شيماء من10-15
الحلقة العاشرة
سلمي مش من حقك ابدا علشان تطلع انت كويس قدامها انك توحشني قدامها!!! انت فاكر نفسك ايه
انت مجرد واحد اناني مبيفكرش غير في نفسه وبس
انت عملت في بنتك كده انت بايدك وصلتها لده
متجيش بقي تلمومني انا فاهم مفيش حد في الدنيا يقبل بعرضك ده ومش ذنبي اني ما وافقتش عليه انا مش عايزه اتجوز كده انا حره لكن ما تجيش انت تقول للبنت اني بكرهها وما بحبهاش
انت اللي عملت كده فاهم انت دخلت بنتك المستشفي
انت وبس ما تلومش حد تاني فاهم مش من حقك تلوم حد تاني
سلمي سكتت وعيطت وبتمسح دموعها
سلمي مش من حقك تلومني انا
احمد واقف قصادها وساكت بيسمعها بصمت
احمد خلصتي كلامك ولا لسه عايزه تقولي حاجه تانيه عايزاني الوم مين يا سلمي الوم نفسي مين قالك اني مش بلوم نفسي علي كل حاجه!!! انا عمري ما لومتك ممكن اه اكون قولتلك اني بلومك بس جوايا عمري ما لومتك ابدا وعارف ان انا بس المسؤل وعارف انها بنتي ومحدش هيشيل مسؤليتها غيري
حقك عليا يا ستي لو كنت طلعت ڠضبي عليكي عارف انه مش من حقي بس انتي اللي كنتي قصادي
علي العموم انا فهمت ياسمينا اللي حصل اطلعيلها لو عايزه لو مش عايزه امشي براحتك شوفي ايه يناسبك واعمليه
سلمي انت نويت علي ايه
احمد ما اعرفش مش ناوي علي حاجه يمكن اخد اجازه طويله من شغلي او اقدم استقالتي مش عارف لسه!!!!!!!! المهم انا اسف لو كنت ضايقتك
احمد سابها ومشي ضايع تايه بيمشي وخلاص وهيا واقفه بتراقبه من بعيد
طلعت لياسمينا بعد ماهو مشي وفضلت جنبها لحد ما صحيت وفضلت تتكلم معاها براحه وتفهمها الوضع ايه
ياسمينا يعني انتي بتحبيني ولا لأ
سلمي انا بمۏت فيكي يا قلبي
ياسمينا وبابي بتحبيه ولا لأ
سلمي ايوه بحبه يا ياسمينا
ياسمينا يبقي ليه مرضيتيث تيجي تعيثي معانا
سلمي الموضوع ده بقي مش هعرف افهمهولك
ياسمينا بابي تمان قالي تده انتو ليه مث راضين تفهموني
سلمي علشان احنا نفسنا مش فاهمين هنفهمك ازاي
ياسمينا طيب دلوقتي هتعيثي معانا ولا لأ
سلمي لو بابي وافق هعيش معاكم اتفقنا
ياسمينا بجد ومث هتثبيني ابدا ابدا
سلمي لو اقدر اه
ياسمينا يعني ايه بقي لو تقدري
سلمي افهمك ازاي يعني علشان افضل عايشه معاكم لازم باباكي يبقي موافق علي طول وطول ماهو موافق هفضل معاكي فهمتي بقي لكن لو باباكي مش عايزني همشي اعتقد كده فهمتي يا ياسمينا
ياسمينا اه فهمت بابي طول ما انا بحبت وعيزاتي مث هيخليتي تمثي ابدا انا عارفه تده
سلمي فضلت جنبها تحكي معاها وتتكلم ويضحكوا وتقريبا كده ياسمينا اتحسنت كتير
احمد رجع ولما لقاهم مع بعض فضل قاعد بره وما دخلش عندهم
اخيرا ياسمينا نامت وسلمي طلعت بره لقت احمد قاعد بره وشكله تعبان جدا
كان قاعد رافع دماغه وساند علي الكرسي ومغمض عنيه وهيا وقفت قصاده افتكرته نايم
وهيا واقفه هو اتكلم
احمد عايزه حاجه
سلمي ارتبكت واتفاجئت انه صاحي مش نايم
سلمي انا كنت فكراك نايم طيب ايه رايك تروح تنام شويه وانا هستني هنا ما تقلقش
احمد وانتي متخيله اني لو روحت هريح او هنام المهم هيا عامله ايه دلوقتي معاكي انا شايفكم رجعتو كويسين مع بعض
سلمي فعلا احنا بقينا كويسين
قعدت جنبه وعايزه تتكلم معاه
احمد عايزه تقولي ايه
سلمي عايزه اقولك اني موافقه علي عرضك اللي عرضته عليا!!! انا موافقه اتجوزك بشروطك
احمد ضحك ضحكه خفيفه بۏجع
احمد عرضي يا سلمي محدش يقبله اصلا وبعدين انتي ملكيش ذنب في اللي حصل لياسمينا
فمتضيعيش عمرك علشانها هيا هتعيش عادي لا هيا اول واحده امها ټموت ولا اخر واحده
سلمي كانت عايزه تقوله انها نفسها تفضل جنبه هو مش بس بنته وان كفايه عليها تبقي ولو جزء بسيط من حياته حتي لو جزء مهمش المهم انه يكونلها دور
احمد ياسمين هتعيش ما تخافيش عليها
سلمي بص يا احمد انا ما فيش حد في حياتي وانت شفت تفكيري ازاي وبتقول ان الحب اللي انا بحلم بيه مش موجود وعمري ما هرتبط بحد غير لما الاقي الحب ده فشكلي هستني كتير فيبقي اضيع وقتي في حاجه تفيد ونكسب احنا الاتنين وياسمين تستفيد
احمد انا قلت رأيي الشخصي ومش معني ان انا مش مقتنع ان الحب الافلاطوني مش موجود انه مش موجود فعلا
سلمي انا مقابلتوش لحد دلوقتي وانت مقابلتوش او قابلتوه وانتهي بسرعه بمۏت مراتك فايه الفايده
كان نفسها تقول انه هو الحب الافلاطوني بتاعها
وهو كان نفسه يقول ان هيا الحب الافلاطوني بتاعه
بس محدش فيهم اتكلم
سلمي انا موافقه اتجوزك وده قراري انت بقي لو مش موافق فدي حاجه ترجعلك وحاول بقي تبرر لبنتك لانها سالتني وقولتلها ان انا موافقه
احمد هتندمي راجعي نفسك
سلمي لا مش هندم بس انا عندي شرط واحد
احمد اتفضلي قولي
سلمي اني يوم ما احب او عايزه ابعد ما تمنعنيش
احمد كان عايز ېصرخ ويقولها لو عايزه تحب يبقي تحبه هو!!!! هو وبس
احمد حقك اتفقنا
سلمي وشرط كمان لو سمحت
احمد اتكلمي براحتك قولي كل اللي نفسك فيه
سلمي مش عايزه حد يعرف باتفقنا ده نهائي عايزه الكل يعرف انه جواز طبيعي مش صوري
احمد طبعا براحتك بس مبدئيا حماتي عارفه
سلمي عارفه بس هيا ما تفرقش معايا انا قصدي علي اهلي هنا واهل البلد
احمد خلاص اتفقنا
فضلوا يتكلموا ورتبوا كل امورهم واتفقوا علي كل شيئ
ياسمينا خرجت من المستشفي واتحسنت تماما واحمد راح اتقدم لسلمي وطبعا الكل رحب بيه لانهم عارفين ان سلمي بتحبه هو وبنته
حتي مامتها اللي كانت معترضه رحبت جدا بيه
بس كلهم كانوا مستغربين ليه سلمي مش بتتنطط من الفرحه بعد ما حبيبها بقي بين ايديها
سؤال محير الكل ومحدش عنده اي فكره عن الاجابه
احمد اشتري لسلمي شبكه غاليه جدا فاجئت الكل
سلمي لبستها وكلهم فرحانين بيها والكل بيهيص وياسمينا في قمه فرحتها وبتعد الايام لحد ما ياخدوا سلمي معاهم ويسافروا بيتهم
واللي كان معطلهم الشقه اللي احمد بيوضبها ويجهزها لمراته وبنته
اخر الليل بعد ما الكل روح احمد قاعد مع سلمي لوحدهم في بيتها وقبل ماهو كمان يروح
سلمي ليه جبت شبكه غاليه كده مالوش لازمه
كانت عايزه تسمع اجابه ترضيها بس للاسف
احمد كان عايز يقولها انه نقاها بحب واشتراها لحبيبته
احمد كان لازم اعمل المتوقع مش انت قلتي عايزه نبان قدام الناس عاديين ! ده المتوقع!!
سلمي المتوقع امم بس كان عادي اي حاجه مش لازم تتعب نفسك
احمد افتكر وهو بيلف علي المحلات ومفيش حاجه عجباه لانه عايز حاجه مميزه
احمد لا عادي المحل اللي امي وحماتي بيتعاقدوا معاه روحتوا وهو وصي بدي فجيبتها مش اكتر
سلمي كل كلمه احمد بيقولها پتتوجع اكتر واحمد كل كلمه بيكدبها بتوجعه اكتر
عمره ما تخيل ابدا ان الواحد لما يخبي مشاعره بيبقي صعب قوي كده
سلمي سكتت لانها مش عايزه تسمع اكتر واحمد سكت لانه مش عايز يكدب اكتر
ولما الصمت طال بينهم
احمد اعتقد ان الوقت ده كفايه لوحدنا قدامهم بره ولا ايه
سلمي قدام مين
احمد عيلتك بره
سلمي انت قاعد معايا علشان عيلتي
احمد مش انتي قلتي نحافظ علي شكلنا قدامهم
سلمي اه صح طيب كفايه خلاص قوم روح
احمد روح وسابها ومشي واقصي امنيته انه يقولها انه بيحبها وبس
احمد بعد ما مشي سلمي اهلها عايزين يقعدوا معاها بس هيا سابتهم وجريت علي اوضتها تحبس نفسها
عيلتها كانوا فاكرينها هتحبس نفسها علشان تكلم حبيبها وترغي معاه طول الليل فسابوها
سلمي قعدت في اوضتها ټعيط وټعيط وټعيط
كل حاجه بيعملها بحساب
اشتري شبكه غاليه لانه متوقع منه كده
قاعد معاها علشان هما متوقعين كده
ياتري هتفضل تستحمل لامتي
احمد كمان روح مخڼوق مش طايق نفسه ولا كدبه
هو اشتري الشبكه دي لانه بيحبها ونفسه يشتريلها الدنيا كلها
وكان قاعد معاها لانه بيحب قربها منه وبيحب يفضل في اي مكان هيا موجودة فيه بس للاسف كل كلامه بيقول عكس ده
ياتري هيفضل مستحمل يخبي لامته
اخيرا جه يوم الفرح سلمي اتفاجئت بتجهيزات كتيره قوي واتفاجئت بفريق تجميل حماتها بعتاه
وفضلت طول اليوم تحت ايديهم هيا وياسمين
الاتنين بقوا قمرات وبس وده اقل ما يقال
احمد لبس ونازل ليهم وجتله فكره وهو بيلبس وواقف قدام مرايته انه اول ما يشوف ليلي يبوسها بكل الحب اللي جواه ويقولها بعشقك انتي وبس ودي تكون هديته ليها وياخدها ويقضوا احلي شهر عسل
وتخيل نفسه معاها في شهر العسل بيجري وراها ويلعب معاها وهيا طول الوقت في حضنه
تخيل حياه طويله وجميله معاها
تخيل وتخيل وتخيل
واخيرا خلص ونازل لحبيبته ويدوب فتح باب شقته اتفاجئ ب
الحلقه 11
احمد راح الفرح واتفاجئ قدامه بملكتين جمال
بنته وحبيبته
وقف يبصلهم مش مصدق عنيه
سلمي ايه في الجمال
فكر يجري عليها ويحكيلها قد ايه بيحبها ويعمل كل اللي اتخيله بس في نفس الوقت متلجم ومتربط
قرب منها واتقابلت عنيهم في نظره طويله والكل حواليه مترقبين هيعمل ايه
بصلها وباسها علي دماغها من فوق بوسه احترام وتقدير
سلمي المتوقع صح
احمد انتي شايفه بيبصولنا ازاي !!
مسك ايديها واخدها وراحو لكوشتهم وياسمينا قدامهم بتتنطط من الفرحه
كل واحد فيهم سرحان في ملكوته الخاص بيه
سلمي بتحلم لو الفرح ده بجد واحمد حبيبها بجد !!
واحمد بيفتكر اللي حصل من شويه
احمد بيلبس ونازل واول ما فتح الباب اتفاجئ بحماته قدامه اټصدم وكشر
هناء ايه مالك مكنتش متخيل تشوف حاجه تفكرك بمراتك صح رايح الفرح عريس اهو والنهارده دخلته ونسيت اللي دفنتها واقصي امنيتها تسمع كلمه واحده منك نسيتها خلاص نسيت انك اتسببت في مۏتها
احمد انا عمري ما نسيت ولا انتي بتديني فرصه انسي انا منسيتش وبعدين انا علي اتفاقنا
هناء مش باين عليك كان في فرحه في عنيك اول ما شفتك وبعدين اټصدمت اول ما شفتني
احمد ولا اټصدمت ولا حاجه بس اتفاجئت مش اكتر وبعدين لو فرحان هيبقي علشان ياسمينا هتلاقي اللي يحبها ويعوضها وياخد باله منها وانا هنتبه لشغلي اكتر واركز فيه بقي
هناء بس كده يعني علشان ياسمين بس
احمد علشان ياسمين بس
هناء ماشي يا احمد هصدقك وهثق في اخلاصك لبنتي ووفاءك ليها انا هروح انا اعيط علي بنتي اللي ماټت في عز شبابها وانت روح لفرحك
احمد فرح ايه بقي انتي عارفه انه كله تمثيل قدام الناس مش اكتر
مشيت وسابته وهو راح الفرح
سلمي بتكلم فيه وهو سرحان ومش بيرد
سلمي احمد احمد
احمد ايه بتقولي حاجه!!
سلمي بقولك عارفه ان انت قاعد ڠصب عنك بس الناس بيبصولك وبيتكلموا مش لازم الكل يعرف ان انت ندمان
احمد انا مش ندمان
كمل جواه لو
ندمان هيبقي علشان مقابلتكيش انتي الاول
سلمي مش باين عليك ممكن لو سمحت يعني تبتسم شويه لو سمحت
احمد حاضر يا سلمي
قومي نرقص مع بعض يالا
معطاهاش فرصه ترفض وشدها وقام وطلب اغنيه سلو يرقصوا عليها
مسك ايديها واتقابلت عنيهم وهو شدها عليه مره واحده فوقعت في حضنه
عنيهم اتعلقت ببعض وبيرقصوا والعالم كله اختفي من حواليهم
ولا حاسيين بحد ولا شايفين حد
واتمنو لو الزمن يقف وهما في حضڼ بعض بس الزمن ما بيوقفش لحد والاغنيه خلصت ولازم يقفوا
فضلوا شويه باصيين لبعض ولا هو بيسيبها ولا هيا بتسيبه لحد ما الناس هيصوا فاخدوا بالهم انهم مش لوحدهم وانهم المفروض بيمثلوا مش بجد
امها لو كان عندها اي شك في حب احمد لبنتها انتهي بعد الرقصه دي
عم سيف هاه لسه شاكه انه ما بيحبهاش وانه متجوزها علشان بنته وبس
ام سلمي لا خلاص كان ضاممها وكأنه خاېف حد يبعدها عنه ! وكأنه بيتمني ان الزمن يقف وتفضل هيا في حضنه !! انا شفت الحب في عنيهم
ربنا يسعدهم ويوفقهم ويبعد العين عنهم
عم سيف اللهم امين !! ديما ادعيلهم وبس
الكل بيبارك ويهني العرسان وهما زي الانسان الالي ابتسامه مرسومه وتمنيات مدفونه
اخيرا خلص الفرح واحمد اخد مراته وروحو يباتوا في الفندق اللي حاجزين فيه
وياسمين هتبات مع جدتها سميره اللي اصرت تاخدها واحمد وافق تحت ضغطها
دخلوا اوضتهم في صمت وسلمي قعدت علي السرير وهو قعد علي الكنبه وحاله صمت مسيطره علي المكان
محدش عارف ينطق او يتكلم كل واحد بيتمني لو الليله دي كانت مختلفه !!
لو كانت ليله حب بجد !!!
بيعدي الوقت ببطء شديد جدا وهما الاتنين ساكتين واخيرا احمد قام من مكانه ودخل الحمام
سلمي اول ما هو دخل اخدت نفس طويل ورقدت علي السرير وحست انها تعبانه جدا
احمد دخل الحمام فضل واقف قدام المرايه وبيحاول يقنع نفسه ان ده جواز علي الورق بس
عمال يفتكر كل لحظه عدت عليهم
اول مره شافها !! اول مره اټخانق معاها ! اول مره اتقابلت عنيهم !! اول مره باسها وكان اجمل حلم
احمد اخرجلها بره وعيش جوه حضڼ حبيبتك انت تستاهلها اطلع يالا هيا مستنياك اطلع اطلع اطلع
حوار وحرب جواه قرر ينهيه بانه يطلع لحبيبته
وفعلا خرج وفتح الباب بس لقاها نايمه تماما وكأنها ملاك برئ جميل
فضل واقف فوقها يتأملها وهيا نايمه ويحلم لو كانت من حقه بس
اخيرا النهار طلع احمد فتح عنيه وللحظات هو مش عارف هو فين ولا فاكر اي حاجه عقله متوقف بس احساس جميل جواه احساس منعش
ويدوب هيقوم حس بتقل فوقه فبص لقي سلمي نايمه علي صدره وهو ضاممها
استغرب للحظات هو اصلا نام امتي علي السرير !
افتكر بالليل لما تعب وفرد جسمه علي السرير للحظات متخيلش ابدا انه هينام بجد
فضل مكانه مش عايز يقوم ولا عايز اللحظه دي تنتهي ابدا واتمني انها تفضل كده علي طول في حضنه
سلمي فاقت بس لقت نفسها بين ايدين حبيبها ففضلت متسمره مكانها
خاېفه الحلم ينتهي بسرعه ! خاېفه تتحرك يفوق ويبعدها عنه !! خاېفه وخاېفه وخاېفه
فضلو كتير جامدين كده لحد ما تليفون احمد رن فمسكه ولقي مكتوب حماته
هنا شد نفسه وقام بسرعه وسلمي اتعدلت وعملت نفسها لسه صاحيه
بس الاتنين كانوا فاهمين انهم صاحيين من انفاسهم التقيله المشحونه
احمد بيبصلها وعنيهم متعلقه ببعض والتليفون بيرن بازعاج في ايده
احمد الوو
هناء ايه كنت نايم عملت ايه
احمد بيتكلم وعنيه متعلقه بسلمي في ايه بالظبط
هناء في مراتك
احمد بجد انتي بتسألي بجد انتي عارفه الاجابه كويس علي العموم طمني قلبك
فضلت تتكلم معاه شويه وسلمي سابته ودخلت الحمام قفلت علي نفسهاتعيط علي حالها
احمد بره هيتجنن فقرر يخرج بره الاوضه وفعلا خرج وكل حد يقابله يباركله ويساله عايز ايه وخارج ليه فاضطر يرجع اوضته ڠصب عنه
دخل لقي سلمي قاعده علي السرير بفستانها زي ما هيا
احمد انا سيبتلك الاوضه علشان تغيري براحتك مغيرتيش ليه
سلمي معرفتش
احمد معرفتيش ايه بالظبط
سلمي بتتكلم بحرج وكسوف وخيبه امل وانكسار وباصه للارض
سلمي معرفتش افتح السوسته للاخر ومعرفتش اقلع الفستان ولا قدرت انزله لتحت ولا اشده لفوق مقدرتش
حس انها هتعيط وهو فضل للحظات يفكر يبجيبلها حد بس هيقولوا ايه عليه لازم هو يساعدها بنفسه
احمد طيب خلاص دي مش مشكله انا هساعدك تعالي
قرب منها وهيا بتبصله باستغراب وقلق
احمد ما تخافيش مني
سلمي مفيش واحده تخاف من جوزها
احمد ده مش جواز بجد ما تنسيش !!! بس ما تخافيش انتي في امان معايا
كانت عايزه تصرخ فيه وتقوله انها عايزه الامان في حضنه مش منه
بس سكتت ومقالتش اي حاجه
قرب منها ووقف وراها للحظات واقف بس
فضل واقف وحس بتوترها اللي كأنه شيئ معدي لانه هو كمان اتوتر ومعرفش ليه دي مش اول مره يكون مع واحده ده عبير نفسها اللي كانت اول فرحته ما اتوترش كده
جواه فضول غريب
سلمي كانت في قمه عڈابها
احمد اسف هتقلعي الفستان ازاي لفوق ولا تنزليه لتحت
سلمي مش لاقيه صوت ترد بيه بس بتحاول تسلك حلقها يمكن صوتها يطلع
سلمي بصوت مبحوح جربت لتحت ومنزلش
احمد يبقي نجرب لفوق ارفعي ايديكي فوق
احمد كان عارف انه لو لمسها مش هيقف ابدا ولا هيقدر يبعد عنها ابدا ابدا بس العقل مش راضي ينجده واتخلي عنه
مسك وشها بايديه الاتنين وبص لعنيها نظره طويله مليانه حرمان ونطق اخيرا
الحلقه 12
احمد كان عارف انه لو لمسها مش هيقف ابدا ولا هيقدر يبعد عنها ابدا ابدا بس العقل مش راضي ينجده واتخلي عنه
مسك وشها بايديه الاتنين وبص لعنيها نظره طويله مليانه حرمان ونطق اخيرا
احمد انا اسف يا سلمي بس مش هقدر اديكي اللي انتي عيزاه سامحيني
هيا غمضت عنيها وسمحت لدموعها تنزل وهو علشان ما يضعفش سابها وخرج البلكونه
فضل شويه وبعدها سمع حد من تحت
اي خدمه يا عريس محتاج حاجه
احمد لا شكرا
اضطر احمد يدخل جوه واتخنق من البلد الصغيره اللي حاسس انه محپوس فيها والكل مراقب تصرفاته
دخل ملقاش سلمي وعرف انها في الحمام هو كمان غير هدومه قبل ما هيا تخرج
سلمي في الحمام بټعيط وواقفه قدام المرايا وفجأه سكتت وبصت لنفسها
انتي اخترتي بنفسك الطريق ده ومحدش جبرك تمشي السكه دي ! بټعيطي ليه بقي هتفضلي كل شويه ټعيطي كده زي العيال الصغيره اخدتي قرار لازم تكوني قده هو بيحب مراته بس هيا مېته وانتي موجوده اكيد هتعرفي تتغلبي علي واحده مېته !!! الصبر حلو وانتي اهو قطعتي اهم نقطه وبقيتي مراته ومش هيقدر يقاومك كتير !! نظرات عنيه بتقول انه هو كمان بيتعذب زيك وهو كمان عايزك بس اخلاصه القديم واقف !! خليه ياخد وقته ويقنع نفسه انه من حقه يحب ويعيش
المهم انتي بقي توريله هو ناقصه ايه وتوريله ان الحياه جميله وتستاهل انها تتعاش !! امسحي بقي دموعك واطلعي واطردي النكد بره وتعاملي معاه زي صاحب او زميل لحد ما هو بنفسه يطلب انه يبقي زوج !!!
خرجت سلمي بعد ما اخدت شاور وفاقت ولفت نفسها بفوطه وخرجت شعرها مبلول بينقط ميه وهيا بتنفضه
احمد قاعد واتفاجئ بيها خارجه كده بصتله وابتسمت
سلمي في حاجه
احمد لا لا مفيش بس حاولت افضل بره علشان ما اضايقكيش بس تقريبا كل الناس مراقبه الاوضه وكل شويه حد يسألني عايز ايه وخارج ليه
ضحكت سلمي ضحكتها اللي بتطير عقله وبدأت تنشف شعرها قدام المرايه وهو بيراقبها پجنون مع انه بيحاول يتجاهلها بس صعب
سلمي بلدنا صغيره وبيسألوك بحب مش بتدخل وعلي العموم وجودك مش مضايقني
سكتت وباصه للمرايه وواخده بالها انه بيراقبها وعلشان كده بتتدلع وهيا بتنشف شعرها
قعدت علي كرسي التسريحه وبصت لوشها وفتحت علبه الميك اب بتاعتها وبدأت تحط مكياجها وكأنها بترسم لوحه
حطت لمسات خفيفه من البودر والبلاشر وروج خفيف يدوب عطي ضي لشفايفها ورسمت كحل في عنيها وكل ده واحمد مستمتع بمراقبتها واستغرب ليه كان بيتجنن من عبير لما يستناها تجهز وبيبقي قاعد علي اعصابه
ليه مستمتع من الفرجه علي سلمي وقبل كده كان بيضايق من نفس الموقف مع عبير
سلمي قامت فتحت الدولاب ووقفت وري الباب فهو بص بعيد
لبست فستانها وراحت تاني قدام المرايا
فستانها كان ابيض رقيق شيفون طبقاته من فوق
قصير وسيمبل جدا وبصت لنفسها وبتفكر تعمل ايه في شعرها سرحته ويدوب هتلمه
احمد كل ده متابع ولما لقاها هتلم شعرها كان نفسه يقولها لأ خليه مفرود كده
اتفاجئ بسلمي بترد عليه
سلمي بس مبلول مش هيبقي حلو
احمد مستغرب وبيبصلها باستغراب
سلمي بتبصلي كده ليه مش انت بتقولي خليه مفرود !فبرد عليك وبقولك انه مش هيبقي حلو وهو مبلول
احمد مستغرب هو معقوله اتكلم بصوت عالي ولا هيا دخلت افكاره هو فكر بس !!لا اكيد اتكلم طالما هيا ردت
احمد عادي براحتك بس اكيد هينشف يعني علي العموم انتي حره
مسك مجله قدامه وشغل نفسه بيها بدال ما يتكلم تاني
سلمي ابتسمت وسابت شعرها زي ماهو عايز
فطروا الاتنين ونزلوا راحو جابوا ياسمينا الللي جريت عليهم بحب وركبوا العربيه
ياسمينا وري وسلمي جنب احمد وكل واحد مكانه
احمد قاعد مكانه دور العربيه ومسك دركسيون العربيه بعصبيه ومش بيتحرك متوتر
عيلته معاه وهو مسؤل عنهم وعن حياتهم وافتكر من خمس سنين لما بحاډثه بسيطه خسر مراته
سلمي حست بتوتره وخوفه وعرفت هو بيفكر في ايه
مدت ايدها وحطتها فوق ايده وبصتله وهو بصلها زي ما يكون عايز يستمد قوته منها
سلمي ما تخافش امبارح عدي ومشي وانتهي مش لازم تفضل عايش فيه اتحرك وبص لقدام بس خليك واثق من نفسك احنا كويسين وانت كويس يالا بينا
احمد ابتسم واتحرك ووداها بيت ابوها تسلم عليهم قبل ما ياخدهم يسافروا لشهر العسل
شهر العسل كان مأساه لاحمد وسلمي ولولا وجود ياسمين معاهم كانوا اتجننوا
نازلين كلهم في جناح واحد وفيه سرير صغير لياسمين بس طبعا سلمي بتنام عليه وياسمينا واحمد بيناموا علي السرير الكبير مع بعض
وطبعا النوم ما بيهوبش ناحيتهم مجرد انهم موجودين في اوضه واحده وكل واحد سامع انفاس التاني وحاسس بيه وبحركاته ده بيجننهم ويطير النوم من عنيهم وبيصدقوا النهار يطلع ويخرجوا بره يلعبوا مع ياسمينا اللي ضحكتها ما بتفارقهاش وده اللي مصبرهم
الظهر سلمي بتدخل تنام لحد العصر وبعدها احمد بينام لحد المغرب علشان يستعدوا لوصله العڈاب بالليل
فات كام يوم وفي مره سلمي قاعده ومراقبه ياسمين بتلعب
احمد صحي وراحلهم وقعد معاها
سلمي نمت كويس
احمد اه الحمد لله
سكتوا الاتنين وبصوا ناحيه ياسمين الكلام صعب جدا بينهم والجو بيتشحن بسرعه وبيتملي
شحنات وموجات
احمد ايه رايك نتعشي مع بعض النهارده
سلمي ماهو احنا بنتعشي كل يوم مع بعض
احمد مش قصدي كده !! قصدي نخرج نسهر انا وانتي مع بعض ونتعشي بره وبعدين لا انا ولا انتي بنام بدري وبنفضل كتير نتقلب يمين وشمال
سلمي ضحكت وهو كمان
سلمي وياسمين
احمد ياسمين بتنام بدري هشوف حد من خدمه الغرف يسهر جنبها لحد ما نرجع
سلمي خلاص تمام
احمد تمام الساعه دلوقتي ٧ الساعه ٩ هنتحرك تكون ياسمينا نامت اوكي
سلمي اوكي
احمد انا ما بحبش الانتظار
سلمي ابتسمت عارفه ما تقلقش
سلمي اخدت ياسمينا حمتها وعشتها وجهزتها للسرير واحمد قاعد علي اللاب بتاعه بس دماغه بعيده تماما عنه ومراقبهم وكأن متعته الوحيده انه يراقبهم
سلمي يالا بقي علشان تنامي
ياسمين انتو ليه عايزيني انام النهارده بثرعه
سلمي علشان تصحي بدري ونروح نروح
ياسمين هنروح فين قوليلي
احمد بصلها وحط ايده علي خده مستمتع بزنقتها وهو كمان مستني اجابتها
سلمي بصتله ينجدها بس لقته بيتفرج ومستمتع فقررت تدبسه هو كمان في اي حاجه
سلمي نروح فين يا سلمي نروح فين يا سلمي
ياسمينا بضحك انتي مث عارفه هنروح فين
سلمي لا عارفه اقولك هنروح نقضي اليوم كله في الاكوا بارك ايه رايك وطول اليوم تتنططي في الالعاب المائيه
بصت لاحمد بتحدي وكأنها بتقوله البس بقي
ياسمينا قامت تتنطط علي السرير
ياسمين بجد هتوديني الاتوا بارت ههيييييه
اخدت سلمي بالحضن وراحت لابوها حضنته كمان
ياسمين انا بحبت قوي يا بابي انت وثلمي
احمد وانا كمان بحبك قوي روحي بقي نامي علشان تصحي فايقه
راحت للسرير بس عماله ترغي مع سلمي اللي بتحاول تنومها
احمد بص لساعته وبص لسلمي وقام اخد بدله من الدولاب ودخل لبس في الحمام وخرج شاور علي الساعه لسلمي
احمد انا هخرج اشوف البنت اللي هتيجي هنا !!! خليكي فاكره قلتلك ايه
سلمي فاكره ما تقلقش
احمد سابهم وخرج
ياسمين انتو هتخرجوا
سلمي ايوه والمفروض اني اجهز وانتي دلوقتي مأخراني وبابي ما بيحبش التأخير
ياسمين طيب البث واجي معاتو
سلمي تعالي بس بكره مفيش بقي الاكوا بارك اوك هنطلع نسهر ونتعشي ونيجي بس يالا
ياسمين لأ انا عايزه اخرج بتره
سلمي يبقي تنامي دلوقتي يالا بقي يا بونبونايتي وبعدين دي اول مره انا وباباكي نقعد مع بعض مش عيزاه يزعل مني
ياسمينا طيب ماثي بث اتفرج عليتي وانتي بتلبثي وتحطي المېت اب بتاعت والفثتان وبعدها هنام ماثي
سلمي ماثي يالا بثرعه بقي
ياسمين ما تتريقيث عليا لو ثمحتي
قاموا الاتنين بسرعه سلمي لبست وحطت ميك اب في وقت قياسي
كانت جميله جدا بفستانها الاحمر الطويل وشعرها الطويل مفرود مفيهوش اي شيئ
خرجت لقت احمد مستنيها واول ما شافها انبهر بجمالها بس بعدها بص للساعه
سلمي عشر دقايق مش كتير وبعدين بنتك مش عايزه تنام
احمد ماشي ماشي يالا بينا
اخدها وراحو وقعدوا علي التربيزه اللي هو حاجزها
احمد هتتطلبي ايه
سلمي انت اطلب لينا احنا الاتنين
احمد متاكده
سلمي اللي انت هتاكله هاكل منه
احمد اوك براحتك
احمد طلب الاكل وفضلوا يرغوا لحد ما الاكل جه
سلمي اتفاجئت ان الاكل كله منتجات بحريه وهيا ما بتاكلش اي حاجه بحريه نهائي
احمد في حاجه
سلمي لا لا مفيش
بدات تمثل انها بتاكل اكلت سلطه ورز وبس
احمد جاله تليفون شغله شويه عنها اكل بسرعه واستاذنها دقايق يعمل تليفون مهم خاص بالشغل ويرجع وهيا انتهزت الفرصه وخلت الجرسون يشيل الاكل بسرعه
احمد رجع سوري بس كان تليفون مهم
سلمي لا عادي
احمد حد ضايقك ولا حاجه
سلمي انا محدش يقدر يضايقني
احمد اه نسيت يا عم الفتوه بتاعت السمك وبتاع العجله سوري
سلمي انا مش عارفه انت ايه اللي ضايقك واحد عاكسني يبقي ياخد فوق دماغه فين المشكله
احمد مفيش مشكله انا كنت بتضايق علشان مواعيدك مش خناقاتك وبعدين انا بحب الست تقدر تدافع عن نفسها
سلمي عبير كانت من انهي نوع
احمد اتجمد ثواني لما سمع اسمها من سلمي بس اتكلم عادي
احمد عبير كانت من النوع اللي بيحتاج حمايه
سلمي وانت بتحب انهي نوع
احمد بصلها انا لسه مجاوبك علي السؤال ده وقټلك بحب الست تدافع عن نفسها
سلمي اه صح
سكتوا شويه هما الاتنين
احمد تقومي نرقص
سلمي يالا
مسك ايدها وقاموا يرقصوا كان ماسك ايديها وبيرقصوا عادي وفجأه سلمي سابت ايديه وهو للحظات مش عارف هيا هتعمل ايه واتفاجئ بيها وبتحط رايها علي كتفه
للحظات هو جامد وبعدها اخد نفس طويل وحط ايديه علي ظهرها افكارهم كانت بعيده تماما عن الرقص كان اتنين غايبين عن بعض يقالهم سنين واخيرا اتقابلوا!!!!
مصطفي الاغنيه خلصت وهما بعدوا عن بعض
احمد ماسك ايديها وراحو قعدوا علي تربيزتهم
احمد قطع الصمت ما تيجي نخرج بره الجو هنا خنقه
سلمي فعلا يالا بينا
الجو مكنش خنقه بس هما المخنوقين
خرجوا وراحوا علي البحر يتمشوا سلمي مكنتش عارفه تمشي بالكعب العالي
سلمي لحظه يا احمد
احمد وقف وهيا سندت عليه وقلعت صندلها
احمد هتمشي حافيه
سلمي اه اللي ليه عندي حاجه يجي ياخدها
احمد ابتسم وافتكر عبير اللي كان اهم حاجه عندها مظهرها وشكلها قدام الناس
سلمي متضايق اني ماشيه حافيه
احمد لا لا ابدا براحتك بس خلي بالك حاجه تيجي في رجلك
فضلوا ماشيين شويه كتير وهما ساكتين وبعدها قعدوا الاتنين واحمد حس ان سلمي بردانه فخلع جاكت بدلته وحطه عليها
سلمي انت تبرد
احمد لا متقلقيش عليا
سلمي احمد
احمد هاه
سلمي هو ليه انت مش بتتكلم معايا احنا قبل كده كنا بنتكلم كتير جدا
احمد عادي يعني
سلمي طيب ممكن نبقي اصحاب مش معني ان جوازنا صوري ان علاقتنا برضه تبقي صوريه
احمد احنا اصحاب فعلا
سلمي لا طبعا احنا بنتكلم بالف حساب وبعدين انا معرفش عنك حاجه نهائي
احمد انتي تعرفي كل حاجه عني
سلمي لا طبعا
احمد زي ايه ايه اللي متعرفيهوش عني
سلمي انا معرفش مثلا والدك اټوفي امتي وانت صغير ولا كبير معرفش انت عندك كام سنه معرفش اتجوزت تمتي ومراتك اټوفت امتي معرفش بتحب ايه وپتكره ايه معرفش مثلا مراتك ماټت ازاي انت كمان متعرفش حاجه عني
احمد عندك مقدره غريبه انك تسالي مليون سؤال في الجمله الواحده
علي العموم يا ستي انا والدي اټوفي وانا تقريبا عندي 15 سنه وانا حاليا عندي حوالي 31 سنه واتجوزت كان عندي حوالي 25 سنه ايه تاني سالتي ايه تاني
سلمي اتعرفت علي مراتك ازاي
احمد سكت شويه
سلمي لومش عايز تتكلم عنها براحتك
احمد لا عادي اتعرفت عليها في فرح
سلمي ايه اول حاجه لفتت انتباهك ليها
احمد ريحتها برفانها كان فوق الرائع وبعدين اتكلمت معاها وبدات حكايتنا
سلمي افتكرت اول مره شافهها فيها واول مره شم ريحه زفاره السمك فيها وتاني مره ريحه المجاري
كل يوم الايام بتثبتلها ان التحدي صعب وانها علي طول خسرانه
احمد ايه رحتي لفين
سلمي لا ما رحتش عشتوا مع بعض قد ايه
احمد تقريبا سنه
سلمي بس سنه واحده بس
احمد ابتسم بۏجع سنه واحده بس
سلمي اسفه يا احمد ممكن اسال هيا ماټت ازاي كان في مشاكل في حملها ولا تعقيدات في الولاده ولا ايه بالظبط
احمد سكت وافتكر خناقهم طول الليل وطول الوقت في العربيه وافتكر اخر جمله قالهالها مبحبكيش
سلمي خلاص ما تجاوبش
احمد انا كنت السبب في مۏتها انا قټلتها
سلمي اټصدمت ايه انت ياسمينا قالت انها ماټت وهيا بتولدها انت ايه علاقتك وليه بتحمل نفسك ذنب مۏتها
احمد ياسمينا متعرفش حاجه عبير كان حملها طبيعي جدا وامورها طبيعيه
اخر مره كنا مع بعض اتخانقنا انا وهيا واحنا في العربيه مش فاكر ليه بس اتخانقنا وسيبت الطريق وتركيزي فيه وبصتلها
سلمي وبعدين
احمد وبعدين فقت لقيت نفسي في المستشفي
سلمي عملتو حاډثه
احمد ايوه وقمت دورت عليها عرفت انها في العمليات لان عندها ڼزيف نزلو البيبي وحاولو ينقذوها شالو الرحم وحاولو معاها بس مفيش فايده ماټت
هيا ماټت وانا فضلت
سلمي برضه مش فاهمه ليه بتقول انك انت قټلتها
احمد لان انا اللي كنت سايق
سلمي وايه المشكله
احمد انا مسؤل عنها
سلمي ايوه انت مسؤل عنها بس مش مسؤل عن مۏتها دي اعمار واسباب
احمد اسباب اديكي قولتيها بنفسك اسباب وانا كنت السبب
سلمي لا يا احمد ما تحملش نفسك فوق طاقتها
احمد لو انا كنت ركزت في الطريق وعذرت اعصابها المشوده بس الحمل وانتبهت كانت
قاطعته كانت ايه هاه كانت ھتموت برضه بس بطريقه تانيه
احمد يمكن بس مكنتش هكون انا السبب وډمها في ايدي
سلمي مسكت ايده ډمها مش في ايدك وغلط تفكيرك ده غلط يا احمد
الاعمار دي في ايد ربنا وبس
كفايه احساس بالذنب بقي
احمد شد ايده منها وغير الموضوع
احمد انتي بقي ايه اللي معرفوش عنك
سلمي كتير واولها اني مبحبش اي اكل له علاقه بالبحر
احمد للحظه ما استوعبش كلامها بس بعدها افتكر انه طلب العشا كله اكل بحر فضحك جامد
احمد طيب مقولتيش ليه
سلمي اتحرجت وبعدين كنت خلاص طلبته وجابوه
احمد وايه يعني المهم جعانه
سلمي هو انت مش سامع بطني
احمد ضحك ووقف ووقفها معاه
احمد طيب تعالي نشوفلك حاجه تاكليها
اخدها وراحو المطعم وطلبلها ساندوتشات واتعشت تاني واخيرا روحوا اوضتهم
دخلوا علي طراطيف صوابعهم علشان ما يصحوش ياسمينا النور كان هادي
احمد بهمس تصبحي علي خير
سلمي وانت من اهله
المفروض يتحركوا بس واقفين قصاد بعض احمد مد ايده ومسك ايدها
احمد متشكر علي العشوه اللطيفه دي
سلمي انا كمان اتبسطت فيها قوي
احمد طيب نبقي نكررها
سلمي ماشي
احمد مش لاقي كلام يقوله وفي نفس الوقت عايزها تفضل قدامه
سلمي كمان مش عايزه تبعد عنه وعايزه تفضل قدامه
احمد تصبحي علي خير
ضحكت وانت من اهله
قرب منها وباسها برقه في خدها وسابها ودخل الحمام
يغير هدومه ويلملم اعصابه ويهديها
سلمي بعد سهرتها مع احمد بدات تقدر ظروفه وتفهم هو ليه مش عايز يحب او يعيش بعد مراته
قررت انها تكمل معاه وتحاول تساعده علي قد ما تقدر وتخفف عنه احساسه بالذنب بمۏت مراته
خرج لقاها غيرت هيا كمان هدومها ونامت في سريرها
نام هو كمان في سريره جنب بنته واستني النهار يطلع
خرجوا الصبح وقضوا اليوم في الاكوا بارك واتبسطوا كلهم فيه لعبوا النهار كله هما وياسمين
كان في زحليقه عاليه جدا وسلمي عايزه تركبها بس خاېفه
احمد خاېفه من ايه اطلعي
سلمي انت شايف بعد ما بينزلو الطوق بيتقلب في الميه
احمد وفين المشكله
سلمي انا ما بعرفش اعوم
احمد ارتفاع الميه يا حبيبه قلبي متر مش محتاج عوم اصلا
سلمي ايوه بس انا هتقلب ممكن ما اعرفش اعدل نفسي
احمد ههههه بجد خاېفه!! وبعدين ټغرقي ازاي وانا موجود
سلمي هتلحقني
احمد انتي عندك شك في كده وبعدين انا لازم الحقك اصلا
سلمي ليه بقي
احمد مش عايز الناس يقولو كل ما يتجوز واحده ټموت ولا ايه
سلمي اخص عليك بقي
كده عايز تلحقني بس علشان الناس
احمد لا مش بس كده علشان ياسمينا كمان
سلمي ماشي بقي كده
ويدوب هتمشي فشدها وقربها منه وهمس
احمد علشان انا مقدرش استغني عنك
سلمي فرحت قوي وراحت تتطلع الزحليقه وفعلا اتقلبت في الميه واحمد كان مستنيها فشالها وطلعها
اتبسطوا جدا اليوم ده وروحوا وسافروا تاني يوم وراحوا بيتهم
سلمي كانت اول مره تشوف شقتها اللي هتعيش فيها مع احمد وياسمين كمان
احمد دحلهم وفرجهم عليها واحده واحده وكل واحد عجبته جدا
احمد سلمي دي اوضتك
سلمي وانت
احمد اللي جنبها تمام
سلمي تمام
احمد انتشري بقي في الشقه ولو عايزه تغيري اي حاجه براحتك او عايزه تغيري اوضتك براحتك الشقه دي بتاعتك اتفقنا
سلمي اتفقنا
احمد انا هسيبكم وانزل شغلي ماشي
سلمي ماشي
مشي احمد وسابهم ووحشها قبل ما يخرج واتمنت تنها تقوله ان الشيئ الوحيد اللي عايزه تغيره هو اوضتها لان نفسها تبقي اوضتهم مش اوضتها
بتعدي الايام وسلمي بقت شيئ اساسي في حياتهم وهيا في البيت جرس الباب رن وفتحت واتفاجئت بهناء علي الباب ودي كانت اول مره تشوفها
سلمي افندم
هناء انا حماه احمد
الحلقة 13
سلمي وهيا في بيتها الباب خبط فتحت لقت هناء
سلمي افندم
هناء انا دكتوره هناء حماه احمد
سلمي ما استوعبتش للحظه مين هناء بس بعدها فهمت
سلمي اه اهلا بحضرتك اتفضلي
دخلت هناء وكانها صاحبه بيت مش ضيفه
هناء فين ياسمينا
سلمي نايمه
هناء ليه نايمه دلوقتي الاطفال المفروض يصحوا بدري وينامو بدري ولا انتي متعرفيش كده
سلمي عارفه طبعا بس امبارح احمد سهرها معاه وهيا صحيت بدري بس نامت تاني فقلت خليها تريح ساعه كده واصحيها
هناء لا كده غلط لازم تلتزم بمواعيد نوم وانتي كمان تلتزمي معاها وما تنسيش ان دي وظيفتك هنا
سلمي بتحاول تتحمل كلامها وتدخلها لانها جده ياسمينا ومش عايزه ترد عليها ودي اول مره تدخل بيتها
سلمي انا عارفه كويس مصلحه ياسمينا وبعدين الوظيفه دي للي بياخدوا اجر عليها
هناء وانتي عايزه اجر يعني عايزه كام
سلمي لا طبعا انا مش عايزه اجر بس قصدي اني وافقت علي الارتباط باحمد حبا في ياسمينا وبس
هناء وابو ياسمين ما بتحبيهوش
سلمي والله احبه او ما احبوش ده شيئ يخصني انا لوحدي
هناء انا عارفه ومتاكده انك وافقتي طمعا في احمد مش ياسمينا وقلتي توصليله عن طريق بنته
انتي ممكن تضحكي علي احمد لكن انا لا
بس احب اقولك ان احمد بيحب بنتي وهيفضل مخلصلها ديما ومش هيقبل غيرها مراته
سلمي عارفه ان احمد بيحب مراته او كان بيحبها وعارفه انه مخلص ليها بس ياتري هو ده اخلاص ووفاء لذكراها ولا احساي بالذنب بسبب الحاډثه
هناء لا طبعا ده حب واخلاص وانه حاسس ان ملهاش بديل
سلمي امم يعيش ويفتكر
هناء ياسمينا فين اوضتها
سلمي اتفضلي
اخدتها اوضه ياسمين دخلت ولقتها نايمه زي الملاك واوضتها جميله ومترتبه ونظيفه
هناء انا اول مره ادخل الشقه دي ممكن اتفرج عليها
سلمي اه طبعا اتفضلي
هناء فين اوضتك
سلمي هنا اتفضلي
دخلت هناء واتضايقت ان الاوضه الوانها جميله وهاديه وناعمه واللي عملها عملها بحب
فتحت الدولاب ضرفه ضرفه واتفرجت علي الهدوم
ومسكت قميص نوم لسه بورقه وابتسمت وبصتلها
هناء كنتي بتحلمي
سلمي لا مكنتش بحلم بس الاتفاق اللي بيني وبين احمد محدش يعرف بيه فمكنش ينفع اقول لماما واخواتي مش عايزه قمصان نوم والا كانوا هيسالوا مليون سؤال
هناء اممم _____ وفين اوضه احمد
دخلتها اوضه احمد برضه كانت مترتبه ونظيفه وبرضه فتحت الدولاب وكانها بتتاكد ان مفيش هدوم ليها في الدولاب
سلمي ارتحتي واتاكدتي
هناء قصدك ايه انا بس بتفرج
سلمي اه يعني مكنش قصدك انك تشوفي دولابي في هدوم لاحمد او دولاب احمد فيه هدوم ليا اه سوري
هناء انا عارفه ان احمد مخلص لبنتي وواثقه منه
سلمي طيب انا هبدا اجهز الغدا علشان احمد قرب يجي
هناء طيب اتفضلي مش هعطلك
سلمي سابتها في اوضه احمد وخرجت هيا المطبخ وبدات تجهز الغدا
هناء شويه وجت تتفرج عليها وقعده علي كرسي في المطبخ وبدات تتدخل في كل حاجه سلمي بتعملها وبتعدل عليها كل حاجه
وسلمي مستحملاها بالعافيه وشويه وياسمين صحيت وجت سلمت علي جدتها وراحت لسلمي
ياسمينا ثلمي انا عايزه اغير هدومي قبل ما بابي يجي علثان يلاقيني جميله ممتن
هناء طبعا يا حبيبتي ممكن وهيا سلمي بابي جبهالك ليه غير علشان تنفذ كل طلباتك!!!
سلمي كانت علي اخرها منها واستحملت بالعافيه انها ماتردش عليها
ياسمينا ممكن يا ثلمي
سلمي اه يا حبيبتي لحظه بس اوطي الڼار واعملك كل اللي انتي عيزاه
وفعلا سلمي اخدتها وراحت اوضتها وبدات تعرض عليها ويختاروا مع بعض تلبس ايه
ووفاء بتراقب وموتره سلمي علي الاخر
اخيرا ياسمينا اختارت واخدت شاور ولبست وسرحت وبقت عروسه صغيره جميله
وخلال ساعتين كان الغدا جهز والبيت متروق ونظيف
احمد جه واول ما دخل ياسمينا جريت عليه وهو شالها وداخل وبيقولها قد ايه هيا جميله
ياسمينا ثلمي خلتني جميله تده
احمد اممم طيب وهيا فين
ياسمينا جوه وتيته تمان جوه
احمد تيته هنا بجد
احمد داخل واتفاجئ بهناء موجودة
احمد سلم عليها وهو متفاجئ ومستغرب من وجودها
هناء مستغرب ليه هو ما ينفعش ازور حفيدتي بعد جوازك ولا ايه
احمد لا طبعا حضرتك تشرفي في اي وقت
سلمي خرجت من المطبخ
سلمي حمدلله علي السلامه اجهز الغدا ولا استني
احمد بصلها لا جهزي علشان فوفا تتغدي معانا
سلمي اوك غير هدومك بسرعه يكون جهزت الصفره
احمد دخل يغير هدومه وهيا دخلت المطبخ ووفاء وراها علشان تتاكد انها ما دخلتش لاحمد
الغدا جهز وكلهم قعدوا في جو مليان توتر وترقب
سلمي ياسمينا كملي طبقك حبيبتي
ياسمينا انتي اكليني
سلمي انتي مش صغيره يا حبيبتي لو حاجه صعبه اساعدك لكن ده مش صعب
هناء وظيفتك هنا ياسمينا وبس يبقي لو هيا عيزاكي تاكليها يبقي تاكليها
احمد مش عاجبه كلام حماته بس لو دافع عنها هيبقي هو بيحب مراته ومش عايز حماته ولو سكت سلمي هتزعل ووقف في النص مش عارف يعمل ايه فسكت
سلمي وعلشان وظيفتي ياسمينا يبقي من وظيفتي برضه اني اعلمها
هناء تعلميها ايه المفروض تهتمي باكلها البت خست النص من ساعه ما احمد جابك هنا
سلمي لا طبعا ما خستش كيلو واحد حتي
البنت بقت طبيعيه بتضحك وتلعب وتجري وزيها زي باقي الاطفال
هناء قصدك بقت قليله الادب وشقيه وما بتسمعش كلام حد
سلمي لا طبعا هيا بقت طفله عايشه سنها مش روبوت بينفذ الاوامر وبس اقعدي قومي البسي كلي
هناء قصدك ان احنا كنا مخلينها روبوت وانت اللي جايه تحبيها
سلمي قصدي
احمد هنا فاض بيه بس انتو الاتنين ولا كلمه زياده
سلمي حضرتك سامعها
احمد ولا كلمه لامنك ولا منها
ياسمينا قومي اوضتك لو سمحتي
ياسمينا انسحبت بهدوء
احمد وانتي كمان يا سلمي لو سمحتي
سلمي بصتله باستغراب هو انا كمان عيله هتمشيني اوضتي زي ياسمينا
احمد لو سمحتي يا سلمي عايز اتكلم انا وهناء
سلمي قامت ودخلت اوضتها
وفاء لازم تفهم اللي انت جايبها دي ازاي تتكلم مع الاكبر منها وازاي ترد بادب
احمد اولا اللي انا جايبها دي ليها اسم وحضرتك عارفاه وثانيا سلمي اللي بتعمله مع ياسمينا محدش منكم قبل يعمله فبدل ما بتشكريها انها بتهتم بحفيدتك جايه تنقضي تصرفاتها
هناء انت عايزني اشكر اللي انت جايبها مكان بنتي
احمد هيا مش مكان بنتك وبعدين ايوه فيها ايه لما تشكريها وتوقفي جنبها وتشجعيها اعتبريها زي بنتك
هناء لا ما اعتبرهاش زي بنتي دي مجرد واحده بيبي ستر مش اكتر انت فاهم مش مكان بنتي ومش هعتبرها زي بنتي
بنتي اللي باستهتارك وبعدم حبك قټلتها!!! ولا نسيت انك السبب في مۏتها!!! لولا الڼزيف اللي جالها من الحاډثه كانت زمانها هيا بتربي بنتها
جاي دلوقتي بتطلب مني اشكر اللي اخدت مكانها
احمد هتفضلي لحد امتي تتهميني پقتل بنتك
هناء هو مش ده اللي حصل
احمد انتي عايزه ايه دلوقتي
هناء انا كنت جايه ازور حفيدتي لو ممنوع قولي وانا مش هاجي تاني
احمد ده بيتك حضرتك تيجي في اي وقت
هناء وسلمي بتاعتك دي تفهمها انها هنا علشان خاطر ياسمينا وبس
احمد هيا فاهمه ده كويس
هناء قامت ومشيت وسلمي فضلت في اوضتها واحمد فضل مكانه
احمد ولا عارف يتجاهل اللي حصل ولا عارف يقوم يتاسف لسلمي علي حماته
سلمي في اوضتها هتولع وعايزه تتخانق مع اي حد
ياسمينا قالتلها ان هناء مشيت فخرجت تتخانق مع احمد واول ما خرجت لقته لسه قاعد مكانه علي الصفره وماسك الشوكه في ايده وبيقلب في طبقه اللي لسه زي ماهو وسرحان تماما وشكله هموم الدنيا كلها فوق راسه
فضلت تراقبه من بعيد كان موجوع ومهموم وحيران وهيا حست بحيرته دي
كل الڠضب والغيظ اللي جواها اتبدد واختفي وحل مكانه الحب والامنيات واتمنت ان لو من حقها تروح وتضمه وتطمنه انها موجوده وانها جنبه وانه مش لوحده
ياسمينا بتلعب وراحت لابوها وطلبت منه حاجه في لعبه عملهالها وبص لطبقه ورمي الشوكه من ايده وقام يشيل الاكل فسلمي جتله وبدات تشيل معاه بس من غير كلام شالو الاكل وهيا فضلت في المطبخ تغسل الاطباق وتروقه وهو واقف ساند علي الباب وكانه عايز يتكلم او يعتذر بس مش عارف
احمد اساعدك في حاجه
سلمي لا شكرا انت اطلع ارتاح
احمد هيا هناء هنا من امتي
سلمي من حوالي 3 ساعات كده
احمد امم وعملتو ايه
سلمي مكنتش عايزه ترد او مش عارفه ترد بس فجاه سابت الاطباق وبصتله
سلمي انت بتسال عملنا ايه استني كده افتكر!!! يعني هيا من اول ما دخلت وسالت علي ياسمينا وعرفت انها نايمه بدات تديني درس في مواعيد النوم والالتزام بيها ودرس في التعامل مع الاطفال ودرس في اني هنا مجرد داده وطبعا دخلت اوضتي علشان تتاكد ان انت مالكش هدوم في دولابي وسالتني ليه في قمصان نوم وبعمل بيها ايه وبتمني ايه منها وعرفتني مكانتي هنا ايه ودخلت اوضتك واتاكدت برضه ان مفيش اي شيئ يخصني في اوضتك ودخلت هنا المطبخ واتدخلت حتي في كوبايه الميه وطبعا علي الصفره انت كنت موجود وشفتها بس للاسف عملت نفسك مش موجود وبعدها عاملتني زي ما بتعامل ياسمينا وصرفتني علي اوضتي
سكتت سلمي ورجعت للاطباق تكملها
احمد حس انها اتكلمت كتير جدا ومش مستوعب كل كلامها
احمد كنتي عايزاني اعمل ايه يا سلمي اټخانق معاها اطردها من هنا اقولها مالكيش دعوه بحفيدتك المفروض كان اعمل ايه انا مش عارف انتي قوليلي المفروض اعمل ايه وانا هعمله انا اسف عارف انها ضايقتك وعارف انها اوفر قوي وعارف انها جايه هنا علشان تضايقك بس اعمل ايه ايه التصرف الصح هنا انا مش عارفه فانتي قوليلي عليه
سلمي انا مش عارفه يا احمد
المفروض تعمل ايه بس اللي اعرفه اني هنا مراتك حتي لو بشكل صوري بس انا مراتك مش خدامه هنا والمفروض ان كرامتي ليها قيمه وانها من كرامتك
دموعها نزلت وهو هيتجنن من دموعها دي فقرب منها ومسح دموعها
احمد سلمي ما تعيطيش محدش ابدا قال انك هنا خدامه وكرامتك محفوظه ومش معني اني طلبت منك تدخلي اوضتك اني بقلل منك بس ده كان علشان اعرف ارد عليها بس بذوق وصدقيني انا رديت عليها وعرفتها انتي هنا ايه وحافظت علي كرامتك
ما تخافيش كرامتك محفوظه
بس اعذريها انتي هنا مكان بنتها
سلمي بصتله هو انت شايف اني مكان بنتها
احمد معرفش يرد لانه لو رد هيقوله انها تخطت مكان بنتها هيا جوه قلبه هيا قلبه نفسه هيا روحه اللي عايش بيها هيا الهوا اللي بيتنفسه لكن عبير ما تخطش جدار قلبه
بس طبعا سكت ومردش
ياسمينا دخلت بابي انت مزعل ثلمي ليه
احمد حبيبه قلبي انا مش مزعلها
سلمي ابتسمت انا مش زعلانه يا قلبي
ياسمينا طيب انتي زعلانه من تيته
سلمي ولا زعلانه من تيته ايه رايك نعمل كيكه جميله وبابي يعملها معانا
احمد لسه هيعترض بس فرحه بنته ونطنطتها منعته ووافق يعمل معاهم
واكتشف ان القعده في المطبخ مع الاتنين دول ممتعه وممتعه جدا كمان
هناء روحت بيتها وجوزها كان مستنيها
يوسف كنتي فين يا فوفا مشفتكيش في المستشفي
وفاء زرت ياسمينا
يوسف ياسمينا ولا مرات ابو ياسمينا
هناء ياسمينا كانت واحشاني وزرتها ايه ممنوع
يوسف لا مش ممنوع المهم اخبارها ايه ولقيتيها عامله ايه
هناء مين هيا
يوسف ياسمينا طبعا امال انتي بتتكلمي عن مين
هناء كويسه
يوسف وسلمي عامله ايه معاها
هناء عامله نفسها فيلسوفه وفاكره نفسها ياما هنا ياما هناك انا مش عارفه اصلا عاجبهم فيها ايه
دي ماتجيش في ظفر عبير
يوسف عبير ماټت يا هناء واحمد وياسمين عايشين فخليهم يعيشوا
هناء وانا منعتهم يعيشوا
يوسف ايوه منعاهم
هناء منعاهم ازاي ان شاءالله ما اهو راح واتجوز
يوسف هما بيناموا مع بعض احمد وسلمي
هناء وانا ايش عرفني
يوسف بجد ما تعرفيش امال روحتي ليه النهارده
هناء اهو كل واحد هدومه في اوضه بس حد عارف اخر الليل ايه بيحصل بينهم
يوسف سيبيهم في حالهم مش هقلك تاني واحمدي ربنا ان بعتلك واحده تحب حفيدتك
هناء احمد ربنا ان بنتي ماټت وان في واحده جت مكانها
يوسف ايوه تحمدي ربنا وبعدين ربنا عوضك بياسمين فسيبيها بقي هيا وابوها
هناء ابوها اللي عمره ما حب بنتي وقټلها وجاي يحب دلوقتي
يوسف اولا الحب ده حاجه خارجه عن ارادتنا وبعدين احمد عمره مازعلها او هانها ولا جرحها وبعدين هو احمد برضه اللي قتل بنتك ولا انتي كدبتي كدبه وصدقتيها ومخلياه يعيش بذنبها
هناء ايوه هو قټلها الحاډثه
يوسف الحاډثه ملهاش علاقه بالڼزيف اللي جه لبنتك وانتي عارفه كده كويس
هناء سيبي احمد في حاله وخليه يفرح مع مراته وابعدي عنهم
هناء انا بعيده اهو بس حفيدتي مش هبعد عنها
يوسف محدش طلب منك تبعدي عن حفيدتك
بتعدي الايام والمدرسه هتبدا
احمد سلمي بكره الصبح تاخدي ياسمينا وتروحي المدرسه هيعملوا اجتماع لاولياء الامور
سلمي طيب مش المفروض ان انت تروح
احمد هو مش انتي مسؤله عنها ولا ايه وبعدين انا سجلتك انتي مسؤله عنها ولا انتي عندك مانع
سلمي لا لا معنديش مانع طبعا هروح
سلمي فرحت جدا بثقه احمد فيها واتمنت النهار يطلع بسرعه علشان تقوم باول دور ليها كام لياسمينا
صحيت بدري ولبست ولبست ياسمينا وفطرتها وعملت ساندوتش ليها علشان لو جاعت منها واحمد صحي لبس واتفاجئ بيهم جاهزين لانه كان متخيل انه هيستناهم كتير
وصلهم للمدرسه ورفض يدخل معاهم وقال لسلمي انه واثق فيها تختار الصح لبنته
سلمي دخلت كانت متوتره جدا بس المديره قابلتها كويس وفرحت جدا ان ياسمينا بقي ليها ام مسؤله عنها لانها كانت انطوائيه جدا
الاطفال اخدوهم يلعبوا والامهات في الاجتماع ولاحظت سلمي ان كذا حد بيشاور عليها بس تجاهلتهم
عدي اليوم الترفيهي وكل واحد فهم مطلوب منه ايه ودوره ايه والامهات اتعرفوا علي المدرسين واخر النهار احمد عدي عليهم وروحوا وطول الطريق ياسمين مبطلش رغي ومعطتش لاي حد غيرها فرصه يتكلم اتغدوا بره وبعدها روحوا واول ما روحو ياسمينا نامت
سلمي دخلتها اوضتها وخرجت لقت احمد قاعد واول ما شافها نادي عليها
احمد سمعت ياسمينا عايز اسمعك انتي يومك كان ايه وعملتي ايه
سلمي كمان كانت زي ياسمينا متحمسه ومتشوقه للمدرسه وحكتله كل حاجه وحس انها ياسمينا بس علي كبير شويه
كان مستمتع برغيها ومبسوط بانبساطها
سلمي حست انها اتكلمت كتير وانه هو ساكت
سلمي انا برغي كتير صح غلبت ياسمينا
احمد ضحك يعني قربتي عليها بس لسه مغلبتيهاش
المهم حد ضايقك او حد قالك حاجه معجبتكيش
سلمي لا لا خالص
احمد طيب ده شيئ كويس سلمي
سلمي هاه
احمد انا متشكر قوي
سلمي متشكر علي ايه
احمد علي كل حاجه بتعمليها!!! كل كل بسمه بترسميها علي وش ياسمينا!!! علي وجودك هنا دلوقتي جنبي
وكمل جواه علي الحب اللي خليتيني اعيشه واحسه __ علي كل لحظه حلوه بعيشها معاكي__ علي قلبي اللي خلتيه يدق تاني
سلمي فرحت جدا بكلامه
مسك ايدها وضغط عليها ضغطه شكر بس كانت كفيله انها تزلزل كيانها كله فانسحبت بهدوء من قدامه
جت المدرسه وسلمي بتصحي بدري تجهزها وتنزل مع ابوها ويرجعوا مع بعض
احمد بقولك ايه انا عايز اشترك لياسمينا في باص المدرسه لان توصيلها لود عليا لاني ساعات ببقي نايم متأخر ومش عايز اصحي بدري وساعات الظهر بيبقي ورايا شغل فايه رايك
سلمي براحتك بس بتوع الباص دول بينزلو بدري قوي وبيرجعوا متاخر جدا
احمد طيب يبقي انتي توصليها وتجيبيها
سلمي انا ماشي خلاص تتفقلنا مع تاكسي يودينا ويجيبنا او احنا ناخد تاكسي
قاطعها احمد تاكسي ايه لا طبعا انا هجيبلك عربيه تتحركي بيه
سلمي بذهول عربيه بس انا مبعرفش اسوق
احمد هعلمك عادي بس مبدئيا انتي موافقه ولا هيكون حمل عليكي
سلمي لا طبعا موافقه انا ببقي زهقانه اصلا اهو الواحد يغير جو بس مش مصاريف عليك انك تشتري عربيه
احمد لا يا حبيبتي مش مصاريف ولا حاجه
سلمي سالت نفسها هو قال فعلا حبيبتي ولا كان بيتهيألها
احمد استغرب هو ازاي قال حبيبتي دي
سلمي بتنزل مع احمد الصبح يوصلوا ياسمينا ويفطروا ويقضوا ساعتين مع بعض يعلمها السواقه
احمد كان بيعشق الساعتين دول لانها بتكون قريبه قوي منه
وخلال شهر طلعلها رخصه واشترالها عربيه وهيا بقت تودي ياسمينا المدرسه وتجيبها
وفي يوم ياسمينا رجعت من المدرسه ومسهمه
اتغدوا وكل اللي يكلمها مش بترد
وبعد ما خلصوا اكل بصت لابوها
ياسمينا بابي ممكن اتكلم معاك في موضوع مهم
احمد اتفاجئ ان ياسمينا نطقت حرف ال ك صح بس معلقش قوي قدامها وبص لسلمي وشاورتله يتعامل عادي معاها
احمد ايوه طبعا اتفضلي
ياسمينا لأ مث هنا لوحدنا انا وانت لو ثمحت ممكن
احمد وسلمي بصوا لبعض مستغربين
احمد ومن امتي انا وانتي بنخبي حاجه علي سلمي اتكلمي قدامها عادي
سلمي براحتها يا احمد
ياسمينا بابي لو ثمحت مث قدام ثلمي
احمد استسلم ليها وقاموا دخلوا اوضتها وقعدت علي السرير واحمد قصادها
ياسمينا بابي انا هتكلم معاك بخثوث ثلمي
بث انت متقلهاث انا قلتلك ايه ممكن
احمد اتوتر وخاف ومليون سؤال جواه ايه اللي ياسمينا مش عايزه تقوله قدام سلمي وليه متوتره كده ايه اللي حصل سلمي مخبياه عن احمد
احمد مش هقول لسلمي قوليلي بقي في ايه مالك
ياسمينا بابي انا انا يعني قثدي ان ثلمي
احمد اتوتر اكتر ياسمينا اتكلمي علي طول في ايه وسلمي مالها
ياسمينا طيب توعدني انك مث هتزعل مني او من ثلمي
احمد اوعدك مش هزعل منك
ياسمينا وثلمي
احمد اعرف الاول في ايه انتي وترتيني قولي في ايه علي طول
ياسمينا هقول
الحلقة 14
احمد قاعد مع ياسمينا
احمد اعرف الاول في ايه انتي وترتيني قولي في ايه علي طول
ياسمينا يعني قصدي لو ممكن يا بابي اقول لثلمي
احمد تقوليلها ايه
ياسمينا اقولها يا مامي ده لو مث هتضايق انا عارفه انها مث مامي بث انا عايزه اقولها مامي
كل العيال في المدرسه بيقولو مامي وبيثالوني ليه بقولها ثلمي
انا عايزه اقولها مامي ممكن يا بابي ولا مث ممكن
احمد قاعد ومذهول من بنته ومن طريقه كلامها وكانها ناضجه مش مجرد عيله عندها خمس سنين ومراعاتها لمشاعر ابوها
ياسمينا هاه يا بابي ينفع ولا لأ
احمد حبيبه قلبي دي حاجه ترجعلك انتي وهيا
ياسمينا يعني انت مث هتضايق
احمد لا يا حبيبتي اللي يبسطك يبسطني انا كمان
حضنت باباها وباسته وطلبت منه ما يقولش لسلمي علي اللي حصل ويسيبها هيا تقول لسلمي بطريقتها واحمد احترم رغبتها دي
احمد خرج بره وسلمي اول ما شافته
سلمي في ايه مالها في حاجه
احمد لا عادي ما تشغليش بالك
سلمي لا يا احمد بجد في ايه مالها
احمد هيا هتقولك بنفسها وانا وعدتها خلاص!
سلمي لكن مفيش حاجه
احمد لا مفيش حاجه ما تقلقيش
سلمي طول الوقت مع ياسمينا عايزه تعرف ايه اللي حصل بس مش عارفه لحد بالليل وياسمين هتنام
سلمي يالا يا قلبي تصبحي علي خير
ياسمينا وانتي من اهله يا ماما
سلمي سمعت الكلمه وحست بقلبها بيدق بسرعه وهيخرج من مكانه
سلمي انتي قلتي ايه
ياسمينا قلت مامي عندك مانع
سلمي لا طبعا انا معنديش مانع بس بابي
قاطعتها بابي برضه معندوش مانع
سلمي اخدتها في حضنها انا بحبك قوي يا ياسمينة
ياسمينا وانا كمان بحبك قوي
سلمي فضلت جنبها لحد ما نامت وخرجت بره لقت احمد قاعد
سلمي انت معندكش مانع
احمد انها تقولك ماما لا طبعا لو انتي معندكيش مانع
سلمي انا معنديش مانع بس كنت خاېفه انت تضايق
احمد وايه اللي يضايقني بالعكس دي حاجه تفرحني انها تحس انك مامتها وانها تبقي عايزه تقولك كده وبعدين ليه نحرمها من الكلمه دي
سلمي كانت الفرحه مش سايعاها
تاني يوم سلمي ودت ياسمينا المدرسه وهيا نازله من العربيه سلمي اخدت بالها ان السلسله مش في رقبه ياسمينا وسالتها وياسمين قالتلها متعرفش بيها
روحت وفضلت تدور طول الوقت عليها وخاڤت ان احمد يتهمها انها ضيعتها علشان البنت تنسي عبير تماما
الوقت عدي وموبيل سلمي فصل شحن وهيا ما اخدتش بالها
المدرسه اتصلوا باحمد علشان ياخد بنته وبلغوه ان موبيل مراته مقفول
احمد جاب بنته وراح للبيت وهو قلقان فين سلمي
اول ما دخل البيت ولقاه مقلوب كده قلبه وقع بين رجليه ودخل يدور عليها زي المچنون
دخل اوضتها لقاها برضه مقلوبه وهيا مش موجوده
دخل اوضته نفس الحكايه
طلع مسدسه وراح ناحيه
اوضه ياسمين وفتحها براحه لقاها مقلوبه وحد بيقلب فيها
دخل براحه واتفاجؤا الاتنين ببعض
سلمي صړخت من خضتها وهو كمان اتخض منها
بس فرحته انها سليمه غطت علي كل حاجه
اخدها في حضنه انتي كويسه فيكي حاجه ما تتخيليش انا خفت عليكي قد ايه اول ما دخلت الشقه ولقتها مقلوبه وانتي تليفونك مقفول كنت ھموت من الخۏف عليكي الحمدلله انك كويسه يا الله يا الله حرام عليكي وقعتي قلبي
سلمي هو الوقت ايه
احمد الساعه 2 30
سلمي ياسمينا احمد انا ما اخدتش بالي من الوقت وياسمين
احمد انا جبتها مش بقولك قلبي وقع وبعدين انتي بتعملي ايه
سلمي انا اسفه يا احمد بس والله ڠصب عني ومش عارفه هيا فين ولا لقياها خالص من الصبح بدور عليها
احمد ايه هيا بتدوري علي ايه
سلمي سلسله ياسمينا مش عارفه هيا فين
احمد وما سالتنيش ليه بدل ما تقلبي البيت كله كده
سلمي خفت تقول ان انا مهمله او اتعمدت اضيعها
احمد وليه هقول كده علي العموم السلسله معايا انا شلتها
سلمي اتنهدت بارتياح يا الله كنت خاېفه تكون ضاعت
احمد وفيها ايه لو ضاعت
سلمي لا طبعا دي صوره امها والمفروض تبقي علي طول معاها وبعدين انت المفروض تسيبها معاها
احمد حسيت اني بفرض عليها واحده ما تعرفهاش ياسمينا ما تعرفش عبير ولا تعنيلها اي شيئ فليه اجبرها تشيل صورتها
سلمي برضه خليها هيا تقرر
احمد هيا لو هتقرر يبقي هتختار انها تشيل صورتك انتي مش حد تاني
وفعلا ياسمينا اختارت تشيل صوره سلمي
في يوم سميرة جت واخدت يوم كامل معاهم واكتشفت ان سلمي شخصيه جميله وعرضت عليها تيجي تشتغل معاها في شركتها
سلمي قالتها هتفكر وتستاذن احمد الاول
سلمي مامتك لذيذه
احمد فعلا ډمها خفيف بس ما بتحبش الالتزامات
سلمي عرضت عليا اشتغل معاها
احمد انتبه للكلام جدا وبعدين
سلمي وبس مفيش بعدين
احمد لازم يكون فيه بعدين عرضت عليكي شغل انتي ايه رايك عايزه مش عايزه رايك ايه
سلمي مش عارفه انا ورايا التزامات ياسمينا ومذاكرتها وتوصيلها والبيت وشغله يعني
احمد برضه دي مش اجابه وده مش سبب!!! عايزه تشتغلي ولا لأ
سلمي طبعا عايزه اشتغل بس
احمد ما بسش بقي روحي من بكره
سلمي وياسمين والبيت
احمد ياسمينا بترجع الساعه 2 انتي كمان ارجعي زيها وشغل البيت يتدبر عادي يعني شوفي وقرري لو هتقدري روحي
سلمي يعني انت معندكش مانع
احمد لا طبعا دي حاجه ترجعلك انتي وراحتك
سلمي من الفرحه باسته في خده وجريت تتنطط
وفعلا اشتغلت الصبح مع سميرة وتروح تجهز الغدا او تسخن لانها بتطبخ بالليل وتخلص مذاكرتها مع ياسمينا والحياه جميله ووردي
في يوم خميس ياسمينا راحت مع سميرة البيت تبات عندها واحمد رجع لقي الجو هادي
وسلمي كانت قاعده براحتها لان ده مش معاد رجوع احمد كانت لابسه فستان او قميص تقريبا بحمالات قصير جدا مغري جدا
احمد دخل وقعد معاها وسال عن ياسمينا عرف انها عند مامته
سلمي كانت هتقوم
احمد رايحه فين خليكي او لو متضايقه ممكن ادخل اوضتي
سلمي لا بس كنت هجيبلك اي حاجه تاكلها
احمد مش جعان اقعدي
سلمي طيب حاجه حلوه بسيطه
احمد ماشي طالما مصره
هناء كانت بتكلم سميرة تتطمن عليها وهيا بتكلمها سمعت صوت ياسمينا
هناء ايه ده هما عندك سلميلي عليهم كتير
سميرة لا يا حبيبتي ده ياسمينا بس اللي عندي بايته معايا
هناء بجد ياسمينا بس وهما لوحدهم
سميرة وفيها ايه خليهم ياخدوا راحتهم شويه
هناء اه ومالو
قفلت هناء وهتتجنن واخيرا اخدت قرارها
سلمي قامت وراحت المطبخ وهيا متوتره وخاېفه واحمد دخل وراها وبيراقبها
احمد مخليها كلها بين ايديه وهو وراها
همس في ودنها بصيلي
سلمي بصتله من غير ما تتلفت ليه
احمد بقولك بصيلي
احمد سلمي انا عارفه قصدي ان انا
سلمي انت ايه قول بقي
احمد انا انا
احمد عقله غايب تماما بس نفسه ينطق كلمه واحده
انا بحبك بحبك اكتر من اي حد في الدنيا بحبك اكتر من روحي نفسها وعمري ما حبيت حد قبلك وعمري ما هحب بعدك عبير كانت تجربه بس مش حب احساسي بالذنب ناحيتها هو اللي منعني اقولك بحبك من زمان لكن انا بعشقك يا سلمي بعشقك
الحلقة 15
احمد عقله غايب تماما بس نفسه ينطق كلمه واحده
انا بحبك بحبك اكتر من اي حد في الدنيا بحبك اكتر من روحي نفسها وعمري ما حبيت حد قبلك وعمري ما هحب بعدك عبير كانت تجربه بس مش حب احساسي بالذنب ناحيتها هو اللي منعني اقولك بحبك من زمان لكن انا بعشقك يا سلمي بعشقك
طبعا ده احمد فكر فيه لكن ما نطقش حرف واحد منه
وكل اللي جه في دماغه بس كلمه واحده قالها لعبير
انا ما بحبكيش
مقدرش يفكر غير في الكلمه دي وبس
بعد وشه عن سلمي وشاف في عنيها حب وشوق ولهفه هو علي وشك تدميرها
مسكها من شعرها وخلاها تبصله
احمد انا ____ ما _____ بحبكيش
سلمي لا انت بتحبني انا عارفه انك بتحبني وخد وقتك خد كل الوقت اللي تحتاجه لحد ما تتخلص من احساسك بتأنيب الضمير
احمد تأنيب ضمير ايه اللي بتتكلمي عنه انا ما بحبكيش يا سلمي
سلمي امال اللي حصل ده دلوقتي تسميه ايه شوقك ولهفتك عليا تسميه ايه ده حب
احمد ضحك ده رغبه مش حب فرق كبير قوي بين الرغبه والحب انا بقالي حوالي خمس سنين بعيد عن الستات وانتي قدامي اهوه جميله وحلوه وصغيره ومڠريه بلبسك ده وبتوجهيلي دعوه صريحه لسريرك
ازاي ارفضها
سلمي وليه وقفت بقي لما انت شايف كده ليه مكملتش للاخر ومتعت نفسك
احمد لانك هنا في بيتي علشان بنتي ولانك بتثقي فيا ولانك صغيره ومش فاهمه الدنيا ولانك متخلفه وبتحبيني ولاني سبق ووعدتك انك في امان معايا
علشان كده لازم تبقي عارفه اني لو كملت ده هيبقي رغبه بين اتنين
انا محتاج لده وانتي محتاجاله رغبه بين اتنين راجل وست مش اكتر الموضوع مش هيكون له اي علاقه بالحب ولا علاقه زوجين لاني سبق وقلتلك انا ما بعتبركيش زوجه فده هيكون مجرد متعه فلو موافقه انا معنديش اي مانع بس تبقي الامور واضحه قدامك الاول
سلمي مش مصدقه اللي بتسمعه ومش عارفه ترد عليه
احمد هاه قولتي ايه
سلمي انت بتهزر صح بتهزر لان ده استحاله يكون كلام ناس عاقله استحاله انا مراتك انت فاهم مش هتحسسني بكلامك ده اني رخيصه!! انا عمري ما كنت رخيصه ابدا!!! انت فاهم عمري انا لو كنت في حضنك من شويه فده لانك جوزي قدام ربنا وقدام الناس وقدام الكون كله انت جوزي
انت بقي مچنون ومش بتعتبرني مراتك فده حاجه ترجعلك لكن انا مش هحس اني رخيصه او اني عملت حاجه غلط اندم عليها
مش ده اللي انت عايزه انك تجرحني وتخليني اندم بتضعف وتستسلم لمشاعرك وبعدها ټندم
فعايزني انا كمان اندم
لا يا احمد مش هندم ومش هعتبر اللي حصل ده غلطه
اللي حصل كان حاجه جميله بيني وبين حبيبي
ذكري حلوه انا هحتفظ بيها ومش من حقك انك تدمرها او ټشوهها بعد اذنك
واه ما تخافش طالما انت ضعيف كده فمش هغريك تاني انت بامان معايا
قالتها بتريقه ومشيت ودخلت اوضتها وقفلت عليها ټعيط وحمدت ربها انها ما عيطتش قدامه
احمد واقف كاره نفسه وكاره عبير وكاره امها وكاره كل حاجه حواليه
كان ممكن يكون دلوقتي اسعد راجل في الدنيا في حضڼ حبيبته بس للاسف هو غبي غبي
جرس الباب رن واحمد فتح الباب لقي هناء قدامه
احمد هناء خير في حاجه
هناء لا كنت مخنوقه بس ومكنتش عايزه افضل لوحدي لان يوسف في المستشفي فجيت هنا اتمني مكنش ضايقتك او قاطعت حاجه مثلا
احمد ولا ضايقتيني ولا قاطعتي حاجه تعالي اتفضلي
دخلت وقعدت واحمد قعد قصادها وحست ان في حاجه مش مظبوطه
هناء امال سلمي فين مش قاعده معاك يعني
احمد علي فكره انتي مش محتاجه تراقبينا وعلي العموم سلمي في اوضتها الله اعلم صاحيه ولا نايمه
هناء انا مش براقبك وبعدين هو انا معاكم كل يوم
بس هو انتو بجد يعني
احمد يعني ايه وبجد ايه ما بيناش علاقه زوجين اه بجد ريحي قلبك
كمل جواه والبركه فيكي
هناء اه وعادي الوضع بينكم يعني ما بتغركش او بتضعف انت راجل وهيا جميله وحلوه
احمد انتي عايزه ايه قلتلك مفيش علاقه بينا ارتاحي بقي وفعلا انا راجل وهيا جميله وعلشان كده انا معظم الوقت بره ولما بكون جوه بتبقي هيا في اوضتها زي ما انتي شفتي بنفسك بنبعد عن بعض
هناء بس ده مش حل مسيرك هتضعف
احمد عندك حل الحقيني بيه
هناء انا معنديش حل
احمد كالعاده يعني بتعرضي مشكله انا عارفها وديما معندكيش حل يبقي تسيبني في الحل اللي انا فيه حتي لو كان مش حل اوك هشوف سلمي صاحيه ولا نايمه
هناء لا خليك انا هشوفها
احمد قعد البيت بيتك اتفضلي
هناء كانت حاسه ان في حاجه مش طبيعيه وعايزه تكتشفها ايه
دخلت المطبخ وحست ان الوضع مش مظبوط كأن حد كان هيعمل حاجه وغير رايه
طبق الحلو محطوط ومحدش اكل منه
ياتري هي قاطعتهم فعلا
راحت اوضه احمد بس لقت سريره مترتب
راحت لاوضه سلمي ووقفت بره الباب وحست انها سمعاها بټعيط
للحظه قلبها حن وصعبت عليها بس دي كانت لحظه
خبطت الباب وردت سلمي بصوت مخڼوق
سلمي افندم عايز حاجه
هناء ده انا هناء يا حبيبتي كنت بتطمن عليكي بس انتي كويسه
سلمي استغربت معقوله اتصل بحماته تيجي تحميه منها مش لازم تبان ضعيفه قدامها ابدا او تبان انها بتحبه او ھتموت عليها مش لازم تديها فرصه تشمت فيها ابدا
سلمي لحظه وخارجه
قامت غسلت وشها وغيرت هدومها وخرجت بره سلمت عليها
سلمي احمد ما اتعشاش ايه رايك تتعشوا مع بعض
هناء لو مش هنتعبك لاني واقعه من الجوع
سلمي دقايق بعد اذنكم
احمد حاسس بيها ونفسه بس نفسه يضمها من غير قيود من غير حساب من غير ما يفكر
كان مخڼوق وحاسس انه عايز ېصرخ ويقول للدنيا كلها انه بيحب سلمي وبس
هناء انت فين
احمد معلش مشغول بس عندي مشاكل في الشغل بتقولي ايه
هناء بقولك تعال المطبخ نساعدها وناكل جوه مش شرط صفره علشان ما نتعبهاش
احمد عارف انها عايزه تشوفهم مع بعض لانها مش هتهتم بتعب سلمي كده بس مضطر يوافق
دخلوا المطبخ عندها وهيا اتفاجئت بيهم فمسحت دمعه شارده بسرعه بس الاتنين لمحوها لكن محدش علق
حاله صمت غريبه مسيطره علي المطبخ كل واحد في افكاره الخاصه
اخيرا سلمي جهزت الاكل واعتذرت علشان تخرج بسرعه لانها هتنهار
هناء مستمتعه بكسره قلب سلمي وحاسه انها كده منتصره وان بنتها مرتاحه في
تربتها
هناء لا اقعدي وسطينا كلنا مع بعض ولا ايه يعني اهو حتي ندردش وبعدين بكره الجمعه يعني كلنا اجازه مفيش حجج بقي
سلمي قعدت وكانت ماساه احمد بيبصلها كل شويه وحاسس انها هتعيط في اي وقت
هناء بتراقب نظراتهم لبعض وحاسه ان احمد مهتم بسلمي وده مضايقها
سلمي ما بترفعش وشها من طبق الاكل قدامها لانها لو حد كلمها او رفعت وشها هتعيط
اخيرا خلصوا اكل وهيا اعتذرت وقالت انها تعبانه وانسحبت
هناء قالت لاحمد انها هتبات معاهم واحمد ما اعترضش لانه حاليا حاسس ان وجودها امان ليهم
لانها لو مشيت هيدخل لسلمي ياخدها في حضنه ومش هيبعد عنها تاني ابدا ابدا
طلع النهار وطول الليل هناء كل شويه تخرج البلكونه تبص علي سلمي وتلاقيها بټعيط وشويه تفرح وشويه ضميرها يأنبها
ذنبها ايه بنت زي دي تقع مع واحد زي احمد وتتعلق بيه
ايوه بس احمد ده جوز بنتك انتي
لا بنتك ماټت وهما عايشين
بس هو عذب بنتك ومحبهاش وشفتي كانت ديما تشتكيلك انه ما بيحبهاش
بس الحب مش بايدينا ومش ذنب البنت انها حبته
ومش ذنب بنتك انها حبته
هيا بتربي حفيدتك وتحبها
واهو عايشه في مستوي كويس عيشه كتير يحسودوها عليها
بس محرومه من الحب
بنتك ماټت محرومه من الحب
بنتك ماټت محرومه من الحب يبقي هيا كمان تتحرم من الحب!!!!!!
طلع النهار وسلمي صحيت وما اتفاجئتش لما لقت هناء موجوده
حضرت الفطار وفطروا وبدأت تجهز الغدا وطول الوقت لوحدها وهما الاتنين لوحدهم
اتغدوا وهيا اعتذرت ودخلت اوضتها
واخر النهار هناء مشيت واحمد راح يجيب بنته علشان تخفف جو التوتر ده
جاب ياسمينا وهناء لسه معاه واول ما ركبت العربيه
ياسمينا بابي هيا مامي مش معاك
هناء اټجننت اول ما سمعت الكلمه
هناء مين مامي دي
احمد سلمي
هناء سلمي بقت مامي من امتي انت عايزاها تنسي امها صح مش عايز لعبير وجود وفين سلسلتها ولا هتحطلها صوره سلمي
احمد اه هحطلها صوره سلمي
عبير ملهاش اثر في حياه ياسمينا ياسمينا ماتعرفهاش نهائي حرام افرض عليها واحده ماتعرفهاش عبير جوايا انا وانتي لكن ياسمينا لا انا عايزها تحس انها طبيعيه وسلمي حست معاها بده وعلي فكره ياسمينا هيا اللي طلبت تقول ماما محدش فينا طلب منها ده
هناء انت بتلغي بنتي وكان مكنلهاش وجود ابدا ابدا
احمد محدش يقدر يلغيها وياسمين اكبر دليل علي انها ديما عايشه فيها
هناء انت نسيتها وبنتك بتنساها واي حد يقولها مين مامتك هتقول سلمي بنتي مبقلهاش وجود
احمد اهدي يا هناء انتي مكبره الموضوع
هناء اه طبعا لازم تقول كده بنتك بتحب سلمي وانت بټموت فيها انت ھتموت عليها
احمد انا نفذت اتفاقنا ولسه بنفذه لحد دلوقتي وطالما لسه علي اتفاقنا يبقي مش من حقك تعترضي
هناء روحت هتجنن وحكت لجوزها
يوسف طيب ده شيئ كويس ان ياسمينا تلاقي ام تحبها وتحس في حضنها بحنيه الام ليه بقي متضايقه
هناء دي اخدت مكان بنتك
يوسف بنتي جوايا ومحدش يقدر ياخد ده مني وانتي كمان لازم تبقي كده وهقولك زي كل مره سيبيهم في حالهم
سلمي فضلت كده مع احمد ما بتكلموش نهائي غير لو سالته سؤال او ردت علي سؤال منه
احمد كان هيتجنن منها
عدي كام يوم نفس الطريقه
الصبح بينزلو الشغل بترجع تخلص شغل البيت ومذاكرتها مع ياسمينا وتقعد علي اللاب بتاعها تشتغل
ومتجاهله احمد تماما وكانه مش موجود اصلا
احمد فاض بيه
احمد وبعدين معاكي بقي
سلمي في حاجه محتاج حاجه
احمد بطلي بقي البرود ده
سلمي انت عايز كده زعلان ليه بقي
احمد لا انا مش عايز كده
سلمي انت بتعاملني كده ولا هو حلو ليك ووحش لغيرك
احمد انا عمري ما تجاهلتك كده
سلمي انت علي طول بتعاملني كده بس مش بتاخد بالك
احمد خلاص يا سلمي بقي انا مش طايق كده
سلمي خلاص ايه يا احمد
احمد خلاص انا اسف اوكي اسف
سلمي سابت اللاب وبصتله
سلمي اسف علي ايه بالظبط علي انك عاملتني كاني بنت من بنات الليل جايبها من شارع الهرم ولا اسف انك ضعفت وبوستني
احمد اسف اني عاملتك زي بنت من بنات الليل
سلمي وبوسك ليا
احمد عايزه ايه يا سلمي هو انتو ليه متعبين كده
سلمي احنا اللي هو مين مين انتو
احمد انتو الستات ليه ما بتكتفوش ابدا بالظاهر ليه ديما عايزين اكتر ليه ديما طماعين اكتر
سلمي انا طماعه يا احمد انا مش مكتفيه بالظاهر انا راضيه اني ابقي ام بس مش زوجه راضيه اعيش مع راجل بس مش جوزي او هو بيعتبر نفسه كده راضيه بولا حاجه منك كده ابقي طماعه
احمد يوووه يا سلمي مش قصدي وانتي عارفه كده يعني بقولك اسف اسف علي كل حاجه يا ستي هاه مرضيه
سلمي لا مش مرضيه
احمد وايه اللي يرضيكي
سلمي انت عايز ترضيني
احمد انتي عايشه في بيتي وانا مسؤل عنك ولا ايه ووعدت ابوكي اخلي بالي منك
سلمي ابتسمت اه نسيت المتوقع تصدق للحظات نسيت وفكرت اني بجد فارقه معاك الدموع لمعت في عنيها بس نسيت انك قلتها واضحه وصريحه انا ما بحبكيش مرضيه يا احمد ما تشغلش بالك بيا بعد اذنك ورايا شغل بدري ومحتاجه انام
سابته ومشيت وهو فضل مكانه يلعن الكلمه دي
قالها مره وندمان من ساعتها وبدال ما يحرم ينطقها قالها تاني بس المره دي لحبيبته
يعمل ايه في نفسه وغباؤه
راح اوضتها وخبط وډخلها كانت في سريرها بټعيط
قعد جنبها من غير ما ينور النور
كان وراها قرب منها واتكلم بالهمس
احمد انا مش عايز ازعلك وفي نفس الوقت مش عارف ارضيكي ومش عارف اعمل ايه قوليلي انتي يا سلمي اعمل ايه وانا مش هتردد للحظه اعمله
سلمي سكتت وبصتله مسكت وشه بايديها الاتنين
سلمي انا بحبك وانت عارف ده كويس او الكل عارفه اما انت مش بتحبني
كان هيقاطعها بس هيا سكتته
سلمي ما تقاطعنيش انت ما بتحبنيش او بتحبني بطريقتك والحب ده شيئ لا ارادي حاجه ما بنتحكمش فيها وانا غلطانه اني اطلب منك الحب لان ده ما بيطلبش ومتشكره لصراحتك انت بتهتم بيا وبتنفذ كل طلباتي وبتراعي مشاعري وده كفايه
ماتلومش نفسك ابدا!!! انت كنت صريح من اول يوم وعرضت ظروفك وانا وافقت بارادتي فمش من حقي اجي دلوقتي والومك او اطلب منك تحبني
كفايه قوي اهتمامك ده خلاص يا احمد انا مش زعلانه ومش هطلب منك حاجه فوق طاقتك
احمد سلمي انتي مش فاهمه حاجه
سلمي مالوش لازمه الكلام خلاص يا احمد احنا هنا اصحاب شركاء او اخوات حتي
المسمي اللي يعجبك استعمله وانا موافقه عليه
خلاص يالا بقي تصبح علي خير
خلصت كلامها وعطته ظهرها وغطت نفسها ونامت
احمد فضل كتير قاعد جنبها وكأن لسانه مربوط
طيب عبير وفعلا مكنش بيحبها لكن سلمي بيعشقها فليه صعب انه يقولها كلمه بسيطه بحبك
ليه الكلمه دي صعبه قوي كده ليه
طلع النهار وكل واحد راح شغله وفعلا سلمي رجعت تتعامل مع احمد بتلقائيه زي الاول وده مضايقه اكتر
سلمي كانت بتشتغل في مشروع مهم علي اللاب كان بياخد معظم وقتها بس في نفس الوقت بتقوم بكل المطلوب منها واخر الليل بتسهر علي مشروعها
احمد للدرجه دي المشروع ده مهم
سلمي اهمم مامتك مهتميه بيه جدا
احمد اساعدك
سلمي علي حد علمي خبرتك في الكمبيوتر مش ولابد
احمد ضحك انتي لسه فاكره البركه فيكي بقي يا قمر اطلبي حاجه تعرفي اني اقدر اعملها
سلمي لو عايز تساعدني ممكن تعملي نسكافيه
احمد ايوه كده ماشي يا قمر ثواني
فعلا عمل نسكافيه ليهم وخرج بره وقعد جنبها
سلمي داقته مكنتش متخيله انك هتعرف تعمله وكنت مستنياك تنادي
احمد انا عندي عيله عندها خمس سنين وكنا معظم الوقت وحدنا فانتي ماتتخيليش كميه الحاجات اللي اعرف اعملها
سلمي امممم بتعرف تعمل اكل يعني
احمد وقعت في شړ اعمالك يا احمد
ضحكوا الاتنين
احمد اه يا ستي بعرف بس حاجات بسيطه مش كتير يعني
سلمي ههههه ما تخافش مش هدبسك تعمل اكل بصتله بحب انا ميرضنيش تقف تعمل اكل
احمد علشانك انتي انا ممكن اعمل اي حاجه مهما كانت
سلمي كانت متاكده في اللحظه دي انه بيحبها كانت حاسه الحب ده وشيفاه
احمد كملي شغلك مش هعطلك وانا موجود لو محتاجه حاجه ناديلي اوك
سلمي اوك احمد
احمد ايه
سلمي تسلم ايدك
احمد في اي وقت يا قمر
احمد بعيد عنها شويه بس عينه عليها
دي لحظه من اللحظات بيكون ھيموت ويخرج الحب اللي جواه ويقولها بحبك بصوته كله
عدي اسبوع وسلمي المشروع شاغلها تماما
ياسمينا بابي سلمي مشغوله كتير
احمد قولي سلمي كده تاني
ياسمينا ضحكت سلمي
احمد من امتي بقت سلمي
ياسمينا قصدك علي سلمي علي حرف ال س ولا قصدك سلمي مش ماما
احمد بحب ذكائك انتي الاول ال س
ياسمينا سلمي كانت بتوديني عند دكتور بتاع تخاطب وكنت بتدرب علي حرف ال س وهيا كانت بتعملي تمارين غريبه
احمد وما قولتوليش ليه
ياسمينا كانت عايزه تعملهالك مفاجأة
احمد وانتي بوظتيلها مفاجئتها ليه
ياسمينا ده علشان انا متضايقه منها
احمد اعتقد كده ليه سلمي مش ماما!! ليه بقي سلمي مش ماما
ياسمينا علشان مش بتلعب معايا كتير زي الاول
احمد علشان عندها شغل تخلص بس مشروعها ده وتفضالك انتي ساعديها زي ما هيا ديما بتساعدك
ياسمينا بعد المشروع ده هيجي غيره وغيره
احمد لا ده اول مشروع ليها علشان كده هو مهم فهمتي
سميره كانت بتعدي عليهم تقعد مع سلمي شويه تتطمن علي الشغل
اخيرا جه معاد تسليم المشروع احمد صحي بدري ودي ياسمينا مدرستها وساب سلمي نايمه لانها سهرت كتير
ياسمينا ليه بقي انت بتوصلني
احمد علشان انتي وحشتيني وانا بحبك
ياسمينا يعني مش علشان سلمي مشغوله بمشروعها
احمد ياسمينا طالما اخترتي تقولي ماما يبقي ماما علي طول مش وقت ما تبقي مبسوطه ماما ولما تبقي زعلانه سلمي فاهمه
ياسمينا حاضر يا بابي
احمد تخلص النهارده تسليم مشروعها وهاخدكم واسافر نقضي اجازه مع بعض بس دي مفاجأة ليكم ما تبوظيهاش بقي زي مفاجأة سلمي
ياسمينا بس يا بابي
احمد بس ايه
ياسمينا سلمي هتزعل مني جامد
احمد لا يا حبيبتي سلمي ما بتزعلش منك وبتحبك كتير يالا بقي انزلي
باسها احمد ونزلها ډخلها مدرستها وهو رجع البيت
حضر فطار واخده لاوضه سلمي
قعد جنبها علي السرير وبدا يعاكسها علشان تصحي
اخيرا فتحت عنيها
احمد صباح الخير يا قمر
سلمي صباح النور حبيبي
اتمني احمد انه يعيش كلمه حبيبي دي بس دلوقتي هيا عندها مشروع لازم تسلمه
احمد قومي يالا الساعه 9 يدوب تفطري وتجهزي
سلمي قامت مفزوعه ياسمينا والمدرسه
احمد اهدي انا وديتها المدرسه
سلمي رقدت تاني وبصتله هو وهو راقد جنبها
سلمي عملتلها ساندوتش
احمد مش بقولك بتنسي كنا لوحدنا السنه اللي
فاتت وكنت انا اللي بوديها المدرسه كل يوم
سلمي عملت ايه تاني
احمد عملتلك فطار قومي بقي نفطر
بيكلمها وايده بتشيل الشعر من علي وشها
هيا حطت ايدها علي وشه
سلمي مش هتحلق دقنك دي
احمد نفطر وانتي بتلبسي انا هحلقها اتفقنا
سلمي اوك يالا علشان ما نتاخرش
قامت وفطروا الاتنين مع بعض
سلمي هتنزل الشغل
احمد لا هوصلك مش رايح الشغل النهارده هروح البس واحلق دقني اجهزي انتي كمان
سلمي لبست وجهزت بسرعه واحمد كمان لبس وحلق دقنه وفجاه سمع سلمي بتصرخ وبتنادي عليه وطلع يجري عليها
سلمي يا لهووي الحقني يا احمد الحقني
وكانت دي اكبر مفاجأة شافوها واټصدم ومعرفش يتكلم او ينطق
