رواية علمتني الحب(الفصل الأول إلى الثامن)بقلم ورده
💞 الحلقة ١ 💞
.
على شاطئ البحر الاحمر اصوات الموسيقى والغنااء مع اصواات امواج البحر وصوت البنات وسعادتهم انهم اخيرا هيشوفو نجمهم المفضل قدمهم على المسرح وهيستمتعو بصوتو الجميل
وبيخرج على المسرح شاب وسيم بشعر اسود غزير ناعم وملامح شرقية اصيلة مع حركاتو الرشيقة وليونة جسمو على المسرح ورقصو المعتاد بحركات خفيفة مع صرخة البنات ومحاولتهم للوصول للمسرح ومنع رجال الامن اى حد يقرب منو
وبعد سااعات من الغناء والموسيقى بيتوجة هيثم لاوضة الاستراحة فى الفندق القريب وبيدخل الاوضة
هيثم/ عصام
وبيحضنو بعض اوى فى سعاادة
هيثم / رجعت امتى ولية مكلمتنيش كنت استقبلتك فى المطار
عصام / بقالى شهرين هناا فى مصر
هيثم / شهرين وانا معرفش
عصام / اعمل اية حضرتك مشغول ديما مع المعجبات بتوعك
هيثم باين علية الحزن و عصام بيضربو على كتفو
عصام / غصب عنى انت عارف المشاكل حبيت افضل لوحدى
شوية ارتب افكارى
هيثم / وانا ابعد ما يمكن عن افكارك مش كدة
عصام / هيثم انت هتقلبها نكد ولا اية.
هيثم / وبابا
عصام / بابا عمرو ما هيتغير ابدا بعد السنين دى كلهاا وهو زى ما هو متحكم مسيطر انا مش هقدر هيثم زمان هربت من تحكماتو وبرضو دلوقتى ههرب منو
هيثم بصرخة / برافو عليكو انتو الاتنين خليكو كدة
عصام / ممكن تهدى وتوطس صوتك انت مش طفل صغير
هيثم / عصام فيها اية لو اتنازلت شوية
عصام / وهو لما اتنازل هيتخلاا عن سيطرتو وغرورو
هيثم بيمسك دمااغو بتعب ومش عارف يعمل اية
عصام / انا مسافر بكرة الصبح على باريس علشان كدة جيت اشوفك قبل ما اسافر
.
************************************
.
فى الاسكندرية
فى منطقة المنتزة تحديدا بنتين بيعدو الطريق
وفاء / هاا يا فيروز حفظتى هتقولى اية
فيروز / اووف اووف ما خلاص بقي حفظت هو انا غبية يعنى
وفاء / لا ابدا ماشاء الله عليكى زكية جدا
فيروز / وفاء تفتكرى ابية ياسر هيصدق ان فعلاا الفستان دة رخيص كدة
وفاء / اة هيصدق بس انتى متتكلميش
فيروز / يعنى اتكلم ولا متكلمش
وفاء / تقولى الى قزلتلك علية وبس مفهوم
فيروز / الى هو اية
وفاء / انتى هتجبيلى شلل فيروز متفتحى دماغك معايا باة وركزى
فيروز / وانتى متعصبة علياا لية بس
وفاء / تصدقى انا هروح بنفسى لياسر واعترفلو ان انا جبت فستان الفرح من فلوسى واخلص خاالص
فيروز / برافو عليكى وفاء ايوة كدة الكدب حرام اصلاا وكمان ابية ياسر دلوقتى جوزك وبكرة الدخلة ومش معقول تكدبى علية
وفاء / فيروز لو فتحتى بقك تانى هرمى نفسى تحت العربية دى
فيروز بتبص للعربية بخوف و بتخاف وبتحط اديها على شفايفهاا و وفاء بتسحبها من اديهاا وبيمشو بسرعة وبيدخلو عمارة صغيرة وبيشوفو شاب طويل ونحيف ووسمتو واضحة جدا مع نحافتو
وفاء / اسفة يا حبيبى اتاخرنا شوية انت عارف لازم اطمن على الفستان قبل ما استلمو
ياسر / بس مدام مليكا اتصلت بيا وقالتلى انكو مروحتوش تخدو الفستان منهاا
وفاء/ احم احم اة ياحبيبى اصل بصراحة انا محبتش الفستان وشفت فستان تانى فى محل فى المعمورة جميل وسعرو رخيص اوى علية تخفيض ٧٥٪
ياسر برفع حاجب / ٧٥٪ دة فيين المحل دة
وفاء / قولتلك ياحبيبي فى المعمورة يااة الوقت اتاخر لازم نلحق ننام علشان بكرة يوم طويل
ياسر / فيروز لية حاطة ايدك على شفيفك كدة فى حاجة بتوجعك
وفاء / اة يا ياسر دورسهاا بيوجعها يلاا سلام
وفاء بتسحب فيروز بسرعة وبيدخلو على شقتهم و فيروز بتشيل اديها عن شفايفها وبتاخد نفسهاا
وفاء / الحمد لله ياسر اقتنع مش كدة
فيروز / انتى كان ممكن ترمى نفسك تحت العربية وتسبينى
وفاء بتغمض بتضغط على عيونها بحزن وبتقرب من فيروز وبتحضنها اوى
وفاء / لا طبعا ياحببتى كنت بكدب عليكى
فيروز بتهرب من عيونها دمعة
فيروز / وفاء يعنى من قبل ما تكونو مع بعض وانتى بتكدبى علية
وفاء / فيروز انتى عارفة ياسر مش هيسمحلى انى ادفع فى اى حاجة تخص الفرح او الشقة وانا عارفة الظروف وفيهاا اية يعنى بابا الله يرحمو سيبلنا فلوس والحمد لله ودى حاجة بسيطة مفيهاش حاجة لما اساعد فى حاجة بسيطة زى دى
فيروز / ممكن تتكلمى معاة وتقنعية مش تكدبى علية
وفاء / ممكن تسكتى خالص وبلاش تنكدى عليا قبل ما انام
فيروز / ماشى يا وفاء مع انى عارفة انك مش هتنامى طول الليل لان ضميرك مش مسمحك ابدا تصبحى على خير
وفاء بتضغط على اسننها بغضب وبتروح على اوضتها
وبتشوف رسالة من ياسر
ياسر / تصبحى على خير يا حببتى بكرة هنبدا مع بعض اول يوم فى حياتنا مع بعض ربنا يقدرنى واحاول اساعدك بحبك
وفاء مبسوطة اوى وبتحضن الموبيل فى حضنها وبترمى بجسمها على السرير وبتبص للفستان بتعهاا وبتروح تعلقو قدمها وبتتفرج علية بسعاادة وبتنام على المخدة وهى بتتفرج على الفستان بسعادة
وفجاة بتتفزع من نمهاا على صوت صرخة فيروز و بتاخد كوبية المياة وبتجرى بسرعة على أوضة فيروز و فيروز بتصرخ وبتضرب برجليها واديهاا بعنف ومش قادرة تاخد نفسها
وفاء / فيروز فيروز فوقى فيروز فيروز
فيروز بتفتح عنيهاا وصدرها بيطلع وبينزل بفزع ودموعها بتنزل وبتترمى فى حضن وفاء وبتعيط اوى
وفاء/ حببتى اهدى
وفاء بتبص على الصورة الى على الكوددينو جمب السرير صورة والدها ووالدتهاا ومعاهم تلات ولاد صغيرين فيروز و وفاء وطفل صغير فى حضن امهم و وفاء دمعها بتنزل
وفاء / الله يرحمهم
وبتملس على شعر فيروز بحنية وبتضمها اوى لصدرها لحد ما جسم فيروز بيخمد وبتنام فى حضنها وبتنيمها على المخدة
و فيروز بتفتح عنيهاا
فيروز / نامى معايا النهاردة ممكن
وفاء بتنام فى حضن فيروز بسرعة من غير تفكير و فيروز بتنكمش فى حضن وفاء وبتستمد منها القوة
.
