رواية أنا والحب وصديقتي بقلم فاطمة هشام

الحلقة 1

بدأت الحكاية ان هى وصاحبتها فى الكوافيرعشان صاحبتها خطوبتها النهاردة وهى صاحبتها الوحيدة عشان كدا راحت معاها وفضلت معاها وصاحبتها لبست فستان الخطوبة وبتحط الميك اب وهى تبوصلها وتفتكر كل حاجة*
*ادم البطل وهند بطلة*قصتنا*قاعدين فى الكلية فى اخر يوم امتحانات فى سنة رابعة*
ادم:هند بصراحة انا عايز اقولك على حاجة وكنت مستنى لما نخلص عشان قلبى يقوى واصرحك
هند*لنفسها* ياااااااااااه اخيرا هتنطق بقالنا اربع سنين فى الجامعة سوى وعلى طول مع بعض اخيرا حسيت بحبى وهتقولى الكلمة ال عايزة اسمعها منك ,بس انا لزما استعبط واعمل نفسى مش فاهمة حاجة*:عايز تقول ايه يا ادم خير
ادم:خير ان شاء الله,بصى انتى طبعا عرفانى وعارفة اخلاقى وال اربع سنين ال قضناهم سوى تشهد على كدا وانا طول عمرى بحب اصاحب واكلم البنات المحترمة ال زيك وانا عمرى مشوفت منك حاجة وحشة ولا انتى ولا اى حد من اصحابك عشان كدا انا بثق فى جميع اختيراتك وعارف انك مش بتكلمى اى حد او بتصاحبى اى حد لزما ال تكلميه يكون زيك فى اخلاقك وتربيتك
هند*لنفسها*ايه يا ادم المحاضرة دى قولها بقى نفسى اسمعها منك*:ايه يا ادم قلقتنى ماتقول فى ايه ليه الكلام الكبير ده كله
ادم:هند انا
هند*بصاله ومبتسمة*
ادم:هند انا انا بحب رنا صاحبتك وعايز اتجوزها
هند*نزلت عليها الجملة كالصاعقة*:ايه
ادم:بصراحة هى من ساعة ما بقت تجيلك الكلية وتقعد معاكى وهى خطفت قلبى ومبقتش افكر غير فيها بس مكنتش عارف اصلحها عشان زى ما انتى عارفة انى لسه كنت بدرس و انا ملقتش حد غيرك اقوله وكمان انتى صاحبتها الانتيم واتمنى انك تساعدينى انى اكلمها ومستعد اتقدملها فى اى وقت وموافق كمان انها تشتغل مضيفة معنديش اى مانع
هند*ساكتة ومصدومة ومش عارفة ترد تقوله ايه*
ادم:مالك ياهند ساكتة ليه
هند*بتحاول تمسك دموعها*:مفيش حاجة بس ان شاء الله هساعدك
ادم:هى مرتبطة
هند:لا وان شاء الله اكلمهالك اول لما اروح معلش انا همشى بقى
ادم:ليه ماتخليكى قاعدة معايا شوية
هند:معلش اصل افتكرت ان انا وماما رايحين مشوار
ادم:ماشى هبقى اكلمك عشان اعرف الاخبار
هند:اوكى ان شاء الله
*ومشيت هند وطول الطريق ماسكة نفسها عشان متعيطش واول مادخلت البيت جريت على اوضتها وقفلت الباب وفضلت تعيط ومسكت ايديها على بؤها عشان عياطها ميبنش ومامتها تسمعها,شوية ومامتها خبطت على الباب*
مريم(مامت هند):هنود حبيبتى يلا الاكل جاهز
هند*ساكتة*
مريم:هند ؟
هند*بتحاول تحسن صوتها وكأن مفيش حاجة*:حاضر ياماما
مريم:مالك يا هند افتحى الباب انتى قافلة الباب ليه
هند:مفيش حاجة يا ماما انا شوية وخارجة
مريم*بنرفزة*:هو انا مش عارفاكى لا فى حاجة وافتحى الباب ده
هند:خلاص بقى ياماما
مريم:افتحى يا بنتى تعبت حرام عليكى
*هند اتخضت على مامتها وحست انها تعبت من كتر الزعيق وجريت بسرعة وفتحت الباب*
هند:ماما ماما انتى كويسة
مريم:يالهوى ايه ده عيونك عاملة كدا انتى بتعيطى ليه
هند:ماما انا مبعيطش انا كويسة
مريم:لا بتعيطى فى ايه يا بنتى متوجعيش قلبى
*هند حضنت مامتها وفضلت تعيط ومامتها فضلت تطبطب عليها *
مريم:اهدى يا حبيبتى اهدى
*وفضلت ساكتة لحد ما هند بدأت تهدى شوية*
هند:تعبانة اوى ياماما اوى
مريم:مالك يا حبيبة ماما فيكى ايه قوليلى
هند:فى انى جرحت نفسى جرح كبير وعيشت نفسى فى وهم سنين كتير وفى الاخر طلع ده كله على مفيش
مريم:يعنى ايه
*هند قالت لمامتها على كل حاجة ومامتها كانت زعلانة على بنتها وقلبها ال تجرح وهى لسه فى عز شبابها*
مريم:انتى غلطانة يا حبيبتى مكنش ينفع تحلمى وتتخيلى وتحبى انسان عمره مالمحلك ولا قالك انه حتى معجب بيكى
هند:بس كان بيقول انه مبسوط وهو معايا وبيبقى فرحان وانا اكتر بنت بيرتحلها وبيحكلها على كل حاجة وافضل صديقة عنده
مريم:انتى قولتيها صديقة يعنى بيقولك ده كله على سبيل الصداقة وعمره ما فكر فى حاجة غير كدا بس انا عارفة ان ده مش زمبك هو القلب وما يريد
هند: ماما انا مش عارفة اعمل ايه وكمان ده عايز يتجوز انتيمتى يعنى اعز اصحابى ومليش صديقة عزيزة غيرها
مريم:عموما انتى تقولى لصاحبتك وهى وفقت وفقت موفقتش خلاص
هند:لا طبعا يا ماما انا عمرى ماهقولها انى بحب الانسان ال هو بيحبها
مريم:خلاص لو حصل نصيب بنهم لزما تبعدى عشان عمرك ما هتنسى وبلاش يابنتى تمشى فى سكة ملهاش اخر
هند:ماما انتى عارفة بنتك كويس وانا عمرى ما هخون صاحبتى لو اخر يوم فى عمرى انا هقولها على ال هو قالهولى لو هى وفقت ربنا يسعدهم سوى ولو موفقتش خلاص يبقى ده نصيب
مريم:صح يا حبيبة ماما ومتزعليش نفسك ان شاء الله ربنا هيوعدك بأبن الحلال ال يسعدك
*هند حضنت مامتها*
هند:ربنا يخليكى ليا يا ماما وميحرمنيش منك ابدا
مريم:وانتى كمان يا حبيبتى ودعيالك من قلبى ربنا يحميكى ويحرسك ويوقفلك ولاد الحلال ’,يلا بقى عشان ناكل سوى
هند:مش هقدر ياماما معلش كلى انتى بالهنا والشفا
مريم:والله ما هاكل غير وانتى بتاكلى معايا وانتى عارفة انى لزما عشان اخد العلاج اكل الاول
هند*ابتسمت*:خلاص يا ست الكل انا هقوم اكل معاكى
*وقامت هند وكلت لقمتين عشان خاطر مامتها وبعد كدا دخلت اوضتها وموبايلها رن ’,هند لقت ان ادم هو ال بيتصل*
هند*مكنتش عايزة ترد بس فضل يرن لحد ما ردت وحولت تبين انها كويسة*:الو يا ادم
ادم:ايوه يا هند ازيك وازى طنط
هند:تمام الحمد لله وانت
ادم:مالك صوتك مش عجبنى
هند:لا عادى بس شكلى خدت دور برد
ادم:ما انتى كنتى كويسة الصبح
هند:لاعادى هو البرد عندى كدا بيروح وبييجى فى اى وقت
ادم:يا سلام انتى بردك غير بردنة
هند:اة انا بردى مختلف عندك اعتراض ياض
ادم:لا يا برنس معنديش اعتراض
هند*تضحك عشان ادم مايحسش بحاجة*:ها ارغى قول عايز ايه ما انت مش بتتصل غير لما تكون عايز حاجة
ادم*ضحك اوى*:اخص عليكى تعرفى عنى كدا
هند:ده انت استاذ فى كدا يا ادم
ادم:ماشى ماشى شكرا شكرا
هند:عفوا عفوا ’,عايز ايه بقى
ادم:انتى مالك مش طيقانى ليه ولا انتى مستنية الجو يكلمك
هند:اة الجو عايز يكلمنى وغور ياض بقى
ادم*ضحك اوى*:خلاص انا بهزر’,المهم كلمتى صاحبتك
هند*بتحاول تمسك نفسها عشان متعيطش*:انا قولت كدا برده بصراحة لا لسه انا كنت لسه هكلمها وانت عطلتنى اقفل بقى عشان اكلمها
ادم:ماشى بس ورحمة ابوكى تطمنينى ماشى
هند:ان شاء الله يلا سلام
ادم:سلام
*وتقفل هند مع ادم وتلقيه دموعها نازلة على خدها بس تمسح دموعها وتكلم صاحبتها*
رنا:الو دودو ازيك يا وحشة وحشتينى
هند:وانتى كمان انتى ازيك ايه اخبارك
رنا:تمام الحمد لله طنطا ازيها سلميلى عليها كتير
هند:حاضر يوصل ’,رنا انا عايزة اقولك على حاجة
رنا:خير يا حبى قولى
هند:هو اصل يعنى اصل ادم
رنا:فى ايه مالوه ادم؟
هند:ادم عايز يتقدملك وقالى اقولك واشوف رأيك لو موافقة يجيب اهلوه ويتكلم رسمى لو مش موافقة خلاص
رنا*بتضحك*:بجد انتى بتكلمى بجد
هند:اة طبعا اومال ههزر وكمان انتى بتضحكى ليه
رنا:لا مفيش وعموما هو شاب قمور وشيك واهله ناس كويسين واغنية زينا
هند:يعنى اقوله ايه؟؟؟؟؟؟؟؟؟؟؟؟؟؟؟؟
رنا*سكتت شوية*:قوليلوا موافقة
هند*حست انها خلاص هيغمى عليها من الصدمة*:اوكى ماشى يلا سلام عشان الحق اقوله
رنا:ماشى يا حبى عموما انا هبقى اجيلك بكرة اشطة
هند:ماشى سلام
*وقفلت بسرعة وكانت حاسة ان الدنيا بتلف بيها بس شوية ولقت ادم بيتصل وردت عليه*
هند:هى موافقة يا ادم مبروك
ادم:بجد شكرا اوى اوى اوى ربنا يخليكى
هند:معلش يا ادم انا هقفل عشان ماما بتنداهلى ومبروك مرة تانية
ادم:الله يبارك فيكى ماشى سلام
*واول ما قفلت مع ادم وقعت على السرير وفضلت تعيط طول الليل دمعتها على خدها ومش قادرة تبطل عياط وحاسة ان قلبها بيتحرق ومش عارفة تعمل ايه حبيبها هيكون جوز صاحبتها ومش عارفة ياترى هتكمل الصداقة ولا هتبعد احسن ليها وخايفة حد يحس بحاجة ويعرف انها بتحب ادم وفضلت طول الليل تعيط وتفكر لحد ما لقت نفسها بتغمض عيونها ونامت*

الحلقة 2
انا والحب وصديقتى
*الصبح صحيت هند وكانت تعبانة جدا وكانت نفسها تصحى تلقيه كل الحصل ده كابوس ومجرد حلم بس للاسف كانت كل حاجة حقيقة ومش مجرد حلم وخرجت هند من الاوضة عشان تشوف مامتها*
هند:صباح الخير يا ماما
مريم:صباح النور يا حبيبتى ,يالهوى يا هند
هند:فى ايه يا ماما
مريم:عينك يا حبيبتى وارمة اوى من كتر العياط حرام عليكى ال بتعمليه فى نفسك ده يا بنتى
هند:لا يا ماما ده عشان منمتش كويس بس
مريم:هند الموضوع ده لو هيتعبك انا مستعدة اتصل بأدام ده واقوله ابعد عن البت وصاحبتها
هند:ماما لو بتحبينى بجد متعمليش كدا ورحمة بابا يا ماما متعمليش كدا وادم انسان كويس ومحترم وويستحق رنا صدقينى يا ماما انا شوية وهبقى كويسة وعمر جوازه من رنا هيأثر فيا ان شاء الله
مريم:ياريت يا بنتى ارحمى نفسك عشان خاطرى ده انا مليش فى الدنيا غيرك انتى كل حاجة ليا
هند*باست راسها*:ربنا يخليكى يا ماما يارب واوعدك انى ان شاء الله هبقى بخير
*وشوية والجرس رن راحت هند تشوف من العين السحرية مين لقتها رنا جريت بسرعة على اوضتها ولبست نضاره شمس عشان رنا متعرفش حاجة*
هند*تفتح لرنا وتسلم عليها*:رنون ازيك
رنا:تمام ازيك انتى وازى طنط هى صاحية ولا نايمة
هند:لا صاحية جوه
رنا*تدخل تسلم على مامته هند*:ازيك يا طنط دلوقتى يارب تكونى احسن
مريم:كويسة يا بنتى الحمد لله
رنا*بتضحك اوى*:ايه ده يا هند انتى لبسة نظارة شمس فى البيت ايه الجنان ده
مريم:اصل
هند:اصل عينى تعبانة شوية وانا لما عينى بتتعب مبحبش حد يشوفها
رنا:الف سلامة عليكى يا دودو طيب عيزاكى عن اذنك يا طنط
*وتدخل هند ورنا الاوضة*
رنا:ها بقى يا سيتى احكيلى بلتفصيل
هند:على ايه
رنا:على ادم يعنى قلك ايه وازاى قالك انه بيحبنى ومجاش يقولى ليه وفضل مخبى ليه السنين دى كلها
هند*بحزن*:اصل هو زى ما انتى عارفة كان لسه بيدرس وكدا ومكنش حابب يربطك به بدرى كدا وهو جيه يقولى عشان عارف اننا اصحاب اوى وقالى اقولك عشان لو مش موافقة ميتحرجش
رنا*ضحكت*:انا موفقش على ادم ’شاب عسول غنى هيبقى صاحب شركة من شركات باباه وموفقش
هند:رنا انتى انتى بتحبى ادم
رنا:بصى بصراحة انا كنت معجبة به جدا وهو شاب لذوذ بس مكنتش بحب اقول او ابين عشان كنت بخاف احسن يكون بيحبك
هند:ايه بيحبنى ايه ايه ال انتى بتقوليه ده انا وادم اصحاب واخوات مش اكتر
رنا:فى ايه انتى طلعتى فجأه كدا ليه استنى انا مكملتش قصدى بيحبك او مرتبط بواحده وكمان كنت فاكرة انه بيحبك عشان كنتوا على طول مع بعض وكمان ما خلاص انا عرفت انه مش بيحبك اكيد لو بيحبك كان اتقدملك عموما يا دودو انا بشكرك جدا ونفسى تكونى جمبى الفترة الجاية دى عشان حاسة انى متلغبطة اوى وكمان هبدأ الشغل فى شركة الطيران الاسبوع ال جى مش تباركيلى
هند:مبروك يا حبيبتى
رنا:طيب انا هروح بقى عشان اكلم بابى فى الموضوع يلا سلام
هند:سلام
*وتمشى رنا واول ما تنزل دموع هند تنزل على خدها اتصدمت من كلام رنا بس تحاول تمسك نفسها قدام مامتها عشان ميبنش عليها ,’,’,’,’رنا مكنتش بتحب ادم هى كانت معجبة به مش اكتر وال عجبها فيه اكتر انه غنى يعنى زى مستواهم هى كمان كانت غنية بس طيبة اوى مع هند وصاحبتها الانتيم رغم ان هند من اسرة متوسطة وعايشين على معاش والدها وبتهم ملك ليهم وعشان كدا يمكن ده ال عجب ادم في رنا انها بسيطة جدا ومبتبصش على المظاهر هى فعلا كدا بس فى حاجات كتير هتتغير,’,’,’,’ادم ولد عسول غنى وهيبقى صاحب شركة هو كان فى الاول معجب ب هند بس كان خايف ان اهله يعترضوه عشان هى مش من نفس مستواهم وغير كدا بعد ما قابل رنا اعجب بيها وحبها وخصوصا انها هى كمان من نفس مستواه الاجتماعى وكان بيحس ان هند صاحبه الجدع ال بيشيل مسؤليه وبيرتاح معاها جدا وبيحب يتكلم معاها وبيفرح لما بيكون معاها ورغم كدا برده اختار رنا و قرر انه يتجوزها*
*وبعديها بأسبوع يروح ادم يتقدم ل رنا واهليهم يوفقوا وينزلوا ينقوه الشبكة وتصمم رنا ان هند تنزل معاها وتتصل بيها*
رنا:الو
هند:رنا معلش انا تعبانة مش هقدر روحى انتى وابقى تعالى وريهالى
رنا:لو مجتيش دلوقتى حالا هنيجى ناخدك انا وادم انا بقولك اهو
*وياخد ادم الموب من رنا*
ادم:ينفع كدا يا هند موقفين المرور كلها بسببك خمس دقايق وتنزلى هتلقينا تحت العمارة خمس دقايق وثانية هنطلع وهناخدك بالبيجامة يلا سلام
*ويقفل ادم وهند تبتسم وتلقى نفسها مفيش مفر وتلبس *
هند:انا نازلة مع ادم ورنا ينقوا شبكتهم
مريم*والدموع فعنيها*:وحياتى عندك ماتزعلى متوجعيش قلبى عليكى
هند*تبتسم*:ماما من اول ما رنا وفقت عليه وهو بقى صديقى واخويا وعمرى ما هفكر فيه وحتى لو بعد شر حصل بنهم حاجة ورنا مبقتش من نصيبه برده مش هفكر فيه فى يوم من الايام
مريم:ربنا يكملك بعقلك يا بنت بطنى ويوقفلك ولاد الحلال
هند:ويخليكى ليا ياست الكل
*وتبوس ايديها وتنزل تلاقى ادم ورنا تركب معاهم وياخدوها عن محل جواهرجى*
ادم:ها ايه رأيك فى ده يا رنا
رنا:لا ايه ده شكله بلدى اوى انا عايزة حاجة تانية
هند:على فكرة شكله حلو وسيمبل خالص ده عاجبنى انا جدا وكمان ده عاشر طقم ميعجبكيش ما تخلصى يابت
رنا:الله مش لزما اختار حاجة حلوه دى شبكتى شبكة رنا هانم
هند:حصلنا الرعب يا ختى ماشى اتفضلى نقى ال يعجبك يا رنا هانم
ادم*ضحك اوى على كلام هند*:خلاص يا فضيحة انتى وهى الناس بتبص علينا
*وقرروا يشوفوا الدبلتين الاول وقاسوه دبلتين وجت حلوه عليهم وبعد شوية جه تليفون ل رنا*
رنا:معلش ثانية واحده *وخرجت رنا ترد*
صاحب المحل:تحب حضرتك اكتب اسميكم ولا ال تاريخ الخطوبة
ادم*بص لقه رنا بره قال ياخد رأى هند*:هند ايه رأيك يكتب اسمينا على الدبل ولا التاريخ
هند:مش عارفة بس متهيألى يكتب الاسم احسن
ادم:اوكى اكتب الاسم ادم و
*وتيجى رنا*
رنا:معلش يا جماعة ده تليفون من الشغل وكنت لزما ارد
هند:عادى يا حببتى اهم حاجة خير يعنى
رنا:اة خير مفيش حاجة
ادم:طيب يلا نقيتى ايه احنا عملنا الدبل وكتبنا عليها الاسامى ايه رأيك هند هى ال قالت
رنا:حلو
هند:طيب ها لقيتى حاجة عجبتك
رنا:اة الطقم ده حلو
هند:يا نهارك ده الماظ
رنا:ده العاجبنى *وقربت من ادم ومسكت ايده*:دومى حبيبى خسارة فيا الطقم ده
ادم:لا ابدا يا حبيبتى مفيش حاجة تغلى عليكى ثوانى هروح ادفع
هند:انتى يابت معندكيش دم ده غالى اوى
رنا:عجبنى الله وكمان ادم معاه يجيب ويجيب اكتر من كدا
*هند اول مرة تشوف صاحبتها مادية كدا بس قالت عشان نفسها تفرح وتجيب حاجة كويسه خصوصا ان عيلة رنا غنية برده*
ادم:اوووووووف
هند:مالك يا ادم
ادم:الفلوس ال فى الفيزا كارت مش هتقضى
هند:خلاص مفيش مشكلة شوفى حاجة تانية يا رنا
رنا:لا لا لا انا عايزة دى
هند*شاورت على طقم*:ماله الطقم ده سيمبل جدا وحلو اوى وعجبنى اول ما دخلت
ادم:تصدقى انا كمان
رنا:مليش دعوه انا عايزة ده
ادم:خلاص هخليه يحجز الشبكة دى لحد ما اجبله باقى الفلوس
رنا* حضنت ادم*:ربنا يخليك ليا يا حبيبى
هند*بصتلهم وابتسمت رغم انها حست انها نفسها تكون بدلها*:طيب معلش انا لزما اروح عشان ماما
ادم:طيب استنى هنوصلك
هند:لا مفيش داعى
ادم:لا هوصلك يعنى هوصلك
هند:اوكى ماشى
*وركبت معاهم ووصلوها لحد البيت*
رنا:متنسيش يا دودو بكرة تجيلى من اول النهار عشان نروح الكوافير سوى
هند:ماشى ان شاء الله
*وتانى يوم الخطوبة تروح لصاحبتها ويروحوه سوى الكوافير وتسرح هند وتفتكر كل حاجة وتروح لعالم تانى وهى سرحانة رنا تنده عليها وتخرج هند من تفكيرها على صوت رنا وهى بتندهلها*
رنا:انتى يا بنتى ياهند هااااااااااااااااااااااااااااااند
هند*تتخض*:فى ايه يارنا
رنا:فى ايه ايه بقالى ساعة بنده عليكى وانتى ولا هنا حرام عليكى
هند:معلش يا حبيبتى كنتى بتقولى ايه بقى
رنا:ها ايه رأيك كدا حلو الميك اب والفستان ولا لا
هند:ايه ده الفستان عريان اوى و الميك اب اوفر اوى
رنا:ده الفستان كان فى عرض ازياء بابى جبهولى مخصوص وكمان الميك اب ولا اوفر ولا حاجة انا العروسة يابنتى ولزما ابقى مختلفة , يلا ادخلى البسى انتى كمان انا جهزت وانتى لسه
هند:اوكى
*وتدخل هند وتلبس فستان بينك تحت الركبه وقط بس عليه شال ابيض مغطية جسمها به وفرده شعرها الطويل عليه وشوز ابيض بكعب حلو يطولها عشان هى كانت قصيرة شوية وتحط ميك اب خفيف وحلو وتبقى زى القمر,’,’,’,’,’,’رنا كانت لبسه فستان اسمر سواريه فوق الركبه والظهر كله عريان وعليه شوز اسمر وعامله فرمة لشعرها وحاطة ميك اب اوفر اوى*
*شوية وادم يتصل برنا بس هند ترد عليه*
ادم:الو انا واقف بره قولى لرنا انى جبت البوكيه
هند:طيب ’رنا ادم جاب البوكيه
رنا:طب ونبى اخرجى هاتيه منه يا دودو
هند:ماشى
*وتخرج هند تجيب البوكيه واول ما تخرج كل الشباب الوقفين يبصلها ويتنحه حتى ادم*
هند:فين البوكيه يا ادم
ادم*بصصلها وساكت*
هند:ادم يا ادااااااام
ادم:نعم
هند:نعم الله عليك فين البوكيه
ادم:انتى مين حضرتك اصلا
هند:انت اتجننت ياض انا هند
ادم:لا القمر ده يقول ياض لالالالالالا مينفعش خالص
هند:بطل رخامة يا ادم وهات البوكيه
ادم:بطلى انتى رخامة وقوليلى كنتى مخبية الحلوه دى كلها فين انتى اكيد مش هند اكيد
هند*تتكسف اوى ووشها يحمر*:على فكرة لو مبطلتش رخامة هسيبك وامشى ومش هاخد حاجة
ادم:وبتتكسفى كمان يالهوى على الخدود الطماطماية خدى يا ستى البوكيه اهو
هند:هات :ايه ده ده ابيض هند لبسه سواريه
ادم:طب وانا اجبلها ورد اسود منين؟؟؟؟ عموما خدى انتى يا قمر
هند:ادم على فكرة انا هضربك بعد الخطوبة *وقامت سايبة ومشيت*
*دخلت هند الكوافير وكانت ماسكة البوكيه وكان ليق على الطقم اوى ال هى لبساه*
هند:البوكيه اهو
رنا:ايه ده لونه ابيض وانا لبسه سواريه مش هينفع طبعا
هند:ليه حلو والله
رنا:لا طبعا مش هينفع ايه العك ده خلاص مش مهم البوكيه
*هند فضلت مسكاه هى ,’وشوية وخرجت من الكوافير واول ما ادم شاف رنا واللبس ال لبساه اتصدم ومبقاش عارف يقول ايه*
ادم:ايه ال انتى لبساه ده
رنا:ايه رأيك يا حبيبى حلو صح
ادم:حلو ايه ده ارف خالص
رنا:ايه اخص عليك يا دومى ده ارف
ادم:اة ارف روحى غيرى
رنا:اغير فين هو ده لبس الخطوبة
*هند تحس انهم هيتخانقوه وكمان الناس بدأت تبص عليهم*
هند:خلاص يا ادم ده حلو برده
ادم:حلو ايه؟ انا خطيبتى تلبس كدا لييييييييييييييييييييه
رنا:وطى صوتك يا ادم فى ايه
ادم:انتى كمان بتعالى صوتك
هند:ادم ادم عشان خاطرى ونبى ونبى الناس بدأت تبص علينا نركب العربية ونتفاهم مينفعش كدا يا جماعة
ادم:عشان خاطرك بس
*ويركب ادم العربية ورنا وهند وصاحب ادم هو السايق العربية وبدأت هند تتناقش معاهم وتهدى الامور وتهدى فى ادم عشان يوم الخطوبة يعدى على خير وكانت خايفة اوى يحصل خلاف مابنهم والخطوبة تتفشكل ورغم خناق ادم ورنا هند مكنتش مبسوطة بالعكس كانت زعلانة وعماله تهدى فيهم رغم ان واحدة غيرها كانت مفروض تفرح بس هى مش فرحت واضيقت وكانت قلقانة جدا ان يوم الخطوبة ميكملش وساعتها هتحصل مشكلة كبيرة*

 

الحلقة 3
انا والحب وصديقتى
* هند قاعدة فى العربية وعمالة تهدى فيهم وادم متنرفز جدا *
ادم:انا مش هروح الخطوبة طول ما هى لبسه اللبس الزفت ده
رنا:وانا معنديش غير ده لو مش عجبك خلاص يبقى كل واحد فينا يروح لحاله
ادم*يبصلها جامد *:والله صح كل واحد يروح لحاله وقف العربية يا محمد
محمد:استهدى بالله يا ادم
هند:ادم اهدى وانتى كمان يارنا ايه ال انتى بتقوليه ده الناس مستنيكوا فى القاعة وانتى تقولى كل واحد يروح لحاله ايه الهبل ده
رنا:انتى مش شايفة عامل ازاى وعمال يتخانق ازاى كأنى عملت مصيبة ايه يعنى ماكل البنات بتلبس كدا
ادم:لا مش كلهم ما هند ايه شوفى لبسها حلو وكويس ما لبستيش ليه كدا
رنا:كل واحد وليه استايل معين وكمان مدام عاجبك لبس هند اخطبها هى
هند*تتفاجئ من الكلمة ال رنا قالتها*:ايه ال انتى بتقوليه ده يا رنا
ادم:تصدقى صح احسن برده
هند*بتعيط*:ايه ال انته بتقولوه ده انا غلطانة انى راكبه معاكوا وقف العربية لو سمحت
محمد:اهدى يا هند
هند:مش ههدى وقف العربية احسن والله هنط
*محمد وقف العربية وهند تنزل منها وتجرى وادم يجرى وراها هو ورنا*
ادم*يمسك ايديها*:هند انا اسف متزعليش
رنا:دودو بطلى عياط عشان خاطرى انا اسفة من الكلام ال قولته بس انا بجد كنت متنرفزة ومش عارفة بقول ايه
هند:لو سمحتوا مدخلونيش فى اى خناقة بتاعتكوا دى وياريت تبطلوا شغل العيال ده الناس فى القاعة مستنينكوا وشكلكوا وحش وانتم عمالين تتخانقوا بالطريقة دى وبتقولوا الكلام السخيف ده
ادم:حقك عليا انا اسف
رنا*تحضنها*:معلش يا دودو انا اسفة ,خلاص يا ادم اوعدك انى مش هلبس كدا تانى
ادم:ماشى ماشى,يلا نركب العربية عشان الناس بدأت تبص علينا واتفضحنا خلاص
هند:ماشى
*ويركبوا العربية,’هند مش عارفة ليه عملت كدا بس يمكن عشان اضايقت من كلامهم وخصوصا انها كانت فعلا بتحلم باليوم ده وكانت تتمنى تكون مكان صاحبتها ولما لقت ان ادم بيقول صح فعلا عندك حق حست انه بيتكلم جد ومكنتش عارفة تعمل ايه غير انها تسيبهم وتمشى بس عدت على خير وراحوا القاعة وبدأت الخطوبة وكل ال فى الخطوبة كانوا معجبين اوى بهند وكانت احلى من العروسة كمان وغير ان هند فضلت ماسكة بوكيه الورد مكنتش عايزة تسيبه عشان ادم هو الجايبوه وشوية وجت اغنية سلو ومفروض كل واحدة ترقص مع واحد وفى ولاد كتير كانوا عايزين يرقصوا مع هند بس هى رفضت ومرديتش لحد ما محمد طلب منها*
محمد:بصى انا شايفك كل ما حد يطلب منك ترقصى مش راضية بس انا مصمم ارقص معاكى ده لو معندكيش مانع وعموما لو رفضتى انا مش هستسلم وهفضل طول الفرح اطلب منك انك ترقصى معايا
هند*ابتسمت*:لدرجة دى
محمد:ايون واكتر من كدا كمان وانتى اختارى بقى ترقصى معايا دلوقتى ولا افضل ازن عليكى طول اليوم عشان ترقصى معايا
هند*ضحكت اوى*:لا وعلى ايه الزن ,’بس انا مش بعرف ارقص على فكرة يعنى ممكن ادوس على ريجلك وانت شايف الجزمة عاملة الزاى والكعب طويل ازاى
محمد:ولا يهمك رجلى فداكى
هند:ده انت مصمم بقى
محمد:ايون
هند:ايون يبقى انت الجبته لنفسك
*وقامت ترقص معاه وفى نفس الوقت ادم بيرقص مع رنا بس مكنش طايقها*
رنا:انت هتفضل مبوز كدا كتير الناس خدت بالها
ادم*وباصص الناحية التانية*:ما ياخدوا بالهم وكمان انا حر
رنا:خلاص يا بيبى بقى عشان خاطرى
ادم:لا يا رنا عشان ده مش لبس يتلبس خالص انا حاسس انك مش لبسه حاجة ومش قادر ابصلك
رنا:يوووووووه ,كمان انا هبقى مراتك يعنى ده عادى
ادم:لما تبقى مراتى حاجة ودلوقتى حاجة وكمان الناس دلوقتى شيفاكى كلهم مش انا لوحدى
رنا:اوووووووف خلاص يا ادم خلاص خلى اليوم يعدى على خير
ادم:صح اسكتى بقى وخلى اليوم يعدى على خير
*وشوية ويقرب منهم محمد وهند ’وادم لما يشوف كدا يضايق اكتر*
رنا*تغمز لهند*:دودو ومحمد ونبى عساسيل
هند:قصدك ايه احنا بنرقص عادى
رنا:اة عادى ماشى
هند:يالهوى عليكى,مالك يا ادم
ادم:مفيش يا هنود انا كويس
رنا:لا مش كويس وانا بجد قربت اضايق بقولك ايه يا محمد تعالى ارقص معايا انت
محمد:لا ياستى خليكى انتى مع خطيبك
ادم:لا لا تعالى نغير شوية والله دى لعبة حلوه
*ويبعد ادم عن رنا ويمسك محمد ويوقفوا مع رنا ويرقص هو مع هند*
رنا:محمد احسن منك يا كيشرى *وتفضل رنا ترقص مع محمد
هند*تستغرب جدا من ال ادم عامله ويبدأ يحط ايده على وسطها وفجأه تلاقى نفسها بين ايديه وبصاله وساكتة*
ادم:هتفضلى ساكتة
هند:اقول ايه
ادم:اقول انا ,على فكرة انتى زى القمر النهاردة
هند*تبتسم بخجل*:شكرا
ادم:والبرفم الحطاه راحته تحفه
هند:شكرا
ادم:انتى هتفضلى تشكرينى كتير
هند:لا مش مش عارفة اقول ايه
ادم:انا اول مرة اخد بالى من لون عنيكى دى عسلية خالص وانتى عسل زيها
هند*وشها يحمر وقلبها يفضل يدق*:على فكرة لو مبطلتش كلامك ده ها
ادم:هتسيبينى وتمشى
هند:لا هضربك
ادم:هتضربينى والناس يشفونى وانا بضرب من اجمل بنوتة ده يوم ساعدى ده انا اكيد مامتى دعيالى النهاردة
هند*تضحك*:ادم بطل بقى على فكرة انت بقيت غريب اوى ,عموما عايزة اقولك على حاجة
ادم:قولى اى حاجة وكل حاجة انا تحت امرك يا قمر
هند:يالهوى عليك ’عموما عايزاك تهدى شوية وتبطل انت ورنا شغل العيال ده انتوا خلاص اتخطبتوا وكمان شهر هتجوزه مينفعش تجيبوه عيال وييجوه يشوفوه ابوهم وامهم مجانين
ادم*ضحك*:ماشى بس والله عشان خاطرك انتى بس هستحملها
هند:لا وعشان كمان انت بتحبها فلزما تستحملها وال بيحب حد بيحبوه بعيوبوه
ادم:اصلا انا
*ويقاطعهم محمد*
محمد:ايه ياعم الرغى ده كله انت خدت لفة حلو اوى كدا
ادم:انت ايه الجابك دلوقتى؟
محمد:خطيبتك رجليها وجعتها وقعدت وانت سيتك عمال ترقص
*هند بصت لقت رنا قاعدة وعمالة تكلم بنات تنيين اصحابها*
هند*بعدت عن ادم*:صح يا ادم ده مينفعش روح اقعد جمب خطيبتك
ادم:صح ايه انتى كمان الاغنية لسه مخلصتش وانا عايز اكمل الرقص معاكى
محمد:لا انا ال هرقص معاها روح انت اقعد مع خطيبتك
هند:ايه ال انتوا بتعملوا ده على فكرة انتوا مجانين انا راحة اقعد مع رنا خليك انت هنا يا ادم او اقولوكوه ارقصوه مع بعض
*وسابتهم وراحت لرنا*
ادم*لنفسه*كتك الارف يا محمد يا فقر مكنش وقتك خالص دلوقتى:عجبك كدا
محمد:دى سابتنا انا وانت يامعلم خلاص تعالى نرقص سوى
ادم:غور , انا هروح اسلم على المعازيم
هند:رنون حبيبتى انا مش عايزاكى تضايقى ادم بيحبك على فكرة وهو هيبقى يصلحك
رنا:عادى مش مهم انا اضيقت اصلا وخلاص اتخنقت منه براحته بقى عايز يصالحنى يصالحنى مش عايز خلاص
هند:انتو لحقته اعقلى يارنا مينفعش شغل العيال ده
*وشوية وبصوا لقه ادم ماسك المايك *
ادم:انا يا جماعة عايز اهدى اغنية لآجمل بنوتة هنا *وتشتغل اغنية ( ساموزين (خطوه ليه) (كل مقرب خطوة ليك كل محس بشوقى ليك
كل ماشوف نظرة عينك احن ليك
من نفسى حتى بخاف عليك
من كل الدنيا بغيرعليك
انا روحى فيك

وبحبه ايوة بحبه من اول معرفتو بحبه
دقت انا طعم الحب فى قربه وعايش ليه
وبحبه ايوة بحبه وهفضل طول العمر انا جمبه
هفضل عايش ليه ولقلبه وحاسس بيه

لو بس يعرف قد ايه هو غالى قد ايه
عندى بالعالم واللى فيه كان يعمل ايه
احساس جواة ليه بيدريه مع انه بردة حس بيه
وبان عليه

وبحبه ايوة بحبه من اول معرفتو بحبه
دقت انا طعم الحب فى قربه وعايش ليه
وبحبه ايوة بحبه وهفضل طول العمر انا جمبه
هفضل عايش ليه ولقلبه وحاسس بيه ) ورنا فرحت اوى وجريت عليه وحضنته بس ادم فضل باصص على هند *
*هند فرحت اوى بس مكنتش فاهمة هو بيبصلها ليه بس وعدى اليوم اخيرا وخلصت الخطوبة والساعة كانت1بليل وهند مكنتش لقية تاكسى خالص*
محمد:تعالى اركبى معايا
هند:لاشكرا انا هاخد تاكسى
محمد:ليه تاكسى وانا موجود يلا اركبى
*هند بصتله وسكتت وفضلت تفكر شوية ولسه هتركب*
ادم*مسكها من ايديها*:معلش يا محمد هند هتركب معايا انا رايح فى نفس طريق بيتهم عن اذنك وشكرا *ومستناش حتى لما محمد يرد عليه وخد هند وركبها العربية*
هند:ايه يا ادم ال انت عملتوه ده
ادم:ايه كنتى عايزة تركبى معاه خلاص انا اسف انزلى اركبى معاه
*بيقولها كدا وهو برده سايق العربية*
هند:مش قصدى بس
ادم:مفيش بس لو سمحتى يا هند ملكيش دعوه بالواد ده مش كويس انا بقولك اهو
هند:مش كويس ازاى
ادم:يعنى بتاع بنات وبيفضل يلف ورا واحدة لحد ما يضحك عليها ويرميها زيها زى غيرها
هند*بنرفزة*:انت شايف ان ممكن اديلوه الفرصة انه ممكن يعمل معايا حاجة زى كدا
ادم:هند انا عارف انك محترمة ولا محمد ولا عشرة زيه يقدره يعملولك حاجة بس انا بحذرك منه وخلاص انا بغي انا بخاف عليكى اوى بخاف عليكى حتى من نفسى يا هند انتى غالية عندى اوى افهمى بقى
هند*بصتله وسكتت وفرحت اوى من كلامه بس مفهمتش برده منين هى غالية عنده وخايف عليها اوى كدا ومش بيحبها قالت يمكن بيحبها زى اخته مش شرط عشان واحد بيخاف على واحدة يبقى بيحبها الحب ده يعنى ,’ووصلها ادم لحد البيت ونزل من العربية*
هند:شكرا اوى يا ادم انا تعبتك معايا
ادم:متقوليش كدا ما هو مش معقوله كنت اسيب واحدة بنوتة زى القمر زيك تمشى لوحدها دلوقتى
هند*ابتسمت*:انت شكلك مش هتبطل بواخة بقى روح يا ادم روح
ادم:ده بدل ما تعزمينى على كوباية شاى عندكم
هند:شاى ايه الساعة 1ونص بليل انت عبيط ياض
ادم*ضحك*:يابنتى بلاش كلامك ده مش ليق على ال انتى لبساه ده خالص
هند:ماشى ماشى
ادم:وكمان بتقلدينى ماشى ماشى
هند*ضحكت*:انت مش هتروح بقى ولا ايه ولا ناوى تبات هنا
ادم:مستعد ابات عشان خاطر عيونك يا قمر عشانك انتى اتكوى بنار والآح جتتى وادخل جهنم وتشوى واصرخ واقول يا دهوتى
هند*ضحكت اوى*:بجد انت مش طبيعى النهاردة خالص مجنون مجنون يعنى
ادم:ايه ده
هند:ايه
ادم:ايه ده
هند:فى ايه يا ادم
ادم:انا اول مرة اخد بالى من ضحكتك سكر اوى
هند:والله شكلك شارب حاجة امشى يا ادم امشى
ادم:خلاص خلاص ماشى يلا تصبحى على خير
هند:وانت من اهله,يلا امشى
ادم:امشى انتى الاول
هند:ماشى سلام
ادم:سلام
*وتمشى هند وادم ينده عليها وتبصله*
ادم:هند
هند:نعم
ادم:انتى ال كنتى اجمل بنوتة النهاردة فى الخطوبة
*ويقولها كدا ويركب عربيته ويمشى وهند تفضل واقفة مصدومة يعنى معقولة كان الاغنية بيهدهلها هى وفضلت واقفة وبتفتكر كل حاجة وحست ان صوت الاغنية فى ودانها مش عارفة تعمل ايه لدرجة انها كانت حاسة انها بتتخيل وانه مقلش كدا بس طلعت شقتها وفتحت الباب ولقت مامتها نايمة على الكنبة*

 

الحلقة 4
انا والحب وصديقتى
*دخلت هند الشقة ولقت مامتها نايمة على الكنبة بس خافت يكون حصلها حاجة وجريت عليها*
هند:ماما ماما
مريم*تبدأ تفوء*:هند انتى جيتى
هند:اة يا ماما انتى ايه ال منيمك هنا
مريم:استنيتك عقبال ما تيجى بس انتى اتأخرتى اوى
هند:معلش يا ماما انا اسفة اوعدك انه مش هيتكرر تانى
مريم:ولا يهمك يا حبيبتى اهم حاجة كانت الخطوبة حلوه
هند:اة حلوه
مريم:هند انتى لسه فى مشاعر من ناحيتك ل أدم قوليلى ال حقيقة وريحى قلبى
هند*سكتت شوية*:صدقينى يا ماما مفيش اى مشاعر من ناحيته ومن النهاردة ادم زى اخوها بس مش اكتر
مريم:ماشى يا حبيبتى طمنتى قلبى انا داخلة انام تصبحى على خير
هند:وانتى من اهله,ماما خدتى الدواء ولا نسيتى زى كل مرة
مريم:لا يا حبيبتى والله خدته
هند:ماشى يا ست الكل تصبحى على خير
*ودخلت هند اوضتها وغيرت وهى عمالة تفكر فى كلام ادم واسلوبه وطريقته معاها اتغيرت اوى مبقتش فاهمة وهو بيعمل ليه كدا وفضلت مطلغبطة ومش فاهمة حاجة بس قررت تعمل زى ما قالت لمامتها وان ادم يبقى مجرد اخ مش اكتر وتانى يوم رنا تتصل بيها*
رنا:صباح الخير يا دودو
هند:صباح النور
رنا:عايزة اطلب منك طلب صغنن
هند:رنا لا
رنا:لا ايه انتى عرفتى الطلب
هند:طلباتك كلها رخمة ف عشان كدا بقولك لا
رنا:ونبى يا دودو ونبى ورحمة باباكى
هند*بتنهيدة*:ما شى يا رنا اطلبى
رنا:عايزاكى تنزلى معايا نشترى لوازم الشقة
هند:ياسلام
رنا:دودو انتى صاحبتى وانتيمتى الوحيدة معقول هتسيبينى وتخلعى وقت ما انا محتجالك ده الصديق بيبان وقت الشدة
هند:خلاص خلاص ايه ده كله ماشى بس مش هنتأخر عشان ماما لوحدها
رنا:ماشى ’, خمس دقايق واكون عندك
هند:اوكى
*ولبست هند ونزلت لقتها مستنياها وركبوا سوى وراحوه سيتى ستارز وفجأه جه تليفون ل رنا*
رنا:الو. ماشى. خلاص جاية.
هند:راحة فين؟
رنا:عايزنى درورى فى المطار فى حاجة بخصوص الشغل دودو انا معتمدة عليكى اختارى ال انتى عايزاه انا بثق فى زوقك وبحبه جدا وخدى الفيزا كارت اهو فيها كل الفلوس اشترى ال انتى عايزاه وميهمكيش
هند:انتى بتقولى ايه رنا مش
رنا:ونبى يا دودو على فكرة انا اتأخرت اوى سلام سلام
*ورنا سبتها بسرعة ومشيت وهند فضلت واقفه فى نص الطريق ومش عارفة تعمل ايه وايه الوقعة البيضة ال رنا وقعتها فيها دى بس قالت خلاص بقى وقررت تجيب حاجات البيت وشوية وادم اتصل بيها*
ادم:الو هنود ازيك
هند:الو يا ادم انا تمام وانت
ادم:ايه الصوت ده فى صوت دوشة
هند:اصل انا فى سيتى ستارز
ادم:بتعملى ايه
هند:بشترى لوازم البيت انا ورنا
ادم:اومال رنا مش بترد عليا ليه
هند:اصل اصل اكيد مش سمعاه عشان فى دوشة كتير
ادم:طب اديهالى انا عايز اكلمها
هند*تسكت شوية وتفضل تنده على رنا ال يعنى رنا معاها*:معلش يا ادم هى مش سمعانى وهى جوه المحل بتشترى حاجة وان برة عموما شوية كدا واتصل بيها
ادم:اوك سلام
هند:سلام *لنفسها اوووووووف بقى يالهوى عليكى يا رنا هتحطينى فى موقف بايخ اوى وفضلت تتصل بيها ورنا متردش وفضلت تلف وتشترى حاجات للبيت وشوية وادم رن وردت عليه*
ادم:الو يا هند انا فى سيتى ستارز انتوا فين
هند:ايه انت فين؟
ادم:انا فى سيتى ستارز انتوه فين وفى اى دور
هند: احنا احنا فى الدور الفوق فوق
ادم:فوق فين
هند:الدور التالت اطلع
ادم:ماشى
*ويقفل معاها وتفضل تتصل برنا 10 مرات لحد ما ترد*
رنا:ايه يا هند فى ايه
هند:ادم هنا
رنا:طب وفيها ايه
هند:فيها ان قولتلوه انك معايا
رنا:وقولتيلوه كدا ليه
هند:يعنى عيزانى اقوله انا نزلة اشترى حاجات بيتكم لوحدى رنا لو مجتيش حالا مش هيحصل طيب انا بقولك اهو
رنا:خلاص يا هند جاية جاية
*وتفضل هند مستنية رنا وعمالة تهرب من ادم’,وادم يفضل يتصل بيها*
ادم:انا طلعت فوق انتوه فين بقى
هند:معلش يا ادم نزلنا تحت فى الدور الاول اصل فى حاجة عاجبة رنا تحت ونزلت تجيبها
ادم:يووووووووووووه بقولكوه ايه بطلوا لف لحد ما لقيكم ماشى
هند:ماشى
*وفضلت كل شوية تقوله احنا فوق وشوية احنا تحت وادم عمال طالع نازل طالع نازل وهند مش عارفة تعمل ايه وشوية ورنا اتصلت بيها*
رنا:انا وصلت انتى فين
هند:انا فوق اطلعى
*وتتصل بأدم*
ادم:هند انتوه فين بظبط انا زهقت
هند:احنا فوق يا ادم اطلع
ادم:اخر كلام
هند:اة اخر كلام اطلع
ادم:ماشى ماشى
*ويطلع ادم وهند كانت بتحسب رنا هى ال هتقبلها الاول وتتفاجئ ان ادم هو ال يشوفها ويقرب منها*
ادم:اخيرا لقتكم ايه الهزار البايخ بتاعك انتى ورنا ده
هند:معلش يا ادم انا اسفة وكمان انت ايه الجابك ؟قصدى يعنى احنا بنشترى حاجات البيت انت جى ليه
ادم:هو مش بيتى ولا ايه ولزما اعرف هتجيبوا ايه بالظبط
هند:يعنى هنغشك ياعم وكمان لما الحاجة تتفرش فى البيت هتشوفها
ادم:انتى لسانك طويل كدا ليه ادينى جيت وخلاص فين بقى ست رنا ال منفضالى
هند:هه رنا رنا رنا
ادم:اة رنا فين؟؟؟؟؟؟؟؟؟
هند:جاية بس بتشترى حاجة
*وشوية وجت رنا*
رنا:هاى
ادم:مش شايف فى ايديكى حاجة اومال كنتى بتجيبى ايه بقى؟
رنا:مكنتش بجيب حاجة
هند:يابنت بطلى هزار ورخامة تلقيها ملقتش حاجة
*وهند قرصت رنا عشان تفهم*
رنا:اة اة
هند:اهو شوفت ملقتش حاجة تعالى نكمل تدوير بقى يلا
*ومسكت رنا ومشيت بس ادم فهم ان رنا مكنتش موجودة وان هند هى ال كانت بتشترى لوحدها*
*وفضلوه يلفوه التلاتة وهند وادم يشتروه ورنا مقضياها تلفونات خاصة بالشغل وفى الاخر وبعد ما خلصوه واشتروا حاجات كتير وكان ناقص حاجات تانية بس رنا قالت كفاية كدا وروحوه ووصلوه هند لحد البيت وطلعت وبعديها بشوية اتصلت ب رنا*
هند:ينفع ال انتى عملتيه ده انا قلبى كان هيقع فى رجلية
رنا:انا مش عارفة انتى ليه كدبتى عليه ماكنتى تقوللوه انك بتشترى الحاجة لوحدك
هند:يا رنا بطلى جنان يعنى ايه انزل اشترى حاجتكم لوحدى ده بيتكم انتم مش بيتى
رنا:يا دودو يا حبيبتى انا وانتى واحد
هند:بس انتى ال هتجوزى ادم مش انا
*هند مش عارفة قالت الجملة دى ازاى وهى بتقولها كانت حاسة انها مخنوقة اوى عشان كان نفسها تكون هى مكانها بس اهو نصيب بقى*
رنا:يووووووووه بقى يا هند بصراحة انا بثق فى ذوقك وعايزة تعمليلى بيتى على ذوقك وكمان انا مشغولة الفترة دى فى الشغل
هند:قولى كدا الموضوع مش موضوع ذوقى الموضوع عشان سيتك مشغولة بتخلينى اعمل كل حاجة
رنا*تضحك*:هو بصراحة الاتنين بس الاكتر والله عشان ذوقك عجبانى وحياتى يا دودو اقفى جمبى الفترة دى وده جميل عمرى ما هنسهولك ابدا
هند:ومن امتى فى بينا جمايل يا رنا انتى اختى يابت
رنا:وانتى حبيبة قلبى يا دودو امووووووووووووووه
هند:اممووووووووووه
رنا:مستنياكى بكرة ده بكرة هشترى اوضة النوم يعنى اهم حاجة هه عايزة اوضة على ذوقك حاجة كويسة ومتينة
هند:انتى قليلة الادب يابت انتى
رنا*تضحك*:ما انا عارفة
هند:ياسلام يا ختى وانا اشتريلك اوضة النوم ليه انتى ال هتيجى وتنقى
رنا:ماشى ياستى بس هتيجى معايا
هند:وايه لزمتها انا ماتروحوه لوحدكوه
رنا:ونبى ونبى ونبى ونبى ونبى
هند:خلاص خلاص ماشى ماشوف اخرتها ايه معاكى
رنا:اخرتها فل ان شاء الله
هند:اة ما انا عارفة يلا سلام عشان الحق انام
رنا:اوكى سلام
*وتقفل هند معاها ومضايقة اوى انها كدبت ال نهاردة على ادم ومش عارفة تعمل ايه بس مش قادرة تخسر صاحبتها ولا قادرة تسيب ادم وخصوصا انها عارفة حتى لو عملت كدا ادم ورنا مش هيسيبوها وتانى يوم ادم فات على هند عشان يا خدها ويروحه يشتروا الحاجات*
هند:ايه ده هى رنا فين
ادم:اركبى الاول
هند*ركبت معاه*
ادم:رنا ياستى قلتلى اسبقونى انتم على السنتروانا جاية وراكم
هند*لنفسها*يالهوى عليكى يا رنا*:طيب ماشى
*ووصلوا لحد السنتر ووقفوه برة وادم كلم رنا*
ادم:رنا احنا قصاد السنتر
رنا:سورى يا حبيبى مش هقدر اجى خالص عندى سفرية طالعة كمان نص ساعة يدوبك الحق عموما خلى هند تختار ال يعجبها انا وهند واحد وبثق فى ذوقها
ادم:يعنى ايه مش هتيجى
*هند سمعت كدا اتنرفزت وخدت الموب من ادم*
هند:هات اكلم البت دى رنا بطلى استعباط وتعالى
رنا:سورى يا دودو والله مش هقدر معلش الموب هيفصل سلام دلوقتى سلام
هند:الو الو رنا رنا اوووووووووووووف . خلاص يا ادم روح وبكرة نبقى كلنا نيجى ونشترى
ادم:بكرة ايه هو بعد ما جينا المشوارده كله ووصلنا هنا تقوليلى بكرة لا احنا هنشترى الحاجة ودلوقتى
*ادم مسك ايديها ودخلوه السنتر بس اول مادخلوه هند بعدت ايديها وفضلوا يتفرجوه على اوض النوم*
ادم:ها ايه رأيك
هند:الله البينك ال هناك دى حلوه
ادم:بينك ايه هى اوضة اطفال دى اوضة نوم عروسة وعريس
هند:خلاص يا عم انا بس حبيت ابدى اعجابى بس
ادم:ابقى ابدى بعدين دلوقتى اختارى
هند:ممممممممممممممم حلوه الاوضة الابيض دى
ادم:الابيض دى فين دى
هند:متتريقش ياض
*ويروحه يقفوا عند الاوضة ويتفرجوه على الدولاب والتسريحة والسرير*
ادم:ياسلام عليكى حلوه الاوضة اختيار جامد
هند:بجد عجبتك ولا نشوف حاجة تانية
ادم:لاوالله عجبتنى جدا بس ناقص حاجة
هند :ايه
*ويعدى واحد ومعاه خشب ويمشى من جمب هند ويخبطها وتوقع بضهرها على السرير *
الراجل المعدى:اسف يا انسة
ادم*ضحك*:ونبى ما انتى قايمة
*ادم قعد جمبها*
ادم:انا مش مصدق يا حبيبتى اننا اخيرا بقينا لبعض
هند*بصاله ومستغربة ايه ال هو بيعملوه ده*
ادم*مسك شعرها وبيقرب منها*
هند*خايفة اوى وغمضت عنيها:اعقل يا ادم اعقل
ادم*واول ماغمضت عنيها ضحك وبعد عنها *:شكلك حلو اوى وانتى خايفة كدا
هند*تفتح عينها وتلقيه واقف وبصصلها ومبتسم تبصله بنرفزة*:ادم على فكرة انت رخم اوى وانا غلطانة انى جيت معاك اصلا
*وقامت من على السريرولسه هتمشى مسك ايديها*
ادم:خلاص بقى يا هنود انا بهزر معاكى
هند:هزار بايخ على فكرة
ادم:خلاص بقى يا هنود ما انا كنت لسه هقولك ناقصله اننا نجرب المرتبة فالراجل عدى بصراحة عمل الواجب وذيادة
هند*بنرفزة*:ادم انا عايزة اروح دلوقتى حالا
ادم:طب استنى
هند:مش هستنى انا ماشية
*وتبعد ايد ادم وتجرى بسرعة وتخرج من السنتر وتلاقى تاكسى تركبه بسرعة وتمشى وادم يجرى وراها بس ملحقهاش هند ركبة العربية وفضلت تعيط اضيقت اوى من ادم ال عمله خصوصا انها مكنتش متوقعة انه يعمل كدا وروحت البيت وقبل ما تدخل الشقة تحاول تهدى شوية عشان مامتها متحسش بحاجة وتدخل الشقة وتسلم على مامتها من بعيد ومامتها متخدش بلها وتدخل على اوضتها بسرعة*

 

الحلقة 5

انا والحب وصديقتى

*دخلت هند اوضتها وشوية وسمعت صوت الجرس بتاع الباب وراحت مامتها تفتح*

مريم:اهلا يا ادم يا حبيبى اتفضل

ادم:شكرا يا طنط هى هند هنا

مريم:هند فى اوضتها ثوانى هندهلها هو فى حاجة

ادم:اصل

*وتدخل هند*

هند:مفيش حاجة يا ماما اصل ادم جى يا خد حاجة نسيها معايا

مريم:ماشى يا حبيبتى عموما انا هروح اعملكم حاجة تشربوها

هند:ماشى يا ماما

*وخرجت مامت هند وسبتهم لوحدهم*

ادم:هند انا بجد اسف مكنتش اعرف انك هتضايقى اوى كدا

هند:انت شايف ان دى حاجة مش تضايق يا ادم

ادم:خلاص ونبى يا هنود متزعليش بقى انا مقدرش على زعلك

هند:طيب خلاص بس لو اتكرر تانى مش هيحصل طيب

ادم:هتعملى ايه يعنى؟

هند:هضربك يا ادم

ادم:ههون عليكى تضربينى

هند:ونبى بلاش شغل الحنية ده ,اة هيهون عليا

ادم:بقى كدا *وبيحاول يقرب منها*

هند:تانى يا ادم تانى انت شكلك بجد عايزنى اضايق وشكلى هعملك عاهة مستديمة

ادم*يضحك وشوية وسمعوه صوت حاجة بتوقع*:ادم ايه ده ايه الصوت ده

هند:مش عارفة ’انا هروح اشوف ماما

*هند تدخل المطبخ تلقى مامتها وقعة على الاض ومغمى عليها*

هند:ماما ماماااااااااا ادم الحقنى يا ادم

*ادم يجى ويلقى مامتها وقعة على الارض وهند عمالة تعيط وتصرخ يتصل بسرعة للآسعاف وشوية وتيجى وتاخد مامتها وتدخل اوضة العمليات*

هند*عمالة تعيط*:ماما ماما

*ادم تصعب عليه هند اوى ويخدها فى حضنه وهند تفضل فى حضنه وتعيط*

ادم:اهدى يا حبيبتى اهدى

هند:ماما لوجرلها حاجة انا اكيد هموت انا مليش غيرها يا ادم

ادم:متقوليش كدا انا جمبك اهو وكمان ان شاء الله هتبقى كويسة ادعى ربنا بس

هند:ياااااااااااااااارب يارب

*وشوية ويخرج الدكتور وهند وادم يجرو عليه عشان يطمنه*

هند:ماما عاملة ايه يا دكتور

الدكتور: هى بخير دلوقتى النوبة القلبية عدت على خير والحصلها ده بسبب انها مش بتاخد العلاج حصل مضعفات وتعبت كدا

ادم:انا عايز فحص شامل عنها يا دكتور ولو فى اى علاج جديد هيخلىها احسن ياريت تكتبوه وانا اجبهولها

الدكتور:ان شاء الله بس حاليا مفيش علاج جديد

هند:هى ممكن تخرج معايا النهاردة

الدكتور:لا بلاش النهردة يومين تلاتة كدا عشان نطمن ونعمل جميع الفحوصات الازمة وبعدين تخرج

هند:طب ممكن ادخل اشوفها ارجوك

الدكتور:اكيد طبعا بس ياريت مش كتير عشان هى محتاجة تستريح

ادم:شكرا يا دكتور

*ويدخلوا وتكون مامت هند صاحيةهند تجرى عليها وتحضنها*

هند:ماما حبيبتى انتى كويسة

مريم:الحمد لله يا حبيبتى متعيطيش انا بخير

هند:حرام عليكى يا ماما انا على طول بسألك خدتى العلاج بتقوليلى اة وفى الاخر اعرف انك مش يتاخديه يعنى لزما ادهولك بنفسى

مريم:والله يا بنتى بنسى اخده

هند:مفيش حاجة اسمها بنسى وانا من النهاردة هظبط المنبه وانا هدهولك شخصيا

مريم:ربنا يخليكى ليا يا حبيبتى

هند:ويخليكى ليا يا ماما

ادم:حمد الله على سلامتك

مريم:الله يسلمك يا ابنى معلش احنا تعبناك معانا وكمان باين ان مصريف المستشفى غالية

ادم:متقوليش كدا يا طنط وميهمكيش اى حاجة اهم حاجة انك تبقى بخير وتقوملنا بالسلامة

مريم:خلى بالك من هند هند ملهاش غيرك انت ورنا فى الدنيا دى

ادم:دى فى عنيا يا طنط وربنا يخليكى ليها وميحرمهاش منك ابدا

هند:ياااااااااااارب

ادم:طيب يلا يا هند نروح عشان نسيب طنط تستريح

هند:لا انا هبات معاها

ادم:مينفعش المستشفى دى ممنوع حد يبات عموما بكرة الصبح انا هاجى اخدك ونجيلها سوى وكمان متخفيش هنا الممرضات كل شوية بيجوه يطمنوا على المريض ولو فى حاجة بيلحقوها بسرعة وان شاء الله مش هيحصل حاجة وحشة

هند:ان شاء الله

مريم:انا كويسة يا حبيبتى روحى انتى وابقى تعالى الصبح

هند:ماشى يا ماما سلام

مريم:سلام

*وقامت هند وسلمت عليها وباست راسها ومشيت هى وادم وركبوه العربية ووصلها لحد باب البيت وقبل ما تنزل من العربية*

هند:انا مش عارفة من غيرك كنت عملت ايه ش

ادم*حط ايده على بؤها*:متشكرنيش يا هند ده واجب عليا هند انتى مش عارفة انتى بالنسبالى ايه انتى غاليه عندى اوى ومش مجرد صديقة عمرى و ان شاء الله مامتك هتبقى كويسة وهترجع تنور بيتها تانى

هند*تبتسم*:يااااارب يا ادم تصبح على خير

ادم:وانتى من اهله

*وتطلع هند شقتهم ويستنها ادم لحد ما تطلع ويطمن عليها وبعد كدا يمشى يروح وتانى يوم الصبح ييجى وياخد هند عشان يروحه المستشفى ويكون جايب ليها بوكيه ورد*

هند:ايه ده البوكيه ده بتاع مين

ادم:بتاع حبيبتى

هند:بتاع رنا ماشى

ادم:رنا مين؟هى رنا حبيبتى؟

هند:اومال رنا ايه

ادم:رنا خطيبتى

هند:ياراجل فرقت

ادم:اكيد طبعا تفرق

*وشوية وموبايل هند يرن وتطلع رنا*

هند:يارتنا افتكرنا مليون جنيه اديها بتتصل *وترد عليها*:الو يا رنا

رنا:الو يا حبى معلش انا عارفة انى مشغولة عنك طنط ازيها عاملة ايه

هند:كويسة الحمد لله

رنا:اصل ادم هزقنى امبارح عشان مبقتش اكلمك وقالى على الحصل بجد سورى يا دودو

هند:عادى يا حبيبتى ولا يهمك ,ماما الحمد لله بقت كويسة والدكتور طمنى امبارح

رنا:طيب الحمد لله عموما اول لما انزل مصر هاجى ازورها اكيد

هند:تنورى يا حبيبتى

رنا:معلش انا هقفل يا حبى سلام

هند:سلام

ادم*بأرف*:ايه كانت عايزة ايه الهانم

هند:كانت بتطمن على ماما

ادم:لا فيها الخير

هند:بتقولى انت كلمتها وهزقتها امبارح

ادم:ما هى كلمتنى وبصراحة قفشت عليها جامد وقولتلها على الموضوع ده دى بقت حاجة تأرف

هند:معلش يا ادم استحمل رنا بنت طيوبة خالص وكويسة والله

ادم:اة ما انا عارف,المهم البوكيه ده ليكى

هند:ليا انا؟

ادم:اة انتى ولا مش عايزاه ارجعوه

هند*بفرحة*:لا طبعا قصدى يعنى بمناسبة ايه

ادم:من غير مناسبة عاجبنى قولت اجيبهولك

هند*تبتسم*:ميرسى يا ادم

ادم: العفو *وبيقربلها خده*:على فكرة انا قولت العفو

هند:وانا قولت شكرا

ادم:وبالنسبة لخدى ال انا ممدهولك ده ايه مش شايفاه

هند:اعمل ايه يعنى

ادم:يا خرابى انتى هتشلينى خلاص خلاص

هند:ماشى ماشى

*وضحكوه وشوية ووصلوا المستشفى وطلعوا وهند خدت البوكيه معاها ولسة بتفتح باب الاوضة لقت الدكتور بيغطى وش مامتها هند رمت البوكيه وجريت علي مامتها وفضلت تعيط وتصرخ*

هند:لا يا ماما متسيبنيش يا ماما ماما فتحى عنيكى ماما ردى عليا يا مامااااااااااااا ماماااااااااااا

ادم*بعدها عن مامتها وخدها فى حضنه*:البقاء لله يا هند

هند:لا يا ادم متقولش كدا ماما صاحية يا ماما ردى عليا يا ماما ماماااااااااااااااااااا

*وتفضل تعيط وتصرخ وادم يفضل يهديها ويروحوه يدفنوه مامتها وبعديها ب 3 ايام وبعد ما العزاء خلص ,’ادم قاعد معاها هو ورنا*

ادم:هند انا مش هسيبك ابد واعتبرنى اهلك كلهم

هند:شكرا يا ادم

ادم:انا مش بقولك كدا عشان تشكرينى انا بقولك كدا عشان انتى من النهاردة بقيتى مسؤلة منى

رنا:انتى هتيجى تقعدى معانا

هند:اقعد معاكم فين؟

رنا:فى شقتنا لما نتجوز احنا مش هنسيبك لوحدك ابدا

هند:لا انا مرتاحة هنا ومتضغطوش عليا ارجوكم انا مليش غير بيتنا

ادم:وبيتنا بيتنا احنا كمان يا هند ولا نسيتيه

هند*بصاله وتفهم ان قصده هى العملت كل حاجة فى البيت ونقت كل حاجة فى الشقة حتى لون الشقة هى العملاه يعنى يعتبر بيتها*:برده معلش انا هعييش هنا

رنا:ماشى يا هند براحتك بس بيتنا هيفضل ما فتوحلك فى اى وقت

هند:ماشى

رنا:بصراحة انا فى حاجة محروجة اقولها حتى ادم ميعرفهاش

ادم:ايه؟

رنا:بابى حجز قاعة الفرح الاسبوع ال جى هو بيقول اننا مخلصين كل حاجة يعنى مفيش اى داعى للتأجيل وزمانه مع باباك ومامتك وبيحضره كل حاجة

ادم*بزعيق*:ده على اساس انهم ال هيتجوزه وكمان انا مش هعمل فرح ازاى اعمل فرح انا وهند فى الحالة دى

هند:ادم اسمعنى انا نفسى معنديش مانع مبروك

رنا:بجد يا دودو

ادم: ايه ال انتى بتقوليه ده يا هند حتى لو انتى وفقتى انا مش موافق ومفروض يا خده رأيى انا مش طرطور

هند:ادم ادم انا مش قادرة اتكلم ومش هقدر اتعب نفسى معاك انا قولت خلاص مفيش مشكلة وعشان خاطرى يا ادم متعملش مشكلة والف مبروك

ادم:اوووووووووف بجد انتى فظيعة يا هند انا نازل

هند*تعبانة ومش قادرة تنده عليه*:عقليه يارنا وقوليله يبطل بقى شغل العيال ده

رنا:هو انا بعرف اتكلم معاه اصلا

هند:انا مش عارفة اقولكوه ايه انتوه الاتنين المهم الحقيه وقوليلوه ميزعلش

رنا:سيبك منه

هند:لا يارنا الحقيه بقى

رنا:خلاص ماشى سلام

هند:سلام

*واول ماينزلوا تفضل تعيط وعيطها يكون بسبابين اول سبب فراق مامتها ال كانت عايشة ليها وكانت هى احسن حاجة ليها فى الدنيا وتانى حاجة الانسان ال بتحبه خلاص هيتجوز ويكون لوحدة غيرها بس هى خلاص حست انها مستسلمة لكل شئ ومبقاش فارق معاها اى حاجة خصوصا بعد ما متها ماتت وتدخل وتحاول تنام زى كل يوم بس دموعها تمنعها ومش عارفة تفكر فى اى حاجة*

 

الحلقة 6

انا والحب وصديقتى

*تسمع هند صوت الجرس وحد عمال يخبط على الباب وتقوم تشوف مين واول ماتفتح تلقى ادم*

هند:ادم ايه الجابك دلوقتى

ادم:بصراحة انا جيت اعتذرلك انا كنت بايخ النهاردة معاكى رغم ان مفروض مزعلكيش فى الظروف ال زى دى

هند:عادى يا ادم مفيش مشكلة *هند تمسك دمغها*

ادم:مالك ياهند

هند:مش عارفة دماغى وجعانى

ادم:عشان انتى بقالك 3 ايام مكلتيش حرام عليكى نفسك هتموتى نفسك يا هند وانتى لو جرالك حاجة انا مش هقدر اعيش من بعدك هند انا بحبك

*هند تحس ان الدنيا بتلف بيها وتوقع على ادم ويغمى عليها *

ادم:هند هند مالك

*ادم يشيلها وبنيمها على الكنبة ويحاول يفوقها وبعد ربع ساعة تبدء تفوق*

هند:اة دماغى وجعانى اوى

ادم:معلش هتبقى كويسة انا هقوم اعملك حاجة تكليها

*ويقوم ادم ويعملها اكل*

ادم:يلا الاكل رايح على بؤ مين

هند:مش قادرة يا ادم والله ما هقدر اكل حاجة

ادم:مش انتى هند ال اعرفها البنت القوية الشجاعة ال بتتحمل الصعوبات وال على طول بتضحك وبتهزر انا عارف ان الحصل صعب عليكى بس الدنيا مش هتوقف وهنكمل دى الحياة يا هند ولو فضلنا كلنا نستسلم زيك كدا يبقى مش هنعرف نعيش فيها يوم واحد,’ارجوكى يا هند انا وحشتنى هند اوى بتاعت زمان

هند*تبتسم*:ماشى يا ادم هات اكل

ادم:لا انا الهأكلك

هند:ياسلام على اساس انى لسه نونة ياض

ادم:ياااااااااااااه وحشتنى اوى كلمة يا ض دى قوليها تانى

هند*تضحك*:ياض

ادم:اخيرا ضحكتى يلا بقى كلى

هند:يووووووووه ماشى اهو

*ويفضل ادم يأكلها وبعد ما تاكل *

ادم:بصراحة انا نفسى ابقى جمبك العمر كله مش دلوقتى بس

هند:ما انت جمبى اهو

ادم:لا يا هند انا شايف انى اتسرعت ف موضوع رنا ده

هند:ايه ال انت بتقوله ده؟

ادم:دى الحقيقة انا بحبك انتى مش رنا وعايزك انتى مش هى

هند:ايه يا ادم ال انت بتقوله ده على فكرة مينفعش خالص الكلام ده ورنا صاحبتى وانا مقدرش اعمل حاجة تضيقها او تزعلها

ادم:اومال تضايقى نفسك وتزعليها ,هند انا بحبك انتى وهتجوزك انتى

هند:وانا مش موافقة على الكلام ال انت بتقوله ده ,ادم لو سمحت سيبنى لو حدى

*وتقوم هند عشان تفتح الباب لآدم عشان يروح*

ادم*يمسك ايديها*:هند انا بحبك وانتى كمان بتحبينى وانا عارف كدا كويس واياكى تنكرى

هند*بصاله وساكتة*

ادم:هند احنا لزما نكون لبعض غصبن عن عين اى حد

هند:بس دى صاحبتى وانا مقدرش اعمل فيها كدا مقدرش *وتعيط*

ادم:انتى مش هتعملى فيها حاجة احنا هنتجوز زى اى حد وهى اصلا مبتحبنيش وانا مش فارق معاها وصدقينى هى عمرها ما هتزعل بالعكس دى هتفرح جدا عشان هى مش بتحبنى ولا هتحبنى

هند:بس

*ادم يحط ايده على بؤها ويمسح دموعها*

ادم:مفيش بس انا بحبك يا هند بحبك *ويفضل يقرب منها شوية بشوية*

*وتصحى هند من النوم على صوت جرس الموبايل وتفوء وتمسك الموب وترد*

هند:الو

ادم:الو يا هند,انا بقالى ساعة برن عليكى انتى كنتى نايمة معلش انا اسف انى ازعجتك بس كنت لزم اكلمك

هند:لا عادى ولا يهمك يا ادم خير حصل حاجة

ادم:بصراحة يعنى حسيت انى زودتها معاكى من غير ما يكون ليكى ذنب وكمان لقيت مينفعش ازعلك وانتى فى الظروف ال زى دى انا اسف

هند:انا مزعلتش يا ادم صدقنى عادى وان شاء الله الفرح يتعمل فى ميعاده وتفرحه

ادم:لا يا هند مش هعمل فرح

هند:عشان خاطرى يا ادم ارجوك لزما يتعمل فرح وانا هاجى الفرح يعنى مفيش داعى لل انت بتقوله ده

ادم:بس مينفعش

هند:لا ينفع ماما الله يرحمها كانت ديما تدعلكم بالسعادة وكانت نفسها تشوف اليوم ده رنا زى اختى وماما كانت بتعتبرها زيى بظبط فأرجوك يا ادم ارجوك متنشفش دماغك واعمل الفرح ومبروك

ادم:انا مش عارف اقولك ايه ؟هند انا

هند:مبروك يا ادم مبروك معلش انا هقفل عشان اكمل نومى تصبح على خير

ادم*بحزن*:وانتى من اهله

*وتقفل هند مع ادم وتبتسم عشان يطلع انها كانت بتحلم ان ادم جالها و كل الحصل ده مجرد حلم ,على قد ما كانت نفسها يبقى حقيقة على قد انها فرحت انه حلم خصوصا ان مش هيحصل خلافات مع صاحبتها وعدت الايام وجه يوم الفرح وراحت هند وبركتلهم واتمنتلهم السعادة بس ادم كان حزين اوى خصوصا وهو بيكتب كتب الكتاب وقبل ما يمضى على القسيمة الجواز بص ل هند وهند بصتله وابتسمت ومضى وبعد الفرح سافره بس كان ادم كل يوم يتصل بيها وكل ساعة تقريبا وفى يوم وهند قاعدة بتفرج على التى فى تسمع صوت الجرس وتقوم تفتح وتلاقى ادم ورنا*

ادم:تاتاتاتا مفجأه ,ازيك يا هنود

رنا:حاسب كدا ازيك يا دودو عاملة ايه وحشانى

هند:ايه ده انتوا ايه الجابكم ده لسه شهر العسل مخلصش

رنا:شهر العسل قال شهر العسل قال ,كمان ادم اصر اننا نرجع واول حد نروحله انتى حتى قبل ما نروح شقتنا وجنالك جرى

هند:ايه اتخنقتوه تانى صح

رنا:متقلبيش عليا المواجع

ادم:ده انتى برده ,المهم سيبك من البت دى يا هند انتى عاملة ايه

هند:كويسة الحمد لله ,بس برده عايزة اعرف ايه ال رجعكوا

رنا:الاستاذ على طول قاعد فى السويت ولا عايز ينزل ولا يطلع وانا اتخنقت عشان كدا قولتوه نروح احسن وكمان انا هنزل الشغل الاسبوع ال جى

ادم*لنفسه*والله انا ال تخنقت منك كتك الارف:وانا كمان عندى شغل خلاص انا بقيت صاحب شركة عشان كدا لزما اجى وارتب نفسى قبل الشغل

هند:جيتوا من شهر العسل عشان شغلكم يا فرحتى بيكم بجد يا فرحتى بيكم

ادم:سيبك سيبك المهم انتى لزما تيجى تعيشى معانا

هند:تانى يا ادم تانى

ادم:تانى وتالت ورابع

رنا:صح ونبى يا دودو وحياتى عندك تعالى عيشى معانا وكمان بدل ما انتى عايشة لو حدك هنا

هند:طب ما انا عندكم هبقى لو حدى كل واحد فيكم هيبقى فى شغلوه انا هروح اعمل ايه بقى عموما اوعدكم انى كل يوم هبقى عندكم بس هرجع ابات هنا

ادم:ماشى يا ستى بس كل يوم

هند:ماشى كل يوم ,يلا بقى روحوا بيتكم تلقيكم تعبانين من السفر وكمان تقعدوا مع بعض شوية

ادم*لنفسه*يع انا مش طايقها ال نقعد مع بعض ال:ايه هو انتى عايزة توزعينا ليه هو احنا مش وحشناكى

هند:وحشتونى طبعا

ادم:وانتى كمان وحشتينى قصدى وحشتينا وعايزين نقعد معاكى

هند:تأنسوا وتشرفوا ’,انا قصدى عشان عرايس وفى شهر العسل

رنا:لااحنا هنفضل قاعدين معاكى احسن

هند*ابتسمت*:منوريين والله اعملكم تتغدوا

ادم:اة انا وحشنى اكل البيت اوى بدل اكل الفنادق وشكلى لما اروح البيت هاكل دليفرى

رنا:انت بتقول فيها فعلا انا مش بعرف اطبخ

ادم:انتى مش بتعرفى تعملى حاجة اصلا انا مش عارف انتى عايشة ليه

رنا:ايه يا ادم الكلام ده احنا من ساعة ما اتجوزنا وانت على طول كلامك كدا

ادم:ومن قبل وحياتك بس انتى ال مكنتيش بتسمعى

هند:ايه ده ايه ده فى ايه يا ادم اهدى شوية

ادم:اهدى ايه دى بقت حاجة تأرف *وسابهم ودخل البلكونة*

هند:فى ايه يارنا

رنا:مش عارفة من ساعة ما اتجوزنا وهو كدا قالب وشه وكل ما اقوله حاجة يقولى لا نخرج لا نتفسح لا يروح معايا فى اى مكان لا وعلى طول كان قاعد فى السويت قدام البحر وسرحان واجى اكلمه ميرودش وساعات القيه بيضحك مع نفسه اقوله بتضحك على ايه يقولى افتكرت حاجة ضحكتنى ولو قعدت معاه يفضل يكلمنى على الكلية والمواقف بتاعتك انتى وهو سوى طبعا انا مكنتش بضايق بس كان نفسى نتكلم فى اى حاجة تانية يسمعنى كلام حلو تعرفى كلمة بحبك لحد دلوقتى مسمعتهاش منه لدرجة انى مش فهمى هو اتجوزنى ليه ؟بجد مش عارفة وزهقت من كتر التفكير

هند*سكتت وفضلت تفكر فى كلام رنا بس هى كمان برده مكنتش فاهمة مدام مش بيحبها اتجوزها ليه*:معلش انا هدخل وافهم منه كل حاجة يمكن مضايق من حاجة ومش عايز يقول

رنا:لو فهمتى ابقى فهمينى

هند:ماشى بس اهدى ومضايقيش نفسك *ودخلت هند البلكونة لقت ادم واقف ومخنوق*:ممكن اعرف بقى فى ايه حد يضايق عروسته وانتوا كمان لسه فى شهر العسل ده انتوا بقالكم اسبوع متجوزين اومال لو شهر كنتوا عملتوا ايه

ادم:مش عارف مخنوق مخنوق منها ومن كل حاجة ده انا حتى مخنوق من نفسى

هند:مالك يا ادم ,فهمنى

ادم:صدقينى انا نفسى مش فاهم نفسى مش فاهم غير انى عملت غلطة وشكلى هندم عليها طول عمرى

هند:غلطة ايه؟ادم ممكن اسألك سؤال

ادم:اكيد اسألى

هند:انت بتحب رنا

ادم*ساكت*

هند:مردتش

ادم:مش عارف ارد اقول ايه

هند:ما هو انت يبتحبها يا مش بتحبها

ادم:مش عارف مش عارف

هند:يعنى ايه مش عارف طب لو مبتحبهاش اتجوزتها ليه؟ليه بتعذبها وتعذب نفسك ليه؟

ادم:هند انا مش هينفع اقولك اى حاجة

هند:لا قول

ادم:مش هقدر يا هند

هند:عموما يا ادم انت ال اخترت ولزما تتحمل نتيجة اختيارك انت خلاص بقيت متجوز رنا وممكن تحمل فى اى وقت وبعد شهور تجيبوا بيبى حرام تعذبوه معاكم وبخناقتكم ,ادم هو انا غالية عندك

ادم*ضحك*:هند انتى اغلى عندى من اهلى ومن نفسى

هند*ابتسمت*:خلاص يا ادم وغلوتى عندك صلحها وحاول تمشى الامور ما بينكم وبطلوا بقى شغل العيال ده ارجوك

ادم:عشان خاطرك انتى بس والله

هند:ماشى يلا قوم وصالحها

ادم:ماشى

*وخرجوا هما الاتنين ولقوه رنا قاعدة بتفرج على التى فى*

ادم:انا اسف يا رنا معلش استحملينى

رنا:خلاص يا ادم خلاص

ادم*لنفسه* خلصت روحك*:ها يا هنود مش هتعمللنا ناكل ولا ايه انا جعان وياريت يا مدام رنا تدخلى تتعلمى حاجة بعد اذنك يعنى

رنا:لا طبعا مش هعرف اقف فى المطبخ واعمل اكل وشرب اخاف على بشرتى انا مضيفة والمضيفة لزما تكون محافظة على شكل جسمها وبشرتها

ادم:خلاص خلاص متتعلميش انا هبقى اجى اكل مع هند

هند:انت تنور

*وفضلوا قاعدين مع بعض لحد بليل وفى الاخر مشيوا رغم ان ادم مكنش عايز يمشى بس هند طردته عشان مينفعش عروسة وعريس يروحوا يباته مع صاحبتهم فى شهر العسل وبعد ما مشيوا فضلت تفكر ليه ادم مرداش يقولها على حاجة وليه مخنوق كدا ومدام مبيحبش رنا ليه اتجوزها ومعقول حتى الان مقلهاش بحبك طيب ليه ,فضلت تفكر يا ترى ادم بيحب رنا ولا لا وحاسة انها متلغبطة ومش فاهمة حاجة خصوصا ان ادم فى الاول خالص قالها انه بيحب رنا ودلوقتى بيعملها وحش اوى ومش معقول حد بيحب حد واخيرا اتجوزه يعمل كدا وفضلت تفكر تفكر لحد ما دمغها خلاص كانت هتنفجر ومش عارفة تعمل ايه وبرده مش فاهمة ادم عايز ايه*

 

تأليف: فاطمة هشام

 

الحلقة 7

انا والحب وصديقتى

*وتزهق هند من كتر التفكير وتقرر انها متفكرش وتسيبها بقى من رنا وادم بس مش قادرة تبعد ده هم ال ليها فى الدنيا وحتى لو هى سبتهم هما مش هيسيبوها المهم كانت كل يوم هند تروح تقعد معاهم وتروح تبات فى بيتها و كانت رنا واخدة اجازة من الشغل وكان ادم لسه مرحش الشغل فكانوا بيقعدوا مع بعض اكتر وقت ممكن
ومكنش بيحصل خناقات كتير اى نعم ساعات ادم يزهق على رنا بس هند كانت بتهدى الموقف ولحد ما بدأ كل واحد فيهم يروح شغله وهند كانت قاعدة فى البيت
بس ادم كان على طول بيكلمها فى الموب وفى يوم لقت رنا بتتصل بيها وبتعيط*

رنا:الو

هند:الو يارنا مالك

رنا:الحقينى يا هند تعاللى دلوقتى حالا انا فى البيت

هند*قلقت اوى*:ماشى يا حبيبتى ثوانى واكون عندك *ونزلت هند وراحت ل رنا واول ما فتحت الباب فضلت تعيط*فى ايه يارنا قولى

رنا:انا حامل

هند:بجد مبروك

رنا:مبروك ايه انا لزما اسقط البيبى ده

هند:انتى اكيد اتجننتى حرام عليكى يارنا

رنا:انتى هتعملى زى ادم لا انا لزما انزله

هند:يا نهارك يا رنا انتى قولتى لآدم كدا

رنا:اة وسابلى البيت ومشى

هند:اكيد طبعا لزما يزعل ويمشى عايزة تموتى ابنه وعايزاه يفرح

رنا:مفيش حل غير كدا

هند:لا طبعا مفيش حاجة اسمها مفيش غير كدا اهدى يارنا
*وشوية وموبايل هند رن وكان ادم*

ادم:هند انتى فين انا مخنوق

هند:انا عندكم يا ادم لو سمحت تعالى

ادم:مش جى انا مش طايق اشوف وشها

هند:عشان خاطرى يا ادم تعالى كدا مفيش حاجة هتتحل ارجوك تعالى

ادم:ماشى يا هند انا جى *وشوية ووصل ادم*

ادم:انتى بتعيطى هو انتى عندك دم اصلا

رنا:لو سمحت يا ادم

ادم:لو سمحتى انتى مش عايز اسمع صوتك اخرسى

هند:اهدى يا ادم شوية الامور مش بتتحل بالطريقة دى

ادم:اهدى ازاى وهى عايزة تقتل ابنى

رنا:انت ليه مش قادر تفهم ان الطفل ده هيهدد مستقبلى وشغلى

ادم:مستقبل ايه يا ام مستقبل وشغلك ده مش هتروحيه تانى انسى

رنا:وانت فاكرنى هسكت طلقنى دلوقتى حالا انا اساسا مخنوقة من الجوازة دى من الاول

ادم:والله ربنا هو ال عالم مين المخنوق منها

رنا:ومدام مخنوق اتجوزتنى ليه ادم طلقنى

ادم:روحى وانتى

هند:ادم اياك تنطقها,’ممكن تبطلوا بقى انتم متجوزين وفى طفل جى يعنى ياريت تبطلوا الهبل ال بتقولوه ده وتفكروا بلعقل كل حاجة هتتحل ولو مسكتوش انا همشى ومش هتشوفوه وشى تانى

ادم:خلاص يا هند سكت

رنا:انا كمان سكت بس قولى حل معقول

هند:المعقول ان الطفل ده ييجى وانكوا تهدوا وتبدأوه حياه جديدة وتعيشوا مع ابنكم فى سعادة ومتحرمهوش من حاجة

رنا:الطفل ده لو جيه انا هتخن وجسمى هيبوظ غير انه هياخد كل وقتى وساعتها شغلى هيروح وانتى عارفة ان بحب شغلى

ادم:يبقى مش مهم الشغل

رنا:لا هشتغل وانت متجوزنى وانا بشتغل

هند:هى عندها حق يا ادم وانت بنفسك قولتلى انك موافق انها تفضل تشتغل ولا نسيت

ادم*لنفسه* ياريت اليوم ده يرجع تانى كان فى حاجات كتير اتغيرت:يعنى ايه تموت ابنى

هند:بعد الشر رنا خدى اجازة من الشغل وهما 9شهور لحد ما تولدى وتقومى بعد يها بالسلامة وساعتها ترجعي الشغل وبالنسبة لجسمك متخفيش ممكن تروحى لدكتور شاطر وان شاء الله جسمك هيفضل زى ما هو ولو تخن شوية بعد ما تولدى ابقى اعملى رجيم وارجعى لجسمك الطبيعى مش مشكلة يعنى

رنا:ياسلام ومين ال هيربيه صدقينى مش هينفع انا لزما انزله

ادم:لو نزلتيه هتبقى طالق يا مدام

هند*سمعت كلام ادم وكلام رنا وسكتت شوية*:انا هربيه انا عايشة لو حدى وهاخده معايا فترة ال انتى فى الشغل ولما ترجعى تخديه البيت

ادم:وانا واثق انك هتربيه احسن تربية

رنا:مدام مصممين ماشى يا هند ماشى انا هخليه

هند*ابتسمت*:ايون كدا اعقلى يا حبيبتى والف مبروك

رنا:ماشى شكرا بس من النهاردة انتى هتعيشى معانا

هند:ايه لا

رنا:ما انا مش بعد ده كله اقعد لو حدى فى البيت كمان انا كدا هطق

ادم:الحاجة الوحيدة ال قالتها صح ,هند انتى لزما تعيشى معانا

هند:بس

ادم:مفيش بس يلا نروح نجيب هدومك ونيجى

هند:طب خليها بكرة

رنا:لا يا هند دلوقتى اسمعى الكلام اشمعنة انا سمعت كلامك

هند:خلاص خلاص يلا بينا

ادم*ضحك*:ماشى

*وراحوا سوى وجابوا هدوم هند وقفلت الشقة وودعتها وراحت تعيش مع ادم ورنا ورنا فعلا خدت اجازة وفضلوه قاعدين سوى وعدى 7شهور وكل حاجة تمام وهند فرحانة وهى شايفة صاحبتها الوحيدة حامل بس طبعا رنا مخنوقة ومش طايقة البيبى ادم مبسوط علشان هند بقت عايشة معاهم وفى نفس الوقت مكنش فارق معاه رنا تسقط البيبى ولا لا هو كان بيتحجج عشان يطلق رنا ومكنش نفسه يجيب عيال منها بس ربنا اراد كدا وعدت الشهور على خير وفى يوم ادم خارج من الاوضة متنرفز*

ادم:رنا رنااااااااااااااااااااااااا

هند:ايه يا ادم فى ايه

رنا:ايه بتزعق كدا ليه

ادم:ايه ده *وبيورلها برشام مانع الحمل*

رنا:ده ده ايه ده

ادم:يعنى مش عارفة ايه ده

رنا:لا مش عارفة

ادم:ده برشام مانع حامل يا هانم

هند:يا نهارك يا رنا انتى بتاخدى البرشام ده انتى اكيد اتجننتى ده يسقطك ولو مسقطكيش ممكن يشوه الطفل ليه بتعملى كدا حرام عليكى يا رنا بجد حرام ال انتى بتعمليه ده

رنا:اهدوه شوية انتوه الاتنين البرشام ده عندى من قبل ما احمل والله مخدش حاجة منه من ساعة محملت

ادم*ضحك بسخرية*:كمان قبل ما تحملى يعنى مكنتيش عايزة تحملى منى

رنا:خلاص يا ادم ما انت عارف السبب

ادم:خلاص تصدقى فعلا انتى خسارة فيكى الكلام لعلمك انا كمان كنت اتمنى ان ابنى ييجى من انسانة تانية احسن منك مليووووووووووون مرة

*وبص على هند وقام دخل الاوضة ومشى هند حست ان كلامه عليها*

رنا:شوفتى يا هند شوفتى بيعملنى ازاى وعايزانى اجيب منه طفل

هند:معلش هو اضايق ولي الحق انك مش عايزة تخلفى منه

رنا:وادينى حملت منه وشايلة ابنه ومستحمله ارفه وبرده يعمل كدا ويقول كدا

هند:صدقينى هو مضايق ومش عارف بيقول ايه شوية وهيهدى وهييجى يصالحك

رنا:يصالحنى والله ييجى ولا ميجيش انا زهقت

*وشوية ورنا حست بوجع وفضلت تصرخ*

هند:مالك يا رنا مالك

رنا:مش عارفة حاسة انى تعبانة اوى

*هند تتنده على ادم وادم ييجى جرى*

هند:ادم ادم

ادم:ايه فى ايه

هند:رنا تعبانة اتصل بالآسعاف بسرعة

*وتيجى عربية الاسعاف وتاخد رنا وتدخل غرفة العمليات وتطلع بتولد وتقعد ساعتين وهند هتجنن وادم برده قلقان*

هند:ياااااااارب استرها يارب

ادم:ان شاء الله خير

*وشوية وتخرج الممرضة*

الممرضة:مبروك جالك ابن زى القمر بس هيتحط شوية فى الحضانة عشان هو نازل بدرى فى الشهر السابع ولزما يقعد شوية فى الحضانة

هند:طب والدته بخير

الممرضة:اة بخير وشوية وتقدره تدخلوه وتشوفها

هند:الف حمد وشكر ليك يارب

*وشوية وخرجت رنا ودخلت اوضة تانية بس كانت نايمة عشان البينج وفضلت هند قاعدة جمبها لحد ما فاقت*

هند:حمد الله بالسلامة يا احلى ماما ف الدنيا

رنا:الله يسلمك

هند:متقلقيش الولد بخير الحمد لله بس هو فى الحضانة عشان نازل بدرى مستعجل على النزول اوى حضرته

رنا:وسى ادم فين

هند:ادم راح يشوفوه وانتى اول ما تشدى حيلك تقومى تشوفيه

رنا:لا مش هقوم انا مش قادرة انا تعبانة

هند:ماشى يا حبيبتى استريحى

*وفضلوه 3اسابيع وكانت هند هى وادم كل يوم يروحوه يوقفوه قدامه فى الحضانة ويطمنوه عليه وفى يوم كانت هند قاعدة مع رنا فى الاوضة وادم جاب الولد*

هند:ايه ده خرجوه

ادم:اة قالوه بقى كويس

هند:طب هات اشيلوه *وشالته هند*:بسم الله مشاء الله زى القمر ربنا يحميه يارب خدى يا رنا شيليه

رنا:لا مش عايزة اشيله مش قادرة وممكن لو شيلته اوقعه

هند:لا خلاص خلاص لما تبقى كويسة ان شاء الله هتشليه ها سمته ايه

ادم:مش لما مامته تسميه

رنا:انا مش عارفة اسامى ساميه انتى يا هند

ادم:ما انا قصدى على هند ها يا هند هتسميه ايه

هند*استغربت من الكلام ال ادم قاله بس سكتت شوية*:مهند

ادم:مهند؟ايه ال المسلسل التركى ده

هند*ضحكت*:اة عشان لما تشيل ال ميم يبقى هند

ادم*ضحك*:تصدقى صح انا هروح اسميه مهند

*وراح ادم يسميه وبعد اسبوع خرجت رنا من المستشفى واهلها فرحوا بس مكنوش مهتميين اوى عشان بابها على طول فى شريكاته ومامتها فى النادى مع صاحبتها واهل ادم كدا برده وبعديها بفترة*

رنا:انا هرجع الشغل الاسبوع الجى

هند:والولد

رنا:انتى مش قولتى انتى ال هتربيه

هند:انتى معقولة قلبك لسه محنش لى طيب انا لو ربيته هرضعه

رنا:معرفش اتصرفى انا هروح الشغل واظن انا كدا عملت العليا

هند:انتى محسيسانى انك كنتى بتأدى واجب عليكى وخلاص مش اكتر ده ابنك يا رنا ابنك

رنا:ما انا عارفة انه ابنى بس اعمل ايه يعنى بقولك ايه انا هدخل انام عشان دماغى وجعانى واستنى سى ادم ده وبلغيه ال انا قولتهولك

*هند سكتت ومردتش ورنا دخلت تنام وشوية وادم جه من الشغل*

ادم:مساء الخير يا هنود

هند:مساء النور تحب تتعشى

ادم:لا اتعشيت اومال مهند حبيب بابا نايم ولا صاحى

هند:لا نايم وانا مصدقت انه نام ونبى متصحهوش يا ادم ونبى

ادم*ضحك*:ماشى خلاص خلاص ,وست رنا فين

هند:رنا رنا دخلت تنام

ادم*لنفسه*تنام عليها حيطة احسن*:ماشى

هند:ادم عايزة اقولك على حاجة

ادم:قولى يا هنود

هند:ادم رنا رنا هتبدأ الشغل من بكرة

ادم:ماشى

هند:ماشى بقولك رنا تبدأ الشغل من بكرة

ادم:يا حبيبتى هى تعمل ال تعمله خلاص انا ميهمنيش انا كل ال يهمنى انتى وابنى وبس

هند:بس هى مراتك يا ادم

ادم:مراتى؟ ممكن برده

هند:يعنى ايه ممكن انتوا ليه مش بتفكره فى ابنكوه

ادم*قرب من هند وعينه جت فى عنيها*:مين قالك انى مش بفكر فيه انا دلوقتى مليش فى الدنيا غيرك انتى وهو وبالنسبة ليها خلاص هى عايزة تشتغل تشتغل مش هى شايفة انها بترتاح كدا خلاص براحتها

هند:بس

ادم:بس خلاص عشان خاطرى انا بقى متفتحيش الموضوع ده تانى وانا كفاية عندى ان كل يوم بشوفك وعايشة معانا وانا مش عايز حاجة غير كدا مش عايز حاجة غيرك انتى وبس

هند*فضلت باصه لآدم ومش عارفة تقوله ايه وشوية وهما فى اللحظة دى يصحى مهند ويفضل يعيط*:الولد صحى

*تدخل هند اوضة الولد وتخدوه فى حضنها وادم يبص عليها ويشوفها اد ايه بتحب الولد ومهتمية به*

ادم:يا بختك يا عم مهند محدش قدك

هند*تضحك*:بطل رخامة ياض انت

ادم:ماشى انا هسكت اهو بس يا يخته برده ياريتنى مكانه

هند:الله بقى شكلك عايز تضرب

ادم:لا خلاص خلاص

*وتفضل هند عايشة معاهم وكل يوم مهند بيكبر قصاد عنيها هى وادم وطبعا رنا فى شغلها ومبتجيش البيت غير كل فين وفين وادم مكنش عايز حاجة غير ان هند تفضل معاه ديما وفعلا هند فضلت عايشة مع ادم وتربى الولد وكل شوية ادم يحسسها بحبه واهتمامه بيها والبيت كان عامل زى الاسرة الجميلة بس للاسف مش اسرة حقيقية عشان هند مش مرات ادم ومرت سنة ومهند كبر شوية وكان شبه ادم اوى وهند كانت فرحانة جدا عشان شبه ادم وبتحس انها على طول شيفاه حتى وهو بعيد عنها *

 

 

الحلقة 8

انا والحب وصديقتى

*وفى يوم هند كانت قاعدة فى الصالة بتلعب مع مهند وفتحت رنا الباب وجت اخيرا بعد ما كانت مسافرة شهر فى رحلة*

رنا:دودو وحشتينى

هند:وانتى كمان ازيك ايه اخبارك

رنا:تمام والسفرية كانت حلوه اوى

هند:ماشى

رنا:انا هدخل اغير واستريح شوية عشان عندى رحلة كمان 10ساعات

هند:انتى لحقتى تيجى

رنا:اعمل ايه الشغل كتير اوى

هند:طب انتى بالنسبة لآبنك مش هتقعدى معاه ده انتى حتى جيتى ومسلمتيش عليه ولا بصتيله

رنا:انا داخلة اغير وانام شوية تصبحى على خير

*ورنا دخلت تنام وهند كانت مضايقة اوى من الرنا بتعمله والمعاملة الوحشة ال بتعملها لطفل ملوش زمب فى حاجة وعدت ساعات وادم جه من الشغل *

ادم:هنود ازيك

هند*بحزن*:تمام وانت

ادم:مالك فى ايه

هند:مفيش على فكرة رنا جت

ادم:والله حمد الله بسلمتها وسيادتها فين بقى ,اكيد مخمودة ما هى بتيجى عشان تنام ما هى عايشة فى لوكندا

هند:ادم خلاص بقى وكمان عشان مهند ميتفزعش ويعيط

ادم:ماشى خلاص

*وشوية ودخلت هند تجهز الاكل وادم غير هدومه وهند دخلت تصحى رنا وقعدوا كلمهم على السفرة ومهند قاعد معاهم*

هند:مهند كل مم يلا بطل لعب

ادم:نفسى اسمع منه كلمة بابا اوى ما تقول بابا يا واد انت

هند:مش عارفة ليه لسه متكلمش اتأخر اوى فى الكلام رغم انى على طول بقوله قول بابا وماما

*وشوية وقرب ناحية رنا*

هند:شليه يارنا

رنا:لا انا باكل مش وقته روح العب بعيد

هند:ايه يا رنا المعاملة دى

رنا:انا عايزة اكل يا هند

ادم:اة خليها تاكل ما هى بتيجى عشان تاكل وتنام

رنا:يووووووه هتخلونى ازهق بقى واقول يارتنى ما جيت

ادم:فعلا ياريتك ما جيتى

رنا*بزعيق*:فعلا ياريتنى ما جيت دى حاجة تأرف

هند:بس بقى بس بطلوا خناق

*وشوية ومهند فضل يعيط وقرب من هند*

مهند:ما ما ماما

هند*مصدقتش ودنها انها سمعت الكلمة دى وقربت من مهند و حضنته*:نعم يا حبيب قلب ماما

ادم:معقول اتكلم يا هند اتكلم

هند:اة واول كلمة قالها ماما يلا يا مهند قول ماما ماما

ادم:وقول بابا كمان ياض

هند*ضحكت اوى*:لا ماما الاول وبعدين بابا

مهند:ماما ماما ماما ماما

*هند وادم فرحوا به اوى ورنا مهتمتش بده كله ودخلت لبست وخرجت راحت الشغل وادم وهند مش حاسين بيها بس كانوا فرحانين بمهند وفضلوا قاعدين سوى يلعبوا مع مهند ويخلوه يتكلم ويقولوه بابا وماما وعدت 5سنييييييييييييين كمان وكبر مهند وراح المدرسة وطبعا فضل فاهم وعارف ان هند هى مامته وادم هو باباه ورنا مكنش بيشوفها كتير بس من كتر انها كانت بتيجلهم كل شهور مرة كان بيحسبها صاحبة مامته وبتيجى تزورهم وتقعد معاهم شوية وتمشى بس وفضل مرتبط ب هند جدا وبقت كل حاجة لي هى وادم بس*

*وفى يوم هينزل مهند عشان رايح المدرسة*

هند:مهند افطر الاول يا حبيبىى

مهند:لا يا ماما مش عايز اكل

هند:لا هتاكل يعنى هتاكل

*وشوية وصيحى ادم *

ادم:صباح الخير

هند:صباح النور خلى مهند يا كل وانا هحضرله السندوتشات

ادم:مش عايز تاكل ليه يا مهند كل عشان تكبر

مهند:ما انا كل يوم باكل ومش بكبر ولسه زى ما انا

ادم*لنفسه*يا دى النيلة اقوله ايه:لا يا حبيبى ما انت بتكبر اهو يعنى شوف صورتك المتعلقة وانت صغنن مش زى صورتك دلوقتى صح

مهند:ممممممممم صح خلاص هاكل

*وفضل مهند وادم يفطروا وهند خرجت وحطيتلوا السندوتشات فى الشنطة وشويا واتوبيس المدرسة وصل*

هند:يلا يا مهند الbus وصل وعيزاك تاكل السندوتشات كلها عشان خاطرى يا حبيب ماما

مهند*ابتسم*:ماشى يا ماما *ومشى مهند ناحية الباب *

هند:واد يا مهند مش ناسى حاجة فين الحضن بتاع ماما

مهند*جرى عليها وحضنها وباسته*:سلام يا ماما

هند:سلام يا حبيب ماما

ادم:ياسلام طب وبالنسبة ليا ياعنى

هند:انت جيت بعد مامشى وتقول عايز حضن لما ييجى

ادم:لا انا عايز حضن من مامت مهند مش مهند

هند:بطل رخامة يا ابو مهند واعقل عشان تروح شغلك سليم هه

ادم:لا خلاص خلاص احترم نفسى احسن

هند*ضحكت*:ايون بظبط كدا

*ودخل ادم يغير هدوموه عشان يروح الشغل*

ادم:انا نازل يا هنود عايزة حاجة

هند:تؤ شكرا عايزة سلمتك

ادم:برده مش هتجيبى حضن لآبوه مهند

هند:الله ما طولك يا روح امشى ياض

ادم:بعد العمر ده كله وياض ماشى يا هند

هند:عمر ايه احنا لسه صغيرين على فكرة

ادم:ما هو واضح وبالنسبة للشعرتين البيض دول

هند*ضحكت*:فشر انت ال شعرك ابيض لكن انا لسه شباب

ادم*ضحك*:ماشى يا هند *وقبل ماينزل *:هند هو انتى مش هتجوزى؟

هند*استغربت من كلام ادم*:ايه ال انت بتقوله ده؟

ادم:هند انا عارف ان رغم ان مهند مش ابنك بتعتبريه ابنك وعارف انك عايشة فى البيت كأنه بيتك وهو فعلا بيتك بس برده انتى

هند*الدموع فعنيها*:ادم متكملش انا اة يمكن البيت مش بيتى بس لو نسيت ان انا ال مختارة كل حاجة فيه حتى اللوان الشقة والديكور يعنى لو فكرت شوية هتلقى انه بيتى وبالنسبة لمهند مسمحلكش انك تقول عليه مش ابنى لعلمك الام مش اسمها ام عشان مجرد انها حملت وخلفت الام هى البتربى وتكبر ودخل ابنها احسن كلية ويتجوز وتشوف احفادها وتشوفه ديما ناجح هى دى الام وربنا يقدرنى ويخلينى اعيش لحد اليوم ال اجوز فيه مهند واشوفه عريس انا حياتى كلها بقت لمهند مهند وبس فاهم يا ادم

ادم*ابتسم وقرب منها وباس رسها*:بجد مش عارف اقولك ايه انا لسانى عاجز على اى كلام ممكن اقولهولك بس مش هقولك غير ان ربنا ما يحرمنيش منك ابدا ابدا ابدا ونعيش سوى طول العمر ونكبر ابننا ونجوزه ونشوف احفادنا

هند*ابتسمت*:ياااااااارب يا ادم يارب

*ونزل ادم وراح شغله وعدت الساعات ورجع مهند من المدرسة *

مهند:ماما انا جيت

هند:نورت الدنيا كلها يا حبيب ماما ها احكيلى عملت ايه النهاردة

*مهند فضل قاعد معاها ويحكيلها ووشوية ورجع ادم من الشغل وفضلوا قاعدين سوى يتكلموا وهيهزره واتغدوا وبعد كدا قاعدوا يتفرجوا على التى فى وشوية ودخلت رنا*

رنا:هاى ازيكم

هند:تمام ازيك انتى يارنا

رنا:تمام الحمد لله

مهند:ازيك يا طنط رنا

رنا:تمام,’انا داخلة اغير هدومى ونبى يا دودو حضريلى الاكل عشان جعانة

هند:ماشى يا رنا

ادم:ماشى ايه ما تدخلى تحضريه لنفسك لعلمك هند صاحبة البيت مش خدامة

رنا:اووووووف وانا مقولتش انها خدامة انا بقول تحضرلى الغداء عشان تعبانة ومش هقدر احضره

ادم:ياسلام يا عنى هتقدرى تطفحيه بس

هند:ادم بلاش الكلام ده الولد واقف وكمان مفيش مشكلة انا هحضره عادى ما انا قاعدة من الصبح مبعملش حاجة

ادم:انتى قاعدة معانا ودى اهم حاجة يا هند

هند:اكيد طبعا مفيش مشكلة يا ادم يعنى ان اعملها تاكل وعلى طول انا بعمل الغداء مش هتفرق خلاص بقى

*رنا بصتله ودخلت تغير وادم سكت بعد ما هند قالتله كدا وحضرت هند الاكل وخرجت رنا تاكل وفضلوا قاعدين ادم وهند يتفرجوا على التى فى ومهند كان بيرسم عشان الميس بتاعته طلبت منه يرسم صورة اسرة فرسم عيلته هند وادم مسكين ايده ورنا رسمها بعيد عنهم وبعد كدا وراها لهند وادم*

مهند:بابا ماما شوفته رسمت ايه

هند:الله حلوه اوى يا حبيب ماما برافو عليك *وباسته*

ادم:ايه الجمال ده ابنى رسام ياناس فنان يا ابنى والله فنان بس هى مين دى الواقفة بعيد دى احنا 3 بس

مهند:دى طنط رنا مش هى صاحبة ماما وبتيجى تزورنا تبقى من عيلتنا

هند:صح يا حبيبى روح وريهالها

*وجرى مهند على رنا وهى كانت لسه بتاكل وطلع فوق على الكرسى*

مهند:طنط رنا شوفتينى وانا رسمك

رنا*مش بصاله وساكته*

*مهند استغرب انها مش بترد*

مهند:طنط بصى على رسمتى شوفى حلوه ازاى

رنا*كانت بتشرب ماية فمهند بعد عنها الكوباية عشان يوريها الصورة فوقعت الماية على رنا*:انت غبى وقليل الادب

*وضربته بالقلم على وشه وكان جامد اوى ومهند صرخ وجريوا عليه هند وادم وهند خدت الولد فى حضنها وهو برده عمال يصرخ ويعيط*

هند:انتى اكيد اتجننتى انتى ازاى تمدى ايدك على الولد

ادم:انتى ايه ال انتى عملتيه ده يا مجنونة انتى اكيد مش طبعية

رنا:هو ولد قليل الادب ولزم يتربى

ادم*اضايق من ال هى عملته وقام ضربها بالقلم على وشها*:ابنى متربى احسن منك وكفاية ان هند هى المرابياه ولو مديتى ايدك على الولد تانى هقطعهالك انتى فاهمة

رنا*بصت لآدم بستحقار ودخلت الاوضة ولمت شنطتها ومشيت ,’,’وادم وهند فضلوا يهده فى مهند لحد ما ينسى ال حصل وفضلوا يلعبوه معاه ويشترولوه حاجات حلوه*

مهند*زعلان*:خدى بيوجعنى يا ماما

هند*بتعيط عشان مهند كان وشه محمر اوى وباسته عليه*:معلش يا حبيب ماما انا بوسته ودلوقتى هيخف معلش

ادم:انا بكرة هاخدك وهننزل نجيب اللعبة ال نفسك فيها ايه رأيك

مهند:هييييييييه هييييييييه شكرا يابابا

ادم:العفو يا حبيب بابا

*وهند دخلت مهند الاوضة ينام عشان الوقت كان متأخر واستنت معاه لحد مانام وبعد كدا خرجت لقت ادم قاعد فى الصالة ومضايق*

ادم:انسانة حيوانة انا مستحيل اخليها على زمتى

هند*بصالة وساكتة*

ادم:معقولة فى انسانة بالقسوه والارف ده اكيد مش معقول

هند*بتعيط *:انا بجد مش عارفة هى بتعمل كدا ليه

ادم:انتى بتعيطى

هند:الولد صعبان عليا جدا انا لزما الصبح اوديه لدكتور انا خايفة ان خده يورم

ادم:ان شاء الله مش هيحصل حاجة وحشة

هند:يااااااااااااااااارب

*ادم قرب منها ومسح دموعها*

ادم:لدرجة دى بتحبيه

هند:مهند بقى حته منى يا ادم ولما هو اضرب كأنى اضربت

ادم:وانا خدتلك حقه وحقك من الانسانة الغبية دى وعشان خاطرى بطلى عياط دموعك غالية عندى اوى

*ادم عنيه جت فى عين هند وفضل يقرب منها ويقرب وهند خافت اوى ولقت نفسها بتبعد عنه*

هند:عن اذنك يا ادم انا لزما اروح انام جمب مهند عشان ميصحاش يعيط تصبح على خير

ادم:هند

هند:تصبح على خير يا ادم

ادم:وانتى من اهله

*دخلت هند الاوضة ونامت جمب مهند وفضلت تفكر فى البيحصل ليها مشاعرها لسه متغيرتش من ناحية ادم بس رغم كدا كل ما يقرب منها تبعده مش عارفة ليه يمكن عشان حاسة ان مهما حصل وفضلت عايشة معاه هو مش ملكاها وبعد كدا بصت على مهند وفضلت تفتكر ال رنا الغبية عملته وانها مش متخيلة ان فى ام ممكن تكون قاسية كدا اوى وان فعلا رنا مش ام يكفى انها مش رابيته ولا حتى شافته وهو بيكبر وبصت جمبها لقت رسمة مهند واستغربت بأحساسه برنا رغم القسوه ال بتعمله بيها بس برده هو حاسس انها جزء من العيلة بتاعته وباست مهند ونامت جمبه*

 

 

الحلقة 9

انا والحب وصديقتى

*والصبح تاخد مهند عند الدكتور عشان تطمن عليه والدكتور يطمنها ان مفيش حاجة وهيبقى كويس وهيرجع عادى وبعد ماخلصت عند الدكتور قررت تعمل مفجأه لآدم وتروحلوه هى ومهند الشغل ,’وتروح الشركة وتكون اول مرة تروحلوه الشركة بس ال فى الشركة طبعا كانوا عارفين هند ومهند عشان ادم كان حاطت صورتهم عنده فى المكتب وكلهم عارفينهم وفاكرين ان هند مراته*

هند:صباح الخير

السكرتيرة:صباح النور

هند:استاذ ادم موجود

السكرتيرة:ايوه يا فندم اقوله مين , هو حضرتك مرات مستر ادم

هند*استغربت ومش عارفة تقول ايه*:انا

السكرتيرة:وده مهند ابنه صح

هند*تبتسم*:اة هو

السكرتيرة:طيب يا فندم ثوانى هبلغه اتفضلى اقعدى *طبعا السكرتيرة عرفت ان هند مراته*

*وتدخل السكرتيرة وتقوله وادم يفرح اوى ان هند ومهند برة ويخرج يستقبلهم بنفسه*

ادم:ايه ده مش مصدق نفسى منورة يا حبيبتى

مهند:بابا حبيبى

هند:قولت اعملك فجأه ايه رأيك

ادم:دى احلى فجأه *وخدهم ودخل المكتب*

هند:بصراحة انا كنت عند الدكتور عشان مهند وقولت نيجى نشوفك

ادم:وقالك ايه

هند:طمنى الحمدلله وقالى هيبقى كل شئ بخير

ادم:طيب كويس

*وشوية وتدخل السكرتيرة وتمضى ورق وتقوله ان فى واحدة جاية من شركة تانية وعايزة تقابله*

ادم:مش عايز اقابل حد دلوقتى الغى كل حاجة

هند:ادم احنا اصلا ماشيين ولو سمحت بلاش تعطل شغلك بسبابنا

ادم:ماشيين فين لا انا مصدقت انكم جيتوه وكمان ده اول مرة تيجى وتشوفى شركتى

هند:مرة تانية نيجى لما ما تكنش مشغول وكمان انا لسه عايزة اشترى حاجات للبيت ولا ترجع متلقيش عشاء

ادم:مش مهم يا حبيبتى ,’انتى اهم من العشاء

هند*ضحكت*:كويس فرحتنى همك مش على بطنك بس برده لزما نروح دلوقتى

ادم:ماشى مدام سيتك مصممة انا عارف دماغك ناشفة وانا اقول الواد طالع لمين

مهند:ماما هى الطالعة زيى يا بابا

هند*ضحكت*:صح يا حبيبى

*وخرج ادم يوصلها لحد برة واول لما خرجت لقت واحدة ولبسه لبس ضيق جدا وجيبه فوق الركبه ولبسه بلوزة قط وعليها جاكت قصيروعاملة شعرها بطريقة غريبة وكانت صغيرة تقريبا اصغر منهم ب 4سنين هند اول لما شافت كدا اضايقت اوى خصوصا ان هند بقت مهملة فى نفسها مابقتش زى الاول البنت الشيك رغم ان جسمها متغيرش بس كان كل اللى يهمها مهند وتربيتها لى نستها نفسها وانها تهتم بنفسها هند قربت منه وحضنته *

هند:باباى يابيبى هتوحشنى متتأخرش على العشاء هفضل مستنياك ومش هاكل غير لما تيجى ماشى

ادم*استغرب جدا من الهند عملته خصوصا انها اول مرة تعمل كدا دى مبتعملش كدا فى البيت فتعمل كدا فى الشركة قصاد الناس بس بعد ما فكر فهم انها غارت لما شافت البنت ال واقفة*:ماشى يا حبيبتى هو انا اقدر اتأخر عليكى بردة

هند:يلا يا حبيبى سلم على بابى وقوله باى

مهند:سلام يا بابابى هتوحشنى

ادم:وانت كمان يا حبيبى ,وقرب من هند وحضنها تانى*: وهمس فى ودانها شكلك حلو وانتى غيرانه هند همستله اياك عينك تزوغ برة هه*

هند*بصتله وابتسمت*:يلا يا مهند عشان نروح ,خلى بالك من نفسك يا حبيبى

ادم:وانتى كمان خلى بالكوا من نفسكه بحبك

هند*بصتله وحست انه بيحطها قدام الامر الواقع*:وانا كمان يلا مع السلامة *وقالت كدا ومشيت بسرعة*

*وروحت البيت وعملت العشاء وقبل ما ادم ييجى حست انها نفسها تغير شوية على طول بييجى يلقيها لبسة لبس البيت وقاعدة قالت تغير المرة دى ودخلت اوضتها ولبست (فستان لبنى طويل وكان شكله حلو اوى وحطت ميك اب وعملت شعرها ولمته لواره وكان شكلها عسول اوى وخرجت كان مهند بيتفرج على التى فى*

مهند:الله يا ماما شكلك حلو اوى يابخت بابا بيكى يا مزة

هند*استغربت من الكلمة ال قلها*:ايه ده يا مهند عيب الكلمة دى مين البيقولها

مهند:انا بسمع بيقوله كدا

هند:لا يا مهند متقولهاش تانى عيب

مهند:انا اسف ياماما

هند:شطور يا حبيب ماما *لنفسها*مزة ده ابوك عمره ما قلهالى فأنت تقولهالى يا اوزعة وابتسمت*وفضلت قاعدة بس قبل ميعاد ادم بشوية حست انها اوفر اوى ال هى عملاه ده وكمان هى غارت عليه ليه ده مش من حقها وكانت لسه هتقوم عشان تغير هدومها لقت ادم بيفتح الباب وشافها*

ادم:اوبااااااا احنا عندنا ضيوف ولا ايه يا مهند

مهند:لا دى ماما يا بابا

ادم:معقول القمر ال قدامى ده انا مش مصدق

هند*اتكسفت اوى*:على فكرة على فكرة يعنى بص هو عادى انا لقيت الفستان قولت البسه عادى وحطيت الميك اب عادى وعملت شعرى عادى برده يعنى عادى ايه يعنى عادى

ادم*ضحك*:شكلك حلو وانتى متوترة كدا

هند:لعلمك انا مش متوترة انا محروجة بس

ادم:وليه تتحرجى حد يتحرج من حبيبه ده انتى حبيبه انا

هند:ادم بطل بقى كلامك ده الولد واقف مينفعش

ادم:الله وفيها ايه ابن وبيشوف باباه بيعاكس مامته مفهاش حاجة وبصراحة انتى مزة اوى ومش قادر مش اعكسك

هند:هاااااااااااا انت كمان هتقول مزة يالهوى انا اربى الولد وانت تصيعه مش كدا

ادم:الله ما احنا بنتعاون سوى اهو بصى بالشياكة دى احنا نتعشى برة انا وانتى ومهند

هند:ما انا عملت العشاء

ادم:لا لا سيبيلى نفسك خالص انا هعملك مفجأه بس ثوانى هعمل تليفون

*ويدخل ادم يتكلم فى التليفون وهند تلبس مهند ويخدهم ويركبوه العربيه ويروحه مطعم بس يكون محجوز ليهم هما بس*

مهند:ايه ده يا بابا المكان فاضى مش فيه ناس

ادم:اة يا حبيب بابا المكان ده بتاعنا لو حدنا انا وانت وماما وبس

هند:المكان حلو اوى شكرا

ادم:بتشكرينى على ايه ده انتى حبيبو انا

هند*تبتسم*:بطل يا ادم بقى

ادم:ماشى بس ثوانى *ويروح مكان ويرجع وتشتغل الاغنية ال هو شغلها فى الخطوبة بتاعته (ساموزين خطوه ليه)و يرقصوه عليها*:فاكرة اليوم ده

هند:اة هو ده يوم يتنسى

ادم:انا بقى كان نفسى اخدك من ايديكى واغنيهالك ونرقص سوى واقول لدنيا كلها انك اجمل بنوتة شفتها عنيا وانك اغلى من حياتى

هند*بصاله وساكتة*

ادم:بس كنت ديما بتخيل وبحلم عمرى فى حياتى مقدرت احقق حلم من الاحلام دى ديما فى حاجة كانت منعانى رغم قربك منى وكنتى جمبى بس برده حاسس انك بعيدة عنى وان مقدرش اعمل اى حاجة نفسى فيها معاكى ديما كان فى حاجز

هند*الدموع فعنيها*:انت العملت الحاجز ده يا ادم

ادم:للاسف عارف ,وعارف انى السبب فى ان حاجات كتير متلغبطة فى حياتنا بس صدقينى غصبن عنى والله غصبن عنى لو بأيدى مكنش حصل اى حاجة احنا دلوقتى رفضنها

هند*ابتسمت*:تؤ دى احلى حاجة حصلت

ادم:ازاى

هند*بصت ناحية مهند*:عشان مهند جه ونور لينا حياتنا رغم انه مش ابنى فعلا ,بس صدقنى انا حاسة انى انا ال تعبت وحملت فيه عقبال ما جه الدنيا

ادم:انا عارف بس تصدقينى انتى كمان لو قولتلك ان كان نفسى مهند كان يبقى ابنك بجد ويتكتب بأسمك انتى مش اسم واحدة تانية معندهاش دم

هند:ملوش لزمة الكلام ده

ادم:لا ليه لزمة وبطلى تهربى منى بقى

هند*تحاول تبعد عن ادم بس ادم يمسكها جامد*:الاغنية خلصت على فكرة

*مهند يبصلهم ويضحك ويصقف اول لما الاغنية تخلص,هند وادم يبصوله ويبتسمه وادم يكمل كلامه*

ادم:عارف على فكرة بس كلامى مش خلص *وطلع علبه وفيها دبلة*هند انا بحبك تتجوزينى

هند*سمعت كدا اتصدمت من كلامه ومش مصدقة*:ايه ال انت بتقوله ده

ادم:ده ال كان لزما بتعمل من زمان وعشان اسبتلك ان القدر لينا من زمان انا مشترتش الدبلة دى الدبلة دى يوم ماروحنا نشترى انا وانتى ورنا الشبكة والراجل افتكرنا ان انا وانتى ال هنتجوز وكتب اسمك عليها وانا اكتشفت ده لما الهانم فى يوم سابت قصد الدبلة على التسريحة وانا مسكتها وفضلت ابص عليها واندم انى اتسرعت فى الجوازة دى وقريت الاسم لقته مكتوب هند&ادم

هند*بصاله ومستغربة*:معقولة معقول ال بتقوله ده

ادم:اة يا هند شوفتى القدر كان لينا من زمان بس انا ال كنت اعمى ودلوقتى فتحت وعايز اصحح غلطتى تتجوزينى يا هند

هند*بصتله ودموعها نزلت وفضلت تفكر شوية وملقتش اى حل غير انها توافق حرام تتضيع الانسان ال بتحبه منها مرة كمان وخصوصا ان رنا صاحبتها متعتبرش متجوزاه هى شايلة اسمه بس برده هند حست انها دى خيانة لصاحبتها ومش هتقدر تعمل كدا وخافت اكتر على مهند عشان ممكن رنا تاخده وتبعده عنها ولقت القرار الصح انها متوفقش*:انا اسفة يا ادم مش هقدر

ادم*اتصدم من ردها*:ليه يا هند

هند:مش هقدر اخون صاحبتى ارجوك يا ادم خلينا زى ما احنا

ادم:تخونيها؟ وهى فين صاحبتك دى افهمى يا هند انا ورنا متجوزين على الورق بس مش اكتر

هند:فاهمة وعارفة كل حاجة بس صدقنى من مصلحتى ومصلحتك ومصلحة مهند ان ميحصلش كدا واننا نفضل زى ما احنا

ادم:ليه يا هند ليه

هند*والدموع فى عنيها*:ارجوك يا ادم خلاص

ادم:انا فهمت يا هند انتى عايزة تندمينى انى مخترتكيش من الاول والله يا هند انا ندمان بس حرام عمرنا بيضيع وانا وانتى عايزين بعض ومنبقاش لبعض

هند:ده قدرنا يا ادم زى ما قدرنا ان اسمينا تتكتب على الدبل وانا ملبستهاش ومبقتش مراتك قدرنا برده اننا نعيش سوى وبرده مكنش مراتك

*ادم يبوصلها ويسكت ومش عارف يقول ايه وبعد كدا تروح هند وتمسك ايد مهند وتمشى عشان يروحوه وتقف تستناه عند العربية وادم ياخدها ويروحوه وطول ما هى فى العربية بتعيط ولحد ما تدخل اوضتها هى ومهند*

مهند:متعيطيش يا ماما معلش*ويقرب منها ويبوسها*

هند*تبتسم*:ربنا يخليك ليا يا حبيب ماما *وتاخده فى حضنها وتنام*

*وتنام هند ودمعتها على خدها زى كل مرة ولتانى مرة حلمها يضيع منها بس المرة دى جالها لحد عندها بس هى ال قالت لا وحست انه جه متأخر اوى يمكن كانت بتعاقبه برفضها ليه او خافت انها تبقى خيانة بس اكتر شئ هند كانت بتفكر فيه انها تعاقب ادم على العمله فيها من الاول وان هو جرحها اوى يوم ماقلها انا عايز اتجوز صاحبتك واكتر شئ مخوفها برده ان رنا لما تعرف تاخد مهند وتبعد رغم ان رنا مش بتحب ادم بس هى عرفاها ال بييجى عليها ممكن تاكله وميهمهاش اى حاجة
اهم حاجة ان محدش ييجى عليها وياخد منها حاجة كانت معاها*

 

الحلقة 10والآخيرة

انا والحب وصديقتى

*تانى يوم تصحى هند وتعمل الفطار ومهند كان رايح المدرسة وصحى ادم بعديه وكان لبس ونزل قبل حتى ما يفطر وهند مكلمتهوش على حاجة حست انها احسن ليهم انهم يسكتوا وراح مهند المدرسة وبعد ساعات رجع وقعدوا واتغدوا وكالعادة رجع ادم بليل *

ادم:ازيكم

هند:تمام

مهند:انا كويس الحمد لله يا بابا

هند:اعملك تاكل

ادم:لا شكرا كلت فى الشركة

هند:انت هتفضل زعلان كدا كتير ادم انت لو عايزنى امشى همشى

ادم:انتى اتجننتى لا طبعا عمرى ما همشيكى ولا اتمنى انك تمشى انتى اصلا هتفضلى عايشة معانا برضاكى او غصبن عنك

هند*ابتسمت*:ماشى ,يبقى تاكل عشان خاطرى

مهند:كل يابابا عشان تكبر

ادم*ضحك*:ماشى يا حبيب بابا ,ماشى يا هند عشان خاطرك هاكل رغم انى مليش نفس

هند:معقول انا لسه ليا خاطر عندك

ادم:هند مهما يحصل وتمر سنين ولآخر يوم فى عمرى هتفضلى غاليه عندى وهفضل احبك واتمناكى فى يوم من الايام حتى لو بقينا اجداد وعندنا احفاد هفضل اطلب منك نفس الطلب وهتشوفى

هند*ضحكت*:ربنا يخليك ليا

*ودخلت تحضر العشاء واتعشوا سوى وبعد كدا قاعده على يتفرجوه على افلام على التى فى *

مهند:بابا هى ماما ليه مش بتنام جمبك

ادم:ايه؟

هند:ايه ال انت بتقوله ده يا مهند

مهند:اصل انا شوفت فى الفيلم ان ولد مامته وباباه نايمين جمب بعض وهو فى النص فأحنا ليه بقى مش بنام سوى

هند:عشان عشان

مهند:عشان ايه يا ماما

هند:متفرجش على الافلام دى ابقى اتفرج على الكارتون

مهند:ما فى الكارتون برده بيبقى مامت وبابات الولد ال فى الكاتون نايمين مع بعض والولد نايم فى النص

هند:يوووووووووه

ادم*ضحك*:ايه هتقوليلوه متتفرجش على الكارتون كمان’,عموما انا داخل انام تصبحوا على خير فاهميه انتى بقى

*ودخل ادم الاوضة عشان ينام وشوية وفتح مهند الباب وماسك ايد هند*

مهند:تعالى يا ماما بس

هند:اجى فين بطل يا مهند بقى

مهند:بابا انا وماما هنام معاك وكمان السرير كبير انت هتنام عليه لوحدك

ادم*ضحك*:يا حبيبى انا عامله كبير عشان ننام كلنا سوى

هند:ياسلام

ادم:ايون اكدب يعنى

هند: طب نام انت يا مهند وانا هدخل انام فى اوضتك مع اللعب بتاعتك لوحدى

مهند:لا اللعب زمانها نامت مع بابها ومامتها وانتى كمان يا ماما تعالى نامى جمبنا ونبى ونبى ونبى

هند:مش هينفع يا حبيب ماما

مهند:عشان خاطرى يا ماما

هند:اووووووف ماشى يا مهند ماشى

*ونامت هند ,’,’,’وهى وادم كانوا نايمبن على الحرف ومهند فى النص وشوية ومهند مسك ايد مامته وايد باباه وخلهم يمسكوه ايد بعض ونام*

مهند:ايون كدا زى ما كان فى الفيلم بظبط

*وبصت هند لآدم وهما كانوا ماسكين ايد بعض وكانوا سايبين نظرتهم تكلم وشوية وغلبهم النوم وناموا والصبح صحى مهند عشان كان عايز يشرب وقام ودخل المطبخ والوقت ال هو فى المطبخ تيجى رنا من الشغل وتفتح الباب وتبص متلقيش حد وتدخل اوضة النوم عشان تحط الشنطة واول ما تفتح الباب تلقى ادم وهند نايمين جمب بعض تتصدم من المنظر وتاخد الشنطة وتجرى بسرعة وتقفل الباب وراها وميشوفهاش مهند وبعد ما يشرب يرجع ينام فى وسط هند وادم تانى رنا تتجنن من الشافته ده*

رنا*لنفسها*اة يا خاينة يا هند وانا اقول انتى قاعدة ليه العمر ده كله من غير جواز وهو كمان ولا بيسأل عنى ولا بيعبرنى عشان خاطر سياتك يا هند يا خطافة الرجالة عمرى ما كنت اتخيل ان ده يحصل ومن اعز اصدقائى انا هعرفك بقى مين رنا ال انتى تخونيها والله لاندمك*:ماشى ياهند

*وتفضل رنا تلف بالعربية ,’وشوية وهند تصحى من النوم وتبوس مهند وقبل ما تخرج تبص على مهند وادم وهم نايمبن وتبتسم وتخرج من الاوضة وتدخل المطبخ عشان تحضر الفطار وتيجى رنا من برة وتشوف ان هند فى المطبخ تدخل وتكلمها*

رنا:هاى هند

هند:رنا ينفع ال انتى عملتيه ده تضربى الولد العنف غلط فى معاملة الاطفال يا رنا
بس اقولك ايه ما انتى مش ام

رنا:ضحكتينى انا ال مش ام ده على اساس انك انتى ام اوى فوقى انا الحملت فيه وتعبت لما ولدته وقعدت شهرتعبانة على السرير ولا نسيتى هند انتى مش اكتر من خادمة جاية تربى الولد مش اكتر

هند:ايه يارنا الكلام ال بتقوليه ده ايه ده انتى ازاى تقولى كده؟

رنا:عشان شكلك نسيتى نفسك وافتكرتى نفسك صاحبتى وانتيمتى لعلمك انا عرفاكى شفقة يعنى مش اكتر بنت غلبانة واتصحبت عليها عشان تعملى المشواير ولما اطلب منها حاجة تعملها

هند:انتى قليلة الادب

رنا:وانتى خاينة ومجرد خدامة اطلعى برة بيتى يا هند برة

هند:بيتك انا الجايبة كل حاجة هنا

رنا:من بكرة هغير كل حاجة هنا ولا اقولك هنروح نعيش فى فيلا بدل الشقة الحقيرة ال انتى عملها بذوقك دى

هند*بنرفزة*: فى ايه يارنا ايه الحصل

رنا:ال حصل انى مش عايزة اشوفك وخلى عندك دم واطلعى برة برةةةةةةةةةةة

هند:انا طالعة يارنا ومش هتشوفى وشى تانى

رنا:يبقى احسن

*ودخلت هند وجابت هدومها ولبست وقبل ما تمشى*

هند*بتعيط*:طب اشوف الولد اخر مرة

رنا:لا مش هتشوفى ضوفره طول ما انا عايشة

*و يصحى مهند ويخرج من الاوضة ويكون ادم لسه نايم*

مهند*يجرى على هند*:ماما ماما انتى راحة فين

هند:مهند حبيبى *وبتفتح درعها عشان تاخده فى حضنها*

*بس رنا تمسكه*

رنا:امشى يا هند امشى

*هند تبص اخر بصة لمهند وتعيط وتجرى وتقفل الباب*

مهند*بيعيط*:ماما ماما انا عايز ماما انتى وحشة يا رنا وحشة انا بكرهك بكرهك

*ويصحى ادم طبعا على صويت مهند*

ادم:ايه فى ايه ؟رنا؟ انتى ايه الجابك

رنا:ادخل جوه يا مهند

مهند:لا انا عايز ماما *ويجرى على ادم * بابا هاتلى ماما انا عايز ماما

ادم:ما هى موجودة يا حبيبى*وينده عليها* هند ياهند

رنا:متندهش عليها مشيت

ادم*مصدوم*:ايه مشيت يعنى ايه مشيت مين ال مشاها

رنا:انا

ادم:انتى وانتى تمشيها ليه اصلا

رنا:ده بيتى

ادم*يضحك بسخرية *:بيتك؟ده بيت هند

* ويدخل على الاوضة عشان يغير هدومه عشان يروح لهند ورنا تدخل وراه*

رنا:انت بتعمل ايه وايه بيت هند ده ده بيتى

ادم:بيتك بأمارة ايه انك سايباه بلسنين متعرفيش عنه حاجة ده انتى متعرفيش شكل الاوض اصلا انتى تخرسى خالص

رنا:لا مش هخرس *وتقرب من ادم*:ادم حبيبى تعالا ننسى كل الفات كله ونبدأ من جديد وانا اوعدك اوعدك انى مش هشتغل وهعيش طول عمرى معاك انت ومهند ابننا وبس

ادم:ياااااااااااااااااااااااه انتى لسه فاكرة مهند ابننا ,انتى مستحيل تكونى ام فى ام تعامل ابنها كدا وجاية بعد 6سنين تقولى هعيش معاك انت ومهند عارفة نفرض مثلا رغم ان ده مستحيل انى تقبلت ال انتى بتقوليه مهند عمره ما هينسى هند مهند عارف ومتأكد ان هند هى ال امه

رنا:كدب كدب انا امه انا امه وشهادة الميلاد تشهد على كدا

ادم:الامومة مش بشهادة الميلاد يا هانم الامومة بالرعاية والاهتمام والتربية حب الطفل لامه و انتى خسارة فيكى الكلام اصلا انا بتكلم معاكى ليه

رنا:انت لدرجة دى كرهنى انت عايز ايه من هند ما انت خدت منها ال انت عايزه مصمم ترجعلها ليه

ادم:خدت منها ال انا عايزه؟

رنا:انا جيت الصبح ودخلت الاوضة وشوفتكوه وانتم نايمين جمب بعض هند خاينة يا ادم افهم بقى

ادم*ضحك بسخرية*:هند خاينة ؟انتى بجد طلعتى مبتفهميش يا هانم هند عاشت معايا السنين دى كلها وهى محافظة على شرفها وصايناه وكانت كل يوم بتكبر فى نظرى اكتر واكتر واتأكدت ان اختيارى ليكى كان غلط انا اتقدمت لهند امبارح ورفضت عارفة رفضت ليه عشان متبقاش خاينة هند مش خاينة يارنا انتى الخاينة

رنا:انت اكيد بتكدب اكيد

ادم:والله تصدقى متصدقيش انتى حرة بس انا مش هقولك غير حاجة واحدة انتى طالق بالتلاتة

*ويسيبها ويخرج وقبل ما يخرج من الباب*

رنا:طلقتنى يا ادم والله ما هتشوف ابنك تانى ’بينى وبينك المحكمة

ادم:مستحيل المحكمة تحكملك عشان انتى مش امه ولا عمرك هتبقى امه هند هى ال امه وابننا انا وهند هيرجع لينا ولحضننا

*ويمشى ادم ويروح شقة مامت هند ويفضل يخبط وهند تقوم وتفتحلوه*

هند*بتعيط*:ادم

ادم*يخدها فى حضنه*:اهدى يا هند انا عرفت هى ليه عملت كدا

هند:ليه

ادم:شافتنا واحنا نايمين الصبح جمب بعض وفهمت غلط

هند:معقولة فى واحدة بالشر ده

ادم:انا طلقتها وهنتجوز انا وانتى يا هند ومش هترفضى انا غلطت يوم ما فكرت ان اتجوزها انا اتجوزتها عشان خاطر اهلى كنت خايف لو اخترتك يرفضه ويبعدونى عنك بالقوه عشان كدا ملقتش قدامى غير صاحبتك قولت اتجوزها وانا عارف انك انتيمتها وعمرك ما هتسبيها ابدا وهتفضلى ديما جمبى ومعايا حتى لو مش ملكى وهستنى السنين لحد ما تبقى ملكى وادينى اهو استنيت وفعلا جه اليوم ال لزما نكون فيه لبعض تتجوزينى يا هند

هند:موافقة يا ادم

*وتعيط هند وادم يا خدها فى حضنه *

هند:مهند يا ادم رنا قالت مش هتوريهولى تانى

ادم:متقلقيش مهند هيرجع وهيعيش معانا ومع اخواته ال هجبهم منك وهيكبر وسطينا وهنشوفه وهو عريس وهيتجوز ونشوف ولاده ونفرح بيهم كمان

*وشوية ويسمعه الجرس ووخبط على الباب ويفتح ادم وتطلع رنا*

ادم:انتى ايه ال جابك هنا

رنا:ادم انت بعد ما مشيت دخلت اشوف مهند فى اوضته ملقتهوش دورت عليه فى الشقة كلها مش لقيته

هند*تسمع كدا تجرى*:انتى بتقولى ايه انتى اكيد عملتى فى الولد حاجة

رنا:لا والله يعنى هعمل فى ايه

هند*بتعيط*:انتى معندكيش قلب وممكن تكونى عملتيلوه حاجة

ادم*ياخد هند فى حضنه ورنا تبص وتشوف قد ايه ادم بيحب هند عشان عمره ما عمل كدا مع رنا*:اهدى يا حبيبتى ان شاء الله هنلقيه حتى لو دفعت كل الفلوس المعايا

هند:ابنى لو حصله حاجة انا هقتلك يا رنا هقتلك

*وخرجوه التلاتة ويبلغه فى اقسام البوليس ويفضله يدوره على الولد وبعد كدا يروحوه ويفضلوا قاعدين سوى فى شقة هند وهند مش قادرة تبطل عياط*

رنا:انا اسفة انا غلطت فى حقك رغم انك عملتيلى حاجات كتير ويكفى انك ربيتى ابنى ومخونتنيش رغم انك بتحبى ادم انا بجد مستهلش اى حاجة صدقينى لو بعد الشر الولد جراله حاجة انا الهموت نفسى مش انتى ,انا بعد لما شوفت خوفك عليه حسيت انك انتى فعلا امه واعترف بكده انتى امه يا هند مش انا

هند*تفضل تعيط وتفتح درعها ورنا تحضنها*:وانتى هتفضلى صاحبتى مهما حصل

ادم:انا اسف يارنا انتى كمان انا عذبتك معايا خصوصا انى اتجوزتك من غير ما احبك

رنا:عادى يا ادم ولا يهمك انا كمان قولت انك غنى وكل ال همينى المظهر والفلوس ونسيت الحب خالص عشان كدا عمرى ما حبيت البيت او حتى الطفل ال جبته منك انا اسفة

*وسكتوا التلاتة وشوية وسمعوا جرس الباب جريوه التلاتة وهند فتحت الباب ولقت الظابط جايب معاه الولد*

مهند*جرى على هند*:ماما ماما

هند*حضنته اوى*:حبيب ماما

مهند:انتى كنتى فين يا ماما متمشيش وتسيبينى

هند:عمرى ما هسيبك تانى ابدا يا حبيب قلب ماما

*ويفرحوه برجوعه ومهند يفضل فى الاول ميحبش رنا بس شوية بشوية تبدأ معاملتها تبقى حلوه معاه ومهند يبدأ ينسى ويحبها بس برده هو يفضل عارف ان هند هى مامته ,’,’وادم يعمل فرح لى هو وهند ويوم الفرح يقدملها الشبكة*

هند:الشبكة دى ال اخترتها يوم شبكتك صح

ادم*ضحك*:صح عشان عرفت انها عجباكى جبتها وفضلت محتفظ بيها وكان عندى امل انى البسهالك فى يوم من الايام واهو جه اليوم مش بقولك اننا قدرنا نكون لبعض

هند:انا بحبك اوى يا ادم اوى

ادم:وانا بحبك وبمووووووووت فيكى

*ويتجوزه ويجيب منها ولد وبنت مريم ورامى ويكبر مهند ويتجوز ويخلف وولدهم مريم ورامى يكبره ويتجوزه ويخلفوه ويشوفه احفادهم سوى ورنا تفضل صاحبتهم وعاشوه هما التلاتة سوى هى والحب وصديقتها*

تأليف:فاطمة هشام