ترجمة العشق

البنت بره واستحملها شويه علشان مفيش غيرها يايحيى متطفشهاش زى الى فاتو انا رجليا دابت من كتر اللف يحيى بصله بقلق

وقال…الله يستر طلما قولت النشره دى يبقى فى بلوه بره مش بنت بس انا هاطلع اتصدم وامرى لله وطلع يحيى يشوف البنت وبصلها بدهشه وكانت بنت جميله بس واقفه بدلع ولابسه لبس شعبى شويه وبتمضغ علكه وبتضحك مع واحد من الموظفين

يحيى اتسمر مكانو وقال بزهول ….شريف فين البنت

شريف قال ….ماهى قدامك اهيه يحيى بصله بغضب وشاور على البنت

وقال…دى هتنفع تبقى مرات يحيى الصياد دى هخدها واقول لجدى دى الى انا سبت البنات الحلوين المثقفين كلهم واخترتها دى البنت شهقت بردح

وقالت…..مالها دى ياعالم مغرور وفى الأساس فرفور وفاكر نفسك قمور وانت اصلا إييييحا يحيى بص لشريف بغضب

وقال…انا هغمض عينى وافتحها مش عايز المحها فى المكان ماشى بس جاتله من جده رساله مكتوب فيها مستنيكم يلا بسرعه انا مستنى اشوف مرات حفيدى يحيى اتنهد وحط الفون بتاعه فى وش شريف

شريف بصله وقال..معلش مفيش وقت يحيى بص للبنت و

قال ..المشكله مش فيكى بصى تعالى جوه نتفاهم البنت بصتله بغرور

وقالت …ااجى مجيش ليه أما أشوف ودخلت وهى بتمشى بدلع يحيى ضـ,ـرب ايده على وشو بغضب ودخل قعد قصاده

وقال …بصى يا انتى اسمك ايه الاول

البنت قالت بابتسامه ….ليله

يحيى قال…بصى ياليلى انا بس ليله قاطعته

وقالت …ليله يابيه مش ليلى ليله واحده بس وضحكت بدلع وشريف كمان ضحك بس يحيى بصله بحده

وشريف سكت وقال …انا هاستناكم بره اصل خالى مات وهروح اعزى عمتى

يحيى قال بغضب…اقعد لسه انت حسابك مش دلوقتى

وبص لليله وقال… بصى جدى عايزيجوزنى وانا مش عايزاتجوز فااحنا جبناكى هنا علشان تعملى مراتى قدام العيله احنا هنكتب الكتاب وانا هديلك المبلغ الى تطلبيه وبعد فتره صغيره كده اخد انا عقد الجواز وانتى تاخدى الشيك

ليله وقفت قالت …جواز عرفى يعينى لايعنيا مايحكمشى

يحيى اتنهد بضيق وقال بخنقه …مين قال كده انا هتجوزك بمأذون وشهود وكل حاجه بس لمده معينه كده وجوازنا هيبقى حبر على ورق يعنى لافيه كنت فين ولا مع مين ولا رايح فين ولا جاى امتى تمام

ليله قالت…والمده دى قد ايه

يحيى قال …سنه بالكتير ليله بصتله باستغراب

وقالت…اشمعنا يعنى سنه

يحيى قال بحزن… اصل جدى عمل فحوصات وقلولو انو هيمـ,ـوت خلال السنه دى

ليله قالت ..وجدك ده عندو كام سنه

يحيى قال بحزن… عنده ٨٠سنه بس

ليله قالت بسخريه …بس شافع ياخوى يعوض شبابو فى الجنه انشاء الله

يحيى بصلها بضيق وقال ..هوا يعنى علشان كبير منزعلش عليه على فكره بقى انا بابا ومامااتوفو من زمان وانا اتربيت مع جدى وانا بحبو قوى على فكره فالمى لسانك شويه

يحيى بصلها وقال …يلا علشان مستعجلين المأذون خمسه ويوصل

ليله قالت ..اشطه حيث كده باقى نتفق على الأوبيك

يحيى قال…مش فاهم ايه ده

ليله بصتله وقالت…الفلوس الكاش المانى يحيى قال…اه خلاص ماشى طلباتك

ليلى قالت… اناهاخد نص ارنب يحيى بصلها بنفاذ صبر

وقال.. ايه نص ارنب بس وبصلها باستغراب

وقال… ياستى نصه بس خدى الارنب سالم

شريف وقف جمب يحيى وقال بهمس… مدوقش صدرك اوى ارنب ايه الى تاخدو سالم

يحيى بصله وقال..ايه عايزه نص ارنب بس هديهولها كامل انا اصلا مبحبش الارانب خليى سونيا تطبخهولها على بال مانروح

شريف قال …ارنب يعنى مليون جنيه

يحيى قال.بزعيق…ايه مليون عفريت يتنططو فوق دماغك انتى اتجننتى يابنت انتى مليون ايه الى انتى عيزاه

ليله قالت…اولا انا قولت عايزه نص مليون بس انت الى فتحت صدرك وقولت خوديه كلو وانا شبطه بصراحه وشبطت وهاخده كله خلاص وبعدين ايه البخل ده دى سنه كامله من عمرى هقضيها معاك مستخسر فيا مليون جنيه

يحيى اتنهد بضيق وقال .. هتقضيها معايا لا كتر خيرك والله طيب تمام بس متعكيش وخدى الهدوم دى البسيها علشان شكلك قدام عيلتى

ليله قالت… تمام و بعد شويه طلعت ليله وكانت لابسه الفستان الى يحيى ادهولهاوكان شيك جداوغالى وكانت جميله فيه و كتبو الكتاب وصلو الفيلاه بتاعت يحيى واهلو كانو متجمعين
و رحبو بيهم عمو ومرات عمه واختو وجدو رحب بيهم وقعد ليله جمبه

وقال…اسمك حلو زيك ياليله قوليلى بقى انت اتعرفتى على الولد ده فين ليله بصت ليحيى ويحيى لسه هيرد بس

ليله قالت…فى الشارع اصل فيه اربعه شباب عاكسونى وانا كنت بتخانق معاهم

ليله قالت …اه انا كل سنه وانا كيداهم وفرساهم و شلاهم وحطت ايدها على كتف يحيى وهو التفتلها وبصت لعيونو

وقالت بدلع….تعالى اختارلى حاجه البسها للحفله اصل انا بحب زوقك اوى يحيى بلع ريقه بارتباك من قربها وميار بصتلهم بحقد كبير

وشريف حمحم بحرج وقال..اه طب نستأذن احنا يلا ياميار وطلع وقفل الباب بسرعه ويحيى بعد وبص لليله

وقالها …انت بتعملى ايه فستان ايه الى اختاره وانتى شوفتى زوقى فين اصلا

ليله قالت…ايه انت زعلت ليه مش دى غريمتى قولت افلفلها شويه يحيى عقد حواجبه باستغراب

وقال…كلمينى عربى او انجليزى او فرنسى حتى بصى هى دى لغه اصلا يعنى انا مش فاهم منك حاجه

ليله قالت … اولا اه لغه بس لغت الناس العاديه الى زينا مش لغة أولاد الأكابر ثانيا غريمتى يعنى زى ضرتى كده او بتحبك معايا وافلفلها يعنى اغيظها اضايقها

يحيى قال ..اولا وثانيا والله واتثقفنا بعدين هو انا حبيبك اصلا علشان تضيقيها وتضايقك واسكتى خالص بقى خلينى اشوف هعمل ايه فى الحفله دى وقعد بضيق وحط اديه على دماغه وليله قعدت جمبه وحطت ايدها على كتفه

وقالت…ليه تسيب بنت عمك حلوه ومتعلمه ومن عيله وتعرفها وتعرفك وتتجوز واحده متعرفهاش وتدفعلها مليون جنيه علشان متتجوزش بنت عمك

يحيى اتنهد وقال…علشان ده جواز مش لعبه الواحد مش بيختار عيلته والاسمه وانا مخترتش ولاحاجه فى حياتى حتى دراستى شغلى كلو كان على مزاج عيلتى بس انا من حقى اختار البنت الى هكمل معاها حياتى وتكون مراتى وحبيبتى وام لأولادى وتكون شريكت حياتى وتشاركنى كل تفاصيلها وميار مفيهاش اى صفه من صفات البنت الى انا بحلم بيها

ليله قالت…خلاص بص انا هساعدك وهطلع مفيش منى فى الحفله ومش هعك ابدا وهخلى كل الناس يقولولك لقيتها فين دى ويحسدوك عليا يحيى ابتسم على كلامها

وقال… جد والله شكرا على زوقك غمرتينى بلطفك

ليله قالت…على ايه ماانت دافع بقى يحيى ضحك بخفه على كلامها

.ليله قالت …اه صحيح صاحبك ده ساكن معاك ليه

ليه يحيى قال ….شريف ده جوز اختى سما مش بس صاحبى وجدى اصر ان اختى تفضل معانا فاقعدومعانا هنا بعدين يابنتى احنا مش لسه معرفينك عليها امبارح

ليله قالت …ياخويا نسيت هوا انا مخى دفتر عشان افكر كل حد اتعرف عليه وبقو يتكلمو سوا و بالليل

كانت ليله جهزت ولبست فستان راقى جدا ومحتشم ورفعت شعدها بطريقه شيك جدا وكانت شبه الحوريات يحيى بصلها بزهول من جمالهاووقف وراها ولبسها عقد الماظ وليله حطت ايدها عليه

وقالت …الله حلو اوى ده كانه حقيقى جبته منين

يحيى قال…علشان ده الماظ حقيقى ده بتاع ماما خلى بالك عليه

ليله قالت ..كل دى ثقه مدينى عقد امك الغالى ده

يحيى اتنهد بياس وقال….هى اسمها مامتك وبعدين دى مش ثقه بس انا قولت للكل تحت ان مراتى هى هتلبس العقد ده لان دى وصية ماما فالونزلتى من غيرو احتمال يشكو فينا

ليله قالت … بس خلاص ايه ده مفيش مره تقول كلمه حلوه ياساتر بخيل حتى فى الكلام طب والله لاطفش بيه وبيعو ها

يحيى قال …طب يلا ننزل وبلاش غلبه وحط ايده فى ايدها ونزلو سواوبقى يعرفها على الناس الى فى الحفله واصحابه وليله مكنتش بتتكلم كتير الإجابه على قد السؤال ويحيى كان واقف جمبها طول الحفله ومش بيسيبها ابدا بس جالو تليفون وبعد من صوت الموسيقى علشان يرد

وميار جات وقفت جمب ليله ومعاها اصحابها وبقو يكلموها واحده قالت انتى من عيلة مين وساكنه فين والتانيه قالت..ودارسه ايه والتالته قالت..وبتشتغلى ايه ليله حست انا الموقف مدبر وكانو اصحاب يحيى قريبين منها

قالت..انا دارسه وقعت مغمى عليها يحيى جرى عليها بخضه وشالها ودخل بيهاالفيلا

وقال بقلق …ليله انتى يابنت ليله انتى كويسه

وجدو قال ..انا هطلب الدكتور ويحيى قال …اه بسرعه ياجدى بس

ليله قعدت على طول وقالت..اه دماغى بتوجعنى قوى جدو ساب الفون

ويحيى قال..مالك فى ايه ايه الى حصل مش كنتى كويسه

ليله قالت..مش عارفه هوانا بس دوخت شويه ومسكت فى يحيى جامد

وقالت …سبتنى ومشيت ليه انت مش عارف انى بتوتر لما متكنش معايا وبخاف لما حد يشوفنى وانت مش جمبى وبصت لميار الى كانت هتمـ,ـوت حرغيا من الغيظ يحيى بقى كان واقف مكانو مصدوم

وقال بتوهان …. هوانا جالى تليفون وطلعت بره علشان الصوت بس وجدو حمحم قاصد يفوقهم

وقال …طب ياجماعه نكمل احنا سهرتنا يلا وطلعه بره وليله مسكت ايد يحيى

وقالت…يخرب بيتك طلعت ليه غريمتى جابت اصحابها وزنقونى زنقه و قعدو يقول عيلتك مين وساكنه فين وبتشتغلى ايه وانا مردتش

ويحيى قال بزهول….ايه يعنى انت مكنش مغمى عليكى

ليله قالت ..لا طبعا بمثل

يحيى قال .. ياشيخه نشفتى دمى خوفت اجيب الدكتوره تقول انك حامل وتلبسينى بلوه

ليله بصتله بغيظ وقالت … مش فاضيه اناهد معاك اخلص قول هنقولهم ايه

يحيى قال … ياود انت يامشغول بصى ياستى عادى اسم عيلتك عادى جدا وانتى بتشتغلى دكتوره نفسيه لحسن حد يطب صدفه ويقولولك شوفيه مانضمنش وساكنه فى الزمالك انا مشترى شقه هناك محدش يعرف بيها قولى انها بتاعتك وانتى لسه صغيره فامفتحتيش عياده ها يلا بينا تمام كده

ليله قالت بغيظ منه …ولما انت عارف ده كلو ومظبط الدنيا كده مقولتليش فوق ليه وسيبنى اخبط لوحدى يلا وطلعه وقالو زى مايحيى قالها وخلصت الحفله وكلهم كانو مبسوطين الى ميار طبعا شكت فيهم يحيى دخل الاوضه ومدد على السرير بتعب

وقال …ياه اخيرا الحمد لله عدت على خير ليله مددت جمبه

وقالت…اه فعلا ياساتر كان يوم

يحيى بصلها وقال…شكرا بجد ياليله