لست عذراء القسم ال1 دينا

فارس لابس ورايح ع الباب
توفيق”رايح فين؟”
فارس”نازل شوية”
توفيق”لو حد سألك من الشارع هتقول ايه”
فارس”اى حد يابابا..مش هفضل محـ,ـبو.س ف البيت…اتخـ,ـنقت”
حياة”امانة عليك يافارس ماتقول حاجة لحد… انت تطـ,ـلقها من سكات…علشان خاطر خالك يا خويا”
فارس”متقلقيش ياماما… مش هفـ,ـضح نفسى”
توفيق”اوعى تطـ,ـلقها من نفسك كده”
فارس”مش فاهم”
توفيق”لو طلـ,ـقتها غيابى هتبقى عايزة منك كل حقوقها لو رفعت قضية وطالبت بيهم”
حياة”واحنا برضه هندخل بعض المحاكم”
فارس”اطمن يابابا …مالهاش عين تطالب بحاجة”
توفيق”اسمع الكلام انت بس…انت مش عارف حاجة… لازم تتنازل عن كل حاجة واجيبلك اللى صرفته كمان”
فارس باستسلام”ماشى …انا نازل”
**********************

فؤاد قاعد مع مامته هو سرحان وهى قاعدة تتفرج على التليفزيون
“ماما”
“نعم”
“هو الراجل النصـ,ـاب ده عنوانه ايه”
الام بفز..ع”وانت عايز عنوانه ليه؟”
فؤاد”عايز اروح له”
الام”تروح له تعمل ايه…متو.ديش نفسك ف دا.هية يابنى ولا تفـ,ـضح بنتك”
فؤاد”متخا.فيش …مش هعمل حاجة…بس عايز اروح له ع الاقل ابلغ عنه بسبب النصب والدجل”
*******************

نسرين بتحضر شنطتها ومايا معاها ف الاوضة
“عايزة اقعد معاكى اكتر من كده بس ممدوح عمال يزن عليا ارجع ومش عارفة اقوله ايه”
“ارجعى يا حبيبتى لبيتك ربنا يسعدك”
“مايا.. اوعى تزعلى انى بعـ,ـدت عنك”
“ازعل ايه بس… انتى بعدتى بمزاجك…دى سنة الحياة وانا خلاص هبقى كويسة”
“قوليلى صحيح”
“نعم”
“ليه مقلتيش لفارس قبل الجواز”
“خفت”
“ومخفتيش انك تتحطى ف الموقف اللى اتحطيتى فيه ده”
“متخيلتش ان فارس اللى متربى معايا وعارفنى كويس اوى ممكن يشـ,ـك فيا… ومع ذلك فكرت كتير انى اقوله… قبل الخطوبة وخلال الخطوبة وكنت كل مرة أأجل الكلام على اخر لحظة”
“ليه”
“الكلام كان بيقف يانسرين ومبقدرش اطلعه ابدا…لحد ما حددنا الفرح…فضلت الاسبوع الاخرانى ده مبنمش ومش عارفة هقوله ازاى… وقلت لازم اقوله قبل كتب الكتاب…بس يوم الفرح وقبل كتب الكتاب مكنش فيه وقت ولقيت نفسى معاه وانا مش عارفة اتكلم”
“ماهى اكيد مكنتش حاجة سهلة عليه يا مايا”
“يعنى كل اللى شفته ده ومريت بيه كان سهل عليا… يا نسرين انا مفرحتش ابدا…الفرحة ف حياتى قليلة اوى”
“معلش ربنا يعوضك خير… لو فيه اى حاجة كلمينى… متخبيش عليا حاجة تانى”
“حاضر”
اخدت نسرين شنطتها…اخدتها منها مايا
“هاتى انتى مش قادرة تشيلى”
“شكرا يامايا…ماما سبقتنا على تحت؟؟”
“اه نزلت…بابا هيوصلك تركبى وابقى طمنينا عليكى لما توصلى”
“حاضر… خليكى مع ماما يامايا
“لا كفاية كده…انا هرجع اقعد تحت مع نينة تانى”
*******************