رواية صقر و شمس

اتكلمي براحتك انتي من دلوك حرة
شمس بصت له بثواني وبعدين ابتسمت بهدوء وسندت راسها على الإزاز
شكرا بجد شكرا يا ابن عمي
صقر بص قدامه تاني و سكت شوية وبعدين سمع صوت أنفاسها بدأت تهدى
شمس بصوت ناعم متقطع وهي بتغفل
كنت فاكرة عمري ما هخرج من البيت دا بس انت انقذتني
صقر بصلها وشاف عينيها مقفولة ووشها مرتاح لأول مرة فابتسم ابتسامة صغيرة جدا كأنها فيه حاجة عمره ما حسها قبل كده
صقر بهمس وهو بيكلم نفسه
غريبة بس مش زي أي غريبة شوفتها
شهيرة بصوت عالي وهي واقفة قدام عرفان
يعني إييييييه! يعني إييييه يا عرفاااان! بتتجوز عليا!
تتجوز عليا أنا!أناااا!
عرفان بصوت ثابت
اهدى يا شهيرة مش ناجصين فضايح وبعدين الموضوع ده من سنين وانتي خابرة زين ان ده كان هيحصل فبلاش تكبري المواضيع
شهيرة پغضب وانفعال
هو انت لسة شوفت فضايح اياك ده انا هخلي اللي مايشتري يتفرج بجي أنا اللي شايلة اسمك على كتافي من يوم ما كنت ولا حاجة!
تيجي دلوقتي تجولي اتجوزت
عرفان پغضب
احترمي نفسك يا ولية وصوتك ميعلاش وايوة اتجوزت يا شهيرة ومن سنين ولو كنتي مستحملاني فمتنسيش انك اتجوزتيني من الاساس عشان انا كنت اخو العمدة
واحمدي ربنا اني أنا جيت جولتلك بنفسي ولا خليتك تسمعي من بره
شهيرة ضحكت بسخرية
وجيت جوللتلي ليه دلوك يا عرفان يعني بما اننا بنتحدت عالمكشوف وانت خابر انا اتجوزتك ليه
عرفان بسخرية
زين انك اعترفتي عموما مرتك الله يرحمها وبتي صقر جايبها وجاي عشان تعيش ويايا واسمعي يا شهيرة انتي هتعاملها زي
والا والله هتشوفي وش عمرك ما شوفتيه جبل سابج
شهيرة بصوت مكتوم من الغيظ
يعني مش بس اتجوزت عليا
وكمان مخلف وجايبها هنا!
جدااامي وكمان بتطلب مني أعاملها زين مش اكده
عرفان بجدية
أنا جولتلك لأني اعرف الاصول
والراجل مايخبيش اه خبيت زمان بس ده عشان كنت خابر انك مش هتسكتي ومش عشان رايداني ولا غيرانة لا عشان انتي عمرك ما تعرفي غير الطمع
وكل حاجة عندك مصالح
كل حاجة عندك فلوس وشياكة وبيت ومين اللي شايفك
شهيرة پغضب وسخرية
طب ولما انت شايفني من زمان عفشة اكده وافجت ليه واتجوزتني
عرفان بتنهيدة
عشان النصيب يا شهيرة وعشان ابوي كلمته ماينفعش تترد ابدا
واللي اتجوزتها علي فكرة دي ست غلبانة وأنا لما اتجوزتها مكنش عشان حب ولا غرام اتجوزتها عشان نفسي في ضنا في بيت فيه ضحكة عيل بس هي عرفت تخليني اتعلج بيها ويكفي انها مكنش فارق معاها الحاه ولا المال
شهيرة بغل
طيب يا عرفان ربنا يهني سعيد بسعيدة مش عملت اللي

—

يلد عليك خلاص
عرفان
أنا جولت اللي عندي يا شهيرة
وليمي عندي المعاملة الزينة بس لو اتعرضتي للبنت أو جرحتيها بكلمة ما تلوميش إلا نفسك
شهيرة بصوت واطي مليان ټهديد
متجلجش والله ما هتعدي الليلة دي على خير يا عرفان
وأنت حر عشان أنا مش الست اللي تنضر*ب علي قفاها وتسكت
عرفان بصلها بقلق شوية وقرر يخرج قبل ما تكمل انفـ,ـجارها فيه بس عينه كان فيها قلق واضح وهو بيهمس لنفسه
يا رب تعدي الليلة دي على خير
وصل صقر وشمس البلد وكانت هي بتتفرج عالطريق باستمتاع وهي فرحانة زي العيلة الصغيرة وشوية و صقر وقف قدام البيت ونزل وفتح الباب لشمس اللي نزلت بتردد وعنيها بتدور حوالين المكان بشغف وقلق
شمس بهمس مرتبك وهي بتبص للبيت
هو ده بيت بابا يا صقر
صقر بابتسامة
أيوه يا شمس هو ده دارك من انهاردة
دخلت شمس مع صقر البيت واتفأجات بابوها قدامها مستنيها واول ما شافها قام بلهفة
عرفان بلهفة
شمس بتي يا ضناي حمدالله علي سلامتك
ما استحملتش شمس أكتر و جريت عليه وهي پتنهار في وفي عنيها دموع فرحة وحنين
شمس وهي پتبكي في
بابا وحشتني أنا مش مصدقة اني في يا بابا
عرفان
سامحيني يا بنتي مقدرتش اجف لخالك لما خدك مني بس الحمد لله انك رجعتي دارك وسط اهلك وناسك
شمس بابتسامة
انا عارفة يا بابا انه كان هيعمل كدة وانت مكنتش هتقدر تقف ليه لوحدك بس صقر ابن عمي بقي حاجة تانية عارف يا بابا اول ما شافه خالي عماد حسيته خاف انا اصلا خفت من هيبته وطوله ده
ضحك عرفان وصقر كان بيسمعها وابتسم بتلقائية وهو بيبصلها بس قطع اللحظة صوت شهيرة وهي نازلة من فوق
شهيرة بسخرية
اللهم صل علي النبي شوف الحنية اللي طلعت فجأة!
ولا كأنك سايبها بقالك عمر ولا كأنك كنت معاها من شهر يا عرفان
شمس اتنفضت ونظرتها اتبدلت لخوف وبعدت عنه نص خطوة وبصت لشهيرة بقلق
شمس بتردد
أنا أنا آسفة مكنتش أقصد أضايق حضرتك
عرفان بص لشهيرة بحدة وهو ماسك بإيده على كتف شمس عشان يطمنها
ما تعتذريش لحد ياشمس
إنتي اهنه في دارك يا بنتي
واللي مش عاجبه يشوفله مطرح تاني فاهمة ولا لا اوعي تتعاملي علي انك ضيفة
شهيرة ببرود
لا تصدق فعلا الله ينور
يعني جبتها تدخل علينا وكمان رايدها تتحكم في دارنا كمان
لا كتر خيرك يا جوزي
شمس بسرعة
لا خالص بابا ميقصدش وانا عمري ما هعمل كدة انا عارفة اني ضيفة وان ده مش مكاني و
صقر بمقاطعة
لا يا شمس معلش حابب اصلحلك معلومة انتي اهنه في دارك ومكانك واللي فعلا ملوش حاجة اهنه هي مرت عمي فاوعي تنسي يا مرت عمي ان دي دار العمدة يعني انتي اللي اهنه ضيفة مش اكتر فياريت متتصرفيش وتحولي حديت ملوش عاذة من الاساس
بصتله شهيرة بغيظ وڠضب ومشيت وشمس كامت متابعاها بقلق وهي حاسة انها مش هتكون مرتاحة هنا بس عالاقل في اللي بيدافع عنها
شمس بابتسامة متوترة
شكرا يا صقر علي كلامك حقيقي فعلا انت زي ما كان بابا بيقول عنك
صقر ابتسم بهدوء ليها وحاول
يغير الجو وبص لعرفان باحترام
هاااا اديني جبتلك أمانتك يا عمي أظن اكده المهمة انتهت الحمد لله
عرفان بصله بنظرة فيها قصد ورد بصوت واضح كأنه بيكتب وصية
عرفان
لا يا ولد الغالي
المهمة لسه ما خلصتش
أمانتي لسه في رجبتك
لحد بعد مۏتي يا صقر انا فاهم
شمس رفعت راسها بخضة وبصت لأبوها بلهفة وخوف وجريت عليه تاني وهي بتقول بصوت بيتهز
شمس
بعد الشړ

—

عليك يا بابا ما تقولش كده لو سمحت
صقر كان واقف ساكت بس عينه متعلقة بعيون عمه وكأنه فاهم هو قصده ايه
عرفان بص لصقر وهو بيطبطب على شمس
من انهاردة هي أمانتك يا صقر
خلي بالك منها
صقر وكأن الجملة دي غرست فيه حمل تقيل لكنه رد بنبرة هادية وواضحة
صقر بجدية وطاعة
حاضر يا عمي أمانتك في عيني
كانت شمس ماشية في الطرقة بهدوء تحاول تحفظ طريقها لاوضتها و لسة بتحاول تتأقلم لحد ما خرجت شهيرة فجأة من أوضتها وشافتها فقربت منها بغيظ
شهيرة بحدة وبصوت عالي
إيه اللي بتعمليه هنا بتتجسسي عليا ولا إيه عاد
شمس بتتوتر وقفت في مكانها بسرعة وهي بترتبك
لا لا والله العظيم ما أقصد
انا كنت داخلة أشوف المطبخ منين والله ما أكتر
شهيرة قربت منها خطوة بنبرة مليانة احتقار
من انهاردة تسمعي حديتي زين لان هو اللي هيمشي اهنه ولازمن و
تعرفي إنك ضيفة ضيفة
يعني لا ليكي صوت ولا وجود
ومتجيش فاكرة إنك بنت عرفان تبجي داخلة تاخدي مكانك اهنه أنا مرته والدار دي داري
شمس عينيها دمعت وردت بصوت مخڼوق
أنا مش جاية آخد مكان حد ولا ليا في أي حاجة أنا بس جاية علشان أبقى قريبة من بابا
خليني بس جمبه صدقيني مش عاوزة اكتر من كة
شهيرة بنبرة توعد
كفاية إيه ده أنا لسة ما ابتديتش
وبطلي دموع التماسيح دي مش هتخيل عليا
لحظة توتر وخوف حقيقي في عيون شمس وجسـ,ـمها اتجمد وهي حاسة بالإهانة ووقتها لقت صقر بيقرب منهم بعد ما سمع كلام شهيرة ووقف قدامها بهيبته المعتاة
صقر پغضب
هو مش انا جولت ملكيش صالح بيها يا مرت عمي رايدة تكسري كلامي وتخليني اتصرف وياكي بطريجتي
شهيرة بمسكنة
ولا حاجة يا صقر احنا كنا بنتحدت بس
صقر بحدة وهو بيبص لشمس
واضح فعلا تأثير كلامك عليها اسمعي انا محدش يعلي صوته في داري ولو اتمررت تاني واتعرضتي ل شمس وجتها صدحيني رد فعلي مش هيعجبك ابدا
شهيرة اتخرست وشمس بصت لصقر بامتنان كبير ودموعها قربت تنزل ولقته سحبها من ايدها وراه
صقر بجدية
تعالي معايا يا شمس
دخل بيها أوضته وقفل الباب وراهم وشمس واقفة وسط الأوضة مش مصدقة اللي حصل وعينيها بتلف في الأوضة بنظرة فضولية طفولية
شمس بابتسامة بريئة خفيفة
أوضتك حلوة أوي
شكلها شبهك كده
كلها هيبة
صقر ابتسم لأول مرة بجد وهو بيقعد على طرف السرير
وإنتي لسه بتضحكي بعد اللي حصل ده انا قولت لسة هقعد اطيب خوطرك شوية
شمس قعدت على الكرسي قدامه وابتسامتها فيها شكر حقيقي
عشان انت جمبي ورديت مكاني فخلاص انا مطمنة وعشان إنت الوحيد اللي لسة عارفاه هنا
ومخوفتش منه أنا نفسي مستغربة إني بتعامل معاك كده بطبيعتي
صقر قلبه دق فجأة وكلامها خبط في حتة جواه كان قافلها من زمان
صقر باستغراب وهدوء
ليه ليه أنا يعني اللي خدتي راحتك معايا ومخوفتيش مني كيف ما بتجولي
شمس ببراءة حقيقية
عشان أنا عندي فوبيا من الناس
من زمان مش بعرف أثق في حد بسهولة خصوصا بعد اللي حصل من فترة معايا
صقر نبرته اتبدلت وهو بيستقيم في قعدته
وهو إيه اللي حصل يا شمس
حد أذاكي
شمس بصوت مهزوز
فترة ماما كانت بتوديني لدكتور نفسي مش عارفة انا قولتلك كدة ليه بس يمكن عشان ارتحتلك وعشان انا كان نفسي يكون ليا صديق اتكلم معاه
صقر كان حاسس بڼار بتغلي جواه فقبض علي إيده لا إراديا بس ڠصب عنه مابينش غضبه وحاول يتكلم بهدوء
صقر بهدوء
انتي دلوجتي مش لحالك ومش هتخافي مني أبدا واللي يعدي عليكي

—

من النهاردة يعدي عليا الأول لاني المسئول عنك
شمس عينيها دمعت من كلامه بس ابتسمت ابتسامة صغيرة مفيهاش ۏجع فيها راحة
شمس بعفوية
ربنا يخليك ليا يا صقر
لحظة سكوت بينهم وهما باصين لبعض لحد ما صقر انتبه لنفسه وقام بسرعة
صقر بهدوء
يلا بقى نخرج ميصحش تفضلي هنا
شمس بعفوية وهي واقفة
ماشي يلا صحيح تعرف انك إنت الوحيد اللي ماخوفتش منه وبتعامل معاه بطبيعتي
ودي حاجة غريبة أوي بالنسبالي
صقر حس بكهربا في قلبه لأول مرة يحس إن فيه كلمة بسيطة كأنها من جوه بس غطى ده بابتسامة خفيفة وهو بيرد
صقر بصوت هادي
هي غريبة فعلا يا شمس
تاني يوم بعد الفطار البيت كان هادي وشمس واقفة بتبص من الشباك المنضرة وهي بتتأمل الدنيا وشهيرة دخلت فجأة وعينيها فيها مكر باين
شهيرة بابتسامة مصطنعة
مالك واجفة كده نفسك تخرجي مش اكده
شمس بصوت متوتر
كنت بفكر أتمشى شوية الجو حلو والناس في الشارع شكلهم حلو اوي كنت عاوزة اشوف البلد
شهيرة بخبث
طب ما تروحي هو انتي محپوسة ده مش سجن
روحي اتفسحي واتهوي
شمس بتردد
بس صقر ميعرفش ومش حابة أخرج من غير ما أقوله
شهيرة بصوتها الخبيث وهي بتضحك
صقر مشغول جوي
وكمان سمعته بيجول إنه بيضايق من انه مربوط بيكي
فمزوديش عليه هم
شمس زعلت اوي وصدقت كلام شهيرة وقلبها ۏجعها و قررت تخرج ومتفرضش نفسها تاني علي صقر فخدت طرحتها وخرجت
وبعد شوية صقر دخل من باب البيت وكان بيدور بعنيه عليها واستغرب انها منزلتش من اوضتها لحد دلوقتي
صقر بجدية
مشوفتيش شمس يا مرت عمي
شهيرة بخبث
دي خرجت من شوية يا صقر جالت هتتمشى
صقر وقف مكانه ووشه اتبدل فجأة
خرجت!خرجت لوحدها! كيف ده
شهير بكدب
مفيش جالت هتشم هوا ولما جولتلها استأذنتي صقر جالتلي انا مش عيلة صغيرة وخرجت
صقر قبض على إيديه وقلبه بدأ يدق بسرعة بسبب تفكيره إنها برة لوحدها وهو عارف فوبيا اللي عندها خلته يغلي فخرج بسرعة يدور عليها
كانت واقفة شمس في ركنة فيها أطفال بيلعبوا بالعجل والطوب فكانت بتضحك من قلبها ضحكة بريئة نادرة والضحكة دي خطفت قلب صقر أول ما شافها من بعيد بتبص عليهم وبتبتسم
صقر وقف ياخد نفسه وهو بيبص عليها كأنها بنت صغيرة وسطهم ضحكتها خلت الدنيا تهدى حواليه
وقرب منها ولما شافته وشها نور أكتر وابتسمت ونسيت كلام شهيرة اصلا
شمس بفرحة وبراءة
بص يا صقر شوف دول حلوين أوي مش كده
تعرف أنا كان نفسي ألعب كده زمان بس ماما كانت دايما پتخاف عليا ومكنتش بخرج خالص ولا العب مع العيال
صقر وقف جنبها وبصلها من غير ما يرد وبعدين قال بنبرة دافية
صقر بهدوء
كان لازم تعيشي ده
وتعرفي ان ضحكتك حلوة وشك وأنتي مبسوطة بيخلي المكان كله ينور
شمس بصتله واتكسفت وابتسمت بخجل
صقر بعتاب
بس تعرفي إنك قلقتيني جوي
ليه تخرجي من غير ما تجوليلي
مش اتفجنا إنك متعمليش حاجة من غير ما تحكيلي
شمس نبرتها اتبدلت وبقت فيها
خيبة امل
أنا فعلا كنت بدور عليك علشان أقولك بس طنط شهيرة قالتلي إنك مشغول وإنك زهقان مني
وإنك مضايق بسبب انك مربوط بيا فخفت أضايقك أكتر
صقر اټصدم و قبض علي إيديه جامد كأنه بيكتم غضبه و عينيه كانت فيها ڼار وڠضب من شهيرة بس حاول يتحكم في نفسه
صقر بحنية رغم غضبه
اللي جالته شهيرة غلط
انتي عمرك ما ضايجتيني
وبعدين انتي مسئولة مني يعني أنا اللي أعرف كل تفصيلة ليكي
لو خرجتي لازم أكون عارف
مش بس علشان خۏفي عليكي
لأني بحس إني عايز أكون معاكي دايما واوعي

—

يا شمس تصدجي اي حد يجولك اي حاجة عني ولو حصل تيجي تواجهيني علطول
شمس سكتت لحظة وقلبها دق بسرعة من كلامه الأخير وحست بحاجة أول مرة تحسها
شمس بهدوء وهي تبصله
أنا متعودة أبقى لوحدي
بس أول مرة افرح إني مش لوحدي وانا بوعدك من هنا ورايح مش هعمل حاجة من غير ما أقولك
صقر قرب خطوة منها وهمس ليها
طب انا كمان هجولك علي سر بيني وبينك أنا كمان أول مرة أخاف على حد بالشكل ده
شمس اتكسفت بس ضحكت وهي بتبصله بفرحة
شمس بخجل
طب نرجع ولا ايه