أمنية أدم

أمنيه بصتله بتوهان وقلبها بقى يدق جامد

وادم قال….انتى لو كنتى معايا كنت أصحيكى على همساتى وأنيمك على لمساتى امنيه بصتله بغيظ

وادم قال …اه قصدى على بسماتى تنامى على بسماتى

امنيه قالت……انا مش عارفه ايه الى بيتقال دلوقتى علشان أقولو يعنى متلخبطه قوى

ادم رفع حاجبه بمعاكسه وقال…لابعد الكلام ده مابيتقالش حاجه بيتعمل حاجات

امنيه بصتله بتوتر و قالت ….وبعدين معاك اتلم شويه

ادم قال …حابب قوى نظرتك لما بغازلك وبتتوترى كده وتتلخبطى توترك ده الى مزود جمال خدودك بدره ربانى و كسوفك الى مزود جمالك همو,ت عليكى ياأمنيه

امنيه قالت بتوهان ….انا يعنى

ادم قال …عايزك ياأمنيه عايزك قوى وقرب منها وشالها وطلع بيها أوضتهم وتاهو سوا فى عالمهم الخاص وبعد وقت
امنيه كانت واقفه فى البلكون بتستنشق اكبر كمية هوا ممكنه و معاها مج نسكافيه بتشرب منه أدم وقف وراها وحط دماغه على كتفها

وقال…على طول بشوف الأطلاله من البلكون ده أول مره امبسط بالمنظر كده وأمنيه شربته من المج بتاعها

وقالت …فعلا الأطلاله جميله تسحر

ادم قال.. مش .هى الى تسحر انامكانتش تسحرنى من قبل دى عيونك الى تسحر بس معاكى مش عارف بس قطع جملته لما شاف نظرتها

قال….انتى واقفه هنا ليه واقفه هنا مخنوقه ولابتفكرى فى حاجه ولا فى حاجه مضيقاكى

امنيه قالت ….محدش يتخنق ولايزعل وانت معاه انا ببقى متطمنه قوى وانت معايا ياأدم بس انا كنت عايزه أقولك ان انا منفعش انك تكمل حياتك معايا انا كنت متجوزه قبلك وعندى بنت وبس

ادم قاطعها لما حط صباعه على شفايفها

وقال….انا مش فارق معايا انى اكون اول واحد فى حيات البنت الى هتجوزها انا كان نفسى اكون أول واحد فى حياتك انتى ياأمنيه بس عادى انتى مش ناقصه حاجه عن البقيه انتى اتجوزتى ومحصلش نصيب لانه غبى انت الى زيك تدخل القلب ويتقفل عليها تحط فى العين وتتغطى برموشها انا بس عايزك تبطلى تفكرى فيه انا عايز ابقى الوحيد الى فى قلبك

امنيه قالت…الوحيد والأخير

ادم قال…بس انا هفترى انا كان كفايه قوى على ان يكون ليا مكان فى قلبك قد مكان حجمه انا راضى بيه لوحتى قد قلبك كله

أمنيه ضحكت وقالت ….انت بتقول فيها ماأنت اخدتو كله

عارف ياأدم .انا الى شوفته فى السبع سنين الى فاتو دمرنى بس حاسه زى ماتكون علاج ليا ومع الوقت هتتعافى جروحى كلها على ايدك انا حاسه كده

أدم قال….انشاء الله ياروحى انا مش هخيب ظنك تعالى بقى بينا هنروح نجيب ملك واخرجكم جروجه تحفه

امنيه قالت بفرحه….جد ياأدم هنجيبها دلوقتى

ادم قال…اه هنجيبها دلوقتى ليه نتأخر وهتفضل معاكى على طول وهنعيش احنا التلاته سوااناوانتى وملك وانا قدمتلها فى مدرسه قريبه من هنا وهتدرس فيها علشان تكون جمبك وكده محدش هيقدر يبعدها عنك امنيه اتعلقت فى رقبته

وادم شدها ليه وقال…انا كل يوم لماأجيب ملك من المدرسه عايزك تقربى منى كده

امنيه ضحكت وقالت….هو انت الى هتجيبها

ادم قال ..انا هوديها وهجيبها أنا طبعا مش هقول انى زى أبوها بس هحاول على قد مأقدر انى أعوضها

امنيه قالت … ربنا يخليك لينا وانا هفضل قريبه منك على طول مش هابعد واصلا انا مش عايزاك تكون زى أبوها

ادم قال … انا هحبها علشان بنتك لأنى بحبك ياأمنيه

أمنيه قالت..وانا كمان بحبك بس يلا كده هنتأخر يلا بينا انا ملك وحشتنى قوى

أدم قال …. انتى أكتر

أمنيه قالت ….وحشتها أكتر

أدم قال ….لا وحشتينى انا أكتر أمنيه ضحكت وراحو سواو جابو ملك وبعد شويه كانو فى الملاهى وملك كانت بتلعب وأدم كان قاعد مع امنيه وبيتكلمو وقضونهار جميل وفى الليل اتعشو وكانو مروحين وملك كانت قاعده على رجل أدم وحاطه ايدها على ايده

وأدم قال بضحك …اوووملك هانم بتسوق بينا العربيه مش انا خالص بصى ياأمنيه شوفى ازاى قاعده صاحيه لحد دلوقتى مش نامت زى الأولاد المتعبين وبص لأمنيه

وقال…الى بينامو فى العربيه ويخلو الناس تشيلهم عارفاهم دول
ملك قالت.. انا عارفاهم دول عيال وحشين تلاقيهم كسلانين مايطلعو السلم ادم ضحك

وأمنيه بصتله بغيظ وقالت ….مش شرط ياحبيبتى يمكن يكون جالهم النوم عادى يعنى النوم سلطان

ادم قال…تمام صح هو النوم كده

وبعد شويه روحو وأدم قال …دى هتبقى أوضت ملك

ملك قالت …انا عايزه أنام معاكم

أمنيه قالت…لادى أوضتك نامى فيها انتى كبرتى

ادم قال …تعالى هنقعد جمبها لحد ماتنام يمكن وحشتيها انا عازرها الدقيقه فى بعدك سنه

أمنيه بصتله بغيظ وأدم بص للبنت وقال…مش ماما وحشتك يلا بينا وشالها ودخل بيها الأوضه وقعدو جمبها لحد مانامت وراحو أوضتهم ونامو هم كمان

فى صباح يوم جديد كانت ملك بتلعب فى الجنينه وادم وامنيه قاعدين فى الصالون وبيسمعو التلفزيون

امنيه قالت…شوف بقالى ساعه بنادى على ملك وقالت جايه و مش راضيه تاجى

ادم قال …يمكن مش سمعاكى انتى صوتك صغنون كده قولى بحبك حتى

أمنيه قالت …ايه دخل دى بصوتى بأن البنت مش سامعه كلامى

أدم قال….يعنى الصوت الحلو ده يقول بحبك حبى وحاجات كده بس ماينفعش مع الزعيق خالص

أمنيه قالت …بقولك سمعتنى وقالت جايه وطنشتنى

أدم قال ..اه خلاص بصى كده بينادو ازاى

وقال بزعيق ….ملك ياملك

امنيه ضحكت وقالت ..شوفت الصرخه حلوه

ادم بصلها بغيظ و قال….اش بطلى ضحك انتى يابت ياملك

أمنيه قالت بضحك ….خلاص بطل زعيق صوتك هيروح انا هطلع اجيبها واجى وطلعت تنادى عليها بس ملقيتهاش بقو يدورو عليها بس من غير فايده

امنيه بقت تعيط وأدم قال …يمكن راحت عند حد من الجيران انا هاروح اسأل عليها وراح سأل عليها بس محدش شافها وهم بيدورو جات رساله لأمنيه وكانت من هيثم

وقال… جيبى مليون جنيه علشان تاخدى ملك امنيه قعدت على الكنبه بدموع وادم وقف قصادها

وقال…هو ابوها مش هيئزيها صح

امنيه قالت….لاعادى الزفت الى بيشربو ده مش بيخليه يميز من الى معاه اصلا مره حط #على رقبتها علشان اديها الدهب بتاعى

ادم قال…طب ابعتيلو انك هتوديلو الفلوس واعرفى مكانو فين

امنيه قالتبغضب ….ابعت ايه انا هجبلو المبلغ ده منين ده عايز مليون جنيه

ادم قال…انتى بس اعرفى المكان وسيبى الباقى عليا انا تمام ياروحى اهدى هاجبهالك والله مش انتى قولتيلى انك مش بتخافى وانتى معايا وبتبقى متطمنه خلاص خليكى متأكده انى هاجيبهالك ماشى

أمنيه هزت دماغها بدموع وقالت….تمام وبعتت الرساله لهيثم وهيثم بعتلها العنوان