عشقت شمسي نور محمد
فقال بقلق: مالك في ايه مبرقه فيا كده ليه؟!!
نطقت بصدمه:بابا!!
ضحك ادهم بخوف:اوعي تقولي ورايا زي الافلام كده.
هزت رأسها فلتفت خلفه وبلع ريقه بخوف وقال
:حسام حبيب قلبي وحمايا المستقبلي بالحضن يا.. ووو
عند حازم كان في ورشته شغال بقلق
حازم بقلق: هو ليه اتأخر كده بس يارب استرها
وفجأه حضر الصبي الشغال معاه: اللحق يامعلم حازم ابن خالك الجديد ده مسكه الظابط حسام واخده في البوكس بتاعه
حازم بخوف: انا قلبي كان حاسس انه مش يرتاح غير في السجن النهاردا تعالي يابني نلحقه بسرعه
الصبي: تمام ياله
وفي نفس الوقت ادهم كان في الزنزانه قدام حسام بيحاول يقنعه انه يسيبه يخرج
ادهم بخوف: خلاص بقى ياحسام باشا ميبقاش قلبك اسود لحظه شيطان وعدت
ضحك حسام:دلوقتي بقت لحظه شيطان وعدت ولااا
انت مكانك الاصلي هنا بين المجرمين ياصايع
ادهم بضيق:كبير وليك احترامك وكمان حمايا المستقبلي ومش
حرد عليك خلاص والنبي توبه طلعني بقي
حسام بحده:مفيش خروج قبل ما تتعلم الادب الاول
ادهم بستعطاف:عندك حق ياباشا انا اهلي ماتوا وانا صغير ومفيش
حد رباني بعدهم خرجني بقى ينوبك ثواب في يتيم زيي
حسام قلبه مال لانه كمان يتيم وكان هيطلعه بس حضر حازم وخرب كل حاجه
حازم بضيق من ادهم:مش قولتلك تلم نفسك من البت بقى
رايح تعاكسها زي ماقولت وقدام ابوها كمان دا انت قادر يابني والله
حسام سمعه والغضب سيطر عليه وادهم صرخ في حازم بعصبيه
ادهم بعصبيه:الله يخرب بيتك ياجدع ده كان خلاص
يطلعني من هنا بس باين بعد الكلام ده هترحل على المحكمه عدل
حازم اخد باله انه خرب كل حاجه بغبائه فقال:انا مش كونت اقصد بنت
حسام باشا اسمع بس ياباشا اقولك على ال…
في الليل رجع ادهم مع حازم للبيت بعد ماقعد يقنع حسام لساعه كامله علشان يسيب ادهم
حازم:خلاص بقى قولك مش كان قصدي
ادهم بضيق:ياعم ابعد ده انا كونت هضيع بسببك
حازم بغيظ:بسببي انا بقى والا بسبب قله ادبك انت
ادهم باصرار:طب والله لاروح اخطبها منه واجوزها كمان انا
عجبتني ودخلت دماغي اوي ايه رئيك بقى
حازم بسخريه:ابقى قابلني بقى لو وافق
ادهم بتحدي:لو مش وافق انا اخطفها ونجوز برضو مش مشكله
خرجت حنان:في ايه ياولاد مالكم كده
حازم:مفيش ياماما هي شمس فين
حنان:في اوضتها كانت تعبانه ودخلت ترتاح
حازم بقلق:تعبانه ليه انا اشوفها بسرعه عن ازنكم
جري حازم على اوضه شمس فقال ادهم بقلق على شمس: هي تعبانه اوي يعني ياعمتي
حنان:متقلقش يابني شويه تعب عادي بس
ادهم براحه:تمام انا اطلع ارتاح بقى عاوزه حاجه
حنان:طيب اتعشى معنا قبل ماتطلع
ادهم وهو بيحط ايده على قفاه :لا شكرا انا اكلت كتير النهاردا ياعمتي والله عن ازنك
حنان: ازنك معاك ياحبيبي
خرج ادهم وطلع فوق بس وقف فجأه على صوت خناق على السلم قدام الشقه
حبيبه بغضب:ابعد ياتامر خلاص احنا فركشنا من شهرين مش عاوزه اشوف وشك تاني بقى
وقف تامر قدامها:وانا مش موافق على الكلام ده قولتلك
لحظه ضعف مني بس وهي الي لزقت فيا بقصد والله
حبيبه ببرود:وانا مش يخصني الكلام ده قصتنا خلصت
وخلاص ابعد بقى عاوزه اعدي
زقته حبيبه بغيظ بس هو مسك ايدها بغضب
تامر :وانا لما اكلمك تقفي كده زي الشاطره وتسمعي وإلا…
فجأه لقى ادهم مسك ايده بقوه نفس الايد الي ماسك بيها ايد حبيبه
ادهم بحده:وألا ايه ياحلو ايدك الجميله دي
عنها احسن تخدها وانت ماشي مكسوره
بعد تامر ايده عنها وبص على ادهم بغضب
تامر:وانت مين اصلا علشان تدخل كده بيني وبينها
ادهم بضيق:مش يخصك ابقى مين وامشي من قدامي احسن اتغابي عليك انا غضبي وحش
ضحك تامر:لا فعلا خوف منك ابعد يابابا عن الامور مش تخصك احسن تتعور جامد ياشبح
ادهم فقد حرفيا اعصابه كلها فمسك فيه وضربه بلكمه قويه وقعته على الارض وشفته نزفت
ادهم بسخريه:اوبس معليش تعيش وتاخد غيرها يا صغنن اصل امثالك مش تتحمل حتي بوكس مني
قام تامر بغضب وتقدم على ادهم فجرت عليه حبيبه علشان توقفه لانها خايفه على ادهم يتأزي في الاخر بسببها بس تامر كان متعصب اوي فزقها بدون قصد وكانت هتقع من اعلى السلم لولا ايد
ادهم لحقتها في اخر لحظه بس للاسف فقد هو توازنه ووقع مكانها ورأسه اتخبطت في الحيطه جامد ونزفت اوي
بصت عليه حبيبه برعب وجرت عليه وهي بتعيط
:ادددددهم
عند حازم دخل غرفه شمس بخوف وقرب لقاها نايمه ابتسم على شكلها الملائكي الي بيعشقه قعد جنبها وقرب من شفايفها وباسها بحنيه وبعد وهو بيمسح على شعرها الطويل الناعم بالون سواد الليل
حازم بحب:شمسي قومي عاوزك
فتحت شمس عنيها بكسوف لانه عارف من الاول انها صاحيه وبتمثل عليه بس اتعدلت شمس بكسوف:نعم
اخدها حازم بسرعه في حضنه وقال:انتي كويسه مش كده
ابتسمت شمس:ايوه كويسه متقلقش شويه تعب من شغل البيت بس
كمل حازم وهو بيضمها اكتر:وانا مش نبهت عليكي قبل كده انك
تاخدي بالك اكتر من نفسك ولو على شغل البيت ارجع انا واساعدك
شمس بضحك:وانت تعرف تعمل كده ازاي و بعدين انت راجل ومش يصح تعمل كده
بعد حازم عنها وهو بيبص في عنيها الزيتوني الي بيعشقهم بتركيز:لا يصح ياقلبي مش عيب اني اساعد مراتي في البيت او ده يقل من رجولتي بل العكس بيزيد من حبنا لبعض اكتر
ابتسمت شمس وقربت باسته برقه في شفايفه بسرعه:انا بحبك اوي ياحازم
قرب حازم بدوره منها وباسها في شفايفها وقال بخبث:وانا بعشق شمسي وشفايفها كمان
ضربته شمس بكسوف:بطل بقى قله ادبك دي شويه
ضحك حازم:مقدرش ياقلبي دي بتمشي في دمي باوراثه.. وكمل بخبث..وبعدين انا عاوزك قويه كده علشان هنتعب بعد شهر اوي مع بعض
شمس بقى وشها زي الفروله من الكسوف وقربت حضنته علشان تداري كسوفها منه فضحك حازم عليها وبادلها الحضن هو كمان فجأه سمع صوت جرس الباب فبعد شمس عنه بخوف
شمس:في ايه مين بيرن الجرس في الوقت ده
شدها حازم تاني لحضنه وقال:متقلقيش اكيد ادهم عاوز حاجه كده من ماما وو
قاطعه صوت جرس الباب اقوي ففزعت منه شمس
شمس بخوف:اخرج والنبي ياحازم شوفه عاوز ايه انا قلبي مش مطمن
قام حازم:حاضر اشوفه ومش اتأخر عليكي
خرج حازم وفتح الباب كان متوقع يكون ادهم بس انصدم لما لقى حبيبه على الباب وعيونها غرقانه دموع وجسمها بيترعش من الخوف وايدها عليها دم
حازم بقلق:مالك ياحبيبه حصل ايه وايه الدم ده ادهم كويس مش كده
اول ماشاف حازم حالتها قدامه قلبه حس ان ادهم مش كويس علشان كده سئل عليه نطقت حبيبه بخوف وشفاه مرتعشه:ادهم..فوق..السلم..رأسه..بتنزف اوي
حازم سمع من هنا وقلبه وقع من هنا محسش بنفسه غير وهو بيجرى زي المجنون على فوق
في مكان تاني قصر كبير وفخم اوي لعيله كبيره اوي كانت نايمه في غرفتها بهدووء وده الهدووء الذي يسبق عاصفه حياتها القادمه شعرت بأحد بيقرب منها وانفاسه الساخنه بقت على وشها وشفايفه قربت من خدها الناصع البياض بنعومه وقبلها بهدووء وشفايفه بتوزع القبل على وشها وهي خايفه ومتوتره جدا حتي حست بشفايفه قربت من شفايفها فقامت برعب وهي بتبص في عنيه بخوف
فيروز بخوف:مراد انت بتعمل ايه هنا
قرب منها وهي بتتراجع منه بخوف وقال:انا بحبك يافيروز بحبك اوي
فيروز برعشه:مراد ارجوك اطلع بره مرت خالي لو شفتك هنا هتزعل منك اوي
ابتسم مراد:وانتي خايفه تزعل مني مش كده
فيروز بتوتر:انا يعني انت ابن خالي والازم اخاف عليك
قرب مراد وبقى وشه مقابل لوشها وانفاسهم وحده:ابن خالك بس..
احمر وجه فيروز بكسوف:اه ابن خالي بس
عاد كلامه وهو بينظر لها بتركيز:متأكده
اتوترت من نبرته اوي وقالت:مراد اخرج بره كده عيب
ضحك مراد على توترها:تمام ياقلبي بكره مش بيبقى
فيه عيب بينا سلام يافيروزي
خرج فتهندت براحه ودقات قلبها بقت عاليه جدا وهي
بتتنفس بصوت عالي:في ايه مالك كل ماتشوفه بتدق كده ليه امتي بس تبقى قره عيني بجد يامراد
دخل مراد فجأه وغمز لها:قريب اوي ياقلب مراد
وفي المستشفي كانت حبيبه قاعده جنب ادهم وهي بتعيط على حالته وهو متسطح على السرير ورأسه ملفوفه باشاش الطبي فتح عنيه بتعب وهي اخدت بالها منه
حبيبه بخوف:ادهم انت كويس رد عليا حاسس بايه
رفع ادهم نظره ليها واول حاجه نطقها هي:ماما
برقت فيه حبيبه بصدمه:ماما؟!!
حاول ادهم يقوم من السرير وهي قربت منه تساعده بس لقته حضنها بقوه وقال:ماما وحشت ادهم اوي
حبيبه انصدمت منه وقلبها بقى بيدق بقوه وانفاسها بقت عاليه ومش قادره تبعده عنها لانها خايفه عليه
فضرخت بقوه:باااابا الحقني بسرعه
دخل بسرعه حسام وحازم وشمس وحنان ووقفو مصدومين من المشهد
حسام بصدمه:انت ازاي تقرب من بنتي كده
قرب منه بغضب وبعده بقوه عن حبيبه وحازم وشمس وحنان جرو عليه بسرعه بس الكل انصدم لما لقوه بقى بيبكي زي الاطفال وهو بيمد ايده لحبيبه
ادهم بدموع طفوليه:ماما.. ادهم عاوز ماما تحضنه
ضحك حازم بخبث:حتي هو مريض برضو سافل
ضربته شمس في جنبه وقالت:مش وقته يامحترم انت ها
سكت حازم بس زاد عياط ادهم اكتر فقربت منه حبيبه بعد ماصعب عليها
حبيبه بحزن عليه:اهدي ياادهم خلاص ماما هنا جنبك
قربت اكتر وادهم شدها بسرعه قدمهم وحضنها بقوه وحسام اتعصب اكتر وجز على سنانه وكان عاوز يقرب بس حازم وقف قدامه بسرعه
حازم:معليش ياحسام باشا سيبه هو تعبان ومش عارف بيعمل ايه
شد حسام حازم بغضب من قدامه:يعني اسيبه يحضن بنتي كده قدامي عادي
