وجـ,ـع الحب هاجر عفيفي
: أنا بحبك يا أدهم بلاش الخطوبه عشان خاطرى
قالتها زينب برجاء وحزن
أدهم بضحك واستهزاء : أنتى بتهزرى صح يابنتى انتى مجنونه خطوبة إيه ال أوقفها انتى أختى يازينب بلاش التفكير المر”يض بتاعك ده
زينب انك”سرت اووى من رده وندمت أنها اعترفت ليه قالت بابتسامه مكسوره ودموع محبوسه : ا أنا بهزر يا أدهم بشوفك بتحب خطيبتك ولا لاء يلا بقا ياعريس اجهز وانا كمان اطلع اجهز عشان خطوبتك ياعريس
طلعت بسرعه على السلم قبل دموعها ماتنزل وتت”كسر قدامه تانى
أدهم بسخريه : فاكرانى هحبها على أخر الزمن هحب طفله الحق بقا اطلع اجهز عشان فرحي
وطلع هو كمان شقتهم
🌹🌹🌹🌹🌹🌹🌹🌹🌹🌹🌹🌹🌹استغفرووووا
زينب كانت نايمه على سريرها بشده بتعيط على كل الحب ال ضاع فى لحظه قاطعها من عياطها خبط على الباب وكانت بنت عمها واخت أدهم وصديقتها المقربه فتحت الباب واترمت فى حـ,ـضنها
علياء بخضه : مالك يابنتى بتعيطى كده ليه أهدى
زينب حكت ليها على كل حاجه وهى بتعيط بحرقه
علياء بعصبيه : برضوا قللتى من نفسك معاه أدهم أخويا بس هو دبش طول عمره
زينب بدموع : قولت اعرفه يمكن بيحبنى زي مابحبه يا علياء بس كسر”نى اووى
علياء طبطبت عليها بحنان وقالت : عارفه يابت يازوزو أنا مش موافقه على الخطوبه دى أصلا ولا ماما معرفش هو عجبه فيها ايه ده انتى قمر يابت وكمان احنا مش اتفقنا أن لازم غض البصر وتقلى كلام معاه عشان ده مش من محارمك يازوز اتفقنا ولا متفقناش ياختى😒
زينب بحزن : اتفقنا بس غصب عنى ياعلياء
علياء : لاء طبعا هتقدرى تنسيه قربى من ربنا اكتر وادعى ان يخرج حبه من قلبك ويرزقك بالزوج الصالح ال يحبك ويريحك ماشى
زينب بابتسامه : حاضر
علياء : ويلا بقا عشان اختار معاكي الدريس والخمار ال هتروحي بيهم الخطوبه
زينب : مش عايزه اروح
علياء بمرح : ولا أنا وحياتك بس هعمل ايه بقا قدرى وانا مش هروح من غيرك وبعدين عشان تثبتى فعلا انك مش بتحبيه وكمان تكوني مبسوطه يلا بقا تعبتيني
زينب ابتسمت وقامت معاها
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
فى الخطوبه
زينب دخلت مع علياء وكانت لابسه دريس فيروزى وخمار أوف وايت وكان شكلها قمر جدا وعلياء كانت لابسه دريس نبيتى وخمار أوف وايت برضوا
زينب بصت عليهم ومسكت دموعها وادهم عينه جت عليها وشافها انبهر بجمالها
عكس عروسته ال كانت لابسه دريس ضيق وشعرها مكشوف
زينب قعدت على الترابيزه وكانت متابعه الفرح بصمت
شاب جه عندها وقال بمرح : صحيح هو مينفعش رقم الوالد اصل عايزه ضرورى
زينب اتصدمت من الشاب ده وقالت بدهشه : عايز رقم بابا ليه ؟؟
الشاب رفع ياقة قميصه وقال بثقه : عشان هتجوز
زينب لسه هترد كان الشاب واقع على الأرض اثر الضربه ال خدها من أدهم
زينب بصدمه وغضب : انت اتجننت
أدهم بغضب : ……..
يتبع
هلاقي تفاعل ولا لاء عشان اكمل ؟؟؟
متنسوش ذكر الله ❤️
#وجع_حب
بقلمى #هاجر_العفيفى
دمتم فى حفظ الرحمن 💚شكرا على التفاعل يابنات❤️ البارت الثاني
زينب بصدمه وغضب : انت اتجننت !!!؟؟
أدهم بغضب : صوتك ميعلاش عليا وبعدين هو واقف معاكى ليه
الشاب وقف وقال بوجع : ايه يابنى اومال لو مكنتش صحبك وبعدين مالك بيها هى مش بنت عمك بس
ملك بغيظ : صحيح انت مالك يا ادهم بوظت الخطوبه وخلاص
زينب بصتله وقالت بعصبيه : وانت مالك بحياتى مش فاهمه
أدهم بغضب جحيمى : خلص الكلام وكمان الخطوبه هتخلص هى كمان
زينب بتحدى : دى حاجه ترجعلك بقا وتخصك إنما بقا انا حره فى حياتى اتفضل ياكابتن رقم بابا اهو وهو مسافر ولما يرجع تقدر تكلمه
شدت التلفون وكتبتله الرقم وقالت بعصبيه : انا ماشيه ياعلياء
سابت الفرح كله ومشيت تحت صدمة الجميع وعلياء جريت وراها
أدهم بصلها بغضب وقال بعصبيه : خاااالد عايزك
خالد بصله بخوف من ال هيحصل ومشى وراه
ملك كانت واقفه مكسوفه من نظرات الناس جدا واتعصبت من أدهم أكتر
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
زينب بعصبيه : شوفتى ال اخوكي عمله فض”حنى قدام الناس
علياء بتوتر : و والله يابنتى معرفش عمل كده ازاى
زينب : قولتلك مروحش وبرضوا صممتى
علياء : مكنتش اعرف ان ده كله هيحصل وبعدين خالد كان بيقولك ايه عشان كده ادهم اتعصب
زينب باستغراب : هو انتى تعرفيه منين
علياء : علشان هو صاحب أدهم
زينب بصدمه : صاحبه ؟؟
علياء بتنهيده : ايوه
زينب بتوتر : برضوا مش مبرر أن يعمل كده
علياء بغمزه : مش يمكن بيحبك
زينب بسخريه : أدهم لو اخر واحد فى العالم انا مش هتجوزه ابدا اكتر واحد جرحنى وانتى عارفه كده
علياء بحزن : طب يلا نمشي
زينب بتنهيده : يلا
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
أدهم بغضب : وقفت معاها ليه
خالد ببرود : عشان اخد رقم والدها واتقدم ليها
أدهم : والاستاذ مقالش ليا ليه قبل لما يعمل كده انت مش عارف انها بنت عمى
خالد بلامبلاه : والله انا قولت اخد رأى صاحب الشأن وبعدين انت متضايق ليه انا مش عارف وكمان سيبت خطيبتك وعملت ده كله ليه انت مش عارف الناس هتقول ايه دلوقتي على الهبل ال عملته ده
أدهم بتوتر : ع عشان
خالد بسخريه : بتحبها
أدهم بصدمه : لاء طبعا أنا بس بخاف عليها وكمان
قاطعه خالد وقال : طالما مش بتحبها يبقى سيبها تشوف حياتها متبقاش انانى يا أدهم
أدهم بغضب : أنت مش فاهم حاجه هى لسه صغيره على الكلام ده كله
خالد بضحك : انت مصدق نفسك بجد فوق يا أدهم وروح شوف ملك ال انت خليت شكلها قليل قدام الناس ونصيحه منى ملكش دعوه بزينب تانى
أدهم بعدم فهم : قصدك ايه !؟؟؟
خالد بتحدى : أن هتقدم لزينب وهتجوزها يا أدهم وساعتها مش هيكون ليك الحق انك تشوفها حتى مفهوم
خالد سابه ومشي وأدهم اتعصب منه وقال بوعيد : مش هسيبها ليك ياخااااالد مش هسيبهاااا
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
فى منتصف الليل
زينب كانت بتعيط على ال بيحصل أدهم مصر يبوظ ليها كل حاجه مش كفايه كسرها وكمان مش عايزها تعيش زيه
قاطعها من تفكيرها صوت التلفون وكان والدها
زينب مسحت دموعها واتكلمت بصوت طبيعى : السلام عليكم
والدها : وعليكم السلام ورحمة الله وبركاته عامله ايه ياحبيبتى وحشتيني والله
زينب بحزن : وانت كمان يا بابا هتنزل امتى بقا
والدها بحب : خلاص هانت اهو وبالمره اقابل العريس ال متقدملك
زينب بتوتر : ع عريس مين
والدها : خالد صاحب أدهم كلمني وقالى عايز يتقدم ليكى وانا وافقت انتى رأيك ايه
زينب بتحدى : انا موافقه يا بابا
يتبع
تفاعل يابنات ❤️
متنسوش ذكر الله ❤️
#وجع_الحب
بقلمى #هاجر_العفيفى
دمتم في حفظ الرحمن 💚شكرا على التفاعل يابنات❤️ البارت الثالث
زينب بتحدى : وانا موافقه يابابا
والدها باستغراب : من غير ماتقابليه حتى
زينب بثقه : أيوه
والدها : ماشى يا حبيبتى ال يريحك عايزه حاجه
زينب بتنهيده : مع السلامه ياحبيبى
قفلت مع والدها وحطت التلفون جمبهاا وقالت : ياترى انا غلطانه فى موافقتى وهظلمه معايا ولا ايه
سكتت شويه وقالت بتحدى : بس لاء انا هنسى أدهم خالص وهخرجه من حياتى وهبدأ من جديد
نامت على السرير وبتحاول تهرب من التفكير
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
تانى يوم
ملك بعصبيه : كويس يعنى ال انت عملته امبارح فى الخطوبه ده
أدهم بشرود : ملك انا مش فايقلك
ملك بغضب : اومال فايق لست زينب بس صح
أدهم بعصبيه : يووووه ملك ايه النكد ده مش ناقصك
ملك : هو أنت فاكر ال عملته سهل انت فضحتنى فى وسط الناس يوم خطوبتى يعنى مش سهل
أدهم كان لسه هيرد تلفونه رن برقم عمه رد عليه وقال : ازيك ياعمى عامل ايه
والد زينب : الحمد لله يابنى انت عامل ايه
أدهم : الحمد لله
والد زينب : معلش يابنى كنت عايز أسألك على حاجه
أدهم : اكيد طبعا اتفضل ياعمى
والد زينب : كنت عايز أسألك على خالد صاحبك وانت اكتر واحد عارفه طبعا
أدهم بعدم فهم : وحضرتك بتسأل عليه ليه
والد زينب : عايز يتقدم لزينب ياحبيبى وانا طبعا مسافر دلوقتي وانت اخوها برضوا يعنى ساعدنى
أدهم قبض على ايده بغضب مكتوم وقال : اه طبعا ماشي ياعمى معلش هكلمك بليل عشان دلوقتي انا فى الشغل
والد زينب : ماشى يابنى وانا مستنيك
أدهم قفل معاه وكان عيونه حمره جدا
ملك بسخريه : ايه مالك
أدهم مردش عليها وطلع من المكان وطلب رقم خالد وبعد وقت رد عليه
خالد ببرود : ازيك يا أدهم
أدهم بغضب : برضوا عملت ال فى دماغك
خالد بتمثيل مصطنع : ال هو ايه ؟؟
أدهم بعصبيه : انت عارف ياخالد متستع”بطش
خالد : انا مش عارف ايه ال مزعلك انت مش خطبت
أدهم : متغيرش الموضوع
خالد : هو ده الموضوع عيش الواقع بقا وخليك فى حالك
قال كلامه وقفل التلفون
أدهم بغضب : ماااااشى ياخااااالد
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
زينب كانت خارجه من الكليه ومستنيه علياء تخلص المحاضرات
زينب بتأفف : يوووه ده كله ياعلياء
ملك جت من وراها وقالت بغضب : مش عيب عليكي تبقى خطا”فة رجاله
زينب بعدم فهم : انتى قصدك ايه
ملك بغضب : عامله نفسك محترمه وانتى واحده متربتش بتخطفى خطيبى منى ليه عشان سابك وخطبنى انا صح انتى مش شايفه نفسك ولا ايه انا حلى منك مليون مره
زينب بعصبيه : انتى مجنونه ولا ايه يابت انتى
ملك بعصبيه : انا ستك ياحبيبتى والله العظيم لو قربتى من أدهم هقت”لك فاهمه يعنى ايه هقت”لك
أدهم بغضب : مللللك
ملك بتوتر
يتبع
تفاعل يابنات❤️
متنسوش ذكر الله ❤️
#وجع_الحب
بقلمى #هاجر_العفيفى
دمتم في حفظ الرحمن 💚شكرا على التفاعل يابنات❤️ البارت الرابع
أدهم بغضب : مللللك
ملك بتوتر : أ أدهم !!!؟؟
أدهم قرب منها وقال بغضب : ايه ال جابك هنا
ملك بقوه مصطنعه : وانت ايه ال جابك هنا
أدهم بعصبيه : انتى هتردى على سؤالى بسؤااال امشي من وشى دلوقتى ياملك ولينا حساب تانى يلاااا
ملك خافت من صوته ومشيت بدون كلام وزينب كانت بتبصله بجمود
أدهم بهدوء مخيف : ممكن نتكلم
زينب ببرود : مفيش بينا كلام
أدهم بعصبية : زينب لازم نتكلم ضرورى
زينب بعصبيه : انت عايز منى ايبيه ها مش كفايه ال عملته ومش كفايه ال خطيبتك عملته دلوقتى وفضح”تنى قدام الناس وتقولى ياخطا”فة رجاله وده كله بسببك يا أدهم
أدهم كان هيرد قاطعه صوت علياء ال خرجت بسرعه على صوتهم
علياء باستغراب : في ايه ياجماعه ايه ال حصل وانت جيت هنا ليه يا أدهم
زينب : انا ماشيه ياعلياء هتمشى معايا ولا مع أخوكى
قالت كلامها وهي بتبعد وعلياء بصت على أدهم ال واقف بدهشه وجريت وراها
أدهم بهدوء : انتى ال هتضطرينى أعمل كده يازينبب
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
علياء وهى بتنهج : يابنتى أهدى بالراحه مش قادره أجرى وراكى
زينب وقفت وقالت : أخوكى مش عايز يسيبنى فى حالى ياعليااااء
علياء : طيب فهمينى ايه ال حصل انا مش فاهمه حاجه
زينب حكت ليها كل ال حصل وال ملك عملته
علياء بصدمه : دى مجنونه رسمى
زينب بدموع : أخوكى ال أداها فرصه انا تعبت اوى ياعلياء اووى
علياء خدتها فى حـ,ـضنها وقالت بحزن : أهدى ياحبيبتى تعالى نروح عشان ترتاحى شويه وبعدين نتكلم
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
خالد بشر : مش هسيبها لأدهم مهما كان ال هيحصل
مازن بسخريه : وانت فاكر أدهم هيسيبك
خالد بغضب : وهو عايز ايه تانى مش كفايه هي مش شايفه غيره فى حياتها اخد فرصتى بقا مره فى حياتى
مازن بضيق : انت ازاى كده ها ده صاحبك يابنى وانا وانت عارفين ان هو بيحبها من زمان بس بيكابر
خالد ببرود : وهو راح خطب وخلاص يبقا زينب هتكون ليا
مازن وقف وقال : بلاش تخسر صاحبك ياخالد أدهم ميستاهلش منك كده ابدا
قال كلامه ومشى من المكان خالص
خالد بسخريه : مش هخليك تفرح يا أدهم ابدا
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
زينب كانت خارجه من البيت بليل عشان تتمشى شويه فضلت ماشيه على البحر وهى شارده وفجأه جت واحده ست قربت منها وقالت : تعالى يابنتى ساعدينى بس ادخل الشنط دى العربيه
زينب مشيت معاها وهى مش عارفه نواياها ولما قربت من العربيه ولسه زينب هتشيل الشنطه الست حطت منديل على بوقها وزينب أغمى عليها وركبتها العربيه
وطلعت التلفون ورنت على رقم
الست : ايوه ياباشا كله تمام
ضحك بانتصار وقال : مش هتكونى غير ليا يازوزو هانت
يتبع
ياترى مين ال خطفها أدهم ولا خالد ؟؟؟ توقعاتكم❤️
متنسوش ذكر الله ❤️
بقلمى #هاجر_العفيفى
دمتم في حفظ الرحمن 💚شكرا على التفاعل يابنات ❤️ البارت الخامس
زينب فتحت عيونها ببطئ وشافت مكان غريب والواضح أن هو مخزن استغربت جدا واتصدمت لما شافت أدهم واقف قدامها
زينب بصدمه : أدهم !!!!؟
أدهم بسخريه : عامله ايه يازوزو
زينب بعصبيه : انت جايبنى هنا لييييه وبتعمل معايا كده ليه
أدهم ببرود : عشان متتجوزيش خاالد
زينب بحده : وانت مالك دي حياتي انا عايز مننننى ايييييه تاااانى
أدهم بغضب : مش هسيبك تتجوزيه يازينب مستحيل
زينب بصتله بحزن وقالت : أدهم متكر”هنيش فيك أكتر من كده
أدهم بصدمه : انتى بتكر”هينى !!!!
زينب حست أن هو اتضايق كملت ببرود : انا محبتكش اصلا عشان اكر”هك انت مجرد ابن عمى واخويا وبس يا أدهم
أدهم اتعصب من كلامها وقال بغضب : كداابه انتى قولتى انك بتحبيني
زينب : قولتلك كنت بهزر روحنى يا أدهم من غير مشاكل كفايه اووى لحد كده
أدهم بجمود : مش هتخرجى من هنا غير وانتى مراتى
زينب بخوف : ق قصدك ايه
أدهم ببرود : المأذون على وصول يازوزو
زينب بصدمه : وانا مش موافقه طبعا مش بمزاااجك
أدهم : ولا بمزاجك برضوا
زينب : لو انا موافقتش جوازنا هيكون باطل
أدهم : انتى هتوافقى برضاكى أو غصب عنك
قال اخر كلامه وخرج وهى بصتله بحزن
زينب بدموع : يارب خرجنى من هنا على خير يارب
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
علياء كانت واقفه تحت بيت زينب
علياء بقلق : ياترى انتى فين يازينب مبترديش ليبيه
خالد من خلفها : مساء الخير
علياء بتوتر : م مساء النور
خالد : عامله ايه
علياء : تمام الحمد لله
خالد باستغراب : مستنيه زينب ولا ايه !!!؟
علياء بقلق : ايوه وطلعت خبطت عليها مردتش وواحده من الجيران قالتلى أنها خرجت وبرن عليها فونها مقفول
خالد بقلق : ط طيب هى متعوده تروح فين
علياء بحزن : البحر
خالد ‘ طب تعالى نشوفها هناك
علياء : روح انت وانا هروح وراك
خالد بدهشه : ليه يابنتى عربيتى معايا يلاا
علياء : لاء طبعا مينفعش اركب معاك وانت غريب عنى عن أذنك
سابته ومشيت وهو استغرب ردها ومعلقش وركب عربيته وراح يطمن على زينب
علياء جه فى بالها أدهم رنت عليه وقالت بخوف : انت فين يا أدهم
أدهم بقلق : مالك
علياء بدموع : زينب مش لاقياها يا أدهم
أدهم بهدوء : أهدى زينب معايا ياعلياء متخافيش
علياء بصدمه : معاك بتعمل ايه !!!
أدهم بعصبية : حاجه متخصكيش اطمنتي عليها وخلاص
علياء لسه هترد قفل فى وشها قلبها وجعها على صحبتها وخافت أدهم يتهور معاها جه فى بالها خالد ركبت تاكسي بسرعه وطلعت على مكان خالد لأنها متعرفش رقمه
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
أدهم بحزن : زينب
زينب بصتله بدموع وقالت : أدهم مش هتجوزك أرجوك متغصبنيش
أدهم بغضب مكتوم : اومال هتتجوزى خالد صح
زينب بدموع : خالد مأذنيش زيك
أدهم بغيره : هو مش بيحبك هو بيعاند معايا بس
زينب بحزن : وانت هيعاند معاك ليه انت واحد خاطب وهو عايز يخطب ويشوف حياته ايه العند ال فى الموضوع
أدهم بانفعال : مبحبهاش والله مش بحبها انا بحبك انتى والله العظيم بحبك انتى
زينب بصدمه : بتحبنى
أدهم بحزن : ايوه بحبك انتى بس كنت خايف عليكى
زينب بذهول : خايف عليا من ايه وضح كلامك يا أدهم
أدهم كان لسه هيرد الباب اتكسر ودخل منه خالد وعلياء جريت على زينب وعيطت
وادهم اتصدم
علياء بدموع وحـ,ـضنت زينب : انتى كويسه
أدهم بغضب : انتوا ايه ال جابكم هنا
خالد بشر : جاى اخد خطيبتى من المكان ده
أدهم ضربه فى وشه بغضب وقال : اخرر”رس متقولش خطيبتك زينب مش هتكون لغيرى
خالد مسك مكان الضربه وقال ببرود : والله هى ال تحكم تختار مين فينا
زينب بصتله بعدم فهم
خالد بهدوء مريب : اختارى واحد فينا يا زينب وهنحترم قرارك النهائى
زينب بصتلهم الاتنين وهى فى حـ,ـضن علياء وبتعيط وادهم كان خايف من رد فعلها وخالد كان واثق أنها هتختاره لأن أدهم جرحها كتير وهى هتكون عايزه تجرحه
أخيرا نطقت زينب بجمود : ………
يتبع
ياترى زينب هتختار مين فيهم وليه ؟؟ وكمان ليه أدهم قالها انا خايف عليكي ؟؟؟؟ توقعاتكم
متنسوش ذكر الله ❤️
#وجع_حب
بقلمى #هاجر_العفيفى
دمتم في حفظ الرحمن 💚شكرا على التفاعل يابنات❤️ البارت السادس
زينب بجمود : مش هختار ولا واحد فيكم
ردها صدمهم كلهم ماعدا علياء
خالد بحده : انتى بتقولى ايه طيب أنا لاء ليه انا هتقدم وهدخل البيت من بابه مش بلعب بمشاعرك زى ناس
قال اخر كلامه وألقى نظره على أدهم ال واقف مصدوم
زينب بسخريه لأدهم : وانت مش عايز تضيف حاجه انت كمان
أدهم برجاء : ز زينب انا حكيتلك ظروفى كلها ناقص جزء بسيط اووى أرجوكى ادينى فرصه وصدقينى مش هتندمى
زينب بانفعال : كلكم كدابين كلكم كداااابين أنت يا أدهم أكتر انسان جرحتنى رغم انك كنت عارف بحبى ليك بس مهتمتش ودوست على قلبى وكرامتي وروحت خطبت ودى ملهاش مبرر أظن وانت يا أستاذ خالد يال اتقدمت وهتدخل البيت من بابه أنت فاكر أن ممكن أوافق عليك بعد ماعرفت خيا”نتك لصاحبك
كلهم اتصدموا من كلامها وهى كملت وقالت بهدوء : سمعتك وانت بتتفق مع واحد فى فرح أدهم أنك هتحاول تاخد منه كل حاجه عشان بتكر”هه وكمان ملك تبعك وانت ال بعتها عشان تشغل أدهم وتاخده للطريق الغلط هى دى الصحاب فعلا عاش
خالد بتوتر : ا انتى كدابه
أدهم بصدمه : انت تعمل ده كله يا خالد انا افتكرت أنها هتيجي بس على انك تاخد منى زينب عند فيا لكن تعمل فيا كده انا ياخاااالد
خالد بتوتر : انت هتصدقها وتكذب صديق عمرك يا أدهم
أدهم ضر”به بالقلم على وشه وقال بغضب : وصديق عمرى طلع خا”اااين عملتلك ايه عشان تعمل فيا كده انا كنت اكتر واحد بيقف جمبك لييييييه
خالد زقه وقال بغضب : عشان بكر”هك يا أدهم ومتساألش ليه عشان معنديش اجابه انا من وقت ماقابلتك وانا بكرهك مبحبش ليك الخير معرفش بقا دى غيره ولا حقد بس انا مش بحبك ولو اطول اخد كل حاجه تخصك هعمل كده
كلهم مصدومين من الح”قد وال”كره ال عنده ده كله
أدهم بصله بخذلان وقال : ياخساره ياصحبي أو يال كنت فاكرك صحبي ياخساره
أدهم خرج من المكان وهو حزين على ال شافه من خالد ال كان زى ضله فى كل حاجه
زينب بقر”ف : انت ازاى كده
خالد بسخريه : والله ملكيش فيه حياتى وانا حر
علياء : يلا يازينب نمشى من المكان ده
خالد ببرود : اعملى حسابك أن مش هسيبك يازينب
سابهم ومشي وزينب خرجت مع علياء وركبوا تاكسى وطلعوا على البيت وهما قلقانين على أدهم جدا لانه خارج زعلان
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
أدهم كان واقف على البحرر ومحدش موجود صرخ بأعلى صوته وقال : ااااااااه الخذلان وحش أوووى وخصوصا من أقرب الناس ليك اااااااه ليه بس كده ليييييه
قعد على الصخره وفضل يرمى الزلط فى البحر بعنـ,ـف ودموعه نازله على كل حاجه بتضيع من ايده وعلى كل حاجه بتحصل معاه
تلفونه رن برقم خالد طنشه ورن اكتر من مره رد بعصبيه وقال : ليك عين تتكلمي تانى ا
قاطعه صوت راجل غريب بيقول : الاستاذ صاحب التلفون ده عمل حا”دثه وهو دلوقتي فى المستشفى
أدهم بقلق : مستشفى ايه بسرعه !!!!
الشخص : ……..*
أدهم : تمام أنا جاى مسافة السكه
قام بسرعه ركب عربيته وطلع على العنوان ووصل المستشفى ودخل سأل على الأوضه ووصل عندها والدكتور سمح ليه يدخل عنده
أدهم بحزن : خالد
خالد بصدمه بتعب : أدهم !!!
أ.هم قرب منه وقال : الف سلامه عليك
خالد بدموع : بتعمل معايا كده ليه
أدهم بابتسامه : عشان ده واجبى ناحيتك
خالد تنهيده : مش هقدر امشي تانى ذنبك اترد يا أدهم
أدهم بحزن : مقدرش اقول ان سامحتك بس بحق العيش والملح ال بينا هقف جمبك لحد لما ترجع لحياتك وبعدها متعرفش حد اسمه أدهم تانى
قام وقال ولسه هيمشى قاطعه صوت خالد وهو بيقول : أدهم
أدهم غمض عيونه وقال : مش هقدر صدقنى مش هقدر
قال اخر كلامه وخرج من الأوضه ومن المستشفى بأكملها
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
زينب بصدمه : بتحبيه !!!؟
علياء بحزن : ايوه بس خلاص بعد ال سمعته النهارده وال عمله فى أدهم انا كر”هته اووى
زينب ومقولتيش ليا ليه ده كله
علياء وقفت وقالت : علشان مكانش حب يا زينب كان مجرد اعجاب وراح لحاله
زينب قاما حضـ,ـنتها وقالت : ربنا يعوضك بشخص شبهك خالد مش شبهك يا لولو
علياء ضحكت وحضـ,ـنت زينب
أدهم بحمحمه : احم ممكن ادخل
علياء : اتفضل يا أدهم
أدهم بخجل : ممكن نتكلم انا وانتى يازينب
زينب بجمود : نعم اتفضل
علياء : هدخل اعمل عصير
زينب بحده : لاء خليكى عايز ايه يا أدهم
أدهم برجاء : تسامحينى
زينب بسخريه : على ايه بالظبط
أدهم بحزن : على كل حاجه أنا كنت خايف عليكى يازينب انا أكبر منك ب عشر سنين ده مش قليل كمان مرديتش اعلقك بيا قولت تشوفى حياتك مع واحد قريب من سنك بس مجرد لما فكرت انك هتكون لحد غيرى مقدرتش عشان كده وقفت جوازك من خالد وكمان سيبت ملك عشان بحبك والله بحبك سامحينى يازينب
زينب بدموع : هو أنت عندك ١٠٠ سنه يعنى الجواز مش بالسن يا أدهم ده بالموده والرحمه والحب وبعدين انت لسه عندك ٣٠ سنه يعنى شباب دى حجه انت بتوهم نفسك بيها
أدهم : والله أبدا بس حقيقى انا كنت خايف عليكى من نفسى عشان خاطرى ادينى فرصه اعوضك عن كل شئ
زينب كانت بتعيط فى حـ,ـضن علياء ومردتش عليه
أدهم عرف انها مبقتش تحبه ومحبش يضغط عليها لف وكان ماشى والحزن هو عنوانه بس وقف على صوتها
زينب بدموع : أدهم
أدهم وقف مكانه وقال : نعم يازينب
زينب بدموع : موافقه اديك فرصه
أدهم لف ليها وقال بفرحه : بجد يازوزو الحقينا بالمأذون ياعلياء
زينب ضحكت من وسط دموعها
بارك الله لكما وبارك عليكما وجمع بينكما في خير
قال المأذون جملته وادهم جرى على زينب حضـ,ـنها بحب وفرحه
مسك وشها بين أيديه وقال بحب : بحبك يازوزو والله ربنا يحفظك ليا واقدر اعوضك عن كل شئ
زينب بخجل وحب : وانا كمان بحبك اوى يا أدهم
أدهم حضـ,ـنها تانى وقال : روح وقلب أدهم والله
تمت بحمد الله ❤️ رأيكم يابنات
متنسوش ذكر الله ❤️
#وجع_حب
بقلمى #هاجر_العفيفى
دمتم في حفظ الرحمن 💚
