سلطانة الجبل
وسلطانه بتحاول تبعد وهي بتبكي جامد وبتصرخ بس المكان مقطوع ومحدش سامعها
الراجل قال بغضب…. بس بقى وجعتي لي راسي مفيش حد هنه عشان يسمعك و
بس قطع كلامه لما حس بسلاح في دماغه من ورا وسمع صوت يعرفه كويس بيقول ……هملها
سلطانه ابتسمت بسعاده …..وهي مش مصدقه انها شايفاه قدامها
الراجل بلع ريقه برعب ووقف بسىعه وقال…. انا ما ليش صالح يا كبير….عمك….. عمك هو اللي قال لي اعمل كده و انا فكرت انكم متفقين سوا كيف ما بتتفقوا على كل حاجه
همام قال بغضب شديد ….. اخفي من وشي خد اللي معاك وغوره من هنه….. حسابي مش معاكم بس لو لمحت واحد فيكم لو بالغلط تاني محدش هيعرف طريقه
الراجل جري بسرعه وخوف وهمام بقى يفك سلطانه بسرعه وهو بيطمن عليها وبيقول…… انت زينه حاسه بحاجه في حاجه وجعاك نروح على المستشفى
سلطانه اترمت في حضنه فورا وبقت تبكي بشده واتطلع كل اللي جواها بعد ما لقت امانها خلاص
همام ابتسم وكأنه ملك الدنيا بين ايديه ضمها لقلبه بشده وبقى يشبع من حضنها اللي اشتاق له فوق الوصف
بعد دقايق بعدو عن بعض شويه وهما مسح دموعها ايديه وقال بابتسامه جميله….. انا وياكي خلاص ما تخافيش
سلطانه هزت راسها بسرعه وقالت بدموع …..ما خايفاش… من يوم ما شفتك لحد النهارده عمري ما كنت في ضلك وخفت
همام قال بندم….حقك عليا كان لازم اسمع كلامك وماطلعش من الدار
سلطانه قالت بدموع ……المهم انك بخير كنت خايفه قوي انك مترجعش….. والله يا همام اقسم بالله سمعته بوداني و
همام قاطعها بسرعه وقال ……انا اتاكدت ان كل كلامك صح ومرحتش المخزن ….وكنت راجع على البيت احاسبه بس شوفت الكلاب دول وهما واخدينك لحقتك على هنه طوالي
سلطانه قالت بدموع…طب…طب وعمك زمانه عرف انك مرحتش المخزن
همام وقف ووقفها وقال….. متخافيش …اتصلت على الحرس بتوعي هيطلعو نعيمه ويربطوه بدالها لحد ما نروح نشوف هعمل معاه ايه
سلطانه ابتسمت بسعاده وقالت….. يعني ..يعني سامحتني خلاص
همام ابتسم بحب وقال …ولا قدرت ازعل منك من اساسه ولا قادر اتحمل اذاك…. طول الطريق هجن بفكر لو مكنتش رجعت على البيت وكان حصل لك حاجه كنت هروح فيها
سلطانه ابتسمت بحب و قالت…. بعيد الشر عن قلبك يا قلبي انا كمان كنت خايفه اموت وانت زعلان مني كان نفسي اترمي في حضنك واستسمحك….حقك عليا يا همام عمري ما هزعلك واصل تاني
