زواج غير تقليدي ٣

#زواج_غير_تقليدي_21

اسرعو الاطباء بأخذ عمر الى قسم الطوارئ و رافقهم ماهر لانه يعمل طبيب في تلك المستشفى

وقفو الجميع في ممرات الانتضار يغلب عليهم القلق و الخوف و اصوات البكاء التي ملأت المكان،، و يقف محمود بعيد عنهم يشعر بمشاعر مختلطه ، شعور بالذنب و شعور بالانتصار في نفس الوقت و لكن الشعور الغالب عليه هو القلق الشديد

و بعد مده من الانتضار يخرج ماهر مع طبيب اخر ليتحدث معهم

ركض الجميع عليه بسرعه ليطمئنو على حالة عمر

فاطمة،، طمنوني الله يخليكو ابني عامل ايه

لم يرد عليها ماهر و لكن الطبيب اللذي معه بدأ بالحديث معهم

الطبيب،، للأسف هو عنده انهيار عصبي ،، الضاهر انه اتعرض لصدمة او ضغط نفسي جامد و هو ده اللي وصلو للحاله دي

شعرو الجميع بالأسى على حال عمر و لكن الكل كانو بحيره ، ما هو السبب الحقيقي للأنهياره بهذا الشكل

فاطمة،، و هي تبكي ،، يا حبيبي يا عمر هو طول عمرو بيكتب قي قلبه و يخبي

بسمة ،، اقتربت من الطبيب و الدموع في عينيها ،، هو حيخف يعني ، حيبقى كويس

الطبيب،، ان شاء الله بس عشان يخف هو محتاج علاج نفسي الاول و ده مش بس عشان الانهيار العصبي و كمان عشان يوافق……

اوقفه ماهر بسرعه ،، من فضلك يا دكتور ، انا حشرح كل حاجه
الطبيب
بتفهم ، اكيد ، انا حبقى موجود في مكتبي لو حبيتو تسألو اي سؤال

محمود،، بغضب،، تشرحلنا ايه متتكلم يا ماهر

ماهر بضيق شديد،، اتفضلو معايا على مكتبي عشان نقدر نتكلم براحتنا

……………………………….……….………….………….……

في مكتب ماهر ،،،،،

محمود ،، انا عايز اعرف هو حيتعالج ازاي ، حندخله مصحه و له حنعمل ايه

ماهر،، بعصبيه،، مصحة ايه و زفت ايه ،، انا عايز اعرف انت ازي متخيل ان عمر مدمن ، هو من امته كان بتاع الكلام ده

محمود،، انت اللي مش فاهم حاجه، انا بنفسي رحت و سألت عن الدوا اللي هو بياخده

ماهر، بأستغراب ،، و انت فاكر ان دوا عمر ده مخدرات

محمود،، ايوا قالولي انه مسكن قوي جدا و ممكن يعمل ادمان ، و بما ان عمر بياخده من غير ما يبقى محتاج مسكنات يبقى واخده عشان يخدره و كل الاعراض اللي بتجيلو و سرمحته مع الستات و شرب الخمره و تقولي مش مدمن……

ضرب ماهر المكتب بيده و صرخ بقوه ،، انت مش ممكن تكون اب ، انا ازاي اتخدعت فيك المده دي كلهه ده عمر استحمل كل حاجه عشانك انت بالذات و بيقول ابويه قلبه تعبان و مش حيستحمل

محمود ،، استحمل ايه بالضبط انت مخبي علينه ايه
فاطمة،، اتكلم يا بني انا قلبي حيوقف خلاص ابني مالو

لم تستطيع بسمة ان تسأل ماهر ، لانها قلبها اخبرها ان عمر في خطر و ما يخبئه عنهم ماهر هو شئ كبير

محمود،، انت ساكت ليه يا تتكلم يا تسيبنا نروح نشوف فيه ايه

ماهر ،، بصراخ،، عمر عندو ورم في المخ !!!!!!!!!!!!!!!!!

توقف الجميع عن الحديث و كأن الخبر نزل عليهم كالصاعقة ، انفجرت فاطمة بالبكاء اما محمود فلم يستطيع ان يتحرك من مكانه ضل واقف في مكانه و عينيه معلقه على ماهر يتمنى ان يغير كلامه او يكون ما يسمعه كابوس طويل …..

استندت بسمة على ريم و جلست على اقرب كرسي و بدأت الدموع تنهمر من عينيها

ريم،، اهدي بس يا بسمة ،، طب اتكلمي متسكتيش كده

نطقت بسمة اخيرا و بصعوبه ،، عمر حيمو,ت و يسيبني لوحدي ، عمر بيمو,ت ازاي ، ازاي

كانت تكلم نفسها بدون ان تفهم اي تفاصيل شعرت ان عمر يمر باصعب وقت في حياته و هي غير قادره ان تفعل اي شئ لتساعده

ماهر بعصبيه ،، يعني سكتو كلكو و لا فاكرين لسه انه مدمن، ثم التفت الى محمود ،، حرام عليك الادويه اللي كان بياخدهه عمر مسكنات ، عارف يعني مسكنات عشان ترحمه من الالم اللي كان بيحس بيه و مستحمله عشانكو كلكو

فاطمة، ازاي بس مش فاهمه يعني عمر كان عارف و مخبي علينه و مستحمل كل ده لوحدو

محمود،، ابني عندو ورم ، طب ليه مقلناش عشان نساعده ليه بيخبي علينه ، مش ممكن يكون مستهتر للدرجه دي

استفزت كلمة مستهتر ماهر جدا و قرر ان يكشف كل التفاصيل التي يعرفها وبدأ بالكلام بصوت عالي جدا و عصبيه مفرطة

مستهتر،،، هي دي فكرتك عن عمر مسهتر بعد كل اللي انت عملته فيه

محمود ، بتهكم، انا عمري مأذيت عمر

بدأ ماهر بالتصفيق و الصراخ بصوت عالي

برااافو ،،،،، طبعا انت عمرك مهتميت انك تعرف الحجات اللي بتأذي عمر اصلا ،، فاكر لما اترجاك عشان تبعت مراد بدالو اسكندرية و انت اصريت ان هو اللي يروح
فكرت و لو للحضه واحده هو ليه مكانش عايز يسافر ،، عشان اليوم ده كان واخد اول جلسة علاج كيميائي

محمود، بصدمة، ايه علاج كيميائي

ماهر،، ايوا، عارف يعني ايه انك تطلب منه يسافر و هو مش قادر يوقف على رجلو ، و طبعا انت مش عارف اللي حصل هناك لما كان حيغمى عليه من التعب و اللي قلقو عليه العمال مش حضرتك ، كل مره كان بياخد العلاج بيبقى حيمو,ت ويرتاح و انتو كلكو بدل ما تسيبو يرتاح بتقولو عليه انه مهمل و عايز ينام وبس ، اهم حاجه عندك الشغل

فاطمة ببكاء ،، ياعيني عليك يا حبيبي استحملت كل ده لوحدك

محمود،بحزن،، عمر كان تعبان طول الوقت ده

ماهر ،، ايوا تعبان و بيمو,ت كمان و انتو كلكو مش حاسين بيه ، حرام عليك فالآخر بتقول انه مدمن

بسمة،بدموع ، يعني هو لما كان بينام كتير و يتعب بسرعه و كل اللي كان بيحصل ده من الورم

ابتسم ماهر بسخريه،، ايوا مكانش بيمثل يا بسمه زي مكنتي فاكره ، و على فكره انت كمان ضلمتي جدا

بسمة،، انا مكنتش عارفه ، والله لو كنت عارفه عمري مكنت قلت انه بيمثل

ماهر،، لا يا بسمة انتو ضلمتوه بموضوع ندى

بسمة،، لا يا ماهر موضوع ندى ده انا شفته بعنيه

ماهر،، قصدك شفتي اللي ندى عايزاكي تشوفيه ، من فضك يا ريم شغلي التسجيل عشان انا مش مستحمل ضلم عمر اكتر من كده

استغربو الجميع من كلام ماهر و لكن زال استغرابهم بسرعه عند سماعهم الشريط

استمعت بسمة لكل حرف قالته ندى و كاد قلبها ان يتوقف من المشاعر الكثيره التي تشعر بها ، تشعر بفرحه كبيره لأنها اكتشفت ان عمر برئ و لم يخونها ابدا و لكنها فرحتها تنغصت بالدموع عندما تذكرت ضلمها لعمر ،وتلك المعامله الجافه ، تذكرت كيف كان يحاول ان يسعدها بكل الطرق و لكنها لا تتجاوب معه و صدقت كلام ندى بكل سهوله ، غلبتها الدموع و انفجرت بالبكاء و هي تشعر بالذنب الكبير تجاه زوجها

محمود ،، يعني عمر مكانش عنده اي علاقه بندى و لا غيرها

ماهر،، هو فأيه وله فأيه ، عمر تعب اوي و الكل ضغط عليه و الانهيار العصبي اللي حصلو ده من الضغط من كل حته

محمود ،، يعني الورم ده خطير و لا بيتعالج

ماهر ،، ايوا خطير و عمر كان بيتعالج بس من فتره بطل كل انواع العلاج و مبياخدش غير المسكنات

محمود،، هو وقف العلاج ليه؟؟؟

ماهر بحزن،، لما حصلت الخناقه بينه وبين بسمة قرر انه مش حيتعالج

فاطمة،، طمني يا بني هو لو رجع يتعالج تاني حيخف

ماهر،، الامل موجود بس العمليه صعبه بس الاهم من كده ان عمر مش موافق يعملها

بسمة،بصدمة،، ليه مش موافق

ماهر ،، عمر بيمر بأزمه نفسيه صعبه و لما اتهمتو بالادمان ده كمل عليه ، هو فاقد الامل في الحياه و مش عايز يعيش اصلا ، لما خبى عليكو مكانش عايزكو تتعذبو معاه ولا تزعلو عشانه

فاطمة بحزن ،، خاف علينا اكتر من نفسه ، احنا حنعمل ايه دلوقتي

ماهر ،، حنستنى نشوف الاشعات و التحاليل و نعرف حالته وصلت لأيه و بعدين نشوف حنعمل ايه

بسمة،، انا عايزه اشوفو

ماهر،، منصحكيش بكده ، كفايه اوي اللي حصل النهارده سيبو يستريح شويه

بسمة،، ارجوك يا ماهر لازم اشوفو

ماهر ،، ماشي يا بسمة ، بس ارجوكي متتكلميش معاه فأي حاجه

بسمة،، حاضر

…………….………………………………………………………

دخلت بسمة بخطوات بطيئه الى غرفة عمر حتى وصلت الى سريره ووجدته مستسلم تماماً ، مستلقي على السرير بلا حركه مربوط بأسلاك و اجهزه كثيره و لكن عيناه مفتوحه معلقه بالسقف لا يتحرك او يتكلم

بسمة، ببكاء،، انت صاحي يا عمر

لم يرد عليها وكأنه في عالم اخر

بسمة،، انا مش عارفه اقول ايه يا عمر ، مش قادره اطلب منك تسامحني لاني انا مش قادره اسامح نفسي ، انا اسفه على كل مره ضلمتك و شكيت فيك،، اسفه يا عمر عشان محسيتش بيك و انت بتواجه المرض ، انت احلى حاجه فحياتي يا عمر ، اوعى تستسلم و تسيبني
احتضنت كفه وهي تبكي بحرقه،، ثم وضعت يده على بطنها ،، انت مش حيهون عليك تسيبني و لا تسيب الطفل اللي لسه مشافش حنيتك و حبك ، انا حستناك العمر كله و عارفه انك حتتخطى الازمه دي و حنهزم المرض مع بعض ، انا مش عايزاك تخاف عليه انا اقدر استحمل كل حاجه ، و عارفه انك تقدر ترجع زي زمان ، ثم ابتسمت،، فاكر لما رحنا تعشينا في المركب مع بعض و انت علمتيني الرقص،، انا كنت مكسوفه اوي و خايفه بس لما لمستني بأيدك و علمتني كل حاجه حسيت اني بأمان معاك و اني ملكت الكون ده كله ، انت حياتي كلهه ياعمر بحبك ،،،،،

نزلت دمعه حزينه من عيون عمر و لكنه لم يقل اي شئ

أنهمرت دموعها لرؤيته بهذا الشكل و خرجت من الغرفه بسرعه كي لا يراها و هي منهاره بالبكاء

#زواج_غير_تقليدي_22

مرت ثلاثه ايام و عمر على نفس الحاله ، لا يتكلم و لا يتحرك ، لا يؤثر به اي شئ ، حاولو الجميع الحديث معه لكنه على نفس الحاله

فاطمة،، انت السبب يا محمود ، انت اللي وصلتو لكده حرام عليك

محمود،، انا مكنتش عارف انه تعبان ، والله مكنت عارف انه تعبان

فاطمة،، و حتى لو مش عيان ،ده ابنك ليه بتعذبو كده ، لو مهما عمل برضو بتحسسو انو فاشل

محمود،، انا كنت عايزو يطلع راجل و ميبقاش مستهتر

فاطمة،، بس هو راجل فعلا و شهم و مبيرفضلكش اي طلب حتى لو على حساب راحتو

محمود،، كفايه يا فاطمة مش قادر اسمع حاجه

فاطمة،، ببكاء ،، ابنك بيمو,ت يا محمود عارف يعني ايه بيمو,ت

لم يستطع محمود الرد عليها و اكتفى بتأنيب الضمير الذي يشعر به
………………………………………….. ….

في المستشفى كانت بسمة جالسه بجانب سريره لم تفارقه و تتكلم معه بلا ملل رغم انه لا يرد عليها

سماح،، انا مش قادره اصدق ان عمر ف الحاله دي حاسه اني بحلم

مراد،، ربنا يشفيه بس هو لازم يعمل العمليه

سماح ،، وحنقنعه ازاي اذا كان مبيتكلمش مع حد خالص

مراد،، انا في حاجه في دماغي كده بس مش عارف حتجيب نتيجه وله لا

سماح،، حاجة ايه ؟؟

مراد،، سيبك من الكلام ده دلوقتي هو عمر عامل ايه

سماح،ببكاء، زي ما هو مبيتكلمش انا حاسه ان حالتو بتدهور كل يوم و انا مش بأيدي اعمل حاجه

مراد،، احتضنها بحنان،، انشالله حيقوم بالسلامه ادعيلو انتي بس

سماح،، يارب يا مراد ، يارب
……………………………………………….………………

في غرفه عمر استمرت بسمة بالكلام معه حتى دخل الطبيب النفسي

دكتور عادل ،، صباح الخير يا مدام بسمه
بسمة،، صباح النور يا دكتور

دكتور عادل ،، ايه يا عمر عامل ايه النهارده يا بطل

لم يجيب عمر على سؤال الطبيب

بسمة،، هو مش بيرد علينا ليه يا دكتور

الطبيب،، ممكن نتكلم بره

خرجت بسمة برفقه الطبيب خارج غرفة عمر و انضمو فاطمة و محمود لهم

محمود،، طمني يا دكتور

الطبيب،، انا مش حخبي عليكو حالتو النفسيه سيئه جدا و محتاج علاج نفسي عشان يقدر يتغلب على الازمه اللي بيمر بيهه

بسمة،، هو ايه اللي حصل ده فجأه بطل كلام تماماً
الطبيب،، الضغط اللي تعرض ليه مش سهل ابدا المرض و الالم ده غير انه كان مستحمل كل حاجه لوحدو و اكيد موضوع انكو تفتكرو ان هو مدمن ده صدمه كبيره اوي و من اقرب الناس ليه

تحول نضر الجميع على محمود و هو يحاول اخفاء دموعه
بسبب كل لحضه ضلم ابنه و شك فيه ……

بسمة،، هو احنا يا دكتور قدامنا وقت عشان العلاج النفسي، اصلو لازم يقتنع بالعمليه الاول

دكتور عادل،، انا مسؤول عن حالتو نفسياً و اكيد هحاول اتكلم معاه في موضوع العمليه بس الافضل تتكلمو مع
دكتور ماهر عشان تعرفو نتيجه التحاليل و الاشعات عشان نعرف قدامنا وقت قد ايه

فاطمة،، هو ماهر فين صحيح

دكتور عادل،، اكيد في المكتب

محمود،، متشكرين يا دكتور احنا هنشوف هو فين

………………………………………………………………

ذهبو الجميع للبحث عن ماهر حتى وصلو مكتبه ليجدوه نائم على الكرسي بتعب واضح

الممرضه،، معلش يا جماعه مينفعش تتكلمو مع دكتور ماهر دلوقتي

محمود،بأستغراب، هو نايم هنا ليه؟

الممرضه ، بيقولو ان صاحبو هنا في المستشفى ومن ساعه ما دخل المستشفى و دكتور ماهر منامش خالص ده لسه حالاً كان ،،،،

قاطعها ماهر و هو يصحو من نومه بصعوبه ،، خلاص انا صاحي اتفضلو يا جماعه

فاطمة،، معلش يا بني صحيناك من النوم و انت تعبان

ماهر،، لا ابدا مفيش مشكله

محمود ، هو عمر حالته ايه دلوقتي
ماهر بضيق،، حالة عمر بتتدهور بسرعه ، الورم ضاغط على اماكن حساسه جدا في المخ و ده هيخلي العمليه اصعب جدا و لو استنينه اكتر من كده فرصه نجاح العمليه حتقل جدا

محمود ، بخوف ،، و مستنين ايه متعملولو العمليه
ماهر،، عمر مش موافق و الحل الوحيد اللي ممكن يخلينا ندخله العمليات ،،،

بسمة،، كمل يا ماهر وقفت ليه

ماهر ، الحل الوحيد ان ادكتور النفسي يكتبلنا تقرير ان
عمر مش فحاله نفسيه تسمحلو انه ياخد القرار بخصوص صحته

محمود،، خلاص اكتبو التقرير ده و اعمل العمليه

ماهر ، بعصبيه، العمليه لو اتعملت و عمر مش موافق انا ممكن اخسره طول عمري و انتو كمان

فاطمة،، يا بني هو مش دريان بنفسه يبقى احنا لازم ننقذو من اللي هو بيعمله

بسمة،، مفيش اي حل تاني

ماهر ، للأسف عمر يائس جدا ومعندوش اي امل و لا حتى عايز يعيش و العلاج النفسي بياخد وقت و احنا مفيش قدامنا اي وقت نضيعو

قاطع كلامهم صوت الممرضه و هي تنادي على ماهر

الممرضه ،، الحق يا عمر الاستاذ عمر بي….
و قبل ان تكمل كلامها ركض الجميع على غرفه عمر بأقصى سرعه

عندما وصلو الى غرفه عمر وجدوه يعتصرالغطاء بيده و تضهر عليه علامات الالم الشديد و صوت أنينه الخافت يملأ ارجاء الغرفه

هذه المره الاولى التي يدخل فيها محمود الى غرفة عمر
صورة عمر بهذا الشكل وهو يتألم هزت كل معاني الابوه في قلب محمود،،، تذكر شكل عمر و هو صغير و متمسك به ليذهب معه الى العمل

في لحضه واحده تغيرت كل القسوه التي سكنت قلبه لسنين طويله الى حنان جعل دموعه تنهمر بقوه لرؤيه عمر بهذا الشكل

تمسكت بسمة بيد عمر فضغط عليها بقوه و كأنه يتوسل اليها لتساعده

ماهر،، اهدى يا عمر دقايق و مش حتحس بأي حاجه

بسمة،، عمر انا معاك و مش هسيبك انا عايزاك تستحمل شويه و بكرا حتدخل العمليات خلاص و نخلص من الكابوس ده

صعق الخبر عمر لدرجه انه نطق و لأول مره بعد ثلاثه ايام من السكوت التام

عمر ،بصراخ ، مش حعمل العمليه

فاطمة،، هدي نفسك يا بني ان شاء الله حتبقى كويس و تقوم بالسلامه

التفت عمر على ماهر بتوسل،، انت وعدتني

ماهر،، انا اسف بس انت لازم تعمل العمليه ، لازم تعيش يا عمر عشان ابنك اللي جاي و اهلك و مراتك و عشاني

عمر،، انا مش عايز اعيش اكتر من كده ، انت وعدتني

بسمة،، متقولش كده ارجوك انت هتعيش و حترجع زي زمااان

محمود،، استريح يا عمر ، بكرا وراك عمليه

انتبه عمر لوجود والده في الغرفه و فجأه بدا ينكمش في مكانه و قال بصوت ضعيف،،، انت عايز مني اي انا معنديش حاجه تانيه اديهالك ، سبني فحالي بقه

محمود بحزن،، انا يابني عايز اساعدك

عمر،، انت مش حتلحق تعمل اي حاجه انا همو,ت قبل ما تفكر انك تأذيني

فاطمة،، يا بني ابوك بيحبك مش عايز يأذيك

عمر بصوت خافت و قد بدأ المخدر يعمل مفعوله ،، ابعدو عني انا مش عايز حد ، كلكو بتكرهوني

بسمة ،، لا انا بحبك و عمري محبيت حد غيرك

عمر،، خلي بالك من ابننا ،، انا كان نفسي اشوفو اوي

بسمة،، لا يا عمر انت مش حتستسلم بسهوله احنا حنربي ابننا سوه و مش حنسيب بعض تاني

لم يرد عليها و استسلم للنوم بهدوء

ماهر،، سيبو يرتاح يا جماعه و بكرا حيدخل العمليه حتى لو مش عايز لازم ناخد القرار بداله هو مش قادر يحدد هو عايز ايه

بسمة،، تفتكر حيبقى كويس

ماهر ،، العمليه صعبه اوي و مكان الورم خطير بس مقدمناش حل تاني

فاطمه و هي تبكي،، منضرو قطع قلبي ، شفت يا محمود بيتعذب اد ايه

محمود جلس على اقرب كرسي و هو مصدوم ، لم يكن يعتقد انه هو السبب في ما حصل لابنه الوحيد

طلب ماهر من الجميع الذهاب الى المنزل و لكن بسمه اصرت على البقاء بجانب عمر و استغلت فرصه نومه و هي تصلي و تدعو ربها كثيرا ان تنجح العمليه ثم اتصلت بريم و اخبرتها عن موعد العمليه،،،، لم تنام بسمة سوى ساعات قليله ، القلق على عمر و الخوف من نتيجه العمليه لم يدعها تنام ……….
……………………….…………………………………………………. ..

في اليوم التالي جلست بسمه في الكافتيريا بأنتضار وصول خالتها و ريم و ايضاً عائلة عمر

جلس بجانبها ماهر وهو يحمل فنجان القهوه

ماهر ،، انت مروحتيش من امبارح صح

بسمة،، لا مقدرتش اسيب عمر و انت كمان شكلك مطبق من امبارح

ماهر،، انا بقالي يومين منمتش

بسمة،، هو انت اللي حتعمل العمليه لعمر

ماهر ،، انا حدخل العمليه بس مش انا اللي هعملهة ، في دكتور كبير اوي اخصائي و شاطر جدا هو اللي هيعملهه

بسمة،، انا خايفه اوي و حاسه ان فيه حاجه هتحصل

ماهر،، متخافيش ان شاء الله حيقوم بالسلامه بس انت خليكي جانبو هو محتاجلك اوي الفتره دي ، على فكره هو طول عمرو بيحبك و لما رفض يتجوزك فالأول كان عشان ميضلمكيش
بسمة،، انا حاسه اني عايزه اعتذرله الف مره ، مش متخيله ازاي هو استحملني كل الفتره دي من غير ميقلي

ماهر،،انا مبسوط اوي انكو قربتو لبعض تاني

بسمة،،انا مش عارفه ازاي اشكرك على اللي عملته لولاك كانت ندى عملت اللي فدماغها و فرقتنا عن بعض

ماهر ،، اللي عملته ده كان طبيعي جدا ، عمر ده اخويه و انت يا بسمه بقيتي اختي ، و لولا ريم كمان مكنتش عرفت اعمل حاجه

بسمة ،، معاك حق انا نسيت اشكرهه ، بس هيه جايه دلوقتي جايه

ماهر بحماس و ابتسامة ،، بجد ريم جايه ،، قصدي ان هم جايين كلهم

لاحضت بسمة حماس عمر و ابتسمت ،، ايوا خالتو اصرت انها تيجي و ريم و وليد هييجو معاها

ماهر بتوتر ،، وليد مين؟؟

فأشارت بسمة بأصبعها ، هو اللي هناك ده اللي واقف جنب ريم

اجتمعو الجميع في الكافتيريا بعد وصول عائله عمر ، اما ماهر فكان يفترس وليد بنضراته وهو جالس بجانب ريم

ماهر،، كويس ان الكل متجمعين هنا ، ياريت لما تدخلو لعمر تحاولو تطمنو و تحسسو ان الكل مسنين انه يخرج بالسلامه بس ياريت محدش يضغط عليه عشان يتكلم

بسمة،، ايه رأيكو نروح لعمر ، اصل انا سايبه من نص ساعه عشان كنت مستنياكو

انطلق الجميع الى غرفه عمر و حين وصولهم الى الغرفه اكتشفو الكارثه الغير متوقعه
لن ينسى اي احد منهم ذالك اليوم و ذالك المنضر المؤسف

فور دخولهم الغرفه وجدو عمر على ملقى على الارض و هو غارق في دمائه …….

#زواج_غير_تقليدي_23

تعالت صرخات الجميع من هول الصدمه ، كل منهم تذكر لعمر اجمل لحضاته معهم و اليوم هو ملقى على الارض غارق في دمائه ، يضهر الوهن على كل جزء من جسده ، لم يعد عمر ذالك الشخص المتماسك رغم كل الضروف ، لم يعد الابن المطيع و الزوج الرومانسي و الاخ المثالي …… انه اليوم الضحيه ، انسان لايمتلك من القوه حتى القليل يهرب من ذكرياته و مخاوفه بكل الطرق واليوم قرر ان ينهي رحله العذاب لينتقل الى حياه افضل لا يوجد فيها ضلم ولا الم و لا قسوه انها الحياه التي سينتهي مطاف كل منا اليها ،،،، الآخره ، المو,ت ، الاستسلام
في لحضه ضعف قرر عمر ان ينهي حياته بنفسه و يتخلص من كل هذا العذاب #……………….
:
:
:
:

كانت بسمة اول من دخل غرفه عمر و صدمتها جعلتها تصرخ بكل ما اوتيت من قوه ،، تجمعت العائله بفزع من صرخاتها ليفاجأو بعمر و هو على الارض محاوط بالدماء

قفز ماهر بسرعه ليسعفه ثم اتى طبيب اخر و بعض الممرضات و اخذوه بسرعه الى غرفه العمليات

فاطمة،،و هي تبكي ،، ابني مات خلاص مات

سماح ،،و يديها ترتجف من الصدمه،، لا عمر عايش مش حيسيبنا عمر لازم يعيش

اما محمود جلس على الارض في الممر و هو في اقصى مراحل الصدمه ، و يبدو على وجهه الرعب

رجاء،،احتضنت بسمة،، متعمليش كده في نفسك يا بنتي هيجرالك حاجه انت حامل،، ادعيلو ربنا يكون معاه و يشفي

بسمة كانت تبكي بمراره و صوت عالي في حضن خالتها حتى ان بعض المرضى بدأو بالبكاء من شده تأثرهم و حزنهم عليها

ريم،، هو فيه ايه انا مش فاهمه ايه الدم ده

وليد ، بحزن ، هو كان بينزف ؟ انا كمان مش فاهم حاجه بس منضرو كان صعب اوي

ريم،، ربنا يشفيه دي ريم هتتجنن

جلس مراد بجانب محمود،، هدي نفسك يا عمي ارجوك مش عايزين تتعب انت كمان

محمود بأسى،، انا عارف ان انت و عمر صحاب ، هو

عمر كان بيكرهني للدرجه دي ؟

مراد اخفض رأسه بحزن ،، بالعكس ،، عمر كان معتبرك مثله الاعلى ، بيعمل كل حاجه حضرتك تطلبهه من غير متتكلم و بيحاول يرضيك بأي طريقه بس حضرتك بصراحه عمرك مقلتلو كلمه حلوه و لا شكرتو

محمود،، انا مكنتش اقصد اهزئو ولا ابهدلو ، كان نفسي طول عمري ان هو يبقى احسن مني ، بس انهارده ابني بيمو,ت بسببي

نزلت دموع مراد ،، كلنا غلطنا يا عمي ، انا من فتره حاسس ان هو تعبان في الشغل بس افتكرت انه مجرد ارهاق

محمود بتعجب،، هو كان بيتعب في الشغل

مراد ،، انا عمري مركزت في الموضوع ده بصراحه بس من اسبوعين تقريبا كان عندنا معاد مع التجار و في وسط الاجتماع …… بدأ مراد بالتذكر

عمر،بوهن، مراد ممكن تعرض البضاعه بدالي

مراد ،، ليه انت كويس

عمر ، بتعب، انا حاسس بدوخه بسيطه و مش قادر اكمل الاجتماع ممكن تكمل بدالي

مراد ،، ايوه طبعا ،، خلاص استناني في العربيه لو تعبان

عمر ،، ماشي

مراد،، و بعد الاجتماع رجعت العربيه و لقيت عمر بيتقيئ

مراد ،، فيه ايه يا عمر انت تعبان بجد

عمر،، لا انا الضاهر كلت حاجه مش نضيفه

مراد ،، انت اللي صممت تاكل من اكل الشارع بس لونك مخطوف اوي متأكد انك كويس

عمر ،بتضاهر ،، ايوا طبعا بس يلا سوق بسرعه عايزين نلحق نرجع عشان نسلم الورق لبابا في المعمل

مراد ،، وانت حتقدر تروح المعمل و تكمل شغل

عمر،، ايوا يا عم انا كويس بس اوعى تقول لحد في البيت لحسن يقلقو عليه

سالت دموع محمود ،، افتكرت ،، اليوم ده لما رجع كان بيجري بسرعه على اوضتو و انا طلعت وراه و شفته بياخد الحبايه

مراد،، استحمل كتير و احنا مش حاسين

محمود ،، حاسس ان روحي بتطلع يا مراد ، ابني في العمليات و انا متكتف و مش قادر اعمل حاجه ……

بعد مده ليست بالقصيره خرج ماهر و من غرفه العمليات

بسمة ، بخوف ،، عمر عايش ؟

ماهر ،، الحمد الله لحقناه في الوقت المناسب

فاطمة ،، الف حمد و شكر ليك يا رب
اطلق محمود زفير الراحه،، هو ايه اللي حصل كان بينزف ليه

ماهر بحزنن،، ده مش نزيف ، بصراحه عمر حاول #بس الحمد الله الجرح كان سطحي و الضرر قليل اوي

كادت الصدمة تفقد بسمة توازنها فأتكأت على ريم و هي تبكي

سماح،بصدمة،، يعني اخويه كان عايز #نفسه

فاطمة،، اااه يا بني و انفجرت بالبكاء

قطع حديث ماهر صوت الممرضه

الممرضه ،، دكتور ماهر ممكن ،،،

قاطعها ماهر، بعصبيه ،، انا مش عايز اشوف وش اي حد فيكو انهارده ،، ايه الاهمال ده ازي يحصل كل ده و انتو مش حاسين

الممرضه،، لا يا دكتور انا رحت عشان اتطمن عليه بس هو طلب ان محدش يدخل عندو عشان عايز ينام و طلب مني اديك الجواب ده

ماهر بأستغراب،، جواب ايه

فتح ماهر الرساله التي كتبها له عمر

الى اخويه وصاحبي ماهر
انا عارف انك نفسك اعيش و عارف انك حتعمل العمليه حتى لو انا رفضت ،، بس انا تعبت مش عايز اعيش اكتر من كده ، انا بتعذب و مهما حاولت انا مش حعمل العمليه دي عشان انا لو عشت هبقى انسان فاشل و زوج و اب فاشل ، كان نفسي اوي اشوف ابني بس عارف انك حتخلي بالك منه و من بسمة ،،،
انا عارف ان #صدمة …. بس المو,ت حيبقى افضل بكتير من اني اعيش وسط ناس بتكرهني ارجوك متجبنرنيش على الحياة ،،، سامحني

بعد ان قرأ الرساله سالت دموع ماهر رغم انه حاول ان يخفيها و لكنه شعر #تنغرس في قلبه فترك الجميع في حيره من امرهم و ركض بسرعه الى مكتبه

قلقت ريم جدا على ماهر و قررت الذهاب الى مكتبه

وليد ،، انت رايحه فين

ريم بتلعثم،، انا بس هجيب عصير لبسمة عشان تهدى

وليد ،، بسرعه متتأخريش

ريم،، حاضر

ذهبت ريم بخطوات سريعه جدا الى مكتب ماهر و هي لا تعلم لماذا قادها احساسها اليه رغم انه يعتبر غريب عنها، شعرت بالخوف عليه و الحزن على حاله ،

وجدت الباب مفتوح قليلاً ، طرقته ولكن لم يجيبها احد و لكنها دخلت

وجدته جالس على الارض يضع رأسيه بين كفيه و دموعه لا تتوقف ، جلست على الارض بجانبه و قالت

ريم،، انت كويس؟

ماهر،ببكاء، كان هيمو,ت بسبببي انا

ريم،، ازاي ده انت اللي انقذته

ماهر ،، انا اللي كنت عايز اعمل العمليه ضد رغبته كنت فاكر انه هيعمل العمليه و يرتاح مكنتش اعرف انه يأس من الدنيا بحالهه

ريم،، مينفعش اللي انت عاملو فنفسك ده ، انت لما قلتلي انك عايز تكشف لعبة ندى انا احترمتك اوي عشان مفقدتش الامل و كنت عايز تساعد صاحبك و انا كمان كان نفسي اساعد بسمة ، مينفعش تحس بالذنب دلوقتي انت لازم تكون جنب عمر و ترجعلو الامل في الحياه تاني انت لو سبتو هيضيع

ماهر،، انا بقالي اسبوع هنا خايف اسيبو لحضه واحده حاسس انه ممكن يحصلو حاجه فأي وقت و حالته تدهور

ريم،، ربنا يشفيه بس انت لازم تتماسك عشان تقدر تساعدو

ماهر ،، بأبتسامه،، يا سلام على الحكمه و العقل

ريم، بأبتسامه،، انا اللي غلطانه اني بواسيك

ماهر ،، انا بهزر معاكي ، متشكر بجد انا كنت حنفجر و كلامي معاكي ريحني جدا، على فكره انت عقلك بجد اكبربكتير من سنك

ريم،، مرسي هههه يلا بقه قوم عشان انا عايزه اتطمن على بسمة

ماهر ،، امرك يا فندم ههههه

………………………………………….. ……………….

في غرفه عمر كان نائم بهدوء و عائلته يجلسون بجانبه
و بعد قليل فتح عمر عينيه

بسمة،، عمر حبيبي انت صحيت

نضر اليها بعدم تركيز

فاطمة،، حمد الله على سلامتك يا حبيبي ، ليه عملت فنفسك كده يابني عايز تحرق قلبي عليك

سماح،، بالراحه يا ماما الدكتور قال بلاش نتعبو

لم يقل محمود اي شئ ، شعر بخوف على عمر حتى من صوته

ثم دخل ماهر الى الغرفه

ماهر ،، رعبتني يا اخي حرام عليك اعصابي مبقتش مستحمله ليه بتعمل فنفسك كده

نضر اليه عمر بنضره عتاب و غضب

ماهر،بندم ، انا اسف بس مقدرتش اسيبك تمو,ت و اقف اتفرج

اقتربت بسمة لتمسك يده فأبعدها بسرعه و ازاح بوجهه عنهم
فاطمة ،، ليه يا بني بتعمل فنفسك و فينا كده

لم يرد عليهم و لكن ملامح الغضب ملأت وجهه

بدأت الاحاديث الجانبيه تدور في الغرفه كل منهم يتحدث في شئ الا محمود فقد تعلق نضره بعمر و كأنه يخاف ان يغفل عنه و لو للحضه

فاطمة،، يا بنتي قومي ريحي شويه يعني انت بتتعبي نفسك و اللي فبطنك ده ذنبه ايه

بسمة،، انا مش تعبانه يا ماما انا بس قلقانه على عمر الدكتور قال ان العمليه لازم تتعمل في اسرع وقت و انا خايفه لو اجبرنا يعمل في نفسه حاجه تاني

فاطمة،، انا مش عارفه المصايب دي بتجيلنا وره بعض كده ليه ده عمر مش طايق يشوف حد فينا و كأننه مش اهلو

سماح ،، معلش يا ماما برضو اللي مر بيه مش شويه ، كفايه بابا و اللي عمله

ريم،، يا جماعه انشالله ازمه و هتعدي بس هو محتاج شويه وقت

بسمة،، بعصبيه ،، و لو مفيش وقت حيحصل ايه ،، حيسيبني و يمو,ت يا ريم

رجاء ،، يا بنتي متقوليش كده استهدي بالله ربنا يخليهولك و يشفيه يارب

……………….………………..…….….…….…………

ثم دخل وليد الى الغرفه و سأل ماهر ،، هو مراد فين

ماهر بعنف،، مش عارف

وليد ،، منادياً على ريم ،، هو مراد راح فين يا ريري

ريم،، هو قال انه عندو مشوار مهم و حيرجع بسرعه

نضر اليه ماهر بحقد ، كيف يناديها بدلع هكذا امام الجميع من يكون هو ليكون في غرفه عمر و يجلس بجانبها

ذهبت ريم الى ماهر بخجل ،، لو سمحت فين اقرب كافيتيريا هنا

ماهر بعصبيه،، في الدور التاني

التفتت ريم الى وليد بسرعه ،، يلا يا وليد الدور التاني

استغرب من تصرفها جدا و بدأت الغيره تملأ قلبه
فقال و هو يحدث نفسه ،، اي ده و انا مالي متروح مطرح متروح و مع اللي هي عايزاه انا شاغل نفس بيهه ليه و بفكر فيهه طول الوقت

قاطع تفكيره صوت مراد
دخل مسرعاً الى الغرفه ،، و ذهب الى عمر

مراد،، انا عارف انك مش عايز تكلمنا و مش عايز تعيش و الله عارف كل ده بس انا جبتلك مفاجأه بص بس و مش هتندم

لكن عمر لم يعر اي اهتمام لكلام مراد

وسط حيره و استغراب من الجميع دخل الى الغرفه شيخ كبير في السن تكسو وجهه اللحيه البيضاء و يبدو عليه الوقار و الحكمه

الشيخ محمد ،، السلام عليكم

رد الجميع بهدوء،، و عليكم السلام

فور سماع صوته استدار عمر بسرعه و اتسعت عيناه بنضره لم يراها احد من اهله من قبل و كأنه وجد كل الامان اللذي يحتاجه في تلك اللحضه في هذا صوت الرجل

اقترب الشيخ من عمر حتى جلس بجانبه على السرير و كان عمر في صدمه ينضر اليه و كأنه طوق النجاة من كل العذاب

ابتسم الشيخ بعطف ،، ازيك يا بني

وفجأه تعالت شهقات عمر واحده تلو الاخرى و انفجر في نوبة بكاء لم يمر بها من قبل، بكاء مرير بصوت عالي يمزق قلب من يسمعه
احتضنه الشيخ من دون ان يتكلم ،، بكى عمر في حضنه كطفل وجد ابويه بعد ان كان تائه وسط الغرباء

كان الموقف مؤثر جدا فوق الوصف ، كل من في الغرفه كانو يبكون على عمر ، كان يبدو ضعيفاً جدا في احضان ذالك الرجل ، يبدو عليه الوهن و الضعف و الانكسار

اشار مراد بيده للجميع ليتركو الغرفه و فعلاً خرجو الجميع و لكن تدور الكثير من الاسئله في رؤوسهم و بالطبع انهالو على مراد بكل تلك الاسئله

محمود و الدموع في عينيه،، مين ده و علاقته ايه بعمر

ماهر،، اتكلم يا مراد ساكت ليه

مراد،، يا جماعه ادوني فرصه اشرحلكو بس

فاطمة،، قول يا بني مين ده

مراد ،، من خمس سنين كنا انا وعمر بنصلي المغرب فجامع اول مره نروحله و تعطلت بينا العربيه و الشيخ محمد كان هناك و ساعدنا و بعديها عزمنه فبيتو و كان كريم اوي معانا و بدأ يتكلم مع عمر و فعلا عمر ارتاحله اوي و كل ما كانت تحصله مشكله كان يروحله و يتكلم معاه و لو في حد ممكن يقنع عمر بالعمليه يبقى الراجل اللي جوه ده

سماح،، يا حبيبي يا عمر قد كده كان وحيد و احنا مش حاسين بيه

بسمة،، يعني كل ده بيحصل و احنا كنه بشيله هم فوق كل ده

ماهر،، بحزن،، لما كانت سماح في المستشفى ، كان هو تعبان اوي كمان و لما طلبت منه يقولكو عارفين قلي ايه

نضرو اليه الجميع بحيره

ماهر،، قال انه مش عايز ييجي يوم و تبقو قاعدين القعده دي و بتعيطو عشانو و مش عايز يخرج الدكتور و يقول ان العمليه فشلت و تتصدمو اكتر

سالت دموعهم بعد تلك الكلمات و كلٍ منهم شعر بالذنب تجاه عمر

مراد،، انا حاسس انه هيقتنع المره دي

فاطمة،، يارب يا مراد ربنا يشفيك يا بني

الجميع ،، امين
،،،،،،،،،،،،،،،،،،،،،،،،،،،،،

في غرفه عمر لم يتوقف عمر عن البكاء حتى تجرد من قواه و اصبح لا يقوى ان يكمل

الشيخ،، اهدى يا بني و قول الحمد الله

عمر،، انا تعبان اوي حاسس اني بتخنق مش قادر اعيش وسط اهلي و لا قادر اتماسك قدامهم و لا حتى قدام نفسي ثم اسند رأسه الى السرير ،،، انا تعبااان

الشيخ ،،بنضره عطف ،، عارف يا عمر من اول مره شفتك فيهه عرفت انك راجل و جدع و تستحمل كل الضروف بس يا بني مش عيب انك تضعف و تنهار ، ربنا خلق لكل واحد فينا طاقه و لما الطاقه دي تخلص انت مش مطلوب منك تقاوم و لا تستحمل اكتر

عمر،، اللي فضلت اعمله طول الفتره اللي فاتت كلو راح ، اهلي بيتعذبو بسببي و ابويه فاكر اني مدمن ، انا كان نفسي اني امو,ت فجأه من غير ميتعذبو كل يوم و انا مش بأيدي اعمل حاجه

الشيخ،، يا عمر مفيش حاجه اسمهه كان نفسي في المو,ت ده قدر ربنا بيكتبه من ساعة منتولد ،، انت ربنا بعتلك نعمه بس انت محافضتش عليهه

عمر، يعني ايه

الشيخ،، نعمه الابتلاء ،، دي احلى نعمه ربنا بيمتحن بيهه عباده عشان يعرف هيصبرو ولا يستسلمو ، ربنا بيمتحنك بصحتك و اهلك بس كمان بعتلك زوجه بتحبك و ابن او بنت في الطريق غيرك بيتمناهم و بعتلك نجاح في شغلك و دراستك و علاقتك بالناس كلهه كويسه ، ده فضل من ربنا و انت بدل ما تشكره بتحاول #

عمر ببكاء،، انا مكنش قصدي كده ، كانت نيتي ان اهلي يرتاحو و ميتعذبوش بسببي

الشيخ ،، انا عارف و ربنا عالم بالأنفس بس انت معملتش اللي عليك ، كان ممكن تعمل العمليه و تشوف لو متت يبقى هو ده اللي انت عايزوو لو عشت يبقى ربنا كاتباك حياة لازم تكملهه، ارضى بقضاء ربنا و سامح اهلك عشان مهما عملو فيك هيفضلو يحبوك مهما حصل

عمر،، انا مش قادر ،، خايف اتضلم تاني مش قادر استحمل اكتر من كده

الشيخ ،، كل الم بتحس بيه ليك اجر عند ربنا عليه انت مش لوحدك ربنا معاك دايماً و انا متأكد انك هتعمل الصح و حترجع زي زمان و احسن عشان انت جواك انسان طيب و عمرك مأذيت حد

عمر ،،بدموع،، تفتكر ربنا حيسامحني

الشيخ، بأبتسامه ،، ان الله غفور رحيم ، و عالم باللي فقلبك ، بس انت اطلب منه يساعدك و حياتك كلهه هتتغير
…………………….………………………………

خرج الشيخ من غرفه عمر و طلب منهم ان لا يدخلو الى الغرفه ثم اتجه الى محمود ،، ممكن اتكلم معاك

محمود،، اكيد طبعا اتفضل …

#زواج_غير_تقليدي_24

دخل محمود على عمر الغرفه لكن عمر كان نائم و يبدو عليه التعب
مشى بخطوات هادئه لكي لا يزعجه ثم جلس على الكرسي القريب من سرير عمر ،، اطال النضر اليه و هو يتأمل ملامح ابنه البريئه و يتذكر كل المواقف التي مرت عليهم في الفتره الاخيره و يحدث نفسه ، كيف لعمر ان يتحمل كل هذا الالم و المرض و يخفي على الجميع ذالك ، هل كنت اناني لدرجه ان ابني الوحيد كان ضحيه تلك القسوه مني،،،،

و في هذه الاثناء دخلت الممرضه و افاقت عمر لتأخذ منه عينة دم

لم يكن عمر مبالياً بما تفعله الممرضه بل كان نضره معلق بوالده ، نضرات الرعب في عيون عمر كانت صدمه لمحمود ، انه يرى ابنه الوحيد خائف لمجرد وجوده معه في نفس الغرفه ، بعد خروج الممرضه اقترب محمود من عمر

عمر بتوتر،، حضرتك عايز مني ايه

الاب، بحزن، انت خايف مني يا عمر

عمر وقد بدأ يتذكر انهياره ذالك اليوم و بدأ ينكمش في مكانه،ثم بدأ يتكلم بسرعه و عصبيه، انا مش مدمن يا بابا والله الحبايه اللي خدتها كانت مسكن مش مخدرات، انا مش كده ، انت ليه بتقول اني مدمن حرام عليك ،،،،

محمود،، اهدى يا عمر بس اسمعني انا مصدقك متخافش مني انا عايز اتكلم معاك

عمر، بتردد،، انت عايز مني ايه تاني انا تعبت خلاص مش قادر استحمل ارجوك انا عارف اني خيبتلك كل امالك و اني مش الابن اللي انت بتتمناه بس انا مش قادر اتغير و لا عارف ارضيك ازاي

محمود،و قد تأثر جدا بكلام عمر،، انا مش عايزك تتغير ، انا اللي لازم اتغير يا بني ، كل اللي انت فيه ده بسببي بس انا عايزك تسمعني عشان تعذرني

عمر،، نضر الى والده بنضره خوف و توتر

محمود ،، زمان يا عمر قبل ما اتجوز اصلا كنت عايش حياة كلهه غلط في غلط ، سبت الكليه و بقيت اخد الفلوس و اضيعهه على الشرب و الخمره و الستات ، و في يوم ابويه اجبرني اني امسك الشغل مع اخويه سمير و كنت مسؤول عن صفقه كبيره جدا و صحاب الشركه عرفو اني بسكر علشان كده لما رحت قابلتهم كانو محضرين الويسكي و الخمره و كل حاجه و انا طبعا نسيت الصفقه و الشغل و بقيت اشرب لغايه ما سكرت و هم استغلو الفرصه و مضوني على شيكات تساوي ملايين ، لما ابويه عرف استغنى عن نص الشركه ليهم عشان نقدر نسدد الفلوس و انا مروحش السجن بس ابويه طردني من البيت و ماستحملش الصدمه و مات بعديها بفتره قصيره ، مات و هو غضبان عليه ، انا عشت عمري كلو يا عمر و انا حاسس بالذنب و كل القسوه بتاعتي عليك عشان كنت خايف انك تغلط غلطتي و تعيش الحياه اللي انا عشتهه ، سامحني يا بني انا عشت طول عمري فاكر اني بحميك والنهارده اكتشفت اني السبب فكل تعبك…………

سالت دموع عمر و هو يستمع لقصه والده ، رق قلبه مره اخرى لوالده و نضر اليه بنضره شفقه

عمر،، انا … انا

محمود،، اتكلم يا عمر عايز حاجه اجيبهالك

عمر،، بتردد،، انا محتاجلك اوي يا بابا

انفجر محمود بالبكاء عندما سمع من عمر تلك الكلمات انها المره الاولى التي يشعر بأنكسار عمر، و قسوته اللتي استمرت سنوات طويله تلاشت فجأه فأحتضن عمر و بكى الاثنين من كل قلبهم ، فكل كلمات الاعتذار لا تساوي تلك الدموع الصادقه

محمود،، و هو محتضن عمر،، انا طول عمري فخور بيك يا بني ، لما كنت ابصلك و انت بتشتغل و الناس بتقلي ابنك اخلاقه كويسه و ابنك بيشتغل كويس اوي كنت بحس اني اسعد راجل في الدنيا ، بس لما شفتك بتاخد الحبايه و انت مستعجل فجأه افتكرت كل اللي حصلي زمان ، خفت عليك اوي كنت فاكر ان ربنا بيطلع فيك اللي انا عملته فأبويه ،، انت مكنتش تستاهل قسوتي عليك انا عارف بس انا غلطت سامحني يا بني

عمر،، انا استنيت منك كلمه شكر او تشجيع طول عمري، انت دايما كنت بتحسسني اني فاشل و كنت بعمل كل حاجه عشان اثبتلك اني قد المسؤليه بس دايماً كان في حاجه بتخليك متصدقنيش

محمود بندم،، ايوا لما كنت بتعمل حاجه كويسه انا مش بشجعك عشان كنت متخيل انك ممكن تتغر و تغلط ، انت احسن ابن في الدنيا يا عمر

عمر بحزن،، متسيبنيش يا بابا انا خايف اوي ..

محمود بأبتسامه ،، متخفش انا مش هسيبك حتى لو انت طردتني

عمر،، انا اسف على كل حاجه مكنتش عايزكو تعرفو عشان متخافوش عليه كده

محمود،، انت ياما خفت علينا و مش عايزنا نخاف عليك و لانقف جانبك ، انا الي اسف يا بني كنت بشغلك كتير و انت تعبان

عمر، لمس يد والده ،، بابا ممكن تستنى هنا لحد ما انام

محمود،، طبعا ، انا هنا حتى بعد ما تنام

عمر ،، بنعاس،، لاء بسمه هتفضل هنا ، انا عايز الكل يروحو عشان يرتاحو و انت كمان يا بابا اوعى تنسى الدوا بتاعك

محمود،، يا بني انت شايل هم الكل كده ليه ، ارتاح انت بس و انا هخليهم يروحو و هاخد الدوا كمان يلا بقى نام انت مش قادر تفتح عنيك .

تشبث عمر بيد والده كطفل صغير و استسلم للنوم و هو يشعر بأمان تام اما محمود فنزلت دموعه فور نوم عمر ، تذكر كيف كان عمر ينام على قدمه عندما كان صغيرا و تأتي سماح و تبعده لتجلس مكانه ثم يبدأون بالشجار ، كيف لتلك الايام ان تمضي بسرعه و تأتي مكانها ايام قاسيه و صعبه على تلك العائله، كيف لعمر ان ينام على سرير المستشفى البارد بعد ان كان ينام على قدم والده

…………..……………….….…………………………

مضت تلك الليله بصعوبه على الجميع ، ذهبو الكل الى المنزل كما طلب عمر و بقيت بسمة معه

في الصباح،،،

بسمة،، اصحى يا عمر بقه الدكتور قال انك لازم تصحى بدري النهارده

عمر، بنعاس ، الدوا ده بيخليني عايز انام طول الوقت

بسمة ،، معلش برضو حاول تشغل نفسك بأي حاجه عشان تفضل صاحي

عمر بأبتسامه،، طب ما تشغليني انت بحاجه

بسمة،، تحب اشغلك ازاي

عمر،، ممكن مثلا تديني بوسه صغيره

بسمة،، بخجل،، بس بقى يا عمر احنا فمستشفى

عمر ،، و ايه يعني هو انت مش مراتي انا بقه من حقي اخد كل حقوقي فأي حته

بسمة،، بضحك،، يا مجنون حقوقك كلهه مره واحده

عمر،، ده اقل واجب ، انا ساكت بس عشان احنا مش فالبيت

بسمة،، يا طماع ،، مش كفايه اني نايمه فحضنك طول الليل ده لو كان حد من الدكاتره دخل كنا هنتفضح

عمر،، مراتي و بحبهه فيهه اي دي

بسمة،، بمو,ت فيك يا حبيب قلب بسمة

عمر،، انا عارف اني تعبتك اوي معايا و انت حامل و محتاجه ترتاحي بس انا بجد بكره المستشفيات و لولا انك معايا كنت هربت من هنا من زمان

بسمة،، بدموع،، انا خايفه يا عمر من العمليه ، اوعى تفكر تسيبني انا مش هعرف اعيش من غيرك

عمر،، العمليه دي ربنا اللي كتبهالي و لو كاتبلي اني اعيش يبقى هعيش معاكي طول عمري و لو ،،،

بسمة مقاطعه ،، مفيش لو ، خلينا نفكر بطريقه ايجابيه

عمر،، متخافيش يا حبيبتي ،، انا بحبك

بسمة و هي تمسح دموعها ،، انا عمري معرفت يعني ايه حب غير لما شفتك ، انت في فتره صغيره بقيت كل حاجه فحياتي بعد مكنت متخيله اني خسرت كل حاجه بعد ما اهلي توفو

عمر،، انت حبيبتي مش بس مراتي ، سنين طويله و انا بستناكي و اتمنى انك تبقي مراتي و لما بقيتي مراتي بجد كنت مضطر اخليكي تكرهيني ، كنت عايز اكرهك فيه عشان متزعليش بعد كده

بسمة،، مقدرتش اكرهك ابدا كنت حاسه دايما انك بتحبني

عمر،، الضاهر اني ممثل فاشل اوي

بسمة،، ههههه بصراحه اه

عمر ،، لما شفتك و انت منهاره و بتعيطي لما عرفتي موضوع ندى حسيت اني عايز #بجد ، احتقرت نفسي اوي ، انا اسف على كل اللي مريتي بيه بسببي

بسمة،، الايام الفاتت كانت صعبه عليه اوي ، لما حسيت انك بتحب ندى فعلا كل حاجه جوايه اتهزت بس بعد لما شفتك سامحتك حتى من غير ما اعرف الحقيقه لاني ببساطه عرفت اني مش هقدر اعيش من غيرك

عمر،، بحبك يا بسمة اوي انت حب عمري كلو ، ومع اني عارف ان احنا في المستشفى بس ده ميمنعش انك تديني البوسه بتاعتي

بسمة،، على فكره الضاهر الورم اللي فدماغك مقصر عليك فعلا و حنتفضح بجد

عمر ،متصنع الالم، ااه الحقيني يا بسمه
اقتربت بسمة منه بفزع فجذبها اليه بسرعه و هو يضحك و قام بتقبيلها
في هذه الاثناء دخلت عليهم فاطمة وسماح و قد شعرو بالاحراج الشديد

سماح،، احم احم الضاهر ان احنا جينا فوقت مش مناسب ولا ايه

ابتعدت بسمة بسرعه البرق عن عمر و لون وجهها شديد الاحمرار من الخجل اما عمر فكاد ان ينفجر من الضحك على منضرها

فاطمة، بأبتسامه ،، ربنا يسعدكو يا حبيبي

عمر، بتلعثم،، ربنا يخليكي يا ماما

سماح بمشاكسه،، و انا اقول انت عايزنا نروح البيت ليه

عمر،، ربنا يخلصني من لسانك يا شيخة

سماح،، بعد الشر عليه ، ده انا عسل والله و خصوصاً لما بقفش الناس و هم في مواقف محرجه هههههههههه

عمر، بضحك، اتلمي يا سماح بسمة هيغمى عليهه من الاحراج

بسمة،، عن اذنكو انا هجيب قهوه
…….…………………………….……………….…………………

بعد خروج بسمة،، سأل عمر عن والده

عمر،، هو بابا مجاش معاكو؟

فاطمة بسعاده،، لا يا حبيبي جه معانا بس قاعد بره مع ماهر ومراد

عمر،، اه صحيح هو ماهر مدخلش معاكم ليه

فاطمة،، اهو تلاقي جاي دلوقتي

ثم دخل ماهر و محمود و مراد،، صباح الخير

عمر ،، هو انا هدخل امته العمليات

ماهر و هو يفحص عمر ،، ضغطك عالي شويه عايزين نضبطه قبل ما تدخل

محمود ،، بقلق ،، عالي من ايه يعني هو كويس

ماهر،، لا اتطمنو مفيش حاجه تخوف بس الضاهر انه مخدش الدوا

فاطمة،، صحيح الكلام ده يا عمر

عمر،، بيخليني نايم على طول يا ماما

ماهر،، انت لازم تنام و ترتاح و قدامك مشوار طويل عشان تخف يا عمر و لازم تلتزم بمواعيد الدوا و الجلسات

عمر،، ايه ، هو انا لازم ارجع لجلسات العلاج الكيميائي تاني

ماهر بحزن،، بعد ما نشيل الورم لازم نتأكد ان المرض مش هيرجع تاني و الخلايا السرطانيه ممكن ترجع لو وقفنا العلاج الكيميائي

نضر الجميع بأسى لحال عمر

عمر،، هو انا هستمر على الجلسات اد ايه

ماهر ،، ممكن سنه او اكتر و انت متعود عليهه يعني مش حاجه جديده بس اهم حاجه نخلص من الورم

عمر بضيق،، ربنا يسهل

فاطمة،، يعني هو هيفضل في المستشفى اد ايه

عمر،، تقريبا شهر بعد العمليه و طبعا في الوقت ده مفيش مجهود كبير و لا تعب

محمود،، ايوا طبعا لازم يرتاح

عمر ،، متكبروش الموضوع يا جماعه انا هبقى كويس

الجميع ،، ان شاء الله
…….……………………………………………

عادت بسمه و هي تحمل القهوه و قد صادفها عمر في الممر

ماهر،، عمر هيدخل العمليات بعد ساعه

ريم بتوتر،، ربنا ينجيه و تنجح العمليه

ماهر،، ان شاء الله بقولك ايه يا بسمة هو محدش جاي

بسمة،، حد زي مين

ماهر بتردد،، يعني اصل خالتك امبارح قالت انها جايه و ريم كمان

بسمة،، اه هي جايه بس مش دلوقتي عشان وليد فالشغل و مفيش حديوصلهم

ماهر،، هو لازم وليد اللي يوصلهم يعني

بسمة،،بأستغراب،، ايوا طبعا امال مين اللي هيوصلهم غيرو

ماهر،، هي ريم لحقت تتخطب تاني مش لسه فاسخه خطوبتهه من اللي اسمه سامي ده

ريم بدهشهه،، تتخطب تاني؟؟؟

ماهر،، انا مش قصدي اتدخل بس كنت عايز اعرف اذا كان يعني وليد يعني يستاهلها وله زي سامي

بسمة،، بضحك ،، وليد مين يا دكتور انت فاهم غلط ، وليد ده يبقى اخوهه مش خطيبها

ضهرت على ماهر علامات الدهشه و الفرح و الابتسامه و لكنه شعر بالذنب من طريقه كلامه مع ريم

ماهر ،، انا اسف الضاهر اني فهمت غلط
بسمة،، لا عادي ولا يهمك يا سيدي
…….………………………………………

بعد ساعه دخلو الممرضات غرفه عمر ليأخذوه للعمليات

#زواج_غير_تقليدي_25

بعد ساعه دخلو الممرضات غرفه عمر ليأخذوه للعمليات
و لن ابالغ اذا قلت ان هذه اللحضه كانت الاصعب اطلاقاً على عمر و عائلته ، ما بين الدموع اللتي يحاول الجميع اخفائها و بين عبارات التشجيع و الوداع و تمنياتهم بالشفاء لعمر …. تقف بسمة بالقرب من عمر و تحاول منع نفسها من وداعه و تكتفي بنضرات الحب و الشفقه و هي تشعر ان قلبها يتمزق لرؤيته بهذا الحال

عمر،، ممكن تهدو شويه مش عايز ادخل العمليه و انا عارف انكو زعلانين

بسمة،، انا مش زعلانه ، انت حتعمل العمليه و تخرج بسرعه و ترجعلنا ، انا هستناك ياعمر

عمر،، يبقى لازم توعديني انك تخلي بالك من نفسك

بسمة،، لا مش هوعدك عشان انت اللي هتخرج و تخلي بالك مني

عمر بأبتسامه،، اوعديني انك مش هتزعلي مهما حصل
بسمة،، بدموع،، متسيبنيش يا عمر انا محتجالك
قاطعته فاطمة،، بلاش الكلام ده يا بني انت هتبقى كويس ان شاء الله ، و الدموع في عينيها ،، ربنا يشفيك و يخليك لينا يا حبيبي

تشبث عمر بيد والدته و هو يحاول طمئنتها ثم حاول ان يطمئن سماح

عمر،، خلي بالك من ماما و بابا

سماح ببكاء،، حاضر بس انت متقلقش ، ركز بس و ارجع بسرعه عشان اتخانق معاك ههههههه

عمر،، و خلي بالك من نفسك
لم تحتمل سماح حبس دموعها اكثر فأنهارت بالبكاء و هي تحتضن عمر

سماح، خلاص يا عمر كفايه متقولش كده اوعى تسيبنا انا مش هستحمل اعيش من غيرك

فجرت دموعها احزان الجميع فبدا عليهم الانهيار و التأثر
الشديد و نزلت دموعهم كالمطر لكن ماهر تدخل ليحاول ان يهدئهم

ماهر ،، لا مش معقول كده لازم تهدو شويه كده مش كويس عشان عمر

عمر و هو ينضر الى سماح ،، اوعي تعيطي عشان لما اخرج من العمليه اكمل خناق معاكي
ضحكت سماح بين دموعها ،، يبقى انا هوفر جهدي عشان اغلس عليك

بدأو الممرضات سحب سرير عمر الى غرفه العمليات ولكن محمود استوقفهم و قال بنضره يملؤها الحزن

محمود،، انت مسامحني يا عمر

عمر بدموع،، ايوا يا بابا ثم تمسك بيده،، خلي بالك من نفسك

محمود،، اقترب منه و قبل رأسه،، ربنا يقومك بالسلامه
كانت كلماته اخر ما سمع عمر قبل ان يدخل غرفه العمليات

في صاله الانتضار القريبه من غرفه العمليات جلسو الجميع متقابلين ينتضرون عمر بشغف و خوف و قلق
مزيج من المشاعر المختلطه يحاول كل منهم ان يخفيها ليضهر متوازن و يعطي ايحاء للبقيه ان كل شئ تحت السيطره

بسمة هي الوحيده اللتي لم تكن قادره على اخفاء قلقها ، الساعات تمر ببطئ و هي تجول في الغرفه ذهاباً و اياباً
بلا توقف و تحرك اصابعها بأضطراب ثم تجلس لاقل من دقيقه و تعاود الوقوف ، كل الافكار السوداء تتدفق الى رأسها بسرعه كبيره ، تتخيل ماذا سيحل بها و بالطفل المنتضر اذا مات عمر ، كيف ستعيش من بعده،،، ثم بدأت بتذكر كل ما مر بها منذ زواجها ، اول مره قال لها عمر انه يحبها ، اول رقصه ، اول قبله ، و تلك الفرحه اللتي كانت في عينيه عندما علم انها حامل ، كم تحمل من اجلها و كم ضلمته هي ، كم مره قست عليه بكلماتها و كم مره اتهمته باطل و افتراء ، كل شئ كان يخطر ببالها في تلك اللحضات لدرجه انها لم تلاحظ كيف تحولت عينيها الخضراء الى اللون الاحمر المخيف و كيف لتلك الدموع ان تغرق وجهها ،، فجأه شعرت ان المكان صار ضيقاً و الهواء قليل جدا لا بل انه غير موجود ، مزيج من المشاعر اللتي لم تشعر بها من قبل الحزن الشديد و الندم و الخوف و القلق و الاختناق ثم الضلام الدامس و قطع كل هذه الاحاسيس صوت بعيد مؤلوف لديها يحثها على ان تصحو

اختلط الصوت بالحيره التي في رأسها ، ماذا يحصل لمذا انا غير قادره على الحركه ، كل شئ يبدو اسود ، ما كل هذه الاصوات ، اين عمر ، اين عمر

فاطمة،، اصحي يا بنتي سلامتك

رجاء،، بسمة ردي علينا لو سمعاني يا حبيبتي

محمود،، انا رايح انادي الدكتور بسرعه

سماح رشت بعض قطرات الماء على وجه بسمة

بدأت تفتح عينيها بصعوبه ثم رأت الجميع حولها

بسمة، بتعب،، انا فين ،

ريم،، انت هنا يا بسمة في المستشفى

بسمة،وجدت نفسها على الارض و ازدادت حيرتها و هي تنضر لهم بعدم فهم

فاطمه،، انت اغمى عليكي فجأه

رجاء ،، متخافيش يا حبيبتي الدكتور جاي حالاً

بسمة، بعدم تركيز، وبكاء،، انا مش عايزه الدكتور عايزه عمر هو فين

سماح،، اول ما يخرج هطمنك متخافيش

جاء الطبيب بسرعه مع محمود و نقلو بسمة الى عيادة الطبيبه النسائيه لتفحصها و بعد الفحص السريري و السونار بدأو الجميع بسؤال الطبيبه

سماح،، هو ايه اللي حصلهه يا دكتوره

الطبيبه،، هي الضاهر اتعرضت لضغط نفسي و كمان مابتكلش كويس و ده اللي سببلهه الاغماء

رجاء،، يعني هي هتبقى كويسه

الطبيبه،، ايوا ان شاء الله انا هكتبلها على شويه فيتامينات و مع الراحه كل حاجه هتبقى كويسه

بسمة، بقلق ،، و البيبي كويس ؟؟

الطبيبه بأبتسامه،، انت كويسه و البنوته كمان كويسه

بسمة، بصدمة،، انت قلتي انها بنت !!!!

الطبيبه بأستغراب ،، انتو مكونتوش تعرفو ، الف مبروك يا ستي و يارب البنوته تبقى حلوه كده شبه مامتها

اطلقت بسمة ضحكات عاليه و ابتسامه واسعه جدا ، كانو الجميع واقفين غير مصدقين، فالضروف العاديه يكون هذا خبر مفرح للام و الاب و لكن اين هو الاب انه في غرفه العمليات لا يعلم احد سوى الله اذا كان سينجو ام لا ، امتزجت دموعهم مع الضحكات و الابتسامات و هم يهنئون بسمة

و عندما خرجت بسمة من الغرفه و اخبرت باقي العائله كان جو الفرح يملأ المكان

محمود احتضن بسمة،، عمر هيفرح اوي ربنا يقومك بالسلامه يا بنتي و تجبيلنا حفيدتي الصغيره

بسمة،، بدموع ،،، اكيد عمر هيفرح جدا هو كان نفسه فبنت اصلا،، خلونا نرجع صاله الانتضار

عادو ادراجهم الى تلك الصاله التي كل من كان فيها يبدو عليهم القلق الشديد ،، انتضرو لساعات طويله و لا شئ كان يجعل هذا الوقت الصعب يمر الا القرآن الكريم، قرأت بسمة بعض الايات من القرآن ثم دعت كثيرا ان ينجو عمر ، بل انها تمنت ان يحصل له اي شئ سوى الموت ، يكفيها ان تحس بنبض قلبه بجانبها لتشعر بالراحه التامة طوال حياتها..……………

و فجأه ضهر صوت مؤلوف لدى الجميع انه صوت ماهر ،،،، ركض الجميع بدون استثناء على ماهر و التوتر و القلق يملأ قلوبهم

فاطمة،، طمني يا ماهر ابني جرالو ايه

محمود ،، العمليه نجحت و له ايه

ماهر،، بتوتر،، عمر في العنايه المركزه دلوقتي
بمجرد معرفتهم بأنه لايزال على قيد الحياه اعاد الامل في قلوبهم و اطلقو زفير الراحه بعد كل هذا القلق و ارتسمت الابتسامه على وجوههم و تناثرت عبارات الشكر لماهر و هم حامدين الله على هذا الخبر

بسمة،، يعني عمر كويس

ماهر ،، احنا شلنا جزء كبير من الورم بس في جزء صغير مقدرناش نوصله عشان حاله عمر تدهورت فجأه و قلبه وقف بس الحمد الله قدرنا نسيطر على الوضع

و ياله من خبر مفزع اتى بعد تلك الفرحه المزيفه

بسمة،بتوتر،، انا مش فاهمه يعني عمر كويس و لا هيعمل عمليه تانيه

ماهر،، هو هيفضل فالعنايه المركزه 48 ساعه و بعد كده لو حالتو مستقره هننقله اوضه عاديه و مش هنعمل عمليه تانيه و هنكمل بالعلاج الكيميائي، المشوار لسه طويل قدامنا و عمر محتاج لكل واحد فيكو ، انتو طبعا عارفين ان عمر مبيحبش يبين اي حاجه بتتعبه بس جايز جدا انه يحس بألم كتير و خصوصا ان احنا ناويين نزيد جرعات العلاج فلازم تبقو جاهزين لكل حاجه

بسمة،، بأسى،، المهم انه هو عايش و انا مش هسيبو و لا لحضه

محمود،، الحمد الله اهم حاجه ان العمليه نجحت و بقى كويس

فاطمة،، ربنا يخليك لينا يا ماهر كويس انك كنت معاه في العمليه

ماهر،، انا مكنتش هسيبو لا دلوقتي و لا بعدين ، انتو تقدرو تروحو دلوقتي عشان الزياره ممنوعه فالعنايه

بسمة،، انا مش هسيب عمر خالص

فاطمة،، لا انت بالذات هترجعي البيت ، لسه الدكتوره بتقولك محتاجه راحه

بسمة،، بس يا ماما مقدرش….

فاطمة،، مفيش بس ،، يلا يا حبيبتي عشان لما عمر يفوق نطمنو عليكي و على البنوته

بسمة، بتردد،، حاضر يا ماما

سماح،، انا كمان هرجع البيت معاكي عشان اتطمن على ميدو

مراد طب يلا يا جماعه انا هوصلكو
………………………………………

وقبل ان يذهبو الجميع نادى ماهر على ريم بصوت خافت

ريم،،نعم يا دكتور ماهر

ماهر ،، ايه دكتور دي مش عيب نبقى عاملين المغامرات بتاعت ندى مع بعض و تقوليلي دكتور

ريم،، بعصبيه،، حاضرتك عايز مني ايه

ماهر ،، انا اسف على الطريقه اللي كلمتك بيهه المره اللي فاتت انا بس كنت فاهم غلط

ريم،، و ايه اللي فهمتو غلط

ماهر،، انك انت مخطوبه

ريم،، و حتى لو كنت مخطوبه فيهه ايه دي

ماهر بمشاكسه،، فيهه كتير ، انا ماصدقت انك تبقي حره

ريم بخجل،، مش فاهمه

ماهر،، بأبتسامه واسعه،، انا بحبك ،، ايوا من اول مره شفتك فيهه و انت سحرتيني بجد

ريم اختلطت لديها مشاعر الصدمة و الخوف و الفرح و الخجل و وجدت نفسها تتركه بسرعه و تهرب الى اهلها

ماهر،،، ريم استني انا

ولكنها اختفت بسرعه و تركته في حيره من امره ….

#زواج_غير_تقليدي_26

مرت الثواني و الدقائق و الساعات بصعوبه جدا على تلك العائله و هم ينتضرون عمر في قلق شديد ، و مع ان ماهر كان يطمئنهم بأستقرار حالته الا ان القلق كان ملازمهم في كل ثانيه ،،،،،،، مرت الايام بسلام اخيراً و نقلو الاطباء عمر الى غرفه عاديه ليكمل علاجه لمده شهر

في غرفه عمر تجمعو حوله العائله بلهفه بانتضار استيقاظه

فتح عمر عينيه بصعوبه و لم يستطيع الكلام

بسمة بلهفه ،، عمر حبيبي انت سامعني

ماهر،، بالراحه بس هو لسه مش مركز اوي شويه و هيفوق

فاطمة،، حمد الله على سلامتك يا حبيبي ، الف حمد و شكر ليك يا رب

محمود،، حاسس بأيه يا عمر

عمر، بكلمات غير مفهومه و صوت واهن،، انا كويس

ماهر بضحك،، و حتى لو مش كويس انت مش هتقول ، انا عارفك

بسمة بدموع،، خلاص يا عمر الورم راح و كل حاجه هترجع زي زمان ، انت رجعتلنا

عمر ابتسم بضعف و هو يمسك يد بسمة،،،

سماح ،، انا حاسه يا جماعه ان احنا عاذول ولا ايه

ضحك الجميع ثم قال عمر،، انت مش هتبطلي حركاتك

سماح،، لا طبعا فيه وحده يبقى عندهه اخ عسل كده و متنكدش عليه هههههه

مراد،، امال انا اعمل ايه مستحمل لسانها ده ليل و نهار يارب يطلع ميدو عاقل زيي و ميخدش جنانك

سماح ،، مش عارفه ليه يا حبيبي حاسه انك هتنام على الكنبه انهارده وجايز بره البيت تماماً

مراد ،، مفيش مانع بس كده هبات عند عمر و هبقى عاذول هاااا

محمود ،، والله انتو التنين اجن من بعض و ميدو ده انا هبعدو عنكو اصل احنا مش ناقصين جنان

سماح و هي تحتضن والدها،، و اهون عليك تعمل كده فيه بس لو مصر تاخد حد يبقى خد مراد

محمود ،، يا سلام ده لما بيغيب يوم واحد في الشغل بتسألي عليه الف مره في الساعه

سماح بخجل،، ليه الفضايح دي يا بابا ده انت حبيبي

مراد،، بصوت خافت و سخريه ،، طلعتي بتمو,تي فيه

سماح ضربته على يده برقه،، لا طبعا انا احبك انت

مراد،، انت كدابه جدااا على فكره ده انا ستات مصر كلهه بتجري ورايه حتى اسألي عمر

سماح بعصبيه،، صحيح الكلام ده يا عمر

عمر بضحك،، ولا فيه وحده بتعبرو دول بيجرو ورايه انا

بسمة،بتهكم ، يا سلام و انت بقى كنت بتعبرهم يا سي عمر

مرادانفجر في الضحك،، من حفر حفرة لأخيه وقع فيها

عمر،، انا برضو بتاع الكلام ده

سماح،، والله انتو التنين كدابين و تلاقي اللي يدور عليكو يلاقيكو بتعاكسو البنات في الشوارع

بسمة،، معاكي حق يا سماح التنين دول بقو خطر على المجتمع

مراد،، و هو يخاطب فاطمة،، متشوفيلي عروسه يا ماما بس عايزهه حلوه كده و مطيعه

فاطمة،، من عنيه يا حبيبي بكرا تكون عندك

سماح بتعجب،، انت مش ممكن تكوني امي ، انت معايا ولا معاه

فاطمة،، بصراحه انت لسانك طويل و هو غلبان معاكي

مراد وهو يقبل رأس فاطمة،، ايوا كده اخيرا اتنصفت ربنا يخليكي ليه يا ماما

فاطمة،، انت هتسوق فيهه ولا ايه يا واد، انت تلاقي وحده زي سموحه

مراد،، بصراحه لا ،، مفيش وحده في قلة ادبهه و لا لسانها الطويل بس اعمل برضو بحبهه

سماح ،، ولا انا يا حبيبي الاقي واحد فبرودة دمك و بياختك و غلاستك

مراد،، بضحك ،، شفتو احنا فاهمين بعض ازاي

محمود ،، ربنا يخليكو ليا كلكو

فاطمة،، و يخليك لينه يا ابو عمر

ماهر لاحظ ان عمر يبدو متعباً فطلب من الجميع الخروج من الغرفه لكي يرتاح قليلاً

ماهر،، انت كويس يا عمر شكلك تعبان

عمر،، انا مش تعبان بس لما كنت بسمعهم و هم بيهزرو و يضحكو حسيت ان كل اللي استحملته ده ولا حاجه في مقابل فرحتهم دي و لمتهم حواليه

ماهر،،رعبتني عليك لما وقف قلبك في العمليه كنت هتجنن بجد

عمربدمعه مخفيه،، انت اجدع صاحب في الدنيا

ماهر،، لا انا احنا اخوات مش صحاب و عشان كده عايزك تبقى صريح معايا و متخبيش تعبك زي ما بتعمل

عمر،،انا كويس بس عايز اخرج من المستشفى زهقت

ماهر،، انت لحقت تزهأ ،، لسه قدامك شهر و جايز اكتر دي عمليه في المخ يا عمر مش الزايده

عمر،، ماشي بس انت هتبتدي بالعلاج الكيميائي امته

ماهر،، لما حالتك تتحسن شويه بس لازم تعرف ان الجرعات هتبقى اقوى بكتير و ده هيخليك تحس بأعراض جانبيه كتير كمان

عمر، بحزن ، ده انا كنت مستحمل الاولاني بالعافيه

ماهر،بأسى، معلش يا عمر ده الجزء الصعب بس لما تخف كل حاجه هتتنتهي

عمر،، انا اقدر استحمل متخفش عليه

ماهر،، بس انت مش لازم تجهد نفسك عشان كده نام دلوقتي
……………………………………………………………

في الليل طلب عمر من الجميع العوده الى المنزل و لكن كالعاده اصرت بسمة على البقاء

عمر،، كان لازم ترجعي معاهم يا بسمة

بسمة، بضحك،، انت عايز تخلص مني مش كده فاكرني هسيبك عشان الممرضات يعاكسوك و انا مش هنا

عمر و هو يحدق بعيناها و تمسك بيدها،، انت كمان لازم ترتاحي

بسمة،، انهارده اسعد يوم في حياتي مفيش حاجه ممكن تريحني غير اني ابقى معاك طول الوقت

عمر ،، ربنا ميحرمنيش منك يا بسبوسه

بسمة،، هو انا عندي خبر حلو كده عايزه اقولهولك بس بفكر اقولو يوم تاني

عمر،، اهون عليكي تخبي عني الاخبار الحلوه

بسمة،، لالالا مينفعش كده انا بضعف قدام حبيبي لما يسبللي

عمر،، طب قوليلي الخبر الحلو انا مسمعتش اخبار حلوه من زمان

بسمة،، ممم طيب خلاص صعبت عليه حفكر
عمر،، لو متكلمتيش انا ممكن الدوا يخليني انام يرضيكي حبيبك ينام و هو زعلان

احتضنت بسمه كف يديه و وضعته فوق بطنها

بسمه،، فيه جوه هنا بنوته عايزه تسلم على باباها

امتلئت عيون عمر بالدموع و ضهرت تلك الابتسامة على وجهه و اللتي لم تضهر منذ سنين فجذب بسمه اليه و احتضنها بشدة ، فسالت دموعها وهي تشعر بسرعة نبض قلب عمر و فرحته بذالك الخبر

بسمة،، قد كده انت فرحان

عمر،، ده حلم حياتي ، طول عمري بتمنى ربنا يرزقني فبنت ، بحبك يا ام بنوتي

بسمة،، بحبك يا عمر اوووي اكتر من نفسي ، انا فرحانه اوي حاسه اني طايرة بجد

عمر،، انا حاسس ان ربنا بيعوضني عن كل حاجه

بسمة،، انا مبسوطه اوي انك قدرت تخرج من صدمتك يا عمر ، كنت عارفه انك مش ضعيف و هتقدر تقاوم

عمر،،جايز لو انت مش فحياتي مكنتش خرجت من الحاله اللي كنت فيهه ،،انا مش عايز اكتر من اني اعيش وسطيكو و نربي بنتنا سوه

بسمة،، هههه بنتنا كلمه جديده عليه بس احساس جميل اوي

عمر،، ربنا يقومك بالسلامه و تجيبيلي بنوته شبهك

بسمة،، وليه مش شبهك انت

عمر،، عايزها تبقى عنيها زي لون عنيكي و شعرها اشقر زيك و ملامحها بريئه زي ملامحك و الاهم يبقى قلبها نضيف و طيب زي مامتها

بسمة،، لا انا كده هتغر و مش هتعرف تكلمني بعد كده
عمر،، طب اعمل ايه انا اذا كنت متجوز احلى بنت في الكون

بسمة،، لا يا استاذ ارجوك متعاكسنيش لحسن جوزي بيغير عليه مو,ت و انا الصراحه بموووت فيه عشان هو احلى راجل في العالم

عمر،، ههههههههه لا يا مدام انا مش بعاكسك انت انا بعاكس مراتي حبيبتي

بسمة ،، بس بقى كفايه انا مش قد الكلام الحلو ده بعدين البنت تسمع

التفتت بسمة لتسمع اجابته فوجدته غارق في النوم ، فضحكت من كل قلبها ، كانت الفرحه ضاهره على وجه عمر حتى في نومه و اطالت بسمة النضر اليه بتأمل و حب حتى نامت على تلك الاريكه الصغيره بجانبه………

مر ذالك الشهر على عمر و بسمة و كأنه شهر العسل، اصبحت علاقتهم عميقه جدا اكثر من قبل لم يكن يشغلهم شئ سوى الحب اللذي يجمعهم و المستقبل و التجهير لأبنتهم و بعض الشجار المضحك على اختيار اسم المولوده ،،،، كان شهر جميل جدا مع انهم كانو في المستشفى و لم يحدث شئ مزعج سوى ذالك اليوم اللذي بدأ فيه عمر العلاج الكيميائي من جديد

بعد ان انهى عمر جلسه العلاج الكيميائي بساعات كانت بسمة جالسه على اللاب توب الخاص به اللذي احضرته الى المستشفى لتملأ اوقات الفراغ عند نوم عمر ، تصفحت بعض المواقع و شد تركيزها بعض المقالات عن الحمل و الولاده و لم تنتبه الى عمر اللذي كان يحاول ان يخفي الم رأسه بشتى الطرق ،،،،
استدار الى الجهه المعاكسه لبسمة كي لا تراه و هو يعتصر يده بقوه و يعض شفتيه ليكتم صرخات كانت تود ان تنفجر خارج صدره،، حاول النوم و لكن دون جدوى لقد كان الصداع من القوه اللتي جعلت عيناه تمتلأ بالدموع التي اخفاها بسرعه

حاول بكل الطرق ان يبعد بسمة عن الغرفه ليطلب الدواء المسكن من الممرضات لكنها كانت محاولات فاشله فهي اصرت على عدم تركه وحيداً ،،،،، كان خائف جدا عليها خصوصاً بعد معرفته بما حصل لها و هو داخل غرفة العمليات ولم يشاء ان يزيد من قلقها

حاول التضاهر بالنوم امامها لكنها طلبت منه النهوض

بسمة،، قوم بقه يا عمر كفايه نوم ، انت نمت كتير اوي لازم تصحصح شويه

عمر بصعوبه بالغه،، سيبيني نايم ارجوكي انا تعبان

بسمه بقلق ،، عمر انت مالك انت شكلك تعبان اوي

عمر وضع يده على جبينه لا ارادياً ليحاول تخفيف الالم و بعد ثواني انتبه لوقوف بسمة بجانبه و هي تراقبه بقلق شديد

عمر،، متقلقيش انا كل مره بتعب شويه بعد الجلسات

بسمة،، يعني انت تعبان دلوقتي صح

عمر،، ده صداع عادي متخافيش

بسمة،، برعب،، انت عرقان كده ليه و بتنهج كمان ، انت مالك يا عمر ،، رد عليه

لم يستطيع عمر الرد عليها هذه المره فقد نفذت قواه و لم يعد يحتمل الالم فحاول ان يتكلم بهدوء

عمر،، نادي على الدكتور يا بسمة

بسمة بتشتت و عدم تركيز،، ليه ؟؟ انت تعبان صح

عمر،، بسرعه ،،ثم صرخ رغماً عنه و هو يعتصر جبينه بألم ااااه مش قادر استحمل ااااه الحقيني يا بسمة ارجوكي

وقفت بسمة لثواني بلا حركه ،، كانت مصدومه بذالك الالم اللذي يشعر به عمر،، و كأن #مزقت قلبها ، تمنت لو انها تستطيع ان تتحمل كل هذا الالم بداله ، توقفت مكانها و هي تحدق بعمر و كأنها مكتوفه الايدي و لكن عمر جعلها تفيق من صدمتها عندما بدأ بالتوسل اليها

عمر،بصوت ضعيف متألم،، ارجوكي يا بسمة نادي عليهم انا بمو,ت خلاص مش قادر استحمل

جملته الاخيره جعلتها تركض بكل ما اوتيت من قوه لتنادي الطبيب و بعض الممرضات بفزع حتى انهم ضنو انه قد مات من هول الفزع اللذي كان يكسو وجهها

و فور مجيئهم اعطوه بعض المسكنات اللتي جعلته يستسلم للنوم بعد مده قصيره و اكدو لها الاطباء ان الصداع الحاد هو شئ طبيعي جدا في حاله عمر

انتضرته بسمة بفارغ الصبر ليصحو من نومه و لم تستطيع ان تغفل عنه لحضه واحده خوفاً من ان يصاب بشئ اخر

بسمه ،،صباح الخير يا عمورتي

عمر بأبتسامة،، صباح النور يا حبيبيتي هو انا نايم بقالي كتير

بسمة،، لاء بس برضو وحشتني

عمر،، ده حب من اول نضره وله ايه الحكايه

بسمة بعصبيه،، انت ليه مقولتليش ان عندك صداع طول النهار ليه استحملت كل الوجع ده بتعمل فنفسك كده ليه

عمر وهو يحاول ان يهدئها،، انا مكنتش عاوز اخوفك بس مش بأيدي والله

بسمة،، تخوفني ايه يا عمر بس ، انا بخاف لما احس انك بتستحمل حاجه فوق طاقتك عشاني ، مينفعش كده كل ما تتعب تخبي عليه تعبك ،، انا مراتك يعني مش المفروض تتكسف مني و لا تخاف عليه ،، صدقني انا اقدر استحمل اي حاجه بس مقدرش استحمل انك بتتعذب بسببي

عمر ، والله مش بأيدي انا مبعرفش ابين تعبي لأي حد مقدرش اشوفكو و انتو خايفين عليه و انا السبب في الخوف ده

بسمة،، انا راضيه بالتعب ده و بأي حاجه تخليك كويس انا مش عايزه اشوفك و انت بتتوجع تاني…. ثم بدأت بالبكاء و هي تحتضنه

عمر،، متعيطيش يا سوسو خلاص اوعدك اني لو تعبت تاني هعرفك

بسمة،، عارف لو اقدر اشيل التعب ده منك و انا اللي استحمله كنت عملت كده من غير ما افكر

عمر،، بعد الشر عليكي ،، بس بقولك ايه انا راجل تعبان و عيان و محتاج تصبيره

بسمة،، بعدم فهم ،، تصبيرة ايه انت جعان اجيبلك الاكل

عمر،، لا يا حبيبتي انا كده هتشل

بسمة، بأرتباك، يعني ايه مش فاهمه ياعمر

عمر، انا مش عايز اكل انا عايز حب يا روح عمر

بسمة، بخبث،، طب ما انا بموت فيك يا روحي

عمر،بضحك ، بصي بقه يا بسبوستي لو هتحلوي كل يوم كده انا مش هقدر امسك نفسي و هفضحك في المستشفى اللي انا محبوس فيهه دي

بسمة، بخجل ،، لا انت كده خطر و شكلك حتسوء سمعتي

عمر،، مهو انا لو مخدتش البوسه بتاعتي حسوء سمعتنا احنا التنين ، فبراحتك ، انا مجنون و اعملهه

بسمة،بشقاوه، طب ايه رأيك اني مش هقرب من السرير ده خالص و لو تقدر تعمل حاجه وريني

عمر،، انت فاكراني بهزر انا هجيلك بجد
وحاول فعلا القيام من السرير ليمسك بها

بسمة، بفزع، استنى يا عمر ارجوك انت لسه تعبان انا جيت اهو بس ارجع السرير تاني

كانت عينيها مليئه بالحنان اللذي جعل قلب عمر يدق لها بشده فجذبها اليه و عانقها عناق طووويل بدون اي كلمات ، و لما نحتاج الكلمات اذا كان القلب يصرخ بها بأعلى صوت بكل كلمة نشعر بها

و اخيرررا مر الشهر اللذي يعتبر من اطول شهور السنه على عمر و رغم انه لم ينهي علاجه لانه قد يطول شهر لكن الفرحه برجوعه الى بيته كانت اكبر بكثير

و امام بابا المستشفى كان عمر يستند على مراد و ماهر و كل العائله من حوله فرحين بخروجه سالماً و قبل ان يركبو سياراتهم ضهر صوت امرأه تنادي عليهم

و ياله من صوت محفور في ذاكره بسمة انه صوت تلك اللعينه التي دمرت عمر وبسمة و كسرت الثقه بينهم و جعلتها تشك في زوجها و تضلمه دون ان تشعر

و على مسامع الجميع اطلقت ندى اول عباراتها الجارحه

ندى ،، هاااي ،، حمد الله على سلامتك يا حياتي

#زواج_غير_تقليدي_27

ضهرت اللعينه ندى بخططها الجديده و مضهرها الغير لائق و هي ترتدي الثياب الشبه عاريه، يالها من امرأه تجسدت كل معاني الشر فيها
وسط مفاجئه الجميع و استغرابهم لرؤيتها كانت بسمة مندهشه جدا لرؤيتها و قد راودتها كل الافكار السيئه التي قد تخطر على بال اي امرأه ترى حبيبه زوجها القديمه امامها و عادت بها الافكار الى ذالك الوقت اللذي قضته بعيده عن حبيبها و هو في امس الحاجه لها و شعرت بالكره الشديد تجاه تلك اللعينه المغروره

تقدمت ندى بكل ثقه و غرور الى عمر و هي تقول

ندى،، كده يا روحي تخضني عليك و تخليني افتكر انك حتمو,ت

و قبل ان يجيبها عمر ردت عليها فاطمة،، بعد الشر عليه الملافظ سعد

ندى،، سوري يا طنط انا بس كنت زعلانه اوي على عمورتي

عمر رد عليها بقسوه و عصبيه ،، انت عايزه مني ايه جايه تعملي ايه هنا بعد كل اللي عملتيه

ندى بدلع مصطنع ،، هو انا مش من حقي اتطمن على جوزي حبيبي

نزلت هذه الكلمات كالصاعقه على الجميع بالذات بسمة،، نضرت الى عمر بنضره غير مفهومه ، فسرها عمر على انها نضرة عتاب و كم تألم عندما شعر بشكوكهم تجاهه مرة اخرى ،،، لم ينطقو حرفاً واحد ،، شعر انهم خائفين من ان يتهموه بالباطل و خائفين ان تكون ندى صادقه

قال عمر بصوت اشبه بالصراخ،، انت بتقولي ايه فاكره انك تقدري تضحكي عليه ،، فوقي لنفسك و اعرفي انت بتكلمي مين و الا حعرفك بطريقتي

ندى،، انا مش كدابه ثم التفتت اليهم و اخرجت ورقه من حقيبتها و رمتها على بسمة

لم تجرؤ بسمة على فتح الورقه و لكن سماح فتحتها بسرعه ثم صحرخت

سماح،، عقد جواز عرفي ،، ازاي

اخذه عمر بسرعه و هو يقرأه بصدمة،، انت ازاي زورتي توقيعي ،، ازاي قدرتي تعملي كده

ندى،، انا مزورتش حاجه انت اللي مضيت على العقد و كنت طاير من الفرحه بجوازنا و الا انت خايف اهلك يعرفو

التفت اليهم عمر و رأاهم يقفون و هم في غاية الصدمة،، نضراتهم تدل على تصديقهم لندى خصوصاً انهم تأكدو ان هذا فعلاً توقيع عمر و عندما انتبه لدموع بسمة التي سالت على خدها الناعم ،،، شعر ان كل شئ يتكرر من جديد عائلته لاتثق به و زوجته صدقت ندى كما في المره الاولى

التفت الى ندى،، انت شيطان ،، ليه بتدمري حياتي حرام عليكي انا عمري مأذيتك في حاجه و لا حتى لما عرفت باللي انت عملتي ،،، ازاي قدرتي تتحولي من البنت الرقيقه اللي عرفتها في الجامعه للي انت فيه ده

ندى،، انا زي ما انا انت اللي تغيرت و بقيت تكدبني عشان اهلك ،، انا مراتك و زيي زي ست بسمة

عمر ،، اخرسي بقه و بطلي كدب انا متجوزتش غير بسمة ،، و مش حسمحلك ترمي بلاويكي عليه تاني

ندى بحقد،، انا مراتك و غصباً عنك حتعترف بيه ،، هو انت فاكرني بمو,ت فيك على ايه بص لنفسك كويس انت مش قادر تقف على رجليك مش كفايه حبقى مرات واحد كل يوم في المستشفى بيتعالج ولا انت فاكر نفسك عمر بتاع زمان فوق لنفسك انت خلاص مفيش وحده هترضى تبصلك

كلمات ندى كانت كالسكاكين تمزق في قلب عمر اللذي تحمل كل الالم و التعب لكي لا يسمع تلك الكلمات من احد و اليوم يسمعها من تلك اللعينه و يسمعها كل فرد من عائلته ،، شعر بنضرات الشفقه من الجميع تخترق قلبه فكم كان محرج من كلماتها و وصفها له بأنه شخص مريض و ليس الشخص المعروف بقوته كما في السابق تسارعت نبضات قلبه و انفاسه و هو يستمع لها و شعر بأن عصبيته اصبحت في اوجها فرفع يده ليحاول ضرب ندى بكل قوته و لكن كانت هناك يد اوقفته

محمود مسك يد عمر و اوقفه ،، اهدى يا بني دي واحده متستاهلش

عمر،بعصبيه،، سيبني يا بابا دي كدابه والله انا ملمستهاش و لا اتجوزتها

محمود ،، معلش يا عمر سيبها مش انت اللي تمد ايدك على واحده ست حتى لو كانت واطيه

ماهر ،، اسمعي بقه انا عارف انك بتكدبي و زي مقدرتي تبعتي الرسايل لبسمة عن طريق اختك مش بعيد تعملي اي حاجه ،، ابعدي عن عمر و سيبي

ندى،، انت عايز تضربني يا سي عمر بعد ما اتجوزتيني بتنكر جوازنا علشان اهلك دول اللي عمرهم محسو بيك

سماح ،، انت واحده قليلة الادب و لو مسكتيش انا حسكتك بمعرفتي

ندى،، انا محدش يقدر يسكتني يا ست سماح عشان انا مرات اخوكي و غصباً عنكو كلكو و اولكو بسمة

نضر لها عمر بنضرات من لهب و يتطاير الشر من عينيه و لكن كل هذا الضغط النفسي بعد مده طويله في المستشفى قد نال منه و استند على سيارته و هو يتنفس بسرعه و شعر بالدوار فحاول ان يستند على مراد

مراد،، عمر انت كويس

عمر،، ايوا متقلقش دوخه بسيطه

كان شكل عمر يدل على انه يشعر بالالم لأن عمليته كانت صعبه و هو لم ينال الوقت الكافي ليتعافى كلياً و خصوصا انه مازال يتلقى العلاج الكيميائي اللذي نال من طاقته جزء كبير جدا

ركضت فاطمة لتطمئن على عمر و لكن عمر قال انه بصحه جيده كالعاده

عندما رأت بسمة تدهور صحة عمر ذهبت الى ندى اللتي كانت تصرخ و مصرة على موقفها

ندى ،، ايوا مثل بقه انك المسكين اللي بيمو,ت و انا اللي بتبلى عليك

عمر،، بعصبيه،، اسكتي بقه عشان انا مش عايز امد ايدي على وحده ست بس لو سمعت كلمه تاني انا مش حيهمني حد

ندى ،، طب جرب كده و اعملها و شوف انا اقدر اعمل فيك ايه

وكاد عمر ان يضربها الا ان بسمة اوقفته

بسمه و اخيرا تكلمت ،، لا يا عمر مينفعش تضرب واحده ست
ثم حملت ورقه الزواج العرفي و مزقتها بكل ثقه و رمتها بوجه ندى

ندى،، انت بتعملي ايه،،، والله حوريكي يا ،،،،،،،

انهالت على بسمة بالشتائم و الكلمات البذيئه و لكن الجميع كانو مذهولين من موقف بسمة ،، رغم كل الادله مزقت بسمة الورقه بكل ثقه لتأكد للجميع انها تثق بزوجها

استمرت ندى بأهانة بسمة و لكن هذه المره لم تكن بسمة المرأه الضعيفه اللتي تتحمل الاهانات بل انهالت على ندى بالضرب و كأن الله منحها كل القوه ،، و رغم ان بسمة من النوع الهادئ البريئ الى ان ندى استفزتها لدرجه انها بدأت بضربها بعنف و لم تكن هي الوحيده الغاضبه بل ساعدوها ريم و سماح بضرب ندى ضرباً مبرحاً و لم يحاول احد ايقافهم

وسط ذهول الجميع بما يحصل بدأت فاطمة بالضحك الهستيري و محمود ايضاً ثم مراد و ماهر و كان عمر مندهش بدفاع اخته و زوجته عنه و ضربهم لتلك الشريره ندى،،، اوقفهم عمر عن ضربها بصعوبه

عمر ،،، خلاص بقه سيبوها يا بنات

بسمة،، انت لو فكرتي تقربي لينة تاني حمو,تك بأيدي

ندى ،، ابعدي عني يا متوحشه انت وهي

سماح،، و الله لو سمعت انك عملتي حاجه تانيه مش حخليكي تعيشي لحضه واحده

عمر،، سماح انا تعبان مش قادر اقف على رجلي عايز اروح البيت عشان خاطري سيبوهه

و بمجرد ان شعرو بتعب عمر تركوها و قد كان وجهها مليئ بالكدمات و تغير لونه الى الازرق ،، كانت تبدو مضحكه و لكن منضرهم و هم يضربوها هو اكثر شئ مضحك فقد انقضو عليها بشراسه و جعلوها تنال ماتستحقه

………………………….………………

في السياره توقع الجميع ان عمر سيعلق على الموضوع و لكنه كان صامتاً لا يتحدث ،، كان والده يسوق السياره و تجلس بجانبه فاطمة، اما عمر و بسمة في المقعد الخلفي

محمود ،،، ايه يا عمر انت ساكت ليه

بسمة،، بصوت خافت ،، ده نايم يا عمي

فاطمة،، يا عيني يا بني انا عارفه انه لسه تعبان و البت دي كملت عليه
محمود،، خلاص بقه حكايه و راحت لحالهه و الحمد الله انك انت يا بسمة كنتي عاقله و مديتيش الفرصه لواحده زيهه تخرب حياتك

بسمة،، انا غلطت زمان في حق عمر و مش حكرر الغلطه دي تاني

غط عمرفي نوم عميق و كأنه يريد ان يهرب من الواقع حتى ان بسمة استغربت لنومه السريع في السياره

…………….…………….………………………………………

وصلو الجميع الى المنزل و دخل عمر بخطوات متردده و قد لاحظ الجميع تغير ملامحه عندما وقف في نفس المكان اللذي انهار فيه اخر مره
وقف لعدة دقائق بلا حركه شارد في ذالك المكان و تجمعت الافكار السيئه في عقله و تذكر كيف اتهمه والده بالادمان و نضرات بسمة له و هي تضن انه خانها و اللحضه التي قرر فيها #،،، في ذالك اليوم و قبل ان يغمى عليه شعر بأنه لن يرى هذا المكان مره اخرى و انه على وشك المو,ت ،، تدفقت الافكار السيئه الى رأسه بسرعه فأغمض عينيه بشده و هو يحاول طردها من عقله

بدا الخوف واضح على وجوههم و هم يشاهدون عمر يصارع عقله الباطن، شعرو انه على وشك الانهيار

الى ان محمود وضع يده بحنان على كتف عمر ،، ففتح عمر عينيه بدهشه و حين وجد والده امامه ارتمى في حضنه بسرعه و بقوة و كأنه يطلب الحمايه منه و الحنان ليطرد افكار من الصعب ان ينساها ،،، كانت يديه ترتجف بشده و هو محتضن والده

شعر محمود بأسوء شعور في حياته ،، كان ينضر الى عمر بندم على كل ما فعله من قبل ،، اهانته لأبنه و اتهاماته الباطله ،،، كان يشعر بنبضات قلب عمر السريعه و احساسه بالندم يتزايد ،،، كيف وصل ابنه لهذه الحال و كم كان قاسي عليه و هو في امس الحاجه لحنانه ،،، احتضنه بقوه و كأنه يتأسف على سنين مضت حتى فاضت عينيه بالدموع لرؤيته بهذا الضعف و الاستسلام

احضرت بسمة الماء و ارتشف عمر منه بصعوبه ثم جلس على الاريكه ليلتقط انفاسه و كأنه كان في حرب بين الواقع و الماضي

محمود ،، مرتاح كده يا عمر

عمر،، الحمد الله

فاطمة،، اجيبلك حاجه تاكلهه يا حبيبي

عمر،، لا مش قادر يا ماما

بسمة،، تحب تطلع فوق

عمر ،، بفزع ،، لاء انا عايز افضل هنا وسطيكو

سماح،، ايوا كده نورت البيت يا عمر انا طالعه اشوف

ميدو و حجيبو و نيجي نقعد معاك

مراد ،، اه و يا دوبك ترتاحي بعد علقة المو,ت اللي انت عملتيهه

سماح ،، خلاص بقه هي اللي تستاهل

ذهب الجميع الى غرفهم ليغيرو ملابسهم و يستريحو لكن عمر رفض ان يذهب الى غرفته مما اثار استغراب بسمة لكنها حاولت تفهم عمر و خصوصاً انه كان يمر بحاله نفسيه سيئه

بسمة،، ايه يا حبيبي بتفكر في ايه

عمر ،، انت كنتي مصدقه ندى

استغربت بسمة لسؤاله ،، لا انا كنت عارفه انها بتكدب

عمر،، امال كنتي بتعيطي ليه ،، انت شكيتو فيه صح

بسمة و قد فهمت ما كان يدور في رأسه ،، لا يا عمر انا كنت بعيط عشان لما كانت بتتكلم الكدب باين اوي في عنيها ،، انا زعلت عشان ضلمتك قبل كده بسبب واحده معندهاش ضمير زي دي و هي باينه انها كدابه

عمر،، بصوت واهن ،، انت عارفه اني بحبك

بسمة بضحك،، طبعا امال انا عملت فيهه كده ليه مش عشان كانت عايزه تاخد حبيبي مني

عمر،بضحك خفيف ،، انا خفت منك كنتي بتضربيها جامد مكنتش اعرف انك بالقوه دي

بسمة،، انا ممكن اعمل اي حاجه عشان احافظ عليك

عمر ،، انا مبسوط اوي انك صدقتيني ،، كنت خايف انك تفتكري اني اتجوزتها بجد بس انت طلعتي عاقله بجد

بسمة،، و انت تقدر تتجوز حد غيري ،، اصلا مش حتلاقي واحده في جمالي

عمر،، انت بسمة حياتي مش ممكن افرط فيكي حتى لو انت سبتيني

بسمة،، انا بحبك اوي يا عمر مش ممكن اسيبك غير في حاله واحده بس

عمر،، حالة ايه دي؟؟

بسمة،، مثلا لو بصيت لوحدة تانيه

عمر ،، حد يبقى معاه العسل ده كلو و يبص بره

بسمة،، طب حاسب ليجيلك السكر هههههه

ضحك عمر من قلبه و هو يشعر بالاطمئنان من موقف بسمة

عمر،، انا عايز انام اوي حاسس اني حنام و انا واقف

بسمة،، طب يلا عشان تنام في سريرك

عمر،، لا انا عايز انام هنا ثم مدد جسده فوق الاريكه محاولاً النوم

بسمة،، في الصاله يا عمر انت كده حتاخد برد

لم يرد عليها عمر فقد استسلم للنوم و لم تحاول بسمة ايقاضه و اكتفت بوضع غطاء فوقه بهدوء ثم ذهبت لتغير ملابسها

بعد ان اخذ الجميع قسطاً من الراحه اجتمعو في الصاله ليتناولو الغداء و تفاجئو بعمر نائم على الاريكه بوضع غير مريح

محمود التفت الى بسمة،، هو نايم هنا ليه ده حتى الصاله برد اوي و بعدين شكله مش مرتاح

بسمة،، لا يا عمي هو عايز ينام هنا مش عايز يطلع فوق
فاطمة،، و هي تنضر الى عمر مبتسمة ،، بص يا محمود نايم ازاي ،، بالضبط لما كان عنده سبع سنين كان برضو لما ينام يفضل حاطط ايده تحت المخده

محمود،، ياااه يا فاطمة انت لسه فاكره

فاطمة،، انا منساش حاجه بيعملوهه ولادي ابدا

محمود ،، طب هو مش حيتضايق من الصوت هنا

بسمة،، لا يا عمي الدوا بتاعه بيخلي ميحسش بحاجه

محمود بحزن ،، ربنا يشفيه

مر اليوم و عمر نائم على الكنبه ، رغم الاصوات الكثيره اللتي كلنت تحاوطه الا انه شعر بالامان وسط عائلته ،، نام ساعات طويله على تلك الاريكه و كانت بسمه تطمئن عليه كل فتره حتى استيقظ و كانت الساعه الرابعه صباحاً وجد نفسه ممداً على تلك الاريكه و بسمة نائمة على الاريكه المقابله له و بجانبها ادويته الكثيره ،
شعر بالذنب لأن بسمة لم تنم في غرفتها بسببه ،، نضر اليها بشوق عارم و شكر الله كثيرا على تلك الزوجه التي اصرت على الوقوف بجانبه في اسوء حالاته
……………………………………………………

كان الوقت مبكرا على صلاة الفجر و قد شعر عمر بالجوع فهو لم يتناول شيئا منذ الامس ،، ذهب بخطوات بطيئه الى المطبخ و بحث عن الطعام و لكن رغم الجوع شهيته كانت معدومه بسبب الادويه و كان يشعر بالغثيان الدائم عندما يرى الطعام ، ابتعد عن الطعام و اعد كوب من النسكافيه و شربه بسرعه ثم اخذ ادويته اللتي اوصاه ماهر بعدم اهمالها و بالطبع المسكن اللذي اصبح جزء من حياته اليوميه ،،، شعر ببعض الالم في ضهره بسبب نومه الطويل على تلك الاريكه الصغيره الحجم

جلس على اللاب توب يتصفح بعض ملفات العمل ثم سمع صوت والده و مراد يستعدون للذهاب الى المسجد

محمود،، صباح الخير يا عمر اخيرا صحيت

عمر ،، صباح النور يا بابا انا جاهز

مراد،، جاهز لأيه بالضبط

عمر،، حروح الجامع معاكو

محمود ،، بس انت لسه تعبان

عمر،، لا يا بابا ،، انا محتاج اخرج من البيت حاسس اني اتخنقت عايز اشوف الناس

محمود ،، ماشي بس توعدني لو تعبت حترجع

عمر،، حاضر اوعدك

ذهبو لأداء الصلاه و قد شعر عمر بأنه في حال افضل و ازداد حماسه عندما اخبره والده ان الدكتور منير و ماهر سيأتون لزيارته

#زواج_غير_تقليدي_28

بعد زيارة ماهر و والده لعمر شعر انه تحسن جدا لمجرد رؤيتهم ،، انهالو عليه بالاسئله عن صحته و احواله و كانت اجابته كالعاده انه بخير

في غرفه المكتب جلس الدكتور منير مع محمود

محمود،، انت كنت تعرف بمرض محمود طول الوقت ، ازاي خبيت عليه حاجه زي دي

منير،، عمر هو اللي مكانش عاوز حد يعرف و انا كنت حقولك لما حسيت ان حالته بتدهور بس حصلت الضروف بتاعت البلد و كان لازم اسافر و الحمد الله ان ماهر كان هنا

محمود،، افتكرت انه ضاع مني و خلاص مش هيعيش

منير،، عمر استحمل كتير اوي يا محمود عشانك ،، كان خايف تفتكره ضعيف و مش قد المسؤوليه

محمود،، انا قلبي كان بيتقطع عليه لما شفته بالشكل ده و لما حاول #حسيت اني حمو,ت وراه

منير،، بعد الشر عليكو انتو التنين المهم انك عرفت غلطك

محمود ،، ربنا يقدرني و اعوض عمر عن العذاب اللي شافو

……………………………………………

في هذه الاثناء انتهز ماهر فرصه وجود بسمة مع عمر ليختلي بريم في حديقه المنزل ، بعد اخر حديث لهما لم تأتي ريم الى المستشفى الا يوم خروج عمر و لم تتكلم في الموضوع

ريم كانت جالسه تعبث بعاتفها حين فاجأها ماهر بالجلوس بقربها

ماهر،، ازيك يا دكتوره

ريم،، لسه مبقيتش دكتوره

ماهر،، انت فنضري احلى دكتوره

ريم،،بخجل،، من فضلك بلاش كده

ماهر بأبتسامه ،، من فضلك انت بلاش تتجاهليني انا عايز اسمع منك رد

ريم،، رد على ايه

ماهر،، انا قلتلك اني بحبك و حبيتك من اول مره شفتك فيهه و عايزك تبقي شريكه حياتي رأيك ايه

ريم،، بخجل شديد،، انا ،، مش اصلي مش عارفاك كويس

ماهر ،، انت لو موافقه على المبدأ يبقى نتخطب و تتعرفي عليه زي مانتي عايزه و لو عجبتك ياستي نبقى نتجوز

ريم،، اخفضت رأسها في خجل،، بس انا لسه بدرس

ماهر،، و انا مش حعطلك خالص بس انا كل اللي عايزو فرصه واحده يا ريم و مش حتندمي

ريم،، حاضر

ماهر،، يعني ايه حاضر دي موافقه؟؟؟

ريم ابتسمت بخجل

ماهر بأبتسامه واسعه ،، يعني موافقه ،، انا حروح اكلم بباكي حالاً

ريم،، لالا استنى خلي عمر يكلمو الاول عشان هو بيثق فيه

ماهر،، ماشي يا ريري يعني انا مش ثقه زي عمر

ريم،، لا يا ماهر انا مش قصدي بس بابا عارف
عمر كويس و بيثق في رأيه و رأي انكل محمود

ماهر،،، حاضر انا حكلم عمر انهارده

……………………………………………………………

بعد الغداء و الكلام و المحادثات الطويله كلم ماهر عمر

عمر،، و انا اللي كنت فاكر انك زعلان عشاني اتاريك بتضبط نفسك و دايب في الحب

ماهر،، ايه يا عمر ما انت عارف اني كنت قلقان جدا الحكايه بس جات صدفه

عمر،، انا بهزر معاك و فرحان بجد انك اخيرا حتتجوز و كمان ريم بنت كويسه جدا و لولاها مكنتش بسمة حتعرف الحقيقه

ماهر،، خلاص يا عمر اقفل موضوع ندى ده تماماً مش كفايه اللي عملته فيك

عمر،، انا كل ما احاول اقفل الموضوع ده ندى تضهر و تدمر كل حاجه

ماهر بضحك،،،ههههههههههه بس البنات ادوهه علقة مو,ت انا تفاجأت برد فعلهم

عمر بضحك،، و انا كمان حسيت انهم #كمان شويه بس تستاهل عشان انا مقدرتش امد ايدي عليهه

ماهر،، اه صحيح انت بتاخد الدوه في معاده و لا بتطنش

عمر،،، و حتى لو انا طنشت بسمة بتجري ورايه لحد ما اخدو

ماهر ،، اهو انا كده اتطمنت عليك

………………….………………………………………………

مرت هذه الليله بسلام و كان جو الفرح برجوع عمر لبيته يملأ ارجاء المنزل ،،، بحث عمر عن بسمة في المنزل و لم يجدها ثم اخبرته سماح انها في غرفتها

دخل عمر الغرفه بتوتر لأن كل ركن في تلك الغرفة يذكره بماضي مؤلم حاول نسيانه،،، لكنه دخل و صارع كل افكاره السوداء لأنه شعر بالقلق على بسمة ،، لم تكن موجوده في الغرفه و لكنه لمحها في البلكونه

عمر،، ايه يا بسمة انا بدور عليكي من الصبح انت فين

التفتت اليه بسمة و كانت عيناها مليئه بالدموع

عمر بفزع،، مالك يا حبيبتي انت تعبانه اطلب الدكتور

بسمة،، انا مش تعبانه يا عمر

عمر،، امال مالك حد زعلك

بسمة،، لا محدش زعلني

عمر بعصبيه و قلق جذب بسمة اليه،، ايه يا حبيبتي مالك بس متقلقينيش عليكي

ازدادت بسمة في البكاء و ازداد قلق عمر

عمر ،، بسمة ارجوكي انا عايز افهم مالك اتكلمي عشان خاطري

بسمة،،بصوت طفولي و حزين ،،، انا نفسي فالبطيخ

عمر بدهشه،، ايه بطيخ ؟؟؟؟

بسمة ببكاء،، ايوا

عمر،، انت بتعيطي عشان عايزه تاكلي بطيخ

بسمة،، باحراج،، انا اسفه

انفجر عمر بنوبه ضحك هستيري لدرجه ان عيناه فاضت بالدموع من الضحك المستمر اما بسمة كانت تضربه برقه و هي تقلد صوت الاطفال ،، قد تكون هذه اللحضه من اجمل اللحضات التي مرت على عمر و بسمة،، كانو يضحكون بصوت عالي ،، ضحكات من القلب

عمر و هو يحتضن بسمة،، انا افتكرت ان حد مات و انت بتعيطي عشان البطيخ

بسمة،بزعل،، يا سلام و الله بنتك هي اللي عايزه تاكله مش انا

عمر،، من عينيه يا روح قلب عمر انا حجيبلك البطيخ

بسمة،، لالا يا عمر حدور فين الساعه دي وبعدين انت متخيل اني حسيبك تسوق و انت تعبان

عمر ،،انا مش تعبان و اقدر اسوق و بعدين انا مش عايز
بنتي تطلب حاجه و انا اتأخر

بسمة،، انت بتتكلم جد ،، يا عمر استنى بس انت رايح فين

عمر،، متخافيش انا حرجع بسرعه
وقفت بسمة قرب الباب لتمنع عمر من الخروج

بسمة،، انا مش حسيبك تخرج يا عمر

عمر ،، يا حبيبتي سيبيني انا مش عيل صغير بلاش تعامليني بالطريقه دي انت عارفه اني بتضايق

بسمة،بندم،، انا اسفه مش قصدي والله بس انا خايفة عليك

عمر بشفقه عليها،، خلاص تعالي معايا

بسمة اتسعت ابتسامتها ،، انا حغير هدومي في ثواني

………………………………………………………………

كان الوقت متأخر جدا و لكن فرحه بسمة و عمر بوجودهم مع بعض اكبر من اي وقت ،، بالطبع لم يجدوا البطيخ في ذالك الوقت المتأخر و لكن بسمه اصرت على ان تأكل الايس كريم

اوقفو السياره امام البحر و هم يأكلون الايس كريم

عمر،، مبسوطه يا حبيبتي

بسمة،، ايوا انا فرحانه اوي انا عمري ما تأخرت بره للوقت ده

عمر،، على فكره دي احلى ليله في حياتي

بسمة،، بجد يا عمر انت مبسوط

عمر،، طول ما انتي جانبي انا مرتاح و مبسوط ،، انت حب عمري يا بسبوسه

بسمة،، انت احلى حاجه في حياتي يا حبيبي انا حاسه ان ربنا عوضني بيك عن ثم سكت و لم تكمل جملتها

عمر شعر بألمها عندما تذكرت اهلها مسح دموعها و هو يقول ،، لو عمي كان هنا كان زعل اوي لو شاف الدموع دي فعنيكي

بسمة،، وحشوني اوي يا عمر انا مش مصدقه اني مش حشوفهم تاني خالص ،، كان نفسي ماما تبقى معايا و انا بولد و بابا يشيل بنتي ،، هم ازاي سابوني لوحدي و انفجرت بالبكاء

احتضنها عمر و هو يمسح على رأسها ،، انت مش لوحدك انت معايا و انا عمري محسيبك يا حبيبتي انا مقدرش اشوف دموعك دي ارجوكي بلاش تعيطي

نضرت اليه برجاء،، ممكن اطلب منك طلب

عمر،، طبعا يا حبيبتي انت تأمري

بسمة،، ممكن تاخدني بيتي

عمر بحزن،، بس يا حبيبتي الوقت متأخر

بسمة،، انا من ساعة ما توفو و انا قافله البيت بقالي سنه تقريبا مشفتوش ،،، نفسي اوي اشوف بيتنا عشان احس بيهم

عمر،، شعر بالحزن على حالها و اشتياقها لوالديها ووافق على طلبها

………………………..…….…………………

دخلو الى المنزل اللذي كان مليئ بالتراب و لكن في كل ركن فيه ذكريات لبسمة مع اهلها و اجمل ايام طفولتها و مراهقتها و شبابها
لم تكن بسمة هي الوحيده التي هاجمتها الذكريات و لكن عمر ايضا تذكر جلساته الطويله مع عمه في غرفه المكتب الصغيره ،،، لطالما كان عمه عطوفاً معه لانه كان يعلم بقسوة محمود عليه
تجولت بسمة في ارجاء المنزل و دموعها لم تتوقف خصوصاً عندما دخلت غرفت والديها ،،،، ارتمت على ذالك السرير و بدأت بالبكاء و النحيب ،،، صوت بكائها كان يذيب القلب،،، احتضنها عمر و هو يشعر بألمها و رغم انه كان يتمزق من داخله لرؤيتها بهذا الشكل الا انه حاول ان يغير جو الحزن اللذي بداخلها

عمر،، انت بتعيطي عشان مش عايزاني اشوف اوضتك،، انت اكيد اوضتك مبهدله صح

بسمة تضحك ببكاء،، يا سلام بالعكس انا اوضتي احلى من اوضتك

عمر،، طب تعالي وريني عشان اصدق

انطلقت بسمة بحماس و دخلت مع عمر لغرفتها اللتي كانت ذات طابع انثوي راقي رغم التراب اللذي يكسوها

عمر،، بقولك ايه انا عايز استغل الفرصه و احتفل

بسمة ،، تحتفل بأيه؟؟

عمر،، احتفل بأني فأوضة حبيبتي ،، جذبها اليها بسرعه وحشتيني

بسمة،، يا مجنون مش هنا

عمر،، انت مراتي هنا و هناك و فكل حته ،، بحبك

بسمة بخجل،، طب سيبني انا عايزه انام

عمر،، لا لسه بدري على النوم ،،، مش وقت نوم خالص
و ….………….

…………………………………………………………………

قضو بسمة و عمر الليله في ذالك المنزل و في الصباح الباكر استيقضت بسمة لتجد عمر نائم على السرير بجانبها ، ابتسمت و هي تنضر اليه و خطرت لها فكره

،،،،،،،،،،،،،،،،،،،،،،،،

#زواج_غير_تقليدي_29

استيقظت بسمة باكراً و وجدت عمر نائم بجانبها ،، نضرت اليه مطولاً و تذكرت ماحصل في الامس ثم ارتسمت ابتسامة خجل على وجهها و خطرت على بالها فكره ….

خرجت بسمة من المنزل بهدوء و ذهبت الى اقرب محل و اشترت بعض انواع الطعام و البخور ،،، عادت الى المنزل بسرعه و اعدت بعض انواع الطعام للفطور ، وبخرت المنزل فأصبح عطراً جدا ثم ازالت بعض اثآر التراب من على الطاوله و فتحت الشبابيك لتدخل اشعه الشمس و تضئ ارجاء المنزل لتعيد له الحياة من جديد ،، رغم ان التراب لازال موجودا الا ان المنزل كان يبدو نضيفا و هادئا،، ادارت بسمة راديو والدتها على اذاعة القران الكريم ،،، كان جو المنزل حميمي جدا فوق الوصف و اشعة الشمس المتسللة من الشبابيك جعلته مفعم بالحياة

اعدت كل شئ بسرعه و اخذت شاور سريع ثم تسللت الى غرفتها القديمة لتجد شئ تلبسه لكن كل ملابسها اصبحت ضيقه عليها بسبب الحمل ،،، فكرت قليلا ثم ذهبت الى غرفه و الدتها و ارتدت قميص نوم والدتها اللذي تميز باللون الوردي ،،، كم شعرت بالدفئ فيه وكأنها محتضنه امها ،،، انسدل شعرها الاشقر المموج على ضهرها ووضعت قليلا من احمر الشفاه ،،، كانت تبدو جميله جدا كالقمر حتى انها اعجبت كثيرا بنفسها و ارتسمت ابتسامتها على وجهها ……..

عادت الى غرفتها ووجدت عمر نائم كما هو ،، رغم انه خرج من المستشفى و لكنه لم يتعافى بشكل كامل و لذالك فكان ينام لفترات طويله ،، لم تود ان توقضه من نومه فتمددت بجانبه و هي تمسح على شعره بأطراف اصابعها ففتح عينيه ببطئ

بسمة،، انا اسفه يا حبيبي انت صحيت

عمر بأبتسامه،، صباح العسل ايه الجمال ده كلو ده احلى صباح اللي بشوفك فيه قدامي

بسمة،، صباح الفل يا حبيبي قوم بسرعه عشان عملالك مفاجأه

اعتدل في جلسته و هو يلامس خصلات شعرها ثم شم تلك الرائحه الرائعه اللتي حاوطت المنزل ،، امتزجت رائحة البخور بالقهوة لتضفي بريقاً رائع على ارجاء المنزل

عمر،، الله ايه الريحة دي يا سوسو

بسمة،، تعالى معايا بس و انت تعرف

ذهبو مع بعضهم الى المائده و اعجب عمر جدا بأصناف الطعام اللتي حضرتها بسمة و ذالك الجو اللذي اخترق قلبه صوت القرأن الكريم و اشعه الشمس المتناثره و وجود زوجته بجانبه تطعمه بنفسها
كانت جلسه رائعه جدا رومانسيه و يملئها الحب و الحنان

عمر،، انت لحقتي تعملي كل ده امته

بسمة،، انا صحيت من بدري و نزلت اشتريت كم حاجه عشان نفطر

عمر،، مع اني زعلان عشان خرجتي لوحدك بس بجد الاكل يجنن و الجو حلو اوي

بسمة،، يعني عجبتك المفاجأه

عمر ،، ابتسم و هو يرتشف بعض القهوة،، عارفه يا بسمة انا طول عمري بحلم بالجو ده ،، البساطه في كل حاجه كفايه انك معايه و بنفطر سوة صدقيني القعده دي قبل كم شهر كنت متخيل انها حلم جميل مش حيتحقق

بسمة،، متقولش كده انا مش عايزه افتكر الايام دي ،، احنا قدامنا المستقبل و حياتنا الجديده و بنتنا

عمر،، ان شاء الله ربنا يقدرني و اقدر اسعدك انت و البنوتة اللي جوه دي

بسمة،، صحيح احنا لسه مقررناش حنسميهه ايه

عمر،، مش عارف الاحسن نستنى لما تيجي حاسس اني لما اشوفها حلاقي الاسم المناسب

بسمة،، نفسي تيجي بسرعه و اشيلها بين ايديه

عمر،، و انا كمان دي حتبقه حتة مني و منك

بسمة،، هو الاكل معجبكش يا عمر

عمر،، ليه بتقولي كده يا حبيبتي انت عارفة ان اكلك بيعجبني

بسمة،، طب لو عاجبك مش بتاكل ليه

عمر،، بتوتر ،، انا باكل اهو ،، تناول قطعة كبيرة من الطعام اللذي اعدته و كان يبدو على وجهه علامات التعب و الالم
انتبهت بسمة لتغير ملامح وجهه حتى انه ازاح بوجهه عنها كي لا تراه

بسمة بقلق ،، مالك يا حبيبي ،، خلاص لو الاكل مش عاجبك مش لازم تاكل مش حزعل والله

لم يستطيع الرد عليها ،، وضع يديه على فمه ثم ركض بسرعه بأتجاه الحمام و تقيئ بشده و لم يقوى على النهوض فجلس على ارضية الحمام و هو يمسح قطرات العرق بأرهاق ثم انتبه على بسمة اللتي كانت تقف ورائه و عينها تفيض بالدموع ،، لم تقل شئ بل مدت يديها اليه و ساعدته على النهوض

بسمة،، بقلق،،انت متأكد انك كويس

عمر،بحنان،، متقلقيش ده عادي من العلاج الكيميائي

بسمة،، يعني انت بيحصلك كده من زمان

عمر ،، انا مش عايزك تفكري بالشكل ده ،، انا كويس

بسمة،، انا اسفه عشان خليتك تاكل و انت ،،،

قاطعها عمر ،، اكلك يجنن و كل حاجه من ايدك انا بحبهه انت ملكيش ذنب بلاش تزعلي كل ما تشوفيني تعبان

بسمة،، انا اسفه بس خفت عليك اوي

عمر بأبتسامة،، متخافيش يا روح قلب عمر

بسمة،، ايه رأيك ترتاح شويه

عمر بعصبية،، لا يا بسمة والله العضيم انا كويس بلاش تعامليني بالطريقه دي

بسمة،، طب خلاص متزعلش يا حبيبي

عمر،، معلش يا بسمة ،، ممكن نمشي

بسمة،، انت لحقت تزهأ من البيت

عمر،، لا متفهمنيش غلط انا بس محتاج الدوا بصراحه

بسمة بدهشه،، اااه صحيح ده معاد الدوا بتاعك انا مش عارفه نسيت ازاي،، يلا بسرعه يا عمر خلينا نرجع البيت

عمر،،، هههههههه سبحان مغير الاحوال

ارتدت بسمة ملابسها بسرعه وودعت المنزل بحزن و ذهبت بسرعه الى سياره عمر ليعودو للمنزل

في السيارة
………….……………

بسمة،، انا فرحانه اوي ان ماهر و ريم اتخطبو بجد الاتنين يستاهلو بعض

عمر،، انا مش عارف اكافئهم ازاي اللي عملو معانا ده ميتنسيش ،، انت عارفه ماهر بيحبهه اوي

بسمة،، و انا كمان حاسه ان ريم بتحبو اوي

عمر،، طبعا يابنتي ده ماهر لقطة

بسمة،، يا سلام و ريم كمان مفيش زيهه مؤدبه و جميلة

عمر ،، انا عارف انها مؤدبه بس مش عارف لو كانت جميله او لا ،، اصل انا لما حبيبتي بتكون جنبي مبشوفش اي بنت تانيه

بسمة،، يا سلام على الرومانسيه ،، بمو,ت فيك و انت رومانسي يا حبي

عمر،، انا دايماً رومانسي اوعي تنكري

بسمة،، يا خبر انا اقدر ده انت حبيبي انا
………………….…….…..……………………………………….

عادو الى المنزل و لاحضت بسمة ان عمر ذهب الى الغرفة فوراً و تناول دوائه بسرعه و شعرت بسمة بأنه كان متعب فعلا و محتاج الى الدواء ،،، بعد ساعة تقريبا وجدته نائم مرة اخرى و يبدو عليه التعب
رغم ان رؤيته و هو مريض و متعب صعبة عليها جدا و لكنها قررت انها ستساعده و تكون اقوى لكي يتم شفاؤه على خير

$$$$$$$$$$$$$$$$$$$$$$$$$$$$$

مرت الاشهر بسرعه و كانت حالة عمر في تحسن مستمر و عاد الى عمله مع مراد و تمت خطوبة ريم و ماهر و اصبحو قريبين جدا من بعضهم اما بسمة فأصبحت في شهرها التاسع

انشغل عمر بالعمل كالعاده و لكن مراد و محمود كانو يحرصون على ان لا يجهد نفسه ورغم ذالك كان يهتم بالعمل اكثر من صحته الى ان اتى ذالك اليوم ……

#زواج_غير_تقليدي_30_الأخيرة

كل شئ كان يجري على ما يرام حتى اتى ذالك اليوم ، كان عمر نائما و الجو هادئ نسبياً و شعر عمر بيد تلمس كتفه و توقضه

عمر،، بفزع ،، فيه ايه انت بتولدي

بسمة بضحك،، لالا متقلقش

عمر، بنعاس،، امال مصحياني ليه يا بسمة الساعه كام دلوقتي اصلا

بسمة،، الساعه تلاتة الصبح ،، انا اسفه يا عمر بس انا لازم اتكلم معاك دلوقتي

عمر بقلق،، اعتدل في جلسته ،، اي يا حبيبتي انت عايزه حاجه

بسمة،، انا عايزه اكلمك في حاجة مهمة ،، هو يعني طلب بصراحة

عمر ،، قولي يا بسمة من غير مقدمات انت عارفه ان لو حاجه فأيدي اعملهه انا ماتأخرش

بسمة،، بتردد،، انا بصراحه بقالي فتره بفكر لو يعني ننقل من هنا و نروح نعيش في بيت بابا

عمر بصدمة،، ليه يا بسمة حد هنا مضايقك

بسمة،، لا طبعا انا بعتبر كل اللي في البيت عيلتي

عمر،، طب ليه عايزة ننقل؟؟؟

بسمة،، انا عايزة يكون لينة بيت خاص لوحدنا و بعدين احنا لما كنا هناك انا كنت فرحانه اوي و حاسه ان اهلي جنبي ،،ونفسي نعيش انا وانت و بنتنا و نأسس عيله مع بعض

عمر،، بس الموضوع دة صعب انت عارفة ان بابا مش حيوافق بسهولة

بسمة ،، معلش نحاول معاه مش حنخسر حاجه عشان خاطري يا حبيبي

عمر ،، ماشي يا بكاشه انا حكلمو

بسمة ،، بفرحه احتضنت عمر ،، ربنا يخليك ليا

عمر ،، كل الفرحة دي عشان عايزه ننقل

بسمة،، طبعا انا عايزه ابقى براحتي فبيتي مع حبيبي ، انا و انت و بس

عمر،، ايوا كده بقه كان فين الدلع ده من زمان

بسمة،، انا بدلعك دايما بس انت اللي مبتقدرش

عمر،، اناااا ،، مااشي طب انا حنام

بسمة،، لالالا خلاص انا بمو,ت فيك و بحب ادلعك يا عمري

عمر،، ههههههه و انا بعشقك يا قمري

بسمة بخجل،، مرسي و ……………..

………………………………………….. ……………….

مرت اسابيع و مازال عمر متردد في التحدث مع والده عن الموضوع حتى انه كان يحاشى الكلام مع بسمة ن الموضوع

اليوم هو يوم مميز جدا لأبطال روايتنا انه زفاف ماهر و ريم،،، في احدى الفنادق الفاخره امتلأ المكان بالزغاريط و الفرح ،،، كانت ريم ترتدي فستان زفاف محتشم و بدت رائعه كالملاك و يجلس ماهر بجانبها و يبدو في غاية الوسامة

ماهر ،، اخيرا بقيتي حلالي،، انا كنت حاسس ان اليوم ده مش حييجي ابدا
ريم،، انا كمان حاسه اني فحلم مش مصدقه اني بقيت مراتك
ماهر،، بس ايه الجمال ده كلو ، انا كده حشطب الفرح بدري بدري
ريم بخجل،،، انت نسيت ان ورانا طياره
ماهر،، و انا اقدر انسى انا حاخدك و نطير على لندن و اوعدك انك حتشوفي احلى ايام حياتك هناك
ريم،، انا مبسوطه طول ما انت معايا يا حبيبي
ماهربصوت عالي ،، و انا بحبك بحبك بحبك
ريم بضحك ،، خلاص خلاص حنتفضح
ماهر،، عروستي و انا حر فيهه
ريم ،، ههههههههه بمو,ت فيك يا عريسي
………………………………………….. .

في الجهة الثانيه من القاعة تجمعو عائله العروسين على طاوله كبيره و هم يتبادلون الحديث و الضحكات

عمر،، ايه يا بسبوسة انت بتحلوي كده ليه

بسمة،، يا سلام بص شكلي بقه عامل زي ماكون قنبله و حنفجر بعد شويه

عمر،، قنبلة عسل و سكر و قشطة

بسمة،، ههههههه ماشي حعديها بمزاجي

عمر،، يلا بقة اولدي عايز اشوف بنتي

بسمة،، هو بمزاجي ،، انا نفسي اولد بسرعه تعبت من الحمل

عمر ،، معلش يا حبيبتي بكرا تولدي بالسلامة و ننشغل بالبيبي

بسمة،، ان شاء الله

كان الزفاف جميل جدا و انتهى بسلام و انطلقو ريم و ماهر الى المطار اما عمر فكان يسوق السياره و معه والده و والدته و سماح و بسمة اما مراد فكان في الاسكندرية
في طريق عودتهم الى المنزل انتبهت فاطمة على بسمة اللتي كانت تشعر بالألم

فاطمة،، مالك يا حبيبيتي انت كويسة

لم تجيب بسمة بل كانت عيناها تفيض بالدموع

سماح،، بقلق مالك يا بسمة انت بتعيطي ليه

انتبه عمر على بسمة و كان قلق جدا عليها

عمر،، ايه يا حبيبتي انت كويسة

بسمة بصعوبه و صوت خافت ،، انا بولد الحقني يا عمر

ارتبك عمر و اوقف السياره بسرعه

محمود ،، مالك ليه وقفت العربيه

عمر،، انت بتولدي بجد

بسمة ببكاء،، مش عارفة ااااه

فاطمة،، اطلع بسرعه على المستشفى يا عمر انت مستني ايه

عمر بقلق،، حاضر حاضر

في طريقهم الى المستشفى تزايد الالم على بسمة فاصبحت تصرخ و تبكي مما زاد من ارتباك عمر و خوفه عليها

بسمة،، الحقني يا عمر انا مش قادره خلاص

عمر،،بتوتر،، معلش حنوصل بسرعه متخافيش انا معاكي

سماح،، اتنفسي بانتضام متخافيش

فاطمة،، ربنا يقومك بالسلامة يا حبيبتي احنا كلنا معاكي متخافيش من حاجه

بسمة،، احتضنت فاطمة لتجد فيها حنان الام ،، انا خايفة اوي يا ماما

كان قلب عمر يتمزق لسماع صرخاتها و خوفها ، فهو كان خائف عليها اكثر من اي شئ في العالم
…………………….

وصلو الى المستشفى و اخذو بسمة بسرعه و كان الجميع ينتضرها في قاعه الانتضار ،، حالة عمر كانت تزداد سوء كلما ازداد وقت وجود بسمة في غرفة الولاده ،، كان الالم يعتصر قلبه و يتذكر صرخاتها و خوفها و يدعو الله ان تكون بخير

محمود ،، متقلقش يا بني ان شاء الله حتقوم بالسلامة و تجيبلك البنت اللي نفسك فيهه

عمر،، انا ميهمنيش البيبي انا خايف عليهه هي ،، هم تأخرو ليه اكيد فيه حاجه حصلت

محمود،، مفيش حاجه الولاده بتاخد وقت يا بني ارتاح انت بس

فاطمة ،، خلاص يا حبيبي متقلقش انت حتبقى اب

ابتسم عمر رغم القلق عندما تخيل انه سيحمل ابنته للمره الاولى و خرجت الممرضه في نفس اللحضه

الممرضه ،، الف مبروووك جاتلك بنت زي القمر

عمر ،،بفرح ،، و بسمة عامله ايه

الممرضه،، متخافش هي كمان كويسه و حتخرج بعد شويه

اخيرا بعد ساعات الانتضار الطويلة و القلق و الخوف ولدت بسمة و خرجت الممرضه الثانيه بالطفله و حملها عمر لأول مره
شعر بشعور لا يوصف السعاده العارمة و الفرحه و الخوف و القلق و المسؤوليه و مزيج من المشاعر اللتي يطلق عليها مشاعر الابوة،،،، فاضت عيناه بالدموع وهو يحملها و انهالت عليه عبارات التهاني و التبريكات

في غرفة بسمة،،

بسمة و هي تحمل الطفله،،، انا بقيت ام مش مصدقه

عمر،،كنت همو,ت من القلق عليكي قلبي بجد كان حيوقف

بسمة،، انا لما شفتها نسيت كل الوجع و التعب ،، انا بحبك اوي يا عمر و اخيرا بقى عندي حتة منك

عمر،، انت بسمة حياتي و كل اللي عدة علينا الفتره اللي فاتت انا كمان نسيته لما شفتهه

بسمة،، طب حنسميها ايه ؟؟؟

عمر،، و هو ينضر الى الطفله ،، فرح حنسميها فرح عشان هي سبب الفرحه اللي احنا فيها

بسمة ،،بسعاده ،، ربنا عوضنا عن كل اللي فات و ادانا فرح

عمر،، ربنا يخليكي ليا انت و فروحة

دخلت سماح الغرفة و هي سعيده جدا

سماح،، اخيرا جات عروسة ابني

عمر،، لا انا مش حوافق بسهوله كده

سماح،، و انت تطول اصلا ان ابني يتجوز بنتك

عمر ،، لا يا ستي ميدو ده ابني انا كمان و لو حب يتجوز فرح حبقى افكر

سماح ،، تفكررر لا انا اشوفلو واحده تانيه اضمن

الجميع ،، ههههههههههههه

محمود،، انتو خلاص جوزتو عيالكو اوام

فاطمة،، ربنا يسعدكو يا ولادي و كل ايامكو تبقى فرح و هنا يارب

الجميع ،، امييييين

،،،،،،،،،،،،،،،،،،،،،،،،،،،

في لندن

ماهر،، بفرحة،، تعالي ياريم عندي اخبار تجنن
ريم،، خير يا حبيبي
ماهر،، بسمة ولدت و جابت فرح
ريم بدهشه،، بجددد انا فرحانه اوي ربنا يسعدهم يارب
ماهر،، عقبالنا يا روح ماهر و قلب ماهر
ريم،،ربس انا اللي حسميهم
ماهر،، لا طبعا انا ذوقي في الاسماء احلى
ريم،، كده طب ابقى خلف لوحدك يا حبيبي
ماهر،، جذبها بسرعه ،، احنا مش حنتفق على الاسماء
ريم بخجل،، حنتاخر كده انا عايزه اشوف البحر هنا
ماهر،، انا مش عايز اشوف غيرك بحبك
ريم،، بمو,ت فيك،،،،،،،،،،،،
………………………………………

بعد مرور يومين كانت بسمة تستعد للخروج من المستشفى و سماح و فاطمة يساعدوها في حزم اغراضها ،، ثم اعادها عمر الى البيت و هي تحمل فرح

عمر ،، بسمة انا عندي مشوار حروح و ارجع بسرعه
بسمة،، على فين يا عمر انت مش حتقعد معايا
عمر بتعب،، انا راجع بسرعه ربع ساعة و ارجع
سماح ،، انا قاعده معاكي و ماما كمان بتصلي و جايه
بسمة،، ربنا يخليكو ليه

خرج عمر من الغرفه و هو يشعر بالدوار الشديد ، جلس ببطئ على الكرسي القريب من مكتب والده ،، حاول ان يهدأ ذالك الدوار و لكن لا جدوى ،،و ضع رأسه بين يديه ثم حاول القيام ليذهب الى السياره لكنه كان متعب جدا

شعر بحركه في غرفة المكتب و علم ان والده هناك فذهب اليه مترددا

محمود،، تعالى يا عمر انت واقف ليه

عمر،، لو مشغول خلاص

محمود ،، لا يا بني مشغول ايه انا كنت ببص على الورق بتاع المناقصة

دخل عمر الغرفه بخطوات بطيئه و يبدو عليه الالم

محمود ،، مالك يا عمر انت شكلك مش عاجبني

عمر بتعب ،، بابا انا محتاجلك في حاجه و ،،

محمود،، اتكلم يا عمر عايز ايه

عمر اشتد عليه الالم فبدأ بتدليك رأسه و انتبه محمود على ان عمر يشعر بالتعب فاقترب منه و جلس بجانبه

محمود ،، مالك يا بني انت في حاجه بتوجعك

عمر،، بتردد،، ايوا ، انا بصراحه الدوا بتاعي خلص و حاسس بدوخه و صداع جامد اوي

محمود بشفقة و حزن ،، طب ليه معديتش على الصيدليه في سكتك و انت راجع

عمر،، مكنتش اعرف ان الدوا خلص،، انا عايز اروح الصيدليه بس انا مش قادر اسوق ،، ممكن

قاطعه محمود ،، انا حجيبهولك انت ازاي تسيب نفسك توصل للحاله دي

عمر ،، انا جاي معاك

محمود ،، لا ارتاح انت و انا حرجع بسرعه

عمر،، مش قادر استنى يا بابا ارجوك

محمود بحزن ،، خلاص تعالى معايا

استند عمر على والده و هو يشعر بالامان فهذه المره الاولى اللتي يطلب من والده شئ و يثق به ،،، اصبح محمود يثق بأبنه و يساعده و هذا ما قاد عمر للثقه بوالده من جديد

ذهب عمر مع والده و تناول الدواء فور شرائه من الصيدليه ثم طلب من والده ان يذهبو للتحدث في كافتريا قريبه

محمود ،، انت لسه تعبان خلينا نرجع البيت

عمر ،، لا يا بابا الدوا ده بيشتغل بسرعه،، انا عايز اكلمك في موضوع

محمود ،، ماشي براحتك

ذهبو الى الكفتريا القريبه و اخبر عمر والده عن طلب بسمة

محمود،، انا يا بني مش عايزكو تبعدو عني و انت بالذات نفسي اعوضك

عمر،، انا مقدرش ابعد عنكو يا بابا بس بسمة نفسها تعيش فبيت اهلها اللي تربت فيه و انا كمان عايز اعوضهه عن غياب اهلهه

محمود ،، خلاص يا بني زي ما تحب و ربنا يسعدكو

عمر بأبتسامة،، ربنا يخليك ليه يا بابا

،،،،،،،،،،،،،،،،،،،،،،،،،،،،

فرحت بسمة جدا لموافقة عمها و بدأو فوراً بتغيير بعض الاثاث و ترتيب و تنضيف المنزل و انتقلو للعيش فيه بعد شهر تقريباً
مرت الاشهر و تحسنت حالة عمر بسرعه و توقف عن العلاج الكيميائي و اصبح بصحة جيده و تجمعت العائله في منزل عمر و بسمة ليحتفلو بعيد ميلاد فرح الاول

بسمة،، الحمد الله ان ربنا شفاك و رجعنا لبعض من تاني

عمر ،، انهارده انا حاسس اني ملكت الدنيا كلهه مراتي حبيبتي جانبي و بنوتي و اهلي ،،، كل حاجه كنت بحلم بيهه

بسمة،، انا مش مصدقه ان احنا بقالنا سنه عايشين في البيت ده و بجد يا عمر دي احلى ايام حياتي ربنا يخليك ليا و ميحرمنيش منك ابدا

عمر ،، ولا يحرمني منك يا احلى بسبوسه في الدنيا
………………………..

ماهر ،، يلا بقى قومي عشان نقطع التوترتة مع فروحه

ريم،، انا مش قادره اشم ريحة الاكل

ماهر،، ربنا يقومك بالسلامة و تجيبيلنا اجمل بيبي في الدنيا كلهه

ريم،، انت حتبقى احن اب يا حياتي
،،،،،،،،،،،،،،،،،،،،،،،،،،،

محمود،، ربنا ميحرمنيش من لمتكو حولينا

فاطمة،، اللمة دي بالدنيا و ما فيها

سماح ،، ربنا يخليكو لينة و تفضلو منورين حياتنا

مراد،، ايه يا جماعه الاكل فين انا حمو,ت من الجوع

عمر،، الاكل جاهز يا طفس انت جاي تاكل و لا تحتفل

مراد ،، طبعا جاي اكل انا راجل شقيان يا ناس

سماح ،، معلش يا جماعه جوزي مبيفكرش غير في الاكل

ماهر،، انت حتقوليلي ده لو سبتو من غير اكل ممكن ياكلنا احنا

بسمة،، يلا يا جماعه تعالو نقطع التورتة

احتمعو الجميع حول الطاولة و هم يغنون بمرح و ضحك و ينضرون الى عمر و بسمة و هم يحملون فرح

هابي بيرثدي فروحه
سنه حلوه يا جميل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،
الكاتبه (ساره الراوي)

تمت.