البوست 1

الحلقه الاولى
فى احدى الليالي الممله الرتيبه كنت اتصفح مواقع التواصل الاجتماعيه بمنتهى الفتور و لفت انتباهى احدى المنشورات التى تخطت الاربعه الاف تعليق على احدى المجموعات كان محتواه محتاجه شاب محترم و جاد يمثل قدام اهلى انه عاوز يخطبنى و ارفضه و ياخد خمس تلاف جنيه لم اصدق ان تصل الحال باحدى الفتيات لهذه الدرجه من القهر لتهين نفسها بهذا الشكل فهى لا تدرى عواقب ما تفعل و بدات في تصفح التعليقات التى تراوحت بين ساخر و شامت اغلبها مهين و البعض يطلب بيانات و صور و بعضها يلعن الحكومه و الغلاء و العنوسه و نصائح بالعدول عن الفكره و التقرب من الله ظللت اقلب في هذه التعليقات لمده ساعتين كاملتين دون ان اشعر حتى غلبنى النعاس و انتهى الامر او هكذا كنت اتمنى ففى الحقيقه لم يتوقف عقلى عن التفكير في هذا المنشور و هذه الفتاه و بدا في تخيل الملايين من السيناريوهات و القصص التى مرت بها الفتاه المسكينه لتصل لهذه الحال و ملايين اخرى للقصص و المشكلات التى ستقع فيها جراء تلك الفعله هذه الفتاه قدمت نفسها صيدا سهلا لذئاب و مرضي مواقع التواصل وجدت نفسي دون ان اشعر ابحث عن هذا المنشور استغرقت عمليه البحث تلك اكثر من خمس ساعات متواصله حتى عثرت عليه فتحت صفحه الفتاه كانت خاليه من اى تفاصيل لم يستغرق الامر طويلا حتى وجدت نفسي ارسل اليها رساله السلام عليكم شوفت منشورك و كنت عاوز اسال لقيتي حد و لا لسه امسكت بهاتفى قرابه الربع ساعه انتظر اى رد مرت تلك الخمسه عشر دقيقه كانها خمسه عشر ساعه كنت انظر الى الساعه كل ثلاث ثوان تقريبا حتى وجدت نفسي ارسل رساله اخرى لو لسه بتدورى على حد انا مستعد اجى معاكى تجمدت افكارى لثوانى و انا انظر لهاتفي لم اصدق انى ارسلتها لماذا ورطت نفسي فى امر كهذا انا لا اعرفها و لا اعرف عائلتها

هل كانت من باب الفضول ام الشفقه ام روح المغامره لم استطع التحديد لم يمض وقت كثير حتى وصلنى منها رد انتفضت في جلستي من فرط الحماسه
هى ليه ؟
تجمدت اناملى و لم اتمكن من الكتابه فماذا ساقول لها انا حقا لا ادرى لماذا اقدمت على شئ كهذا اريد ان اكتب لها شيئا لطيفا فانا لا اريد ان اجرح مشاعرها فيكفيها ما هى فيه … لا استطيع ان افكر في شئ لطيف فانا لا اعرفها فكيف سامتدحها قطعت افكارى رساله اخرى منها
هى عشان الفلوس ؟
انا لا طبعا … انا مش عارف ليه عملت كدا … بس انا مستعد اجى معاكى
هى انت عارف انا من ساعه ما نزلت البوست كلمنى كام واحد
انا انا مش زيهم انا حتى مش عاوز فلوسك
هى عاوز تشوفني ؟
انا بيتهيالي
هى على فكره انا مش واحده شمال انا ام لبنتين و مطلقه كل اللى محتاجاه ان حد يجي يطلبني من اهلى و بس و انا هرفض والله مش هدبسك فى حاجه حتى تمن الجاتوه اللى هتجيبوا هحاسبك عليه لو ما عندكش بدله هجيبلك واحده هديه
انا ليه كل ده
هى عشان انا عاوزه ده انت خريج ايه
انا هندسه
هى عندك كام سنه ؟
انا ٣٤
هى متجوز ؟
انا اعذب
هى عندك شغل
انا ايوه و بقبض كويس كمان
هى امال ما اتجوزتش ليه
انا ما فيش نصيب
هى اسمك ايه
انا احمد مصطفى الخولى
هى بتشرب سجاير او اى نوع مخدرات
انا لا انا رياضي
هى انا شوفت صورك على صفحتك شكلك ابن ناس
انا و انتى كمان
هى بس انت ما شوفتنيش
انا حاسس
هى انا كنت متجوزه انسان محترم زيك كدا و عشت معاه اجمل عشر سنين فى حياتى و بعدين انفصلنا اهلى كانوا ضد الطلاق عشان المجتمع هيعاملنى على انى جربه او هيحاولوا يستغلونى بس انا صممت انا بس عاوزه اثبت لطليقى انى لسه مرغوبه و عاوزه اثبت لاهلى ان ممكن حد كويس يبصلى
انا اطلقتوا ليه
هى فجاه اكتشف ان وزنى زايد و انى مهمله في نفسي و انى قرفاه فى عيشته فجاه اكتشف ان فى تراب فى الدولاب و ان الاكل ناقص ملح اكتشف انى مهتميه بالبنات اكتر منه و انه مش لاقي نفسه معايا
انا فى واحده تانيه في حياته
هى ورث
انا بقالكوا قد ايه مطلقين
هى اربع شهور ادانى خمسه و عشرين الف جنيه مؤخرى بعد عشر سنين يعني اليوم واقف تقريبا بسته جنيه و نص يا بلاش
انا ما بتتحسبش كدا
هى ما بتتحسبش خالص لو كانت بتتحسب ما كانتش هبقي بكلم واحد غريب و لا اهين نفسي بالشكل ده ممكن اقولك حاجه
انا اتفضلي
هى انت عارف اقل خدامه بتاخد كام عشان تيجي تهنكر
انا انا عن نفسي بدفع لمرات البواب ١٥٠٠ كل شهر بتطلع تروق و تعمل شغل البيت و تطبخلى عشان ما عنديش حد يخدمنى فلو بتحاولى تقولى ان دول اغلى منك تبقي غلطانه ما بتتحسبش كدا
هى برده الجواز اوفر امال بتشتكوا انه مكلف ليه دا انت تجيب شبكه بمرتب سنتين
انا يا ستى والله مش بتتحسب كدا الجواز مش بيعه و شروه الجواز شراكه
هى امال هو ليه باعنى ليه كل الناس بتعاملنى على انى مجرد بضاعه مستعمله هدوم باله مرميه على الرصيف
انا هو ما باعكيش هو خسرك
هى امال هو ليه ما كانش باين عليه انه خسرني كان بيضحك و مبسوط و بيرقص
انا و هو بيطلقك؟
هى و هو بيتجوز اصغر منى بتسع سنين حلوه على فكره مش هنكر
انا و انتى كمان حلوه على فكره
هى و هو انت كنت شفتني
انا امال هو اتجوزك ليه من الاول لو ما كنتيش حلوه اديكي نصيحه
هى ياريت
انا خدى الفلوس و روحى الجيم و اشترى لنفسك هدوم جديده خدى البنات و اطلعوا رحله و اتفسحوا
هى يعني مش هتيجي
انا لو عوزانى اجى هاجى بس انا مش عاوزك تخسري نفسك اكتر من كدا امسحي البوست و اقفلى الاكونت ده مش هيجيلك منه غير ناس طمعانه يا فى الفلوس يا فيكي
هى و انت كلمتنى ليه
انا قولتلك مش عارف
هى انا اسمي ملك عندى ٣١ سنه و كام شهر ماما دكتوره عظام في القصر العيني انا هقفل الاكونت زى ما انت قولت فعلا من ساعه ما نزلت البوست و انا تعبانه و هعمل بنصيحتك شكرا انك سمعتني
حاولت ارد عليها لكنها كانت اسرع منى و حظرتنى فتحت حساب اخر و بحثت عنها و لكن حسابها اغلق حاولت انا ايضا ان اغلق الموضوع على هذا القدر و لكنى لم اتوقف عن التفكير في ملك والدتها التى تعمل طبيبه في القصر العيني لماذا اخبرتنى بهذه المعلومه ؟ هل ارادت منى ان ابحث عنها ؟ هل ابحث عنها ؟ ما هذه الحيره مجددا و لم انا مهتم بهذا الامر انا لست طبيب نفسي لاهتم بفتاه مثلها لماذا اخبرتنى بكل تلك التفاصيل ربما هذه وسيله جديده لاصطياد العرسان او ربنا كانت فى حاله نفسيه مدمره افقدتها السيطره على افعالها لما اتمكن من النوم طوال الليل و لا التركيز في عملى فى اليوم التالى حصلت على اذن للانصراف مبكرا و ركبت سيارتى و توجهت لمستشفي القصر العيني قسم العظام كنت كالطفل التائه لا اعلم اين اذهب او حتى عن من ابحث هائما بين الطرقات اتلفت بين المرضى و الاطباء ابحث عن شئ لا اعرفه و لا اعرف حتى ماذا سافعل عندما اجده استوقفنى احد العمال في المشفي
العامل بتدور على حاجه يا استاذ
انا الحقيقه اه بدور على دكتوره عظام بتشتغل هنا
العامل اسمها ايه
انا الحقيقه ما اعرفش كل اللى اعرفه انها بتشتغل هنا
و عندها بنت اسمها ملك
نظر لى العامل بتعجب فاردفت مصححا لظنونه السيئه التى بدات تظهر على ملامحه
انا انا بصراحه عريس
لم تصدق اذنى ما خرج من فمى و لكنى لم اتمكن من التوقف عن الكلام لا اعلم كيف خرج من فمى و لا اظن انه مر على عقلى قبل خروجه و لكنه خرج
انا صديق ليا رشحلى ملك و قالى ان والدتها بتشتغل دكتوره هنا
اخرجت من جيبي بضع ورقات نقديه و وضعتها في يد العامل اللذى فقد اهتمامه بسبب بحثي عن ملك و بدء فى البحث هو الاخر بعد ان طلب منى ان انتظره هنا لم يتاخر طويلا حتى عاد مبتسما
العامل لقيتلك الدكتوره

اللى بتدور عليها الدكتوره احسان فرج هى الوحيده اللى عندها بنت اسمها ملك بس دى مطلقه يا استاذ و كبيره و مخلفه كمان
انا عارف شكرا
تركته و بدات في البحث عن الدكتوره احسان فرج حتى وجدتها فى احدى العيادات و قد تكالب المرضي امام عيادتها قطعت كشف و انتظرت دورى طويلا اسال نفسي سؤال واحد و هو ماذا افعل هنا ؟ بالطبع لم اجد اى اجابه على هذا السؤال و كان يفترض ان اسال نفسي سؤال اهم ادركته بمجرد دخولى و جلوسي امام الطبيبه احسان و هى تنظر لى و تسالنى مما اشكوا كان يفترض ان افكر فى ماذا سافعل عندما ادخل لتلك الطبيبه و ماذا ساقول لها ؟ انا لا استطيع ان اخبرها الحقيقه و لم امنح نفسي الوقت الكافى لاختلق كذبه جيده فانا لا اعلم اى شئ عن ملك تلك فاخذت نفسا عميقا و بدات بالتحدث
انا هو حضرتك والده ملك مش كدا
نظرت لى نظره متعجبه
انا انا اخت صديقي رشحتهالى انا احمد الخولى مهندس برمجيات في شركه كومبيوتر كبيره و كنت عاوز اطلب ايد ملك بنت حضرتك
احسان الحقيقه انت فاجئتني و ما افتكرش ان ده مكان مناسب للكلام في موضوع زى ده
انا ما فيش مشكله حضرتك تحبي نتكلم فين
احسان انت شوفت ملك بنتي تعرفها
انا الحقيقه لا بس جيت على السمعه الطيبه
احسان طب انت عارف انها
انا عارف انها مطلقه و عندها بنوتين زى العسل ايوه عارف
احسان بص يا ابني انا مش عارفه اقولك ايه بس لازم تفهم ان في ناس بره بقالهم ساعات مستنين دورهم
انتفضت من مكانى مبتسما و اخرجت بطاقه التعريف الخاصه بي و اعطيتها للطبيبه احسان
انا دا الكارت بتاعى فيه كل نمرى حضرتك نقي المكان اللى يعجب حضرتك و نتقابل و نتكلم في كل التفاصيل
ابتسمت لى الطبيبه و اخدت بطاقتي و استاذنتها بالانصراف و خرجت من عندها مرسوما على ملامحى ابتسامه بلهاء ليس لدى ادنى فكره عن سببها و لكنى لا استطيع محوها مهما حاولت لا اعتقد انى كنت سعيدا لتلك الدرجه عند تخرجى من الجامعه شعرت وقتها انى قد ركبت فى سياره بدون فرامل تسير على منحدر بسرعه عاليه لا استطيع ان اوقفها او التحكم بها و ايضا لا اعلم كيف ساخرج منها او كيف ستكون نهايه تلك الرحله المرعبه و لكنى لم اكن خائفا بل على العكس كنت مستمتعا كانى فى مدينه الملاهى اركب الافعوانيه مستوى الادرينالين كان مرتفعا جدا و كنت اشعر بضربات قلبى تكاد تخرجه من صدرى كنت متحمسا جدا و مترقبا لهاتفى انتظر تلك المكالمه التى ستحدد موعد لقائى بملك اريد ان اراها لا اعلم لماذا فقد ارتسمت فى خيالى ملامحها الجميله الرقيقه لا ادرى من اين جائت تلك الصوره فكان على الاحرى ان اتخيلها بصوره اقل جمالا و الا لما تركها زوجها هذا كان يجب ان اتخيل ملامحها و قد ظهر عليها اثار الامومه و الزواج فقد رايت تلك الاثار قد غيرت شكل العديد من زميلاتى فى العمل حتى فى بعض الاحيان عندما ارى زميلاتى فى الجامعه لا اتمكن من التعرف عليهم اما ملك فكنت اتخيلها فتاه شابه يافعه صوره تتنافى تماما مع المنطق و لكنى لم اتمكن من تغيرها مهما حاولت ان اقنع نفسى بالعكس كانت فتاه رشيقه مع العلم ايضا انها اخبرتنى انها ممتلئه كانت لدى شكوكى انى مجنون و لكن تصرفاتى الحمقاء تلك اكدت لى تلك الشكوك و اخيرا رن هاتفى اجل انها احسان والده ملك تسارعت انفاسى حتى كدت افقد الوعى كراكض فى ماراثون دولى و بعد صعوبه امسكت الهاتف و حاولت ان اتمالك اعصابى لاجيب تلك المتصله بشئ من الرزانه حتى لا افزعها فانا لا اريدها ان تظن انى مجنون لنؤجل تلك الصدمه لوقت لاحق ربما بعد ان ارى ملك و اشبع فضولى من ملامحها
انا الو
احسان باشمهندس احمد معايا
انا ايوه انا ازى حضرتك يا دكتوره
احسان الحمد لله اتمنى ما اكونش بتصل فى وقت مش مناسب
انا ابدا بالعكس انا كنت مستنى اتصال حضرتك بفارغ الصبر
احسان انا اتكلمت مع ملك و بلغتها بعرض حضرتك لكن الحقيقه هى رفضت
انا ايوه بس هى
احسان حضرتك عارف ان ملك عندها بنات هى اختارت تعيشلهم و تربيهم
انا حضرتك انا محتاج فرصه بس اقعد معاها يمكن لما تتعرف عليا تغير رايها
احسان انا اسفه جدا ما فيش نصيب هستاذنك عشان هنزل العياده
اغلقت الطبيبه احسان المكالمه و تركتنى فى صراع قاتل مع افكارى متسائلا لماذا تاملت غير ذلك لقد كان هذا هو اتفاقنا ان اتقدم و ترفضنى فالفتاه لم تقم برد فعل مفاجئ هى لم تطلب زوجا و انما طلبت ممثلا و قد قمت بدورى على اكمل وجه و انتهت المهمه لقد ابلغت اهلها بالرساله المطلوبه ان ملك ما زالت فتاه جميله و لها خطابها لقد تم الاتفاق على اكمل وجه باقل الخسائر الممكنه يفترض ان اكون سعيدا و لكن على العكس لم تكن تلك النهايه مرضيه بالنسبه لى و كان الرفض مؤلما للغايه ما زلت اجهل السبب و ما زلت فاقدا للسيطره على تصرفاتى الطفوليه التى لا معنى لها انا اريد ان ارى ملك اريد ان اتحدث اليها اريد المزيد لا ادرى السبب و لكنى لن اتوقف حتى احصل على المزيد و هذا ما قد كان ….
الحلقه الثانيه
اغلقت الطبيبه احسان المكالمه و تركتنى فى صراع قاتل مع افكارى متسائلا لماذا تاملت غير ذلك لقد كان هذا هو اتفاقنا ان اتقدم و ترفضنى فالفتاه لم تقم برد فعل مفاجئ هى لم تطلب زوجا و انما طلبت ممثلا و قد قمت بدورى على اكمل وجه و انتهت المهمه لقد ابلغت اهلها بالرساله المطلوبه ان ملك ما زالت فتاه جميله و لها خطابها لقد تم الاتفاق على اكمل وجه باقل الخسائر الممكنه يفترض ان اكون سعيدا و لكن على العكس لم تكن تلك النهايه مرضيه بالنسبه لى و كان الرفض مؤلما للغايه ما زلت اجهل السبب و ما زلت فاقدا للسيطره على تصرفاتى الطفوليه التى لا معنى لها انا اريد ان ارى ملك اريد ان اتحدث اليها اريد المزيد لا ادرى السبب و لكنى لن اتوقف حتى احصل على المزيد و هذا ما قد كان ….
فى اليوم التالى انهيت عملى و اتجهت فورا نحو مستشفي القصر العيني حيث المكان الوحيد الذى استطيع ان ابدء منه رحله البحث عن ملك و لكنى لم اجد و الدتها و علمت انها لا تاتى في هذا اليوم فكررت الامر فى اليوم التالى و انتظرتها حتى انهت عملها كانت الفرصه سانحه امامى لاسالها و اتحدث معها عن حديثها مع ملك و لكن لا ادرى لماذا لم احرك ساكنا بل انتظرت في السياره و تبعتها حتى وصلت لمنزلها انها تسكت في هذا المنزل و لكنى
لا اعلم فى اى شقه و لا اعلم ما هى الخطوه التاليه بعد ان حصلت بالطريقه الشارلوك هولمزيه على عنوانها بدات تصرفاتى تقلقنى فانا اتصرف كمترصد مهووس و انا لا ادرى حتى ماذا اترصد و لماذا هووست و لكنى كنت اقضي معظم اوقات فراغى في المنطقه على احدى القهاوى او في السياره لم يكن ينقصنى سوى ان استاجر شقه فى نفس البنايه و انقل فيها محل اقامتى لقد مضى اسبوع كامل دول جدوى و قررت ان اتحدث مره اخرى مع الطبيبه احسان فقد تتمكن تلك المره من اقناعها او ان تعجب ملك باصرارى فتقبل برؤيتي و التعرف على و لكنى وجدتها تخرج من البنايه الطبيبه احسان بصحبه فتاه شابه و طفلتين بالتاكيد تلك هى ملك لم يكن جسدها رشيقا كما تخيلت و ايضا لم يكن ممتلئا كما كانت تقول اى ليس بجسد ينفر منها زوجها فما كان ينقصها سوى خساره بضعه كيلوجرامات للوصول لجسد ممشوق حاولت جاهدا ان انظر الى ملامحها و لكنى لم اتمكن من ذلك فكانت ترتدى نظاره شمسيه كبيره تغطى نصف وجهها المستدير لحظات و ركب الجميع السياره و تحركوا و بطبيعه الحال تبعتهم حتى توقفوا في احد الاسواق التجاريه هذه فرصتي التى طالما انتظرتها ساتعامل كانى زبون عادى و اقابلهم صدفه و من هنا سيكون اللقاء بالتاكيد لن

اجد فرصه افضل من تلك لالقى نظره قريبه على ملك نزلت من السياره و تبعتهن و منحتهن بعض الوقت حتى لا يرتابوا في امرى حتى انا اشعر بالغرابه من تصرفاتى تلك فهذه ليست شخصيتي الطبيعيه انتظرت حتى رايتهن يخرجن من احد المحلات و توجهت نحوهن بخطى ثابته و انا انظر اللى ملامح ملك الجميله ليست كما تخيلت و لكنها ايضا جميله
انا مساء الخير دكتوره احسان صدفه سعيده جدا
احسان اهلا و سهلا بشمهندس احمد
فى هذه اللحظه اختفت كل شكوكى ما ان كانت تلك ملك ام لا حيث غطت علامات الارتباك كل تفاصيلها و بدات في التلفت يمينا و يسارا بحثا عن مهرب من هذا الموقف المحرج تصرفها الطفولى و برائتها اثارت جنونى فتحولت خطتى للهجوم
انا مساء الخير استاذه ملك
لا اعتقد ان نظره الصدمه تلك التى رايتها فى عينيها يمكن ان تمحى من ذاكرتى تحت اى ظرف لم اتمكن من مقاومه تلك الابتسامه البلهاء التى ارتسمت على وجهى حين اجابتنى
ملك مساء النور
لا اعرف كيف تجمد كل شئ في لحظه فعيني كانت مرتكزه على عينيها فى حين ان عينيها كانت دائمه الحركه فى كل مكان بعيدا عن عيني وسط صمت غريب اكاد اجزم ان تلك الغرابه انتقلت لوالدتها و لصغيراتها ايضا و لكن لم تنطق احداهن ببنت شفه حتى قررت ان اطرق الحديد و هو ساخن
انا على فكره فى كافيه هنا ممتاز بيعمل ايسكريم حلو اوى لو تسمحولى …
قاطعتنى تلك الحسناء فى حزم
ملك احنا اسفين جدا لكن احنا متاخرين عن اذن حضرتك
سحبت ملك فتاتيها و تحركت على عجل
احسان انا اسفه جدا بس هى ملك بتمر بظروف صعبه اوى الفتره دى
انا ما فيش اى مشكله حضرتك انا مقدر
ابتسمت تلك السيده ثم تبعت فتاتها و اختفت ابتسامتى تدريجيا و انا اشاهد تلك الفتاه الثلاثينيه و هى تتلفت لتتاكد بانها تخلصت منى حسنا لقد حصلت على مرادى لقد رايت ملك و نفذت اتفاقى معها و تاكدت انها جميله و ان زوجها لم يكن ينتقدها الا ليبرر خيانته لها و الان هل انتهت تلك القصه العجيبه اخيرا و ساعود لممارسه حياتى السابقه فى هدوء ام ماذا اريد هذا السؤال الذى ارق يومى منذ اليوم الاول الذى رايت فيه منشور ملك على الموقع لم يعد هناك اى سبب لاستمرارى في هذه المغامره الحمقاء انتهت علاقتى بملك و اكد هذا الامر عندما فتحت حسابي و تاكدت بان حسابها لا يزال مغلقا و اقنعت نفسي بان من واجبي نحوها ان ابتعد و ان امنحها بعض الوقت و المساحه الشخصيه و لكن تاتى الرياح بما لا تشتهى السفن ففى صباح اليوم التالى و فور دخولى الشركه اخبرنى احد الزملاء بوجود سيده شابه فى مكتبي تنتظرنى منذ اكثر من نصف ساعه توجهت نحو المكتب و فتحت الباب فاذا بها ملك تجلس فى احدى الاركان تلعب باحدى اللعاب الهاتف و التى اغلقتها سريعا فور دخولى المكتب و انتفضت واقفه
انا صباح الخير ايه المفاجاه الحلوه دى
اخرجت من حقيبتها ظرف ابيض و اعطتنى اياه بابتسامه حرجه فاخذته و نظرت داخله اجل انها النقود التى رصدتها الخمسه الاف جنيه اعدت الظرف اليها
ملك دا حقك دا اتفاقنا
انا على ما اذكر انى اتفقت انى هعمل كدا من غير فلوس
ملك معلش كدا اريح
انا حضرتك تحبي تشربي ايه؟
ملك معلش مستعجله عن اذنك
لم تكن سوى لحظه حتى غادرت ملك المكان بعد ان تركت المظروف على المكتب و ما كانت سوى لحظه اخرى حتى فهمت سبب زياده ملك الحقيقيه لقد ظنت بان ما حدث البارحه كان نوعا من انواع الابتزاز لها او شئ من هذا القبيل انها تحاول ان تخرجنى من حياتها او تنقذ نفسها من ما اوقعت نفسها فيه فى لحظه ضعف او انهيار على كل لن يغير هذا من الامر فى شئ فلقد كنت عزمت امرى البارحه ان انهى هذا الموضوع و حاولت الالتفات الى عملى لكنى لم اتمكن من ابتلاع الامر كيف اتقبل تلك النقود كيف وصل بى الحال لهذا الانحطاط منذ عده ايام كنت انظر لنفسي بمنتهى الفخر اما الان فانا اشعر بالخزى الشديد اليست تلك الصغيرات احق منى بتلك النقود انا لم اطلبها و لكن استمرارى فى ترصد ملك اوحى لها ذلك اخذت المظروف و تركت الشركه و ركبت سيارتى و توجهت نحو بيت ملك ساعيد لها تلك النقود باى شكل كان و كنت فى غايه السعاده و انا اصف سيارتى امام بيت ملك حين رايتها قادمه تحمل مجموعه من الاكياس البلاستيكيه متجهه نحو المنزل لن اجد فرصه افضل من تلك فها هى تمر بجانب سيارتى لم تلاحظنى فزجاج سيارتى الاسود لم يعطها فرصه للتعرف على و فى تلك اللحظه التى هممت بها لفتح باب السياره سبقنى رجل اربعيني و اوقف ملك تركت مقبض الباب و بدات فى الاستماع لذلك الحديث
الرجل كنتى فين بقالى ساعه بخبط و ما بترديش على الموبايل ليه
ملك زى ما حضرتك شايف كنت بشترى حاجه البيت خير اؤمر
الرجل حوار انى اشوف البنات ساعتين تلاته عندكوا ده ما عدش مناسبني انا هعدى اخدهم بعد المدرسه يباتوا عندى النهرده و اجيبهم بكره النهرده الخميس هاخدهم افسحهم و اوديهم الملاهى و اشتريلهم شويه لعب و لبس بيتهيالي هيبقي كويس عشان نفسيتهم هما ما لهمش ذنب فى قراراتك دى
لم تعترض ملك بل و الاكثر انها حتى لم ترفع عينها من الارض طول تلك الفتره انصرف ذلك الرجل و لم تتحرك ملك ايضا لعده ثوان ترددت كثيرا في الخروج لا اعتقد ان تلك لحظه مناسبه للاقتراب منها لا اريدها ان تفرغ فى تلك الشحنات السلبيه التى اكتسبتها من زوجها السابق ظللت اراقبها تلك اللحظات فى صمت حتى بدات فى التحرك و الدخول للمنزل و بالرغم من اختفائها التام من امامى الا انى لم اتمكن من الحركه من امام البنايه الكثير من الافكار تتصارع كالذئاب في عقلي لماذا اشعر بكل هذا الضيق على امراءه لا تخصنى لماذا لا استطيع ان اخرجها من عقلى لم اعد استطيع ان التفت الى عملى الذي طالما احببته و ابدعت فيه هى
لا تريدنى فى حياتها ماذا عليها ان تفعل اكثر لتخرجنى من حياتها لم يبقي سوى ان تخر ساجده امامى تقبل قدمى لأتركها فى ما هى فيه تنهدت بقوه و انصرفت و بمعاناه تمكنت من الالتفات اخيرا لحياتى لعده اسابيع هادئه لم تخلو من لحظات كنت اذكر فيها ملك و لكنى كنت اجاهد نفسي و اللهيها في اى شئ اخر حتى رن هاتفى منبها لوصول احدى الرسائل فامسكته متململا لاجدها من ملك انتفضت بكل كيانى ممسكا الهاتف الصغير بكلتا يدي و انا افتح تلك النافذه لاقراء كلمات تلك الملاك الجريح
ملك ممكن ابعتلك حاجه و توعدنى تمسحها
انا اكيد
ظلت تكتب و تكتب و انا انظر للهاتف و انتظر ما سترسله تلك اللحظات الطويله مرت بعقلى كالسنين لم اشاء ان اقاطعها او اتعجلها و لكنى كنت اريد بشده ان اوقف تلك التخمينات فى عقلى و التى كانت كلها خاطئه
ملك انا قولتلك ان اهلى كانوا رافضين الطلاق و ان انا صممت انا قررت انى اعيش عشان بناتي بس برده مش عارفه اعيش انا بنزل من البيت بالعافيه و للشديد القوى مش عشان انا بحب الحبسه عشان انا ممنوعه انزل محبوسه في البيت عشان انزل لازم ماما معايا لازم يبقوا عارفين انا رايحه فين و جايه منين عشان كلام الناس ماما مش دايما بتبقي فاضيه تخرجنى انا و البنات عشان ظروف شغلها و اخويا عصبى جدا و علاقته بالبنات متوتره اوى هو برده شاب و انا بناتى اشقيا و انا كمان مشغوله عنهم في شغل البيت دا كان اتفاقنا
انا ما يولع الناس خدى بناتك و اخرجى انتى نفسك لازم تخرجى
ملك لو سمحت سبنى اكتب انا اصلا بكتب بالعافيه
انا اسف كملى
ملك اخويا قالى زى ما كنتى بتعملى في بيت جوزك هتعملى هنا ما تفتكريش انك هتيجي زى زمان امك تخدمك و تخدم بناتك هو اعتزر عن الكلمه دى لما اطلقت و قالى انه كان بيقنعنى ما اطلقش بس ما دام صممت و اطلقت ده بيتى و بيت بناتى و انى

على الراس بس انا صممت انى اشيل البيت زى ما كنت فى بيت جوزى و الحياه كانت كويسه بس جوزى دلوقت بياخد البنات خميس و جمعه و بيروحوا بالليل على النوم بيقولولها يا ماما بيقولولى عاوزين نفضل عند بابا علاطول بابا حلو مش بيزعق بابا بيجيب بابا بيفسحنا ماما الجديده احسن منك ماما الجديده بتحبنا
انا هما صغيرين مش عارفين بيقولوا ايه
ملك ماما بتقولى قولتلك ان ده هيحصل و اخويا فى لحظه عصبيه كسر لبنتي البيانو اللى باباها جابهولها عشان عملت ازعاج و ما سكتتش لما زعقلها هو جابلها واحد تانى بس هى مش بترضي تلعب بيه و زعلانه من خالها و بتقول هتروح لباباها و مش هترجع تاني قولتلهم هاخد شقه لوحدى بالبنات و فعلا لقيت شقه قريبه من المدرسه صغيره و ايجارها حلو بس اهلى مرضيوش اخويا خوفنى كتير قالى لا هتقدرى تحمى نفسك و لا تحمى البنات الناس هتاكلك انتوا من غير راجل
انا خدى شقه جنبهم فى نفس البيت او نفس الشارع
ملك غاليه اوى و هما مش هيساعدونى
انا اشتغلى
ملك فكرت فده اخويا قالى هيطمعوا فيكي اللى هيشغلك هيشغلك عشان مطلقه اصل انا عمرى ما اشتغلت ما فيش خبره خالص
انا و انتى ليه تشتغلى عند حد ما تفتحى مشروعك
ملك مشروع ايه
انا اى حاجه الشغل مش عيب شوفى اى مشروع صغير و اعمليه
ملك اى مشروع هيحتاج راس مال كبير و انا مش معايا غير حاجه بسيطه
انا تسمحيلى اساعدك
ملك ما انت بتساعدنى اهو
انا لا اقصد اشوفلك مشروع صغير اسال حد من اصدقائي كدا يعني
ملك انا مستعده اعمل اى حاجه و ما اخسرش بنتى هو مش هياخد باله منها و مراته حامل مش هتقدر على البنات و انا مش هقدر اعيش من غيرهم
انا و ايه بس اللى هيخليكي تخسريهم
ملك هو بيجيبلهم لعب و لبس و بيفسحهم هو بيخرجهم و ياكلهم بره بيصرف عليهم ببزخ انا مش هقدر انافسه و كمان انا لازم اجبرهم يزاكروا و يعملوا الواجب انا الام الشريره و هى بتاعه اللعب و الهزار انا بموت كل يوم
انا روحتى الجيم
ملك انا بكلمك في ايه و انت بتكلمنى فى ايه
انا جربي تخرجى الطاقه السلبيه اللى جواكى فى الرياضه صدقيني هتبقي اهدى مع البنات هتبقي اهدى بوجه عام
ملك ما عنديش وقت البيت و البنات انت عارف
انا لا مش عارف انا عاذب و الست بتيجي مره فى الاسبوع بتنضف البيت كلو و بتعمل اكل الاسبوع و غسيل الاسبوع
ملك انت لوحدك البنات بتوسخ طول الوقت انا بغسل تقريبا يوميا و بمسح يوم اه و يوم لا دا غير احنا مش بناكل اكل بايت و كمان المزاكره
انا هو انتى بتغسلى على ايدك ارمى الهدوم في الغساله و البنات عند باباهم خميس و جمعه يعنى مش بيوسخوا و بعدين ما قولتش كولى اكل بايت قولت وضبى اكل الاسبوع على السوى
ملك كل الرجاله زى بعض احنا مش بنعمل حاجه و طول اليوم بنلعب صح انا اصلا غلطانه انى بكلمك
انا انا اسف بس والله مش ده اللى اقصده انا اقصد تنظمى وقتك مش اكتر
ملك مش هعرف انت مش عارف انا حياتى عامله ازاى البنات بيبهدلوا طول الوقت و اخويا بيتعصب
انا حددى اقامتهم فى اوضتك لمى لعبهم كلها في الاوضه و عيشي معاهم فيها
ملك بيحبوا ياكلوا قدام التليفزيون و بيوقعوا و هما بياكلوا
انا هاتى تليفزيون صغير في الاوضه بتاعتك و شغلى عليه برامج اطفال بس مش هيتحركوا من قدامه
ملك طب و المشروع قولتلك مش معايا فلوس كتير
انا انتى مش لاقيه وقت تروحى الجيم هتلاقي وقت تشتغلى الاول رتبى حياتك
ساد الصمت في المحادثه
انا ملك انتى معايا
ملك ايوه
انا امال سكتي ليه
ملك عشان معاك حق انا حياتي كلها ملخبطه كل حاجه بايظه
انا تمام ما فيش مشكله الحمد لله حددنا المشكله نحلها بقي
ملك هحاول … شكرا … ممكن تمسح المحادثه دى بقي
انا اتمسحت ما تقلقيش
ملك انا مش عارفه انا ازاى بعمل كدا انا عمرى ما عملت كدا والله عمرى ما كلمت حد غريب بس انا ما ليش اصحاب و حتى قرايبي البنات لما اطلقت اتسحبوا من حياتي واحده ورا التانيه ماما بتقولى خايفين منى على اجوازتهم كانى هسرقهم منهم يعني و ماما و اخويا ما عدتش قادره اتكلم او اشتكى دايما نفس الرد انتى اللى صممتى على الطلاق احنا قولنالك كل ده هيحصل و الله اترددت كتير بس انا مدمره و كل يوم اسوء و تعبت قولت يمكن لو حكيت لحد ارتاح
انا ما فيش مشكله
ملك على فكره انا دخلت جروب نسائي باكونت تانى خالص و حكيت مشكلتى قولت ستات زى بعض و هيفهمونى كنت هولع في نفسي من التعليقات بتاعتهم كرهت نفسي اكتر معظمهم بيلومونى انى اطلقت و انى غلطت و كان المفروض احارب عشان جوزى اكتر طب احارب ازاى اصبغ شعرى يعني و لا اعمل ايه دا ما كانش بيبطل ينتقدنى حتى اهله كان بيهنى قدامهم و يقل منى اول ما عرفت انه هيتجوز و الكل مرحب ما قدرتش بيقولى هبعتلك مصروفك انتى و البنات و عيشي ربي عيالك زى ما انا هعيش معاكى عشان عيالي ما انا ممكن اربي عيالي بعيد ما دام انا مش عجباه يجي على نفسه ليه ما امشي خليها تنفعه خلى اللى اتجوزته و هو معاه فلوس تستحمل فقره اللى استحملته انا تحبه زى ما حبيته انا
انا روحى اغسلي وشك و اتوضي و صليلك
ركعتين و اقرى شويه قران و ارمى كل ده ورا ضهرك ممكن
ملك ممكن
انا لو خلصتي و لسه محتاجه تتكلمى انا مستنيكي و همسح المحادثه خالص تمام
ملك شكرا
انتظرت طوال الليل ان تنتهى ملك من قراءه القران و تعود لتكمل المحادثه و خلال هذا الوقت تصفحت العديد من المواقع و رسمت خطتى لاساعد ملك على الخروج من تلك المحنه و التى سابدا فى تنفيذها فى صباح اليوم التالى ….
الحلقه الثالثه
انتظرت طوال الليل ان تنتهى ملك من قراءه القران و تعود لتكمل المحادثه و خلال هذا الوقت تصفحت العديد من المواقع و رسمت خطتى لاساعد ملك على الخروج من تلك المحنه و التى سابدا فى تنفيذها فى صباح اليوم التالى ….
امضيت طوال الليل اتصفح الانترنت حتى باغتنى الصباح ارتديت ثيابى على عجل و توجهت نحو الشركه و انهمكت فى العمل حتى انهيت جميع المشاريع المتاخره كنت اعمل بمنتهى الجد و النشاط فانا ساحتاج للكثير من الوقت فى الفتره القادمه لمساعده ملك و عند الانتهاء من العمل توجهت لاحدى معارض الاجهزه الكهربائيه باحثا عن جهاز تلفاز بسعر مناسب و ذو خاصيه اليو اس بي حتى تستطيع ملك ان تضع للفتايات فلاشه عليها الكثير من افلام الكارتون كنت قد جمعتهم لها بالامس و بالفعل وجدت واحدا بسعر مناسب و في حدود ميزانيتي و من هناك توجهت الى منطقه سكن ملك حيث يوجد مركز للياقه و بعد نصف ساعه من الاستماع للعروض و المزايا و الخدمات سجلت اشتراكا شهريا باسم ملك وضعت الاشتراك مع باقي النقود المتبقاه من الخمسه الاف و الفلاشه في المظروف و وضعتهم داخل علبه التلفاز و توجهت نحو بيت ملك و بعد ان صففت السياره حتى تزكرت انى لا اعلم فى اى شقه تعيش ملك و باى صفه ساعطيها التلفاز و ماذا سافعل و ماذا ساقول لاخيها و الجيران و كيف ساشرح لهم بانه ليس بهديه و انها نقود ملك لم افكر فى الامر مليا و كدت ان افسد كل شئ فى لحظه حماس و لكن الذي جمعنى بملك بتلك الطريقه العجيبه قادر على ان يرزقنى بمعجزه تنقذنى من هذه الازمه و ها هى المعجزه تتحقق و يرن هاتفى رساله من ملك فتحتها و انا احمد الله شاكرا فضله و كرمه
ملك انا كلمت اهلى على موضوع الشغل
انا انا تحت البيت هحطلك حاجه فى الاسانسير اسحبيها
لم اتلقي رد من ملك لعده ثوان بالتاكيد لم تكن تتوقع هذا الشئ منى و بالتاكيد تلعب بعقلها الظنون الان فارسلت رساله اخرى
انا انا جبتلك تليفزيون صغير بيشتغل بفلاشه و حملتلك على الفلاشه افلام كارتون كتير للبنات و حلقات توم و جيري يارب تعجب البنات و كلو من الخمس تلاف بتوعك انا
قولتلك انهم مش حقي بس كنت خايف ارجعهم تفتكرى انى بتمسح فيكي او بتلكك عشان اكلمك
ملك انا مش عارفه اقول ايه انت بتعمل معايا كدا ليه
انا والله انا مكمل في الحكايه دى عشان اعرف انا بعمل كدا ليه
ملك بس الفلوس دى كانت اتفاقنا الاولانى دى حقك
انا انا وافقت عشان اساعدك مش عشان اخد فلوس منك على فكره انا راجل محترم مش بسكلته بتتاجر كفايا اهانات بقي الواحد بقي شكله عره اوى قدام نفسه
ملك انا بجد مش عارفه اقولك ايه بس انا اخويا و ماما هنا هقولهم ايه مش هقدر خليهم معاك و انا هعمل انى نازله اشترى و اعدى بكره عليك فى الشركه اخدهم
انا اعملى انك كنتى طلباهم اونلاين و الاوردر وصل
ملك ربنا يستر تمام هحاول
ترجلت من السياره و حملت علبه التلفاز ووضعتها في المصعد و ارسلت لها رساله و ثوانى ووجت المصعد يسحب فى تلك اللحظه كان قلبي يدق خوفا من ان يحدث اى امر عكسي يفسد ما فعلته و لكن الحمد لله جائتنى رساله من ملك بانها استلمت التلفاز توجهت للمنزل متعبا من يومى الطويل و بعد ان تناولت فنجانا منعشا من القهوه امضيت باقي الليل و انا اتحدث مع الوسطاء بحثا عن محل مناسب فى المنطقه لم اكن محظوظا بما يكفى فلم يكن الامر سهلا بعض المحال كانت باهظه الثمن و بعضها يحتاج لتوضيبات كثيره و لم يكن مناسبا لميزانيه ملك فهى تحتاج النقود لشراء بضائع للمحل و انا ملزم بمنطقه محدده حتى لا يتعنت عليها اهلها لم اكن موفقا هذه المره و لكنى لن افقد الامل من اول يوم اهتز هاتفى اثر رساله من ملك فعادت تلك الابتسامه البلهاء لتحتل وجهى و امسكت هاتفى لاحادثها
ملك مش عارفه اوصفلك فرحه البنات باللى انت عملته بجد شكرا اوى
انا الحمد لله بجد فرحتينى قابلتك اى مشكله مع اهلك
ملك البنات طلعوا عينى عشان يسيبوا التليفزيون و يناموا و فعلا ما اتحركوش من الاوضه و باقي الشقه فضلت نضيفه و هاديه
انا انتى مش عاوزه تحكى صح
ملك بكره بعد ما اوصل البنات المدرسه هرجع اروق الشقه و احضر الغدى و اروح الجيم و هرجع مع البنات من المدرسه
انا انتى كويسه
ملك هبقي استاذن اخويا استخدم اللاب بتاعه و انزل افلام تانيه على الفلاشه بتاعتى و كدا لما دى تخلص اكون مجهزه جديد عشان ميلحقوش يزهقوا فى فلاشات كتير فى البيت ممكن استخدمها هعملهم تليفزيون على مزاجى و بكدا اكون ضامنه اللى هما بيتفرجوا عليه صح
انا صح فكره حلوه برافو عليكى
انقبض قلبي كثيرا بالتاكيد حدث امر عكسى و الا فلما لا تجيب عن اسالتى لما تتحدث و كانها تخاطب شخصا اخر ترى ماذا حدث مرت عده ثوان فى صمت و انا انتظر ان تكمل ملك حديثها و لكنها لم تفعل فارسلت لها انا واحده لاطمان عليها
انا ملك انتى لسه هنا
و لكنها لم تجب اهلا بليل طويل ملئ بالتفكير و التخيلات و وداعا لنوم هادئ كباقي البشر تنهدت و عدت اللى عملى و قد عزمت امرى ان اتجه فى اليوم التالى الى مستشفى القصر العينى لمقابله الطبيبه احسان و التقدم مره اخرى فلا اعتقد انى ساحصل على شئ مما حدث من ملك و بالفعل قابلت الطبيبه احسان بعد ان انتظرت طويلا بين صفوف المرضي لكن هذه المره طلبت منى ان اقابلها فى احدى المقاهى الفاخره فى محيط المستشفي عند انتهائها من عملها لانها تريد ان تتحدث الى زاد القلق فى داخلى و بكلمه زاد اعنى تكاثر و تضاعف حتى فاض و اغرق المكان و ها هى تلك السيدة الوقوره تدخل المقهى و تجلس امامى مبتسمه
احسان ازيك يا باشمهندس اسفه جدا بس زى ما حضرتك شايف الناس
انا واضح ان حضرتك دكتوره شاطره جدا
احسان شكرا قولى بقي انت ايه حكايتك انا سمعاك
لم اتوقع هذا السؤال و فى الحقيقه انا شخصيا لا اجد اجابه لهذا السؤال و لا استطيع الاجابه عليه الا بكذبه ملفقه جيدا و من الواضح ان هذه السيده لن تجعل الامر سهلا طال الصمت فاتسعت ابتسامه تلك الوقور مما زاد من توترى خاصه بعد ان نزلت بتلك الصاعقه فوق راسي
احسان ملك حكتلى كل حاجه امبارح
هل حقا اخبرتك كل شئ كل شئ و لم لم تخبرنى انها اخبرتك و بما اخبرتك اه يا ملك فى اى موقف وضعتني
احسان انا طبعا مش مبسوطه من اللى انت عملته و الحقيقه مش فاهمه سر اصرارك انت شاب كويس ايه اللى يخليك تربط نفسك بواحده مطلقه و عندها عيال و مش بس كدا لا و مصمم كمان
احمد حضرتك اكيد ادرى منى ببنتك و اكيد عارفه انها تستاهل و فيها حاجات كتير كويسه
احسان انا ما فيش في
الدنيا زى بنتى بس
احمد و ليه بس ليه
احسان عشان هى مش بتحبك و مش هتحبك هى بتحب جوزها