حاميتي 1
الفصل الاول
وقع من علي الكرسي العجل بتاعه ومش قادر يتحرك بيلتفت حواليه انه يسمع صوت حد ينجده كان لسه هيتكلم وينادي علي حد من الخدم لكن افتكر ان امه ادتلهم اجازه .جرب ينادي علي امه لكن من غير فايده محدش بيرد عليه موبايله بعيد عنه مش هيعرف يوصله فضل علي الحال ده 6 ساعات وهو واقع علي الارض حاسس بالعجز الوقت بيمر بالبطيئ وكل ثانيه بتعدي عليه بتحسسه بضعفه في اللحظه دي بتدخل عبير ام مصعب وتشهق يالهوي تعالي يامصعب
بتسنده لحد ما يقوم وتقعده علي السرير انت كده كويس يا مصعب
مصعب بيهز راسه من غير ما يتكلم
عبير بحده اسمع يا مصعب مش هينفع الحال ده اديك شايف انا لو مش موجوده انت كنت هتفضل مكانك وممكن تموت ومحدش يحس بيك انا هجبلك حد يراعيك وياخد باله منك
مصعب اتكلم بغضب مكتوم انتي عايزه مني ايه ما تسيبيني اموت هتزعلي مثلااتفضلي من هنا ومش محتاج مساعده من حضرتك
عبير قبل ما تخرج انا بعمل لمصلحتك النهارده هشوف حد وهجيبه ياخد باله منك.
عبير بتخرج من اوضه مصعب تروح اوضتها وتطلع الفون بتاعها وتطلب رقم وبتنتظر الرد ايوه يا ادهم
ادهم كان مستغرب ان ام مصعب ترن عليه
ده نعم هو في حاجه حصلت مصعب كويس
عبير بغيظ اه في حاجات حصلت في ان صاحبك اعمي وعاجز لا بيشوف ولا بيتحرك من مكانه وانا بصراحه مش بقياله العمر كله لازم اجبله حد يشوف هو محتاج ايهالنهارده كنت برا والخدم كلهم واخدين اجازه جيت البيت لقيته واقع علي الارض مش هينفع كده لازم تشوفله حد
ادهم خلاص تمام انا هتصرف
بيقفل ادهم معاها المكالمه وهو بيفكر بقلق علي صاحبه ياتري هتكون موافق يا مصعب اني اجبلك حد باخد باله منك يا تري كبريائك هيسمحلك ولا هترفض زي كل مره
بياخد جاكت البدله بتاعه وبيمشي من الشركه وهو ماشي بالعربيه بتاعته بيلاحظ ان الطريق واقف والعربيات واقفه بينزل من العربيه بغيظ وهو مضايق بسبب الزحمه دي وهو مش عارف يمشي بيلاقي ناس كتير ملمومه بيقرب منهم وبيشوف بنت بتتخانق مع رجاله كتير
ادهم بيستغرب اللي بيحصل وبيتحرك بسرعه في اتجاه الخناقه دي بيحاول يفض الاشتباك لو سمحتي اللي بتعمليه ده غلط مينفعش كده ده راجل وانتي ست وميتفعش تمدى ايدك علي راجل
بتبصله بتفحص من فوق لتحت طاب يلا وريني عرض كتافك بترجع تضرب الراجل اللي هيا مسكاه بالبوكس في واحد بيحاول يقوم من اللي علي الارض بتضربه في بطنه برجلها بتبص حواليها علي الرجاله اللي كانت بتتخانق معاهم بتلاقيهم كلهم علي الارض ومحدش قادر يتحرك بتتكلم بصوت عالي اي راجل يفكر يلمس واحده ست ميبقاش راجل ده اخرو يبقي مرا زيها
بتمشي وسط الزحمه دي وبتطلع بنت من وسطهم وبتوقفها تبص علي الرجاله المتسطحين علي الارض محدش فيهم تاني هيقدر يتعرضلك
بترفع راس البنت من الارض ووتكلم بزعيق لما تبقي ماشيه تمشي وانتي رافعه راسك مفيش اي حاجه ممكن تخليكي توطي راسك فاهمه.
ادهم كان فهم اللي حصل من اللي نيروز عملته
نيروز بتتكلم بصوت عالي كل واحد يروح لحاله فضناها ياعرب
الكل بيمشي وادهم لسه واقف بيبص لنيروز
نيروز بتبصله من فوق لتحت في حاجه
ادهم بتلقائيه تشتغلي حارسه
نيروز بتبصله بعدم فهم حارسه ايه احرسلك عماره يعني!
ادهم لا فهمتي غلط يعني اقصد تشتغلي زي مساعده تخلي بالك من شخص مريض هو كفيف و عاجز مش بيعرف يتحرك وكده وبيوقع من علي الكرسي كتير ف انتي باين عليكي ماشاء الله يعني عندك صحه ولو وقع هتقدرى تشيليه
نيروز بتحس بشفقه تجاه الشخص اللي ادهم بيتكلم عنه بتفكر لدقايق بسيطه موافقه
ادهم طيب يا ريت لو هتبدأي من النهارده
نيروز بتهز كتفها عادي مفيش مشاكل بس وصل البنت دي بيتها وبعدين اروح معاك
ادهم بيركب العربيه في اول كرسي ونيروز والبنت بيركبو ورا
البنت بتوصف عنوان بيتها لأدهم خلاص قربت زي ما انتي كده .ايوه هنا شكرا جدا لحضراتكم
نيروز خلي بالك من نفسك ومتسمحيش لحد يلمسك
البنت بتهز راسها بإبتسامه وبتقفل باب العربيه وتمشي
ادهم الرجاله اللي ضربتيهم دول كانو بيحاولوا يتحرشوا بالبنت دي
نيروز ايوه
بيفضلو ساكيتن لحد ما بيوصلو الڤيلا
ادهم وصلنا انزلي
بينزل ادهم ونيروز بتنزل وراه وبيدخل الڤيلا
عبير
اتفضل يا ادهم بتبص لنيروز اتفضلي
بيدخل ادهم وبيبص لعبير انا جبت الشخص اللي هيخلي باله من مصعب زي ما قولتي
عبير بإستغراب فينبتستوعب كلامه اوعي يكون قصدك
ادهم ايوه هي
عبير ازاي يعني دي بنت ومش هتعرف تعمل حاجه
ادهم هز كتفه بقله حيله جربيها مش هتخسري حاجه
عبير بغيظ ماشياطلعي فوق اول اوضه عند السلم
بتطلع نيروز وبتخبط علي باب الاوضه بس محدش بيرد بتفتح الباب بهدوء اهلا
مصعب بيسمع صوت بنت بيتكلم بإستغراب مين
نيروز بتاخد نفس عميق وتتكلم بهدوء انا اللي هاخد بالي منك وهساعدك
مصعب .
يتبع..
2
نيروز بتاخد نفس عميق وتتكلم بهدوء انا اللي هاخد بالي منك وهساعدك
مصعب بيفهم ان امه هي اللي عملت كده اتكلم بعصبيه وانا طلبت مساعدتك
نيروز بتهز كتفها ببرود مش لازم تطلب
مصعب اتعصب من برودها برا
نيروز اتصدمت من طريقته بس اتكلمت ببرود ومين هيخلي باله منك لما انا اخرج
مصعب بيحس انه سمع الصوت ده قبل كده بس بيطنش وهو انتي حد فهمك انك جايه تاخدي بالك من عيل
نيروز بتتكلم وهي رافعه ايدها بصدمه العياذ بالله محصلش
مصعب انا عايز انام اطلعي برا
نيروز راحت ناحيته طيب استني هعدلك عشان تعرف تنام
مصعب بحده قولت اخرجي
نيروز ابتسمت بخبث براحتك انا خارجه راحت ناحيه الباب وفتحته وقفلته ورجعت تقعد علي الكرسي بدون صوت
مصعب بص ناحيتها مستنيه ايه
نيروز فتحت عينها بصدمه انت بتشوف
مصعب ضحك بوجع مش بشوف بس بحس
نيروز حست بالشفقه تجاهه حست انه مظلوم طيب ايه رأيك اقعد معاك لحد ما تنام
مصعب وصل لأعلي مراحل غضبه لما حس بالشفقه من نبرتها انتي مبتفهميش امشي ومش عايز مساعده منك
نيروز بتطلع برا الاوضه وبتنزل عند ادهم وعبير وتتكلم بقله حيله حاولت لكن موافقش
عبير بتبص لأدهم نظره معناها شايف انا قولتلك دي مش هتنفع
ادهم سيبيها تاخد فرصتها للأخر بيكمل كلامه وهو بيبص في ساعته حقنه مصعب مأخدهاش
عبير لا لسه محدش من الخدم موجود عشان يديهاله
ادهم طيب انا هطلع اديهاله
نيروز بتوقفه لحظه .
ادهم بيلف يشوفها ايه
نيروز الحقنه عضل ولا وريد
ادهم بياخد الاتنين بس دلوقتي ميعاد العضل
نيروز تمام اديله انت العضل وانا هديله الوريد
ادهم رفع حاجبه بإستغراب وانتي بتعرفي تدي حقن
نيروز اها كنت بنزل كورسات تعليم تبع التمريض عشان اعالج والدتي واهتم بيها في البيت
ادهم تمام ميعاد الوريد كمان ساعتين من دلوقتيبيسيبها ويمشي
عبير بتقعد وهي بتبص لنيروز نظرات تحدي اما نشوف هتعملي ايه بتكمل كلامها بعقده حاجب اسمك ايه
نيروز اسمي نيروز
عبير بتعقد حواجبها ايه الاسم ده
نيروز بترفع حاجب وتربع ايديها وتبص لعبير من فوق لتحت ايه مش عاجبك
عبير اه مش عاجبني
نيروز ببرود ميهمنيش رأيك عشان تقوليلي عجبك او لا
عبير اتكلمت بغيظ من بين سنانها لا يا بت انتي اظبطي معايا كده في الكلام لحسن انا لما بحط حد في دماغي بكرهه حياته
نيروز ضحكت ببرود وهي بتتقدم بخطوات هاديه ناحيه عبير وتمسك عبير من ياقه هدومها وكلمتها بنبره مرعبه قولتي ايه مين دي اللي يتقلها بت وتظبطي مين
عبير حست بالخوف من نبره صوتها اا..اسفه مقصدكيش
نيروز بتسيب هدوم عبير من ايدها وتبصلها من فوق لتحت بقرف خلي بالك بعد كده في الكلام معايابتسيبها وتمشي
عبير بخوف استحاله اخليها تكمل في البيت دي ممكن تموتني في مره ..هزت راسها بخوف تموتني لا لا لا
ادهم بيخبط باب الأوضه علي مصعب
مصعب مين
ادهم انا ادهم يا مصعب
مصعب بيتنهد ادخل
ادهم يلا يا بطل ميعاد الحقنه
مصعب حاسس بالشفقه من كل واحد يكلمه والكل بيعامله معامله طفل مش عارف يقرر قرارات نفسه كأنه مسلوب الاراده شكرا يا ادهم بس انا مش محتاج حقن انا كويس
ادهم بحزن عشان تخف يا صاحبي
مصعب بعصبيه كنت خفيت قبل كده من سنين فاتت هخف دلوقتي ليه بقي ان شاء الله
نيروز كانت داخله عليهم وسمعت كلام مصعب دخلت الاوضه وراحت ناحيته واتكلمت بهدوء عشان ربنا قادر يغير اي حاجه بس انت يبقي عندك ثقه ويقين في ربنا
مصعب ساكت ومش بيرد ادهم بيقطع الصمت يلا عشان تاخد الحقنه
مصعب بيبص ناحيه صوت نيروز ويتكلم ببرود ايه هتقعدي تتفرجي ولا ايه
نيروز انا كنت فاكره ادهم ادهالك من بدرى انا خارجه
ادهم بيدي الحقنه لمصعب ويقعد جمب صاحبه ويتكلم بهدوء عامل ايه يا مصعب
مصعب بيتنهد بتعب كويس يا ادهمتاعبك معايا يا ادهم هنا وفي الشركه
ادهم بتعجب فين التعب ده صحيح الشركه لسه بنفس النظام اللي انت كنت ممشيه انا مضفتش اي تعديلات كل حاجه كأنك موجود بالظبط
مصعب بيهز راسه اه منا عارف
ادهم بيرفع حاجبه ازاي
مصعب هات اللاب توب بتاعي
ادهم بيجبله اللاب توب وبيديهوله خد
بيفتح اللاب توب بتاعه ويتشغل عليه بطلاقه ولا كأنه شخص مفتح
ادهم بإستغراب انت بتتعامل ازاي علي اللاب توب انت بتشتغل عليه احسن مني
ادهم للحظه بيستوعب هو قال ايه وحس انه جرحه بكلامه احم انا اسف والله مقصدش
مصعب بهدوء وبيحاول يداري جرحه اللي الكل بيجرحه من غير ما يحسو انا بتعامل علي اللاب توب من قبل الحادثه وحافظه اكتر من اي حاجه وبعدين انا مش اعمي من امبارح انا اعمي من سنتين اشتغلت عليه كتير وعارف كل حاجه فيه
ادهم كان حاسس بالذنب انا اسف والله ما كان قصدي حاجه غلط متزعلش مني يا مصعب
مصعب ضحك لا وازعل ليه مفيش حاجه يصاحبي يلا بس طرقني دلوقتي عشان عايز انام
ادهم بينسحب بإنحراج
مصعب بيتنهد بتعب محدش يعرف اثر كلامه بيعمل فيا ايه ولا حد هيحس باللي بحسه
نيروز بتشوف ادهم خارج من عند مصعب فاضل نص ساعه علي الحقنه التانيه
ادهم بيتكلم بحزن تخلص النص ساعه واديهاله ويا ريت متتكلميش معاه في حاجه
نيروز بصتله بإستغراب هو حصل حاجه مابينكم
ادهم لا محصلش واعملي زي ما بقولك
نيروز تمام انا هروح احضر الحقنه
بتمشي نيروز وهي حاسه بالحيره بتروح عند اوضه مصعب وتخبط علي الباب وتدخل من غير ما تستني منه الرد
نيروز بتلقائيه هاا اتأخرت عليك بتفتح عينها بصدمه اا..انت ازاي كده انت .
يتبع..
3
بتمشي نيروز وهي حاسه بالحيره بتروح عند اوضه مصعب وتخبط علي الباب وتدخل من غير ما تستني منه الرد
نيروز بتلقائيه هاا اتأخرت عليك بتفتح عينها بصدمه اا..انت ازاي كده انت ازاي بتشوف
مصعب بيبص ناحيتها وبيضحك وبيرجع نظره للاب توب تاني
نيروز بغيظ مش انا بكلمكانت بتشوف
مصعب اتنهد بتعب وانا لو بشوف هتدعي المرض ليه
نيروز طيب انت دلوقتي باصص ناحيتي تمام وكمان فاتح اللاب توب وبتكتب علي الكيبورد..ازاي
مصعب هجاوبك علي سؤالك وبعد كده مش عايز اسمع نفسكبكتب علي الكيبورد عشان متعود علي اللاب توب من قبل ما تحصل الحادثه ودلوقتي باصص ناحيتك عشان حاسس بوجودك في المكان ده وغير كده انتي بتتكلمي ف بتسهلي عليا اعرف انتي موجوده فين
نيروز بحيره طيب حادثه ايه ممكن تحكيلي اللي حصل
مصعب بيفتكر الحادثه كل حاجه بتبقي قدام عينيه حافظ كل تفصيله في اليوم ده كأنه حصل امبارح بيتكلم بعصبيه قولتلك سؤال واحد ومش عايز اسمع نفسك يا تطلعي
نيروز بتبتسم بسماجه وبترفع ايديها في الهوا لا ياعم الطيب احسن
نيروز بتذكر ميعاد الحقنه يلا عشان تاخدها
مصعب رفع حاجبه بإستغراب ادهم فين
نيروز لا انا اللي هديهالك
مصعب بيستغرب من بجاحتها وبيتكلم بزعيق انتي بتقولي ايه
نيروز ببرود حقنتك وريد
مصعب اخلصي اديهاني
نيروز بتجهز الحقنه وتديهاله
مصعب انجزى
نيروز بنفس البرود خلصت من بدرى
مصعب انتي ممرضه
نيروز لا
مصعب مش مهم بيتنهد ويمسك اللاب توب من تاني
نيروز بتسمك موبايلها وتقعد تقلب فيه
مصعب بيستغرب سكوتها وبرودها بيفتكر ان الصوت ده سمعه قبل كده والبرود ده بيفكره بحد بس مين هو مش فاكر
نيروز بهدوء عايز مايه
مصعب لا
نيروز طيب براحتك
عبير بتيجي ومعاها صينيه الاكل بتبص لنيروز خليه ياكل
نيروز بتهز راسها وعبير بتمشي
نيروز يلا عشان تاكل
مصعب مش عايز
نيروز بترجع مكانها تاني وتمسك موبايلها وبتتكلم بهدوء ماشي
مصعب استغرب تصرفها ده بس سكت
بعد شويه
نيروز جعان
مصعب بنفس الجمود لا
نيروز بتسيبه وتوقف طيب براحتك انت يا معلم انا ماشيه
مصعب بصوت عالي مش عايز اشوفك تاني
نيروز بتمشي وهي بتضحك غصب عنك
نيروز بتوقف تاكسي عشان تروح بيتها .بتستغرب نظرات صاحب التاكسي ليها لكن بتطنشه .دقايق معدوده وكانت وصلت بيتها بتدخل شقتها وترمي نفسها علي السرير بتعب ياااااه يوم متعب
بيجي علي بالها مصعب وبتضحك مش عارفه ليه حاسه ان غموضه ده وراه حاجه حاسه ان وراك سر .قبل ما تنام موبايلها بيرن وبترد نعم يا ياسمين
ياسمين ايه يا كوتش بكره في تدريب
نيروز ايوه الصبح في ميعادنا
ياسمين تمام يا كوتش هبلغهم
نيروز تمام وبتقفل
تاني يوم
نيروز بتنزل شغلها تدرب البنات
مصعب بيرن علي ادهم
ادهم عملت يا كبير اللي اتفقنا عليه بس هي حاليا في شغلها
مصعب بغضب
ايه الاتفاق اللي بين ادهم ومصعب
يتبع..
4
ادهم عملت يا كبير اللي اتفقنا عليه بس هي حاليا في شغلها
مصعب بغضب متخليهاش تنزل شغلها غير لما تجبلي كل المعلومات عنها
ادهم اتكلم بإستغراب انا مش عارف شاغل بالك بالبت دي ليه
مصعب عشان حاسس اني اعرفها الصوت ده انا سمعته قبل كده
ادهم خلاص يا صاحبي هجبلك كل المعلومات عنها والنهارده سيب حوار الشغل ده وخليها تشوف شغلها عشان لو مش هي منقطعش اكل عيشها
مصعب بغضب اقفل قفل مصعب المكالمه وهو في اقصي مراحل غضبه اغبيه..بس انا هعرف امنعك يا نيروز من الشغل ده يا انا يا انتي
عبير بترن علي ادهم
ادهم خير يا طنط
عبير بغيظ ست الحسن نيروز مجتش ليه تشوف شغلها
ادهم معاها شغل تاني الصبح
عبير اتكلمت بفرحه بجد معاها شغل تاني خلاص روح يا ادهم بلغها اننا مش محتاجينها واننا لقينا غيرها كملت بخوف اوعي تقولها اني انا اللي بعتاك
ادهم إستغرب طلب عبير ليه هو حصل حاجه مفيش اي سبب يخليني اطردها
عبير بضيق وانا مش هستني اما يحصل حاجه
ادهم طيب بصي هي دلوقتي بترن عليا هرد عليها
اتكلمت بخوف متجبلهاش سيره عن الموضوع دلوقتي
ادهم اتكلم بضحك حاضر
ادهم خير يا استاذه نيروز مجتيش ليه
نيروز اتأخرت ساعه بس انا دلوقتي في الطريق
ادهم حس ان في حاجه غريبه لحظه انتي بتنهجي ليه هو انتي بتجري
نيروز حاجه زي كده
كلمها بإستغراب ليه هو مفيش عربيات
نيروز وهي بتزود سرعه جريها الجري مفيد افضل من اني اجي بعريبه
ادهم ما علينا تاجي باللي تاجي بيه المهم متتأخريش
نيروز تمام سلام
تانر بيخبط علي الباب وبيسمع الرد من جوا ادخل
بلال بإبتسامه عريضه عامل ايه يا حبيبي
تامر بغضب زي الزفت فين الاتفاقات اللي بينا نيروز فين انت قايلي من بدرى مسأله وقت وهتبقي عندي
بلال خاف ان تامر يحط يطالبه بالفلوس اللي دفعها عشان يجبله نيروز بيتكلم بخوف ا..ااهدي يا تامر يابني بالكتير تلت شهور وهتكون عندك
تامر صرخ في وش بلال واتكلم بصوت غاضب ايه هو ده اللي تلت شهور بلال بتراجع ايه في ايه يا تامر احنا لسه هنجيبها من مصر احنا في قاره وهي في قاره ودوله غير الدوله
تامر قرب من بلال ومسكه من هدومه واتكلم بفحيح مرعب عارف نيروز لو مكانتش عندي خلال شهر بالكتير اوي شهرين هوديك ورا الشمس وملكش رجعه
بلال صرخ فيه بصوت عالي انت ايه مبتفهمش بقولك قاره غير القاره وهي معاها شغل وليها وضعها هناك ولو اختفت الكل هيعرف
تامر ميخصنيش اتصرف
بلال اتعصب من غباء تامر اطلع برا ومتجينيش تاني غير لما ابقي وصلت لحل غير كده مش عايز اشوفك
بتجري بأسرع سرعه عندها وقفت عشان تشرب بيجي باسل يتكلم وهو بينهج من وراها استني يا نيروز فرهدتيني
نيروز عقدت حواجبها واتمنت انه ميكونش الصوت ده اللي في بالها بتلف تشوفه وتوقعها كان في محله بتبصله من فوق لتحت بإستحقار افندم
باسل بتمثيل الحزن انا نفسي افهم انتي بتعامليني كده ليه انا مستاهلش المعامله دي منك
نيروز ضحكت بإستهزاء وغيرت نبره صوتها واتكلمت بجديه اعاملك هو احنا اصلا في بينا تعامل التعامل مابينا اتقطع من بدرى وانت كلك علي بعضك كده مش في دماغي وولا تهمني خلي بقي عند وشك الكيوت ده دم عشان متزعلش يصغنون وترجع تعيط
باسل بغضب مسكها من دراعها ولسه هيتكلم كانت ايد نيروز اسرع منه وقلبته علي الارض وبتنزل شويه لمستواه واتكلمت بتحذير عارف لو ايدك النجسه دي لمست ايدي تاني ايه هيحصلك
باسل هز راسه بخوف غصب عني وانتي اللي بتطريني لكده
نيروز بتديله لكمه في وشه بتخلي وشه يروح الناحيه التانيه وبوقه بيطلع دم هندمك علي اليوم اللي قررت تظهر فيه في حياتي بتوقف وتديله برجلها في بطنه وهو بيصرخ بصوت عالي
نيروز بتاخد قزازه المايه بتاعتها وتكمل طريقها وقت بسيط ووصلت لڤيلا مصعب
عبير بتفتحلها بغيظ ادخلي
نيروز كانت داخله رجعت تاني وبصت لعبير بغموض مش انا قولتلك تتكلمي معايا عدل يا إما انا هعدلك
عبير بتراجع ا..انا داخله
بتدخل نيروز
وتطلع عند مصعب بتخبط علي الباب وبتدخل
مصعب بهدوء انا قولتلك ادخلي
نيروز قعدت ببرود وحطت رجل علي رجل انا مش ضيفه هنا وادخل وقت ما احب
مصعب ده في اي مكان غير اوضتي اوضتي خط احمر
نيروز ضحكت ببرود وانا اللي همسح الخط ده
مصعب بيشم ريحه دم بيبصلها ايه ريحه الد م دي
نيروز بتبص علي ايدها اللي نسيت تغسلها ها لا ده انا اتخبطت وانا جايه بس
مصعب بخوف انتي كويسه اتخبطتي في ايهبيمسك موبايله نيروز بتبصله هتعمل ايه
مصعب هكلم ادهم يجي
نيروز بإستغراب ليه
مصعب عشان يجبلك الدكتور
نيروز استغربت تصرفه ده هيهمك في ايه وبعدين انا كويسه الحمدلله
مصعب اتخبطتي فين
نيروز ضربت واحد وانا جايه
مصعب مكنش شايل قدامه من غضبه عملتي ايه ولمستيه انتي غبيه
نيروز مستغربه هجومه ده انت بتكلمني كده ليه ميخصكش اصلا اي حاجه في حياتي الشخصيه
مضعب اتكلم بغضب من غير ما يحسب كلامه انتي كلك تخصيني
وفي اللحظه دي هو استوعب قال ايه ا..اقصد انك طلاما شغاله عندي يبقي امورك تخصني
نيروز بعدم اهتمام يلا عشان تاخد الحقنه
بتروح تديله الحقنه وريد وهو بيمسك ايدها انتي ضربتي مين
نيروز بتنفخ بضيق خطيبي السابق
مصعب ملامحه بتتحول لغضب و..
يتبع..
5
بتروح تديله الحقنه الوريد وهو بيمسك ايدها ضربتي مين
بتنفخ بضيق خطيبي السابق
مصعب ملامحه بتتحول لغضب وبيتكلم بزعيق برا
نيروز بتحاول تستوعب هي عملت ايه عشان هو يتعصب كده
مصعب قولت برا
بتخرج نيروز وهي مش فاهمه عملت ايه
مصعب بيرن علي ادهم تعالالي دلوقتي
ادهم خاف علي مصعب مالك وايه اللي حصل
مصعب بغضب انجز تعالي
ادهم حاضر حاضر اهدي
تامر اخبارها تكون عندي اول بأول
سامي هي بنت عمك دي ليه مجتش المانيا معاكم ليه سابت ابوها وقاعده في مصر
تامر بشرود في كلام سامي قصدك ايه
سامي انها مثلا عملت حاجه غلط عشان كده ابوها مأخدهاش معاه ماهو مفيش اب يسيب بنته كده السنين دي
تامر بتفكير منا بقولك عايزك تعرفلي كل حاجه عنها .بس بابا كان بينه وبين عمي بلال خلافات وخلفات كبيره كمان تفتكر هيجوزني بنته بالساهل بس هو كلب فلوس
سامي هز كتفه بمعني انه ميعرفش والله يا صاحبي معرفش انا مش بطيق عمك ده كده ف نظرتي ليه ممكن تكون غلط لو حكمت عليه علي العموم انا هعرفلك كل حاجه يا غالي وهبلغك
عبير بشماته ايه يا حبيبتي هو مصعب قلك انه مش محتاجك تاني
نيروز بتبصلها بقرف ومبتردش عليهابيجي ادهم من برا بيجري ويتكلم بلهفه مصعب يا جماعه هو كويس
نيروز ببرود اطلع شوفه
ادهم بيطلع يجري علي فوق اول ما بيشوفه بيتكلم بلهفه مصعب انت كويس
مصعب كان بيحاول يكون هادى ويتكلم عادى اقعد
قعد ادهم وهو قلقان مستني من صاحبه اجابه للي بيحصل
مصعب بهدوء جبت المعلومات اللي طلبتها منك
ادهم بغيظ انت جايبني عشان كده
مصعب ببرود جبتها
ادهم ايوه .اسمها نيروز بلال نصر الدين كانت مخطوبه لواحد اسمه باسل وسابته لسبب محدش يعرفه ووالدتها متوفيه ووالدها في المانيا سابها صغيره ومشيشغاله ملاكمه ومن احرف المدربين بتدرب بنات وولاد والاغلبيه العظمي بتكون بنات عشان تعلمهم ازاي يدافعو عن نفسهم وعايشه لوحدها .ها بقي يا سيدي انت عايز تعرف كل ده ليه
مصعب بهدوء كنت بتدرب عندها من تلت سنين ويمكن قبل كده اما كنت بشوف وحبيتها وهي مكانتش تعرف قررت اني اروح علي طول اتقدم وبالفعل حددت يوم و قولت لأمي تيجي معايا قالتلي انها هتيجي بالعربيه ورايا والشوفير هيوصلها انا معترضتش وطلعت قبلها وانا الفرحه مش سيعاني كنت في الطريق مشغل اغاني كل حاجه كانت بتدل علي فرحتي لحد ما جات عربيه كبيره خبطت عربيتي واتقلبت ضحك بوجع كان زماني ميت .اليوم اللي كان اسعد يوم في حياتي اتحول لأسوء يوم في حياتي الدكاتره قالو اني فقدت بصري وفقدت القدرة علي المشي وقتها بعدت عن كل حاجه مجربتش حتي اني احكي اللي حصل لحد وكل ما افتكر اليوم ده بيصعب عليا نفسي اوى نظرات الشفقه اللي كانت في عيون الناس وكلامهم اللي كان بيقتلني .عملت عمليه لنظري ونجحت وانا شايفك دلوقتي بس طلبت من الدكتور ميعرفش حد
ادهم دموعه كانت ماليه عينيه ما استحملش اكتر من كده ودموعه نزلت
مصعب ضحك انت بتعيط لمجرد سماعك عن اللي حصلي ..مش عايز حد يعرف اني بشوف
ادهم اتكلم بغموض انت تعرف مين اللي خبطك بالعربيه مش يمكن تكون حادثه مدبره
مصعب سكت شويه وفكر في كلام ادهم واتكلم بهدوء لا معرفش مين
ادهم هي نيروز تعرفك
مصعب بتفكير مظنش لو تعرفني كانت قالت المهم دلوقتي
ادهم انتبهله
مصعب بهدوء عليز اعمل العمليه عشان ارجع امشي تاني واتجوز نيروز
ادهم بصله بأمل واتكلم بلهفه بجد هتعمل العمليه
مصعب بعقده حاجب اومال بهزر
ادهم بفرحه طيب مستني ايه
مصعب بضحك هقوم اعملها دلوقتي ولا ايه
ادهم هتعملها امتي
مصعب اسبوع كمان وهسافر انا ظبطت كل الاوراق وكل حاجه واعمل حسابك هتيجي معايا
ادهم بضحك انا ياباشا هروح قبلك اصلا
مصعب تمام اطلع بقي وناديلي نيروز
ادهم فتح عيونه بصدمه انت بتطردني
مصعب بهدوء ايوه
ادهم بغمزه ايه رأيك في وشي المسمسم
مصعب بصله بقرف يقرفك يا شيخ انا اصلا بتجنب النظر ليك
ادهم ضحك مردودالك..يلا جود باي انا هناديها
نيروز كانت ماسكه موبايلها وبتقلب فيه ومتجاهله النظرات اللي بتبصلها بكره
ادهم يا نيروز
نيروز خير
ادهم اطلعي شوفي مصعب عايزك
نيروز بتهز راسها اوك
نيروز بتطلع لمصعب بتخبط وبتدخل علي طول زي العاده
مصعب بغيظ مش انا قولتلك قبل كده تخبطي قبل ما تدخلي
نيروز ببرود وانا قولتلك اني مش ضيفه عشان اخبط
مصعب افرض بغير هدومي تدخلي ازاي
نيروز تجاهلت الرد
مصعب هاتيلي الورق اللي في الجرد ده
نيروز راحت تجيب الورق وبصتله بتركيز واتكلمت بهدوء مصعب طاهر مسعود
مصعب ايوه اسمي
نيروز كنت بتترد عندي قبل كده
مصعب حس بالفرحة لمجرد انها افتكرته ايوه
نيروز ممكن تحكيلي اللي حصلك وامتي الكلام ده
مصعب اتنهد واتكلم بتعب هحكيلك .. وبدأ يسرد عليها اللي حصل
نيروز كانت بتسمع كل ده بملامح جامده متدلش علي اي شئ
مصعب بعد وقت ده اللي حصل
نيروز مجربتش تعمل عمليات ليه
مصعب محبش يحكيلها انه بيشوف وانه شايفها دلوقتي زي القمر نفسه يقولها عن حبه نفسه يعبر عن حبه ده بأي حاجه بس انا بشوف
نيروز بهدوء انا كنت عارفه من بدرى
مصعب لا ياشيخه
نيروز ايوه كنت عارفه كل حاحه كنت بتعملها كانت بتدل علي انك بتشوف بس مكنتش متأكده
مصعب الاسبوع الجاي هسافر
نيروز استغربت هتروح فين
مصعب هعمل عمليه عشان اقدر امشي من تاني واتجوز البنت اللي بحبها
نيروز حست بوغزه في قلبها واتكلمت بصوت ضعيف بتحب
مصعب اها
نيروز كان نفسها تصرخ بصوت عالي وتقوله انها بتحبه من سنين وانها عرفته من اول يوم جات فيه وشافته
مصعب بهدوء سبتي خطيبك ليه
نيروز عقدت حواجبها وانت تعرفه منين
مصعب مش موضوعنا دلوقتي سبتيه ليه
نيروز حطت رجل علي رجل خاين
مصعب اتخطبتيله ليه من البدايه
نيروز اتوترت بس كانت بتحاول متتهزش قدامه عشان انسي اللي بحبه
مصعب بسخريه والله دي طريقه تنسي بيها حد بتحبيه لو بتحبيه بجد مش هتنسيه لأي سبب اغبي حاجه انك تنسي شخص بشخص تانيها وقدرتي تنسي الشخص ده
نيروز كانت اخر ذرات قوه عندها من التماسك قدامه منستهوش بس فقدت الامل في اني اشوف الشخص ده
مصعب والدتك او باباكي صح
نيروز ضحكت بوجع الله يرحمهم
مصعب عقد حواجبه اومال مين اللي في المانيا
نيروز ضيقت عينها وبصتله انت تعرف كل ده عني ازاي
مصعب قولتلك ده مش موضوعنا
نيروز انا معنديش اب ابويا مات من زمان لما ابقي محتاجه لحضن ابويا ويطبطب عليا في موت امي ويقولي انا جمبك متخافيش مش هسيبك يبقي مات ولما يسيبني في سن صغير لوحدي اواجه الدنيا وانا معنديش حد اعرفه اروحله يبقي ابويا مات .كملت بوجع هو اللي كان سبب في موت امي هو اللي موتها
مصعب كان نفسه في اللحظه دي يقولها انه هو بيحبها ومتخافش من حاجه مش هيسيبها ولا هيسمح لحاجه تأذيها
نيروز مسحت دموعها واتكلمت بضحك شوفت بقي النكد يلا ياعم عشان تاخد حقنتك اللي مأخدتهاش من شويه
مصعب مد ليها ايده وهي وادتله الحقنه
نيروز ايه رأيك تيجي نخرج مع بعض
مصعب بصلها بإستغراب نروح فين
نيروز بضحك ملكش دعوه انت انا هفسحك
مصعب ماشي
باسل هو عايز منها ايه تاني مش كفايه اللي عملته فيه هو مبيحرمش
مرام انا ندمانه اني كنت معاك في الجريمه دي
باسل اتصدم من كلامها مش هو ده اللي سابك وحبها هي وانتي مكنش شايفك اصلا
مرام بس بحبه وانت أذيته وهو دلوقتي حالته يرثي لها
باسل وقف واتكلم بغضب تمام مش عايز اشوف وشك تاني بيسيبها ويمشي
نيروز يلا بينا
مصعب يلا
عبير شافتهم اتصدمت واتكلمت وهي بتشهق انتي وخداه علي فين
نيروز هخرجه يتفسح
عبير يتفسح ايه ده واحد مريض والحاجات دي متهموش هو في ايه ولا ايه
نيروز اخدت الكرسي بتاع مصعب وخرجته برا الڤيلا ودخلت تاني وراحت ناحيه عبير ورفعت صباعها في وشها واتكلمت بتحذير عارفه لو شوفتك قريبه من مصعب تاني او بتحاولي تعملي اي حاجه ليه هندمك
عبير بصدمه انتي بتقولي ايه ده ابني
نيروز بسخريه دلوقتي بقي ابنك ..ابنك ده اللي الدنيا كلها تغور في داهيه مقابل سعادته وشفاه المفروض تبقي عايزاه يبقي كويس وبتتمنيله الخير انتي لو فعلا بتحبيه وقلبك حنين مكنتيش جبتيني اخد بالي منه المفروض ده دورك انتي كا ام
عبير اتوترت وانتي بقي اللي هتعرفيني اعمل ايه ومعملش ايه
نيروز بصتلها بتفحص واتكلمت بتريقه انتي اقل من اني اتكلم معاكي اصلا
نيروز بتروح تاخد مصعب وتمشي
مصعب قولتيلها ايه
نيروز ببراءه ولا حاجه
مصعب استغرب متأكده
نيروز ببرود اه
نيروز بتاخد مصعب وتروح بيه الجيم اتكلمت بضحك ايه الجيم موحشكش
مصعب ضحك لا وحشني
نيروز بتمسك الكرسي بتاعه وتلف بيه في الجيم كله وبعد ما بتخلص يلا بينا بقي نتمشي علي الكورنيش
بيروحو يتمشو نيروز عايز ايس كريم بطعم ايه
مصعب بتفكير اممم انتي عايزاه بطعم ايه
نيروز فراوله
مصعب هاتيلي زيك
ومصعب كل شويه يبصلها..نيروز في ايه هتقعد تبصلي كده كتير
مصعب بتريقه معجب بحمالك
نيروز طيب طيب تعالي بقي هنروح الملاهي
بيوصلوا الملاهي ونيروز بتحجزله في لعب وهي بتركبه فيها
يومهم خلص بالفرحه والضحك
نيروز بتوصله بيته
مصعب شكرا اوي علي اليوم ده
نيروز بضحك انا كمان كنت محتاجه الفسحه دي يلا انا همشي اوك
مصعب هتيجي بكره ولا معاكي شغل
نيروز بضحك لا مش هاجي كمان اسبوع
نيروز بتروح بيتها وبتفتح انوار البيت بتسمع صوت من وراها
_ما لسه بدرى ايه اللي جايبك تلاته الفجر
نيروز بصدمه ..
يتبع
6
نيروز بتروح بيتها وبتفتح انوار البيت بتسمع صوت حد من وراها
_ما لسه بدرى ايه اللي جايبك تلاته الفجر
نيروز بصدمه باسل بتعمل ايه هنا
باسل وقف قدامها ومسكها من ايدها جايه دلوقتي اخر الليل كنتي فين
نيروز ضربته علي وشه بالقلم واتكلمت بغضب انا مش سبق وقولتلك ايدك النجسه دي متلمسنيش
باسل مد ايده وهيردلها القلم نيروز مسكتله ايده ولوتها ورا ضهره وبرجلها كعبلته في رجله وقع علي الارض بيتألم ضربته برجلها في بطنه ونزلت لمستواه وكانت بتدليه لكمات في وشه وهي بتفتكر كل حاجه وحشه حصلتلها .اتكلمت نيروز بصوت مرعب متحاولش تتحداني او تعند معايا عشان انا ممكن امحيك من علي الدنياخلال دقيقتين تكون مشيت من هنا حي هتقعد اكتر من كده هنتراحم عليك.
كان بيحاول يوقف ويجي علي نفسه عشان يقدر يمشي من هنا سليم
خرج من عندها بأعجوبه
بلال طيب كويس نفذ دلوقتي
_ اوامرك
بيدخل 9 تسع رجاله شقه نيروز بعد ما سابت الباب مفتوح ورا باسل
واحد من الرجاله مش عايز اي صوت امشو ورايا
نيروز كانت في الحمام واقفه علي الحوض بتغسل ايديها ووشها قفلت الحنفيه وقبل ما هتخرج كان في حاجه سوده اتحطت علي وشها حاولت تقاوم بكل ما فيها من قوه لكن مقدرتش علي تسعه اتكلمت بغضب انتو مين يا حيوانات..لو رجاله بصحيح شيلو اللي حطتوه علي عيني وانا هعرفكم مقامكم .محدش كان بيرد عليها
محستش بنفسها غير وهي بتفوق علي صوت باباها
بلال بحده وصوت عالي نيروز
نيروز بتفتح عينيها بهدوء وتبص حواليها .اوضه مش اوضتها مكان غريب بتسمع نفس الصوت من تاني نيروز
بتبص علي الصوت .بلال واقف حاطط ايديه في جيبه وبيبصلها بتعالي اهلا
نيروز بتبصله وهي مش مستوعبه هل ده فعلا حقيقه هل كل ده حصل في الوقت البسيط ده وفعل اللي قدامها ده ابوها اللي رماها من سنين طيب عايز ايه منها بعد كل العمر ده ..شريك ذكراياتها معاه بتتعرض قدام عينيها كأنه فيلم
_فلاش باك_
لما نيروز كان عندها 13 سنه
كانت قاعده في الاوضه قافله علي نفسها مكنتش عايزه تسمع خناقه كل يوم
بلال خبط عليها افتحي يابت الباب ده
نيوز من جوا بصوت ضعيف ليه
بلال بعصبيه افتحي بقولك
بتجري نيروز تشيل كتبها وتحطهم تحت السرير وتفتح لأبوها الباب
بلال بغضب بيزق نيروز بيخليها توقع علي الارض بيبص حواليه في الاوضه مش بيلاقي اي حاجه كان ماسك خرطوم في ايده نزل عليها ضرب وهي بتصرخ بتعملي ايه يا و لوحدك في الاوضه مش كفايه فاشله ولا بتذاكري ولا بتتنيلي انا هخرجك من المدرسه و هخليكي تقعدي جمب امك
_____
جميله بزعيق في ايه يا بلال حرام عليك انا تعبت منك تعبت من شكلك مش عايزه اشوفك تاني كفايه كل ده بتعذبني معاك وانا ساكته عشان بنتي متتشردش في الشوارع كملت بعياط حرام عليك
نيروز كانت سامعه صوت بكي امها وصوت صراختها العاليه .طلعت نيروز تجري علي باب الاوضه وتخبط بكل قوتها افتح يابابا حرام عليك سيبها اعمل فيا انا اللي انت عاوزه وسيب ماما افتح يابابا
بعد مده نيروز مش بتسمع لأمها صوت والباب بيتفتح وبيخرج بلال وبيمشي برا البيت نيروز بتقوم توقف وتجري علي اوضه امها ماما قومي خلاص هو مشي قومي ياماما خلاص مش هيعملك حاجه تاني كملت بعياط ونبي قومي يا ماما.
كانت بتهز امها بقوه وهي بتعيط قومي ياماما
..برضه مفيش رد
نيروز عرفت ان امها ماتت لما فضلت تصرخ والجيران اتلمو عليها ودخلو يشوفوا في ايه
عاشت مع ابوها سنتين كلهم عذاب ودايما شايفها فاشله
نيروز حكت لواحده صاحبتها علي اللي كان بيحصل معاها وازاي امها ماتت والبنت دي حكت لأبوها وابوها شغال ظابط وقبل ما يقبضو علي بلال كان هرب ساب بنته اللي عندها 15 سنه لوحدها عشان ينجد نفسه سابعا تواجه الدنيا لوحدها
_بااك_
نيروز فاقت من كل ذكراياتها دي وطلعت تجري علي بلال ومسكته من لياقه قميصه وانهالت عليه بالكمات .مكنش عارف يقاومها سابته وقعدت علي الارض ضمت رجليها وهي بتعيط ليه كده حرام عليك موتها ليه انا محتجالها .انا عمري ما اعتبرتك اب انت بالنسبالي ميت من سنين
كانت ضامع نفسها وبتعيط بهستيريه وبلال كان حاطط ايده مكان اثر ضرب نيروز ليه
مصعب بيرن علي ادهم ايه يا ادهم نيروز مجتش ليه
ادهم معرفش والله
مصعب ممكن متجيش قالتلي امبارح ان وراها شغل
ادهم طيب هكلمها اعرف منها
مصعب لا لا سيبها تشوف شغلها
بعد اسبوع يوم سفر مصعب
مصعب بتعب برضه نيروز مبتردش
ادهم بلهفه لا لا بترد بس قالتلي انها مشغوله في شغلها خالص الفتره دي
مصعب بحزن يعني هي مش فاضيه نص ساعه تيجي تسلم عليا وتمشي
ادهم سيبها يا مصعب تشوف شغلها ولما نرجع نبقي نعرف عذرها
ادهم كان بيكدب علي مصعب عشان ميتراجعش في انه يعمل العمليه
مصعب تمام انت مجهز كله مش كده
ادهم ايوه
مصعب طيب يلا نتحرك
نيروز لازالت قاعده في نفس الاوضه مكنتش بتحاول تهرب او تعمل اي حاجه وشها كان شاحب وأكلها بقي ضعيف
دخل عليها بلال واتكلم بضيق اعملي حسابك بعد بكره هتتجوزي تامر وده اخر كلام عندي
نيروز
يتبع
7
نيروز لازالت قاعده في نفس الاوضه مكنتش بتحاول تهرب او تعمل اي حاجه وشها كان شاحب وأكلها بقي ضعيف
دخل عليها بلال واتكلم بضيق اعملي حسابك بعد بكره هتتجوزي تامر وده اخر كلام عندي
نيروز بصدمه انت بتقول ايه ده لا يمكن يحصل اوعي تكون فاكر ان بعد كل السنين دي هترجع تتحكم فيا من تاني وتمشي أوامرك عليا هههههه لا تبقي بتحلم انت اخر واحد تيجي وتتكلم مش عايزه اشوفك تاني اعتبرني مايته. وقفت قدامه ورفعت صباعها في وشه واتكلمت بتحدي انا منستش اللي انت عملته في امي وهردهولك وهيكون بدل القلم قلمين
بلال كان مصدوم من بنته والثقه اللي بقت عندها دي مبقتش تخاف منه!!!ازاي ده لما كانت بتشوفه بتعيط دلوقتي وافقه قدامه وكمان بتتحداه ياتري ممكن فعلا تأذيه زي ما بتقول فاق بلال من افكاره علي صوتها وهي بتتكلم بصدمه وبتبص حواليها تليفوني فين .كملت بلهفه مصعب
بلال مسك ايدها مصعب مين
نيروز بتنزل ايده وبتبصله وهي بتضحك ما بلاش بقي دور الاب مش لايق عليك كملت وهي بتبص حواليها المهم تليفوني فين
بلال ببرود مفيش موبايلات
نيروز بضحك ماشي برضه فين الموبايل
بلال بحزم قولت مفيش موبايلات
نيروز كانت بتفكر تأذيه وتنفذ اللي في دماغها دلوقتي بس لا مش وقته
ده محتاج وقت وحاليا ده مش هدفها دلوقتي لازم تمشي من المكان ده.
نيروز ببرود اوكيه مش عايزه موبيلات اتفضل برا بقي خرج وسابها حاولت تفتح الباب من وراه لكن قافله جريت علي الشباك كان عباره عن قزاز بس معمول بأقفال مش هتعرف تفكهم
مصعب الساعه كام
ادهم الساعه 4
مصعب امتي هنوصل
ادهم ضحك علي هيئه صاحبه المتذمره خلاص يا عم اهو هنوصل
وقت قليل وبيوصل ادهم ومصعب المانيا
مصعب بخنقه انت حاجز هنا اي مكان ننام فيه ولا ايه
ادهم بإستغراب ايوه طبعا حاجز
مصعب طيب كويس نروح نرتاح بقي عشان انا تعبان خالص
ادهم هز كتفه اللي يريحك
عبير بغيظ انت فين دلوقتي
محمد في الشغل يا حبيبتي
عبير طيب اجيلك
محمد بإرتباك وهو بيبص للسكرتيره اللي قاعده جمبه ااا لالا مفيش داعي
عبير عقدت حواجبها بإستغراب مش عايزني اجي ليه
محمد بخبث خايف عليكي يا روحي من الطريق حد يعاكسك ولا حد يضايقك
عبير بإبتسامه بجد يا محمد خايف عليا
محمد اومال يا حبيبتي انتي فاكره ايه
عبير بحب وانا كمان بخاف عليك من الهوا الطاير يا محمد .يلا انا هقفل دلوقتي عشان متتعطلش
محمد بيقفل معاها المكالمه وبيبص للسكرتيره اللي قاعده مضايقه مالك يا لولو
ليلان بزعل بقي هي حبيبتك وبتقولها كده قدامي ومش هامك مشاعري
محمد بخبث انتي عارفه انا بقولها كده ليه عشان فلوسها انتي اللي في القلب يا لولو
ليلا بإبتسامه هحاول اصدقك
بلال ببرود نيروز مش عايزاك
تامر بغضب هتجوزها غصب عنها
بلال بخبث هتفرض نفسك علي واحده مش عايزاك ده هي مش بتطيق تسمع سيرتك
تامر كل ملامحه اتحولت لغضب جامح هي فين
بلال ببرود الاوضه اليمين
تامر بيمشي من قدام بلال بعصبيه وبيجري علي اوضه نيروز ويفتح الاوضه بهمجيه نيروز
نيروز بتسمع الصوت بتعرف ان ده صوت تامر بتقعد مكانها وتحط رجل علي رجل وتشبك ايديها في بعض واول ما بيدخل بينده تاني عليها بعصبيه نيروز
بتتكلم بثقه خير
تامر عمي قلك علي جوازنا
نيروز هزت راسها واتكلمت بهدوء والابتسامه علي وشها ومازالت في نفس قعدتها ورفضتك
تامر بغضب قرب ناحيتها وعايز يمسكها من شعرها نيروز في حركه سريعه منها كعبلته جامد برجلها خلته في الارض
تامر عينيه الاتنين احمرو من الغضب حاول يقوم وقام بالفعل وهي بتبصله بإستمتاع بتتكلم بهدوء اللي يفكر يلمسني بيشوف مني وش حياته كلها مشافهوش فيهااول مره كان تحذير هتعيد اللي عملته متلومش الا نفسك
تامر بغضب انتي هتبقي مراتي وانا ليا الحق اني المسك زي ما انا عايز
نيروز بإبتسامه مستفزه تؤتؤتؤ ازاي يا تاموره تتجوز واحده ست وانت مش راجل ينفع كده برضه كده عيب كده غلط يلا اطلع برا
تامر بغضب قرب ناحيتها ومسك ايديها بأحكام مين ده اللي مش راجل
نيروز حاولت تفك نفسها منه بس كان ماسكها بأحكام
تامر اتكلم بغضب ردي عليا مين اللي مش راجل
يتبع
8
في اللحظه دي دخل بلال وشاف المنظر اتصنم مكانه من الصدمه والدم نشف في عروقه مهما كان مش هيستحمل يشوف بنته في وضع زي دهالاتنين انتبهوله.
بلال بغضب انت بتعمل ايه
تامر ونيروز استغربوا من تغير بلال المفاجئ
تامر ساب نيروز وراح ناحيه بلال في ايه نسيت اتفاقنا ولا ايه
بلال بغضب ضرب تامر علي وشه بالقلم واتكلم بصوت مرعب عارف لو جيت جمبها تاني هقتلك ياتامر وفلوسك هرميهالك علي الجزمه ومش عايز اشوف وشك تاني
تامر حط ايده علي وشه اثر الضربه كان بيتنفس بعنف وشكله يخوف
تامر مسك لياقه قميص بلال واتكلم بغضب لو انت فاكر انك هتنهي اللي بينا بالشكل ده تبقي بتحلم قال كلامه ده وسابه ومشي
بلال بص لنيروز واتكلم بغضب انتي ازاي تسمحيله يقربلك كده
نيروز ضحكت علي أبوها واتعدلت في قعدتها وصقفتله اتكلمت بضحك ممثل شاطر لا بجد برافو اقنعتني .متحاولش معايا بالطريقه دي عشان مش هيكون في بينا تعامل اصلا تمام وشكرا علي ذوقك ..كملت بتريقه يايا بلال بيه.
وقفت وطلعت تجري من قدامه لما كان باب مفتوح
بلال واقف مكانه والصدمه كانت مسيطره عليه هو ايه الليه خلاه يعمل كده مع تامر ليه اتضايق لما شاف تامر قريب منها ممكن يكون مش بيكره نيروز زي ما كان متخيل!!!نفض كل الافكار دي من دماغه لما سمع صوت رنه موبايله الو ايه يا حمدي
حمدي الهانم اللي كانت عندك طالعه تجري نمسكها طيب ولا
بلال بهدوء لا سيبها هي هترجع علي مصر تاني
حمدي لو حابب نراقبها
بلال لا يا حمدي متعملش حاجه
قفل بلال الموبايل وقعد علي المكتب وحط ايده علي وشه وحاسس بالهم
ادهم بإبتسامه جاهز يا بطل
اتنهد مصعب في تنهيده طويله جاهز
ادهم عقد حواجبه مالك يا مصعب
مصعب ابتسم وهو بيحاول يبان كويس انا كويس مفيش حاجه يلا بينا نتحرك
ادهم ربت علي كتف مصعب منعرفش ايه ظرفها يا مصعب بلاش نظلمها
مصعب بضيق وهو انا ظلمتها ولا قلت حاجه
ادهم بإبتسامه طيب يا صاحبي يلا نتحرك
ادهم بيمسك الكرسي العجل بتاع مصعب وبيتحرك بيه
بلال بيمسك موبايله بيطلب رقم وبيستني الرد من الجهه التانيه ايوه يا عزت احجزلي علي اول طياره لمصر
عزت بإستغراب اشمعنا انت ليك سنين مرحتش القاهره هتنزل دلوقتي ليه
بلال بحزم اعمل يا عزت اللي قولت عليه من غير نقاش
عبير بتنزل من عربيتها قدام شغل محمد وبتمشي بتعالي لحد ما توصل لمكتب محمد بتدخل علي طول بتشوف محمد والسكرتيره قريبين من بعض وفي وضع مش كويس بتتصنم مكانها محمد انت بتخوني
محمد .
بتجري في الشارع وهي حاسه بالخوف نفس الخوف بتاع مراهقتها نفس الإحساس اللي كان بيأذيها كانت فاكره انها اتخطت اللي فات بس للأسف كل حاجه ضدها وهي بتجري خبطت في حد فتحت عينها بصدمه ..
تخمينك مممم خبطت في مين
يتبع
9
بتجري في الشارع وهي حاسه بالخوف نفس الخوف اللي كانت بتحسه في مراهقتها نفس الإحساس اللي كان بيأذيها كانت فاكره انها اتخطت اللي فات بس للأسف كل حاجه ضدها وهي بتجري خبطت في حد فتحت عينها بصدمه مريم
مريم كانت بتتكلم في التليفون اقفل دلوقتي يا حمدي..بتدقق في نيروز وتتكلم بشهقه نيروز يخرب عقلك بتعملي ايه هنا يابت
نيروز حاولت تهدي نفسها اخدت نفس عميق واتكلمت بهدوء جايه مخطوفه
مريم ضحكت علي نيروز بجد والله بتعملي ايه هناكملت بغمزه هو الزهر لعب ولا ايه يا كوتش
نيروز انا كنت في مصر صحيت لقيتني في المانيا واتخطفت وهربت من اللي كانو خاطفيني
مريم بشهقه ده بجد بقي تعالي تعالي معايا انا اصلا عايشه انا وماما محدش معانا ف اقعدي عندنا
نيروز ابتسمت لها شكرا علي ذوقك يا مريم بس انا هتصرف
مريم عقدت حواجيها ازاي بقي تيجي عندي في بلدي وتمشي
نيروز ابتسمت بلدك ايه يابت ياعبيطه انتي .طيب هاجي معاكي
مصعب دخل اوضه العمليات
الدكتور المصري اللي ادهم متفق معاه اخد منحه وخرج برا مصر من تفوقه في مجاله ايه يا استاذ ادهم هتفضل هنا علي طول ولا ايه ممكن تتفضل عشان نبدأ في العمليه
ادهم وقف ولسه ماشي مصعب مسك ايده ادهم رجعله واتكلم بهدوء متقلقش يا مصعب
مصعب بصوت ضعيف انا مش قلقان بس عايز اوصيك علي حاجه لو انا مت
ادهم هز راسه يمين وشمال بلا لا لا بعد الشر عليك متقولش كده انت هتقوم وهتبقي زي الفل كمان وهترجع تمشي وتدير شركتك من تاني
مصعب اتنهد بتعب متتعبنيش يا ادهم اسمع اللي عايز اقوله كمل بترجي لو حصلي حاجه عايزك تخلي نيروز في عينك نيروز ملهاش حد وشافت كتير زمان مش عايزها تشوف حاجه وحشه تاني يا ادهم
ادهم عينه دمعت غصب عنه متقولش كده يا مصعب انت لو حصلك حاجه انا ممكن اروح فيها
مصعب دور وشه الناحيه التانيه انا دلوقتي املي فيك يا ادهم ومليش غيرك اتمني تحقق طلبي.
ادهم بص بعيد عن مصعب عشان ميبكيش قدام الدكتور عن اذنكم
بلال في الطياره حس بحد بيقعد جمبه واتكلم بإبتسامه عامل ايه
بلال بصدمه رأفت
رأفت هز راسه ببرود اها
بلال ولازاات الصدمه مسيطره عليه اا..انت..اا ازاي ..عا يش
رأفت ضحك بصوت عالي واتكلم ببرود مصدوم انت طبعا .هز راسه بأسف للأسف يا بلال مخططك في قتلي فشل
بلال عينه وسعت ازايي
رأفت ضحك بإستفزاز وفاجأه وقف عن الضحك واتكلم بجديه انا كنت عارف اللي هتعمله من البدايه واخدت حظري وكان لازم اقنعك اني مت
بلال بكره ولو رجع بيا الزمن كنت هعمل نفس الحاجه انت دايما اللي الكل بيحبك ده حتي ابويا وامي كانو مفضلينك عني وانا كنت مكروه ومنبوذ من الكل لحد ما بقيت بأذي اي حد من غير ما احس بالذنب خلص كلامه وهو بيبص حواليه وهو مش عارف يقوم او يتحرك لأن الطياره بدأت رحلتها
رأفت اتضايق من كلام بلال اخوه بس حاول يبين عكس اللي جواه واتكلم بضحك متحاولش مفيش مفر للهروب الكلام ده كله متسجل واول ما تنزل هتكون في السجن
ياسمين بترن علي نيروز ومفيش رد بتبص للي قاعدين حواليها الكوتش برضه مبتردش ايه العمل
واحد من اللي قاعدين ممكن نكلم خطيبها ونسأله
ياسمين بحده انفصلو عن بعض ومش عايزين نعرف حاجه منه
علياء طيب ايه العمل هنفضل قاعدين كده وحاطين ايدنا علي خدنا
ياسمين بغموض هنحلها
نيروز بتروح مع مريم البيت
ام مريم بفرحه مش دي صاحبتك يا مريم
مريم بإبتسامه ايوه يا ماما دى نيروز
ام مريم سلمت علي نيروز وفردت دراعتها ايه يا بنتي هو انا مش زي امك ولا ايه ام مريم اخدتها بالحضن نيروز كانت واقفه مش مستوعبه اللي حصل
نيروز بإبتسامه لا ابدا بصت لمريم واتكلمت بهدوء وهي مانعه دموعها من النزول ممكن ارتاح يا مريم عشان تعبانه وعايزه انام
مريم بسرعه ايوه ايوه طبعا تعالي معايا
اخدتها لأوضه واتكلمت بإبتسامه دي اوضتك يا نيروز خدي راحتك والبيت بيتك متتكسفيش من اي حاجه
نيروز بتبسملها بإمتنان شكرا اوي يا مريم
مريم ضحكت علي كلام نيروز شكرا ايه يابنتي هو احنا في بينا برضه الكلام ده
بعد يوم
بلال في بيت نيروز بعد ما عرف يهرب من رأفت
_فلاش باك_
رافت في التليفون خلاص احنا وصلنا بس الطياره لسه هتهبط
بعد وقت بسيط الطياره بتهبط وتليفون رأفت بيرن تاني
رأفت بيفك الحزام ويوقف يتكلم في التليفون وبينسي بلال وبلال بيستغل الفرصه وبيهرب
_باك_
بلال بيدخل بيت نيروز مش بيلاقيها بيدخل كل الاوض مش بيلاقيها اخر ما يأس دخل اوضتها يتفرج علي صورها لفت انتباهه ملف في الدرج مسكه كان في شهادات تقدير كتير بأسم نيروز وفي كل الشهادات هي الاولي فضل يلف في البيت يلاقي ميداليات كتير عينه دمعت غصب عنه خرج برا البيت وهو حاسس ان الدنيا مسوده قدام عينه
وهو ماشي رأفت كان واقف مستنيه تحت البيت
الدكتور بيكلم ادهم العمليه كانت خطيره مش بالهين اللي حضرتك متخيله هو لسه مافقش دلوقتي احنا ادناله بنج و مسكن للألم وهنعرف اذا كان العمليه نجحت ولا لا لما يفوق
ادهم بقلق خير ان شاء الله ممكن ادخلو
الدكتور اه طبعا ولو فاق بلغنا
ادهم بيهز راسه بهدوء
ادهم دخل اوضه مصعب وقعد علي الكرسي قدامه الحمدلله يا صاحبي عدت علي الخير كان عندي ثقه في ربنا انه مش هيخذلني ابدا
بيديق عينه لما بيحس بحاجه غريبه في مصعب.. بيبص علي مصعب كويس بيحط ايده قدام مناخيره ويهز راسه بهيستيريه ودموعه بتنزل لا لا مصعب قوم
صرخ بصوت عالي مصعب
في وقت بسيط كانت المستشفي كلها اتلمت في اوضه مصعب
الدكتور بقلق في ايه
ادهم ممصعب مش بيتنفس
الدكتور..
يتبع
10
وقت بسيط كانت المستشفي كلها اتلمت في اوضه مصعب
الدكتور بقلق في ايه
ادهم م..مصعب مش بيتنفس
الدكتور بصوت عالي اجهزه التنفس بسرعه
بيركبوله اجهزه التنفس والدكتور بيقعد عايز اشوف الكاميرات
ادهم عقد حواحبه بإستغراب ليه
الدكتور حد شال اجهزه التنفس عن مصعب
ادهم طيب مستني ايه شوف مين اللي عمل كده
الدكتور هز دماغه وراح ناحيه اوضه الكاميرات
بيشوف الكاميرات وبالفعل شخص دخل لأوضه مصعب وحاول يموته بأنه يشيل اجهزه التنفس عنه لكن الشخص ده ملثم مفيش اي حاجه باينه منه
ادهم بصوت عالي وفرحه مصعب فاق
الدكتور سمع صوت دوشه جري يشوف في ايه سمع ادهم اللي بيكرر في كلامه بفرحه مصعب فاق مصعب مصعب فاق
بيسمعو صوت انين ا اه
الدكتور جري عليه بسرعه حاسس بإيه
مصعب بتعب حاسس ان جسمي بيتقطع
الدكتور ده اثر العمليه..احنا هنديك مسكن
مصعب نيروز فين
ادهم بتوتر قوم انت بس يا صاحبي بالسلامة واحنا هنشوف نيروز
الدكتور حاول تحرك صوابع رجلك
ادهم حاول يحرك صوابعه وبالفعل عرف
الدكتور بفرحه العمايه نجحت
بلال نزل من بيت نيروز وهو شايل الهم والحزن وهو ماشي شاف رأفت مستنيه تحت البيت
بلال بيروح ناحيه اخوه وهو موطي راسه
رأفت بإستغراب مالكمحاولتش تهرب ليه
بلال ببكاء مش انت قولت اني هتسجن كمل كلامه وهو بيمد ايده يلا كلبشني ووديني السجن
رأفت بياخد بلال وبيسلمه للبوليس ويتسجن وبياخد حكم اعدام بسبب قتله لمراته ولمحاوله قتله لأخوه
بتعدي الايام ونيروز كانت لابسه هدومها ومجهزه حاجتها علي انها تمشي وقبل ما تمشي دخل حمدي
حمدي احمم السلام عليكم
مريم بلهفه حبيبي انت جيت
حمدي اول ما بيشوف نيروز بيوقف مكانه بيبصلها نظرات غموض وفي اللحظه دي هي طلعت تجري من قدامه وده خلي مريم وام مريم يستغربوا حركتها دي
نيروز كانت بتجري بأقصي سرعه عندها بتيجي عربيه تخبطها وتجري الناس بتتلم حواليها وصوت التمتمه علي بالتأكيد فعلت كارثه لذا تركض من والديها خوفا منهم
صوت كلام الناس علي وكل واحد بيقترح اقتراح شكل وهي واقعه مكانها علي الارض بتسيح في دمها اللي شبه اتصفي
الكل بيسمع صوت كلاكس عربيه بس محدش بيتحرك
ادهم انا هنزل اشوف في إيه
مصعب مسك ايد أدهم خليك انت انا نازل نزل مصعب يشوف في ايه
شاف نيروز واقعه علي الارض والدم حواليها مالي الارض
ادهم بينزل يشوف مصعب طول ليه واول ما بينزل بيشوف مصعب و..
يتبع
11
ادهم بينزل يشوف مصعب طول ليه واول ما بينزل من العربيه بيشوف مصعب شايل نيروز وهدومه كلها دم بيجري عليه وبيتكلم بلهفه ايه ده نيروز مالها و..وايه اللي جابها هنا
مصعب مش بيتكلم ولا بيبكي مفيش اي رد فعل باصص قدامه وشايلها وماشي ناحيه العربيه بيحطها في العربيه وبيركب وادهم بيركب وبيتحركوا بالعربيه علي المستشفي
بيشيلها مصعب وبيدخل قسم الطوارئ وبياخدوها منه وبعد فتره بيخرج الدكتور احنا حاولنا نسيطر علي الوضع بقدر الامكان لكن في امل بسيط انها تفضل علي قيد الحياة ولو حصل وربنا اداها عمر جديد اثر الضربه في دماغها هيكون عملها فقدان للذاكره ف معتقدش لما تفوق تفتكركم
ادهم طيب امتي هتحدد إذا كانت حالتها مستقره او لا
الدكتور هي من دلوقتي حالتها مش مستقرة لكن بعد 24 ساعه مفيش غير حاجتين هي ان حالتها تستقر او تموت
مصعب بيدخل لنيروز الاوضه بيقعد جمبها وبيفضل ماسك إيديها وهو بيبكي وبيتحايل عليها زي العيل الصغير متسبينيش يا نيروز مش هعرف اعيش من بعدك موتك يعني موتي
ادهم بيحط ايده علي كتف صاحبه هتقوم بإذن الله متقلقش
مصعب صرخ فيه بصوت عالي مش عايز اسمع صوتك خالص انت السبب اصلا في اللي احنا فيه انا مكنتش هسافر غير لما اعرف نيروز مجتش ليه بس انت اللي قولتلي انها كويسه اهي طلعت مش في مصر اصلا تقدر تقولي ايه جابها هنا ومين اللي عمل فيها كده
ادهم اتصدم من هجوم مصعب ليه فسكت ومردش عليه
الليل ليل عليهم وهما في مكانهم وكل واحد نايم علي نفسه علي الكرسي دخل الدكتور وبمجرد دخوله قام مصعب وبص علي نيروز لقيها نايمه ف بص للدكتور اللي دخل خير
الدكتور جيت اطمن علي الحاله
مصعب بجمود شوف شغلك
الدكتور كان لسه هيتحرك و يكشف عليها بس سمع صوت تأوه من نيروز
نيروز اه دماغي
مصعب بلهفه نيروز انتي كويسه
نيروز بتبص حواليها بإستغراب ايه المكان ده وانا مين وانتو مين
الدكتور بص لمصعب بنظره تخليه يسكت
الدكتور اسمك نيروز وانتي من مصر وحاليا في المستشفي عشان تعبانه
نيروز ببلاها الراجل ده بيتكلم كده ليه ما تتكلم عدل
الدكتور بص لمصعب نسيت انها مش هتفهم لغتي ممكن توضحلها انت
مصعب اتنهد بتعب اسمك نيروز ودلوقتي انتي في المستشفي وفي ألمانيا
نيروز بصدمه ألمانيا
مصعب رفع حاجبه ايه تعرفيها
نيروز ضحكت لا كملت بغمزه بس مين القمر متعرفناش
الدكتور بص لمصعب بقلق هي بتعمل كده ليه
مصعب ضحك غصب عنه علي شكل الدكتور متاخدش في بالك
الدكتور طيب في فحوصات لازم تتعمل عشان نتأكد
من صحه المريضه
مصعب رجع لهيئه الجد من تاني اتفضل شوف شغلك
بعد فتره الدكتور بيكون خلص وبيبص لمصعب بأنه يجي وراه مصعب بيروح ورا الدكتور لحد ما بيخرجوا برا الاوضه
الدكتور حالتها استقرت وطبعا زى ما قولت هي هتكون فاقده للذاكره وده شئ مؤقت ويرجوا مراعتها في الفتره دى والمعامله تكون معامله خاصه ومحدش يضغط عليها انها تفتكر حاجه هي واحده واحده هتفتكر
مصعب هز راسه بهدوء والدكتور اذنله انه ينفع تخرج لكن بعد ما تعدى 24 ساعه كاملين
بتعدى 24 ساعه ومصعب بيقرر يمشي ويرجع مصر بياخد نيروز من المستشفي معاه وبيمشي هو وادهم لكن مفيش بينهم كلام
في الطياره
نيروز يا اسمك ايه واخدني علي فين
ادهم كان نايم لما الدكتور شخص حالتها بس كان مستغرب تصرفها
مصعب ضحك بخفه هنروح بيتي
نيروز لطمت وحطت ايدها علي وشها بخضه يلهوي وهتوديني بيتك ليهملحقش يرد هليها كانت هي بتشاور بصباعها قدام وشه لا ونبي لا سيبني متأذنيش
مصعب عقد حواجبه بإستغراب ايه الخيال ده انا هاخدك بيتي عشان يبقي في خدم يراعوكي وياخدو بالهم منك
نيروز فتحت بوقها بصدمه خدم!!
مصعب هز راسه بهدوء
نيروز بفرحه احلفهو انت ساكن في ايهكملت بسرعه ايه الغباء ده اكيد في فيلا ولا قصر باين عليك يعني انك ابن ناس
مصعب بإستغراب وهما الاغنيه بس اللي ولاد ناس
نيروز بضحك فهمتني غلط اقصد يعني ناس اغنيه
مصعب هز راسه وسكت
نيروز مقولتليش برضه تعرفني منين اصل حد قمر وغني زيك يعرف حد زيي منين غريبه مش كده
مصعب بتوتر ا ا..الوقت عدي بسرعه
نيروز بإستغراب وايه علاقه ده بكلامي
فهمت معني كلامه لما سمعت صوت ان الطياره هتهبط
بياخدو وقت بسيط وبيوصلوا للفيلا
مصعب بيوري لنيروز اوضتها والخدم قاعدين متوترين من مصعب
مصعب بيسيب نيروز وبيخرج من اوضتها
شاف حد من الخدم بيبصلو بتوتر هنا مصعب اتكلم في ايه بتبصلي كده ليه
ربيع م..مفيش يا بيه اااصل مش مصدق انك واقف من تاني علي رجليك
مصعب سلم علي الخدم كلهم بإحترام وهو مستغرب نظراتهم ليه ف بيسأل عن امه
مصعب صحيح ماما فين
ربيع بقلق في اوضتها يا مصعب بيه
بيطلع مصعب فرحان وعايز يخلي امه تشوفه وهو واقف علي رجليه اول ما بيفتح باب الاوضه بيتصنم مكانه وكأن حد كب عليه مايه ساقعه ..
توقعاتكمممم يا احلي متابعين
معلومه صغير انا لما بحط الكلام بين علامات تنصيص بيكون قصدي ان الكلام مترجم من الماني لمصري عشان محبتش يكون في عربيه فصحي عشان تندمجوا اكتر
يتبع
12
بيطلع مصعب فرحان وعايز يخلي امه تشوفه وهو واقف علي رجليه اول ما بيفتح باب الاوضه بيتصنم مكانه وكأن حد كب عليه مايه ساقعه بيشوف امه في حضن واحد
مصعب بصدمه اا…ايه ده
عبير بتتنفض من مكانها وبتتكلم بتوتر م مصعب..ده ده محمد جوزي
مصعب علامات الاستغراب والاستنكار علي وشه مش مصدق ان امه تعمل كده اتكلم بتساؤل جوزك
عبير بقلق في أيه اه ده جوزي
مصعب صرخ فيها بصعبيه جوزك ده اللي هو ازاي وامتي الكلام ده حصل واحده في سنك رجلها والقبر تعمل لأخرتها مش تحب وتجيب رجاله البيت
عبير ضربته بالقلم علي وشه اخرس خالص
مصعب حط ايده علي وشه وهو مصدوم من اللي امه عملته بصلها بنظرات توعد وخرج من غير ما ياخد باله من شكل محمد
مصعب راح اوضته وهو في أقصي مراحل غضبه بيطلع موبايله ويرن علي أدهم
مصعب أدهم
أدهم بآستغراب نعم
مصعب انا جاي الشركه وعايزك تجهزلي الورق اللي هطلبه منك دلوقتي
ادهم حاضر
نيروز بتخرج برا الاوضه وتبص حواليها وبتتحرك في الفيلا بنشاط
مصعب وهو خارج سمع صوت كركبه في المطبخ دخل يشوف في أيه لقي نيروز فوق المطبخ وضامه نفسها من الخوف وبتحاول تمشي ألفار بالصينية اللي في إيدها
مصعب في نفسه اتكلم بتريقه بقي دي نيروز اللي كانت بتضرب رجاله بشنبات خايفه تضرب فار
راح ناحيتها ومد ايده يلا انزلي
نيروز بتشاورله علي الفار
مصعب بيبص للفار ويرجع يبصلها بآستهزاء هو ده اللي خايفه منه…انجزي انزلي مش هيعملك حاجه وبعدين ده فار هامستر احنا جايبينه
نيروز هزت راسها بخوف لا مش هنزل اول ما أنزل هيجري ورايا
مصعب مد ايده بحد ما وصلها ناحيته واتكلم بحنان مش عايزك تخافي ياروحي طول ما انا معاكي وحتي لو انتي لوحدك مش عايزك تخافي انتي شجاعه اوي
نيروز وانت هتسيبني لوحديانا بخاف من الفار
مصعب اتنهد بتعب واتكلم بصوت ضعيف انا اسيب الدنيا كلها وانتي لا
نيروز كانت بتتنفس بعنف من قرب مصعب ليها حست بضربات قلبها عاليه
مصعب اتكلم بصوت مهزوز انا تعبان اوي يا نيروز
نيروز مش عارفه تتكلم من قربه
كمل كلامه مش عارف ازاي امي تعمل كده تتجوز وكمان من غير علمي لا ولما اواجها بتمد إيدها عليا
نيروز اتصدمت ووالدك
مصعب بيبعد وعنها وبيضحك بوجع ابويا اتخلي عننا من بدرى
نيروز يعني عايش
مصعب اه…كمل كلامه وهو حاسس بوجع ومانع دموعه من الانهيار قدام نيروز طفل ميعرفش اي حاجه والمفروض ان اهله يوجهوه ويعرفوه الصح من الغلط كبر يخبط لوحده ويتعلم لوحده لحد ما يوقع ويتألم ويعرف ان اللي عمله غلط …سكت شويه واتنهد وكمل كلامه تعرفي اني معرفش يعني ايه حنان اهل او حنان عمتا انا كان اكبر امنتياتي حضن امي او ابويا كنت دايما بشوف الاهل بيخرجوا ولادهم يفسحوهم ويلعبو معاهم ويجيبولهم حاجات حلوه وانا كنت اتفرج عليهم من بعيد كانو بيستمتعوا بشكلي وانا واقع في مشكله وانا و تعبان
نيروز كانت بتسمعه وهي بتعيط وقررت انها تعمل حاجه
مصعب مسحلها دموعها واتكلم بضحك كمان قمر وانتي بتعيطي
نيروز ضحكت غصب عنها
مصعب بصي يا حبيبي لو عايزه اي حاجه نادي اي حد من الخدم يعملهالك …يلا انا همشي عشان مشغول…بيبوس راسها وبيمشي
أدهم وهو قاعد بيسمع باب المكتب بيخبط ادخل
بتدخل بنت قصيره ملامحها جميله وهاديه
أدهم باصص في اللاب توب ومركز فيه بتدخل تارا وتفضل ساكته
ادهم في أيه ما تدخ…لسه هيكمل كلامه بيلاقيها واقفه قدامه ملاك
أدهم بإستغراب هو انتي اللي نيروز كانت بتدافع عنها
تارا بتحط راسه في الأرض من الاحراج لو هضايق حضرتك ممكن امشي.
أدهم بهدوء لا ابدا اتفضلي
تارا بتقعد وبتاخد نفس عميق وتتكلم انا السكرتيرة الجديده هنا…وده الورق اللي حضرتك طلبته
محمد بخوف انتي مديتي ليه ايدك عليه
عبير بصتله بصدمه انت بدل ما تدافع عني بتدافع عنه
محمد كان خايف ان مصعب يأذيه انتي مش فاهمه حاجه ابنك ممكن يأذيني
عبير بجدده اللي خايف منه ومتخافش هو مش هيعرف يعمل حاجه.
محمد ازاي مش هيعملي حاجه
عبير زي مابقولك كده مش هيقدر يعملك حاجه
محمد بعدم فهم وضحي
عبير يعني مصعب هيرجع زي ما كان عشان يريحنا
محمد بصدمه عاجز
عبير ايوه..و احتمال النظر
نيروز بتنادي واحده من الخدم تعملها اكل اسمها سريه وبتتصاحب عليها
مصعب بيوصل الشركه وبيدخل مكتب أدهم بيشوف تارا احمم السلام عليكم.
الكل بيرد عليه السلام
تارا بتوقف بإحراج استأذن انا ياجماعه عن اذن حضراتكم
مصعب لا لا خليكي انا جاي اخد حاجه وماشي….هات يا أدهم الورق
أدهم بيديله الورق
مصعب وهو خارج من المكتب بلغ المحامي اني رايحله دلوقتي
أدهم بيهز راسه
باسل في التليفون اول ما يخرج نفذ
_ اوامرك
باسل بيقفل المكالمه وبيبص جمبه علي مرام ويتكلم بخبث حبيبتي متخافيش الحادثه دي هتكون قرصه ودن
مرام ببكاء ولما كنت هتموته وهو في ألمانيا لما شيلت من علي اجهزه التنفس ده كان أيه
باسل مكنتش هموته
مرام بس خليك فاكر اني مش معاك في الفكره دي
باسل بخبث انا هضمنلك انه هيبقي ليكي
مرام بفرحه بجد يا باسل
باسل ضحك بخبث بجد يا قلب باسل
ياسمين بقلق انا كلمت مرام ودي أقرب حد للكوتش نيروز وقالتلي متعرفش عنها حاجه
سهي طيب نعمل ايه نبلغ البوليس علي اختفائها
ياسمين لا لا بوليس أيه
سهي طيب والعمل
ياسمين ببكاء مش عارفه مش عارفه
نيروز حاولت تخلي الخدم يتلهو عنها وطلعت تتسحب من الفيلا
بتخرج من الفيلا وتروح شقه بعيده عن كل الانظار بحيث محدش يعرف مكانها
بتدخل الشقه الجديده
بتتكلم ببكاء سامحني يا مصعب بس مكنش ينفع اعرفك اني افتكرت كل حاجه عشان لازم ابعد ….لازم ابعد عشان متتوجعش مني انا كمان كفايه انت اتوجعت كتير
بتفضل في مكانه تعيط كتير وبعدين بتقوم تغسل وشها وبتروح تطلع النوت اللي كاتبه فيها الارقام وبترن علي ياسمين
ياسمين بترد وبتتكلم بإستغراب الو مين
نيروز بتتنهد وتتكلم بهدوء انا نيروز يا ياسمين
ياسمين بلهفه انتي فين يا كوتش احنا بندور عليكي من بدرى انتي كويسه يا كوتش
نيروز انا بخير متقلقوش من بكره هنكمل تدريباتنا
مصعب بيخرج من الشركه وهو رايح يعدي الطريق بتيجي عربيه ماشيه بسرعه كبيره و….
يتبع…
13
مصعب بيخرج من الشركه وهو رايح يعدي الطريق بتيجي عربيه ماشيه بسرعه كبيره ومصعب بيتفاداها علي اخر لحظه وبيحفظ ارقام العربية وفي نفس اللحظه بيستجمع كل ذكرياته والحادثه بتاعته وفي الوقت ده بيحس ان رجليه مش شيلاه بس كان لازم يجي علي نفسه ويستحمل وميضعفش بالشكل ده بيتماسك لحد ما بيوصل للمحامي
ملخص اللي فات ام مصعب اتجوزت محمد اللي بيضحك عليها وهي اتفقت مع باسل عشان العربيه تخبط مصعب والجو يفضالها وباسل كان بيضرب عصفورين بحجر مرام وعبير والضحيه الاكبر مصعب عايز يخلص عليه عشان يوصل لنيروز
مصعب بيدخل للمحامي احمم احم
المحامي عبدالستار اتفضل اتفضل يا مصعب ادهم كلمني
مصعب بيقعد علي الكرسي بأريحيه وبيتنهد تنهيده طويله وبيتكلم شوف يا استاذ عبدالستار انا عايز كل حاجه انا كتبتها بأسم امي ترجعلي تاني وكل الاملاك اللي جدي كتبها بأسمي وانا اديت منها لأمي عايزها كلها
عبدالستار بإستغراب ايه ده يابني هو لعب عيال ولا ايه
مصعب بحده تنفذ اللي اطلبه وبس
عبدالستار طيب افهم علي الاقل
مصعب مع انه مش من حقك بس هوضحلك امي اتجوزت واحد وناوي ينصب عليها وانا عايزها علي الحميد المجيد واشوفه هيخليها علي زمته ولا هيطلقها
عبدالستار هز راسه بفهم امممم طيب وبعدها هترجع لوالدتك املاكها
مصعب نفذ دلوقتي وبعدين نشوف ..بيقوم ويمشي من المحامي.
تامر بغضب يعني ايه مش قاعده اقلبولي عليها الدنيا
مش بإيدينا حاجه ومعملنهاش
تامر بغضب اكبر عارف لو موصلتوش لنيروز انا هموتكم كلكم
ابو تامر بيدخل في اللحظه دي وبيقعد علي الكرسي وهو بيضحك لسه بتدور عليها
تامر فتح عينه بصدمه بابا!!!!
عبير بخبث كلها دقايق وتليفون هيوصلني من باسل ويقولي ان مصعب رجع زي ما كان خلاص مفيش مصعب هيضايقنا تاني.
محمد فرك ايده بفرحه وبص لعبير بغموض تفكيرك ده عال العال
عبير بدلع انا زعلانه منك
محمد بتمثيل الزعل ليه يا قلبي
عبيربزعل عشان مسافرناش
محمد غمزلها انتي بس تشاوري علي المكان اللي نفسك فيه
تارا بإحراج ممكن امشي يا استاذ ادهم
ادهم مركز في ملامحها واتكلم بتوهان لا
تارا مكنتش عارفه تعمل ايه وقاعده بتفرك في إيدها من التوتر طيب انا قاعده بعمل ايه هنا
ادهم اتضايق منها قومي
تارا اتصدمت من رده نعم
ادهم يلا اتفضلي علي مكتبك
نيروز بتحس بالذنب انها بعدت عن مصعب بس بتفكر ان ده احسن ليه عشان متجرحهوش اكتر من كده
بتاخد قرارها وبتقوم تلبس هدومها وتروح الكافيه اللي باسل بيبقي قاعد فيه وبتقعد قدامه علي الكرسي اهلا بالغالي
باسل بيرفع راسه بهدوء من اللاب توب وبيبصلها للحظات مش بيستوعب ان اللي قدامه دي نيروز اتكلم وهو فاتح بوقه انتي نيروزانتي بجد ولا انا بحلم
نيروز بتحط رجل علي رجل وتتكلم بثقه اه بجد
باسل بيفتكر ان مصعب دلوقتي ميت ونيروز قدامه دلوقتي عشانخلص عليه بيتكلم بتوتر ن..ننيروزانتي بتعملي ايه هنا وعايزه ايه
نيروز بنفس الثقه ايه مالك متخافش انا بس جيت اقولك اني موافقه نرجع لبعض
مصعب وراها بيكون سامع كل حاجه و.
يتبع
