جامدة وجديدة 2
قصة
البارت التاسع:
خرج باسل من القصر وراح لبيت نيهال على حسب الميعاد واتصل ب الام مديحه..وبعتتلو نيهال.
باسل اول م شاف نيهال اتصدم من منظر لبسها وشكلها عموما…كانت لابسا تيشرت كات باللون الابيض وهوت شورت جينس فاتح ومكياجها كتير واوفر.
باسل فى باله:يانهار اسود..بقى دى بنت الناس وبنت العيله المحترمه..بقى دى اللى من مستوايا يا امى..الله يسامحك على اللى عملتيه فيا.
وهنا جت عليه نيهال وركبت عربيته.
نيهال:هاى ياباسل ازيك.
باسل بابتسامه باهته:ازيك انتى يانيهال.
نيهال:انا كويسه تمام..بس ايه ده انت طلعت حلو جذاب زى م بيقولو عليك ده انا كنت بقول على صحابى انهم بيبالغو لما بيتكلمو عليك.
باسل استغرب من قلة كسوفها وحيائها وتحررها ازاى تتكلم كده عن راجل وكمان يكون قاعد معاها.
نيهال:هاه..هنروح فين؟؟
باسل:اللى انتى عايزاه انتى حبه تروحى فين؟؟
نيهال:كافيه…هايل.
باسل:ماشى.
و اتحرك باسل فى طريقه للمكان اللى قالتله عليه..ووصلو ودخلو وقعدو.
نيهال:انت ساكت كده ليه؟؟ده انا بيتهيئلى انا بس اللى بتكلم..مالك؟؟
باسل:لا ابدا م فيش..بس زى م تقولى كده انى نوع هادى من البشر ب اسمع اكتر من م بتكلم.
نيهال:لاااا..انا مش بحب السكوت ده خالص عايزاك تتفاعل معايا وتحفظ اطوارى ده احنا هنعيش سوا.
باسل:انشاء الله..انتى مش عايزه تسالينى عن حاجه؟؟المفروض ان دى قاعدة تعارف.
نيهال:اعتقد انى عرفاك كويس سمعت عنك كتيير قبل م اجى قبلك دلوقتى وعموما الايام جايه كتير وهنتعرف اكتر بعد الجواز.
باسل:طب انا كنت عايز اقولك حاجه.
نيهال:قول.
باسل:انا مش هاينفع اعمل فرح..يعنى عشان انتى عارفه انى متجوز وعملت فرح قبل كده.
نيهال بعد تفكير:ماشى بس انا عندى شرط قصاد طلبك.
باسل:ايه هو؟؟
نيهال:نسافر امريكا لل honey moon.
باسل:ماشى..بس مش هيبقى اكتر من اسبوع.
نيهال:لا اسبوع ايه..لاحظ انى انا اول مره اتجوز يعنى..مش كفايه م فيش فرح.
باسل بصرامه:هو اسبوع..انا مش هقدر اتاخر عن شغلى وكل حاجه هنا اكتر من اسبوع.
نيهال فى بالها:اوك ياباسل..بس نروح هناك ابقى شوف مين اللى هيمشيك من هناك على الاقل بعد اسبوعين.
باسل:هاه..قولتى ايه؟؟
نيهال:okay ياباسل.
……………………………………………………………………………………………………………………………………………………………………………………………………………………………………………………………
اما فى قصر البحيرى.
مريم قاعده كاعدتها وحيده حزينه منتظره عودة حبيبها..وهنا خبط عليها الباب..ف اذنت بالدخول..ودخلت يارا.
يارا:ازيك يامريومه.
مريم بابتسامه:انا الحمدلله كويسه انتى ازيك يايارا.
يارا:تمام..اومال باسل لسا مرجعش من الشركه ولا ايه؟؟
مريم:لا..هو مش فى الشركه اصلا.
يارا:اومال هو فين؟؟
مريم بحزن:راح يشوف مراته الجديده.
يارا بتاثر:معلش ياحبيبتى..اكيد انتى تعرفى باسل كويس زى م انا اعرفه..هو بيحبك انتى ولو م كنش موضوع الاولاد عمره م كان هيفكر فى كده وانتى عارفه.
مريم بابتسامه محمله بالحزن:عارفه.
يارا:بوصى بقى انا كنت جايه اقولك سر..عشان انا بصراحه همــ . ــوت واقول لاى حد وانا عارفه انتى بتعرفى تكتمى الاسرار ومش هتقولى لحد بس مش ده اللى انا عايزاه بضبط انا كنت عايزاكى تقولى ل باسل كمان انا عارفه انه بيحبك وبيسمع منك.
مريم:قلقتينى يايارا فى ايه؟؟
يارا بابتستمة كسوف وحطة ايدها على وشها:بصراحه ياروما انا فى واحد بيحبنى وعايز يتجوزنى.
مريم بفرحه:بجد..الف مبروك يايارا والله فرحتينى وخففتى عنى بالخبر الحلو ده.
يارا:ربنا يخليكى ليا ياروما.
مريم:ايوه بس انا لسا مش فاهمه انتى عايزانى يعنى اقول ل باسل ان جايلك عريس ولا عايزانى اقوله ايه بالضبط؟؟
يارا:بوصى يا روما انا اه عايزاكى تقوليله ان جايلى عري..بس فيه مشكله كده ممكن تخليه يرفض بس انا بقى هتكل على ربنا وعليكى فى الحكايه دى.
مريم:وهو ايه اللى هيخليه يرفض..هو مش شاب كويس؟؟
يارا:كويس جدا جدا..بس بصراحه هو..هو هو.
مريم بقلق:هو ايه يايارا؟؟
يارا:بصراحه هو كان متربى فى دار ايتام ومالهوش عيله..بس والله هو انسان كويس جدا ده معاه شهاده متخرج من كلية الهندسه.
مريم:حبيبتى انتى مش شايفه انها مشكله..ومشكله كبيره كمان.
يارا:اومال انا جيتلك ليه ياروما انتى هتساعدينى صح؟؟
مريم:اه طبعا ياحبيبتى..بس باسل قولى انا وانتى هنقدر عليه..بس المشكله الحقيقيه مامتك..انتى شوفتى بتعمل معايا انا ايه رغم انى ليا اهل بس الله يرحمهم بقى كلهم..فما بالك بقى انتى بتقولى ان الشاب ده ملهوش عيله اساسا تفتكرى رد فعلها هيكون عامل ازاى.
يارا بضجر: م هو انا هتجوزو يعنى هتجوزو ماليش دعوه بقى ب ماما.
مريم:لا يايارا عيب م يصحش دى مامتك وانا بقولك اوعى تعملى اى حاجه متهوره.
يارا:اكيد مش هعمل حاجه بس انا عايزه اتجوز فارس يا مريم..انا بحبه.
مريم بابتسامه:انا فهماكى ياحبيبتى..فهماكى يايارا..بوصى سيبيها عليا وانا هقول ل باسل وهنشوف طريقه نقدر نقنع بيها مامتك..ومتخافيش لو ليكو خير فى بعض محدش ابدا هيقدر يفرقكو.
يارا ابتسمتلها وقامت باستها فى خدها وحــ . ــضنتها.
…………………………………………………………………………………………………………………………………………………………………………………………………………………………………………………………………..
اما فارس ف راح الملجئ..والاولاد اول م شافوه جريو عليه كلهم وحــ . ــضنوه وهو كان جايبلهم هدايا كتيير وفضل يلعب معاهم واتبسط من الوقت اللى قضاه معاهم.
وبعد كده دور على المربيه بتاعتو ايام م كان فى الملجئ وهو بيحبها جدا بيعتبرها امه اسمها ليلي..دور عليها ولاقها ف جرى عبها وحــ . ــضنها.
فارس:لولا وحشتينى يابطه.
ليلى بفرحه:فارس..ياحبيبى انتى اللى وحشتنى اوى..بس لا انا زعلانه منك.
فارس:زعلانه منى؟؟قوليلى عملتلك ايه وانا اعاقب نفسى حالا.
ليلى:مش بتيجى تسئل عنى زى الاول..ده انت ابنى يا واد انت ناسى ان انا اللى ربيتك ولا ايه؟؟
فرس ميل على ايدها وباسها وهى ملست على شعره بحنان.
فارس:لا مش ناسى يا لولا..اومال انا جايلك ليه مش عشان تفرحى ب ابنك.
ليلى:مش فاهمه قصدك ايه؟؟
فارس بكسوف وهو باصص فى الارض:اصلى اوشكت على الارتباط.
ليلى بفرحه:بجد ياحبيبى..الف مبروك يانور عينى اسمها ايه؟؟
فارس وهو حاطط ايده علو وشه بكسوف:يارا.
ليلى ضحكة بشده على منظره:ههههههههههههههههههههههههههههههههه انت مكسوف يافارس هههههههههههههههههه والله وجت اللى تكسفك شوقتنى اشوفها هى شكلها عامل ازاى؟؟
فارس بهيام:جميله يالولاورقيقه..عامله زى البيانو والسكسافون والجيتار.
ليلى بضحك:هههههههههههههههههههههههه هههههههههههههههه هى دى بنت يا فارس ولا فرقه موسيقيه هههههههههههههههههههه.
فارس بضجر:يالولا متتريقيش بقى.
ليلى بتماسك:هههههههههه خلاص اهو..بس انت لازم تجبهالى هنا عشان اشوفها.
فارس:انت تؤمر ياجميل.
ليلى:تسلملى ياحبيبى.
………………………………………………………………………………………………………………………………………………………………………………………………………………………………………………………
اما باسل رجع القصر وناهد شافته وهى قاعده فى الليفنج ف ندهتله.
ناهد:باسل.
باسل بضيق:نعم.
ناهد:تعالى ياحبيبى.
باسل:ماما انا تعبان وعايز اطلع استريح نبقى نتكلم بكره.
ناهد:بقولك تعالى ياولد.
باسل راحلها وقعد معاها بضيق باسل: خير.
ناهد بابتسامه:شوفت نيهال؟؟
باسل بضحكه ساخره:هههههههههههههههه وفرحانه وانتى بتسالينى..ده انا كنت قاعد خجلان والناس بتبصلى وهى قاعده معايا.
ناهد:ليه بقى انشاء الله دى الشباب كلها يتمنو نظره واحده من عيون نيهال انت بقى لما كنت قاعد معاها اتكسفت..اتكسفت ليه انشاء الله؟؟
باسل:دى انسانه مش محترمه لبساها وطريقة كلامها واسلوبها دى بتشرب سجاير ياماما.
ناهد:وماله..هى مش اول ولا اخر واحده بتشرب سجاير.
باسل:اه بس انا مش هسمح ب كده..طالما هتكون مراتى يبقى تحترم نفسها وصللها الرساله دى من فضلك تنسى خالص موضوع السجاير والكلام الفارغ ده.
ناهد تنهدت بغيظ:ماشى ياباسل اما اشوف اخرتها معاك.
…………………………………………………………………………………………………………………………………………………………………………………………………………………………………………………………………………..
اما يارا قاعده فى اوضتها بتفكر ازاى هيكون الموقف لما يجى فارس ويتقدملها..وخايفه ميوافقوش عليه..وهنا رن موبايلها وكان فارس ف ردت.
يارا:الو.
فارس:ازيك.
يارا بتهيده:كويسه.
فارس:لا صوتك مش عاجبنى..حصل حاجه ولا ايه؟؟
يارا:لا ابدا م فيش.
فارس بعدم تصديق:ماشى..عموما انا كنت عايز اخدك معايا مشوار بكره.
يارا:مشوار.. هتودينى فين؟؟
فارس:هى مفاجاه..بس عشان اطمنك انتى هتروحى بعربيتك وهتمشى ورايا فى الطريق وهتتبسطى اوى لما تشوفى المكان.
يارا:حمستنى على فكره ماشى خلاص..هتجلى الساعه كام؟؟
فارس:الساعه 2 بعد الضهر كويس؟؟
يارا:تمام..بس اوعى حد من الحرس او البواب يشوفك.
فارس:اطمنى.
يارا:ماشى..اه نسيت اقولك خبر حلو.
فرس:بجد خبر حلو طب قولى.
يارا:انا كلمت مرات اخويا وقولتلها تقوله عليك وكده عشان يبقى عرفك لما تيجى تتقدملى.
فارس باقتضاب:ايه..ليه يايارا عملتى كده؟؟
يارا:فى ايه يافارس؟؟
فارس:مافيش بس انا لسا ورايا حاجات كتير لازم اعملها قبل م اخد الخطوه دى..المفروض كنتى تاخدى رايي الاول.
يارا:ايه اللى انت لازم تعمله الاول يعنى؟؟
فارس:انتى عمرك م هتفهمينى..بوصى ياحبيبتى انا كل اللى هقدر اقولهولك انى بعيد نفسى من اول وجديد وبصلح امورى وعايزك تعرفى انى اتخليت عن حاجات كتير عشانك وبجدد نفسى من اول وجديد..انا نست قولك اساسا انى هشتغل فى شركة مقاولات وهاسيب شغلى القديم.
يارا:بجد طب كويس..بس هو كان ايه اساسا شغلك القديم ده؟؟
فارس:مش مهم تعرفى..بس انا عملت ده كله عشانك..ف لو سمحتى يايارا ارجوكى بعد كده اى حاجه تخصنا انا وانتى ياريت نتكلم فيها مع بعض قبل م تقولى لاى حد.
يارا:حاضر يافارس.
………………………………………………………………………………………………………………………………………………………………………………………………………………………………………………………………..
اما باسل انهى جلسته مع ناهد وطلع الاوضه..ومريم كانت قاعده على السرير بتقرا فى كتاب.
باسل:مساء الخير ياحبيبتى.
مريم:مساء النور.
باسل راح قعد جمبها على السرير وقالها:بتقرى ايه؟؟
مريم:دى روايه.
باسل:بجد..اسمها ايه.
مريم:احببتك اكثر مما ينبغى.
باسل:اممممم واضح انها حلوه من عنونها.
مريم:اه جميله..هاه قولى..شوفت العروسه.
باسل بتوتر:اه شوفتها.
مريم:ومالك شكلك مضايق.
باسل:انا ساكت بس عشان اشوف اخرتها مع ماما.
مريم:معلش..م هى امك برده.
باسل:م انا ساكت عشان هى امى..ما علينا يلا مش هتنزلى تتعشى معانا؟؟
مريم:لا..انا اتعشيت.
باسل بدهشه:اول مره تكلى منغيرى يعنى.
مريم:لا مش قصدى كده..بس انت عارف كويس اوى انى ماينفعش اتعشى معاكو كلكو او اجتمع معاكو كمان.
باسل:طيب ليه مستنتينيش وكنا اتعشينا سوا هنا؟؟
مريم:اصلى كنت فكراك اتعشيت مع العروسه..صحيح هى اسمها ايه؟؟
باسل بضيق:نيهال.
مريم:ممم..ماشى.
وبعد كده قالتله بتوتر:باسل انا كنت عايزه اقولك حاجه.
باسل:قولى.
مريم:بوص لما تتعشى الاول عشان نعرف نتكلم.
باسل:انتى قلقتينى على فكره.
مريم:لالا متقلقش الموضوع بسيط بس عايز ان يكون مزاجك رايق كده.
باسل:كمان مزاجى رايق..طب والله انا حاسس انك هتقوليلى على كارثه.
مريم:ههههههههههههههههههه لا متخافش..بس انا هقعد اشرحلك فيه حاجات كتير يعنى هنطول واحنا بنتكلم ف انت روح اتعشى الاول وتعالى.
باسل:ماشى ياروما.
ونزل باسل اتعشى مع عيلته وطلعلها تانى.
باسل:هاه ياستى ايه الموضوع؟؟
مريم:………………………………………………………………………
ياترى ايه اللى هيحصل؟؟؟؟؟؟؟؟؟؟!!!!!!!!!
البارت العاشر:
باسل:هاه ياستى..ايه الموضوع؟؟
مريم بتوتر:احم..اصل..اصل اصل.
باسل:اصل ايه ياروما اتكلمى.
مريم:اصل بصراحه يعنى يارا كلمتنى النهارده فى موضوع يخصها وقالتلى اقولك عليه.
باسل:وايه هو الموضوع؟؟
مريم:يارا جايلها عريس.
باسل:طيب..دى حاجه كويسه خليه يجى يتقدم ونشوفه.
مريم:لا مهو انت م..
باسل مقاطع:فى ايه ياروما اتكلمى على طول عايزه تقولى ايه؟؟
مريم:هو فيه مشكله كده ممكن تخلى الموضوع يصعب.
باسل:مشكلة ايه؟؟
مريم:اصل الشاب ده كان متربى فى دار ايتام.
باسل بغضــ . ــب:نعم..دار ايتام روما انتى بتتكلمى بجد ولا بتهزرى؟؟
مريم:انت مالك اتعصبت كده ليه هى جـ,ـريمه يعنى..ايه اللى حصل لكل ده..ايوه اتربى فى دار ايتام وطلع من الدار دى متعلم ومعاه شهاده متخرج من كلية الهندسه.
باسل:انا ماليش دعوه بكل ده… كل ده لنفسه مش لاختى اختى لازم تتجوز واحد محترم يحافظ عليها ويكون مناسب ليها ومن عيله زيها.
مريم بتفاجئ ممزوج بحزن:انت اللى بتقول كده!!متنساش انى زيى زيه..انا مش من عيله زيك ولا هو كمان.
باسل بلطف وهو بيحاول يخفف من حدة الموضوع:روما انا مقصدكيش انتى طبعا ياحبيبتى..انا بتكلم عليه هو.
مريم:وانا قلتلك انى انا وهو فى مستوى بعض..ماعلينا ياباسل..انت هترفضه يعنى؟؟
باسل:اه..وقولى ل يارا عشان انا لو كلمتها هزعلها قوليلها متكلمهوش تانى وتنسى الموضوع ده بالكامل.
مريم:هو ده اللى عندك؟؟
باسل:ايوه.
مريم بخيبه امل:ياخساره ياباسل كنت فكراك..ولاخلاص تصبح على خير.
ونامت واديته ضهرها..باسل قرب عليها وحــ . ــضنها من ورا وقالها:ياروما انتى مش فهمانى..يارا هتتعب معاه وغير كده انا عارف راءى بابا وماما هيكون ايه ف انا بقصر المسافه منعا للاحراج ليه.
مريم:خلاص ياباسل اعمل اللى انت عايزه..يعنى مين انا عشان تسمع منى.
باسل:لا اوعى تقولى كده تانى ازعل منك بجد والله..انتى متعرفيش انتى ايه بالنسبه لى انتى اغلى من روحى..ياحبيبتى انا ساعات ببقى نفسى اقولك كلمه توصف مشاعرى الحقيقيه ليكى بس مش بلاقى…كلمة بحبك بعشقك قليله عليكى انا بحبك لدرجة فاقت الحدود ياروما..بحبك لدرجه مش هيتصورها عقلك.
مريم لما سمعت منه الكلام ده ابتسمت ونسيت زعلها منه ولفت وبصتله وقالتله:وانت كمان متاكد انى بحبك..مش انت بس لوحدك هاه.
باسل:ههههههههه ماشى خلاص ايه هتضــ . ـربينى ولا ايه؟؟..روما انا كل يوم بخدك فى حــ . ــضنى ممكن تخدينى انتى النهارده فى حــ . ــضنك.
مريم:انت هتدلع ولا ايه؟؟
باسل:ههههههههههه لا بس مفتقدك ووحشتينى.
مرم بابتسامه:ماشى.
وحــ . ــضنته مريم وهو دفــ . ــن راسه فى حــ . ــضنها وحــ . ــضنها جامد ونامو.
……………………………………………………………………………………………………………………………………………………………………………………………………………………………………………………………………………………………….
فى اليوم التالى صحيت يارا وجهزت نفسها عشان مشوارها هى وفارس..ودقت الساعه 2 بعد الضهر ووصل فارس واستناها قدام القصر واتصل بيها ونزلتله..نزلت ركبت عربيتها ومشيت ورا عربيته لحد م وصلو الملجئ.
نزلت يارا من العربيه وقرب عليها فارس وقالها:ده بقى ياستى بيتى اللى اتربيت فيه..اهلا بيكى فى بيتى.
يارا بصتله وابتسمت وقالتله:ليه م قولتليش عشان كنت اجيب هدايا للولاد اللى جوا.
فارس:انا عامل حسابى جبت هدايا كتير فى العربيه هنقدمهلهم انا وانتى.
ودخلو سوا جوا الملجئ والولاد لما شافو فارس هجمو عليه بالاحضان والبوس ويارا كانت واقفه ومبتسمه اوى وفرحانه لما شافت المنظر ده وشافت الاولاد بيحبو فارس اد ايه وهو كمان بيحبهم وشاولها فارس وراحت سلمت عليهم وقدمتلهم الهدايا مع فارس ولعبة هى وفارس معاهم كره واتبسطو خالص.
وبعد كده خدها فارس عند ليلى عشان تشوفها ويتعرفو على بعض.
فارس:بوصى يايارا انا دلوقتى هوديكى ل ماما ليلى اصلها نفسها تشوفك.
يارا:مين ماما ليلى يافارس؟؟
فارس:دى مربيه هنا فى الملجئ وهى اللى ربتنى من لما كنت صغير اول م جيت الملجئ وانا طفل عندى 7 شهور هى اللى اتولتنى وانا بحبها اوى اوى بعتبرها امى وكل عيلتى وانا لما حكتلها عنك صممت انها تشوفك.
يارا بابتسامه:طب يلا نروحلها.
وخدها فارس وراحو عند ليلى.
فارس:لولا ياقمر..وحشتينى.
ليلى:يابكاش ده انت لسا كنت هنا امبارح لحقت اوحشك؟؟
فارس:يا قلبى انتى بتوحشينى لما بسيبك اصلا.
ليلى بضحك:ههههههههههههههههه مشاكس يافارس م فيش فايده فيك.
وبعد كده عينها جت على يارا وقالتله:مين الانسه يافارس؟؟
فارس بابتسامة خجل:دى يارا يالولا اللى حكتلك عنها..تعالى يايارا سلمى على لولا.
وراحت يارا سلمت عليها.
ليلى بابتسامه:انتى بقى يايارا؟؟بسم الله ماشاء الله جميله يابنتى.
يارا بابتسامه:متشكره جدا ياطنط.
ليلى:لااا بلاش طنط دى طالما هتتجوزى ابنى فارس يبقى تقوليلى لولا زيه اصله لعلمك اول م نطق وهو طفل نطق اسمى وم قلش ليلى لا قال لولا.
يارا:ههههههههههههههه ماشى يالولا.
ليلى:ايوه كده.
فارس:ايه رايك يالولا مش يارا حلوه زى م قولتلك امبارح؟؟
ليلى:جميله ياحبيبى ربنا يهنيكو وافرح بيك ياحبيبى ده انا ماليش ولاد يافارس وانا بعتبرك ابنى ونفسى افرح بيك بجد.
ودمعت.
فارس بتاثر:لالا..انتى بتعيطى ليه دلوقتى انا كده هزعل..خلاص بقى يالولا امــ . ــوت واعرف ليه الامهات لما عيالها بيتجوزو يقعدو يعطو ايه سر الدموع دى؟؟
ليلى:دى دموع الفرح.
فارس ضحك بشده:ههههههههههههههههههه هههههههههههههههههههه اهو دى بقى اغرب حاجه بتحصل وربنا ..طب انتى ابنك بيتجوز تضحكى ولا تعيطى؟؟
ليلى:بطل غلبه ياولد وقوم شوف يارا تشرب ايه؟؟
يارا:لالا انا مش عايزه ميرسي.
ليلى:لا ماينفعش انتى ضيفتى اصل المكان اللى انتى فيه ده انا عايشه فيه بعتبره بيتى مبقدرش ابعد عن الولاد.
وكملت بحزن وقالت:اصلى لا اتجوزت ولا خلفت وعيلتى واخواتى كل واحد فى دنيا لوحده كله مشغول ومش فاضى ل حد.
يارا بتاثر:معلش يالولا هى الدنيا كده وبعدين ربنا عوضك ب اولاد كتيير وعوضك ب فارس وبيا انا كمان يعنى انتى مش وحيده.
ليلى بابتسامه:ربنا يخليكو ليا.
وقامت يارا حــ . ــضنة ليلى..وفارس كان قاعد مبتسم وفرحان ان يارا طلعت تشبه فى شوية حاجات ومش متكبره على الناس البسيطه واتبسط اكتر انها حبت ليلى والاطفال..وشاف الجانب الطيب بتعاها واللى اكتشفه فيها اليوم ده.
…………………………………………………………………………………………………………………………………………………………………………………………………………………………………………………………………………….
اما عند نيهال مديحه بتتخانق معاها عشان مرضيتش تعمل الفرح.
مديحه:انتى ازاى توفقى على كده؟؟انتى اتهبلتى.
نيهال بابتسامه بارده:مالك بس يامامى متعصبه كده ليه..عادى.
مديحه بانفعال:عادى!!بتقوليلى عادى..يعنى بنتى الوحيده هتتجوز وم يتعملهاش فرح وبتقوليلى عادى.
نيهال:انا عندى السفر لامريكا احسن من الفرح وانتى عارفه انى كان نفسى اسافر هناك من زمان.
مديحه:بت متجننيش انتى لازم تصلحى اللى هببتيه ده وتقنعيه بالفرح والا..
نيهال:مامى..خلاص لو سمحتى انا خلاص قررت انا مش هعمل الفرح وهسافر امريكا..وبعدين ده كان طلبه ولو رفضته ممكن الموضوع يبوظ..انا بالنسبه لى عادى….مافيش مشكله..انا اصلا هتجوزو عشانك انتى انما انا لو عليا انا مش عايزاه اساسا ده بيعقب عليا بطريقه فظيعه قال ايه متشربيش سجاير وهو ماله اصلا.
مديحه:والله معاه حق..تصدقى انا فرحانه فيكى..لانك هتتربى على ايده من اول وجديد.
نيهال:والله..ماشى يامامى.
مديحه بحزن:يعنى ينفع كده يانيهال بقى انا مستنيا اليوم ده بفارغ الصبر..اليوم اللى هتتجوزى فيه والبسك بايدى الفستان الابيض ويجى اليوم ومتلبسيهوش.
نيهال قامت من على الكرسى وراحت قعدة جمبها وحــ . ــضنتها وقالتلها:معلش يامامى متزعليش..واذا كان على الفستان انا ممكن اشتريه والبسهولك هنا no proplem.
مديحه بضجر:وكمان بتهزرى طب امشى من وشى بقى.
نيهال:ههههههههههههههههههه م خلاص بقى يامامى فكى محصلش حاجه ل ده كله عادى.
مديحه:والله يابت انتى انا همــ . ــوت فى يوم بسببك الله يرحمه ابوكى مش عايشلك كان كسرلك دماغك على تصرفاتك دى.
نيهال:الله يرحمه ياستى..بس بجد يامامى انا مستعده اتنازل عن حاجات تانيه كتير عشان اروح امريكا هتجنن واروح هناك.
مديحه:لهو انتى لسا متجننتيش..انتى اتجننتى رسمى خلاص.. يارب صبرنى على م بلتنى.
وقامت وسابتها.
……………………………………………………………………………………………………………………………………………………………………………………………………………………………………………………..
اما يارا بعد م قضيت وقت ممتع جدا مع فارس فى الملجئ ومع ليلى والولاد روحت وطلعت اوضتها وشويه والباب خبط..ف اذنت بالدخول..ودخل باسل.
يارا:باسل..تعالى فى حاجه ولا يه؟؟
باسل:لا م فيش..انا كنت جاى اتكلم معاكى بس فى موضوع كده.
يارا:خير.
باسل:روما قالتلى امبارح على الشاب اللى عايز يتقدملك.
يارا برتضاع داخلى:هاه وانت رايك ايه؟؟
باسل:بصراحه يايارا انا مصدقتش نفسى..بقى انتى تبصى ل واحد زى ده ملهوش اصل ولا فصل.
يارا بصدمه:انت بتقول ايه؟؟معقول انت بتقول كده لالا انا حاسه ان ماما هى اللى واقفه بتكلمنى..مش ممكن انت ياباسل..اومال انت لما اتجوزت مريم ووقفت قصادنا كلنا كان على اساس ايه..وعلى فكره موضع فارس زى مريم بضبط.
باسل بحده:يارا..ماتقرنيش نفسك بيا..انا راجل انما انتى بنت يعنى لازم تتجوزى واحد يصونك واحد يعرف ياخد باله منك..ثم انا بحب مريم وانتى عارفه كده وطالما بحبها يبقى انا ممكن اعمل اى حاجه عشانها.
يارا بتحدى:يسلام..طب انا كمان بقى بحب فارس ومستعده اعمل اى حاجه عشانه..ولعلمك ياباسل انا هتجوز فارس يعنى هتجوز فارس ورايك مش مهم بالنسبه لى على فكره.
باسل غضــ . ــب من كلامها وردها عليه بالكلام ده ومستحملش وضــ . ـربها بالقلم.
يارا حطت ايدها على الجانب اللى ضــ . ـربها فيه وبصتله بصدمه..كان اول مره يمد ايده عليها اصلا ناهد وجلال عمرهم م عملوها.
اما باسل قالها:واضح ان كان ناقصك شوية ربايه..وانا مستعد اربيكى يايارا من اول وجديد..بقى انتى تعلى صوتك على اخوكى الكبير وكمان تقوليله الكلام ده..والله عال..ماشى مافيش خروج من البيت نهائى تانى خلاص..ومالكيش حجه دراستك خلصت ولو شميت يايارا انك كلمتى الواد ده تانى انا مش هقول لابوكى لآ..انا اللى هتصرف معاكى.
وسابها وطلع من الاوضه وهو مضايق انو مد ايده عليها بس هى اللى استفزته بكلامها عن فارس بالطريقه دى.
اما يارا لسا واقفه مكانها مصدومه وحاطه ايدها على خدها ونزلت منها الدموع لما ادركت الموقف وقعدت على سريرها وعيطت اكتر.
…………………………………………………………………………………………………………………………………………………………………………………………………………………………………………………………………………………….
اما فارس لما رجع الفيلا اللى ساكن فيها مع صحابه كلهم كانو قاعدين مستنينو.
فارس:متجمعين عند النبى..مالكو فى ايه؟؟
طارق:انت كنت فين يافارس؟؟
فارس:كنت فى الملجئ..وبعدين انت بتسال ليه؟؟
عادل:لازم يسئل..حضرتك بتنزل من البيت بدرى وبترجع متاخر واحنا مش عارفين نكلمك..يافارس احنا ورانا شغل كفياك لعب.
فارس بحده:ايه ياعادل قصدك ايه؟؟
عادل:قصدى البت اللى انت ملموم عليها الفتره دى وكلالك عقلك اوى ..ياعم لو عجباك اوى كده ومش قادر على بعدها هتها تعيش معانا هنا تسليك وتسلينا.
فارس بصله جامد بغضــ . ــب وعيونه احمرت وراح ناحيته وكان هيضــ . ـربه بس طارق ومصطفى وكمال صحابه حاشوهم عن بعض.
فارس بزعيق:اياك تجيب سيرتها تانى ياعادل على لسانك ودينى لاقطعهولك.
عادل:انت بتعمل كل ده عشان خاطر واحده..عايز تخسرنا كلنا عشان حتة ب…
فارس مقاطعا بصوت عالى:اخرررررررررس قطع لسانك..والله ياعادل لو نطقت اسمها تانى على لسانك او جبت سيرتها انا هوريك فارس هيعمل فيك ايه.
مصطفى:اهدا يافارس مالك..مش كده على اخر الزمن الصحاب هتخسر بعضها فى لحظه كده ..فوقو يا اخونه دى مش عشرة يومين دول سنين.
فارس:قول للباشا متقوليش انا.
مصطفى:طب خلاص اهدا..وانت ياعادل اعتذر ل فارس.
فارس:لا ياعم..انا مش عايز حد يعتزرلى انا طالع انام عن اذنكو.
وطلع فارس اوضتو وهو متعصب ومضايق وكلم يارا.
يارا:…………………………………………………………
ياترى ايه اللى هيحصل؟؟؟؟؟؟؟؟؟؟؟؟؟!!!!!!!!!!!!!!!
البارت الحادى عشر:
يارا ببكاء:الو.
فارس بخضه:ايه مالك بتعيطى ليه؟؟
يارا ببكاء اكتر.
فارس:مالك يايارا اتكلمى بتعيطى ليه؟؟
يارا:اصل..اصل باسل ضــ . ـربنى بالقلم.
فارس:طب باسل ضــ . ـربك بالقلم ليه؟؟
يارا حكتله اللى حصل.
فارس بغضــ . ــب:انتى اتجننتى..طبعا عنده حق عارفه انا لو مكانه كنت هستقلل عليكى قلم واحد بس..حد يقول الكلام ده وقدام مين قدام اخوه.
يارا بحزن:بقى كده يافارس..وانا اللى كنت بدافع عنك وعن حبنا قدامه جامد تيجى انت تقولى كده.
فارس:اللى انتى قولتيه م ينفعش واحده متربيه كويس زيك تقوله..ايه هتجوزه يعنى هتجوزه دى!!لا وكمان راءيك ياباسل مش مهم بالنسبه لى..عايزاه هو كراجل واخوكى يسمع منك كده يعمل فيكى ايه؟؟!!
يارا:ماشى ماشى..بقيت انا اللى غلطانه دلوقتى شكرا.
فارس:يارا تروحى حالا تعتذريله وتصلحى الللى هببتيه ده.
يارا:نعم!انا اروح اكلمه وهو ضــ . ـربنى بالقلم لا وكمان اعتذرله مش ممكن.
فارس بحده:يارا..اسمعى الكلام بقولك وروحى اعتذريله..والا انا هحترمه واحترم نفسى ومش هكلمك تانى.
يارا بصدمه:يعنى انت مستعد تتخلى عنى وتسيبنى؟؟
فارس:لا..بس انا عايز علاقتنا ببعض تبقى قويه من دلوقتى عشان محدش يعترض طريقنا بعد كده وانا قصدى بانى هحترمه و مش هكلمك تانى ده قصدى بانى هستنى لما ارتب امورى واعمل اللى فى دماغى الاول وانفذه عشان اعرف اخليه يوافق عليا..فهمتى.
يارا:لا انا مش فاهمه حاجه.
فارس:مش مهم..المهم دلوقتى يلا قومى اعملى اللى قولتلك عليه.
يارا بضيق:حاضر يافارس.
وقفلت معاه وراحت عند اوضة باسل ووقفة شويه وخبطت على الباب..ففتح باسل الباب ولاقها قصاده بصلها بغضــ . ــب.
مريم:مين ياباسل؟؟
باسل مردش عليها ودخل تانى وقعد على السرير ودخلت وراه يارا.
مريم:يارا..تعالى ياحبيبتى.
يارا دخلت وهى باصه فى الارض وقربت على باسل ووقفت قصاده وقالتله:انا اسفه.
باسل:بتتاسفى ليه؟؟اللى بيتاسف ده بيبقى عامل حاجه غلط انتى عملتى حاجه غلط؟؟
يارا بخجل:اه..عليت صوتى عليك..وقولتلك كلام ميصحش.
باسل بابتسامه ساخره:طيب كويس والله انك معترفه باخطاك.
يارا:خلاص ياباسل سامحنى انا اسفه.
باسل شويه وقالها:اقعدى يايارا.
يارا قعدت جمبه.
باسل بهدؤ:انتى عندك شك ف انى ممكن اعمل حاجه تضرك او حاجه مش فى مصلحتك؟؟
يارا هزت راسه بالنفى.
باسل:طب يارا انتى شايفه مين فى الدنيا دى كلها ممكن يخاف عليكى..قوليلى مين..صحابك لا طبعا..ولاحتى بابا وماما انا يايارا..انا اكتر واحد ممكن يخاف عليكى وعمرى م هعمل حاجه تضرك او مش فى مصلحتك وانا عيشت اكتر منك فى الدنيا دى.. انتى عمرك 23 سنه وانا عمرى 28 سنه ممكن الفرق بينا مش كبير بس الايام بتعلم اكتر وانا شايف ان مصلحتك مش مع الشخص ده.
يارا:ياباسل والله ده كويس جدا انت م شوفتهوش وم عرفتهوش عشان تحكم عليه.
باسل بتنهيده:طيب..هريحك انا هبقى مشغول فى حاجات كده لمدة شهر بالكتير بعد الشهر هسال عليه وهشوف ايه نظامه وعينته وربنا يسهل بس هقول رايي يصراحه لو عجبنى اوكيه لكن لو طلع مش كويس يبقى هتنسيه خالص.
يارا بابتسامه عريضه:والله هيعجبك صدقنى.
باسل:اما نشوف..يلا بقى روحى على اوضتك صدعتينى.
يارا قامت وباسته فى خده وخرجت وراحت على اوضتها.
اما باسل شاف مريم واقفه مبتسماله اوى.
باسل:ايه ياروما مالك؟؟
مريم:اصلك ادهشتنى..وكسرت توقعاتى فيك.
باسل:اه..طيب دلوقتى بقت حاجه وحشه ولا حلوه؟؟
مريم:حلوه طبعا.
…………………………………………………………………………………………………………………………………………………………………………………………………………………………………………………………………………
ومر كام يوم وجه يوم عقد قران باسل على البنت المبجله اللى اختارتهاله امه..وكان عباره عن حفله عائليه فقط فى قصر البحيرى لكن مريم طلبت من باسل انها تمشى من اول اليوم وتروح عند جيهان..ووافق باسل رائفتنا بحزنها ولو انه مش بيحبها تبعد عنه ابدا..وراحت مريم ل جيهان فى بيتها”ملحوظه جيهان وحيده فى البيت وزوجها مسافر يعنى هى ومريم بمفردهم فى البيت”
مريم كانت قعده فى الصالون على كنابايه مع جيهان ومرجعه راسها لورا ودموعها بتنزل.
جيهان بتاثر:كفاياكى بقى يامريم..ارحمى نفسك انتى م بطلتيش عياط من وقت م جتيلى.
مريم بدموع:هو انا فى ايدى حاجه تانيه غير كده اعملها ومعملتهاش؟؟
جيهان:م انا قولتلك وانت مسمعتيش الكلام..قولتلك بلاش بلاش..انتى اللى اصريتى عليه انو يتجوز.
مريم اعتدلت فى جلستها وقالتلها:م كانش قدامى حل تانى..م كانش ينفع ابقى انانيه..م كانش ينفع احرمه من انو يكون اب او احرم باباه ومامته من ان يكون ليهم احفاد.
جيهان بتهيده:بس انتى كده بتعذبى نفسك..انتى عارفه ايه اللى حصل؟؟انتى بقا ليكى شريكه تانيه فى جوزك.
مريم:م يهمنيش..انا كل اللى هاممنى هو..كفايه عليا انى ابصله ولما احتاج ل حــ . ــضنه الاقيه حتى لو كان ل وقت قليل..انا بحبه ياجيهان..بحبه.
جيهان قربت عليها وخدتها فى حــ . ــضنها وطبطبت عليها.
……………………………………………………………………………………………………………………………………………………………………………………………………………………………………….
اما فى قصر البحيرى بعد م خلصت حفلة الجواز البسيطه ناهد كانت مبسوطه جدا.
ناهد بابتسامه:شوفت ياجلال النهارده كان حلو ازاى..اهو دى الناس والنسب اللى يشرف مش الجربوعه اللى فوق دى..هى صحيح فين؟؟
يارا:مشيت ياماما.
ناهد بابتسامه عريضه:مشيت مشيت راحت فين؟؟
يارا:راحت عند واحده صاحبتها وراجعه تانى.
ناهد بشر:الهى م ترجع.
يارا:ليه ياماما حرام عليكى.
جلال بنفاذ صبر ونرفذه:اخرسى بقى..انا اعصابى تعبت منك..انا نفسى افهم انتى ايه؟؟شايله كمية الكره دى كلها جواكى ازاى!!والله ياناهد انا اتاكدت ان ربنا غضــ . ــبان عليكى منك لله بتدمرينا.
ناهد بغضــ . ــب:ايه ياجلال..اللى حصل لكل ده!!ده بدل م تشكرنى انى بحاول اصلح من احوال ابنى وابعد عنه اللى اسمها زفته دى اللى طمعانه فيه وفى فلوسه.
جلال:انتى ايه..شيطانه..هى كل حاجه عندك فلوس..دورى على اصلك ياناهد وافتكرى انا وانتى كنا ايه من سنين م كناش بنلاقى اللقمه..متخليش ربنا يغضــ . ــب علينا ويحرمنا من كرمه بسبب شرك ده..انا برئ منك.
وسابها ومشى وتبعته يارا وسابوها واقفه لوحدها بتشتعل من الغيظ
ناهد:ماشى ياجلال انا مش هرتاح الا اما امسح من حياتنا حاجه اسمها مريم..خدت منى ابنى واديها بتكره جوزى وبنتى فيا..بس لا يامريم مش هسمحلك.
……………………………………………………………………………………………………………………………………………………………………………………………………………………………………………..
اما باسل راح هو ونيهال المطار وفى طريقهم لامريكا..وبعد رحله استغرقت 9 ساعات وصلو امريكا ووصلو بيت استاجره باسل فى لوس انجلس..نيهال اول م وصلت البيت وهى فى فرحه لا تحتمل انها حققت حلم من احلامها على ايد باسل وكانت اول خطه ليها فى استغلاله.
نيهال:وااااو..شوفت يا baby امريكا حلوه ازاى.
باسل بابتسامه باهته:امم.
نيهال قربت عليه ولفت ايدها حوالين رقبته وقالتله:عارف ياباسل انت هتتبسط معايا اوى هانسيك كل الناس فى المده اللى هنقعدها هنا مع بعض ولوحدنا.
وقربت عليه اكتر عشان تبوسه..باسل بعد عنها وشال ايدها من عليه وقالها:انا لازم اعمل تليفون مهم..اطلعى انتى فى الاوضه فوق وانا هخلص المكالمه وهاجى.
نيهال بتنهده:ماشى..بس هاخد معايا شنطتى عشان فيها مفاحاه هاوريهالك فوق.
وراحت اخدت شنطتها وطلعت الاوضه..وبعد م طلعت باسل طلع موبايله وركب شريحه خط امريكايه واتصل ب مريم.
…………………………………………………………………………………………………………………………………………………………………………………………………………………………………….
فى الوقت ده كان التوقيت المصرى مبكر وكانت الساعه حوالى 12 الضهر..ومريم كانت قاعده مع جيهان فى البلكونه وجيهان بتتحايل عليها تفطر معاها ولكن مريم لاحياة لمن تنادى.
جيهان:يابنتى كلى طيب اى حاجه..طب خدى السندوتش ده وبس.
مريم بحزن:لا.
جيهان:لا انتى كده هتقعى من طولك..استغفر الله العظيم يارب..يامريم ماينفعش كده.
وهنا رن موبايلها وبصت فى الرقم.
جيهان:مين بيتصل بيكى؟؟
مريم:ده اكيد باسل اصل الرقم دولى.
جيهان:طيب ردى.
مريم:الو.
باسل:روما ياحبيبتى وحشتينى ياعمرى.
مريم:وانت كمان ياباسل..بس انا لحقت اوحشك ده احنا سايبين بعض من ساعات.
باسل:انتى بتوحشينى لما ببعد عنك ثانيه ياحبيبتى انا مش عارف الايام هتعدى ازاى عليا وانتى مش معايا.
مريم:معلش..م انت مش هتحس بالايام طول م معاك العروسه الجديده.
باسل:عمر م حد هيقدر يملا مكانك عندى ابدا ياروما.
مريم:ربنا يخليك.
باسل سمع صوت دوشه وصوت كلكسات عربيات.
باسل:روما انتى فين؟؟
مريم:انا فى البلكونه.
باسل باستغراب:فى البلكونه!!من امتى والقصر بتاعنا بيبقى حواليه الدوشه دى!!
مريم:لا م هو انا مش فى القصر انا بايته عند جيهان من امبارح.
باسل بغضــ . ــب:ايه!!وانتى ازاى تباتى برا البيت؟؟
مريم:مش انا قولتلك امبارح ياباسل انى هروحلها.
باسل:ايوه قولتيلى بس م قولتيش انك هتباتى..ولو كنتى قولتيلى عمرى م كنت هوافق.
مريم:وايه المشكله يعنى؟؟
باسل:روما منغير كلام كتير لو سمحتى..عشان انتى عارفه انا مبحبش ازعلك انا هتصل بالسواق يجى ياخدك..ولوسمحتى قبل م تخرجى او تروحى فى اى مكان تقوليلى والحركه دى متتكررش تانى بيات برا البيت لا..سامعانى.
مريم بحزن وانكسار:سامعه.
باسل:سلام.
وقفل باسل وبكت مريم من اسلوبه وكلامه معاها كده.
إغضــ . ــب كما تشاء..
واجـ,ـرح أحاسيسي كما تشاء
حطم أواني الزهر والمرايا
هدد بحب امرأةٍ سوايا..
فكل ما تفعله سواء..
كل ما تقوله سواء..
فأنت كالأطفال يا حبيبي
نحبهم.. مهما لنا أساؤوا..
إغضــ . ــب!
فأنت رائعٌ حقاً متى تثور
إغضــ . ــب!
فلولا الموج ما تكونت بحور..
كن عاصفاً.. كن ممطراً..
فإن قلبي دائماً غفور
إغضــ . ــب!
فلن أجيب بالتحدي
فأنت طفلٌ عابثٌ..
يملؤه الغرور..
وكيف من صغارها..
تنتقم الطيور؟
إذهب..
إذا يوماً مللت مني..
واتهم الأقدار واتهمني..
أما أنا فإني..
سأكتفي بدمعي وحزني..
فالصمت كبرياء
والحزن كبرياء
إذهب..
إذا أتعبك البقاء..
فالأرض فيها العطر والنساء..
والأعين الخضراء والسوداء
وعندما تريد أن تراني
وعندما تحتاج كالطفل إلى حناني..
فعد إلى قلبي متى تشاء..
فأنت في حياتي الهواء..
وأنت.. عندي الأرض والسماء..
إغضــ . ــب كما تشاء
واذهب كما تشاء
واذهب.. متى تشاء
لا بد أن تعود ذات يومٍ
وقد عرفت ما هو الوفاء…
نزار قبانى.
جيهان:مالك يامريم..هو قالك حاجه ضايقتك؟؟
مريم:مش مهم عادى..م انا لازم اتعود على كده مش بقى فى بديل عنى له.
وبعد شويه جالها السواق ومشيت معاه ورجعت القصر..ودخلت واستوقفتها ناهد.
ناهد:…………………………………….
ياترى ايه اللى هيحصل؟؟؟؟؟؟؟!!!!!!!!
البارت الثانى عشر:
ناهد:اهلا اهلا ب..طليقت ابنى المستقبليه..شوفتى يامريم..شوفتى مين فينا اللى بيكسب..سبق ووعدتك ان ابنى هيتجوز واحده من مستواه واحده تشبه وتشبهنا..وحده يشرفنا نسابها مش انتى ال…
مريم مقاطعا بدموع:كفايه..انا حفظه كل كلامك ده..وانا مش ذنبى انى مطلعتش غنيه زيكو عشان اعجب حضرتك وعلى فكره انا عمرى م اتمنيت انى اكون غنيه.
كل اللى كنت بتمناه واحد يجى يعوضنى عن عيلتى ويبقى هو كل حاجه عندى..والحمدلله ربنا استجبلى وبعتلى باسل جوزى وحبيبى وانا عمرى م هسيبه ابدا.
ناهد بضحكه ساخره:ههههههههههههههههههه ههههههههههه تصدقى جسمى اشعر..والله ياروما تنفعى ممثله وهتبقى هايله.
بس الفيلم اللى انتى فيه دلوقتى ده من اخراجى..وهيكمل زى م انا مخططاله ونهايته ان باسل هايسيبك وهترجعى تانى مريم الجرسونه فى المطعم وانا فى الاخر الجمهور هيسقفلى..
مريم:يااااه هو فى كده..انتى فعلا كده؟؟
ناهد:اه فيه..وانا فعلا كده عندى استعداد اعمل اى حاجه عشان مصلحة ولادى..انتى يابنتى لازم تفوقى دى نصحتى ليكى انتى اساسا عمرك م كنتى تحلمى بربع اللى انتى فيه دلوقتى ده.
ازاى ذهنك اساسا مصورلك انك ممكن تفضلى فى حياة ابنى كتير..بس معلش بكره هتعرفى انك مجرد نزوه فى حياة ابنى وهتنتهى قريب..ليه؟؟لان مراته الجديده اللى امه اختارتهاله مش هيبقى صعب عليها تخليه ينساكى.
مريم:اتحداكى..باسل بيحبنى ومش ممكن يسبنى ولو م كانش موضوع الخلفه عمره م كان اتجوز.
ناهد:هههههههههههههههههههههه مسـ . ــكينه يامريم والله انتى صعبانه عليا..بقولك ايه..انا ممكن اعمل معاكى ديل.
ايه راءيك لو تسيبى باسل دلوقتى حالا وانا هدفعلك مبلغ محترم يعيشك عمرك مرتاحه..بدل ياحرام برده هيطلقك قريب وهتبقى طلعتى منغير اى حاجه.
مريم:ولا فلوس الدنيا كلها تغنينى عنه..عن اذنك ياناهد هانم.
وسابتها وطلعت..
ناهد:ههههههههههههههه هانشوف ياحلوه مين اللى هيضحك فى الاخر ههههههههه.
وطلعت مريم الاوضه وفضلت تعيط وافتكرت كلام ناهد”انتى يابنتى لازم تفوقى دى نصحتى ليكى انتى اساسا عمرك م كنتى تحلمى بربع اللى انتى فيه دلوقتى ده..ازاى ذهنك اساسا مصورلك انك ممكن تفضلى فى حياة ابنى كتير..بس معلش بكره هتعرفى انك مجرد نزوه فى حياة ابنى وهتنتهى قريب..ليه؟؟لان مراته الجديده اللى امه اختارتهاله مش هيبقى صعب عليها تخليه ينساكى.
مريم حطت ايدها على ودنها وهى بتعيط وبتقول:لا مش ممكن..باسل بيحبنى..اه ومش هيسبنى عشان مراته.
ومسكت الموبايل عشان تتصل بيه وتسمع منه الكلام اللى بيطمتها.
…………………………………………………………………………………………………………………………………………………………………………………………………………………………………………………….
عند باسل…بعد اللقاء الذى توا انهاه مع نيهال..دخل ياخد شاور..ونيهال كانت نايمه على السرير والموبايل بتاع باسل رن وكان جمبها ف ردت بصوت ناعس.
نيهال:الو.
مريم لما سمعت صوتها اتجمدت مكانها وتسارعت نبضات قلبها.
نيهال:الوو.
مريم بهذيان:ااالو.
نيهال:ايوه مين معايا؟؟
مريم:ب ب..باسل موجود؟؟
نيهال:مين حضرتك.
مريم:انا…انا مريم.
نيهال:مريم..مر..اااااه هو انتى مراته؟؟
مريم:ايوه.
نيهال:امممم..باسل مش فاضى دلوقتى ابقى اتصلى بعدين… وقفلت السكه فى وشها وقفلت الموبايل خالص.
اما مريم لما سمعت منها الكلام ده انتابها خوف لا رعب ان ممكن كلام ناهد يحصل وباسل يسبها..خصوصا لما اتكلمت ومردش عليها ومرضيش يكلمها..ونوعا ما حست بمصدقية كلام ناهد.
……………………………………………………………………………………………………………………………………………………………………………………………………………………………………………………………….
اما فارس ويارا طلعو فى نزهه مع بعضهم..فارس اخدها فى مكانه المفضل بس لما وصلو المكان قبل ما يارا تشوفه كان حاطط ايده على عنيها عشان كان عملها مفاجاه.
يارا:خلاص يافارس ولا ايه؟؟
فارس:لالا استنى.
ووقفها فى حته معينه وشال ايده من على عينها وقالها:يلا فتحى.
لتنظر يارا على مكان اشبه باماكن عالم الاحلام والخيال..المكان كان عباره عن جنينه كبيره مليانه بالورود بكل انواعها وفى وسطها دايره خاليه من الحشائش اللى بتبقى موجوده فى ارض الجنينه وهما واقفين جوا الدايره دى.
وقدامها كان فى حاجه اشبه بالبحيره وجواها شموع طايفه على وش المايه وبلونات.
يارا بصت للمكان بذهول ممزوج باعجاب.
يارا وهى بتبص للمكان:الله يافارس..ايه المكان التحفه ده.
فارس:المكان ده خلوتى السريه..كل م ببقى مضايق باجى هنا وبرده لما ببقى فرحان كمان باجى هنا..بس النهارده بقى انا ظبته زى م انتى شايفه كده عشان المفاجاه تكمل.
يارا:يعنى هى دى المفاجاه؟؟
فارس بابتسامه:لسه حاجه ناقصه.
يارا:هى ايه؟؟
فارس طلع من جيب بدلته علبه مجوهرات صغيره وفتحها وكان جواها اسوره الماز ذوقها رفيع وجميل جدا..ومسك ايد يارا ولبسهالها وباس ايدها.
فارس بحب:كل سنه وانتى طيبه يا يارا..النهارده عيد ميلادك.
كل عامٍ وأنت حبيبتي
..
أقولها لك على طريقتي
..
متجاوزاً كل الطقوس الاحتفاليه
التي يمارسها العالم منذ 1975 سنة
..
وكاسراً كل تقاليد الفرح الكاذب
التي يتمسك بها الناس منذ 1975 سنة
..
ورافضاً
..
كل العبارات الكلاسيكية
..
التي يرددها الرجال على مسامع النساء
منذ 1975 سنة..
نزار قبانى.
يارا بدهشه:وانت عرفت منين؟؟
فارس وهو بيغظها:العصفوره قالتلى.
يارا بضيق:يافارس قول بقى بطل رخامه.
فارس:هههههههههههههه وكمان بتشتمينى..طب مش قايل.
يارا:بقى كده طب خد هديتك اهى انا مش عايزها.
وكانت هتقلع الاسوره.
فارس مسك ايدها وقالها:خلاص خلاص يامجــ . ــنونه..عرفت من الاكونت بتاعك دخلت وشوفت تاريخ ميلادك.
يارا بابتسامه:اممممم..ماشى ياسيدى عموما شكرا يافارس..وعلى فكره دى احلى هديه جاتلى فى عمرى.
فارس:وانا مبسوط انها عجبتك..على فكره انا اشترتها من اول مرتب ابضته من الشركه اللى اشتغلت فيها.
يارا:بجد..مبروك يافارس ويارب ديما مبسوط وسعيد وناجح.
فارس:تسلميلى يايارا وميحرمنيش منك ابدا.
يارا:تعرف محدش لحد دلوقتى قالى كل سنه وانتى طيبه غيرك.
فارس:هههههههههههههههههههه..اخس على الناس وحشين بقى حد يعرف عيد الميلاد السعاده والمرح والقمر وميعيدش عليه.
يارا:يااااه بكاش اوى..وبعدين ممكن م يكونش حد يعرف ان النهارده عيد ميلادى جايز نسيو.
فارس:ماشى ياستى تحبى نقعد هنا شويه ولا نروح نتعشى فى مكان كده.
يارا:لا خلينا هنا نتمشى شويه وناخدلنا كام صوره سوا.
فارس بابتسامه:اوك.
…………………………………………………………………………………………………………………………………………………………………………………………………………………………………………………………………….
اما باسل كان بيتغدا هو ونيهال فى احد المطاعم بولاية لوس انجلس وبعد كده روحو الفيلا وقعدو فى الليفنج.
نيهال بانبهار:شوفت ياباسل..شوفت الحياه هنا حلوه اوى ازاى..شوارع مرتبه ومافيش زحمه وكل واحد فى حاله.
باسل:وهى عجباكى اوى؟؟
نيهال:جدا..بقولك كل واحد فى حاله محدش بيتدخل فى حياة الاشخاص زى عندنا الناس المتخلفين.
باسل:وهى دى حاجه كويسه..ده لو حد هنا حصلتله حاجه وبيستغيث بجيرانه مثلا ولا حد هيسئل فيه لكن عندنا احنا العكس تماما مصر احسن من 100 دوله اوروبيا وعلى راءسهم امريكا اللى عجباكى دى.
نيهال:ياحبيبى احنا مش هنتنقاش دلوقتى فى الاحوال اللى تخص البلاد انا بس بقولك رايي فى البلد..ياااه ولا نيويورك ياباسل مسمينها ارض العزباء ههههههههه.
باسل بصلها باستهزاء على هايفتها وعدم نضجها والتفاها اللى فيها.
نيهال:باسل بلييز بكره لازم تودينى لاس فيجاس.
باسل:نعم..فيجاس!!دى من الولايات البعيده والسفر ليها بطيران.
نيهال:اولا عادى يعنى ممكن نروح اسهل بالطيران..ثانيا مين قالك ان دى الطريقه الوحيد للسفر هناك احنا ممكن نروح بالعربيه.
باسل بصرامه:لا مش رايح انا حته..اظن ان الولايه اللى احنا فيها كويسه.
نيهال بضيق:اووف..طب خلاص تودينى بكره واشنطن نفسى اشوف جسر واشنطن ياباسل.
باسل:انشاء الله…هو فين موبايلى صحيح؟؟
نيهال:معايا.
باسل:معاكى!!بيعمل ايه معاكى؟؟
نيهال:عادى يا baby قولت اخليه معايا واقفله عشان محدش يزعجنا.
باسل بغضــ . ــب:ايه..قفلتيه..هاتى الموبايل.
نيهال:هتعمل بيه ايه؟؟
باسل:نعم..وانتى مالك انا اعمل اللى انا عايزه.
نيهال مصطنعه البكاء:كده ياباسل..واحنا لسا مكملناش يوم مع بعض بتزعقلى.
باسل بتنهيده:طب خلاص متزعليش..بس انا بعلمك تتعملى ازاى انا مبحبش الطريقه دى.
نيهال:وانت كنت عايز الموبايل ليه؟؟عشان تكلم مراتك.
باسل:اعتقد ان دى حاجه متخصكيش.
نيهال:لا طبعا تخصنى..انا واحده فى شهر العسل وجوزى المفروض يبقى ليا انا وبس.
باسل:طيب..عشان متقوليليش انت بتزعقلى بعد كده والكلام ده بكل هدؤ اهو هاتى الموبايل.
نيهال بغيظ:ماشى..اتفضل موبايلك اهو.
وسابتله الموبايل على الترابيزه وطلعت الاوضه.
باسل اخد الموبايل وفتحه وكلم يارا.
يارا:الو.
باسل:كل سنه وانتى طيبه يا اختى العزيزه هههه وعقبال 100000 سنه.
يارا:ههههههههههههههههه حرام عليك عايزنى اعيش كل ده الصحه هاتروح ياخال هههههههههههههه..بس عموما شكرا ياسيدى ده انا كنت فاكره ان محدش فاكر اساسا.
باسل:لا ازاى وانا اقدر انسى عيد ميلاد اختى حبيبتى الصغيره..وعموما ياستى هديتك هجبهالك من هنا هاه..عايزه ايه؟؟
يارا بهزار:بوص ياسيدى عايزه 5 علب ميك اب من ميبلين نيويورك و10 ازايز بيرفيوم ميس ديور و 15فستان سنيه و….
باسل مقاطع:طب م انا اجبلك امريكا كلها اسهل.
يارا:هههههههههههههههههههههههههه ياحبيبى انا بهزر طبعا معاك هات اى حاجه ياباسل اى حاجه منك غاليه وتجنن.
باسل:ماشى ياستى..هجبلك حاجه على ذوقى.
يارا:ماشى ياعم..الا قولى صحيح اخبار شهر العسل ايه؟؟
باسل بضيق:كان يوم اسود يوم م اتجوزتها.
يارا انفجرت فى الضحك:ههههههههههههههههههه هههههههههههههههههههههههههههههه حاسب حاسب يا باسل لتكون قريبه منك وتسمعك وانت بتقول كده هههههههههه.
باسل:يابنتى انا اتخنقت منها شوفى من يوم واحد وعلى اخرى اومال هستحمل ازاى باقى الايام ياناس دى تافهه اوى.
يارا:معلش ياباسل..والله م عارفه اقولك ايه..بس اكيد مريم وحشتك صح؟؟
باسل بابتسامه:روما..هو فى زى روما..دى ضفرها بعشره من اللى اسمها نيهال دى..وانا غلطت غلطت عمرى لما وافقت على الجوازه دى..ربنا يصبرنى.
يارا:يارب ياباسل..وتصبح على خير بقى احنا الساعه عندنا 1 بليل.
باسل:هههههههههههههه ماشى ياختى سلام.
يارا:باى.
وقفل معاها وكلم مريم.
…………………………………………………………………………………………………………………………………………………………………………………………………………………………………………………………………….
مريم كانت قاعده فى الجنينه على الارض جمب حوض زهور التوليب وبتفتكر اليوم لما هى وباسل زرعوهم فيه.
باسل كان ماسك فى ايده ادوات الزرع ولابس قفزات وبيزرع الحبات بتاعت الورد فى التربه المجهزه ليه وهى ماسكه المايه وبتسعده.
مريم:اول مره اشوف حبات الورد الصغيره دى.
باسل:دول انا جايبهم من برا ياحبيبتى مش هنا.
مريم:بجد.. ليه مجبتهومش من هنا؟؟
باسل:عشان الورد ده اساسا مش بيتزع الا فى هولندا..زهور التوليب بتحتاج عنايا خاصه جدا.. عشان كده مش بيصدروها لبلاد كتير.
مريم:امممم..بس انا شوفت صورهم على النتورك..شكلهم لما بيكبرو بيبقو تحفه.
باسل:فعلا..تعالى كده هوريكى حاجه.
مريم قربت عليه وقالتله:هتورينى ايه؟؟
باسل وهو بيشورلها:شايفه الحبه دى؟؟
مريم:اه مالها؟؟
باسل:دى لما تكبر هتبقى لونها احمر.
وشورلها على واحده تانيه وقال:ودى هتبقى لونها بنفسج..اما دى بقى هتبقى لونها ازرق..وانا هسميها على اسمك..” روما”.
مريم:هههههه واشمعنا دى اللى هتسميها على اسمى؟؟
باسل بابتسامه:عشان اللون الازرق لون صافى.. لون البحر والسما وانتى صافيه وجميله زيهم.
وفاقت من شرودها ودموعها بتنزل بغزاره على صوت رن الموبايل..ف شافت باسل هو اللى بيتصل ف حسنت صوتها عشان م يبنش انها كانت بتعيط وردت.
مريم:الو.
باسل:…………………………………….
ياترى ايه اللى هيحصل؟؟؟؟؟؟؟؟؟؟؟!!!!!!!!!!!!!!!!
البارت الثالث عشر:
مريم:الو.
باسل:صباح الخير ياحبيبتى حسب التوقيت عندك.
مريم:صباح النور اه فعلا الساعه واحده بعد نص الليل.
باسل:ازيك.
مريم:الحمدلله.
باسل:روما انتى لسا زعلانه منى عشان زعقــ . ـــتلك الصبح؟؟متزعليش ياحبيبتى انا اسف..بس انا بجد مبحبكيش اساسا تخرجى من البيت تقومى تباتى بره وكمان م تقوليليش..بس انتى عارفه انى اتنرفذت عليكى عشان بحبك وبغير عليكى.
مريم:انا مش زعلانه منك ياباسل.
باسل:بجد.
مريم:بجد.
باسل:طب مالك؟؟صوتك مش عاجبنى..هو حد من اللى عندك ضايقك ولا ايه؟؟
مريم:لالا ابدا..مافيش حاجه صدقنى.
باسل بعدم تصديق:ماشى..بتعملى ايه؟؟
مريم:قاعده جمب الورد بتاعنا.
باسل:ايه.. انتى قاعده فى الجنينه فى الوقت ده؟؟
مريم:اه ياباسل..وفيها ايه يعنى؟؟
باسل:لا اطلعى دلوقتى حالا الاوضه متقعديش لوحدك فى الجنينه الساعه دى.
مريم:هههههههههههههه كمان مش مطمن عليا فى بيتك.
باسل:لا مطمن طبعا… بس برده انا اخاف عليكى من الهوا..وبعدين متنسيش ان الكلاب اللى بتحرس القصر بنسيبهم فى الجنينه بليل افردى واحد جالك وانتى قاعده لوحدك كده وانا عارف انك بتخافى من الكلاب هتعملى ايه ساعتها طب انا لما كنت موجود معاكى كنت بتصرف معاهم انما انتى لوحدك.
مريم اتخضت وقامت بسرعه وجريت عشان تروح الاوضه وقالتله:يانهار ابيض انا ازاى نسيت الموضوع ده..كويس ياباسل انك فكرتنى.
باسل:ههههههههههههههههههههههه متخافيش ياحبيبتى على فكره هما عمرهم م هيعملولك حاجه عشان عارفين انك واحده من البيت لكن لو شافوكى خايفه منهم كل اللى هيعملوه يزعقو فيكى.
مريم:لالا انا بخاف منهم خالص.
باسل:لا متخافيش..سبق وقلتلك اعودك عليهم انتى اللى مرضيتيش انا مش عايزك تخافى من حاجه.
مريم:لالالا متحاولش مستحيل اجى جمبهم.
باسل:هههههههههههههههه ماشى..هاه وصلتى الاوضه.
مريم:اه الحمدلله.
باسل:طيب نامى بقى واتغطى كويس عشان الجو برد.
مريم:حاضر ياحبيبى.. وانت كمان خلى بالك من نفسك وكل كويس.
باسل:ماشى ياحبيبتى..تصبحى على خير.
مريم:وانت من اهله.
باسل:بحبك.
مريم:وانا كمان.
وقفل معاها.
أحبهُ رغم يقيني التام
بـِأَنني لا أَستطيع أن أُعاقبه
من شدة حبي له
و لا أَستطيع أن أُسامحه رغم يقيني بـِحبي له
صراع داخلي يجول بـِداخِلي
لا قدرة لي أن أكون معه أو لا أَكون
…
و لا قدرة لي أن أُخرجه مني
أو أن أُقاوم حنيني الذي يكويني من أَجله
و لا أن أَعودَ و كأن شيئاً لم يكن .
فاتن حمود.
……………………………………………………………………………………………………………………………………………………………………………………………………………………………………………………………
ومر كام يوم على ابطالنا وجه ميعاد رجوع باسل وكان ميعاد الطياره الصبح بدرى لكن نيهال عطلت المنبه عشان ميصحاش باسل فى الميعاد ويسفرو.
صحى باسل من النوم واستغرب ان المنبه م رنش لانه عارف ان هو بيتاخر فى النوم وكانت مريم هى ديما اللى بتصحيه..ف مد ايده ومسك المنبه وبص فيه وفتح عينه على اخرها لان عدا ساعتين على ميعاد الطياره.
فاعتدل بسرعه فى مكانه وصحى نيهال.
نيهال بضيق:ايه ايه ياباسل عايز ايه؟؟
باسل:اصحى الطياره فاتتنا.
نيهال ببرود:طب وماله.
باسل باستغراب:وماله!!بقولك الطياره فاتتنا تقوليلى وماله.
نيهال:اصلك هتعمل ايه يعنى؟؟هترجعها تانى ولا هتقدم الساعه..ابقى احجز فى واحده بكره مش مشكله يعنى.
باسل بصلها بغيظ ومسك موبايله واتصل بشركة الطيران يستعلم عن اول طياره نازله مصر قالوله بعد اربع ايام.
باسل بغضــ . ــب:عاجبك كده..مافيش طيران ل مصر الا بعد اربع ايام.
نيهال:وانا مالى انت بتتعصب عاليا ليه؟؟هو انا اللى برتب الرحالات.
باسل بصلها بحنق.
……………………………………………………………………………………………………………………………………………………………………………………………………………………………………………………………………
اما مريم كانت فى الاوضه دخلت اخدت شاور وجهزت نفسها كويس جدا للقاء باسل وكانت مبسوطه انه راجع وفاجاه رن الموبايل..ف من كتر م هى مشغوله بتجهيز نفسها م بصتش فى الرقم.
مريم:الو.
باسل:روما ازيك ياحبيبتى.
مريم بفرحه:باسل..انت وصلت ياحبيبى؟؟
باسل بتوتر:للل لا..الطياره فاتتنى.
مريم سرعان ما ذهبت البسمه من على وشها وقالتله بحزن:يعنى انت مش جاى؟؟
باسل:لا.
مريم:طيب هترجع امتى؟؟
باسل:مافيش طيران الا بعد اربع ايام.
مريم:طيب ياباسل.
باسل:انتى زعلتى ياحبيبتى.
مريم:لالا مزعلتش وهزعل ليه..عادى.
باسل:روما والله انا حجزت على اول طياره نزله مصر بس الرحله مترتبه كده ربنا يعلم انا مضايق ازاى عشان هبعد عنك المده دى كلها.
مريم:خلاص ياباسل محصلش حاجه ترجع بالسلامه.
وهنا سمعت صوت نيهال بتكلمه ف اتوترت ومقدرتش تسمع صوتها اكتر من كده وقالتله بسرعه:ابقى كلمنى تانى سلام.
وقفلت معاه وكلمت جيهان…وحكتلها اللى حصل.
جيهان بسخريه:وانتى فاكره ان الطياره فعلا فاتته.
مريم:يعنى ايه قصدك ايه؟؟
جيهان:قصدى انو بيكدب عليكى طبعا..يابنتى اللى بيبقى وراه سفر ده وبالذات لما يكون بالطياره بيبقى مجهز نفسه وعامل حسابه كويس اصلا لازم يكون فى المطار قبل ميعاد الطياره ب ساعه او ب ساعتين..وانتى هبله صدقتيه.
مريم:طيب هو هيكدب عليا ليه؟؟
جيهان:عشان بيهرب منك بشياكه..عجبته البرنسيسه بتاعته الجديده وقال يقعد معاها كمان كام يوم ف اخترع الحجه دى.
مريم بحزن:معقول ياجيهان!!
جيهان:طبعا يابنتى انتى متوقعه ايه من الرجاله..كلهم زى بعض بيجرو ورا شهواتهم..انتى بس اللى طيبه ومن السهل ان الناس تضحك عليكى بكلمتين.
مريم:بس باسل بيحبنى انا متاكده ياجيهان.
جيهان:انا عارفه انو بيحبك..بس اكيد بيحب نفسه اكتر.
مريم حزنت واتصدمت فى نفس الوقت من كلام جيهان..وحطت كلامها جمب كلام ناهد وبدات تصدق كلامهم..”انها مجرد نزوه فى حياة باسل”.
………………………………………………………………………………………………………………………………………………………………………………………………………………………………………………………………………..
اما عند ناهد ف هى قاعده مع جلال فى الاوضه.
ناهد بابتسامه:شوفت ياجلال نيهال كلمتنى وقالتلى ان هى وباسل هيقعدو كمان اربع ايام فى امريكا.
جلال:وانتى مالك مبسوطه كده ليه؟؟
ناهد:طبعا لازم اكون مبسوطه ده معناه ان باسل اتبسط مع نيهال وحابب القعده معاها..وده كمان معناه انى ماشيه صح واخيرا جت اللى هتنسى باسل مريم دى خالص وقريب ياجلال قريب هتمشى من حياتنا البلوه دى.
جلال:ياناهد حرام عليكى انا ساعات بسال نفسى انا سكتلك ازاى على انتى بتعمليه ده..والله انا ساكت عليكى عشان باسل ويارا انما انا اساسا زهقت منك.
ناهد بضجر:كده ياجلال..ماشى بتيجى على مراتك ام عيالك عشان واحده جت فى وسطنا غلطه.
جلال:والله ياناهد انا خايف عليكى من حساب ربنا ليكى فى الدنيا والاخره بسبب ظلــ . ــمك للبنت دى.
ناهد:انت كمان بتقولى حساب انا هتحاسب عشان البت دى..ده انا باخد سواب عشان ببعدها عننا..دى طمعنا فى ابنى وفى فلوسه.
جلال بتنهيده:ربنا هيديكى ياناهد.
………………………………………………………………………………………………………………………………………………………………………………………………………………………………………………………………………………….
اما مريم قاعده فى الاوضه على سريرها وازالت مساحيق التجميل من وشها وبدلت هدومها اللى كانت لبساها ورجعت زى م كانت.
وهنا خبط عليها الباب واذنت بالدخول ودخلت يارا.
يارا:ازيك يامريومه.
مريم باتسامه ممزوجه بالحزن:كويسه الحمدلله.
يارا:ايه مالك يامريم..فى حد زعلك ولا ايه؟؟
مريم:لالا ابدا مافيش حد زعلنى.
يارا:اومال مالك شكلك مضايق.
مريم:اصل باسل مش راجع النهارده.
يارا:ايه ده بجد..ليه؟؟
مريم:بيقول الطياره فاتتو.
يارا:بيقول!!هو انتى مش مصدقه ولا ايه؟؟
مريم:عادى يايارا..هتفرق فى ايه اذا كنت هصدق او لا.. هل هيرجع يعنى طبعا لا.
يارا:يامريم اكيد يعنى هو مش بيكدب عليكى..هيكدب عليكى ليه يعنى؟؟
مريم:ياحبيبتى انا م قولتش حاجه م انا ساكته اهو.
يارا بتاثر:معلش ياروما..طيب هو راجع امتى؟؟
مريم:قالى بعد اربع ايام.
يارا بتنهيده:ماشى ياحبيبتى..طب هاسيبك انا بقى وهاروح اكلمه افهم ايه اللى حصل بالضبط.
مريم هزتلها راسها..وخرجت يارا من الاوضه..وفتحت مريم التلفزيون.
وفضلت تقلب لحد م وقفت عند قناه معينه كان شغال عليها الاغنيه دى واندمجت اوى معاها .
******** *************** ********
ما بتعملش .. بغيره القلب ما بيحلمش
ينام الليل و سهرانه فى هواه مابنامش
يروح و يغيب و ينسانى ..
و لما يجيبنى من تانى
يسامحه القلب فى ثوانى
كأنه ليالى متألمش
مابتعلمش ..
وليه .. دايما بعديله .. وراضى القلب بقليله
بياخد منى و اديله .. وقلبى بحبى ما بيبخلش
ما بتعملش .. بغيره القلب مابيحلمش
ينام الليل و سهرانه فى هواه ما بنامش
يروح و يغيب و ينسانى ..
و لما يجيبنى من تانى
يسامحه القلب فى ثوانى
كأنه ليالى متألمش
وليه .. بتعدى أيامى .. و تهرب منى قدامى
غرامة دا كل أحلامى .. وليه أحلامى مبتكملش
ما بتعلمش .. بغيره القلب ما بيحلمش
ينام الليل و سهرانه فى هواه مبانمش
يروح و يغيب و ينسانى ..
و لما يجيبنى من تانى
يسامحه القلب فى ثوانى
كأنه ليالى متألمش
الاغنيه لانغام..تاليف\جمال بخيت.
وخلصت الاغنيه وحست مريم بتعب نفسى وارهاق بدنى ف نااامت.
…………………………………………………………………………………………………………………………………………………………………………………………………………………………………………………………………..
اما فارس كان خارج من الفيلا استوقفه طارق صديقه.
طارق:فارس.
فارس:نعم ياطارق عايز حاجه؟؟
طارق:اه يافارس..انا نفسى افهم انت ايه اللى جرالك ايه اللى قلب حالك بالشكل ده..معقول عملت فى نفسك كل ده عشان البنت دى.
فارس بحده:طارق..من فضلك م تجبش سيرتها تانى بعد اذنك.
طارق:طيب ماشى مش هجيب سيرتها..بس تقولى هتفضل كده لحد امتى؟؟
فارس:افضل كده ازاى يعنى مش فاهم!!
طارق:مش فاهم ايه بس..يافارس احنا متعطلين ورانا شغل كتير..واهم حاجه العمليه الجديده دى احنا معروض علينا مبلغ كبير لو عملناها… وانت مروق دماغك على الاخر.
فارس:بقولك ايه..من الاخر كده انا خلاص..بطلت ولو انتو حابين العمليه دى اوى اعملوها انتو وانسونى انا فى العمليه دى او غير العمليه دى.
طارق:لا ماينفعش..ده انت مطلوب بالاسم يافارس عيب عليك اللى بتعمله ده انت بتتخلى عننا عشان…
فارس مقاطع بغضــ . ــب:طااارق..قولتلك متجيبش سيرتها صدقنى لو عملتها تانى هنخسر بعض..الا دى ياطارق.
طارق:خلاص يافارس متزعلش..انت عارف انا بحبك اد ايه..وعارف غلاوتك عندى اكتر من الكل ف انا مقدرش ازعلك.
فارس بابتسامه:وانت كمان ياض عارف غلاوتك عندى..وانا مش زعلان منك.
وحــ . ــضنو بعض.
لكن فى حد كان واقف بيسمع حوارهم والله اعلم بقى هيتصرف ازاى؟؟؟؟
………………………………………………………………………………………………………………………………………………………………………………………………………………………………………………………………………………
اما يارا كانت قاعده فى اوضتها وسمعت صوت حاجه غريبه جايه من البلكونه.
ف دخلت تشوف فى ايه ف اتصدمت وفتحت عينها على الاخر من المنظر اللى شافته.
ياترى ايه اللى هيحصل؟؟؟؟؟؟؟؟؟؟؟؟؟!!!!!!!!!!!!!!!!
البارت الرابع عشر:
يارا بصدمه:فارس!!
فارس كان طالع فوش الشجره اللى قدام بلكونة يارا.
يارا بذهول:انت ايه اللى جابك هنا؟؟
وخدت بالها من شكله وهو متشعلق على الشجره فانفجرت فى الضحك.
يارا:ههههههههههههههههه ههههههههههههههههههههههههههههههههه.
فارس بصوت منخفض:هشششششششششششش بس اسكتى هتفضحينا.
يارا حطت ايدها على بؤها وهى لسا بتضحك..وهدت نفسها وقالتله:انت ايه اللى جابك هنا دلوقتى؟؟ودخلت القصر ازاى اصلا؟؟!!
فارس:نطيط من على السور.
يارا:انت اتجننت ازاى تعمل كده!!افرد حد شافك….وكملت بضيق وقالت:فارس يلا بسرعه امشى من هنا قبل م حد يشوفك.
فارس:ماينفعش امشى الا لما انفذ اللى كنت جاى عشانه.
يارا بضيق:وايه بقى الجنان اللى كنت جاى عشانه؟؟
فارس ابتسم ومسك بايد واحده جامد فى الشجره وبالايد التانيه طلع من ورا ضهره بوكيه ورد كبيير مليان ورد احمر وكان مربوط فيه علبة شكولاته صغيره على شكل قلب متعلق فيها بلونتين واحده بمبى والتانيه حمرا..ومد ايده ليها عشان تاخدهم.
يارا ابتسمت باستغراب ومدت ايدها وخدتهم منه وقالتله:وانت عملت الجنان ده كله عشان الحاجه دى!!
فارس بابتسامه:اه..عشان خاطر عيونك ياجميل انا ممكن اروح فى داهيه.
يارا بضحك:ههههههههههههههههه ههههههههههههههههههههههههههههههههه.
فارس بسرعه:هششششششششش اسكتى قولتلك هتفضحينا.
يارا بضحك بصوت منخفض:ههههههههههههه طيب خلاص سكت اهو..احم بس دول بمناسبة ايه؟؟
فارس:مش عارف والله انا لاقيت عيال من صحابى ومعرفه كده عمالين يقولولى النهارده الفالانتين وبتاع ونزلو يشترو هدايا ف نزلت معاهم يعنى هى هتيجى علينا قولت لازم يارا حبيبتى يبقى عندها هدايا حلوه زى دى النهارده.. المهم بس يكونو عجبوكى.
يارا:هما حلوين اوى على فكره..بس انا م كنتش متخيلاك بتحتفل بالعيد التافه ده تصدق انا بستحقره جدا..بس انا غيرت رايي فيه النهارده….وكملت بغيره:هو انت بقى جبت لكام واحده قبلى ورد وشوكولاته وطلعتلها على شجرة بيتها بالشكل ده؟؟
فارس:ههههههههههههههه وربنا دى اول مره فى حياتى اعمل كده..والله اساسا م كنت بكلم ولا بصاحب بنات قبل كده..وبعدين معقول يبقى معايا القمر وابص للنجوم ده انت الاصل ياجميل.
يارا تاملته اكتر وهو بيكلمها ومتشعلق فى الشجره كان شكله فظيييع.
يارا:هههههههههههههههههه ههههههههههههههههه يافارس انت مش ممكن..انت مجــ . ــنون هههههههههههههههه.
فارس ابتسملها على ضحكها اللى جننه وبيبصلها وهو حاببها اوى بشكلها وهى عمالا تضحك وبتترنح من كتر الضحك.
نعم أنا العاشق المجــ . ــنون
وكما يقولون للجنون فنون
فإن كنت كذلك فنعم الجنون
لأني بغرامك متيم مفتون
وقلت عني شاعر أسحرك
بكلام كله حب وشجون
فإن كنت كذلك فنعم المسحور
أنت إذ كلامي بداخلك مكنون
وعندها سأصرفك على هوى
نفسي لأن جسمك بي مسكون
فلاتقلى أنكى مغرمه بغيري فإنكى
لي وحدي ولغيري لن تكونى
قد تقولى هذه أنانية فأقول
نعم وهذا مكانها المفهوم ؟
فلا تعالج الخطأ بالخطأ
فأنتى مثلي مجروحه مهمومه
تفهمىى الأمور على غير روية
وتتعجلى بالحكم وتسيئ الظنون
وبهذا التعجل سأفقد صوابي
يوما فأتخذ قرارا محتوم
وتكونى أنت وحدكى
المتهمه والملومه.
يارا بجديه:طب بوص انت لازم تمشى بسرعه دلوقتى قبل م حد يشوفك.
فارس:حاضر حاضر همشى.
يارا حطت صوبعها على سنانها وعضته بتفكير وقالتله:بس انت هتخرج ازاى؟؟
فارس:زى م دخلت..هنط من على السور.
يارا:يادى السور..طب خلى بالك من الكلاب لحسن دول لو شافوك هيلمو عليك المحافظه وهتروح فى 600 داهيه هههههههههههههههههههههه.
فارس رفع حواجبه وقالها:لا والله..وانتى هتتبسطى لما اروح فى 600 داهيه.
يارا:ههههههههههههههههههه بهزر معاك ياسيدى..انا اساسا مستغربه لحد دلوقتى..انت ازاى نطيط من على السور ده عالى اصلا!!
فارس بابتسامة غرور:ياحبيبتى دى اقل حاجه عندى انا ممكن انطلك من فوق السد لو تحبى.
يارا:هههههههههههههههههه ماشى كفايه كده لحسن حد يجى يلا بسرعه امشى.
فارس بابتسامه:حاضر..تصبحى على خير.
يارا:وانت من اهله.
وجه عشان ينزل من على الشجره.
يارا بقلق:فارس خلى بالك.
فارس:متخافيش يابت ده انا اسد.
وجه حط رجله على جزع كان مكسور وهوووب..وقع فارس.
وهاهو وقع الاسد ههههههههههههههههههههههههههههههههههه.
يارا اتخضيت وراحت بصت عليه وندت عليه بصوت واطى:فارس..فارس انت كويس؟؟
فارس وهو متسطح على الارض وماسك جمبه وهو بيتئاوه بصلها وقالها بتعب:انا كويس.
وقام براحه وعدل ونفض هدومه وبصلها تانى وقالها بصوت واطى وهو ماسك جمبه:سلام يلا ادخلى جوا.
يارا ابتسمت وهزتله راسها وترقبته لحد م نط من على السور ومشى.
ودخلت الاوضه وهى ماسكه هداياه وعلى وشها ابتسامة عشق عريضه واترمت على السرير ومسكت بوكيه الورد وفضلت تشم فيه..وخدت علبة الشوكولاته وفتحتها وقعدت تاكل منها….
حبك هذيان بلا حسبان
يملأ القلب بثوران
ويسقط كينبوع النهر في الوجدان
ويرميني في مدن الجنون
نحو عالم الأشجان
لست ادرك ما يحدث بحالي الآن
هل اكتب شعرآ ام اعيش بالاحلام
أم أني قد وصلت الى حد الهذيان
فهل لعاشقه مثلي أن تقف عن الدوران
وان لا تستنشق اكسجـ . ـين الحب بأنحراف وادمان
حبي مستنقع دافئ لا يستطيع دخول خلوته اي أنسان
حبآ يتغلغل بطبول النبض ولا يقبل الانحناء امام النسيان
حبآ يشبه الزهر ويعوض القلب عن كل الحرمان
يحوى بأنفاسه وطنآ لا يشبه باقي الاوطان
حبك هذيان ما كان بالحسبان
كنسيم الهواء يقطفني ويلملم عمري من الأحزان
يجعل من حضورك نثرآ لقصائدي شعورآ شاعرآ كالغليان
يعطيني الحب بلا حسبان
يجعلني أنثى مدـ . ــمنة بالعشق من الراس حتى القدمان
حبك يمنحني شعورآ يشبه الفن ورسوم الفنان
لذا قررت أن اغرق غرقآ ولا اصحو
بقربك من عالم الدهشة والهذيان
فاتن حمود.
……………………………………………………………………………………………………………………………………………………………………………………………………………………………………………………………………………………………….
وبعد تلات ايام قبل رجوع باسل ب يوم..كان قاعد على السرير مرجع راسه ل ورا ومغمض عينه لانه مرهق من كتر الخروج كل يوم واللف الكتيير..وبيقارن حياته البسيطه الجميله مع مريم وحياته المتعبه والكيئبه مع نيهال.
واترسمت على وشه ابتسامه لما افتكر الكلمات دى اللى مريم قالتهاله قبل كده لما كان عيان وهى كانت سهرانه جمبه طول الليل ولما عتبها على سهرها قالتله”انت عندى زى عينى فى مقامها كده..عارف ليه؟؟عشان العيون اغلى حاجه عند الانسان ممكن الانسان يفقد اى حاجه ويحزن شويه..لكن لو فقد عينه ممكن يمــ . ــوت من كتر الحزن..عرفت بقى انا بحبك وبهتم بيك ليه..عشان م افقدكش..عشان انت اغلى حاجه عندى امتلكها”.
فابتسم زياده وقال بصوت واطى وهو مغمض عينه:وحشتينى ياروما.
…………………………………………………………………………………………………………………………………………………………………………………………………………………………………………………………………
فى اليوم التالى صحيت مريم وخايفه تتبسط ان باسل راجع لا ميرجعش زى المره اللى فاتت..المهم قامت وخدت شاور وجهزت نفسها تانى وفضلت قاعده مترقبه الساعه ومنتظره فور عودة حبيبها”باسل”.
………………………………………………………………………………………………………………………………………………………………………………………………………………………………
اما باسل اخيرا عاد الى الاراضى المصريه..وبعد م خلص اجراءت المطار وكل حاجه خرج هو ونيهال فى طريقهم لقصر البحيرى.
ووصلو ودخلو وطبعا كانت ناهد اول من ينتظرهم..شافت نيهال خدتها بالحــ . ــضن وفضلت تتكلم معاها..وهنا ظهرت يارا شافت باسل ابتسمت وجريت عليه حــ . ــضنته.
يارا:باسل..ازيك ياحبيبى وحشتنى.
باسل وهو بيضمها بحنان:وانتى كمان وحشتينى..ازيك.
يارا:الحمدلله ياحبيبى كويسه.
باسل بصوت واطى:هى روما فين؟؟
يارا:هتكون فين يعنى..فى الاوضه طبعا ..ياحرام مش بتنزل تروح فى اى حته هنا بسبب ماما.
باسل:طب بوصى اسمعى هقولك ايه.
يارا:ايه؟؟
واتفق باسل مع يارا على خطه يعملوها على مريم..طلعت يارا اوضة باسل ومريم ودخلت بعد م اذنت مريم بالدخول.. دخلت وهى بتتكلم فى الموبايل.
يارا وهى بتمثل ان ملامحها حزينه:ايوه ياباسل..اه طلعتلها اهو..ماشى اهيه معاك..خدى يامريم باسل عايزك.
مريم خدت منها الموبايل بقلق وردت:الو.
وهنا خرجت يارا.
باسل:ايوه ياروما ازيك ياحبيبتى.
مريم:انا كويسه ياباسل..هو انت فين؟؟
باسل:للاسف ياروما انا مش راجع كمان النهارده..ملحقتش.
مريم اتصدمت واتاكدت من كلام جيهان اللى قالتهولها وفاقت على صوته.
باسل:وللاسف اكتر مش هرجع الا بعد اسبوع.
مريم بعد صمت وصوت مبحوح:ماشى ياباسل..ترجع بالسلامه.
وقفلت..وراحت اقعدت على السرير و فضلت تعيط.
وهنا ظهر باسل عند باب الاوضه وقالها بابتسامه:روما.
مريم اتنفضت من مكانها وبصت لمصدر الصوت لقيته باسل ف عليت ضحكتها من بين دموعها وقامت ونطت من مكانها وجريت عليه وحــ . ــضنته جامد وهو كمان حــ . ــضنها جامد اعتثرها من شدة الحــ . ــضن بقدر م كانت وحشاه.
وبصلها وباسها كتيير فى كل حته فى وشها.
مريم بضحك:ههههههههههههه ايه ياباسل جرالك ايه؟؟!!
باسل:اعذرينى ياروما.. انتى وحشانى اوى اوى.
مريم بزعل:كده ياباسل..اهون عليك تلعب بمشاعرى كده وتكدب عليا وتقولى مش جاى وراجع بعد اسبوع..ليه عملت كده؟؟
باسل بابتسامه:عشان اخد من حبيبتى الحــ . ــضن الحلو ده..بذمتك مش طلع احسن من اللى كنت هخده لو مكدبتش عليكى.
مريم ابتسمت فى خجل و بصت فى الارض.
باسل شدها ولف ايده حواليها و رفع وشها بايده وبصلها باشتياق وقرب عليها اكتر….مريم قربت هى كمان لتستنشق عطر انفاسه الذى باتت محرومه منه منذ ان رحل.
باسل بهدؤ:وحشتينى ياروما.
مريم:وانت كمان ياباسل.
واقتربو كثيرا الى ان تلاقت شـ,ـفاههم و ذابا معا فى قبله وذهبو معها الى عالمهم الخاص…….
………………………………………………………………………………………………………………………………………………………………………………………………………………………………………………………………..
اما عند ناهد ونيهال كانو قاعدين سوا فى الليفنج وناهد مبسوطه ب نيهال اوى ويارا قاعده معاهم فى ضيق وملل من احـ .ــادثهم التافهه.
ناهد:ايوه ياحبيبتى كملى..وبعد م روحتو نيويورك.
نيهال ببحث بعينها:هو فين باسل صحيح؟؟
يارا بابتسامه تستفزها:فوق..عند روما.
نيهال:روما!!مين روما دى يا انطى؟؟
ناهد بضيق:دى ال…
يارا مقاطعا:مامااا.. وبصت لنيهال بابتسامه باهته وقالتلها:دى مراته ياحبيبتى.
نيهال:امممم.
ناهد:يارا روحى نادى باباكى عشان يسلم على نيهال وعشان ميعاد الغدا قرب.
يارا:حاضر ياماما.
وندهت ناهد على الداده عشان تطلع تنادى باسل…ونزل منغير مريم لانها رفضت تنزل تقعد معاهم كلهم وهما كمان معاهم نيهال ف بعتلها الاكل مع الداده…
…………………………………………………………………………………………………………………………………………………………………………………………………………………………………………………
اما فارس كان قاعد فى اوضته ودخل عليه فاجاه عادل صاحبه.
فارس بغضــ . ــب:ايه يابنى ده..مش تخبط قبل م تدخل.
عادل:معلش يا بشمهندس فارس..طب مقولتش ليه انك اشتغلت فى شركة مقاولات؟؟والله كنا هنفرحلك.
فارس:انت عرفت منين؟؟
عادل:مش مهم..المهم يا فارس انا جيت افوقك وارجعك عن اللى انت فيه..انت لازم ترجعلنا بقى كفياك كده..يعنى هى الشركه اللى انت فيها دى بيطلعلك منها كام كل اول شهر..2000 جنيه 3000 جنيه..انت ممكن بشغلتك اللى انت محترف فيها تعمل اد المبلغ ده مليون مره.
فارس:انت يابنى م بتفهمش قولتلك انا بطلت احفرهالك على جسمى عشان تصدق.
عادل:فارس..الناس مستعجله العمليه لازم تتم قريب..وخليك متاكد انك هتعملها يعنى هتعملها برضاك..او غصب عنك.
فارس قام من مكانه بغضــ . ــب ووقف قصاده وقاله:ده لا عاش ولا كان اللى يخلى فارس يعمل حاجه غصب عنه..وانت ياعادل لو م كنتش صاحبى ومتربيين سوا انا كنت هتصرف معاك تصرف مش هيعجبك..بس انا هعمل حساب للاخوه والصداقه اللى دامت بينا سنين وهعتبر انى مسمعتش كلامك ده..وعشان اريح دماغى منك واتجنب اننا نزعل من بعض انا همشى من هنا خالص.
عادل بسخريه:وهتروح فين بقى؟؟هو انت ليك غيرنا.
فارس:اه..انا اشتريت فيلا تانيه يااستاذ وهاروح اقعد فيها وهاخد معايا لولا..وسايبهالكو مخدره واشبعو.
عادل بصله بغضــ . ــب وابتدى يفكر ينفذ فكرته…..
ياترى ايه اللى هيحصل؟؟؟؟؟؟؟؟؟!!!!!!!!!!
البارت الخامس عشر:
فى قصر البحيرى لما خلصو الغدا قعدو سوا وطبعا ناهد ونيهال مندمجين سوا..اما باسل وجلال ويارا كانو زهقنين من كلامهم التافه والجو الممل اللى صانعينو ناهد ونيهال..باسل قام بزهق عشان يطلع.
ناهد:رايح فين ياباسل؟؟
باسل:طالع استريح ياماما..متنسيش انى راجع من سفر.
ناهد:بس احنا م لحقناش نقعد مع بعض اقعد شويه.
باسل بزهق:بعدين.
وطلع باسل..لقى مريم قدام الاوضه ماسكه شنطة السفر اللى كانت معاه وسابها عندها وبتديها ل الداده.
مريم:لوسمحتى ياداده خدى الشنطه دى بتاعت باسل وديهالو فى الاوضه التانيه.
الداده:حاضر يابنتى.
باسل:ايه ياروما فى ايه؟؟
مريم:لا ابدا كنت بقول ل داده توديلك شنطتك فى الاوضه التانيه.
باسل:حبيبتى الشنطه دى ليكى.
مريم:ليا!!
باسل موجها كلامه للداده:خلاص ياداده اتفضلى انتى.
ومشيت الداده..وخد باسل الشنطه ومسك ايد مريم ودخلو الاوضه.
مريم:ايه حكاية الشنطه دى ياباسل؟؟
باسل: م قولتلك ياحيبتى دى بتاعتك..انتى م فتحتيهاش؟؟
مريم:لا..من امتى وانا بفتح حاجه تخصك.
باسل بتنهيده:طب تعالى.
وخدها ومسك الشنطه وقعدو على السرير وفتح الشنطه وقالها:الشنطه دى فى هدايا ليكى جبتهالك معايا من هناك.
مريم:ليه ياباسل كده..دى حاجات كتير اوى.
الشنطه كان فيها هدوم وفساتين وادوات تجميل وكل مايلزم الانثى.
باسل بابتسامه:مافيش حاجه كتيره ابدا على روما حبيبتى.
مريم:ربنا يخليك بس الحاجه دى برده كتير هعمل ايه ب كل ده؟؟
باسل:انتى مالك مكبره الموضوع كده ليه..الحاجه عجبتنى اشترتهالك خلاص.
مريم بابتسامه:طيب يا حبيبى تسلملى.
باسل لمعت عينه خـ . بثا وقالها:طيب قومى قيسى الحاجه كده ياروما..عايز اشوفهم مظبوتين عليكى ولالا.
مريم:لالا هما مظبوتين اكيد.
باسل:لاء يمكن يكون فى حاجه كده ولا حاجه كده مش مظبوته.
مريم:لا ياحبيبى انا متاكده انهم مظبوتين.
باسل:طيب بوصى خدى قيسى ده وبس.
وطلعلها من الشنطه فستان دانتيل اسود قصير لا يستر بقدر ما يكشف.
مريم بصتله بدهشه وقالتله:ماينفعش.
باسل:ليه ياروما ده انتى وحشتينى اوى..ولا انا اللى مش وحشك؟؟
مريم:لا طبعا ياباسل وحشتنى بس متنساش مراتك الجديده دى.. انت لازم تقعد معاها هى دلوقتى.
باسل بضيق:استغفر الله العظيم طيب ليه بتجيبى سيرتها دلوقتى.
مريم:ياباسل انت لازم تكون عادل.
باسل بانفعال:يسلام..يعنى انا كنت بقالى معاها اسبوعين هناك وانتى هنا كنتى لوحدك وبتقوليلى لازم ابقى عادل!!
مريم:على الاقل انا بقالى معاك حوالى سنتين انما هى اسبوعين زى م انت قلت يعنى قليل.
باسل:انا نفسى افهم انتى بدفعلها كده ليه..انتى المفروض تكرهيها اساسا.
مريم بحزن:ده ظنك فيا..انا عمرى م كرهت حد حتى لو كان ظلــ . ــمنى ظلــ . ــم كبير ..وبمشى ديما على كلام حبيبى.
باسل بغيره:حبيبك مين؟؟
مريم بابتسامة حب:محمد..عليه الصلاة والسلام..اسمع كده هو قال ايه..
يقول صلى الله عليه وسلم ( لا تقاطعوا ولا تباغضوا ولا تحاسدوا وكونوا عباد الله إخوانا)
باسل بصلها بحب وباسها فى راسها وقالها:يخربيت طيبتك اللى هتوديكى فى 60 داهيه دى.
مريم:هههههههههههههههههههههه.
باسل:انتى محصلتيش ياروما..ومش هتحصلى.
وطبع بوسه خفيفه على شـ,ـفايفها وحــ . ــضنها.
………………………………………………………………………………………………………………………………………………………………………………………………………………………………………………………………………
اما فارس كان قاعد بيفكر فى طريقه عشان يعرف ياخد خطوه فى موضوعه هو ويارا ولكنه مش لاقى..وبيتخيل الموقف لو باسل اخوها شافه هيعمل ايه ف حس بخيبة امل والهموم اتملكته..ف راح ل ليلى فى الملجئ..راحلها فى المكان اللى دايما بتقعد فيه لقاها قاعده على كرسى ف قرب عليها وقعد على ركبته فى الارض وحط راسه على رجليها.
فارس:ازيك يا لولا.
ليلى بقلق: مالك يافارس؟؟
فارس:مهموم يالولا..مش عارف اتصرف ازاى؟؟وحاسس انى لوحدى.
ليلى:ياحبيبى انت مش لوحدك..معاك ربنا فى كل مكان مش هو قالك فاذكرونى اذكركم واشكرو لى ولا تكفرون.
فارس:بس انا عملت حاجات كتير غلط فى حياتى.
ليلى:الغلط انك تستمر فيها.
فارس:والله يالولا بعدت عن كل حاجه وحشه.
ليلى:طب ايه اللى تعبك اوى كده ياحبيبى؟؟
فارس:خايف يارا تسيبنى يالولا..والله انا بحبها اوى واتصلحت عشانها..سبت كل حاجه عشانها.
ليلى:وهى هتسيبك ليه ياحبيبى؟؟
فارس بدموع:انا خايف احكيلك انتى كمان ف تكرهينى وتحرمينى من حــ . ــضنك يالولا.
ليلى ضــ . ـربته على راسه براحه وقالتله:ياعبيط فى ام تكره ابنها انت مش عارف لولا بتحبك اد ايه؟؟
فارس بتنهيده:هحكيلك يالولا..هحكيلك لانى محتاج احكى.
وحكالها فارس عن تاريخه فى عالم النصب والسـ,ـرقه وحكالها انه نصب على اهل يارا قبل كده..وكان بيعيط وهو بيحكى فتاثرت ليلى بدموعه بس كانت غضــ . ــبانه منه…وبعد م خلص حكى.
ليلى بغضــ . ــب:بقى دى اخرت تربيتى فيك يافارس..تسرـ,ـق..ده اللى انا علمتهولك لما كنت معايا هنا؟؟
فارس وهو ماسك ايدها وبيبوسها:والله انا عملت ده كله غصب عنى كنت عايز اساعدك واساعد الولاد هنا فى الملجئ.
ليلى:تساعدنا بفلوس حرام.
فارس:والله يالولا انا توبت صدقينى سبت الشغل ده خالص.
ليلى:………………..
فارس ببكاء:عشان خاطرى ياماما متسكتيش كده ده انا فارس..هو مش انا ابنك برده مش انتى قولتيلى من شويه الام مش بتكره ابنها..عشان خاطرى سامحينى يالولا.
ليلى بصرامه:لو عايزنى اسامحك ترجع كل قرش سـ,ـرقته من الناس.
فارس:حاضر حاضر..انا هجمع كل الفلوس اللى عندى وهرجع لكل واحد حقه وهشتغل وهرجع الباقى بس سامحينى.
ليلى:امشى يافارس..ولما تنفذ اللى اتفقنا عليه ابقى تعالى..ساعتها هحس انك فعلا ابنى فارس..انما انا دلوقتى شايفاك غريب عنى ومن دلوقتى لحد م تنفذ الاتفاق ..انا مش عايزه اشوفك.
فارس مسح دموعه وقام باس راسها ومشى وقرر انه هيرجع كل حاجه سـ,ـرقها واول حد هيرجعله فلوسه هيكون “باسل”
……………………………………………………………………………………………………………………………………………………………………………………………………………………………………………………………………
فى اليوم التالى….صحى باسل وهو شاعر بضجر من نيهال لانها مش متحمله اى مسؤليه مش زى مريم كانت بتهتم بكل تفصيله تخصه ف بمجرد م جت على باله ابتسم وقام جهز نفسه لاستقبال يوم جديد واول يوم فى مجموعة شركات البحيرى بعد اجازته اللى دامت اسبوعين بسبب سيادة الانثى المبجله”نيهال”
انتهى من تجهيز نفسه.
وراح الاول ل مريم فى الاوضه دخل لقاها صاحيه وقاعده قدام المرايا وواضح انها كانت بتاخد شاور لان شعرها كان مبلول ومتناثر منه حبات الماء وكانت لبسا قميص قطنى قصير باللون الابيض.
مريم اتخضيت لما الباب اتفتح منغير م حد يخبط كده وقالت بخضه:مين؟؟
باسل:وهو مين غيرى بيدخل الاوضه دى.
مريم تنهدت بارتياح:حرام عليك ياباسل خضتنى.
باسل:اسف ياحبيبتى.
وراح وقف وراها وخد من ايدها المشط وسرحلها شعرها.
باسل باعجاب:وااااو شعرك طول ياروما.
مريم بابتسامه وهى بصاله فى المرايا:انا اصلا مبسوطه انه طول انا بحب شعرى وهو طويل.
باسل:وانا كمان بحب شعرك يكون طويل.
وخلص تسريح فيه وخلا سايب كده وقالها:كده احلى.
مريم بابتسامه:ماشى..يلا بقى عشان متتاخرش على شغلك.
باسل:ومستعجله على ايه ياروما م انا كده كده رايح..مستكتره عليا اقعد شويه معاكى.
مريم:لا ياحبيبى بس انا مش عايزاك تتاخر انت عمرك م اتاخرت..وبعدين مش كفايه انك بقالك اسبوعين غايب اكيد هيبقى فى شغل كتير..ف انا عايزاك تخلصه كله بسرعه عشان تفضالى انا بعد كده.
باسل قومها من على الكرسى ووقفها قصاده وقالها:اه لو تعرفى النــ . ــار اللى جوايا بسببك..انا مش مرتاح ياروما انا مش برتاح الا وانا معاكى..انا مش بعرف انام بليل عشان م بلاقيكيش فى حــ . ــضنى..عارفه فى الايام اللى فاتت دى انا اتاكدت انى بحبك اكتر من روحى.
وحــ . ــضنها.
مريم:وانت كمان ياباسل عارف انا بحبك اد ايه..ده انت كل حاجه ليا فى الدنيا.
باسل:الله يسامحك انتى اللى اصريتى عليا اتجوزها.
مريم بدموع:بس لما تيجى اللحظه اللى هتشوف فيها ابنك او بنتك هتنسى كل ده وهتنسانى انا شخصيا من كتر م هتبقى فرحان.
باسل:انا مش ممكن انساكى ياحبيبتى انتى مش بتفارقى تفكيري اساسا وانا م كنتش عاوز اولاد الا منك انتى وبس مش من حد تانى.
مريم:معلش بقى ياباسل نصيبى كده..الحمدلله…ومسحت دموعها وبصتله وقالتله: يلا بقى هتتاخر.
باسل بابتسامه:سلام ياروما.
وباسها فى خدها.
ومشى فى طريقه للشركه.
…ووصل الشركه وطلع مكتبه وشويه ودخله عمرو صديقه.
عمرو وهو على وشه علامات الدهشه والذهول:الحق ياباسل.
باسل:لا ياعمرو وحياة ابوك كلمة الحق ياباسل دى متقولهاش خالص عشان انا عارف اللى هيجى بعديها فانجز وقولى ايه المصيبه المره دى.
عمرو:مصيبة ايه ياجدع..دى معجزه ولا بالسحر ولا بالشعوزه.
باسل بضيق:اخلص ياعمرو فى ايه؟؟
عمرو:فاكر ال750 الف جنيه اللى اتنصب علينا فيهم من فتره.
باسل:وهى دى حاجه تتنسى..اه يانــ . ــارى لو الاقى ابن ال….اللى ضحك عليا ومثل انه العميل ده يامين يدلنى عليه..بس انت ايه اللى فكرك بالموضوع ده؟؟
عمرو:م هى دى المعجزه اللى حصلت ومش لاقيلها تفسير!!
باسل:معجزة ايه م تنطق.
عمرو:الفلوس رجعت ياباسل.
باسل:نعم!!
عمرو:ايوه..ال750 الف رجعو ياباسل.
باسل:عمرو انت شارب حاجه على الصبح..رجعو ازاى يعنى؟؟!!
عمرو قعد على الكرسى اللى قصاده وقاله:هحكيلك…الصبح فى واحد جه سلم الامن شنطه وقالهم دى للمدير التنفيذى..وانت عارف ان انا المدير التنفيذى…المهم واحد من الامن طلعلى وادانى الشنطه دى فتحتها لقيت فيها الفلوس ومعاهم جواب.
باسل باستغراب:جواب!!
عمرو:اه.
باسل:فى ايه الجواب ده؟؟
عمرو:خد اقراه بنفسك.
باسل خد منه الجواب وقراه…مضمون الجواب كان.
“عزيزى الاستاذ باسل البحيرى..تحيه طيبه وبعد..اتقدم اليك باعتذارى لارتكابى خطأ مريع حين اختلست منك مبلغ وقدره750 الف جنيه واعتذر ايضا لانى قمت بأغشاشك وانتــ. ــحلت شخصية عميل احد الشركات التى تتعامل معها فى اشغالك..ولانى ندمت على مافعلت وتوجهت الى الله وسالته التوبه قررت ان اعيد اليك حقك كى يرضى عنى تماما واسألك مسامحتى والعفو عنى والاستغفر لى..ولك جزيل الشكر..تحياتى”
باسل انتهى من قرأت الجواب وهو مندهش ومستغرب.
عمرو:مستغرب؟؟عندك حق انا مش مصدق اصلا لحد دلوقتى!!
باسل:والله ربنا قادر على كل شئ..بس مش عارف ليه فى شعور كده مش قادر اوصفه..ايه اللى يخلى الشخص ده يرجع المبلغ ده كله تؤ حاجه..حاجه مش داخله دماغى.
عمرو:ياعم انت ايه اللى همك دلوقتى م الفلوس رجعت اهيه وكله تمام يبقى خلاص بقى اى حاجه تانى مش مهم.
باسل مازال مش مقتنع بالامر ومش ناسيه بس مش مديله اهميه.
……………………………………………………………………………………………………………………………………………………………………………………………………………………………………………………………………………….
اما فارس حس براحه شديده بعد اتمام اول عمل صالح وخير يعمله فى حياته وهو ممقررانه هيرجع كل حاجه كان سـ,ـرقها من الناس وحس ان دى الطريقه والحل والوحيد اللى هيشفعله عند يارا وهيرجع انسان نضيف تانى.
……………………………………………………………………………………………………………………………………………………………………………………………………………………………………………………
اما عند مريم..نزلت كعادتها فى مكانها الوحيد اللى بتروحله فى القصر..راحت عند حوض زهور التوليب وفضلت واقفه قصاده وسرحانه لحد م جه صوت من وراها افاقها من شرودها.
:هو انتى بقى روما؟؟
مريم لفت لمصدر الصوت..لقيتها نيهال فارتعدت داخلياوحاولت تهدى نفسها قدامها ولكنها اترعبت بعد كده..مش من نيهال لا….من الكلـ. .ب اللى نيهال مسكه سلسلته فى ايدها.
مريم فضلت تبعد بضهرها وهى خايفه وبتترعش وقالتلها:من فضلك ابعدى عنى الكلـ. .ب ده.
نيهال ضحكت وهى بتقرب عليها وقالتلها:ههههههههههههههه هو انتى بتخافى من الكلاب..ههههههه ازاى بس ده لطيف خالص.
مريم برعب وهى بتبص للكلـ. .ب:لوسمحتى ابعديه.
نيهال لسا بتقرب عليها وهى بتضحك.
مريم دمعت من كتر الخوف وهنا الكلـ. .ب فلت من ايد نيهال وجرى على مريم ولما رجعت اكتر بضهرها وقعت فى البسين وهى بتعرف تعوم باسل علمها بس من كتر خوفها نسيت كل حاجه… فى اللحظه دى كان باسل رجع وشاف الموقف ف جرى ونط فى البسين وطلع مريم منه وهى مسكت فيه جامد وهى بتترعش وبتعيط جامد.
باسل وهو حــ . ــضنها وبيملس على شعرها:اهدى اهدى ياحبيبتى متخافيش.
وبص ل نيهال بغضــ . ــب شديد ونيهال اترعبت من بصته.
باسل بصوت عالى:انتى حسابك بعدين مش دلوقتى عشانها هى بس.
وهنا كل اللى فى القصر جم على صوت باسل العالى ولقوه حاضن مريم وهى بتترعش وبتعيط جامد فى حــ . ــضنه وهما الاتنين مبلولين وسالوه فى ايه ولكنه مردش عليهم..ونده على حارس من حرس القصر.
الحارس:نعم ياباسل بيه.
باسل بغضــ . ــب:اى حـيــ . ــوان هايسيب كلاب تانى فى القصر بالنهار هغوره من هنا انتو فاهميين..م اشوفش كلاب تانى بالنهار.
الحارس:امرك ياباسل بيه.
وسابهم وخد مريم وطلعو الاوضه وقعدها على السرير براحه وراح جاب منشفه ونشفها من المايه وقعد جمبها وحاول يهديها ومسك ايدها وفضل يفرك فيها عشان تدفى..مريم م كنتش بتبطل عياط وفضلت تترعش اكتر مش قادره تنسى الموقف اللى كانت فيه.
باسل خدها فى حــ . ــضنه وقالها:بس بس اهدى ياروما خلاص انا معاكى اهو..خلاص الموضوع انتهى محدش هيعملك حاجه محدش يقدر يقربلك اساسا وانا موجود.
مريم اتمسكت اكتر بحــ . ــضنه وهو ضمها جامد عشان تحس بالامان وبعد شويه هديت نوعا ما..باسل حط ايده على صدرها لقا نبضها متزايد جدا.
باسل:روما حاولى تنظمى انفاسك عشان نبض قلبك ينتظم ياحببتى.
مريم لسا بتعيط.
باسل:طب بوصى اهدى خالص كده وعلى مهلك هدى نفسك.
وقام جبلها مايه وشربت وبعد شويه هديت خالص.
بس اعصابها لسا تعبانه وبتترعش خفيف.
باسل مسك ايدها وقالها:بوصى ياحبيبتى اوعدك ان ده مش هيتكرر تانى خلاص تعالى هساعدك تغيرى هدومك.
وقامت مريم معاه وغيرت هدومها وخدها تانى ونيمها على السرير وفضل جمبها لحد م نامت وبعد كده طلع من الاوضه وراح اوضته التانيه لقاها فاضيه ونيهال مش جوا ف نزل يدور عليها تحت.
…………………………………………………………………………………………………………………………………………………………………………………………………………………………………………………………………
نيهال كانت قاعده مع ناهد وحكتلها اللى حصل وفضلت قعده معاها لانها خايفه من باسل ل يعملها حاجه وهما لوحديهم.. سمعت باب من ابواب الاوض فوق بيترزع جامد وخطوات شخص نازل بغضــ . ــب على السلم ف اترعبت اكتر.
ونزل باسل وهو فى قمة غضــ . ــبه لمجرد العبث مع حبيبته ممكن يعمل اى حاجه..اتجه ناحية نيهال..ناهد وقفت قصاده ونيهال واقفا وراها.
ناهد بحده:عايز ايه ياولد؟؟
باسل بغضــ . ــب:اوعى كده ياماما خلينى اكلم المستخبيه وراكى دى.
ناهد:ولد..اتكلم عدل دى مراتك.
باسل بغضــ . ــب وصوت عالى:بوصى يانيهال من اولها كده..لحد مريم في خطوط حمر..اللى حصل النهارده ده انا عمرى م هسمح انه يتقرر تانى..عمايلك المتخلفه دى لو عملتيها مره تانيه وبالذات مع مريم قسما بالله ساعتها مش هبقى عارف انا ممكن اعمل فيكى ايه..اتمنى تكونى فهمتى لان ده اول واخر انذار.
ومشى وسابهم.
ناهد:ايه مالك ياحبيبتى متخافيش.
نيهال:م اخفش ازاى يا انطى انتى م شوفتيهوش ده انتى لو كنتى مش موجوده كان ممكن يضــ . ـربنى.
ناهد بتنهيده:هى الزفته اللى فوق دى السبب فى كل اللى بيحصلنا كلنا ده..دى هى العاده السيئه الوحيده اللى عند باسل..بس متخافيش هتمشى..هتمشى وقريب اوى كمان.
………………………………………………………………………………………………………………………………………………………………………………………………………………………………………………………………………………….
اما مع حلول الليل فى الوقت المتاخر..الداده كانت بتمشى تنضف لو كان فى حاجه فى الادوار اللى فى القصر لحد م سمعت صوت جاى من اوضة مريم وهى عارفه انها لوحدها ففتحت الباب براحه ودخلت وقربت على مريم و…….
ياترى ايه اللى هيحصل؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!
البارت السادس عشر:
الداده قربت على مريم وهى نايمه لقيتها بتقول كلام مش مفهموم زى اللى بيتمتو بعبارات مش مفهمومه..وبصتلها اكتر لقت حبات عرق كتيره متناثره على وشها ف شدت منديل من الكومود اللى جمبها ومسحتلها العرق.. بس وهى بتمسح لقيتها حرارتها عاليه جدا.
الداده بخضه:ياحبيبتى يابنتى.
وحاولت تصحيها ولكن لاحياة لمن تنادى..ففكرت تعمل ايه تروح تصحى باسل..خافت..قالت تروح ل يارا احسن.
خرجت من عند مريم وراحت ل يارا..خبطت على الباب ودخلت بعد م اذنت يارا بالدخول.
يارا:نعم ياداده فى حاجه؟؟
الداده:ايوه يابنتى فيه..الست مريم تعبانه خالص وسـ . خنه جدا وبصحيها مش بتصحا انا خايفه يكون فيها حاجه يابنتى.
يارا بخضه:مريم..طب استنى انا جايه معاكى اشوف فيها ايه.
وراحت يارا مع الداده اوضة مريم وقربت عليها وحطت ايدها على جيبنها ووشها بتتحسسها لقيتها فعلا سخنه جدا.
يارا:ياخبر اسود..دى فعلا الحراره عاليه جدا.
الداده بتردد:اروح اصحى باسل بيه يابنتى؟؟
يارا:اه طبعا روحى….ولا اقولك لا..بس انزلى ياداده هاتى طبق كبير وحطى فيه كام حتة تلج وقماشه واطلعى عشان نعملها كمدات.
الداده وهى بتهز راسها:حاضر يابنتى.
ونزلت الداده..وفضلت يارا قاعده جمب مريم بتبصلها بتاثر وبتحاول تصحيها لكن مش بتصحا.. ياه يامريم كم انتى مثال للفتاه الجميله الرقيقه..المحبوبه من قبل الناس اجمعين..ولكن يالقسوة الزمان عليكى.
وطلعت الداده معاها الحاجه اللى طلبتها يارا وقعدو هما الاتنين طول الليل جمب مريم بيعملولها كمدات ولكن الحراره مش بتنزل وغصب عنهم غلبهم النعاس ونامو جمبها وهما بيعملولها الكمدات.
…………………………………………………………………………………………………………………………………………………………………………………………………………………………………………………………………………
تانى يوم صحى باسل وكان يوم اجازته ف طبعا اول حاجه بتيجى على باله لما بيصحى “مريم” ف راحلها الاوضه.
دخل باسل ليجد يارا قاعده على ركبتها فى الارض ونايمه حاطه راسها على طرف السرير جمب مريم..والداده قاعده نايمه جمب مريم على السرير وحاطه على راس مريم قماشه.
ف فتح عينه على الاخر من المنظر وقرب عليهم وقال بصوت عالى عشان يصحو:فى ايه؟؟ايه اللى حصل؟؟
يارا\الداده قامو مفزوعين من صوته.
يارا بخضه:بسم الله الرحمن الرحيم..ايه ياباسل مالك؟؟
باسل:انا اللى بسئلك فى ايه مالها روما؟؟
الداده:يابنى انا كنت بنضف الادوار امبارح بليل فاجاه سمعت صوت الست مريم زى م تكون بتتوجع دخلتلها لقيتها سخنه ومولعه روحت للانسه يارا جبتها هنا وقعدنا جمبها طول الليل بنعملها كمدات.
باسل بغضــ . ــب:انتو اغبيه ازاى متصحونيش؟؟
يارا:فى ايه ياباسل..مرضيتش اقلقك قولت انا هخاد بالى منها انا والداده.
باسل بصلها بغضــ . ــب وراح جمب مريم وتحسسها لقا الحراره عاليه جدا ومنزلتش وشافيفها لونها ابيض ف اتخض عليها وقالهم بغضــ . ــب وبدون وعى:نهاركو اسود على دماغكو يااغبيه..ده اللى كنتو بتاخدو بالكو منها.
يارا والداده بصو لبعض و عذروه لما غلط فيهم لانهم مقدرين الموقف وعارفين مدى حبه ليها وعارفين كمان انهم غلطانين لما م صحهوش.
باسل قام بسرعه ودور على ورقه وقلم وكتب اسم حقنه مخفضه للحراره وقال ل الداده:خدى الورقه دى شوفى اى حد يروح يشترى الحقنه دى بسرعه..يلا.
الداده:حاضر.
ونزلت الداده.
باسل قال يارا بعصبيه:غورى من وشى.
يارا مشيت من قدامه لما لقيته اتعصب كده.
باسل راح قعد جمب مريم وتحسسها تانى وهو قلقان عليها وخدها فى حــ . ــضنه وقال:مالك بس ياروما..فيكى ايه ياحبيبتى..ازاى تعبتى بالشكل ده.
وبعد شويه جتله الداده ومعها الحقنه خدها باسل منها وقالها تخرج بره..وجهز الحقنه وشمر كوم مريم وادها الحقنه فى دراعها..وبعد شويه نزلت الحراره نوعا ما وفتحت مريم عيونها بتعب وببطء.
باسل بلهفه:روما..روما انتى سمعانى ياحبيبتى.
مريم بتعب وهذيان:باسل..ااااه.
باسل بخضه:مالك ياحبيبتى فيكى ايه؟؟
مريم بتعب ودموع:جسمى كله ياباسل..جسمى كله وجعنى.
باسل حــ . ــضنها وقالها:معلش ياحبيبتى دى عضلات جسمك مشدوده من البرد عشان كده جسمك وجعك ..بس هتبقى كويسه انشاء الله.
وبعد شويه سالها:حاسه ب ايه ياروما؟؟
مريم:مش حاسه ب حاجه غير الم جسمى وبردانه شويه.
باسل قلقه زاد على عليها واتصل ب دكتور زميله متخصص فى الحالات دى حكاله كل اللى هى فيه وقاله يعمل ايه..وقفل باسل معاه وشال الغطه من على مريم وتحسس اطراف رجليها لقاها متلجه وتحسس اطراف ايدها برده لقاها متلجه..ف نفذ اللى زميله قاله عليه .. قام من مكانه وقالها:قومى تعالى معايا ياحبيبتى.
مريم:فين؟؟
باسل شالها من السرير واتجه ل الحمام وقالها:لازم تاخدى دوش بارد عشان الحراره تنزل.
مريم:لا ياباسل بالله عليك بارد لاء.
باسل:روما معلش استحملى عشان تبقى كويسه.
استسلمت مريم لرغبته ودخل بيها الحمام ونزع عنها هدومها وحطها تحت المايه البارده ففضلت تتنفض تحتيها وتترعش جامد وهو كان بيتئلم عشانها وهو شايفها كده ف دخل معاها تحت المايه وحــ . ــضنها..وفضلت تحت المايه لمدة نص ساعه لحد م بطلت ارتعاش..قفل باسل المايه ولبسها ال ما يدعى ب البرنس وشالها وداها على السرير وراح جبلها هدوم ولبست ونامت.
غطاها باسل وباسها فى خدها وراسها وبدل هدومه ونزل ل الداده.
باسل:من فضلك ياداده اعملى ل مريم اكل مسلوق وشوربة خضار..ميطلعلهاش الا المسلوق وشوربة الخضار.
الداده:حاضر ياباسل بيه.
باسل بلطف:وانا اسف على اسلوبى..بس اعذرينى كنت قلقان عليها.
الداده بابتسامه:انا مش زعلانه والله..ربنا يخليكو لبعض يابنى.
باسل ابتسملها وخرج من المطبخ وجه يطلع ل مريم تانى استوقفته نيهال وهى قاعده مع ناهد فى الليفنج.
نيهال:باسل..الله انت هنا..ده انا كنت بحسبك خرجت انت كنت فين؟؟
باسل بحنق وغضــ . ــب:كنت فين عايزه تعرفى كنت فين..حاضر انا هقولك كنت فين.
وقرب عليها وهو غضــ . ــبان..نيهال خافت من منظره وهو جاى كده عليها.
باسل:كنت عند اللى وقعت امبارح فى البيسين بسببك..كنت عند اللى جالها برده وتورم فى العضلات بسببك..كنت عند اللى مش قادره تتحرك فوق من السرير بسببك…عرفتى كنت فين.
ناهد بحده:جرا ايه ياباسل..نيهال م كنش قصدها م كنتش تعرف انها بتخاف من الكلاب بتزعقلها كده ليه؟؟
باسل بصلهم باستنكار وغضــ . ــب وسابهم وطلع…وناهد على وشها ابتسامه عريضه وفرحانه فيها وقالت بصوت منخفض:الهى متقومى خالص وتمــ . ــوتى وتريحينى بقى.
نيهال:بتقولى حاجه ياطنط؟؟
ناهد بابتسامه:لا ابدا ياحبيبتى.
……………………………………………………………………………………………………………………………………………………………………………………………………………………………………………………………
اما يارا قاعده فى اوضتها وزعلانه على مريم وعايزه تروح تطمن عليها بس خايفه من باسل..وهنا رن موبايلها وكان فارس.
يارا:عاش من سمع صوتك..كنت فين؟؟
فارس:هههههههههه طب قولى ازيك الاول طيب.
يارا:طب ازيك هاه..كنت فين؟؟
فارس بتنهيده:كنت بشتغل ياحبيبتى اصلى دلوقتى بشتغل شغلتين.. الصبح فى الشركه وعلى العصر كده فى مكتب الكترونيات اصل انا موهوب فى عالم التكنولوجيا م فيش اى حاجه او اى شفره تعجز قدامى انى افكها.. ف صاحب الشغل خدنى هوا بس والله بفكلو شفرات شغله القديمه اللى بتبقى مقفوله وبتاكد من كده كمان عشان معملش حاجه حرام.
يارا باستغراب:طب وانت ايه اللى غصبك على الشقا ده شغلتين فى اليوم!!
فارس:عادى..يعنى ادينى بسلى وقتى.
يارا:انت بتنتــ. ــحر..ايه مش بتتعب!!
فارس:لا اكيد بتعب..بس كله عشانك.
يارا:عشانى!!
فارس:اه طبعا..انا بعمل كل ده عشانك..عشان اعرف اجى وانا واثق ان اهلك هيوفقو عليا.
يارا:يافارس متخافش انا هعرف اتصرف فى الموضوع ده.. بس متجيش على نفسك بالشكل ده هى شغله واحده كفايه عليك.
فارس:متقلقيش عليا يايارا..انا متعود على كده من زمان..المهم انتى عامله ايه؟؟
يارا بتنهيده:كويسه.
فارس:حاسس صوتك مضايق فى حاجه؟؟
يارا:بصراحه فيه.
فارس بقلق:فى ايه؟؟
يارا حكتله اللى حصل.
فارس:عنده حق..يعنى مراته تعبانه بالشكل ده وانتى متصحيهوش يشوفها مالها.
يارا بغيظ:انت ايه حكايتك بالضبط..المره اللى فاتت عنده حق يضــ . ـربك والمره دى عنده حق يزعل منك ايه..بتيجى ديما فى صف باسل ليه؟؟!!
فارس:عشان ديما بيكون معاه حق..مراته تعبانه اوى كده لازم هو يعرف انها تعبانه وانتى بتقوليلى انه فوق كل ده كمان بيحب مراته دى اوى طبيعى مع الاسباب دى يزعل منك ويتعصب عليكى..انا حطيت نفسى مكانه بعيدا على انه بعدالشرعليكى ياحبيبتى..لوكنتى تعبانه كده فى يوم ولوكان ليا اخت وم قالتليش انك تعبانه ده انا كنت كسرت دماغها.
يارا:ههههههههههههههههه ماشى ثبتنى انت كده اوك..بس انت تقدر تتجوز عليا زيه كده ده انا كنت دبـ . حتك.
فارس:هههههههههههههههههههههه اطمنى ياحبيبتى..انا عمرى م بصيت اساسا ل وحده غيرك تفتكرى بقى بعد م اتجوزك عينى ممكن تيجى على غيرك.
يارا بكسوف:ليه الاحراج ده..طب خلاص اسكت عشان بتكسف من الكلام الحلو ده.
فارس:ماشى..اقولك روحى دلوقتى اطمنى على مراته وحاولى تصالحيه.
يارا:حاضر بس يارب م يتنرفذش عليا.
فارس:متخافيش بس اسمعى الكلام.
……………………………………………………………………………………………………………………………………………………………………………………………………………………………………………………………………………………
اما عند باسل.
ف هو مش مفارق مريم ولما الداده خلصت الاكل بتعاها اللى طلبه باسل صحاها واكلها الاكل كله وبعد م كلت نامت تانى فى حــ . ــضنه.
اشتقت ان اشم رائحتك داخلي
اشتقت ان اري صورتي في عينيكى
اشتقت ان تلمس شـ,ـفاتاكى يدي
اشتقت ان اغفل في ضمة يدكى
اشتقت ان اسمع همسك في اذني
اشتقت ان اقول حبيبتي وحشتيني
وبعد شويه خبط الباب ف اذن بالدخول..ودخلت يارا وهى باصه فى الارض قربت عليهم وقعدت على طرف السرير.
يارا:روما عامله ايه؟؟
باسل وهو بيبصلها بحنق:نايمه.
يارا:هى بقت كويسه؟؟
باسل:الحمدلله.
يارا:ياباسل انا اسفه.. بس والله م كنت عايزه اقلقك قولت انا والداده هناخد بالنا منها وهتبقى كويسه الصبح.
باسل:واللى حصل العكس ياهانم..سبتوها لحد م تعبت اكتر..عارفه حرارتها كانت كام الصبح لما قيستهلها. 39ْ.يعنى كان فاضل درجتين بالضبط وتوصل حرارتها للحد الادنى وكانت هتروح خالص ده لو م كنتش انا جيت ولحقتها….وكمل بسخريه:وجايه تتاسفيلى..اعمل ايه باسفك لو كان جرالها حاجه.
يارا:والله م كنت اعرف انها هتوصل ل كده انا قولت هعملها كمدات والحراره هتنزل و…
باسل مقاطع بصرامه:خلاص يايارا..خلاص.
وهنا خبط الباب مره تانيه ف اذن بالدخول..ودخل جلال.
باسل قام من مكانه وسند راس مريم على المخده وقال:اتفضل يابابا.
جلال:ايه ياباسل مريم مالها؟؟
باسل بتنهيده:تعبانه يابابا خدت برد من اللى حصل امبارح وعندها ورم فى العضلات ف مسبب خمول وصداع والم فى جسمها.
جلال:اه..طيب مش بتديها علاج؟؟
باسل:اه طبعا بديها.
جلال:معلش ربنا يشفيها انشاء الله هتبقى كويسه.
باسل:يارب.
………………………………………………………………………………………………………………………………………………………………………………………………………………………………………………
اما عند ناهد كانت قاعده فى الاوضه وشويه ودخل عليها جلال.
ناهد:كنت فين ياجلال؟؟
جلال:كنت بشوف مريم.
ناهد بضيق:مالها زفته؟؟
جلال:البنت تعبانه خالص ياناهد..لو تشوفيها وهى نايمه مش حاسه بالدنيا من كتر تعابها..شكلها واخده دور جامد.
ناهد بشر:يارب م تقوم منه.
جلال بغضــ . ــب:حرام عليكى..ليه بتقولى كده اتقى الله ياناهد..اتقى الله فى البنت عشان ربنا يرحمك ده انتى هتشوفى يوم.
ناهد:جرالك ايه ياجلال..انت بتكلمنى كده عشانها..اه م انا نسيت انها الملاك الطاهر البريئ بالنسبالك انت وابنك وانا بالنسبه لكو الشيـ . ـطان الوحش صح.
جلال:انا مش هرد عليكى..عشان زهقت من كتر الكلام معاكى فى الموضوع ده..بس ياناهد انا بحذرك تضيقى البنت دى تانى..عشان انا جبت اخرى معاكى خلاص.
………………………………………………………………………………………………………………………………………………………………………………………………………………………………………………
ومع سكون الليل والصمت خايم على القصر كله والكل نايم..فى اوضة يارا رن موبايلها فقامت من النوم بضيق وهى بتشتم اللى بيتصل بيها دلوقتى.
وردت بضيق:الوو.
ياترى ايه اللى هيحصل؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!
