ليالي الزين 1 رباب احمد
نادر بنفس طويل
مش عارف يا زين حاسس انى اتشديت ليها وكل شويه افكر فيها معرفش ازاى مستغرب نفسى اوى
زين
سيب لنفسك فرصه وعيش يا نادر والبنت كويسه ومحترمه انا اعرف انها صحبت مى من زمان وانا مش هخلى مى تصاحب اى حد انا اه ابان انى بعيد عن مى بس لازم اعرف كل تحركاتها وصحابها ونهى صحبتها من ثانوى بباها كان وكيل وزاره واتوفى ومامتها تعبت بعد م,,وت بباها وانسانه محترمه وعلى خلق بس عندها عم جشع اكل ورثها وعاوز يبعها لليدفع اكتر ده مره كان عاوز يجوزها واحد اكبر منها ب 30 سنه ومى جات حاكتلى انا وبابا ووقفناله وقتها
نادر
ياساتر هو فى ناس كده بس انا خايف ادخل فى علاقه تانى بعد مريم مراتى خايف من البعد والفراق
زين
سيب قلبك يعيش الواحد لما بيقفل على قلبه الحياه بتبقى سوده لكن لما القلب يحب ويعيش بتحس انك عايش اجمل حياه
نادر بمكر
الله الله ده احنا بنقول شعر هو احنا وقعنا ولا ايه
زين بثقه
اه وقعنا ارتحت بحبها معرفش ازى وامتى ده حصل بس كل ال اعرفه انى عاوز اخبيها عن الدنيا بحالها محدش يشوفها غيرى بحس انها روحى
نادر
اخيرا يا كفاره يا صاحبى ربنا يهنيك
زين
يارب بس شكلى هتعب معاها مش راضيه تسمحنى على الكلام ال قولته ليها اول مره
نادر
عندها حق انت لما قولتهولى كنت عاوز اخنقك انا لو مكانها مش هبص فى وشك خالص
زين
طب اسكت وقوم من وشى
نادر بضحك
طيب ماشى بس صحيح عرفت منين ان نهى جايه
زين بابتسامه
امبارح لقتهم خارجين ب 3 فساتين من الاتليه وسالت مى قالتلى الثالت ده ل نهى صحبتهم واتصلت بالفيلا دلوقتى اطمن على ترتبات الحفله وسالت على البنات ماما قالتلى انهم فوق ونهى معاهم اطمن
نادر بابتسامه
طب اسيبك انا عشان اجهز
وخلص زين شغله وروح يجهز عشان الحفله
جه وقت الحفله وزين ووالده وولدته بيستقبلوا الضيوف
شويه وجه عزت ونسرين وجاسر الحفله
زين ببرود اتقنه
نورت يا عزت بيه
عزت
مبروك الصفقه الجديده
زين
الله يبارك فيك ازيك يا جاسر رجعت امتى
جاسر
امبارح اخبارك ايه
زين بثقه
زى ما انت شايف كله تمام
جاسر بضيق حاول يدريه من ثقه زين بنفسه
ازيك يا مهاب بيه
مهاب
ازيك يا جاسر حمد الله على السلامه
نسرين بدلع مصطنع
مبروك علينا يا بيبى
زين بضحكه سخ,,ريه
الله يبارك فيكى بس بلاش بيبى دى مش ليقه عليكى خالص يا نسرين
شويه وجه نادر وسلم على الكل واخد زين بعديد شويه بتكلموا بصوت واطى
