خادمة العشق 1 بقلم رنا أحمد

بسمه بجديه /اظن ان الي شوفته انبارح من بدر ميقولش أنه ممكن يقبل في حقك كلمه واحده من اي حد ثانيا انا جنبك ومعاكي حكياتك انتي وبدر متفرقش عني انا وامير وانا كنت ايه قبل ماتجوز امير كنت ضايعه وتايهه لحد ماتجوزته خلا العالم ده كله بين ايديا بحنانه وحبه ليا وانتوا وبدر إن شاء الله هتكونوا كده خليكي قويه ي عفت وحافظي علي بدر وعلي حبكم .

عفت بدموع وهي تحتضنها بحنان /ربنا يخليكي ليا ي بسمه وميحرمنيش منك ابدا .

بسمه بابتسامه وحنان/ولا منك ي روحي يلا امير بيرن يبقا وصل لتستعد للذهاب لتشعر بصداع شديد .

عفت بقلق/مالك ي بسمه فيه ايه .

بسمه بتعب /معرفش ي عفت بقالي يومين دايخه كده وتعبانه يلا نخرج اكيد من قله النوم يلا .

في الخارج ..

كان يجلس امير وبجانبه بدر وهو يحمل حياه ويلاعبها بحب .

امير بجديه /انت الي قولته النهارده ده بجد ي بدر انت ناوي تتجوز عفت فعلا .

بدر بابتسامه /ايوه ي أمير إن شاء الله .

امير بارتباك واضح /ربنا يسعدك ي اخويا .

بدر بابتسامه/انا عارف انت عايز تقول ايه ي امير بي اطمن انا فعلا بحب عفت مش مجرد سد خانه ل سلمي الله يرحمها ولا لكونها بتحب حياه ومتعلقه بيها انا حبيت عفت لبرائتها وهدوها وأخلاقها فعلا ببساطه قدرت تخليني احبها وبعدين مالك مستغرب ليه مش انت برضه بقيت بتعشق بسمه في الوقت القصير ده .

امير بابتسامه وسعاده من أجل أخيه /ربنا يسعدك ي حبيبي ويوفقنا في حياتنا الجديده انا وانت وادم .

بدر بتذكر /ايوه صحيح متنساش أننا هنروح معاه بليل .

امير بتأكيد /طبعا ي بدر هو انا ممكن انسا ابدا ده احنا طول عمرنا احنا التلاته اخوات .

بدر بابتسامه/البنات وصلوا اهم .

بسمه بابتسامه /مساء الخير .

بدر وهو ينزل من السياره بابتسامه/مساء النور ي بسمه ها عملتي ايه ي عفت .

عفت بابتسامه /الحمد لله كان سهل .

امير بعشق وهو يقبل يدها/عملتي ايه ي نور عيني .

بسمه وهي تقبله في وجنتيه بعشق /الحمد لله ي قلب بسمه زي الفل .

بدر بابتسامه/يلا انتوا اتكلوا علي الله أنا هتغداء انا وعفت وانت ي حامد وصل امير بيه وبعدين تعال المطعم الي دايما بقعد فيه الي انت عارفه يجبلي العربيه .

حامد بجديه /تحت امرك ي بدر بيه .

امير بابتسامه/سلام ي حبيبي .

بسمه بمرح وهي تغمز ل عفت /هنياله ي عم .