ندم لم ينتهي بقلم علاء

ندم لن ينتهي بقلم علاء
أنا زهرة طالبة في كلية طب مخطوبة لعمر ابن عمي من وانا في الثانوي وهو في الدبلوم في أحد الأيام عند رجوعي من الكلية قد صدمتني سيارة وانتقلت في حالة حرجة الي المستشفي وعندما كنت بالغيبوبة رأيت اني عروسة لشخص تاني غير عمر كان حلم جميل وقتها وبعد مرور أيام فوقت من الغيبوبة وكانت أسرتي كلها الي جواري وكان عمر يبكي فرحا وأخبروني أهلي أن الشرطة تريد أن تستجوبني بشأن الحاډث وأن الشخص الذي أصابني محتجز وعندما سألني وكيل النيابة عما حدث لا أعرف لماذا قلت له انني من وقفت أمام السيارة ثم مضيت علي أقوالي و في اليوم التالي وجدت رجلا طويل عمره حوالي تلاتين عام يحمل بيدة بوكية ورد وفي عينية ابتسامة لم أفهمها وشكرني عما قولتة بالتحقيق فسألته هل أنت من صدمني فقالي لأ من صدمك هو شقيقي الصغير فقلت له حصل خير ثم قال لي تسمحي لي أكشف عليكي عشان اطمن فسألته هل أنت طبيب قال نعم وأيضا صاحب هذه المستشفي ثم كشف علي وغادر وظللت أفكر لماذا لم أكن مخطوبة لدكتور مثله ولماذا كان حظي أن أكون مخطوبة لشخص تعليم متوسط بس في الحقيقة أنا لما وافقت علي عمر كنت بحبة بس كمان أنا كنت لسة مراهقة ومبقتش أحس اني بحبة دلوقتي وبعد مرور شهر
عدت لدراستي فأخبروني زمايلي أن هناك دكتور جديد بدلا من دكتور شوقي وأول محاضرة له اليوم دخل ذات الدكتور الذي زارني بالمستشفي وعرفنا بنفسه الدكتور جاسر حسن وبعد انتهاء المحاضرة ناداني
زهرة نعم يا دكتور
أخبارك اية
قلت له اني بخير
قالي اعملي حسابك بكرة اني مستنيكي في مكتبي الساعة 8
فقلت له بس بكرة مافيش محاضرات
قالي أنا عارف أنا عاوز أشرحلك اللي فات في كل المواد
فشكرته وقولتله هكون في الميعاد
روحت البيت وكنت طايرة من السعادة ولكن سعادتي لم تكتمل فقد وجت عمر بمنزلنا يحدد مع والدي موعد زفافنا وحددوا كمان شهر وبابا بيسألني رأيي
قلت له ان في حاجات كتير نقصاني ومحتاجة وقت كتير
رد عليا كل اللي محتجاه هييجي مبروك يا حبيبتي
وهكذا ذهبت الي غرفتي ولم أتناول العشاء وفضلت أبكي بحړقة و تاني يوم روحت لدكتور جاسر صباح الخير يا دكتور جاسر
صباح الخير يا زهرة
جاسر مال عينيكي حمرا كة لية
زهرة حددوا ميعاد فرحي بعد شهر
جاسر واللي فرحها بعد شهر تبقي حزينة كدة وقالها وهو متأثر جدا
زهرة مفيش توافق بينا وانا مش بحبه
جاسر بجد
زهرة أيوة مش بحبه قالتها وهي تنظر لجاسر بنظرة اعجاب كبيرة
جاسر يبقي متتجوزهوش
زهرة طيب ممكن نبدأ في الشرح بقي
جاسر حاضر
وبعد مرور ساعات طلب جاسر غداء لكلاهما ولما كانت زهرة ماشية قالها جاسر خدي رقمي عشان لو احتجتي حاجة تكلميني
وأخذت زهرة الرقم ورجعت بيتها وظلت تذاكر لحد الساعة 12 بالليل ثم اتصلت بالدكتور واتحججت بانها في حاجة مش فهماها واول ما كلمتة شرحلها اللي عاوزاة في خمس دقائق وبعدين فضلوا يكلموا لحد الساعة 3 الفجر وهكذا مرت أسبوعين وطلب جاسر زهرة بالتليفون وقالها انه محتاج يشوفها برة الجامعة فوافقت وراحت
جاسر متتجوزيش عمر
زهرة ليه
جاسر أنا بحبك
زهرة وأنا بحبك من أول لحظة شوفتك فيها انت بالنسبة لي الهوا اللي بتنفسه
جاسر خلاص افسخي الخطوبة وأنا هاجي أطلبك من أبوكي بشكل رسمي
زهرة مقدرش أعمل كدة في عمر هو مالوش ذنب
جاسر يعني هتجوزيه
زهرة أيوة
غادر جاسر منزعجا بشدة وفي خلال الأسبوعين الذين يسبقوا الفرح لم يذهب للجامعة وزهرة كانت تتعذب ووقد جاء يوم زفافها وذهبت زهرة للكوافير وكل ما الكوافيرة تضع لها الكحل تسيل دموعها لتفسد مكياجها لتسألها والدتها مالك يا زهرة في عروسة ټعيط يوم فرحها
وزهرة تجيبها مفيش دي بس حساسية في عيني
ومرت الساعات وجاء عمر لاصطحاب زهرة للقاعة وعندما وصلوا كانت الزفة بانتظارهم وبعد انتهائها جلسوا ليكتبوا الكتاب ووضع والد زهرة يدة في يد عمر وأخذوا يرددون وراء المأذون وفجأة
جاسر زهرة
بصوت عالي جدا نظرت زهرة وجميع من بالقاعة لمصدر الصوت وأخذت عيونهم تذهب ذهابا وايابا لزهرة
جاسر أنا بحبك يا زهرة انتي أغلي حاجة في عمري
الجميع يسأل زهرة مين دة
وزهرة تبكي ثم أخذ الحضور يخرجون جاسر بالقوة من القاعة وهو يردد بعلو صوته بحبك يا زهرة
وبعد خروجه وغلق القاعة ووقوف الأمن لمنعه من الدخول مرة أخري وضع والد زهرة يده في يد عمر وأخذوا يرددون وراء المأذون الي أن قاطعتهم زهرة تلك المرة وقالت مش موافقة اتجوزك يا عمر لأني مش بحبك
وعندما سمع والدها هذا الكلام أخذ يضربها علي وجهها ويقولها فضحتينا
ولما روحوا البيت فضل والد زهرة يضربها ووالدتها حاولت تهديه وبعدين حبس زهرة في حجرتها وقالها دي
مالهاش خروج من الأوضة
تاني يوم استيقظت علي صوت صړيخ زوجة عمي وهي تقول ليه يا عمر كدة
فذهبنا جميعا الي الشقة المجاورة لنا وهي شقة عمر ووجدنا عمر منهي حياته وكاتب مقدرش أعيش لحظة واحدة وأنا عارف اني زهرة مبتحبنيش وكل اللي اتمناه انها تعيش سعيدة مع الشخص اللي اختارة قلبها
بعد مرور خمس سنوات
دكتور جاسر دكتور جاسر
جاسر فية ايه
في حاله بين الحياة والمۏت
جاسر ذهب مسرعا وعندما دخل الغرفة ورأي المړيضة لم يستطع أن يمسك دموعه التي اڼفجرت بالبكاء عندما رأي زهرة في حالة لا يرثي لها وأخذ يعمل ما بوسعه لينقذها بكل قوته وهي فاقدة للوعي ودموعه لم تتوقف لحظة وعندما انتهي خرج وكان أهلها بالخارج سأل بشكل قاسې جدا
جاسر فين جوزها
بدوي أنا ولمؤاخذة يا دكتور جوزها هو في اية
جاسر انت اللي عملت فيها كدة
بدوي دي مراتي وليا الحق اني أأدبها
جاسر ھجم علي بدوي وأخذ يضربة ويقول له في حد يعمل في مراته كدة انت لا يمكن تكون بني ادم
وحاول كل من بالمستشفي فك الڼزاع ثم ذهب جاسر واتصل بالشرطة ليخبرهم أن لديه مريضة قد تعرضت لحاډثة قاسېة وبعد نصف ساعة وصلت الشرطة وحققت مع الزوج ولكنه أنكر انه من فعل هذا وكانت الشرطة في انتظار أن تفوق زهرة من الغيبوبة لاستجوابها ولكن زهرة كانت في عالم أخر وتتخيل انها تتحدث مع عمر ابن عمها
زهرة عامل ايه في المكان اللي انت فيه
عمر بټعذب يا زهرة
زهرة ليه
صمت عمر وابتسم ابتسامة تملأها المرارة
عمر انتي ايه اللي جابك هنا يا زهرة
زهرة انت يا عمر
عمر ازاي أنا اللي جبتك هنا دة أنا كل حاجة عملتها لما كنت عايش عملتها عشان أشوفك سعيدة
زهرة أنا دخلت الچحيم بارادتي يا عمر ومش عارفة أخرج منه
عمر انتي مكانك مش هنا يا زهرة لازم تمشي
زهرة أول مرة ماتتمناش اني أكون جنبك
عمر حياتك أغلي عندي من عمري اللي ضاع ومش ممكن أبدا أتمنالك مصيري
زهرة حتي لو عايزة أخرج أنا مش هعرف
عمر مټخافيش هاتي ايدك وأنا هدلك علي
الطريق
زهرة وعمر فضلوا ماشيين وسط حدائق خضرا
عمر اخرجي من الباب دة يا زهرة
زهرة سامحني يا عمر
عمر أنا سامحتك من زمان يا حبيبتي
زهرة ياااة بقالي كتير
مسمعتهاش
منك
عمر أنا
عمري ما بطلت أقولها انتي بس
اللي مكنتيش عايزة تسمعي
عمر
عموما

—

الكلام دة مش وقته
وفجأة عمر يختفي وتظل زهرة تردد عمر عمر وهي تفوق وكان الي جوارها جاسر الذي كان سماع اسم عمر ېحرق قلبه
زهرة فتحت عينيها وجاسر قالها بفرحة كبيرة الف سلامة يا زهرة الف سلامة
ثم تم نقلها الي غرفة عادية وقد أخبر جاسر الشرطة أن زهرة مستعدة للادلاء بأقوالها دخل وكيل النيابة لزهرة وسألها عن ان كانت قادرة تكلم أو لأ وأكدت له أنها تستطيع التكلم
زهرة صحيح
وكيل النيابة مين اللي عمل كدة
زهرة جوزي
واستأنف وكيل النيابة الأسئلة ووقعت زهرة علي أقوالها وغادر وكيل النيابة ودخل جاسر
جاسر عاملة ايه انهردة يا زهرة
زهرة بخير
جاسر قولتي لوكيل النيابة ايه
زهرة لو سمحت يا دكتور ده موضوع خاص مش من حقك تدخل فيه
جاسر أسف يا زهرة هانم
وغادر منزعجا جدا
زهرة بكت بشدة بعد خروجه وبدأت تتذكر ما حدث بعد مۏت عمر
زهرة وهي في ډفن عمر
والدة عمر منك لله يا ظالمة الهي ربنا ېحرق قلبك زي ما حړقتي قلبي علي ابني
عمها انتي ايه اللي جايبك هنا صحيح ېقتل القتيل و يمشي في جنازته
زهرة أنا ماليش ذنب حرام عليكوا
والدة عمر ترفض أن ټدفن عمر قبل أن تغادر زهرة فغادرت زهرة ودموعها لا تتوقف واتصلت بجاسر ليقابلها
جاسر زهرة أنا عرفت اللي حصل من ورد صحبتك
زهرة تعطي لجاسر قلم علي وشه
زهرة انت انتهت من قلبي يا جاسر للأبد ومفضلش ليك في قلبي غير الكره اللي عمره ما هينتهي
جاسر مسك ذراع زهرة بقوة وقام بلوية وقال
جاسر أنا مش هسمحلك تكوني لغيري انتي ليا
ترك جاسر ذراع زهرة وغادر وأقسمت زهرة بالاڼتقام و تحويل حياة جاسر لسلسلة من الچحيم الذي لا ينهي
روحت زهره بيتها ودموعها على خدها اول ما فتحت الشقه لاقيت ابوها وامها قاعدين
والدة زهره عجبك اللى حصل ده منك لله ياشيخه موتى الواد بغبائك وخسرتينا عمك ومراته اللى طول عمرنا بيحبونا وبنحبوهم اتبسطى دلوقتى
زهره تصرخ حتى انتى حرام عليكى حرام عليكى يا امى حسى بيا انا اللى فيا مكيفنى مكنتش اعرف مكنتش اعرف ان كل ده هيحصل كنت عايزه بنى ادم يرفعنى ويعلينى لفوق مش ينزلنى لتحت
والد زهره اخرسى اخرسى مش عايز اسمع صوتك ولا اشوف وشك فضحتينا وخليتى سمعتنا على كل لسان
وشدها من ايدها ورمها فى اوضتها وقفل الباب وبدا ابو زهره يعلى صوته البت ديه متخرجش من البيت تانى ولا تعتب بره
باب اوضتها تدخلها الاكل زى الكلبه وبس لحد لما يجى اى كلب زيها ياخدها ويخلصنا منها ومن فضيحتها
ام زهره حاضر ياخويا حاضر امرك امرك
زهره قعدت ټعيط جامد وتلطم بيدها على وشها وتقول والله ما كنت اعرف والله ما كنت اعرف ان كل ده هيحصل مكنتش اعرف
مر اسبوع وزهره محپوسه فى اوضتها وفى حاله اكتئاب ومش لاقيه حد تتكلم معاه وشبح عمر فى خيالها دايما وماسكه جوابه فى ايدها وحتى الاكل مكنتش بتاكل كويس لدرجه انها خست وبان عليها المړض والحسره من كتر تأنيب الضمير وفى يوم جت زراتها ورد صحبتها
والدة زهره مين ورد ازيك يابنتى عامله ايه
ورد ازيك طنط اقدر ادخل اشوف ورد المردى ولا بروضه مش هينفع زى كل مره علشان عمو مايزعلش
ام زهره لا ياحبيتى ادخلى البت حالتها وحشه ومش بتاكل وانا خاېفه عليها ادخلى اتكلمى معاها وخرجيها من اللى هى فيه ده ينوبك ثواب ياحبيتى
ورد حاضر ياطنط ورايحه على اوضه زهره
ام زهره نادت على ورد متخرجيش ونبى يا بتى لحسن ابوها زمانه جاى وهتبقى مشكله لو عرف انك هنا
ورد مټخافيش هطمن عليها وهخرج على طول
خبطت ورد على الباب وزهره مردتش عليها ففتحت الباب ولاقيتها مرميه على الارض ومغمى عليها جريت عليها وحاولت تفوقها لكن زهره مكنتش بترد بدأت ورد تصرخ
ورد الحقونى زهره مبتردتش الحقينى ياطنط
جريت ام زهره وحاولت تفوقها وتشيلها مع ورد على السرير لكن زهره مكنتش بتتحرك ورد طلعت الموبايل انا هتصرف هتصرف واتصلت بالدكتور الحقنى يادكتور واحده صاحبتى مابتتحركش ومعرفش اعمل ايه
الدكتور ادينى العنوان بسرعه
كشف الدكتور عليها وفوقها وعلق لها المحاليل ولاقها بتعانى من ضعف عام جامد ولما فاقت بدا يتكلم معاها ايه مالك ما انتى زى القمر اهو بتدلعى ولا ايه علشان تشوفى غلوتك عندهم
زهره مانطقتش واديت وشها الناحيه التانيه
الدكتور بيبتسم ويقولها ايه ده انتى زعلانه منى ولا ايه دانا انقذتك حتى
زهره كنت سيبنى اموت اعيش ليه قولى اعيش ليه والناس كلها كرهنى حتى اهالى وبدأت ټعيط جامد
الدكتور بس بس اهدى مين قالك كده لو شوفتى خوفهم عليكى وانتى دايخه كنتى هتعرفى اد ايه هما بيحبوكى ارتاحى دلوقتى وانا همشي علشان ورايا شغل بس هبقى ارجعلك تانى
الدكتور فتح الباب وخرج وجريت عليه ام زهره وابوها و ورد وسألوا الدكتور خير يادكتور طمنا
الدكتور البنت بتعانى من ضعف عام شديد انا كتبتلها على فيتامنات ومقويات ومحتاجه تتغذى كويس وتغير جو لان البنت حالتها النفسيه تعبانه جدا وممكن تعمل حاجه فى نفسها انا بقترح عليكم تودها لدكتور نفسانى كويس وتخلوها تغير جو وتحسسوها بحبكم وتبقوا جنبها غير كده انا مش مسئول عن اللى هيحصلها وسبهم ومشي
ام زهره عيطت يا حبيتى يا بنتى ودخلت على البنت تطمن عليها ومعاها وورد
مرت الايام وزهره بدأت تتحسن لكن احساسها بالذنب لسه جواها وكنت بترفض ترد على تليفونات جاسر خلال الفتره ديه وكانت ورد بترد عليه من ورا زهره وتطمنه عليها وفى يوم وزهره وورد قاعدين مع بعض رن رقم غريب على زهره رفضت زهره ترد لحسن يكون جاسر لكن ورد خدت الفون وردت
ورد الو ايوه انت مين
المتصل انا

واحد متعرفهوش بس انا اعرفك كويس واعرف كل حاجه عنك
ورد انت مين وعايز ايه
المتصل مش عايز غير اسمع صوتك واطمئن عليكى انا متابع اخبارك من زمان اوى
ورد بصت لزهره وكتمت الصوت فى الفون وقالتلها واحد بيقول انه عارفك من زمان ومتابعك زهره قالتلها تلاقيه جاسر اقفلى التليفون
ورد قالتلها لا مش جاسر اصبرى بس ورجعت تانى للفون
ورد انت هتقول مين ولا اقفل فى وشك
المتصل انا صديق عمر وعندى كلام كتير وحاجات مهمه ونفسى تسمعنى
ورد اندهشت وقالت عمر
زهره خطفت السماعه وقالت مين
المتصل انا بدوى صديق عمر وعايز اتكلم معاكى عندى كلام كتير يهمك ولازم تسمعيه
زهره بس انا معرفكش
المتصل ما انا قولتلك اعرفك كويس اوى وهتندمى لو مجتيش تقابلنى زى ما انتى ندمانه على مۏت عمر دلوقتى هستناكى بكره فى نفس المكان اللى كان
عمر بيقابلك فيه الساعه 7 بليل فكرى وردى عليا رقمى عندك سلام
قفلت زهره الفون وفضلت سرحانه وساكته
ورد مين ده وعايز ايه انتى تعرفيه يازهره يازهره انتى ساكته ليه انا
بكلم نفسي
يااااازهره
زهره هه لا معرفهوش بس هو بيقول يعرفنى كويس وعايز يقابلنى
ورد وانتى هتعملى ايه ماتروحيش لحسن يكونوا حد من اهله وهينتقم منك ولا اي حاجه بلاش يا زهره بلاش علشان خاطرى
واقفلى الصفحه ديه من حياتك ونسيه اقولك
غيرى رقمك
زهره لا لو اهله عايزنى
ينتقموا سكتوا ليه المده ديه كلها انا استاهل يدونى
بالجزمه حتى بس

—

انا عارفه مش هيعملوا كده دول طيبين وطول
عمرهم بيحبونى
ورد طب هتعملى ايه بلاش احسن تقابليه اسمعى كلامى
زهره اخاڤ اندم بعد كده زى مابيقول انا هقابله وخلاص
وبالفعل تانى يوم خرجت حسب الميعاد وراحت تقابل الشخص ده ووصلت المطعم واتصلت بيه انا وصلت حسب الميعاد انت فين
ولسه ماخلصتش الجمله لاقيت حد بيحط ايده على كتفها وبيقولها اتفضلى
بتبص وراها واندهشت جدا من شكله وخاڤت وخدت خطوتين لورا
بدوى مالك انتى خاېفه منى ولا ايه
زهره لا لا بس بسس وسكتت معرفتش تقول ايه
بدوى انا عارفه انى شكلى متلخبط ودقنى طويله وهدومى مش اد كده ومتبهدل شويه بس مبأذيش وابتسم
زهره لا لا انا ماقصدش انا اسفه
بدوى طب ايه هنكمل كلامنا واحنا واقفين كده تعالى نقعد اتفضلى
زهره ميرسي
ودخلت على الطربيزه وشد بدوى لها الكرسي وقعدت وراح اقعد اقدمها
بدوى تحبى تشربى ايه
زهره ولا حاجه
بدوى لا لازم قولى
زهره اى حاجه ممكن لمون
بدوى ضحك هو انا لحقت اعصبك
زهره ضحكت وقالتله لا بس الاحتياط واجب
نادى بدوى للجرسون وكان المطعم مش اد كده كان بلدى شويه
الجرسون تشربوا ايه ولا تأكلوا عندنا هنا كبده وسجق يجننوا
زهره واحد لمون
بدوى خليهم 2 لمون وبص لها وابتسم وقالها الاحتياط واجب بروضه
مشى الجرسون وزهره بصت لبدوى وقربت من الترابيزه اتجه بدوى وكأنها بتقوله ها اتكلم بقه وحس بدوى انها عايزاه يبدا بالكلام
بدوى انا عارف انك بتسالى نفسك انا مين وعايز ايه وكلمتك ليه
زهره اكتفت بانها تحرك راسها بعلامه الموافقه
بدوى انا صاحب عمر من زمان جدا وكان بيحكيلى كل حاجه عنك كان بيحبك اوى وفعلا كان عايز يسعدك بس يلا اللى حصل حصل
زهره عينها دمعت وبصت للارض
بدوى كنت موجود يوم ۏفاة عمر وسابلك امانه معايا
فى الوقت ده دخل الجرسون وسكت بدوى عن الكلام حط الجرسون اللمون وازازتين مايه ومشي مدت زهره ايدها على المايه بسرعه وكأن ريقها نشف جامد فجاه وشربت كتير وقالت له امانه ايه اللى سبها
بدوى طلع من جيبه سلسله ذهب وفيها قلب وجوه اسمها وصورتها وقالها كان عايز يدهولك لما تروحي بيته بعد الفرح ويعملهلك مفاجاه وانتم لوحدكم ومكنش معاه فلوس لانه اتكلف جامد فى القاعه والفرح وتجهيزات الجوازه فاستلف تمنها منى وقالى لازم اعملها مفاجاه واسعدها واشوف الفرحه فى عينها فى يوم زى ده
زهره مقدرتش تمسك دموعها المردى ولا تخبى وشها تانى عطيت وقالتله تسمحلى احتفظ بيها وانا هديك حقها
بدوى عيب كده انتى بتشتمنى اتفضلى خديها طبعا ومد ايده بمنديل ليها
زهره بدات تمسح دموعها وتتشهنف انا كنت غبيه غبيه
وقامت علشان تمشي
بدوى رايحه فين انا عندى كلام لسه مخلصتوش
زهره معلش مش قادره نتكلم بعدين وخدت بعضها ومشيت بسرعه
روحت زهره البيت ودخلت جرى على اوضتها وفتحت الشنطه وطلعت السلسله ومسكتها فى ايدها وبدات ټعيط تانى لاقيت تليفونها بيرن بصت عليه لاقت ورد صاحبتها فتحت التليفون عليها
ورد ايه يابنتى مابتفتحيش ليه انا من بدرى وانا بتصل بيكى قلقتنى طمننى عليكى زهره يا زهره انتى مابترديش عليا ليه
زهره بتحاول تسيطر على دموعها انا كويسه ماتقلقيش
ورد مالك احكلى ايه اللى حصل
زهره معلش ياورد مش قادره دلوقتى عايزه انام وبكره هتصل بيكى واقولك
ورد طب انتى كويسه عايزنى اجيلك طيب
زهره لا لا انا تمام بكره بكره ياورد سلام وقفلت
زهره خدت السلسله فى حضنها وطلعت على السرير ونامت بهدومها وهى بټعيط لاقيت التليفون بيرن تانى بصت عليه لاقيته بدوى ففتحت عليه
زهره الو
بدوى انتى وصلتى كنت عايزه اطمن عليكى بس لان حالتك كانت وحشه وانتى ماشيه
زهره سكتت شويه وبعدين قالتله لا انا تمام تمام
بدوى انا اسف انا السبب فى اللى انتى فيه بس ديه امانه وكان لازم اقولك وعمر موصينى عليكى وانى اكون جنبك حتى لو من بعيد
زهره عيطيت تانى وقالتله معلش انا هقفل دلوقتى ونتكلم بعدين سلام
تانى يوم بدوى اتصل بها
بدوى عامله ايه النهارده يارب تكونى احسن من امبارح
زهره الحمد لله انا تمام
بدوى معلش انى بزعجك بس انا كنت قلقان عليكى وقولت اعمل بوصيه عمر
زهره هو انت ليه ماجتش تبلغنى الكلام ده من بدرى
بدوى كنت تعبان ومتأثر جدا عمر مكنش صاحبى بس لا ده كان كل عائلتى انا ابويا وامى واختى ماتوا كلهم فى حاډثه بشعه وعمر كان اكتر من اخويا وسابنى هو كمان ومابقاش عندى حد وبقيت لوحدى وحاسس انى تأيئه من غيره حتى كليه الهندسه بتاعتى مابقتش منتظم فيها ويوم ماقابلتك كنت لسه خارج من حبستى فى البيت وانتى شوفتى شكلى كان عامل ازاى مكنش ليا نفس للحياه بس كان لازم اقابلك ووصل لك الامانه بتاعتك
زهره انا مش عارفه اقولك ايه بس انت عارف انى مكنتش اقصد اللى حصل ومكنتش
اعرف انى بحب عمر كده غير بعد ماراح منى وعيطت تانى
بدوى بس بس كفايه ارجوكى انا مش متحمل انا بتصل بيكى علشان اخرج من اللى انا فيه ده
زهره انا اسفه بس انا مش قادره انا هقفل سلام
مرت الايام وكان كل يوم بدوى بيتصل بزهره يسال عليها ويطمن عليها وقرب جدا منها وهى كمان قربت منه واتعلقت بيه وبقه جزء من يومها بتحكى معاه حاجات كتير مش قادره تقولها مع حد من اللى حوالها
وبعد مرور خمس سنين الا كام شهر
كانت بعيد تمام عن جاسر وبدوى طلب ايدها ووافقت بس قالتله مش عايزه فرح مش هقدر ادخل قاعات تانى
قالها اللى تحبيه
واتقدم لاهلها بدون اهله لانهم كلهم ميتين وتم الزواج وانتقلت زهره لبيته من غير ماتشوف حتى اى حد من عائلته عمه خاله اى قريب ليه من بعيد حتى وكانت مستغربه جدا بس سكتت وقالت لنفسها بلاش اساله واحرجه
وعد شهر وهما كويسين مع بعض وبعدها بدات تحصل مشاكل بينهم على اتفه المشاكل ويشتمها باهلها ويضربها وتروح لاهلها يرجعوها ويقوللها انتى عايزه تطلقى وانتى مكملتش شهرين الناس هتقول ايه مش كفايه فضيحتك الاولنيه
وترجع ڠصب عنها وفأخر مره ضربها قررت تفضل قاعده ومتروحش لاهلها بس مش هيلمسها تانى لحد لما تعرف تطلق منه
وفى يوم رجع البيت متاخر ودخل عليها
بدوى زهره زهره انتى ياهانم
قومى اقعدى معايا شويه
زهره سيبنى انام وروح على اوضتك
بدوى هتفضلى كده كتير بقولك قومى اقعدى معايا وشد الغطا
زهره شدت الغطا عليها تانى وقالتله اطلع بره وابعد عنى انا مش طايقك
بدوى وهو بيقولها ليه
بس
زهره رفضت وصړخت
وقالتله انا بكرهك افهم وطلقنى طلقنى مش عايزه اعيش معاك
بدوى ضربها بالقلم وقالها انتى بتكرهينى طب انا هخليكى تكرهينى اكتر
وبدا يضربها لحد لما وصلت للفون واتصلت ب ورد صاحبتها تنقذها وجت ورد وودتها المستشفى عند جاسر
رجعت زهره من رحلة ذكريتها لما الممرضة دخلت وقالتها دكتور جاسر بيبلغ حضرتك رغم يا مدام بس الحمد لله البيبى بخير
زهره اټصدمت وعيطت جامد ولما عرف بدوى بالخبر دخل اتأسف لها وباس دماغها وقالها انا مش عارف عملت كده
ازاى سامحينى
زهرة ديرت وشها الناحيه التانيه ودموعها فضلت
نازله ومش عارفه تتكلم وبعدها اتنازلت عن المحضر
ولما روحت بيت بدوى تانى لاقيت حد بيخبط عليها فتحت الباب لاقيت بنت
البنت

—

انتى مين
زهره انتى اللى مين
ندا انا ندا اخت بدوى وعايزه اخويا امنا ھتموت فى المستشفى
زهره اټصدمت وقالتلها اخته وامه انتو عايشين طب ازاااى وايه الحكايه
ندا قوليلى الاول فين اخويا اندهيلى عليه
وعلت صوتها يا بدوى بدوى امك بټموت امك بټموت
زهره بس بس هو مش هنا اتفضلى ونتكلم جوه احسن
ندا مافيش وقت امى بټموت ومحتاجين فلوس
زهره حطت ايدها على كتفها وقالتلها طب ادخلى لو قدرت اساعدك مش هتاخر
ندا خدت نفسها وقالتلها شكرا
زهره خدتها ودخلتها وبتشاورلها بيدها على الصالون اتفضلى اتفضلى
ندا شكرا قوليلى هتقدرى تساعدنى ازاى انا محتاجه 5 تلاف جنيه لامى بقيت تمن العمليه ربنا يعلم انا لمېت ازاى ال ٢٠ ألف التانين
زهره خير هى عندها ايه
ندا عندها ضيق فى شريان القلب
زهره لا حول ولا قوه الا بالله متقلقيش ان شاء الله هتقوملك بالسلامه
ندا يعنى هتدينى الفلوس الباقية
زهره لا انا مقولتش كده
ندا علت صوتها وشها بان عليه الڠضب وقالتلها اومال ايه انت بتلعبي بيا
زهره لا لا اسمعينى للاخر انا قولتلك هساعدك مقولتش هدفعلك الفلوس
ندا انتى بتقولى ايه انا مش فاهمه حاجه
زهره بصى ياستى ورد صاحبيتى اتجوزت دكتور محترم اوى هو دكتور مخ واعصاب وعنده صديقه دكتور مدحت ممتاز هو دكتور قلب وعنده مستشفى استثمارى ومبسوط هو وبياخد حاله كل تلت شهور ويعالجها على حسابه ومش فى القلب بس لا كل التخصصات بيعالجها فى المستشفى عنده فانا هكلملك ورد دلوقتى واحكلها الموضوع وهى مش هتتاخر عليا بس بشرط توعدنى انك تجاوبى على كل اسئلتى
ندا بدون تردد انا تحت امرك انا اعمل اى حاجه علشان امى تعيش وترجعلى تانى
وعيطت وقالتلها ارجوكى اتصلى دلوقتى اتصلى امى بټموت
زهره اهدى اهدى هتصلك حالا
وقامت جابت الفون واتصلت وورد اكدت لها انها هتكلم جوزها بالليل لما يجى من بره لانه سهران النهارده فى العياده شويه وان صديقه مش هيمانع ابدا انه يساعدها ولا هيرفض ليهم طلب
وادتها رقم دكتور مدحت وقالتلها ادى رقمه للبنت وخليها تكلمه بكره بالليل هيكون زوجي قال له ان شاء الله
بعد ما زهره قفلت الفون مع ورد قالت ل ندا سمعتى اللى حصل انا فتحت لك الاسبيكر علشان تطمنى خدى رقم دكتور مدحت اهو وادى رقمى انا كمان وكلمى دكتور مدحت بكره بالليل واتصلى بيا انا كمان
لو فيه اى حاجه
ندا انا مش عارفه اشكرك ازاى ولا اعملك ايه بس انا هردلك الجميل و دلوقتى انتى مرات بدوى صح
زهره اه
ندا بقالك اد ايه متجوزين
زهره 5 شهور
ندا مش معقوله ازاى اقولك اهربى وسيبه والحقى نفسك
زهره مش فاهمه ايه هو اللى مش معقوله وليه اهرب والحق نفسي من ايه
ندا مقدرش اقولك غير ان المفروض انك متبقيش هنا دلوقتى
زهره انتى وعدتنى تردى على كل اسئلتى انا عايزه افهم كل حاجه بالتفاصيل وعايزه اعرف ازاى انتو عايشين
ندا انا هقولك بس بشرط ولا انتى شوفتنى ولا انا شوفتك
زهره حاضر بس اتكلمى ارجوكى
ندا اخويا مريض نفسى وكان السبب فى مۏت بابا الله يرحمه ومن ساعه لما توفى واخويا حالته ساءت اكتر و كل مدى بتتدهور وبقاله فتره طويله اوى بيتعالج من وهو صغير واتحجز كتير فى المصحه ومافيش نتيجه وخرج وكان ولما اكتشفوا انه غير مسئول عن تصرفاته خرج برضه ومافيش تغير بل بالعكس بقه يزيد شراسه معايا انا وماما قولنا نجوزه يمكن حالته تتحسن ويحس بالمسئوليه ويتغير لكنه انهى حياة مراته بعد شهر ومنعرفش ليه ودخل السچن وخرج على المصحه وبعدها خرج وللاسف اتجوز اربع مرات بعدها وكل واحده تقعد شهر او اتنين وتختفى ومنعرفش عنهم حاجه ولا حتى اهالهم يعرفوا حاجه اختفوا تمام واحنا متاكدين انه هو عمل فيهم حاجه بس منعرفش ايه اللى حصل ولا هم احياء ولا اموت وعلشان كده استغربت انك معاه من 5 شهور انتى اكتر واحده قعدتى معاه واخر واحده كان متجوزها وكنا عارفين بها كان من 5 سنين قبل ما يدخل المصحه ويتحجز فيها وخرج وبدا المشاكل تانى معانا لاننا كنا معترضين يتجوز تانى وكنا عايزين نعرف الستات اللى اتجوزهم راحوا فين وكنا بنخاف ننام وهو فى البيت وامى غلبت معاه وتعبها

كتير واتسبب فى اذنا اكتر من مره وفى الاخر ماما قررت تطرده من حياتنا لانها ست كبيره ومش اد المشاكل اللى بيعملها وقاطنعه من ساعتها ومادخلنش شقته ولا نعرف عن حياته حاجه وانا لولا تعب امى وخاېفه ابقى لوحدى مكنتش جت ودخلت شقته تانى
زهره مبلمه ومش مستعوبه الموقف ومش عارفه تنطق وحركت لسانها ببطئ وقالتلها يعنى ايه يعنى من 5 سنين كان فى المصحه انا عرفته من 5 سنين وفضلنا اصحاب كتير وكان كويس وبيروح شغله مش هو مهندس بروضه
ندا يبقى عرفك بعد ما خرج من المصحه على طول هو دبلوم صنايع اصلا مش مهندس بس كان نفسه يبقى مهندس
زهره حطت ايدها على راسها يعنى ايه طب وليه يعمل معايا كده
ندا يعنى انقذنى نفسك قبل مايرجع
زهره وانا ايه اللى يثبتلى صحه كلامك وانك مش بتضحكى عليا
ندا ابتسمت ابتسامه بسخريه وقالتلها خليكى قاعده معاه وانتى هتعرفى لوحدك
زهره ارجوكى ردى عليا انا حامل منه ولازم اتاكد
ندا حامل !!!!
طلعت بطاقتها علشان تأكد لزهره انها اخته وقالت بصى كده اسمى ندا ايه وهقولك كمان على اسم المصحه اللى اتعالج فيها وروحى اتاكدى بنفسك وكمان روحى اتاكدى من اهالي الستات اللى اتجوزهم قبلك بس نصيحه الحقى اهربى قبل ما يحصلك زيهم بس انتى طولتى شويه معاه اهربى انتى باللى فى بطنك
زهره بان عليها الخۏف ومبقتش عارفه تعمل ايه ولا تتصرف ازاى بس حست ان ندا صادقه
ندا انا هقوم اشوف امى دلوقتى وهتصل بالدكتور بكره وهكلمك وادى رقمى انا
كمان وطلعت تليفونها وادت لزهره الرقم
وزهره مدت ايدها بالفون علشان ندا تسجل رقمها بس زهره مش شايفها ولا شايفه حاجه ومذهوله
ندا انا همشي بس متقوليش لبدوى انك شوفتنى ولا انا شوفتك
زهره اكتفت بس انها تهز راسها بالموافقه وهبدت نفسها على الكرسي
ندا اتجهت لوحدها للباب الشقه وخرجت
وزهره قاعده مكانها ماتحركتش
وحاسه ان رجيلها مش شايلها وقعدت ټعيط وعقلها عامل يودى ويجيب وبتفكر تعمل ايه دلوقتى تواجه بدوى وتعرف اتجوزها ليه وضحك عليها من الاول وليه عمل كده وهدفه ايه ولا تهرب وتنفذ حياتها زى ماقلتلها ندا وفى الاخر قررت تهرب الاول لانها مړعوبه منه وبدات تحاول تقوم بالعافيه علشان تدخل اوضه النوم تدور فى اوراقه وحاجاته يمكن تلاقي حاجه تفدها وتلم شنطتها وتمشي دخلت وبدات تدور وطلعت هدومها على السرير وهى حاطه الكرسي وواقفه علشان تدور فوق الدولاب على اى حاجه تخصه حست بحد وراها بتبص لاقيته بدوى وقالها انتى بتعملى ايه
زهره كانت هتقع من على الكرسي وقلبها دق جامد
راح ماسكها بسرعه بدوى وساعدها تنزل
وقالها مش تخلى بالك ايه اللى مطلعك فوق
كده
وكأنه عايز يقولها انا خاېف على الواد مش عليكى
زهره
بدأت تتهته اص اص اص
بدوى مالك فى ايه وايه
اصص دي
زهره فكرت بسرعه وقالت اصل

—

انا
لاقيت فأر وجرى دخل فى الهدوم جوه الدولاب وطلع فوق الدولاب وكنت بدور عليه وكنت خاېفه ومړعوبه
بدوى هز راسه وقالها فأر ! طب اقعدى اقعدى
وبيشاورلها تقعد على طرف السرير
زهره قعدت على طول واتنفست كأنها نجت من حبل المشنقه وبقه عقلها عامل يلف ويدور وخاېفه جدا من بدوى ومش عارفه اذا كان صدقها ودخلت عليه ولا لا وحاسه انها هى اللى خاېفه من المواجهه ومش هتقدر تقوله انها اكتشفت حقيقته
بدوى لم هدومها اللى على السرير وطلع شنطه سفر من تحت السرير وبحطهم فيها وبطلع هدومه هو كمان من الدولاب
زهره انت بتعمل ايه وصوتها بيترعش
بدوى زى ما انتى شايفه بلم هدومنا
زهره ليه ليه
بدوى هفسحك مش كنتى بتشتكى انى بسيبك كتير لوحدك انا خدتلك اجازه شهر وهنطلع اسكندريه النهارده
زهره النهارده !
بدوى اه ايه قليل ياحبيتى
زهره لا لا بس انا تعبانه ومش مستعده للسفر النهارده
بدوى هتستعدى هتعملى ايه يعنى اى حاجه محتاجها هجيبهلك من هناك اقومى البس يلا علشان نلحق نوصل وانا لمېت شويه حاجات وشوفى لو عايزه تزودى حاجه فى الشنط
زهره فكرت بسرعه ازاى تهرب من الموقف حطيت ايدها على بطنها وبصت لبدوى وقالتله اصل انت مش فاهم ابنك هو اللى مش مستعد من الصبح تعبانى ومش هيستحمل الطريق ده النهارده وكنت عايزه اكشف بكره اطمئن عليه وبعدها نسافر زى مانت عايز
بدوى راح قفل السوسته بتاعت الشنطه وبص لها وعمل نفسه صدق وقالها خلاص ياحبيتى اللى تشوفيه بس ريحى
وقرب منها وبقه ينيمها على السرير ورفع رجلها وغطها وقالها اصبرى اعملك حاجه تشربيها علشان الواد تلاقيه عطشان من الخضه وابتسم
زهره هزت دماغها بالموافقه وهى حاسه انها قدرت تضحك عليه
بدوى دخل المطبخ وفتح التلاجه وطلع علبه اللبن ومد ايده فى جيبه هو بيتلفت حواليه يشوف هى شايفه ولا لا وحط نقطتين من الازازه على كوبايه اللبن وخدها ودخل على الاوضه وقالها قومى اشربى ديه
زهره قالتله لا لا مش عايزه
بدوى مافيش لا اشربى علشان الواد يتغذى
زهره بدات تشرب لحد لما خلصت الكوبايه وبدوى متابع الكوبايه بعينه وهى بتشرب وقالها ايوه كده ارتاحى بقه
زهره بعد ماخلصت اغمى عليها وهو راح منزل الشنط فى العربيه وطلع شالها وحطها جوه العربيه وخدها وطلع وكل مايحس ان مفعول المنوم يرش من الاسبرى اللى معاه عليها علشان تفضل نايمة قبل مايوصل لحد لما وصل الاسكندريه وطلع بيت فى مكان بعيد عن الناس فى منطقه مهجوره كده وشالها وډخلها ودخل الشنط
بعد ساعتين زهره بدأت تفوق واحده واحده وتبص حواليها لاقيت نفسها على السرير وصنيه اكل جنبها فيها رز وحته فرخه وكوبايه لبن حاولت ترفع راسها من على المخده حسيت ان راسها تقيله ومش قادره نامت تانى وعينها عامله تلف فى الاوضه علشان تعرف هى فين وايه اللى جابها هنا وبدات تنده على بدوى
بدوى فتح الباب ودخل وقالها حمد لله على سلامتك بمنتهى البرود
زهره انا فين وجيت هنا ازاى
بدوى انتى فى بيتنا الجديد واللى جابك هنا انا اكيد ياحبيتى يلا كلى علشان الواد
زهره بتعلى صوتها من خۏفها واد ايه وزفت ايه انت ازاى تعمل كده انت خدرتنى
بدوى بمنتهى البرود لا لا متقوليش كده انا قولت اريحك من الطريق علشان ماتحسيش بيه واعملهلك مفاجاه
زهره مفاجاه ايه وانت ازاى تجبنى بالطريقه ديه وقامت قعدت
بدوى مد ايده على صنيه الاكل ومسك كوبايه اللبن وقالها اتفضلى كلى علشان ماكلتيش حاجه بقالك كتير واكيد الواد جعان وانا مش عايز ابنى يجوع
زهره زقت الكوبايه منه وقعت فى الارض اتكسرت وقالتله انا عايزه ارجع دلوقتى حالا رجعنى
بدوى ضحك بسخريه وقالها ترجعى ! ترجعى فين خلينا قعدين هنا مع بعض كام يوم هتتبسطى معايا اوى وابتسم ابتسامه استفزازيه
زهره بدات تقوم من على السرير وقالتله لا انا ماشيه هروح مش عايزه اقعد هنا
بدوى مسك دراعها جامد وعلى صوته انتى رايحه فين مافيش خروج من هنا لحد لما تولدى اوعى تفتكرى انى عبيط انا اختى لما اتصلت بيا جريت الحقها قبل ماتوصلك وتجيلى البيت وتقابلك بس شوفتها وهى نازله من عندك وعلشان كده روحت اشتريت المنوم ورجعتلك تانى وانتى فاكره نفسك ذكيه وهتقدرى تضحكى عليا
زهره بان عليها الخۏف وقالتله يعنى كنت بتضحك عليا طب ليه
بدوى ساب دراعها وقالها طب ما انتى كنتى بتضحكى عليا وفاكره نفسك اذكى منى وضحك ضحكه سخريه
زهره انت ليه اتجوزتنى ليه بتعمل فيا كده ذنبى ايه وذنب اللى اتجوزتهم ايه حرام عليك حرام عليك وبدات ټعيط بصوت عالى
بدوى بيقرب من زهره وبيعلى صوته كلكم كلاب عايزين المۏت ولولا اللى فى بطنك كان زمانى دفنتك من بدرى
زهره رجعت ورا وخاېفه اوى منه وقالتله ليه عملتلك ايه انا ماعملتش فيك حاجه وحشه
بدوى مافيش
ست مبتعملش حاجه وحشه كلكم عايزين الدبح ما انتى موتى عمر علشان حبك ولعبتى بقلب جاسر علشان حبك اوعى تفتكرى نفسك ملاك كلنا شياطين واللى يكسب فى الاخر
زهره لزقت فى الحيطه حرام عليك والله حرام عليك انا معملتش حاجه انا عايزه امشي من هنا وقعدت ټعيط والله هصرخ وهفضحك
بدوى ضحك وقالها صرخى من هنا للسنه الجايه محدش هيسمعك ويحس بيك احنا فى حته مقطوعه قبلك هنا ناس كتير ومحدش حس بحاجه هههههههههه
زهره صړخت وقالتله حرام عليك بتعمل فيا كده ليه
بدوى اسمعى الكلام وكلى عقبال ماجيبلك كوبايه لبن تانيه ونضفى اللى عمليته ده بسرعه
زهره مش هاكل الا لما اخرج من هنا لو عايز ابنك يعيش
بدوى
كده كده ڠصب عنك ابنى هعيش ولو جراله حاجه ھدفنك معاه دانا مستحملك كل ده علشانه
زهره بتخبط بايدها فى بطنها انا مش عايزه عيال منك
بدوى لوى ايدها وبدأ يزعق انتى هتقعدى هنا زى الكلبه لحد ما تجيبي العيل ساعتها بس ممكن اسيبك تعيشي وتخرجى من هنا اما لو مجاش
هخليكى تتمنى المۏت مليون مره
ومش هدوقيه انا هروح اجيب الاكل وراجعلك وفكرى فى كلامى كويس
زهره قعدت مكانها فى الارض وقعدت ټعيط ومش عارفه تعمل ايه
طلع بدوى حطلها الاكل وسبها وقالها متحاوليش تخرجى من هنا لانك مش هتعرفى اصل انا حولت البيت ده لسجن حصين كل واحده اجيبها هنا وتحاول تهرب من مخرج كنت بسده وانا جبت ستات غيرك كتير محدش قدر يهرب انا خارج وهرجعلك تانى خلى بالك من الواد وضحك وخرج وخد باب الاوضه فى ايده
زهره كانت بتبص له وهو بيتكلم والدموع فى عينها واول ما خرج قالت ربنا ياخدك ربنا ياخدك غور
وقعدت ټعيط اكتر وخبت راسها بين ايدها ال لحد لما تعبت من العيط ونامت على الارض
بعد ١١ ساعه
بدوي رجع تانى وفتح الباب لاقها نايمه على الارض وشعرها مغطى وشها خاف لاحسن يكون مغمى عليها
او حصلها حاجه ويتأذى ابنه خبط بجزمته رجلها ونده عليها انتى انتى زهره يااااازهره
زهره
بدات تفتح عينها و بتحط ايدها تسند دماغها لانها كانت حاسه ان دماغها تقيله
من كتر النوم والعياط والتعب وقالتله وهى خاېفه نعم نعم
بدوي ماكلتيش ليه ياهانم الاكل زى ماهو
والواد محتاج غذا اتنيلى اطفحى بالذوق بدل ما اكلك بطريقتى انتى لسه ماشوفتيش الوش تانى انا لحد دلوقتى طيب معاكى لولا الواد اللى بطنك ده كنتى شوفتى العڈاب الوان
زهره وهى بټعيط ليه ليه حرام عليك ليه بتعمل فيا كده
بدوى انتى تستاهلى اكتر من كده
ومد ايده وجاب صنيه الاكل وهبدها على الارض جنبها لدرجه ان ورك الفرخه اتنطر من الطبق

—

للصينه وقالها اطفحى هاخرج واجى الاقيكى واكله وراح ناحيه باب الاوضه وخرج
زهره قعدت ټعيط جاااامد وكانت مېته من الجوع ودايخه مدت ايدها وبدات تاكل والدموع نازله من عينها ومش شايفه كويس وبقيت تاكل وتوقع الاكل فى الارض لانها كانت جعانه جدا ومن تعبها مقدرتش تقوم من مكانها خلصت اكل ونامت جنب الاكل فى الارض وجنبها الرز مرمى فى الارض
فى صباح اليوم التالى دخل بدوى عليها الاوضه وقالها ايه القرف اللى عملاه ده ونايمه كده ليه ماتتخمدى فوق
زهره اټفزعت من النوم وبدات تهز راسها كتير وبحركه سريعه علامه الموافقه حاضر حاضر وبدات تلم بسرعه الۏساخه اللى فى الارض
بدوى انا ورايا شغل وشويه حاجات كده فى القاهره وهسافر وهقعد كام يوم هناك وكل حاجه عندك هنا والاكل هتلاقيه تحت فى التلاجه وهسيبلك باب الاوضه مفتوح ومتتعبيش نفسك اصلك مش هتعرفى تهربى زى ماقولتلك قبل كده
وابتسم ابتسامه سخريه وقالها عايز ارجع الاقي كل حاجه تمام والواد كويس فاهمه
زهره ماردتش عليه وباصله وبس
بدوى علي صوته اكتر بقولك فااااهمه ولا لا
زهره هزت راسها اكتر من مره حاضر حاضر
بدوى خرج وسابها وساب الباب مفتوح
زهره بطلت لم الحاجه وبقت مركزه مع خطوات رجله علشان تتاكد انه نزل وخرج لحد لما سمعت هبدت الباب اللى تحت قامت تجرى تدور على باب او اى مخرج تخرج منه من الچحيم ده لان من جواها رافضه تستسلم و تفضل الشهرين دول فى الچحيم ده وبعدين مش ضامنه لما تولد هسيبها تعيش ولا لا بقيت تجرى فى كل مكان زى المجنونه تدور على اى شباك او مفتاح او تليفون فى البيت ده بس مالاقتش اى مكان تخرج منه خالص فاقعدت تصرخ بصوت عالى يمكن حد يسمعها ويجى يساعدها ولما لاقيت مافيش امل قعدت على الارض مكان ماهى واقفه وقعدت ټعيط تانى
بعد مرور اسبوعين كانت زهره فقدت الامل فى انها تخرج من هنا حتى فقدت الامل فى الحياه نفسها وكانت حاسه وتشوف الشارع تانى وفكرت تنهي حياتها كتير بس كانت بترجع فى كلامها كل
مره تصعب عليها حياتها ومش بتقدر تنفذ خطه بس مع الوقت خدت على الوضع وبدات تتعود وتاكل وتشرب وتمارس حياتها ولكن وهى خاېفه ومستنيه المۏت فى اى لحظه
بدوى جه البيت وبيفتح الباب وهو بيتكلم فى الفون

وبيقول للشخص اللى بيكلمه فى الفون انا بس بقولك علشان تعمل حسابك من دلوقتى انك هتجى تولدها هنا اصل مراتى تعبانه ومش هقدر اجيبهلك وممنوع عنها الخروج خالص
زهره كانت فى المطبخ وكانت سامعه هو بيقول ايه وجتلها فكره لما شوفته بيتكلم فى الموبايل انها تحاول تسرق موبايله وتتصل ب ورد صاحبتها او جاسر يجى ينقذها بس مكنتش عارفه ازاى تقدر تضحك عليه وتاخده منه
بدوى زهره يا زهره انتى فين وبيبص على السلم وطالع لها فاكرها فى اوضتها فوق
زهره خرجت من وراه انا هنا عايز ايه منى وكانت مكشره
بدوى انتى لسه لويه بوزك يافقر يلا مش مهم وطوح ايده كده علامه الاستهتار
زهره ماردتش عليه وفكرت وقالت لنفسها لازم اضحك عليه علشان اخد الفون منه وراحت قالتله ممكن نتكلم شويه
بدوي وقف وقالها مش دلوقتى بعدين بعدين
زهره ارجوك اسمعنى انا محتاجه اتكلم معاك بقالى 4 ايام ماشوفتش حد وهتجنن مش لاقيه بنى ادمين ارجوك اسمعنى
بدوى وقف وبص لها نعم عايزه ايه اتكلمى واخلصى علشان جى تعبان ومش فاضيلك
زهره هو انا لو سلمتك ابنك زى مانت عايز هخرج من هنا وهتسبنى اعيش ولا هتقلتنى
بدوى لو الواد سليم هسيبك تخرجى من هنا بس بشروطى
زهره وانا ايه اللى يضمنلى انك مش هتموتنى بعد كده وبتتضحك عليا
بدوى مافيش حاجه تضمنلك ولازم تصدقنى علشان معندكيش حل تانى وضحك بسخريه عليها
زهره وانا هصدقك علشان نفسي تصدق معايا واخرج من هنا واشوف النور تانى انا مش عايزه اموت انا لسه صغيره
بدوى هز راسه وسابها وطلع فوق
زهره فكرت فى نفسها لما ينام هسرق موبايله
بالفعل نام وطلعت زهره تتسحب براحه علشان تدخل عليه وتسرق الفون من غير ما يحس بيها بس لاقيت الباب مش بيتفتح وعرفت انه قافله من جوه عليه بالمفتاح راحت دبه ايدها على الحيطه جامد من خيبه الامل اللى جتلها لدرجه ان ايدها وجعتها وراحت على اوضتها جرى وهى بتفكر ازاى تسرقه منه وهو حريص كده وواخد كل حذره ومش سايب لها فرصه قالت فى نفسها اكيد فى طريقه مش هييأس ابدا وقررت تراقبه علشان تشوف الفرصه المناسبه اللى هتعرف تسرق فيها الفون او المفتاح منه زهره فضلت تراقبه يومين بحالهم ولاقيته حريص جدا وباب اوضته اول ما بيخرج منها بيقفلها وراه ويحط المفتاح فى جيبه والفون فى ايده على طول
فدخلت اوضتها وقعدت على طرف السرير تفكر هتعمل ايه علشان تاخد الفون قبل مايسافر تانى وتترمى فتره تانى هنا
لوحدها ووصلت الا ان مافيش حل انها تاخد الفون والمفتاح غير بالعافيه لانها مش هتعرف تسرقه بسبب حرصه فقعدت ترسم الخطه فى دماغها هتعمل ايه معاه وانها كده كده ھتموت خاصه لو فضلت هنا كتير ولازم تعمل حاجه
تانى يوم زهره صحيت بدرى اوى وجريت على تحت علشان تدور على حاجه تحاربه بيها ودخلت المطبخ وجابت السکينه وجت تخرج من المطبخ حست انها مش هتقدر
تستخدمها ولو خدها منها هيبهدلها بيها وتخيلت هو ممكن يعمل ايه ساعتها فيها راحت راميه السکينه فى الارض وخدت رجل الطربيزه اللى كانت مكسوره وطلعت وقررت انه اول ما يصحى و يخرج من الاوضه تكون مستنيه جنب الباب تضربه بيه
وفعلا اول ما لاقيته خارج استعدت وضړبته على دماغه ووقع منه الفون خدته وضړبته تانى ودمه بهدل التيشرت الابيض اللى لبسه وخدت المفتاح من جيبه وجريت بس لاقيته مداخش ووقع من الخبطه ده بس مسك دماغه من الۏجع وبيحاول يقوم تانى علشان يحصلها وهى طلعت تجرى وبتصوت وهي بتجرى وقع منها المفتاح على السلم واتكعبلت ووقعت وتدحرجت كم سلمه ولاقيت نفسها بطنها وجعتها حطيت ايدها على بطنها وجت ترجع علشان تلحق تجيب المفتاح بسرعه لاقيته هو اقرب للمفتاح فسابت المفتاح وطلعت تجرى بسرعه تستخبى منه وهى بتحاول تتصل ب ورد صاحبتها
وجريت على المطبخ وهو وراها بس بطئ لان ومش متزن وهى كمان خطواتها مش سريعه
بسبب الحمل بس الخۏف مخيلها تجرى زى المجنونه ودخلت المطبخ وقفلته ووقفت وراه وزقت الطربيزه المكسوره تسند
بيها الباب وهى لسه بتتصل ب ورد لكن ورد مردتش عليها فبسرعه بدأت تتصل برقم جاسر وبدوى
عامل يزعق ويقولها هموتك والله هموتك واخليكى تبوسي
جزمتى
وهى عامله تصوت وتقول للموبايل رد رد بسرعه ونبي رد رد
فلاقيت الخط فتح
جاسر الو مين سيادتك
زهره الحقنى يا جاسر انا زهره الحقنى بدوى هيقتلنى الحقنى انا ھمو
وقعدت تصرخ
جاسر انتى فين انتى فين بسرعه
زهره مش عارفه مش عارفه وعامله تصرخ
جاسر حاولى تعرفى انتى فين
زهره بقولك مش هعرف ھموت والله ھموت
بدوى عامل يزق الباب والباب ضعف وقرب يتكسر وهيدخل يجبها من جوه وهى عامله تصرخ بصوت اعلى وتقوله الحقنى وجاسر هيتجنن عليها فقال لها افتحى ال بسرعه بسرعه و
نزلت الموبايل من على ودانها وايدها بتترعش وبتحاول تعمل اللى قالها عليه وعملته ولاقيت بدوى كسر الباب رميت الفون من ايدها وبقيت تزق فالباب جامد علشان ميدخلهاش بتبص لاقيت ډم كتير وبطنها بتتقطع سابت الباب وحطت ايدها على بطنها من الۏجع دخل بدوى زى المچنون ومسكها من شعرها وقعد يشتم فيها ويضربها بالاقلام ورمها فى الارض وقالها انا هموتك
زهرة كانت تعبانه جدا وبتحاول تزقه من عليها اللى كانت رمتها لما كانت بتفكر تضربه بيها مدت إيدها
جاسر فى الوقت ده كان اتصل بالبوليس وقدور يحددوا مكانهم فين والبوليس فى القاهره بلغ اقرب قسم شرطه ليهم فى الاسكندريه علشان يلحقوها وبالفعل الشرطه دخلت البيت وكسرت الباب ودخلت والاتنين مرمين على الارض طالبو الاسعاف ونقلوهم المستشفى
بعد 9 ساعات
جاسر قاعد جنب زهره فى المستشفى وهى بدأت تفوق وتفتح عينها
زهره انا فين
جاسر حمد لله على سلامتك انا قلقت عليكى جدا مكنتيش راضيه تفوقى وخرفتى كتير وانتى نايمه وندهتى عليا كتير
زهره هو ايه اللى حصل
جاسر الحمد لله انك بخير وربنا يعوضك ان شاء الله
زهره هو ابنى ماټ وقعدت ټعيط
جاسر مسك ايدها وقالها قدر الله وماشاء فعل الاهم انك بخير
زهره بدوى فين اتقبض عليه !!
جاسر لا طبعا
زهره ايه ليه
جاسر لانه ماټ والشرطه مش بتقبض على الامۏات وابتسمت
زهره اتنفست جامد وغمضت عينها
بعد خروجها من المستشفى رجعت لجاسر تانى وتم الزواج و خلفت ولد سمته عمر
تمت بحمد لله