ملك روحي القسم ال2 امل مصطفي
******
مشاعره قويه لو تركها لانتهت بين يديه هي وطفله وضعت يدها حول عنقه
حد الجنون ولم يعد يستطع تركها
وهي نسيت تعبها وجنينها أستسلمت له
لكنه تذكر كلام أخيه وتحذيرات الطبيبه
ابتعد عنها و جلس جوارها في محاوله السيطره علي رغبته
حبيبتي علاجك الساعه كام
تمتمت وهي تسيطر علي تسارع ضربات قلبها الساعه تسعه ثم أكملت بسؤال الساعه كام الوقت
حسام بصدمه الساعه واحده الظهر
شاركته صدمته مش ممكن إحنا نايمين من إمبارح العصر
ضمها حسام بنعوض الأسبوعين
يلا أدخلي خدي شاور علي ماجهز لك الفطار
هتفت بسعاده حسام باشا هيدخل المطبخ
تأملها بعشق انا أعمل أي حاجه علشان أميرتي
الجميله ترضي عني
ذهب حسام للمطبخ وهو في منتهي السعاده
رن فونه رفعه وجد مراد قد اتصل أكثر من عشر مرات ليرد وهو يهتف بضيق في أيه يا بني خمسين إتصال
أعمل إيه مش بطمن عليكم كنت قلقان
إحنا الحمد لله بخير لسه صاحيين
هتف بتعجب من امبارح يسهله يا عم إنتم نايمين في العسل وأنا ميت من القلق
تحدث حسام بملل أه والله أنا مش مصدق نمت إزاي كل ده إقفل أنا بجهز فطار لملك
وصله صوت أخيه المرح لا ونبي جد قول كلام غير ده حسام باشا بجلالة قدره واقف في المطبخ بركاتك يا ملك هانم
فيه إيه يلا ماتتعدل في الكلام
ابتسم مراد يجي أعدائك اللي بتخاف منك يتفرجوا
ولا الموظفين بتوعك العاملهم رعب يشوفوا
الباشا بتاعهم وهو في المطبخ
دا أنت هتبقي حديث الساعه ومثال للزوج الرحيم
حسام بغيظ مصطنع طيب إقفل أصل هطلع
روحك وتكون شهيد الساعه و خفه دمك قت*لتك
*************
يتبع
#ملك _روحي
#بقلم _أمل _مصطفي
#البارت _24
************
في منزل حاتم
جلس حاتم و نادا أخته رهف التي خرجت بسرعه من غرفتها تلبي نداء أبيها و أخيها الكبير وقفت أمامه بإحترام نعم يا أبيه
فتح لها ذراعه لترتمي بين أحضانه بفرحه كبيره فهو أخيها وابيها و سندها في الحياه بعد ربنا تعتبر لا تعرف غيره لقد توفي والدها وهي صغيره وتكفل حاتم بتربيتها
مرر يده علي خصلاتها بحنان وهو يردف بنوتي الحلوه كبرت ووقف علي باباها الخطاب
رفعت رأسها من علي كتفه في إنتظار الهدف من هذا الحديث
قابلتها ابتسامته وهو يخبرها جالك عريس
إعتدلت رهف بفزع إيه عريس أنا عايزه أكمل تعليمي
يا أبيه ولا حضرتك عايز تخلص مني
