل ده
مصطفى كل ده كان عندك انتى يا ملك انتى اللى طلبتى الطلاق و انتى اللى
ملك مش انت اللى
مصطفى كانت سرقانى السكينه و اعترف و بعدين ما انتى لو كنتى بتهتمى بنفسك فى بيتي زى ما بتهتمى دلوقت ما كانش كل ده حصل
ملك يعني انا السبب
مصطفى لا مش انتى النصيب الظروف سميها زى ما تسميها
ملك تمام و ايه المطلوب دلوقت انت راجل متجوز و كلها ايام و مراتك تولد انا مالى بقي
مصطفى هو البنات مش هيفرحوا باخوهم انا هاخدلك شقه تانيه فى نفس العماره
ملك انهى عماره انهى منطقه و انهى شارع انا ما عنديش استعداد ارجع هناك تانى انا عشت معاك هناك اصعب ايام حياتى و ما صدقت نسيتها اه كان فيها ايام حلوه بس ايام وسط كام سنه تعب و شقا و حرمان انا وقفت جنبك و سهلت الحلال و كنت بنت اصول استحملت و حرمت نفسي و اول ما ربنا كرمك بعتنى كنت بتقول فى المحل معيشني ملكه مش كدا انهى ملكه اللى بيضيع يومها فى شغل البيت و تربيه العيال و فى الاخر مفيش كلمه شكر واحده ايه كرشي المدلدل راح جنابى اختفت لغدى ما بقاش موجود
مصطفى البيوت ياما بيحصل فيها و الست العاقله هى اللى تحافظ على بيتها و لا ايه يا حماتى مش دا كان كلامك و لا ايه اللى اتغير
علاء هى مراتك عارفه انك هنا
مصطفى مراتى عاقله اتجوزتها و هى زوجه تانيه و بعدين انا مش هحرمها من حاجه و لا هاثر معاها بالعكس هعدل و كلو بحق الله
ملك انت طلبت اسمعك و نتكلم بالعقل و سمعت و اتكلمت بس لا نظرتى ليك اتغيرت و لا احساسي ناحيتك اتحرك اللى بينا مات يا مصطفى
مصطفى عشان مين عشان ده
ملك عشان نفسي عشان انا عرفت قيمه نفسي اه احمد ساعدنى بس مش برفضك عشانه برفضك عشان انا سمعت كلامك و خدت بنصيحتك انا هعيش اربى بناتى و لما افكر ارتبط هختار واحد بنفس ظروفى مش هخرب بيت واحده تانيه لمجرد انى اكون فى عصمه راجل
مصطفى هى راضيه و انا مش هفرق بينكوا و مش هحرمكوا من حاجه
ملك انت ما عدتش موجود فى نظرى انت بالنسبالى مجرد وجع انا لا هقدر اثق فيك تانى و لا اكمل معاك
مصطفى ليه
ملك عشان انت لسه بتسال ليه عشان لسه مش شايف انك غلطت فيا مش حاسس انك جرحتى او ظلمتنى اكمل ليه عشان اعيش نفس التجربه تانى
مصطفى عشان بناتك
ملك بناتى انا كفيله بيهم
مصطفى و انا كمان ابوهم و من حقى
ملك نورت يا مصطفى
مصطفى انتى بتطرديني
ملك انا مش عاوزاك تفقد اخر ذره فى احترامك لنفسك قدامى اللى بينا انتهى نتعامل بما يرضي الله عشان البنات و ان كان على الجواز انا كدا كدا مش هتجوز فاهدى بقي
لن لا اعتقد انى سانسي تلك النظره التى نظرت لى بها ملك كانت مبتسمه و دافئه كانت تحمل في طياتها الكثير من الاعتزارات فلم استطع سوى ان ابتسم انا الاخر و انتظر حتى يرحل هذا الضيف و يدخل علاء و والدته الى الغرفه ليتركوا لنا المجال لعده دقائق للوداع الاخير او قد تحدث معجزه و اتمكن من تغير رايها
ملك انا بجد بشكرك من كل قلبى انت اثبتلى ان لسه فى خير فى الدنيا دى واحد غيرك ربنا وحده العالم كان ممكن ياذيني ازاى
انا انتى اللى طيبه و ربنا بيحبك عشان كدا قدرتى تقفى على رجلك تانى
ملك بيحبنى فعلا عشان كدا بعتلى اخ و صديق زيك انت شاب ما تتعوضش يا احمد و صدقنى انا فخوره انى عرفتك بس انا ما انفعكش
انا ليه لو من حقى اعرف
ملك عشان انت تستاهل واحده زيك بنت صغيره تبدا معاها حياتكوا تكون اول فرحتها و تكون اول فرحتك
انا عشان مصطفى و البنات
ملك ابدا البنات بتحبك بس انا مش انانيه اوى كدا انى اشيلك حمل مش حملك انا الحمد لله بناتى بقيت كفيله بيهم الحمد لله المحل بيكسب كويس و ان شاء الله الدنيا تتحسن و انت اكيد تنورنا فى اى وقت انت بقيت واحد مننا خلاص
انا يعني هتكملى باقى عمرك لوحدك من غير جواز بكره البنات تكبر و تتجوز اكيد هيجي عليكي يوم تحتاجى ونس
ملك يمكن بس انا مش هضيع النهرده و انا بجرى ورا بكره سيب بكره للى خلقه يمكن من هنا لوقتها كل حاجه تتغير بص يا احمد انت الف من تتمناك و صدقنى مفيكش سبب ارفضك عشانه غير انى رافضه الجواز دلوقت انا ما عدتش مستنيه ان الناس تشوفنى مرغوبه انا ما عادش فارق معايا الناس انا ما عدتش البنت المجروحه المهزوزه اللى فاكره ان حياتها واقفه على راجل انت علمتنى اقف على رجلى سبنى بقي اكمل
انا بس انا مش هخزلك مش هسيبك فى نص الطريق
ابتسمت ملك فهى لا تريد ان تخبرنى بالكلمه السحريه و لكنى اعلم انها لا تحبنى و لن ترتبط بشخص لمجرد ان تكون فى كنف رجل انا اتفهم مشاعرها لم تكن بحاجه لحبى قدر احتياجها لان تحب نفسها. اجل انها النهايه نظرت للزهور فى يدي و تبسمت انا الاخر
انا طب و الورد ده هتاخديه و لا هترفضيه هو كمان
تبسمت ملك و اخذت الزهور فاخذت انفاسي و هممت بالمغادرة
انا ما شاء الله رفضتي عريسين فى اقل من ساعه اهو
ملك تانى بقولها انت تنور فى اى وقت انت واحد مننا خلاص
انا دا يشرفنى و على العموم فى اى وقت اتزنقتى فى عريس كدا و لا كدا انا موجود
ملك لا باذن الله مش هتطول و صدقنى انا شخصيا هدورلك على بنت الحلال اللى تصونك
تبسمت و انصرفت لم تكن تلك النهايه التى توقعتها و لكنها مرضيه لجميع الاطراف فالزواج سنه الحياه و لكنه ليس فرضا فالفتاه المطلقه لم و لن تنتهى الحياه بالنسبه لها بل على العكس تماما قد تكون تلك بدايه لحياه جديده اكثر هدوئا و استقرارا و ليس لمخلوق الحق فى التقليل منهن او إجبارهن على وضع لا يرغبن فيه.